أحببتك رغم أنتقامك الفصل الثاني عشر 12 بقلم منة محمد
 |
| أحببتك رغم أنتقامك الفصل الثاني عشر 12 بقلم منة محمد |
أحببتك رغم أنتقامك الفصل الثاني عشر 12 بقلم منة محمد
.....منه محمد........
الصبح راحت الشركه دخلت مكتبها حبت تشتغل لكن حاسه بأحباط غير طبيعي.. جابوا لها القهوه رفضت تشربها فضلت قاعده صنم خرجها من صمتها فتحه الباب عليها فكرته هو خافت لكن خوفها راح لما لقته خالد
عاليا اتنهدت واخدت نفس طويل براحه: خالد ليه جيت هنا؟
خالد رفع علب: اشتغلت دليفري لتوصيل الطلبات للعمال
عاليا رسمت ابتسامه مغتصبه: اهلا وسهلا تعال نروح مكتب بابا
بالفعل دخلوا وخالد سلم ع عاصم الي اصر انه ياكل معاهم وبالفعل رصوا الوجبات وبدؤا في الاكل
عاصم: شكرا ياخالد انك اهتميت بيا انت كمان
خالد: ماعملتش حاجه ياعمي
عاصم: يله هبدء لاني ميت من الجوع
عاليا: انا كمان جعانه
خالد فتح العلبه وحطها قدامها: يله كلي يامفجوعه
عاصم ابتسم: اه شكله يفتح النفس وبدء يستطعم( لذيذ جدا تسلم ايدك
خالد: امال فين كريم؟؟!!
عاليا وشها اتغير وشحب كالموتي
عاصم: اهو جالك بنفسه
كريم دخل وشافها قاعده بين خالد وابوه اتكلم بضيق: طلبت من احمد يناديلي فيه حاجه؟!
عاصم بهدوء: ابدا خالد عامل واجبات للشركه وجابها هنا لينا كلنا قلت تشارك وتاكل معانا
كريم بيتكلم وعيونه عليها وخالد بيحطلها الاكل
كريم بقسوه: شكله مش عامل حسابي معاكم
عاصم : اقعد الاول
كريم عيونه علي خالد بحقد: مش جعان وعندي شغل لازم اخلصه
عاصم: ده وقت بريك وبعدين مفيش شغل مهم ممكن تاكل وبعدين كمل عادي
كريم بعصبيه شديده لدرجه حنجرته انجرحت: قلت مش هاكل
عاليا: انت يا كائن ممكن تتكلم معاه كويس وبأدب
كريم: متدخليش
احمد: كريم بيه
عاصم: خلاص يا احمد خاليه يمشي وتعال انت اقعد كول
احمد قرب وقعد: امرك
خالد كان مبسوط جدا من الحرب دي وده ظهر علي وشه وعاصم اخد باله
........منه محمد.......
الكل راح مكتبه يكمل حياته عاصم الي قعد مهموم حزين وعاليا راحت تغسل وشها وقررت تكلمه انه يروح يقول لكريم الحقيقه ويوضح الامور لقت احمد بيفتح الباب وشافت عاصم كأنه بيحتضر وحاطط دماغه علي المكتب وعمال يضرب بكف ايده كذا مره وري بعض
احمد سألها: انسه عاليا رجاء سبيه لوحده هو محتاج يفضل لوحده بس صدقيني عاصم بيه بيحبك عشان امك وفضل يدور عليكم كتير ومش هقدر اوصفلك كان سعيد ازاي لما انا عرفت عنوانكم
عاليا بوجع: هو فعلا بابا عاصم كان عارف حركاتي انا وامي طول الوقت
احمد: ايوه وانا كنت براقبك انتي وبرصد كل تحركاتك انتي ووالدتك بعد وفاه والدك طلب مني تقرير يومي بتحركاتك صدقيني عاصم بيه انسان رائع ومش بيعمل معاكي كدا لوحدك لا انا كمان ساعدني كتير في مرض ابويا ومن اول يوم اتخرجت فيه شغلني هنا وفضلت معاه للحظه الي انا واقف فيها قدامك حبيت ارد له الجميل فيكم! صدقيني عاصم بيه بيحبك جدا وفعلا عمل كدا غصب عنه لانه فعلا بيخاف عليكي زي اب حقيقي عشان كدا كان لازم يلجم كريم بيه كمان رغم اني عارف كريم من زمان بس الي هو فيه سببه افتقاره للحب
عاليا نزلت دموعها :بابا فعلا صعبان عليا
احمد :عندك حق بس خليكي واثقه فيه اوعي لحظه تشكي في حبه يمكن اتصرف خطأ واندفع بس حيحاول يصلح اديلو فرصه من فضلك
عاليا :انا مش زعلانه منه وفاهمه
احمد: هو الواضح ان كريم بيه هو الوحيد الي مش عايز يفهم وحاله الغضب عمت عيونه لدرجه ذادت قوته وممكن يدمر كل شئ عن الاول
عاليا نزلت دموعها ومشت تبكي علي حالها تبكي بضياع
...............منه محمد .........
