رواية أين منزلي الفصل العاشر 10 بقلم ندى حسن

راشد : ايوا

صدمت ناهد وظلت تبكى وتحمد الله على ان بنتها مازالت عائشة

راشد : بتعيطى ليه ده الوقت ياناهد

ناهد:يعنى ياراشد يوم ما نعرف بنتنا عايشة ما نعرف لهاش طريق

راشد : ماتقلقيش انا هروح المستشفى واشوف فى ملفات المتبرعين يمكن نعرف عنوانها

ادم:مش هتلاقى

راشد : ليه

ادم : الممرضة قالت لنا انه الملفات كلها اتحولت على المخازن

راشد وهو يقاطعه :وايه يعنى ندور ونروح المخزن ده

ادم:ما انا لسه ما كملتش كلامى يا بابا .الممرضة قالت لنا انها ممكن تساعدنا ونروح المستودع بس بشرط انه ما فيش حد يعرف وفعلا رحنا انا وعدى لما كان موجود وخلال الاسبوع ده فضلنا ندور وندور لحد مالقينا الملف بس مافيهوش عنوان ولا بيانات عنها مافيش غير اسمها

راشد:وانت ليه ماقلتليش الكلام ده

ادم:كنت خايف تطلع مش هى وما كنتش عايزة اديك امل ملوش لازم

راشد.:اسمها ايه

ادم:ندى خالد المنشاوى

راشد وهو يتذكر:خالد المنشاوى اسم مألوف عليا

~~~~~~~*-----------~~~~~~*--------

مر يومين ظل راشد وادم يبحثون عن ندى ولم يجدوها

بدات امتحانات اسر وندى وتعافت ميار الى حد ما وكان اسر وندى يذهبوا الى منزلها لكى يأخذوها فى طريقهم لان قدمها لم تتعافى بشكل كامل

وكان اسر يذاكر بجد حتى يحصل على تقدير

اخبر راشد عائلته بالذى حدث معه فى الاسكندرية وانه لن يعود الصعيد الا بإبنته

~~~~~~~~~~~~~~~~~~~~~~~~~~~~~~~~~~~~~~~

وفى اليوم الثالث

راشد :ادم انزل الشركة بقا انت بقالك يومين ما نزلتش الشركة وماينفعش نسيب عمك لوحده وعدى مسافر

ادم : بس يا بابا احنا لسه مندور عليها

راشد : ماتشغلش بالك انت انا هفضل ادور انا ورجالتى

ادم:ما اشغلش بالى ازاى يعنى

راشد:انا قلت كلمة واحدة يا ادم وكمان احنا اجلنا تقييم المتدربين فى الشركة ل فترة طويلة وما ينفعش يتاجل اكتر من كده وعشان محدش يعرف يقوم بالشغل ده غيرك انت او عدى وعدى مش موجود ومش عايز نقاش فى الموضوع كده

ادم : حاضر يا حاج

اتجه ادم الى الشركة وجلس فى مكتبه واستدعى السكرتيرة :هاتيلى كل الملفات بتاعت المتدريبن بتوع السنة الى فاتت والسنة ديه .

السكرتيرة : حاضر يافندم

ذهبت السكرتيرة واحضرت له جميع الملفات وخرجت وتركت ادم ياراجع الملفات ولكن جاء عند ملف معين ونظر له بصدمة

***********************************************

خرجت كلا من ندى وميار من الامتحان و وقفوا ينتظروا اسر

وبعد فترة اتى اسر: فى ايه مالكم قالبين وشكم ليه حد كلمكم

ندى ببسمة مصتنعة :لا ابدا يالا عشان تعبانة و مصدعة شوية وعايزة اناام

اسر : ايه الى حصل ومش هقررها تانى

ميار:اسر

اسر بهيام:نعم

ميار :اولا ما تعليش صوتك احنا فى الكلية وثانيا الامتحان كان صعب شوية وده الى مضايقنا

اسر:ياسلام عاملين كل ده عشان الامتحان ك...

