أحببتك رغم أنتقامك الفصل الرابع عشر 14 بقلم منة محمد
 |
| أحببتك رغم أنتقامك الفصل الرابع عشر 14 بقلم منة محمد |
أحببتك رغم أنتقامك الفصل الرابع عشر 14 بقلم منة محمد
......منه محمد........
في البار شرب كتير فوق الطبيعي وكل شويه عيونه تحود علي الموبيل متردد هل يفتحه يطمن وصلت لفين طيب جايه ولا لأ ..لالا مش هيسالها
دخلوا اتنين اجسامهم ضخمه كأنهم ابطال مصارعه حره قعدوا جنبه كريم شرب لحد ما اكتفا وبص في ساعته عدت عن الربع ساعه دفع الحساب وقام يترنح غصب عنه وقع وخبط في واحد من الاتنين
الشخص: ليه خبط فينا كدا يا اخينا
كريم بصله وابتسم بستهترار وكمل خروج
الشخص اتغاظ: ده ولا عبرنا
الشخص الي معاه: تعال ورايا وخرج ومسك كريم من ضهره وزقه بعنف) انت ازاي تمشي كدا بعد ما تخبط فينا بدون ما تعتذر
كريم ضحك اكتر
الشخص: وبتضحك كمان ده انت ليله امك سوده وهجموا الاتنين علي كريم وبدؤا بالضرب بس الي استغربه منه ان كريم عمال يضحك ومستسلم لضربهم
الشخص وقف: لا انت مجنون بنضرب فيك ولسه بتضحك
الشخص التاني: يله نمشي لانه بدء بضحكته يعصبني
الشخص الاول: يله مش مستاهل نضايق نفسنا عشانه
كريم نده عليهم: تعال اضربني ليه بطلت
الشخص بستغراب: عايز تضرب بجد ولسه هيضربوه بقسوه اشد
حارس الجراج شافهم بسرعه قرب منهم وصفر فجريوا بسرعه
في نفس الوقت عاليا نزلت من التاكسي وقربت من المكان وشافته مرمي في الشارع صرخت: كريم كريم (ونخت علي الارض
الحارس: انتي تعرفيه؟
عاليا بخوف: ايوه بس ايه الي حصله مين الي عمل فيه كدا؟؟!!
الحارس: تحبي نتصل بالبوليس يمسكهم
كريم الي فاق ورفع شعره من ع عنيه: لا مش محتاجله
عاليا مسكت وشه تشوفه زقها وقام يعرج
عاليا: كريم انت رايح فين؟؟!!
كريم مكمل طريقه ومش بيرد عليها
عاليا رجعت للحارس: شكرا ياعم متتصلش خلاص بالبوليس انا حتعامل معاه
الحارس: تحت امرك
عاليا جريت وراه كريم الي ماشي بيتحرك بألم ومطنشها
عاليا بصوت ناعم مبحوح: كريم اقف بقي
كريم بعصبيه: ابعدي ومتدخليش ماشي
عاليا: ازاي مدخلش اظن انت الي طلبت مني اجيلك ولوحدي وانا حقي امنعك تهرب مني
كريم: انا مش بهرب بس مش عايز اضايق ولف يمشي
عاليا شدته من ضهره
كريم بغضب: سيبيي
عاليا: لا مالك ايه الي جرالك ليه بقيت كدا
كريم صرخ: سبيني
عاليا: مش هسيبك لحد ما نتكلم الاول وبكل قوتها زقته وقع عالارض وعدل نفسه بسرعه !