حسن واقف قدامها ومعاه شنطه مخمليه: شايفه الشنطه دي
ندي: ايوه شيفاها مالها؟؟!!
حسن: الشنطه دي ماليانه محافظ اكسسورات موبيلات ايفون ساعات ماركه مشهوره هناخدها كلها ونبيعها لاني محتاج مبلغ اصلح بيه المول الي كسروا ولا التيت كريم وخالد
ندي: ايوه ما تبيعها انا مالي
حسن: لا ما هو انتي حتبيعي كل الي فيها عشاني
ندي بتعجب: ليه انا مش انت
حسن: افهمي اكيد لو روحت لـ اي محل بتعامل معاه هيبلغوا اهلي وهيفضلوا يسألوا ليه بتبيع اشيائك يا حسن وادخل في سين وجيم ها موافقه تقفي جنبي
ندي: موافقه وامري لله
حسن اخدها محل ملابس راقي جدا
ندي شدته :انت رايح فين ده محل هدوم ومحدش هيشتري منك الحاجات دي
حسن: لا يا فالحه انا جبتك هنا عشان تغيري هدومك
ندي: واغير هدومي ليه يا ناصح
حسن :عشان يا ناصحه انتي هتبيعي حاجات ماركه ولو دخلتي بمنظرك البؤس ده حيفكروكي سرقها يله
ندي دخلت معاه وبدلت لبسها بفستان شيك وكانت قمر وحسن انبهار بيها واخدها يدخلها اول محل
البائع بيفحص الساعه بتمعن: بتقولي انك اشترتيها هديه لوالدك لكن متعرفيش نوعها
ندي بلبخه: ها اه اصلي اشترتها من فتره طويله اكيد هنسي انت فاكر انت اكلت ايه امبارح اكيد مش فاكر يله هتشتريها بكام
البائع: لا مش هشتريها تمنها غالي جدا وانا حاليا معنديش سيوله
ندي اخدت الساعه ودخلتها علبتها : مفيش مشكله
البائع شك فيها فتصل بأمن المكان يقبضوا عليها!!!
حسن الي واقف برا مستنيها علي نار شافته بنت كان علي علاقه سابقه معاها ندهت عليه جري منها بسرعه يستخبا ولنفسه: ليه اقابلها النهارده هي حبكت
ندي الي خرجت تشتم نفسها ع غبائها: قلتله نبعها عن طريق النت رفض ليه لان دماغه صَرمه وانا الي بعاني منها!!!
لقت اتنين بأجسام ضخمه اعترضوا طريقها
ندي بخضه: نعم فيه ايه؟؟!!
راجل: البايع شك فيكي بأنك سرقتي حاجات من اشخاص وبتحاولي تبعيها
ندي واقفه تبحلق وتبرق و فاتحة بؤها علي مصرعيه من الاتهام : انت مجنون انا مش حراميه دي ساعه صديقي وده ابوه صاحب فندق مشهور اوي ولو مش مصدقني ممكن تيجوا معايا وتسأله هو واقف هنا منتظرني
وبالفعل ندي راحت والامن اتحركوا معاها فضلت تنادي عليه وهو ولا حس ولا خبر
الامن مسكوها ندي صرخت فيهم: ليه بتمسكوني انا مش حراميه
الامن: لو كنتي بريئه امشي معنا بهدوء علي القسم يله وبرئي نفسك براحتك
جرجروا ندي علي القسم واتصلت بعاليا تيجي تضمنها وتحاول تتصل بالمخفي حسن الي مش بيرد بعد شويه دخلت عاليا القسم قابلت في طريقها حسن دخلت عاليا وحسن وراها وندهت علي ندي الي مموته نفسها من العياط راحت حضنتها وعاليا ضمتها بخوف شويه خرجت من حضنها وراحت بكيل طافح لحسن ومسكت ودانه: اختفيت فين؟؟
حسن بيتوجع: جالي امر طارئ
ندي: طارئ سألتك كنت فين جاوب؟؟!!