قاطعته ندى : بقولك ايه بلا عاملين ولا ماعملناش عايزة اروح بالله

اسر بحزن عليها : خلاص ياندى ماتزعليش لسه فى امتحانات كتير هتعوضى فيها ان شاء الله

ندى

:انا غبية غبية يا اسر كان زمانى مقفلة المادة ده الوقت بس لولا غبائى

اسر:يعنى ضيعتى درجات كتير ولا ايه

ندى:نص درجة

اسر:يا شيخة ابو شكلك وانا فكرتك هتشيلى المادة

نظر لميار :وانتى

ميار

:ييييييه ماتعدش

ضحك اسر عليها:حبيبتى ديه طالعه لى يابت

احمر وجه ميار بينما نظرت له ندى بحاجب مرفوع 

وهمست له اتلم مش فايقة لك

اسر بتوتر..يالا بينا بقا

وانجهوا الى البيت

~~~~~~~~~~~Nadooo~~~~~~

فى الصعيد

اجتمع الحاج ابراهيم ب باقى العائلة

ابراهيم:عمكم لقه بنته

صفية :يعنى بعد العمر ده كله وافرض مش هى

ابراهيم :هما قالوا انهم اتاكدوا

صفية بسخرية : تلاقيها عايش لوحدها والله اعلم كانت بتعمل ايه

ابراهيم بصرامة :صفية

صفية :ايه ياحاج هو انا قلت حاجة غلط مايمكن عايشة لوحدها ودايرة على حل شعرها

ابراهيم بغضب

 : صفية.هى برده الى دايرة على حل شعرها

صفية :قاصدك ايه يا حاج

ابراهيم :ماتلم مرتك يامحمد ولا ماجدرش عليها

محمد:ما خلصنا ياصفية عاد واتفضلى اطلعى فوج

ونظر لابوه :معلش يابوى حجك عليا

لم يرد عليه ابراهيم

قالت ايتن:يعنى ياجدى هى هتيجى تعيش معانا اهنئ

ابراهيم:مش عايزاها تيجى

يعنى

ايتن:ابدا ياجدو والله ده انا حتى متحمسة عشان اشوفها

مرام:وياترى بقى عندها كام سنة ياجدو ولقوها ازاى وفين

ابراهيم بضحك:طب واحدة واحدة كل ديه اسئلة

هى عندها تقريبا 22

ايتن:اكبر مننا يعنى طب هى فى كلية ولا لاء

الحاج ابراهيم :انا ماعنديش تفاصيل للموضوع لما عمكم يجي حتعرفوا كل حاجة

ايتن ومرام:طب هيجوا امتى

إبراهيم:لسه فى علم الغيب وكلام فى سركم هما لما عرفوا انها بنتهم اختفت ولسه بيدوروا عليها

ويلا بقا روحوا ذاكروا عشان الامتحانات

~~~~~~~~~~~~~~~~~******************

كان ادم يتطلع الى الملف امامه بصدمة وكان هذا الملف يخص اخته او بمعنى ادق ندى خالد المنشاوى هذا يعنى ان اخته كانت من المتدريبن فى الشركة السنة الماضية

اخد الملف وذهب الى شقة عدى الذى يسكن فيها حاليا هو و والده ووالدته

فى الشقة

ناهد : مالك ياحاج

راشد وهو يتنهد : خايف انى مالقيهاش ياناهد

ناهد : ماتقلقيش يا حاج المكتوب هو الى هيكون

راشد وهو يحتضنها : هرجعها

مهما كلفنى الامر صدقينى

ناهد : افرض...

قاطع كلامهم دخول ادم عليهم يقول بضحك

 : اسف قطعت عليكم اللحظة الرومانسية ديه

راشد : اتحشم ياولد عاد مافيش حياء

ادم بضحك

:لاء مافيش ..والنبي ما انتى قايمة يانهودتى خليكى

ناهد : ﻻ هجوم انا احضر الوكل

ادم بضحك:ما انا كل ما اجى تجومى تحضرى الوكل

ضحكت ناهد وراشد على ابنهم

ذهبت ناهد الى المطبخ بينما قال راشد ل ادم : ايه يا ادم عايز تجول ايه وايه الى جابك ده الوجت

ادم

:ايوا طبعا ما انا جيت فى وقت مش مناسب

راشد :