عاليا قربت وقعدت جنبه وربعت: انا اسفه
كريم: غوري من قدامي مش عايز اشوفك
عاليا: طيب يله نرجع البيت ابوك قلقان عليك
كريم: انا لاعندي بيت اروحله ولا عندي اب يقلق
عاليا شخطت فيه: كررريم
كريم: انا ابن كلب مجرم وانتي عاليا ابو اليسر اما انا ماليش حد وطبعا شمتانه فيا وبينك وبين نفسك بتقولي هو يستحق ده
عاليا: عمري ما فكرت كدا انا
كريم قطعها: انا متعاطفه معاك مشفقه عليك مش كدا
عاليا: برضو لا ياكريم ويله نرجع البيت وافهمك مشاعري
كريم: تفهميني انا مش بفهم غير الي عايز افهمه
عاليا: انت مش فايق لحد انت شارب
كريم بصلها بقرفه: بجد بتهتمي انا شخص ملعون قذر حزين يائس حاسس بالذنب مش قادر ابص في وش ابويا ،،الاول مهما اختلفنا برجع ابص في عيونه وهو بيستحملني وفضل يحبني لاني ابنه لحد ما جيتي انتي ومبقاش طايقني
عاليا مسدت علي كتفه بحنان:صدقني كل حاجه هترجع زي ما كانت بس انت افهم وفوق بابا بيحبك مهما عملت وقلت صدقني مفيش حاجه اتغيرت
كريم حدف ايدها :انا مش مصدقك بابا سامحني لاني مريض لكن في قلبه اكيد مش طايقني
عاليا نفخت: لا مش كدا والله
كريم نزلت دمعه منه: خصوصا الي بيني وبينك مفيش حاجه هترجع نفس الاول
بصلها وقام يمشي
عاليا قامت وراه: كريم استني
كريم: امشي يا عاليا امشي لاني مش عايز اشوفك
عاليا: وانا مش همشي لـ اي مكان رد عليا الاول ايه الي بيني وبينك لو علي الاهانه انا نسيتها ومسحتها وسامحتك ومستحيل تتغير علاقتنا
كريم: انا مقولتش كدا
عاليا :طب قول وريحني وارتاح
كريم مسح دموعه :لا مش هقول
عاليا: لا هتقول ولازم تقول لو فيه حاجه حاسسها قولها
كريم سكت
عاليا :مش من حقك تكتمه جواك ويفضل سر قوله ياكريم قوله واخلص
كريم: كدا طب اسمعي لما عرفت انك بنت نبيله حاسيت اني عايز اقتلك ولما عرفت انك عشيقه ابويا او مراته او حتي في بينك وبينه اي علاقه اتمنيت في كل ثانيه متكونش دي الحقيقه ،،وانا بين الحياه والموت كنت كل يوم بدعي واقول يارب انام ما اقوم من الي انا فيه واضطر اواجهه الحقيقه ..كنت بتمني الموت ولاني اعيش في جحيم انك مراته لان لا يمكن هقدر اتحمل قبولها عارفه ليه لاني بحبك وفي النهايه اتحققت امنيتي بس خسرت ابويا وخسرت نفسي
عاليا فرحانه مخضوضه سعيده بعترافه مسكت ايده: بص بلاش تضايق نفسك بعد النهارده رجاء وارجع معايا
كريم برفض مميت: لا مش هقدر ابص في وش ابويا ولا وشك ده هيخليني اكرهه نفسي اكتر فعشان كدا ابوس ايدك سبيني في حالي من فضلك
وفك ايدها الي متبته علي ايده ومشي
عاليا جريت وراه وخطفته من ضهره: مش هسيبك
كريم: انا مش طايق اكون معاك
عاليا: برضو هفضل معاك
كريم مسك ايدها يحضنها بقوه ولفلها وميل عليها كأنه هيبوسها بس هو داخ واغمي عليه وووقع عليها
عاليا جمدت من الخضه: كريم كريم مالك اخدته مددته علي كرسي طويل في جنينه وحطت دماغه فوق رجليها ومسحت علي شعره بعطف وافتكرت اعترافه الي فرحانه بيه
=عارفه ليه لاني بحبك وفي النهايه اتحققت امنيتي
عاليا كشرت فيه: مش بعيد تكون قلت كدا لانك سكران سيكا ويمكن لما تفوق تنسي كل حاجه
بس انا حفكرك بكل الي قولته ومستحيل اسيبك تروح اي مكان بعد اعترافك وميلت باست جبينه قطع البوسه نغمه موبيلها الي صدع المكان
بكل حنان حطت دماغه علي الكرسي وبعدت عشان متزعجهوش: فيه ايه ياندي
ندي: عاليا انتي فين ليه مش بتردي لقيتي كريم؟؟!!