حسن: شوفت حبيبتي السابقه
ندي: اه وطبعا خوفت تعرف انك نزلت للحضيض وواخد حاجاتك تبيعها عشان كدا هربت
حسن ببتسامه: مظبوط ايوه خفت،، خفت تروح تسيح وتنشر الخبر وابويا وامي يعلقوني
ندي بنرفزه:هديك باللكمه علي وشك
عاليا ضحكت: ندي اهدي حبيبتي خلونا الاول نخرجك من هنا
ندي: سبيه يكش يولع مش عايزه اشوف سحنته مره تانيه وطلعت تجري
حسن بسرعه طلع اثبات هويته وملكيته للساعه وساب عاليا تكمل عشان يحصل ندي
الي ماشيه وهو بينداه عليها وهي ولا معبراه
حسن: ندي ندوش انا اسف
ندي: ابعد عني لنفوخك
خطف ورده من بياعه واقفه بسرعه وجري وراها ونخ قدامها: انا اسف اسف اسف اني اتصرفت بجبن بس والله ما كان عندي علم ولا نيه امشي واسيبك تتحطي في الموقف ده
ندي: ياسلام طيب ليه مش بترد ع التلفون
حسن: والله البطاريه فصلت شحن ولو كنت اعرف ان ده كله هيحصل مكنتش سبت المكان يله بقي خدي الورده الي لسه مدفعتش حقها وسامحيني والنبي
ندي شدت منه الورده بغيظ: خلاص كفايه تسول سامحتك بس وربنا لو ده اتكرر تاني هضربك بالنار
حسن سحابها ويبوس كتفها: لامفيش مره تانيه وخطفها جوه حضنه وفضل يلف بيها وباسها من خدها وهي عماله تضربه عاليا طلعت وشافت المنظر وقفت تضحك
.......منه محمد........
في الكافيه عمال يشرب كاس وري كاس لحد ما كله فضي
كريم: فرغ
حسن: كفايه انت سكرت طينه كدا هتفقد عقلك
كريم بعصبيه: انت هتحط ولا اقوم اغور اروح مكان تاني
حسن: علي ايه حاضر هحط بس ايه الي مضايقك كدا دي اول مره تشرب وبالشكل ده
كريم لسه هيرد الكاس اتسحب من ايده لف وشافه بصله وحس بالدم يتصاعد في كل جسمه ويفور ويغلي بص لحسن بغضب: ليه جبته هنا ليه مش خايف اكسرلك المكان تاني
حسن: لو ده هيخليك تبطل تشرب وماله المكان كله فداك
نهله: ليه ياكريم شربت كل ده
كريم بصلهم ببرود وطنش سؤالها واخد ازازه يدلدق منها
حسن: دي بتاعتي اوعي وخطفها منه
نهله: كفايه ياكريم
كريم بصلها ومكمل شرب
نهله شدتها منه قام زقها بعنف اتخبطت في خالد
خالد: سبيه يشرب لحد ما يدهول انت حر في نفسك بس بلاش تأذي نهله
كريم وقف يواجهه ويبدء بالضرب
نهله وقفت حائل ما بينهم: خلاص ياخالد مش قصده
حسن: سيبه ده في غيبوبه ولا هيستقبل سيبه لحد ما يشرب ويتخمد
خالد: ليه يدمر نفسه ايه الموضوع الي يوصله للحاله دي لدرجه يأذي صديقته
حسن نفخ بزهق: يا خالد انت كمان مسمعتش المثل الي بيقول ولا تهتم للمجانين ولا تعاتب السكرانين وهو دلوقت مجنون سيبه ليطلعه علينا والحمد لله ان الكافيه النهارده اجازه ومفيش ناس لحتكون الضحايا كتير وكنت طردته اشر طرده
كريم بيشرب اتشد الكاس من ايده لقاها عاليا الي اتكلمت بنبرة هادية : عايزه اتكلم معاك
كريم بتحذير: سيبي
عاليا برجاء: لازم اتكلم معاك
هو حالف انه حتى لو قابلها مرة ثانية مستحيل يكلمها! لانه ممكن يسحقها يدمرها يموتها
كريم رافض يبصلها ملامحها بتتعبه بتحطمه بتدميه وتعصف بيه للاسفل: مش هتكلم سامعه
نهله ادخلت بعصبية:طالما مش عايز يتكلم معاكي ليه تزعجيه
عاليا بصت لكريم: لازم نتكلم!!