ادم بخوف : خلاص ياحاج بهزر الله بلاش

راشد : ماجوبتنيش برضو

ادم:كيف عرفت انى عايز اجولك حاجة

راشد ببسمة : عنيك بتقول يامه وبعدين انت ولدى يعنى افهمك من غير ما تتكلم

ابتسم له ادم : ندى

راشد وهو يبلتع ريقه :مالها

آسر: عرفت عنونها

راشد بفرح :ازاى

ادم وهو يعطيه الملف:كانت من المتدريبن فى الشركة السنة الى فاتت

راشد:الدنيا صغيرة اوى يعنى بدور عليها فى كل مكان وكل حتة وفى الاخر تطلع كانت شغاله فى شركتنا ومعرفناش

ادم : كل حاجة وليها اوان

راشد:صح يعنى كل الملف ده فى كل المعلومات عن اختك

استغرب ادم لماذا قال له اختك ولم يقول اسمها او بنته

قاطع كلامهم صوت اشياء تكسر نظروا وجدوا ان الاطباق وقعت من يد ناهد ومن الواضح انها سمعت حواراهم

وفجاة اغمى عليهت ركضوا اليها ادم وراشد

********************************

احضر ادم الدكتور وقام بالفحص

راشد بقلق فهى شريكة حياته كيف لم يقلق عليها:خير يادكتور ان شاء الله خير

الدكتور : خير ان شاء الله بس هى تعرضت لخبر او صدمة وهى كان ضغطها عالى وادى الى اغمائها بس هى كويسه الحمد الله

ادم وهويوصل الدكتور:شكرا يادكتور

راشد:ايه الى حصلك يا ناهد كده تقلقينى عليكى

ادم : ما تقلقش يا بابا الدكتور قال هتبقى كويسه

فاقت ناهد وادم يقول:هتعمل ايه يا بابا

راشد : نطمن على ناهد ان شاء الله وابقى اروح اشوفها

ناهد:انا عايزة اجى معاكم عايزة اشوف بنتى ده الوقت

راشد : انتى لسه تعبانة

ناهد : لاء انا كويسه جدامكوم اهو

ادم بمرح لكى ينهون على ولدته:شبهى

نظروا اليه باستغراب :وانت عرفت منين انها شبهك

ادم بتوتر : م..ش ..مش ا..خ..تى ..اختى لازم تكون شبهى

علمت ناهد انه يكذب :هتكذب على امك يا ادم

ادم وهو يقبل يديها :ما عاش ولا كان الى يكذب عليكى ياما

ادم

:اليوم الى اتبرعت فيه ل بابا يوم العملية

راشد بغضب

 : انت ازاى ماتجولش حاجة زى ديه

ادم

:انا ساعتها ماكنتش لسه اعرف بالموضوع ده والله وبعدين حصلت حاجات كتير بعدها وماجاش على بالى اخبركم

ناهد بحنان:شكلها كيف ياولدى

ادم : مارديتش اخبركم عشان السؤال ده بالذات عشان مش فاكر ملامحها اوى

ناهد برجاء :طب افتكر اي حاجة ياولدى لون عنيها شكلها و..و.و. ولبسها كيف

ابتسم لها ادم : ﻻء ماتجلجيش يا امى هى محجبة ولون عنيها عسلى كده و...و.و مش فاكرة والله ياما

راشد بغضب :ﻻء والنبي كنت افتكر وانت جعدت تبحلج ف البنت عاد

ادم:والله يا ابوى ما حصلش بس انا لقيتها هى الى بتبصلى الاول وكأنها بتشبه عليا او تعرفنى

ناهد : انا واثقة فى تربيتى ياراشد ابنى ما يبصش لحرمة واصل ....ويالا بينا نروح قبل الليل

ادم

:يا امى ماينفعش

ناهد:وهو ايه الى مانفعهوش عاد

ادم بغضب : انتوا ليه مش مجتنعيين باللى بتجولوه .