عاليا بتردد: كريم
ندي: ايوه مالك انتي سمعاني
كريم الي كان فايق وراح وقف وراها
عاليا: كريم( وبتلف تشوفه لقته واقف وراها زي عمود النور خطف منها الموبيل واغلقه: لو قلتي لحد اني معاكي ههرب منك تاني
عاليا بنص عين : بتعشق الهروب مش كدا
كريم: تحبي تشوفي اظن انتي عارفه انا اقدر اعمل اي حاجه هربت من ابويا قبل كدا سنه ورجعت هربت تاني وسافرت تركيا يعني عادي متعود
عاليا بصتله بفخر: بس انا تتبعتك ولقيتك والمره دي نفس الشئ
كريم: والله هزلت حضرتك واقفه تتمسخري عليا انا ندمان اني اتولدت واضطريت اقابل ناس انا مش عايز اشوف خلقتهم
عاليا حطت ايدها وري ضهرها وبدلع: انت واثق انك مش عايز تشوف خلقتي
كريم بصلها وبلع ريقه: ايوه
عاليا: بس انا عايز اشوف خلقتك واتمعن في شكلك العكر بغض النظر عن المكان الي حتهرب مني فيه وبرجاء كريم بلاش تهرب مني تاني من فضلك
كريم مدلها الموبيل بأمر: بلغي صاحبتك انك مشوفتنيش
عاليا: لو عملت كدا ده هيخليك متهربش مني تاني
كريم هز دماغه بـ نعم
عاليا خلصت المكالمه وكريم بدء يتحرك وعاليا شدته من ضهر التي شيرت مرعوبه يهرب منها وكمان من تعبه: استني لازم نروح لدكتور الاول
كريم بدون مايبصلها: آلم ذي ده مش حيموتني
عاليا: بس
كريم لفلها وبصلها بغضب
عاليا: خلاص انت حر الامر ليك يا شبح المهم انت رايح فين؟؟!!
كريم اتحرك وعاليا لسه مسكاه من ضهره لحد ما وصل بيها لبيت من التراث القديم شكله كأنه مهجور من فتره طويله
عاليا: بيت مين ده
كريم :بيت امي بس ممكن تسبيني دلوقت
عاليا :مش هتهرب وتجري صح
كريم :لسه عند وعدي لو مبلغتيش حد
عاليا سابته بس لسه قلقانه وكريم اتحرك رجعت مسكته تاني ولا حد قافش في حرامي لف وبصلها بيأس فتح الباب ودخل ودخلت وراه ولسه برضو ماسكه فيه
.............منه محمد.......
ندي قربت منه وسألته: ها ايه الي حصل لقيته؟؟!!
حسن داخل بينهج: لا تعالي نروح مكان تاني احتمال يبقي موجود فيه
ندي: ايه نروح ده انا رجلي ادغدغت وورمت ومبقاش فيا حيل اروح ايوتها مكان اخر وأأعدت علي اقرب كرسي
حسن: ايه خلصتي طاقتك طلعتي مش قويه
ندي: اه مش قويه ارتاحت لاني يا حضره جعانه احنا بقالنا اربع ساعات بنلف علي المحروس كريم لو انت قادر تتحمل روح اجري دور عليه
حسن: لا حعمل زيك واخد راحه
وقعد جنبها) اتمني حد يكون لقي كريم
ندي اتنهدت: اه انا زيك اتمني يلقوه ولا سنضطر نلف عليه طول الليل وانا جعانه
حسن بستياء: انتي ع طول جعانه
ندي: اعمل ايه بحتاج الاكل لما بكون بفكر
حسن: عارفه كل حاجه ممكن تكون سهله وبسيطه الا اننا نعثر علي كريم
ندي بتاكل بشراسه: فعلا عيل خنيق
حسن: براحه انتي اكلتي اكلي
ندي: خد اشرب ميه هتشبع
حسن: شكرا يا ختي وبعدين كلي براحه كدا دبانه تخش تقتحم بؤك
ندي بتتثاوب
حسن: تقدري تروحي لوحدك
ندي: عادي
حسن: قلت لك ممكن اوصلك لحد البيت
ندي: مقدرش اولا ابويا ينفخني ثانيا مبقاش مَديونه ليك بأي جميل ثالثا انا وانت مش قريبين من بعض اوي كدا رابعا وده الاهم مش هخليك تعرف موقع بيتي ابدا
حسن بتكشيره: حوش حموت واعرف بيتك
ندي: جميل وبيتي مش مرحب بيك ياحسن يله انا ماشيه ولو لقيت الغندور كريم بلغني لاني مش هبطل ادور عليه
حسن حط موبيله قدامها
ندي: ايه
حسن: هتصل بيكي يله سيفي رقمك هنا
ندي: ليه
حسن :امال ازاي يا ناصحه هبلغك بمكانه عبر الاقمار!!!
