رواية زواج غير مدبر (عانس) الفصل الرابع عشر 14 بقلم أسماء سلام

حسام ورحاب راحوا الحفلة

هناك حسام قعد يسلم على الضباط والناس المهمين وطبعا رحاب مش بتسلم على رجالة

جه صحاب حسام يسلموا عليه

احمد ازيك يا حسح عامل ايه مش تعرفنا على اللى معاك

حسام اه طبعا ، احمد دى رح قصدى دى منة مراتى ، منة ده احمد صاحبى واعز اصدقائى

احمد مد ايده علشان يسلم على رحاب بس هى قالت بكل ادب واحترام اسفة مش بسلم

احمد نزل على ودن حسام وقال مالها مراتك مزوداها حبتين ليه ، مش كفاية أنها لابسه فستان اسود موضة قديمة اوى وكمان الطرحة الطويلة لأ وكمان مش بتسلم، مش دى منة اللى قولت أنها بتلبس بناطيل وبتخرج وتسهر وبتسلم عادى ولا هى دخلت الاسلام من جديد

حسام بضيق لو سمحت يا احمد ملكش دعوة بمراتى

احمد خلاص انت اتعصبت ولا ايه 

حسام لأ ابدا بس بلاش تكررها

احمد تمام واهو يا سيدى وبص لرحاب وقال لبس حضرتك جميل اوى يا مدام منة وخصوصا الاسود لايق عليكى جدا بس لو كان معاكى شنطة كان هيبقى افضل وانا سررت بمعرفتك 

رحاب برقة شكرا على زوقك

احمد كده مرضى يا باشا وبعدين مشى

حسام بيرقق صوته زى رحاب (بيعيب) عليها وقال شكرا على زوقك فين صوتك وانتى بتزعقى فى البيت ولا الرقة قدام الغرب بس 

رحاب متضايقة اصلا لأنها مش بتحب جو الحفلات ده وكمان البنات شبه عريانه وشرب الخمر والقمار وغيرها مما حرم الله واللى ضايقها اكتر انه قدمها على أنها منة يعنى مسح هويتها خالص فلما زعق فيها علشان طريقة كلامها سابته ومشيت 

حسام راحة فين ، انا بكلمك 

رحاب مردتش عليه علشان هى متضايقة جدا فراحت تشرب اى حاجة

رجل المشروبات - اجبلك ويسكى يا هانم

رحاب اعوذ بالله ، لأ طبعا ، هاتلى عصير 

رجل المشروبات اتفضلى يا هانم

رحاب قعدت تشرب العصير وهى عمالة تبص بملل على حسام وهو عمال يسلم على صحابة والقادة بتوعه والشخصيات المهمة وزوجاتهم وحسام لاحظ كده وراح ليها

حسام انتى قاعدة بتعملى ايه هنا لوحدك وسايبانى اسلم على الناس لوحدى وعمالين يسألونى عن مراتى   وهيا راحت فين وبقولهم راحت الحمام وجاية

رحاب مراتك مين أنا و رحاب

حسام ايه الفرق انتم واحد

رحاب لأ تفرق أنا اه رحاب بس قدام الناس منة ،لو مستعر منى ومش عايزنى هنا أنا هروح وكده كده انت اللى قولتلى اجى وانا رفضت فى الاول وقامت ماشية وسايباه تانى

حسام مشى وراها ومسك ايديها جامد وقال لما اكلمك ابقى اسمعينى مش تمشى ولا كإنى موجود والناس عماله تتفرج وبعدين شدها وراه وقال تعالى من غير كلام لحد ما نخلص الحفلة وبعدين نروح

حسام خد رحاب عند قواده وزوجاتهم وقدم رحاب

1- ازيك يا مدام منة ، حسام اتكلم عنك كتير وقد ايه انتى جميلة وأمنية حياته

2- اه فعلا انتى جميلة بس الفستان ده مكبرك شوية 

3- هو انتى مش بتتكلمى ولا ايه ولا شكلك زعلانه من حسام قوليلى وانا هروقه

حسام حط أيده على ظهر رحاب وقرصها وقال لأ ابدا دى مراتى حبيبتي مش كده يا روحى

رحاب اه طبعا ، دنا بحب حسام بس سنانى وجعانى ومش قادرة اتكلم وبعدين بعدت شوية عن حسام علشان ينزل أيده وفعلا نزلها

رحاب حست بملل كبير ومش قادرة تستنى 

رحاب أنا عايزة امشى يا حسام ، زهقت

حسام استنى شوية لسه ضيف الليلة مجاش

رحاب مش لازم نشوفه

حسام لأ ده أهم واحد والحفلة دى علشانه

وبعد شوية المذيع اتكلم وقال يسعدنا ويشرفنا أنا نستقبل ضيف حفلة الليلة رجل الأعمال العالمى عمر عبدالله الجندى رحبوا بيه 