كريم بصلها وبمجرد ما لف وشاف ملامحها الوحيده المسيطره عليه وعلى تفكيره!! اخد منها الكاس واتعصب وحدفه: عايزه تتكلمي،، يله اتكلمي وامشي من قدامي يامرات ابويا اظن انتهي وارجعي لجوزك
عاليا: انت مش فاهم حاجه لانك غبي
كريم فكه اتشنج :لافاهم الحقيقه المقززه العلاقه الشاذه الي بينك وبين ابويا والي لازم انكرها
نهله مسكته من دراعه يواجهها :كريم مين دي الي مرات ابوك
كريم بنظرات احتقار :مين يعني الحوثاله الي قدامك طلعت مرات ابويا انا امر فظيع جدا مش كدا
حسن شهق وخالد فتح عيونه من الصدمه
كريم بيطوح: ياحضرات اعرفكم بالهانم عاليا البنت البارعه الي قدرت تاخد الي نفسها فيه
ندي مخضوضه مستغربه محتاره:واحده واحده عاليا ايه الكلام ده !ده بجد
عاليا الي واقفه وسطهم في موقف مهين لكرامتها من جميع المقاييس ردت تقهره: ايوه بجد
كريم صفر: يله نحتفل يله بقي عندي مرات اب عايشه معايا لمده طويله وانا معرفش ولا عندي خبر قد ايه انا سعيد وفرحان مش كدا (وضحك) لا انا مثير للشفقه مش كدا حتي عاصم ياحرام مخدوع فيكي مسكين هتاخدي غرضك منه وتطاردي ضحيه جديده!
عاليا : كريم
كريم : انتي تاني برضو
عاليا :كفايه اتهام واسمع الحقيقه لو مره واحده
كريم صرخ فيها بهستيريا: اسمع ايه ازاي قدرتي تغويه عشان يتهف ويعمل معاكي راندفو ولا اتقبل الحقيقه مش كدا يامرات ابويا ومش بعيد اديكي فرصه واقولك يا ماما
عاليا : اسمع وميز بين الغلط والصح
كريم: اميز منا ميزت من زمان لما عرفت وفهمت الحقيقه
عاليا :اي حقيقه
كريم وقف قدامها: الحقيقه انه ساعدك عشان بيحبك،، بيحبك اكتر مني انا.. انا ابنه الحقيقي لانك بس بنت نبيله شوفتو سمعتم ابويا قاسي عليا قد ايه يله اتعاطفوا معايا بس انا هفضل وراكي لحد ما اهزمك
عاليا: افهم بقي
كريم:.افهم تاني اكتر من الي فهمته اعتقد الصورة وصلت كامله للكل! وبعدين مفيش داعي للتفائل لاني مش متقبل ده فاهمه فتخرسي لو عايزاني ارفق ع الي هيجرالك لو صممتي تقفي قدامي
نهله بحمقه ادخلت في النقاش:ممكن تخرجي بقي كل ما حتبقي قدامه هيتعصب
عاليا عيونها ع كريم : انا لسه مخلصتش كلامي واظن ده امر عائلي محدش من حقه يدخل فيه
نهله بحمقه: اه يازباله
خالد شدها :نهله تعالي معايا تعااالي
ندي شدت حسن: تعال انت كمان ورايا
حسن: مابراحه ايدي اتخلعت
ندي: بطل مبالغه ايه هتموت عشان مسكت ايدك
حسن :انتي ست انتي
ندي كشمتله :طبعا ست
حسن ابتسم بخبث: طيب ليه سحبتيني لبرا كدا
ندي: سحبتك عشان عاليا تتكلم مع المجرم ده براحتهم ومفيش داعي نكون موجودين
حسن حب يحرجها:ماشي بس ليه لسه ماسكه ايدي
ندي بصت لـ ايده وطوحتها جامد وسألته : حسن هو كريم بيحب عاليا
كريم رفع كتافه: معرفش
ندي: حسن لازم اعرف الاجابه
حسن: لو معرفتيش الاجابه مش حتموتي
ندي كشرت فيه: بس صاحبتي جوه حتموت
حسن: طيب الاول احكيلي علي ما يخلصوا جيتي هنا ازاي؟
ندي: ابدا عاليا اتصلت بيا وطلبت مني اجي معاها نشوف كريم وكانت مصممه تلاقيه تكلمه تقوله الحقيقه حتي لو موتها مش مهم لكن متبقاش في نظره خاينه رخيصه
.........منه محمد....