ندي بتفكر
حسن : مفيش داعي للتفكير انا مش هتصل اعاكسك بصراحه مش نوعي المفضل انا فتاه احلامي عاوزها طويله بيضه مغريه وكل ده عكسك تماما
ندي ضربته بالقلم: حتي لو عاكستني مش هعبرك لانك مش نوعي المفضل انا عايزاه طويل اسمر وسيم شيك وده عكسك تماما
حسن: طب اكتبي الرقم واخلصي
ندي شدته منه وكتبته: خد انا ماشيه
حسن ركع عالارض: الحمد لله يارب اني مش فارس احلامها
ندي ضربته بالشنطه
حسن ضحك : متوحشه بس بموت فيها وفي جنانها!!!!
........منه محمد.........
كريم بملل: ممكن تسبيني محتاج اتحرك
عاليا سابته علي مضض وبصت للبيت بتمعن
عاليا: بس البيت نضيف يظهر ان حد بيهتم بيه بنتظام
كريم: ايوه انا كل اسبوع ببعت حد ينضفه بس انتي بتسألي كتير وانا بصدع يله ارجعي بقي
عاليا :شوفت منظرك
كريم: مالكيش دعوه انا قادر اهتم بنفسي وعايز اكون لوحدي
عاليا هزت دماغها بطاعه:تمام
كريم: عاليا اياكي تنسي وعدنا انتي ممنوعه تقولي لـ اي حد باني هنا
عاليا كشرت: فهمت
كريم :يله امشي
عاليا لفت تمشي رغم انها رافضه تمشي
كريم: استني
لفتله قالها بكل حنان: خالي بالك علي نفسك
عاليا بأجمل ابتسامه: حاضر وخرجت وعيونه متبعاها بجنون لحد ما اختفت من قدامه
.........منه محمد......
دخلت البيت وراحت مكتب عاصم
عاصم بصلها: عاليا جيتي
عاليا: ايوه يا بابا
عاصم: شكلك تعبانه ليه
عاليا: لا خالص مش تعبانه
عاصم بشفقه: معلش رميت الحمل كله عليكي روحي ارتاحي وبكره اصحي براحتك وبخصوص كريم سيب لي الموضوع انا واحمد
عاليا بتردد: بابا انا لقيت كريم
عاصم بلهفه: فين
عاليا: لا مش حقدر اقولك
عاصم :خلاص حروح ادور بنفسي عليه
عاليا برجاء: بابا من فضلك بلاش سيبله فرصه ارجوك
عاصم: بس انا فعلا قلقان لانه لسه تعبان
عاليا: بس لو روحتله هيهرب تاني انا طالبه منك وقت بسيط لحد ما يتمالك نفسه وصحته
عاصم بدموع: خايف يابنتي كريم يهرب من حياتي انا عارفه عنيد وبعدين مقدرش اسيب الامر متعلق كدا
عاليا مسكت ايده: بابا حبيبي انا فهماك بس انت كمان افهم كريم عمري ما شوفت كريم ندمان مكسور حزين كدا ولو كنت قلقان عليه انا معاه اطمن ههتم بيه بنفسي ولما احس انه جاهز حبلغك علي طول ارجوك
عاصم اتنهد: حاضر هستنا حاضر
عاليا: وهيعرف ويفهم انه اكتر شخص بتحبه انا طالعه اوضتي محتاج مني حاجه
عاصم: سلامتك يابنتي
.......منه محمد.......
في غرفه عاليا بعد ما دخلتها واسترخت من التعب مسكت موبيلها واتصلت
عاليا: ندوش عملتي ايه طول اليوم؟؟ّ!
ندي: لحظه قبل ما ارد علي سؤالك مفيش حاجه مخبيها عني
عاليا: لا مفيش حاجه
ندي: عاليا
عاليا بهروب: ندي مفيش بجد يله سلام محتاجه انام وقفلت
ندي بينها وبين نفسها: وعليا النعمه مخبيه حاجات صاحبتي وعرفاها
........منه محمد........
تاني يوم الصبح بدري صحت بكل نشاط وحيويه ودخلت غرفته اخدت شنطه صغيره وحطت فيهم كام غيار من الي باقين وشدت فوطه وبشكير ونزلت راحت المطبخ تجهزله كام صنف ملوكي!!
