عندما يعشق القاسي الفصل الثاث عشر 13 بقلم هدير بدر
 |
| عندما يعشق القاسي الفصل الثاث عشر 13 بقلم هدير بدر |
عندما يعشق القاسي الفصل الثاث عشر 13 بقلم هدير بدر
اثر: ايه في ايه
جوري بتفرك في ايدها : اصل اصل انا بخاف من الظباط
اثر : نعم ياختي ليه هاعضك
جوري : اصل انت بتمسك السلاح وكدا هو أنت ممكن تموتني
اثر مات من الضحك: يابنتي خيالك راح لفين يالا بس وانا هاحكيلك كل حاجه عن حياتي بس اروح الماموريه دى وارجع
جوري : هي فيها خطر عليك
اثر باس ايدها : يعني نحمى بلدنا والا نشوف الخطر بلدنا ليها حق علينا لازم نحميها حتى لو بموتنا
جوري حضنته : لا ماتقولشي كدا هاترجعلى وعد
اثر : وعد ياعيون اثر يالا نجهز نفسنا
ولبسوا وسافروا اسكندريه تانى
روح البيت بس ماكنشي حد موجود تحت غير الخدم طلعوا فوق
اثر بدا يجهز نفسه
اثر مسك ايد جوري: بصي ياروحى تاخدى بالك من نفسك انا سايب هنا راجل البيت أياكي توطي راسك انتى صاحبه البيت واياكي تسمحي لحد يجي على كرامتك ماشي ياروحي
جوري : حاضر وفضلت في حضنه وهي قلبها مقبوض ما بلاش والنبي
اثر: اهو انا ماكنتيش حابب اقولك علشان خوفك دا
جوري : خد بالك من نفسك علشان خاطرى انا ماليش في الدنيا غيرك
اثر : عنيا ياقلبي اهتمي باكلك وعلاجك وانا يومين ان شاء الله وهارجع
جوري : توصلي بالسلامه لا اله الا الله
اثر : محمد رسول الله وسابها ومشي
جوري قامت تصلي علشان تقلل من خوفها وتدعيله يرجع بالسلامه
عدا يوم وأثر كان معاها علطول على فون وكام بيحاول يهديها علشان كانت خايفه عليه جيه يوم الهجوم
اثر : انتو تعالو هنا وانتو هنا وبدأ تنظيمهم مش عايز اي غلطه اول ماقول هجوم نهجم مفهوم
كلهم : مفهوم ياباشا
وبدأت العمليه نقل السلاح
اثر : هجووووم
حصل مشاده بين الفريقين بس طبعا اثر غلبهم بقوته وقتل الاغلبيه
اثر : هاتوا إلى عايش في العربيه يالا
ولسه ماشي واحد قام ضربه بالمسدس
يوسف: لااااااا اثر فوق والنبي
اثر: قول لجورى تخلى بالها من نفسها
يوسف حضنه علشان خاطري افضل فاتح عينك
اثر اغمي عليه
يوسف : بسرعااااه إسعاف
ونقلوه
في الوقت دا جوري صحيت مخضوضه : يارب استر انا حاسه حصله حاجه رنيت عليه لاقيته مغلق نزلت تشرب علشان تقلل من خوفها
ناديه : البرنسيسه نزلت
جوري بصتلها بقرف ودخلت تشرب
ناديه لسه جايه ترفع ايدها عليها
جوري مسكت ايدها: مش علشان احترمتك مره تسوقي فيها ايدك لو اتمديت هاتزعلى منى وزقيتها
ناديه بصدمه ازاى جابت الشجاعه دى
فاجاه تليفون البيت رن
لسه ناديه هاترد جوري جريت فتحت
جوري : الو
الشخص .....
جوري بصدمه ايييييييه طب طب مستشفي ايه
الشخص .......
جوري بعياط طيب ماشي وقفلت
ناديه: في ايه
جوري: اثر اثر انضرب بالنار
وطلعت لبست إسدال بصعوبه علشان ايدها
جوري : عمي محمود الله يخليك اطلع علي مستشفي ...