نهله بنفعال: ليه شدتني كدا؟؟!
خالد: خليهم يتكلموا
نهله: البت دي كل ما بيتكلم معاها كريم تعصبه
خالد بغموض: خليهم يتكلموا وكريم يتقبل الحقيقه لو مره واحده
نهله: لا زم ابقي جنب كريم
خالد سحبها بحده: نهله ده امر عائلي مالك انتي تدخلي ليه احنا في النهايه اغراب
نهله: بس انا مش غريبه
خالد: انتي مجرد صديقه وبس وعاليا مرات ابوه الي لحد دلوقت مش مصدقها اصلن
نهله ابتسمت بتشفي: صح عندك حق مرات ابوه
خالد فهم دماغها: اطمني بقي لانك عرفتي ان عاليا صعب تتجوز كريم
....منه محمد.......
عند كريم الي رافض يبصلها وعامل مسابقه لوحده مع صف الكاسات!
عاليا: ليه رافضه تسمعني خايف
كريم: انا مش بخاف انا منحط
عاليا بهدوء: كريم افهم انا زعلانه من باباك اكتر منك صدقني انا معرفش ليه قال كدا بس يمكن خاف عليا منك ومن جنانك في اللحظه الي الشيطان غما عيونك بابا بيحبك وانا الي من المفروض ازعل منه بس انا معملتش زيك
كريم: انتي غشاشه كدابه سيئه حتي لو مش مراته تبقي عشقته
عاليا من شده الغضب: كفايه يا اخي اتهام كفااايه
كريم صرخ عليها : انتي الي كفايه وعشان اريحك انا قذر وحياتي فوضويه يله غوري
عاليا: ممكن تبطل الي بتعمله وتتصرف كأنك عيل من غير عقل انت سكران ومش فاهم ولا حرف من كلامي
كريم بغضب اسود: كفااااااايه
عاليا بزعيق: لا مش هبطل وحفضل اتكلم لحد ما تفوق من القرف الي انت مكربعه وتهدا وتسمعني
كريم بغضب يؤدي للجنون هجم عليها: يابنتي كل ما بسمع صوتك بغضب اكتر فـ ابعدي لو مش عايزه تتأذي
عاليا فتحت ايدها: يله انا قدامك اتفضل
كريم جز علي اسنانه: بحذرك لـ اخر مره امشي من قدامي لاني لو مسكتك مش هرحمك
عاليا: مش همشي وهفضل هنا لحد ما تهدا وتتكلم معايا بعقل
كريم: انا حذرتك وزقها زقه عنيفه طارت فيها من قدامه وبكل قوته كسر كل الكاسات لدرجه فتات الازاز طار عليها وهو ادرك انه جرحها وعورها واتبهدلت كل هدومها من السائل الي جوه الكاسات!
صعب...بل صعب جدا...انه يأذيها لأنها ورده رقيقة كان نفسه يراعيها.. عنف نفسه بشده مش ممكن لسه فيه مشاعر اتجاه المخلوقه دي مش ممكن مش ممكن و
الكل جري علي الصوت في حاله فزع
كريم مسكها ويهزها بعنف وكأنها حشرة مزعجه بتلف حواليه : لسه برضو واقفه مكانها ماتجري غوري من قدامي
عاليا واقفه دموعها بس الي نازله
كريم:شوف واقفه متنحه ازاي عايزه تتأذي تاني مش كدا
عاليا رغم الالم الي حاسه بيه: قولتلك مش هتحرك من هنا لحد ما نتكلم
نهله الود ودها تنحني تحت وتجيب ازازه وتشق رقبتها
عاليا بحنان: ادخل اغسل وشك وتعال نتكلم من غير عصبيه
كريم علت انفاسه وحس انه لازم يمشي من قدامها: لو مش حتمشي انتي حمشي انا!