تفتكروا انها هتصدجكم اكده بسهولة ولما تجولوا لها انتى بنتنا مفاكرين راح تنرمى فى حضنكم عاد ويمكن تكون عايشه مع نااس ومفكراهم عليتها وانتوا تيجوا تجولولها بسهولة اكده احنا عيلتك يالا ارجعى معانا والله الموضوع صعب مش بالسهولة الى مفكرينها ديه

ناهد بصريخ : ومتصدقناش ليه عاد احنا معانا التحاليل الى تثبت انها بنتنا

راشد بحزن

:ادم معاه حق يا ناهد المفروض نتصرف بالعقل

ادم:اسف يابوى ماكانش قصدى انى اتعصب بس هو ده فهلا الى هيحصل وخاصةً لو هى عايشه معاهم مبسوطة وبيحبوها وبيعملوها حلو وهيتعجد اكتر واكتر لو هما ما جبلوش يصدجونا ولا يسمعونا

ناهد : يعنى ايه هى ممكن ماتكنش مرتاحة فى عشيتها او او او خطرت فى بال ناهد مليون فكرة وفكرة وكيف كانت تعيش ابنتها وكيف تعيش الان

ناهد وخطر فى بالها سؤال: وانت ايش عرفك انها عايشه مع عيلة ما يمكن ماتكنش عايشة مع عيلة وعايشة لوحديها

ادم : عشان يا امى كانت من المتدربين فى الشركة السنة الى فاتت وفى ملفات لكل المتدريبن وفى بيانتها ووابوها ...احم احم قصدى الراجل الى ربها اسمه خالد المنشاوى وكده هى متسمية على اسمه

راشد:ان شاء الله بكرا اروح اجابل ابوها

ادم : ما جصدش والله يابوى

راشد :هو فعلا ابوها ياولدى

ادم : بس انت هتروح بكرا

راشد : ايوا

كاد ادم التحدث ولكن تركم وغادر

-----------------*****************~~~~~~~~~~~~~~~~~~~~~~~~~~~~

فى صباح يوم جديد

راشد : عرفت المكان بالظبط

ادم : ايوا يا بابا .بس انت هتقولهم ايه

راشد : اهم حاجة انها ما تكنش هناك

ادم : ايوا يابابا الراجل الى بعته تحت العمارة بيقول انها نزلت ....وصمت ادم ولم يخبر ولده انه كان معاها شاب

راشد : طيب يالا بينا

ناهد:انا هاجى معاكم

راشد :تيجى فين يا ناهد مش هينفع

ناهد : بالله عليك يا حاج تاخدنى معاك

راشد : ياناهد انا رايح اقعد مع الراجل واتفق معاه اشوف ارجع بنتى ازاى

ادم : معلش يا بابا هاتها معانا وبدال ما تقعد لوحدها

راشد : طيب يالا بينا

ذهبوا الى شقة خالد المنشاوى

فتحت لهم نهال الباب ونظرت لهم بإستغراب :حضراتكم متلغبطين فى الشقة ولا ايه

ادم : احم مش ديه شقة خالد المنشاوى

نهال :ايوا هى اتفضلوا

دخلوا الى الشقة ونظرت ناهد الى الشقة وجدتها فى غاية الجمال والرقى وكبيرة وواسعة جدا فكانت تظن ان بتنها تعيش فى مستوى فقير ولكن من المتضح انهم اغنية

نهال:اتفضلوا استريحوا وان هتصل بيه يجي .بس اقول مين فى انتظاره

راشد:معلش هو لما يجي هيعرفنا

نظرت لهم نهال بإستغراب

وذهبت واتصلت على خالد واتي وقام بترحيب بالضيوف

وعلم ادم و ناهد وراشد ان هؤﻻء الناس طيبون

راشد:حضرتك ماتعرفناش

خالد.:والله ماحصليش الشرف

راشد:انا راشد ابراهيم الحسينى

خالد :اهاا تشرفنا صاحب شركة الاستيراد والتصدير مش كده اسمع عن شركتك كتير

راشد :حاجة زى كده والشرف ليا انا

خالد :وانا خالد محمد المنشاوى

ادم بصدمة : صاحب شركات العقارات

خالد بتواضع:ايوا

ادم : حضرتك غنى عن التعريف بس ما كناش نعرف ان الشخص ده هو ده

راشد : فعلا

ابتسم لهم خالد:حصل خير وبعدين انتم كمان غنيين عن التعريف والله بتنا نور

راشد : منور بأهلوه دايما

انا جايلك فى موضوع مهم

خالد:اتفضل وانا لو فى استطاعتى ما اتاخرش ابدا

راشد:ا نا ليا عندك امانة وعايزها

خالد بإستغراب :عندى انا

اوماء لو راشد

خالد :ايه هى

راشد : بنتى

خالد بصدمة : بنتك 

~~~