سعاد دخلت تجهز الفطار: عاليا صاحيه بدري وواخده الاكل ده كله لمين؟؟!!
عاليا: لي اكله في المكتب ولبابا وليك
سعاد ضحكت: الله بيوتفل انتي واكلك وكمان جمبري ايوه بقي
عاليا: يله انا ماشيه وكلي ها
سعاد: خدي راحتك يا لطيفه
...........منه محمد.......
في بيت كريم نايم متألم وده ظاهر علي ملامح وشه لسه بيفتح قام مفزوع من الشخص الي قاعد قدامه مبحلق فيه...!!!
عاليا: قمت متأخر
كريم: انت هنا ليه؟؟؟!!!
عاليا: جيت اهتم بيك وعملتلك اكل انما ايه اصلك يا مسكين تلاجاتك فاضيه وصعبت عليا قلت حتتضرع من الجوع لحد ما تفطس وتموت
كريم بضيقه: ده انتي نكشتي التلاجه بقي
عاليا:اه وجبتلك علبه اسعافات وكيس دواء وشامبو في الحمام
كريم: فضوليه
عاليا طنشته:يله تعال افطر
كريم: لا محتاج اخد شور الاول
عاليا: لا هتتعب استني عندك
راحت جابت كروانه فيها ميه دافيه وفوطه
كريم بتعجب: هتعملي ايه
عاليا: ابدا اخلع التي شيرت وانا حمسحلك جسمك بالفوطه الدافيه
كريم برفض: لا طبعا
عاليا: تعال هنا خليني امسحلك جسمك الي كله تشوهات ده
كريم: فين حيائك فين ازاي تطلبي مني الطلب ده
عاليا ببراءه :يعني عايزني اشوف حالتك ولا ايدك المكسوره واسيبك تعال امسحهولك
كريم ابتسم: قلت لا
عاليا:اخلع التي شيرت يله متبقاش عنيد
كريم ابتسم: والله بت مجنونه
عاليا ببرائه:اخلع هدومك بالذوق ياكريم
كريم بصلها بخبث بيعشق برائتها طفولتها قلبها الابيض الصافي : مصممه تمسحيلي جسمي
عاليا : اه مصممه
كريم بلؤم:موافق بس علي شرط
عاليا: ايه هو
كريم خلع التي شيرت وعمال يقرب منها وسحبها لحد ما دخلت جوه صدره: بعد ما تمسحيلي جسمي امسحلك جسمك
عاليا كل خليه فيها بتترعش لحد الصميم ووشها احمر بشده من وقاحته: ده في احلامك انا كنت همسحلك جسمك لانك تعبان بس طالما انت وقح غيرت راي
كريم: ليه كدا مش يمكن لما ارد لك الجميل تبطلي تكرهيني واقدر اخليكي تحبيني
عاليا زقته وقامت ضربته بخياره
كريم اخد الخياره ياكلها: شكلك عايزه تموتي
عاليا كشرت: وانا بطلع في الروح حفضل اكرهك لحد نهايه العالم
كريم: بصي تعالي نعمل اتفاق احنا ناخد هدنه ونبدء نتخانق من بكره
عاليا: ليه بكره
كريم: كدا يمكن النهارده اخليكي تحبيني
عاليا: لا انا حفضل مصممه اني هفضل اكرهك لـ اخر يوم في حياتي
كريم: وانا سعيد للي بسمعه
عاليا: انت انت ولفت اخدت علبه مناديل ضربته بيها
كريم اتفادها بمهاراه: طالما ضربيتني جامد كدا تبقي بتحبيني وبجنون
عاليا بتزقه جامد: انت ادخل الحمام قبل ما تموت
كريم: مابراحه انتي لسه دبش
عاليا: وانت لسه مغرور ومتعجرف واياك ايدك تتبل
كريم لفلها ورفع السبابه كتحذير وهي هزت رأسها بمعني خلاص
.......منه محمد.......