عاليا بتتحرك وراه
كريم لفلها وبكل غضب العالم بلهجه غير قابله حتي للنقاش :اياكي تيجي ورايا حقتلك بدم بارد
ومشي وطلع ركب دراجاته وشغلها وساق بأقصي سرعه ودموعه نزلت منه لما افتكر امه
#فلاش_باك
اشجان: لا انا مصممه اسمع دلوقت
عاصم نفخ: نتكلم بعدين قلت
اشجان بأصرار وتحكم: لا حنتكلم دلوقت
عاصم: شوفي انا اتجوزتك لكن خلاص مش قادر اتحمل انانيتك اكتر من كدا اتجوزتك اه وخلفت منك وحابب اكمل لكن مش قادر احبك
اشجان: مستحيل تطلقني في احلامك مش هسمحلك تطلقني وتروح تتجوز نبيله بعد ما بقت ارمله مش هسمحلك تكون معاها وتأسس عايله وتكون عايش سعيد
عاصم: خلاص اتحملي اسلوبي معاكي
اشجان بملامح مسيطره : مش مهم كفايه اشوفك نايم جنبي حتي لو بترغم نفسك بالنوم علي نفس السرير معايا كفايه اشوفك وانت بتشتاق ليها وكل الي تقدر تعمله انك تحلم بيها ومتطولهاش كدا انا حبقي في منتهي السعاده
عاصم: انتي واحده مجنونه
اشجان صرخت بنهيار: ايوه مجنونه ولو خرجت هتتجنن اكتر وحروح وراك أأذيك هخليك تعيش في جحيم
عاصم بلا مبالاه: اعملي الي تعمليه عادي انا من يوم ما ارتبطت بيكي عمري ما حسيت لا براحه ولا بسلام
اشجان انهارت وقعدت تفكر ازاي تتخلص منها وتبعدها عن عاصم بدون رجعه؟؟
#باك
سايق مش شايف من عيونه الي ماليانه دموع لدرجه مش قادر يشوف الطريق وداس بنزين لسرعه اعلي ودماغه مشوشه من السكر الي منقوع فيه ومن غير ما ينتبهه لقاه عربيه داخله عليه ومره واحده كريم طار من ع الموتسكل والدم انتشر من حواليه وقبل ما يغمض شاف نهايته والمحطه الاخيره من حياته
.......منه محمد.........
عاليا واقفه متبهدله وكل خليه في جسمها بتنتفض اي نعم مشي كريم لكن الزوبعه فضل اثرها....!!!!!
ندي: عاليا انتي كويسه
عاليا ماسكه ايدها وساكته بس..!!
ندي بشهقه: عاليا ايدك بتنزف
خالد بذهول : حسن هات بسرعه من اقرب صيدليه اسعافات
ندي: شهل يا حسن
حسن بربكه: حاضر حاضر
ندي بحنان: عاليا تعالي اقعدي
خالد انحني يشوف الجرح
نهله بغضب: مفيش داعي ياخالد خالي صاحبتها تسعفها
ندي: ممكن تخليكي في نفسك
خالد بص لندي: ولا تهتمي انا هسعفها
حسن: نهله سيبه لو خالد عاوز يسعفها سبيه
نهله: انا عمري ما أذيت كريم ابدا رغم اني غريبه ع عكس الي من دمه المفروض من عايلته لكن مصممين يأذوه ليل ونهار لحد امتي عاليا هانم عايزه كريم يتأذي عشان تحسي بالرضا انا لو مكان كريم كنت قتلتك لانك سرقتي حياته
خالد صرخ فيها: نهللللللله
ندي قامت تضربها عاليا شدتها وخرجت برا المكان مش محتاجه تسمع وقاحه من نهله الاهم دلوقت كريم وبس!
