رواية نصف جناني الأخر الفصل الثاني عشر 12 بقلم أيزيس

هنا....مش هينفع انفذ خطتي من موقعي لازم اغير الموقع 

بصت لقيت اوضة مفتوحة وفيه صب شغال اغنية اجنبية 

هنا ...🤔اكيد دي اوضة المعصعصة هي مناسبة لتنفيذ الخطة 

ودخلت الأوضة ومسكت بيضة وحدفتها جات ف شعر جيجي

جيجي...اوه ماي جاد مين عمل كده فضلت تبص حواليها مافيش لسة بتمسح شعرها بالفوطة  قامت هنا ضربت التانية جات في قفا جيجي ..خرجت هنا من الڤراندا اخر انبساط لأنها اشبعت رغبتها بصت بصدمة 

لما لقت شادي طالع م التواليت ولافف بشكير حوالين وسطه ولسة هيشيله وهو بيرقص علي صوت الصب ومشغل اغنية Daddy cool بتاعة بوني ام 

 She's crazy like a fool‏

What about Daddy Cool‏

 I'm crazy like a fool‏

What about Daddy Cool‏

 Daddy, Daddy Cool 

هنا....😳😳اعاااااااااااا

شادي....اعااااااا ..يا فضحتي انتي ايه اللي دخلك اوضتي يا بتاعة انتي 

هنا بغيظ وحاطة ايديها علي عينيها ...أنا بتاعة يا مفضوح في حد يخرج م التواليت بالمنظر دا وكمان بيرقص وهو كده استر نفسك يخرب بيتك 

شادي...يا ستي انا حر دي اوضتي أخرج زي مانا عايز وارقص براحتي .شادي مسك البورنص ولبسه 

هنا ... طب أنا راضية زمتك هو لسة في حد بيسمع Daddy cool يا بني دي عدي عليها قرن من الزمن دي من ايام عبد الحليم انت من سنة كام يالا 

شادي...ما تحترمي نفسك ايه يالا دي يلعب معاكي أنا 

هنا ...ولو ما احترمتش نفسي هتعمل ايه يعني أنا مدام هنا المسيري تقولي كده 

شادي وقف قصادها بتحدي...حصل لنا الرعب ...اختفي من وشي لاعمل منك كفتة 

هنا بصتله بغل...أنا تعمل مني كفتة غمضة عين وفاتحة التانية وقالت ..الحرب اذاً فلتكن وخرجت وهي بتتوعد ل شادي 

شادي بيفكر...ياتري كانت بتعمل ايه ف الڤراندا لسة بيبص جات عينه ف عين جيجي اللي بصت له بشك وقالت ...ماشي يا شادي الكلب انا هاوريك احنا فينا الحركات دي 

هنا راحت نامت جمب أسر ببرأة زي الملاك ولا اكنها عملت مصيبة

أسر صحي بعد شوية عشان الشغل لقي ف هنا عملت نفسها نايمة 

أسر باس جبينها وقام ياخد شاور 

بعد فترة

جيجي وشادي قاعدين  ع الفطار وهنا واسر نازلين 

جيجي ...ممكن افهم ايه اللي حضرتك عملته دا يا استاذ شادي 

شادي بعدم فهم اتكلم بسخرية ...عملت ايه يا استاذة جيجي 

جيجي ...انت ازاي ترمي عليا بيض وانا بتمرن 

شادي....أنا 😳

جيجي ...ما تحاولش تنكر

أسر بص لهنا  وحاول بخفي ضحكته لانه أتأكد أن هي اللي عملت كده 

هنا قربت من جيجي وقالت ببرأة ...ايه يا جيجينيا ما تعصبيش نفسك يا حبيبتي عشان دا مش كويس ع العصوص 

جيجي بأرف ...جيجينيا ايه الدلع الاوڤر دا وبعدين ايه العسوس دا 

هنا ...العصوص يا قلبي وبعدين انتي مضايقة من ايه دا حدف علي شعرك بيض والبيض دا بروتين للشعر بكرة شعرك الاصفر الحلو دا يطول ويبقي فلة يا روحي 

أسر ضحك ...هنا اقعدي افطري يا حبيبتي عشان اوصلك ع الجامعة 

هنا ببرأة ...حاضر يا حبيبي 

جيجي حبت تغيظ هنا ...قربت علي أسر وباست خده ..صباح الخير يا اسوري 

هنا بغيظ ...اسوري ايه الدلع الغبي دا ...وبصت لأسر وقالت اُس اُس تعالي جمبي يا قلبي 

أسر مش قادر يبطل ضحك علي المجنونة قعد جمبها و همس لها ...هدي اللعب شوية بالراحة عليها 

هنا بغيظ همست ..ايه خايف عليها 

أسر ...لا خايف عليكي انتي هما مش ساهلين خلي بالك 

هنا ابتسمت ...ما تخافش عليا دانا هنا مقالب اتفرج انت بس انا عارفة  بابا خالد اتجوز الولية الساحرة دي ليه دا هو سكر 