بعد ما دخل الحمام واخد الشور حب يلعب معاها بستمتاع
كريم : عاليا عاليا
عاليا: نعم عايز ايه
كريم: معلش ممكن تناوليني الفوطه
عاليا فتحت عيونها: البس البشكير وتعال خدها
كريم بخبث: لا البشكير هيتوسخ جسمي كله صابون
عاليا: دي مشكلتك وبطل تستغل عطفي عليك عشان بقيت كويسه معاك
كريم: امري لله شكلي هجبها بنفسي عريان
عاليا صوتت: استني مش ممكن
كريم: اعمل ايه طيب انتي مش عايزه تجبهالي خلاص اطلع اخدها بنفسي
عاليا بقهر: استني امري لله هجبهالك بنفسي ياربي بلوه نزلت عليا من السما
كريم: طيب بس شهلي شويه سقعان
عاليا من بعيد ومغمضه عيونها: خد
كريم مثل انه مش طايل: ما تقربي شويه
عاليا قربت تكه واحده بربكه ووشها محمر جدا وعضت علي شفايفها بخجل
كريم بخبث: قربي يابنتي مش طايل ومثل انه هيطلع بجسمه كله
عاليا شهقت: خد في وشك وحدفتها عليه وطلعت تجري من قدامه وكريم ضحك من قلبه
.............منه محمد.......
بعد ما اخد الشور الي غير موده كتير لكن ليه اثنائه افتكر امه وحس نار بتغلي جوه صدره حاول يهدي نفسه تحت الميه خلص شور
وخرج من الحمام بينشف شعره لقاها قاعده منتظراه قامت قربت منه: تسمحلي
واخدت منه الفوطه) اجففهولك من البرد
كريم لفلها وهي ركعت علي ركبها وراه وبكل حنان وعطف بدئت تجففله شعره وهو حس بالدفئ الي فقده برحيل امه!!!!!
كريم بهدوء: عايزه ايه مني احسان في معاملتي معاكي ولا بتعملي كدا من باب الشفقه والعطف ولو كدا مش عايزه
عاليا: لا
كريم: امال ايه السبب جاوبي
عاليا: لاني حاسه بالذنب اني كنت السبب في الفجوه الي حصلت بينك وبين بابا عاصم وكمان لو متخانقتش معاك واستفزيتك بالشكل ده وسبت الكافيه مكنتش أتأذيت لدرجه انك تموت بس انت برضو غبي وتفكيرك كمان غبي لما صدقت اني مرات ابوك بس عارف انا لو كنت طلعت مرات ابوك كنت ربيتك وعدلت دماغك دي من اول وجديد!!!
كريم: بجد حاسه بالذنب بس لو كدا انتي مش مضطره تعملي كدا
عاليا: لا انا عايزه اعمل كدا راغبه مني اني اعمل كدا حتي لو قلتلك ده الف مره برضو مش حتصدقني عشان كدا تعال نقول انا عايزه اهتم بيك لحد ما صحتك تتحسن وبعدها هختفي من قدامك بس سيبني اكون جنبك ع الاقل دلوقت ممكن
كريم لفلها بجسمه كله ومسك ايدها تكمل مداعبه في شعره
عاليا بغيظ لتفكيره وانه لسه غبي مش فاهم انها بتعشقه لحد الثماله وقبل ما تفقد اعصابها عليه طلعت غضبها في شعره وجففته جامد: شكرا
كريم: براحه لان ايدك ناشفه جدا
عاليا شدته قدام المرايا: طيب اتفضل اقعد اسرحلك شعرك ودماغك ثبتها لقدام
كريم بمشاكسه عمال يميل دماغه
عاليا مسكتها جامد: قلت راسك قدام ياولا متزهقنيش ربنا يهديك
وكملوا قعدتهم ضحك وهزار
......منه محمد......
في المطعم
حسن: استغفر الله ده اختفي فين بس؟؟!!
خالد بهدوء: سيبه براحته يرتاح لفتره ولما يرتاح هيرجع لوحده
حسن: عارف بس يا اخي قلقان عليه خايف لكريم يأذي نفسه
نهله بعصبيه: بطل تقول امور مجنونه
حسن: ده مش اسمه جنون يا جاهله لو كنتي مكانه اكيد هتضعفي ومتقدريش تبصي في وش ابوكي ويمكن تاخدي طريق مختصر مع كل الي عملتيه
نهله: اسكت لان كلامك بيخوفني اكتر عليه لا كريم مستحيل يعمل حاجه في نفسه
خالد: ليه لا بعد الي عمله والي قاله صعب نعرف الي جوه القلوب
نهله: خالد بحذرك بطل اسلوبك ده
حسن: انت وهو متتخانقوش انا هتصل بعمي عاصم اطلب منه يساعدني ادور عليه وبعدين انت قاعد مكانك ليه
خالد الي عارف مكانه ورافض يقولهم: عاوزني اعمل ايه؟؟!!