ندي: انتي كويسه طيب
عاليا كل خليه في جسمها بتنتفض هزت دماغها بـ لأ
ندي: فيه ايه وحدي الله واهدي الجرح بيوجعك
عاليا انهارت في العياط : لا بس انا مش بخير ياندي مش بخير
ندي حضنتها وعيطت عشانها: هيفهم لما يفوق ولو عايزه تعيطي عيطي لحد ما تكتفي وكمان قبل ما ترجعي البيت وابوكي يشوفك كدا والله ليموت الراجل بحسرته
عاليا راحت وقعدت جنب الحيط تبكي بخنقة وحاسه شيء عمال يكتم على صدرها.. وافتكرت لما جابلها العروسه ولما اتخانق عشانها وغيرته عليها
=انتي هتلبسيه بالحسني ولا البسهولك بنفسي
= انت غيران
= انا اغير عليكي لا يا اموره انا بس قرفت من الرجاله الي حاولوا يتحرشوا بيكي مع ان ماعارف عجبهم فيكي ايه
= نعم ده شكلي مفهوش غلطه
= بس انتي متعجبنيش الصراحه
= يابني انا بس لو غمزتلك هتحبني حب اكتر من عنتر لعبله
=انتي فقدتي عقلك ولاحصل تربنه في نفوخك مين ده الي ممكن يتعبط ويحبك انتي لو اخر ست في العالم مش هختارك
= وانت ولا تملي عيني عشان اخاطر بحياتي واتهف في نفوخي واحبك لأنك متنفعش تبقي شخص رومانسي
= الحمد لله شكل فيه كميا في تفكيرنا
= وعرفت منين ان فيه كميا بينا انت عارف بفكر في ايه
=انا بفكر في حاجه واحده ازاي اخرجك من حياتنا
= بطل تلقح زي الناس الي بيلقحوا ع السوشيال
=كل ما اقول كلمه الحق تعتبريها اهانه
= ايه اصلي مش سامعه
= انتي لازمك دكتور شكلك طرشه وضيفي عليهم بارده
.......منه محمد.........
نهله عماله تتصل بكريم موبيله غير متاح
خالد بهدوء: عاوز يبقي اكيد لوحده بلاش تضيقيه
نهله بتاكل ضوافرها: بس انا قلقانه عليه ولا انت مش قلقان ولا بس بتقلق علي الحشره دي الي بتعصبه
خالد: الزمي حدودك وبطلي تكوني عدوانيه كريم صاحبي ليه مقلقش عليه
حسن: انا راي من راي خالد خاليه لوحده يفوق وهيبقي بخير
......منه محمد.........
بعد ربع ساعه من الحادث الخبر وصل لعاصم وعاليا من فاعل خير وده من خلال موبيل كريم جريوا علي المشفي بسرعه لقوهم داخلين بيجروا بكريم ووشه كله دم !
الدكتوره بزعيق: نفس بسرعه بسرعه المريض هيدخل في غيبوبه وفيه جروح كتير
عاصم بنحيب يدمي القلوب: ابني كريم ابني قوم ياكريم خلاص والله ماهكدب عليك تاني ولا هضايقك تاني انا غلطان يابني والله كنت بكدب
الممرضات بعدوه عنه بسرعه
عاليا الي ماتت الف مره من منظره لو مات لالالا مش هتكمل مش هتعيش لكن لو هو موجود في عالمها وحياتها معني كدا انها لسه علي قيد الحياة وانها بـ تتنفس الاوكسجين وقلبها قادر يخفق بانتظام
خالد داخل بيجري: كريم حالته عامله ايه
عاصم: لسه مش عارفين من ساعه ما دخلوا محدش خرج
حسن: انشاء الله حيبقي بخير
نهله الي شافت عاليا راحت وهجمت عليها: لو حصل حاجه لكريم انا حقتلك سامعه حقتلك
خالد شدها وكتفها: نهله فوقي وارجعي لوعيك ده وقت لوم وعتاب
نهله بصراخ: انت ع طول واقف في صفها رغم انها السبب لو دي مش موجوده كان كريم بخير ووسطنا ومعانا هي الي دمرت حياته
عاصم صرخ: كفااايه لو عايزه تلومي حد يبقي تلومني انا مش عاليا
حسن شدها: تعالي هنا واقعدي عاقله
نهله قايمه تاني تضربها
حسن بزعيق: قلت اقعدي
خالد لف لعاصم: انا بعتذر بالنيابه عن نهله واعذروها مصدومه
عاصم: عاليا مالهاش دعوه كل ده بسببي انا
عاليا بينها وبين نفسها... كريم اوعي تسبني ووعد لما تفوق هسامحك علي كل حاجه ومش حزعلك ابدا لانك حبيبي ومش ممكن تسبني كدا وحيده في الحياه
فوقها من امنيتها خروج الدكتور الي جريوا عليا بلهفه نفسهم يطمنهم قرب الدكتور وعاصم بلع ريقه وهو منتظره يتكلم
الدكتور: اصابته كسر في الدراع وضلع مكسور ده غير الاعضاء الداخليه متضرره بشكل كبير وفيه نزيف داخلي في المعده بس فيه مشكله
عاصم: ايه هي؟؟!!
