رواية أين منزلي الفصل الثاني عشر 12 بقلم ندى حسن

خالد بتعب :ﻻء ياجماعة لازم تتغادوا معنا

راشد : لاء يا حاج مالوش ﻻزوم احنا اتاخرنا ولازم نمشي

خالد : مايصحش يا حاج راشد

راشد ببسمة:مرة تانية ان شاء الله

ذهب راشد و ناهد وادم

وظل نهال و خالد

نهال : هتسيب بنتنا يخدوها

خالد وفى قلبه الكثير من الاﻻم:دول اهلها برده ياحيبتى

نهال

 : بس احنا الى ربنها ورعينها وانت عارف احنا اعتبرناها بنتنا ازاى

خالد وهو يحتضنها : خلاص يا نهال ساعتها يحلها ربنا لسه فاضل فترة على الامتحانات

وبطلى عياط بقا ندى زمانها جاية ومش عايزها تحس ب اى حاجة

نهال :طيب انت هتقولها ازاى بعد الامتحانات وندى حساسه جدا هتستحمل كل ده ازاى

خالد وهو يتنهد:سبيها على الله

نهال :ونعم بالله

فى هذه اللحظة دخلت ندى :انااا جيييت

خالد ببسمة:نورتى يا حبيبة بابا

ندى وهى تنظر لهم :فى ايه مالكم

نهال :لا ابدا يا حبيبتى مافيش حاجة

ندى بخوف وتذهب وتحتضنها :ماما مالك انتى كنتى بتعيطى

نهال بإبتسامة:ﻻء ياقلب ماما انا بس مصدعة شوية

ندى وهى تنظر لخالد بخوف : فى ايه يابابا مالكم شكلكم غريب ومش مظبوط خالص النهاردة

خالد بطمأنينة : ياحبيبتى مافيش حاجة والله انتى قلقانة على الفاضى المهم عملتى ايه فى الامتحان النهاردة

ندى : الحمد لله يا داد كله تمام

خالد بإبتسامة : شاطورة ياقلب بابا

ندى بغمز 

:تربيتك يا داد

ابتسم خالد لها بحزن

نهال:روحى غيرى هدومك عشان تتغدى مع بابا يالا واخواتك زمانهم جايين

ندى : اه صح اومال يابابا حضرتك جاى بدرى النهاردة ليه

توتر خالد ثم قال:ايه ياندى مش عايزانى اجى اتغدى معاكى

ندى وهى تحضنه :لاء يا بابا مش كده والله انا بس استغربت ده انت منور البيت يا داد والله