وهوب يجيها  صوت من وراها 

.....عشان بيحبني يا روحي 

هنا....سلام قول من ربٍ رحيم هما بيطلعوا امتي 

صافي بصدمة ..بجد سوفاااج 

هنا ...صباح الخير يا خالتي سوفاج ا قصدي يا خالتي صافي 

صافي بغل ...اوعي تقولي الكلمة دي تاني اوك 

خالد...صافي مش كده البنت بتحب تهزر 

أسر ...هنا خلصتي فطار أنا مستعجل يلا عشان اوصلك 

هنا ...يلا وقاموا يخرجوا ولحقهم شادي 

شادي لهنا....عايز تمن سكوتي 

هنا ...بتبيع يا نفسك يا شادي أخص ع الشباب 

ربع ايديه ..هاسكت المرة دي عشان خاطر ابن عمي لكن المرة اللي جاية كله بتمنه 

أسر ...بتتكلموا عن ايه 

شادي ...مش لازم تعرف دلوقتي الله حليم ستار 

أسر مسك ايد هنا وانطلقوا ع الجامعة 

&&&&&&&&&&&&

زياد قاعد علي مكتب والده 

اكرم...اسمع يا زياد الا أنا هاقوله دا لمصلحتك يا ابني والكلام دا انا قلته لكمال الله يرحمه بس ما سمعش مني ..سمعة صفقة الأدوية بقت ف الأرض بعد ما طلعت إشاعة أن الأدوية اتبدلت ومافيش اي شركة قابلة تتعاون معانا عشان كده أنا باقترح تدخل شريك معاك ف الصفقة عشان نداري فيه ونقدر نصرف الأدوية 

زياد...انطلق اكرم أنا بأثق فيك اوي انت زي بابا عشان كده اللي تشوفه صح اعمله 

اكرم ...ايه رأيك نشارك شركة AMجروب 

زياد...مش دي شركة اسر المسيري

اكرم ...ايوا وهي أقوي شركة الأدوية ف مصر قولت ايه 

زياد بتفكير...حلو اوي ...وقاله...تمام موافق 

ابعت حد يتفاوض معاهم 

اكرم ...أنا هاروح بنفسي دول مش اي حد علي فكرة 

&&&&&&&&&&&&

هنا وصلت الجامعة واستقبلوها صاحبتها ع باب الجامعة 

هنا نزلت م العربية 

أسر...حط أيده علي خدها ...خدي بالك من نفسك وكلميني لما تخلصي عشان ابعتلك عربية تيجي تاخدك 

هنا ابتسمت ...حاضر 

أسر مشي وهنا لسة هتدخل لقيت البنات عاملين كده...😍🤩🤩🤩😍😍

هنا ضحكت علي شكلهم ...ايه يا مهزأة منك ليها شايفين عرض مسرحي قدامكم

ندي وشيري بيقلدوا أسر وهنا 

شيري حطت أيدها علي خد ندي واتكلمت بنبرة رجالة زي سعاد حسني ونادية لطفي في فيلم لرجال فقط وقالت ...خدي بالك من نفسك 

ندي بتبرش عينيها وتتكلم بسهوكة ...حاضر يا اسورتي ههههههه 

ووجريوا وهما بيضحكوا وهنا وراهم ..ماشي يا كلب البحر انتي وهي 

بعد يوم طويل و بعد ما خلصوا محاضرات 

لسة هيخرجوا م الجامعة لقوا احمد ف وشهم 

احمد حضن بيسلم عليها وبعدين همس لها بحاجة وهي ضحكت 

هنا .....شيري ممكن تيجي معايا خمس دقايق اصور المحاضرات اللي فاتتني 

شيري فهمت ...امممم هاعمل نفسي مصدقة التمثيلية دي قدامي يا مقالب 

احمد ...احم ..ندي ممكن نتكلم شوية ف اي حتة 

ندي ..بخجل ..اه اكيد 

في الكافيه 

احمد ...ندي أنا ...أنا ..أنا عندي احاسيس غريبة وحلوة يعني ان شاء الله 

ندي ...مش فاهمة 

احمد...صح ايه اللي انا بقوله دا ..بصي يا ندي بصراحة أنا بحبك وعايز اخطبك قولتي ايه 

ندي ابتسمت بخجل ....بصراحة أنا مش هلاقي احسن منك يا احمد وكمان انت اخو صاحبتي يعني هاتجوزك عشان اكسب فيك صواب 