الدكتور: فيه نقص في الدم وحاولنا نتصل بمستشفيات تانيه بس فصيله دمه o ودي فصيله نادره ومش موجوده وكدا ممكن المريض يموت
عاليا عيونها برزت لقدام
عاصم: انا والده ممكن تاخدها مني
الدكتور: عندك مشاكل سكر ضغط
عاصم: ايوه
الدكتور: للاسف مينفعش
عاليا: انا نفس فصيله دمه ومش بعاني من اي مرض ممكن اتبرعله
الدكتور : اوك تعالي معايا
عاصم بتوسل ورجاء: امنتك بالله علي ابني
الدكتور: بنعمل الي علينا ادعيلوا
عاصم بخوف اتهز وكان حيغمي عليه
عاليا جريت عليه: بابا اهدي واتماسك كريم حيرجع وحيكون بخير
نهله بحقد: طبعا بتتمنيها يموت لان لو حصله حاجه الميراث كله حيروحلك طبعا دي خطتك مش كدا انت ثعبان فعلا افعي
عاليا: اسمعي انا مش عايزه حاجه واول ما كريم يتعافي حسيب حياته
عاصم مسك ايدها: عاليا مش ممكن تسبيني
نهله: دي كدابه بتقولي كدا لانك واثقه ان كريم ممكن ميقمش منها تاني
حسن بعصبيه مفرطه: كفايه يانهله ليه تفولي عليه
خالد: ده وقت تصفيه حسابات كدا الامور هتزيد اسوء كلامك هيأذي مشاعر الكل
نهله: لازم اكشفها الالعبانه دي كل الي كريم بيعانيه دلوقت بسببها!!
عاليا مشت من قدامها تتبرع بالدم لكن مرجعتش
عاصم قام يدور عليها: عاليا فين ليه مرجعتش
خالد قعده: خليك مستريح انا هروح ادور عليها
نهله مسكت دراعه تمنعه: خالد خليك
خالد حدف ايدها: ده يخصني انا متدخليش
نهله رايحه وراه
حسن شدها: نهله اهمدي بقي والا اروحك استغلي وقتك في الدعاء لكريم بدل ما عماله تدوري علي مشاكل مع عاليا هي ذنبها ايه
نهله اتكلمت:ذنبها انك دخلت حياته ،،ذنبها انها وقفت قصاده ،،ذنبها ان كريم دلوقت بيموت
حسن سكت قبل ما يتعصب عليها لانه رافض كلامها وافكارها!!!!
..........منه محمد........
عاليا راحت لمكان بعيد تفرغ فيها همها من فيضان دموع وندم
خالد الي راح وراها وقعد جنبها بصتله وبكت سكتو الاتنين لمدة تفرغ قهرها بعدها
عاليا: عمري ما تخيلت كل ده يحصل وان الامور توصل لكدا
خالد: عارف وده مجرد حادث قضاء وقدر محدش فينا بيبقي عايزه يحصل هونيها علي نفسك
عاليا انهارت
خالد مسك ايدها يطمنها: كريم عنيد حيفوق ثقي فيا
عاليا مسحت دمعة فرت من عينيها وهمست لة : بس انا خايفه
خالد: روحي اغسلي وشك عشان تجمدي كدا
عاليا هزتله دماغها وقامت دخلت الحمام تغسل وشها وتتوضا وتقف بين ايدين المولي تناجيه يرجعه لحياتها!!!! قربت وفتحت الحنفيه لحد ما اتملي الحوض وهي سرحانه في حاله كريم لقت حد مسك دماغها ودفنها كلها جوه الحوض لدرجه انفاسها اتحاشت
نهله: كريم لو نجا ده مش هيخليكي تفلتي من العقاب وتعيشي مرتاحه
ورفعتها لمجرد تاخد نفس ورجعت غطستها تاني: لازم تحسي بكريم وهو بين الحياه والموت
عاليا قدرت تنجد نفسها بأعجوبه وزقتها: ابعد عني
نهله: انتي الي تبعدي عن كريم لاني ممكن اعمل اي حاجه عشان احميه منك اقتلك ودي ممكن اعملها وبسهوله
قطع عليهم الخناق لما اعلنوا عن توقف قلب المريض!!!
تعليقات
إرسال تعليق