رحاب اول لما سمعت اسمه قلبها دق بسرعة ولفت علشان تشوف وشه بس للاسف الصحافة كانت حواليه ومعرفتش تشوفه 

حسام لاحظ أن رحاب مبقتش تزن عليه وتقوله عايزة اروح 

حسام مالك ليه مقولتيش نروح 

رحاب عايزة اشوف ضيف الليلة

حسام مش كان مش مهم دلوقتي

رحاب فى سرها ، اقلك ايه يا حسام ، اقلك انى عايزة اعرف الشخص ده هو نفسه اللى فى بالى ولا حد تانى ، نفسى اعرف ومش عارفه نفسى فى ايه يطلع هو ولا لأ ، اصل لو طلع هو هعمل ايه مع معاك ولو مطلعش هو هزعل 

حسام هزها كده وقال رحتى فين

رحاب مرحتش ، انا معاك اهو

حسام شكلك عايزة تشوفى مين عمر تعالى معايا

رحاب ماشية معاه وعماله تقدم خطوة وتأخر خطوة وقلقانة جدا 

حسام قعد يبعد الصحافيين لحد ما وصل لعمر بس عمر كان بظهره ليه فحسام خبط على كتفه وعمر لف ليه 

عمر اول ما لف رحاب تنحت لانه شبه عمر الصغير بس هل هو ولا لأ

حسام ازيك يا أستاذ عمر ، أنا الضابط حسام محمد الشعراوي

عمر حس انه سمع الاسم ده قبل كده بس مركزش وقاله تشرفنا 

حسام ودى مراتى وبنت عنى المدام منة احمد الشعراوى

عمر افتكر أن ده اسم منة اخت رحاب وسكت فترة 

حسام حضرتك بتشبه عليها ولا ايه

عمر لأ ابدا اصل كان ليا صديقة اعرفها من وانا صغير  اسمها رحاب احمد الشعراوى واختها منة بس الظاهر تشابه اسماء

حسام اه بتحصل كتير ، المهم أنا جيت علشان اتعرف عليك واقولك أنا فى خدمتك 

عمر تشكر والله ده من زوقك ومن كرم أهل اسكندريه ومصر كلها

كل ده ورحاب مصدومة وعماله تقول هو عمر ، نفس الشكل والاسم واسم اختى بس فين مراته مش باينة

رحاب امال مراتك فين 

عمر عمال يبصلها لأنها شبه رحاب اوى لأن عمر معاه صورة ليها بس ميقدرش يطلعها دلوقتي ويقارن بينها وبين رحاب

حسام بصلها بضيق وقال اسف لو مراتى سألت سؤال غلط

عمر لأ عادى مفيش مشكلة ، أنا اعزب يا مدام منة وجاى علشان الاقى حبيبتى 

حسام شكل الموضوع طويل جدا وعايز قاعدة مش فى حفلة هنا وكمان أنا هكون الضابط الخاص بك يعنى اى وقت عايزنى اتصل بيا ودى نمرتى نستأذن احنا 

رحاب روحت مع حسام بس عقلها مش مستوعب اللى سمعته معقول عمر رجع علشانها 

حسام لاحظ شرود رحاب وقال

حسام مالك سرحانه ليه النهاردة كده 

رحاب معلش اصل عايزة انام 

حسام حب يفتح معاها موضوع فقال مش صدفة غريبة أن صديقة عمر تكون اسمها زى اسمك

رحاب حاولت تتوه حسام وقالت عادى زى ما يخلق من الشبه اربعين يخلق من الاسم مية 

حسام بس برده صدفة غريبة واسم اختك منة برده

رحاب انت بتلمح على ايه يا حسام ، ابحث على الفيس على اسمك كده هتلاقى كام واحد اسمه حسام محمد الشعراوي ولا هى أسئلة وخلاص

حسام ايه مالك اهدى كده ، أنا بتناقش معاكى عادى بس معرفش أن الموضوع هيضايقك أنا اسف