خالد بضحك

 : بكاشة انتى

ندى : مين ديه انا

نهال : يالا ياندى غيرى بقا

ندى : حاضر يا مااااماااا

غيرت ندى ملابسها وخرجت وجدت عائلتها متجمعين على الطاولة ومنتظرينها

ندى : ايه ده التؤام الشياطين نوروا

ضحك الجميع عليها وقال خالد : يالا تعالى ياندى

ندى : ثوانى يا بابا هروح اشوف اسر يتغدى معايا

كرم:ياخراابي على المحن ياناس

خالد:كرم بس .روحى يا ندى

اتجهت ندى الى شقة وفتحت ام اسر : ازيك ياماما عاملة ايه وحشاانى اوى

ام اسر : انتى اكتر والله وهو انتى يعنى بتسالى يا بكاشة

ندى وهى تحتضنها :والله ياماما الكلية بقا انتى عارفة

اومال آسر فين

ام اسر : جوه فى اوضته ادخليله

دخلت ندى الى غرفة اسر بعد ان طرقت الباب وسمح لها بالدخول ظنا انها والدته

ندى : اسر تعالى يالا اتغد......يخربيتك استر نفسك يالاه

اسر بضحك

 : انتى بعد كل العمر ده ولسه بتتكسفى

وبعدين انا لابس البنطلون اهو

ندى وهى لسه حاطه يديها على عيونها:لبست

اسر بضحك

 : اه

ندى وهى تشيل يديها وتنظر له :طيب يالا.ع ..ياحيوان ياكداب انت مش قلت انك لبست

اسر بضحك

 : ما انا بلبس اهو .كنتى عايزة ايه

ندى : البس وتعالى يالا اتغدى معايا كلنا مستنينك

اسر : قولى والله يعنى مش انتى الى قلتى لهم هتنادى عليا وكرم ما اتريقش

ندى بضحك

 : يابنى هو بيحب يهزر معاك يالا بقا عشان بابا مستنينا

اسر : خدى بالك هو بيغير منى

ندى : ايه الى انت بتقوله ده بالعكس والله ده بيحبك اوى

اسر بسخرية : انتى هتقولى لى

ندى :والله ابدا بالعكس هو انا اللى هقولك يعنى

اسر :طيب ياختى

ندى : خلاص بقا يا اسر بابا هيزعق اتاخرنا

خرجوا الى الصالة وقالت ندى:تعالى اتغدى معانا يا ماما

ام اسر : ﻻ ياحبيبتى انا هستنى عمك عشان لما يجي

اسر بغمز 

 : اى خدمة سيبتلك البيت اهو اتغدوا بقا فى جو رومانسي

ضحكت ندى بينما قالت ام اسر : ياخربيتك قليل الادب اتلم ياوله

اسر : يالا بينا ياندى عشان الجو نخلى لها الجو وتجهز الدنيا قبل الحاج ما يجى

نظرت امه له بصدمة : تصدق انى ما عرفتش اربيك

اسر : حاجة معروفة من زماان ياست الكل

ندى بضحك

 : يالا يا اسر يخرب عقلك

ذهبوا للغذاء ولم يخلى الغذا من خناقات اسر وكرم المستمرة

~~~~~~~~~~~~~~~~~~~Nadooo ~ ~ ~ ~ ~ ~ ~ ~ ~ ~

فى المساء

اسر : ريحى ياندى النهاردة ونبدا مذاكرة بكرا

ندى بتعب : ﻻء يا اسر انا هكمل روح هات ادواتك وذاكر معايا

اسر:

مين ده الى يذاكر بتكلمينى انا .انا تعبان وعايز انام ياندى ارحمينى

ندى 

 :هتسيبنى اذاكر لوحدى بليل وكلهم داخلين يناموا وانت عارف انى بخاف اقعد لوحدى

اسر : ااف خﻻص انا عارف انتى كده كده ماكنتيش هتسبينى غير لما اجى اقعد معاكى...بصى خمس دقايق وجيلك

ندى ببسمة : ما تتاخرش

وبعد عشر دقائق اتى اسر وهو يحمل علبتين من البيتزا 

ندى : يعمر بيتك يا اخى والله

هو انت مافيش يوم تدخل عليا غير بالاكل انت مش بتشبع

اسر : الله أكبر فى عينك

ندى : طب بقولك ايه ياقلبي هاتلى بيتزاية بقا اومال انت جايب الاتنين ليك ولا ايه

اسر بإستغراب : انتى يابت مش كنتى بتقولى انى مفجوع

ندى 

 ايه ده مين الى قال كده وبعدين يا اسر الواحد بيذاكر وبيجوع بقا وتسحب من يديه واحدة وتفتحها وتاكلها

واسر يجلس بجانبها وياكلون ويمرحون سويا وياكلها بيده

ومن ثم ذاكروا سويا لحد الساعة 2 ونص

اسر : ااااه ياني يااما ماكان يومى ضهرررى اتكسر منك لله ياندى يابت ام ندى اجلى هيبقى على ايدك ياندى انا تعبت انا قايم انام