محمود : حاضر حاضر اركبي
واول ماوصلت نزلت تجري عليه
يوسف كان نازل
جوري دخلت سألت الممرضه: اوضه اثر فين
الممرضه: أصدق اثر مين
يوسف : انتي مرات اثر
جوري بعياط : ايوا ايوا الله يخليك وصلني عنده
يوسف : اتفضلي
وطلعت وراه
ويوسف قالها هو في العنايه المشدده حالا محتاج دعوتك جوري ماكنتشي حاسه غير أن روحها انسحبت منها
وقعدت علي الارض جنب باب الاوضه
جوري : ارجعلي والنبي انت وعدتني ماتخلفشي بوعدك معايا ااااه
يوسف : اهدي.يا مدام ان شاء الله هايقوم بخير
جوري بعياط : الدكتور قال ايه
يوسف : لسه ماخرجشي
جوري ضمت ركبتها بايدها وفضلت تعيط بس لاحظت ان دراعها اتحرك ماهتمتشي
بعد ساعتين
الدكتور خرج
جوري قامت جري
جوري : طمني يادكتور
الدكتور باسف : للاسف الحاله.خطيره جدا ولازم تشوفوا متبرع بكليته علشان محتاجين علشان كليته اتوقفت وهو عايش بكليه واحده علشان شكله كان متبرع لحد
جوري : انا انا اهو يادكتور اهم حاجه تنقذه
الدكتور : حضرتك كنتي عامله عمليه قبل كدا
جوري : اه القلب
الدكتور : للاسف
جوري: ايه اللي للاسف جوزي هايموت
الدكتور : في خطوره علي حياتك صدقيني
جوري : هاخلى مسؤوليتك المهم جوزي
يوسف : اهدي يامدام انا هاتبرعله
جوري: لا معلشي انا هاتبرع لجوزي وفعلا بعد إلحاح الدكتور وافق ومضيت علي إخلاء مسؤوليه
جهزوها
وحطوها علي سرير جمب اثر بس قبل ماتنام علي السرير
حضنته وباسته من دماغه
وبعدين تمت العمليه
الدكتور طلع
يوسف : طمني يادكتور
كان في الوقت دا ناديه وصلت
الدكتور : اثر بيه هايفوق كمان نص ساعه
بس المدام وبص في الارض محتاجه دعواتكم لان العمليه دي خطر عليها
لو عديت ال ٢٤ ساعه دول علي خير يبقا تجاوزت الخطر
بعد نص ساعه
اثر بدا يفوق :
كلهم كانوا حواليه وشهد وحياه ومعتز جوم
اثر فتح عينه : جوري
ناديه : حتي وانت تعبان
يوسف: حمدالله علي سلامتك يابطل
معتز : كدا تقلقنا عليك
اثر بوجع : الله يسلمكم
حياه كانت واقفه بعيد عماله تعيط
اثر : مالك ياحبيبتي تعالي هنا
حياه: مش مصدقه انك تعبان وجريت عليه قعدت جنبه فضلت تبوس في ايده
اثر : بس بس اهدي خلاص
اثر : فين جوري مش معقوله ماجاتشي
كلهم بصوا لبعض بس الدكتور كان محذر ان حد يعرفه علشان حالته ماتسوئشي
ناديه جتلها الفرصه : قلتلها وهي قالتلى روحي وانا جايه حتي ماتهزتشي وهزاتني ادام كله وبدأت تعيط
كله بص بصدمه بس ماحدش قدر يخاطر بحياته
اثر : انتي كدابه
ناديه : الله يسامحك يابني
لما مالاقاش حد اتكلم عرف ان اللي حصل حقيقه
قعد بحزن : سيبوني لوحدي معلشي
حياه : بس
اثر : قلت سيبوني لوحدي
كلهم طلعوا
حياه : ليه قلتي علي جوري كدا يعني هي بين الحياه والموت ومش رحماها دا بفصلها ابنك بقا كويس ليه كدا حرام عليكي
ناديه: اخرصي يارب يطلقها ونرتاح
يوسف ومعتز راحوا يطمنوا عليها
الدكتور بص في الارض : للاسف احنا عملنا اللي علينا
تعليقات
إرسال تعليق