احمد ضحك ...يعني مش عشان انتي كمان بتحبيني 

ندي بمشاكسة ...الله بقي يا فوزي 

احمد ضحك وهي كمان ابتسمت وبصت للأرض 

احمد ...خلاص قولي للتنت تستنانا يوم الجمعة إن شاء الله 

وفجأة هنا وشيري اللي كانوا بيتصنتوا ...لولولوولولولووولي 

احمد اتخض....يخرب بيوتكم 

التلاتة ضحكوا 

&&&&&&&&&

صافي بتتكلم مع خالد 

خالد ...عارفة يا صافي الدنيا دي مش مضمونة و غدارة الحمد لله اني علمت أسر يبقي راجل ويعتمد علي نفسه ويدير الشغل ويعرف يحافظ علي أخته ..بصراحة صعبان عليا اوي ابن كمال محتاس اوي ف شغل والده 

صافي بتتصنع الطيبة ...يا حبيبي يا خالد ما تخافش أنا مع أسر مستحيل اسيبه وبعدين ربنا يخليك لينا ..انت عارف ان أسر زي اخويا الصغير

خالد ...اخوكي ..صافي انتي ناسية انك انتي ووالدته كنتوا زمايل ف الجامعة ولا ايه انتي من سن شهناز الله يرحمها

صافي ...قالت ف نفسها what a hell (بحق الجحيم)وبعدين قالت ...احم عارفة بس انت اتجوزتها كانت صغيرة اوي ف اولي جامعة 

خالد اتنهد بحزن ...ربنا يرحمك يا شهناز 

صافي ف سرها ...عقبال ما تحصلها

&&&&&&&&&&&

هنا ماكلمتش أسر زي ما طلب منها عشان بيعت لها عربية هي حبت تعمله مفاجأة وراحتله الشركة وكانت واخدة معاها هدية ليه وأحمد اللي وصلها  

وصلت الشركة 

وراحت مكتبه خبطت 

أسر من غير ما يرفع وشه ...ادخل 

كان بيلعب بالجي 

أسر ...انلطحي ايوا ماتخليش خد يشوفك استخبي استخبي بسرعة

هنا دفعت الباب مرة واحدة ولفت نظرها يمين وشمال وقال.  هي فين 

أسر قام ناحيتها  بمفاجأة فرحة ....هناا 

هنا ....بقولك فين البت اللي مخبيها..فين الفاسقة اللي بتخوني معاها 

أسر انفجر ضحك ومد لها الفون وقالها ...اهي وكمان ماتت من فقرك 

هنا ...بابجي  وبعدين انكسفت وحطت وشها ف الأرض أسر قرب ورفع وشها واتكلم بحب...انا عايزك ديما رافعة راسك  فاهمة.. وبعدين ايه انتي بتغيري يا هنونتي

هنا هزت راسها بكسوف 

أسر تابع...بصي يا هنا عايزك تثقي فيا ولو اي حد قالك حاجة أو حتي وراكي صور أو فيديو  عني ما تصدقيش وعرفيني الكلام دا مهم اوي يا هنا 

هنا ...انت بتقول كده ليه بتخوفني علي فكرة 

أسر ...لا أنا مش بخوفك بس بنبهك لاني عارف صافي وجيجي كويس اوي ..وبعدين قوليلي انتي جيتي ازاي وليه ما كلمتنيش زي ما اتفقنا 

هنا بحب ...حبيت اعملك مفاجأة وكمان جبتلك هدية يارب تعجبك 

أسر بفرحة ...بجد اغمض عينيا بقي 

هنا...اممم طلعت هنا ازازة برفيوم ورشت شوية أسر شم الريحة الجميلة اوي وانبهر فتح عينيه 

أسر...مش ممكن دي رائعة وريني لقي الأزازة مكتوب عليها أسر 

أسر...ايه دا دي مش من انتاج شركتي بتخونيني يا هنا وبتشتري من شركات تانية 

هنا بغرور وثقة...دي عمايل ايديا 

أسر بانبهار...انتي بتعرفي تركبي عطور وكمان جميلة أنا عمري ما شميت ريحة بالجمال دا 

هنا....طبعا يا ابني أنا بعرف اعمل كل الروايح اللي تتخيلها حتي ريحة اي فاكهة بعرف اركبها اللي قدامك دي بلا فخر الوحيدة ف دفعتها اللي عرفت تركب ريحة الكاكا 

أسر ...ايه يعع 

هنا ...لا انت فهمت ايه أنا قصدي فاكهة الكاكا مش معقول تفكيرك دا يا حبيبي 

أسر حاوطها بايده وقال ...لا بصراحة أنا كبهير انبهرت وقررت من بكرة إن شاء الله هاعملك معمل خاص بمبدعتي الجميلة عشان يبقالها البراند الخاص بيها في عالم العطور 

هنا بفرحة وحماس ...بجد يا أسر وباسته ف خده ..انت أحلي أسر في الدنيا كلها 

أسر باسها هو كمان ...وانتي أحلي هنا في الدنيا كلها

وقعدوا يرغوا شوية وقت بعدها أسر انشغل وهنا استأذنت وطلعت من مكتبه وفيه شخص كان بيراقبها واول ما دخلت الاسانسير دخل وراها وقفل الباب 

يتبع...