ندى بتعب : والله انا كمان مش قادرة بس ساعة ساعة كمان

اسر وهو يقوم :غورى ياشيخة من هنا ربنا يهدك هدتينى

ندى بنعاس 

:بص فاضل ساعة على الفجر نفضل نذاكر ولما يأذن نصلوا وناموا

نظرت لاسر وجدته قد غط فى النوم

كادت تقوم الا ان الكهرباء قطعت

ندى بخوف

:اسر اصحى قووم

اسر

:سبينى انام ياحبيبتى بقا بالله عليكى

ندى بدموع وهى تتخيل ان احد يمسكها وتحضن اسر : النور قطع يا اسر

فام اسر مفزوع وجدت ندى تحتضنه وتبكى بشدة :بااس بس بااس ياحبيبتى انا جنبك

ندى ببكاء

ماتسبنيش يا اسر كان هنا كان هياخدنى

وتتشبت به اكثر وهو يمسح على شعرها :اهدى يا ياقلبي انا جنبك ومش هسيبك ابدا

هدات ندى وظل اسر محتضنها

وبعد ان هدات قال اسر بهدوء وتعب : لسه برضو ياندى لحد امتى الموضوع فات عليه اكتر من 13 سنة ليه بتعملى فى نفسك وفينا كده

ندى بتوهان ودموع :غصب عنى يا اسر والله

اسر بحنان : ماتعيطيش ياقلبي خلاص

ندى:لسه فاكرة اليوم كانه امبارح كل ما الكهربا تقطع المشهد بيعيد نفسه قدامى

اسر : انتى قوية ياقلبي وان شاء الله هتقدرى تتغلبي على مخاوفك

ابتسمت ندى بسخرية : فات13 سنة كان حالى قدرت فيهم

اسر : ماتقلقيش ياحياتى ان هفضل معاكى على طول وماتخفيش من حاجة طول ما انا معاكى

احتضنته ندى : ربنا مايحرمنيش منك ابدا

عادت ندى بذكرها الى الماضى كان عندها 9 سنين

عندما كان خالد خارج البﻻد ل يتمم مشروع ما .اتجهم بعض الرجال على الفيلا وكان يريدون خطف ندى

لكى يهددوا بها خالد ليتنازل عن ثفقة مهمة جدا

ولكن كان هناك حرس يحرصوها هى وامها واخوتها

سحب احدهم ندى وندى تصرخ : سبووووونى ياااااااامااااااماا

اااااااااااسر

فى ذلك الوقت كان احد الرجال يكتف امها ويحمل التوام ويريد اخذهم ايضا

ولكن ذلك الرجل اخذها وكان ينزل السلالم ويطلق النار على الحراس وندى تصرخ وخائف وفجأة انقطعت الكهرباء وكانت لا ترى جيد ولكن كل الذى تراه اجسام تسقط على الارض

كاد يخرج بها الا انا بعض الحراس هجموا عليه وتم انقاذ الموقف و ذهب احد الحراس ليضئ النور ولكن عندما أضائه

انصدمت ندى مما تراه 

فكانت الجثث فى كل مكان تقريباً والدم مثل البحور ورأت قطتها اتية فى اتجائها وتمشي على الدم حتى امتلئت فروتها بالدم فزعت ندى من المنظر أمامها وسقطت مغمى عليها ..فكيف لطفلة بعمر التسع سنوات تحمل كل هذا

فقدت ندى النطق لفترة وعندما علم خالد جاء مسرعا وقرر النقل من الفيلا والعيش فى منطقة بعيدة عن الخطر لكى يحمى اوﻻده وكان وقرر ابو اسر للانتقال مع خالد بسبب الحاح اسر لانه لا يريد ترك ندى

ومنذ ذلك اليوم ندى تخشي من الظﻻم

ولديها فوبيا من القطط بعد ان كانت تحبهم

فاقت ندى من شرودها على صوت اسر : ماتفكريش كتير يا ندى فى الموضوع ده

سمعوا صوت اذان الفجر قاموا توضئوا وصلوا

اسر بمرح:ايه لسه خايفة اجى انام معاكى

ضحكت ندى : ﻻء مش عايزة حد ينام معايا اتفضل روح نام فى اوضتك وبعدين مش لدرجة ديه يعنى 

ابتسم اسر : تصبحى على خير يانودى

انتوا لسه صاحيين كان هذا صوت خالد

اسر بمرح :منها لله بنتك بقا اعمل ايه

ندى : اهو يافاشل اديك صليت الفجر حاضر مش احسن ماكنت تنام للظهر ويضيع عليك

اسر : وجهة نظر برضو

خالد : خلاص بقا يالا روحوا ناموا مش انتوا عندكم اجازة بكرا صح

ندى : اه

خالد:ادخل نام هنا يا اسر احسن ماتقلقهم فى البيت

اسر : حاضر ياعمى

ذهبوا ندى واسر الى غرفهم وناموا سريعا دون التفكير فى شئ .

~~~~~~