رحاب لاحظت أن دى اول مرة حسام يقول اسف مع انها هى اللى غلطانه وفرحت جدا وقالت 

رحاب لأ مفيش حاجة، انا بس مصدعة من الموسيقى اللى كانت فى الحفلة وعايزة انام اوى

حسام وانا كمان عايز أنام

حسام ورحاب روحوا البيت

                               -----------------

عند عمر 

بعد لما الحفلة خلصت عمر روح وخد شاور 

عمر قعد على السرير وطلع صورة رحاب وهى عندها 15 سنة وقال نفس الملامح بس انا مش متأكد ودلوقتي غلط أنى افكر فى مرات حد  وكمان صاحبى قالى ان منة اللى اتجوزت ولكن رحاب لأ فأكيد دى مش حبيبتى رحاب وبعدين قال أنا هدور عليكى واعرف انتى فين 

                           -------------------

رحاب معرفتش تنام كويس الليلة دى علشان بتفكر فى عمر وازاى هتواجهه لما يعرف بزواجها من حسام بس قالت أنها هتكون قوية وتواجهه

( للأسف يا رحاب انتى أضعف من كده بكتير 😥 )

                              -----------------

عدى يومين من غير اى أحداث تذكر 

يوم الاحد الصبح

رحاب صحيت وراحت الشغل

اسراء ازيك يا حوبا عامله ايه دلوقتي واخبار حفلة امبارح ايه

رحاب ساكتة وسرحانه

اسراء ضربتها على كتفها وقالت ردى سرحانه فى ايه 

رحاب رجع

اسراء مين اللى رجع، ردى عليا 

رحاب عمر رجع بقولك عمر رجع 

اسراء عمر عمر 

رحاب اه عمر عمر ورجع علشانى

اسراء انتى شوفتيه فين وعرفتيه ازاى وممكن ميكنش هو وهو عرفك ولا لأ 

رحاب بالراحة عليا يا ماما ، انا شوفته يوم الخميس فى الحفلة وكان هو ضيف الشرف والحفلة معمولة ليه ولما شوفته قولت هو بس قولت برده لأ بس لما عرف أن اسمى منة احمد الشعراوى قال إن الاسم ده اسم اخت صديقته من الطفولة واسمها رحاب وقال لما سألته فين مراته انه اعزب وانه راجع علشان صديقته 

اسراء سكتت وزعلت

رحاب مالك يا اسراء زعلانه ليه

اسراء زعلانه على حظك الوحش

رحاب حظى الوحش ولا الحظ الحلو اللى جالى

اسراء هو انتى هتسيبى حسام وتروحى لعمر 

رحاب اه طبعا

اسراء اه طبعا ؟؟!!! معقولة عايزة ترجعيله بعد لما سابك كل الفترة دى ولا عبرك وهتسيبى حسام وتنسى كلامك اللى قولتيه انك هتديله فرصة 

رحاب أنا قولت هديله فرصة علشان كنت اقتنعت أن عمر مش جاى لكن هو جه وعلشانى

اسراء مفيش فايده فيكى ، اعملى اللى تعمليه بس انا لو مكانك هختار حسام وافتكرى كلامى بتاع المرة اللى قبل اللى فاتت لما قولتلك خدى اللى قلبك يختاره

رحاب ما قلبى اختار عمر 

اسراء مدام انتى مرتاحه كده تمام وربنا يوفقك 

رحاب استنى انتى راحة فين

اسراء راحة اخلص شغلى وابقى اكلمك بكرة علشان شكلك مش واعية لكلامك من ساعة لما شوفتى عمر أفندى يلا سلام

رحاب قعدت على الكرسى وقالت ليه اتضايقت من اللى حصل ، المفروض تفرحلى علشان حبيبى رجع مش تزعل وتسيبنى وتمشى ، شوية كده وهروح اصالحها

                           ---------------------

عند عمر 

عمر استيقظ وفطر وراح على شركته اللى هيبقى المدير بتاعها وقعد يتابع الشغل وكلف واحد يدور على واحد اسمه احمد حسن الشعراوى وعن رحاب ومنة احمد حسن الشعراوى 

عمر والله لجيبك يا منى واخليكى ليا واعوضك عن كل لحظة بعدتى عنى 

حسام فى شغل وعمال يفكر ازاى يقرب من رحاب وخصوصا انها رجعت تقعد معاه وتتكلم زى الاول وقلعت الاسدال بس لازم مفكرش فيها جسديا لأن ده اللى بيبوظ كل حاجة بس غصب عنى اول لما بشوفها مش عارف بيحصل ايه بس لازم اقاوم نفسى 

                              ---------------------

حسام روح البيت قبل رحاب 

رحاب اول لما رجعت دخلت غيرت هدومها واكلت مع حسام وبعدين دخلت نامت شوية وصحية بعد المغرب 

رحاب قامت من النوم وطلعت بره

رحاب ايه ده !!!!!!!!

(يا ترى رحاب هترجع لعمر ولا لأومصير حسام هيكون ايه؟ )

يتبع...