حسن: اعمل اي حاجه يا اخي
نهله بشك: خالد انت عارف حاجه
خالد: لا
نهله اخدت شنطتها
حسن: نهله رايحه فين؟
نهله: رايحه لعمو عاصم يمكن يكون عرف مكانه
حسن: تمام اتصلي وبلغيني
نهله بصت لخالد بضيق لانه قاعد ومش مهتم ومشت
حسن: لالا مش هفضل قاعد كدا لازم اخرج ادور علي كريم
....منه محمد....
في الشركه
نهله:مساء الخير اونكل عاصم موجود
السكرتيره:فيه معاد
نهله:لا بس محتاجه اتناقش معاه في امر مهم
السكرتيره:الباشا في غرفه الاجتماعات
بس ممكن تنتظري في غرفه الضيوف علي ما اروح ابلغه
نهله بغرور:لا هروحله بنفسي مفيش داعي!
السكرتيره بصتلها بضيق..!
ولما قربت وقفت تتسمع علي كل كلمه
عاصم الي واقف علي عتبه الباب :اطلب من رجالتنا يوقفوا البحث عن كريم
احمد:بس احنا لسه ملقنهوش
عاصم :لا عاليا لقته بس رفضت تقولي مكانه خاليه فتره براحته
احمد بطاعه:امرك
شاف نهله الي اتكلمت:ازيك يا اونكل اسفه اني استمعت بس لازم نعرف من عاليا فينه كريم لاني بجد خايفه عليه
عاصم بتعجب:خايفه عليه من ايه ؟ كريم مش في خطر حاليا عاليا معاه ومهتميه بيه
نهله:لا انا خايفه يأذي نفسه اسفه بس انا بقول الصراحه يعني لو كريم قرر يأذي نفسه اعتقد عاليا لوحدها مش هتقدر توقفه
احمد بدفاع:اعتقد الانسه عاليا مستحيل تسمح بده يحصل!
نهله بمكر:بس هي مش جنبه طول الوقت لو ده حصل وهي مش موجوده معاه مين يقدر يساعده
عاصم اتأثر بكلامها:احمد اطلب من الرجاله يلحقوا عاليا لحد ما تعرفه مكانه وبلغوني
احمد :تمام
نهله :عرفني مكانه انا كمان من فضلك
عاصم بصلها اوي
نهله:اوعدك مش هزعجه مجرد ما نعرف مكانه ده كفايه!
عاصم:حاضر حبلغك وشكرا لقلقك عليه
نهله:ميرسي يا اونكل
......منه محمد........
قاعدين علي السفره
عاليا: بعد ما تخلص اكلك تاخد الدواء سامع
كريم: مش هتاكلي معايا
عاليا ببتسامه: لا الاكل ده كله عشانك انت تاكله كله بالهنا
كريم كشر: شبعت واكلك عك ياعكاكه وخدي كوليه واتحملي نتيجه عكك
عاليا مدت البوز: انا مش جعانه وانت هتاكل العك ده كله عشان الدواء كريم الدواء الي بتاخده جامد
كريم: خلاص تاكلي معايا ولا ناويه تخدريني وتتحرشي بيا
عاليا وسعت عيونها: مجنون هات اكله
كريم: استني اصـ
قطع ابتسامته نغمه موبيلها لما شاف انه خالد
كريم كشر جدا: ردي لانه صوته مزعج
عاليا: الو
خالد: عاليا انتي فين؟؟!!
عاليا عيونها علي كريم الي ملامحه كلها غضب وغيره: انا في البيت
خالد: انتي فاضيه تعالي لاني عاوز اشوفك لو سمحتي فيه امر مهم محتاج نتكلم سوي فيه
عاليا: بخصوص ايه؟؟
خالد: بخصوص كريم
عاليا: حاضر جايه
خالد: اوك اشوفك في المطعم
عاليا قفلت معاه وبصتله: فيه مسأله لازم اروح اعملها اهتم بنفسك
كريم متعصب كتير: متشغليش بالك اتفضلي
عاليا بهدوء: بعد ما تخلص اكل تاخد الدواء وارجع استريح فهمت
كريم بضيق : لا
ورماه الدواء في الطبق واقسم لما ترجع يخليها ملكه هو لوحده
تعليقات
إرسال تعليق