رواية أين منزلي الفصل الحادي عشر 11 بقلم ندى حسن

خالد بإستغراب : عندى انا

اوماء له راشد:ايوا

خالد :ايه هى

راشد : بنتى

خالد بصدمة : بنتك

راشد : انا عارف انه الموضوع صعب جدا ومش عارف ابدأ منين

خالد:انا مش فاهم يعنى بنتك عندى ازاى

راشد بتوتر : ندى

خالد :افندم

راشد : ندى تبقى بنتى

خالد بعصبية : ايه الى انت بتقوله ده

راشد:اسمعنى بس يا استاذ خالد

خالد :انا مش عايز اسمع حاجة

راشد: لازم تسمع لانى عايز بنتى

نهال ببكاء 

:ماحدش هياخد بنتى من حضنى يا خالد عايزين ياخدو بنتى انا مش هسمحلهم ابدا ياخااالد

خالد:اهدى يا نهال محدش هيقدر يا خدوها وبعدين ياخدوا بنتنا ازاى وبصفتهم ايه

راشد:بصفتى ابوها

خالد : ايه اللى انت بتقوله ده .وبعدين مين قالك الكلام ده وايه الى يثبت كلامك

راشد : معايا تحاليل تثبت كلامى

ثم يخرج التحاليل ويعطيها ل خالد

خالد:انتوا فى وعيكم ولا جايين ترموا بالاكم علينا .روحوا دوروا على بنتكم فى مكان تانى

راشد : بنتى هنا ادور عليها فى مكان تانى ازاى واتفضل بص فى التحاليل

خالد:وايه يثبت ان التحاليل ديه ل ندى وانت ازاى عرفت تعمل التحاليل ديه اصلا وانت عرفت بنتى منين اصلا

راشد : اتبرعت لى بالدم

خالد :وانت اى حد يتبرعلك بالدم بتعمله تحاليلDNA

راشد : ممكن تهدا وتسمعنى

خالد : انا هادى اهو ولما اسمع اسمع كلام يدخل الدماغ مش كلام زى الى انت بتقوله ده

كل هذا تحت بكاء نهال ودموع ناهد

عندما وجدت ناهد ان خالد لم يتقبل ان يسمعهم ذهبت الى نهال وقالت

ناهد 

:انتى ام واكيد حاسه بيا انا بنتى مختفية بقالها 22 سنة وبندور عليا وانا نفسي اشوفها من زمان اوى واكيد انت عارفة انها مش بنتك لان انا الى حملت فيها وانا الى جبتها على الدنيا صحيح ان الام الى بتربي وتكبر مش الى بتولد بس انا عايزة بنتى ترجع لحضنى ارجوكى رجعيلى بنتى

نهال

:ديه بنتى انا مش بنت حد تانى انتوا عايزين منها ايه

راشد:استاذ خالد خلينا نقعد ونتفاهم

خالد :وانا مش هنتفاهم اتفضلوا

نظرت ناهد نظرة رجاء وحزن شديد ل نهال

تفهمت نهال هذه النظرة فهى ايضا ام ووضعت نفسها مكانها

نهال وهو تمسح دموعها :اسمعهم يا خالد وخلى كل واحد يقول الى عنده

خالد :ا انتى اتجننتي يا نهال وايه الى يثبت ان التحاليل ديه ل ندى

راشد : لو مش مصدقنى انا مستعد اعمل التحاليل تانى

هدأ خالد وجلس هو راشد وادم ونهال وناهد

-------------

وبعد مرور حوالى ساعة

خرجت ندى وميار من المدرج وجدوا اسر ينتظرهم :ايه عملتوا

ندى ببسمة:الحمد لله الامتحان كان كويس

اسر: طب ايه مش يالا

ندى وميار بضحك : ايه عم الحاج انت لسه عندنا امتحان تانى

اسر 

:ايه ده بجد

ندى : اه بجد

اسر : ربنا معاكى ويوفقك ونظر لميار : ويوفقك انتى كمان يا ميار

ندى : ومعاك يارب

اسر : طب تعالوا ناكل اى حاجة عشان يا انتى مافطرتيش ياندى وكمان زمانك انتى كمان ياميار

كادت ان تعترض الفتاتين

ولكن اسر : مع عايز كلام يالا

وذهبوا الى الكافتيرا وبعد ان فطروا

اسر : انا ماعنديش امتحان تانى وهقعد استناكم على بات ماتخلصوا

ندى : مش مشكلة يا اسر روح انت ارتاح واحنا هنخلص ونيجى على طول

اسر 

:والله

ندى:

خلاص يا اسر براحتك ولو عايز تيجى تمتحن معانا ما فيش مشكلة

ضحك اسر وميار على ندى 

ندى : اه صحيح تصدق انى باردة انت كل امتحان بتسالنى عملت ايه وانا مش بسالك

اسر بإبتسامة :ولا يهمك ياحبيبتى انا عارف انك بتبقى متوترة من امتحاناتك وكده

ندى : ايوا ماشي ماتغيرش الموضوع عملت ايه

اسر

:ايه بتكلمينى انا

ندىوهى تعلم ان اسر يغير الموضوع :اومال انا

اسر 

 :الحمد لله كله تمام

ندى بنظرة شك :اكيد

اسر : مش يالا بقا شكلكم اتاخرتوا يالا

ذهبوا ندى وميار الى الامتحان

وظل اسر ينتظرهم

~~~~~~~~~~~~

--------------------~~~~Nadooo~~~~

يقول راشد ل خالد الذى يضع راسه بين يديه الاثنين

راشد : انا عارف ومقدر شعورك كويس

هز خالد راسه بينما نهال كانت تبكى وناهد تحول ان تواسيها

راشد : طيب ده الوقت بم ان الامور كلها بقت واضحة

ندى هتعرف امتى بالموضوع ده عشان انا عايز ارجع ببنتى البلد ف اقرب وقت ممكن

نظرت له نهال بفزع ايريد ان يأخذ ابنتها منها ويبعدها عنها

راشد : ماتقلقيش فى اى وقت انتى هتعوزى تشوفيها فى انا هجيبهالك او انتى تنورينا فى الصعيد ماتنسيش انه انتى كمان امها

نهال

:تعالوا انتوا عيشوا هنا انا عايزة بنتى تفضل جبنى وقالت بهستيرا :او او تعالوا انتوا اللى عيشوا معانا البيت اهو كبير ونظرت لخالد او نروح الفيلا يا خالد وهتكفينا كلنا ونعيش هناك

خالد وهو يحتضن نهال :اهدى يا حبيبتى اهدى وكل حاجة هتبقى كويسه

راشد : انا مقدر شعوركم كويس بس ماتنسوش انه انتوا كمان اهلها وهتفضلوا اهلها طول العمر

بالنسبة لموضوع نعيش معاكوا ده ف مش هينفع ابدا ولو كان ينفع ان كنت عملت كده

راشد. : ها قلت ايه يا حاج خالد

خالد: هى ده الوقت فى فترة امتحاناتها والامتحانات لسه قدمها فترة على بات ماتخلص

ف ان شاء الله بعد الامتحانات عشان مش عايز حاجة تاثر على الامتحانات بتاعتها

راشد : ان شاء الله

ناهد

:اانااا ع..عايزة..اش..اشوف ..ص..صورها ممكن اذا ماكانش يضايقكم

نهال 

:حاضر ثوانى

احضرت نهال البوم صور لندى : ده صورها من وقت ماكانت صغيرة لحد ده الوقت

بكت ناهد بشدة وهى تطلع على صور بنتها الذى تربت وهى صغيرة حتى كبرت بعيد عن احضانها. احتضنها راشد وهو يتطلع معها على الصور

ناهد

 :شوف يا راشد جميلة وبريئة ازاى ثم ضحكت وفيها ملامح من ادم رسمة عنيهم زى بعض

تطلع خالد ونهال الى ادم الذى لم ينطق بكلمة واحدة وفعلا فملامحه وعيونه مثل عيون ندى ونفس لونها

توتر ادم من نظراتهم ولم يتحدث بكلمة واحدة

وبعد فترة من الصمت

قال راشد..........