رواية أحببت مجهولة الفصل الثامن 8 بقلم زينب رضا

سارة بتاخد نفسها بصعوبة، عمر ورا الباب بيحاول يستوعب اللي سمعه ولسه هيدخل لمح محمد وكلهم جايين استخبي لحد ما كلهم دخلوا ونزل قعد ف عربيته

نادية ومريم جريوا عليها

نادية:انتي كويسه ي حبيبتي كنتي بتندهي ع حد

ساره:كويسه بس حلم وحش اوي ي ماما

نادية:خير ي حبيبتي متقلقيش

سعيد:هروح اقول للدكتور

محمد قرب منها:متأكده انك كويسه

ساره بتعب:اه ي حبيبي

محمد بيطبطب عليها:حمدلله ع سلامتك يابنتي

ساره:الله يسلمك

ريم وامها:حمدلله ع سلامتك

ساره بابتسامه:الله يسلمكوا

الدكتور جه

الدكتور:معلش ممكن تستنوا بره، كلهم خرجوا.

-حمدلله ع السلامه

ساره:الله يسلمك

الدكتور:حاسه ب اي

ساره:مش عارفه بس مخنوقة

الدكتور:مش هقولك احكي بس حاولي متفكريش كتير ومتهربيش من التفكير ده بالنوم لأنه وحش وهتتعبي اكتر اضحكي هزري المهم متكتميش جواكي لو مش عشانك يبقا عشان اهلك اديكي شوفتي كانوا خايفين عليكي ازاي، خلي بالك من عشانهم، دي نصيحه مني مش اكتر. ساره:شكرا ي دكتور، اكتفت بشكرا بس

الدكتور بابتسامه:العفو، هخرج اطمنهم عليكي وقام

سارة وقفته:هو انا همشي امته

الدكتور:ف اي وقت انتي عاوزاه بس المهم ترتاحي وتخلي بالك من نفسك

ساره:تمام، خرج الدكتور وطمنهم، دخلوا كلهم عند ساره

عمر قاعد ف العربية، "بقا بقالي سنتين بدور عليكي وف الاخر تطلعي ساكنه جنبي ي شيخه حرام عليكي، بس انا مبسوط ومضايق ف نف.. فونه رن فتح ورد

:اي ي حبيبتي

سميرة :انت فين يعمر ومروحتش الشغل لحد دلوقتي ليه

عمر:وانتي عرفتي منين

سميره:محمود كلمك كتير وانت مبتردش ورن عليا يشوفك وقولتله انك نزلت

عمر:بصي انا ف المستشفى قبل ماتقلقي انا كويس والله بس.......*وحكالها اللي حصل*

سميره:طب هي عامله اي

عمر :مش عارف يا امي

سميرة:طب انا جايه

عمر:هتيجي ليه ي ماما

سميره:اطمن ع البنت يابني احنا جيران

عمر:ماشي ي ماما هستناكي وقفل معاها ورن ع محمود

محمود:اي يعم انت فين احنا هنهزر من اولها دي قرايه فاتحه ي..

عمر:اي يابني بلاعه افصل شويه

محمود:ما انت مش بترد لا ومختفي كمان

عمر بهزار:انت خطيبتي يابني

محمود:اه قول كده انت وقعت بقا

عمر بتوهان:ده انا واقع وقعه الحب ده طلع حل..

محمود بيشيل الفون من ع ودنه وبعدين حطه تاني

:مين معايا

عمر فاق من سرحانه:انت عبيط ياض

محمود :كل ده يحصلك عشان اتقدمت اومال لما تتجوز هتعمل فينا اي

عمر بضحك:مش هعرفك تاني، المهم انت فين

محمود :ف المكتب هكون فين انت اللي فين بقا من الصبح

عمر:ف المستشفى

محمود بقلق:نعم!!! انت كويس

عمر:اه كويس اومال بكلمك ازاي يابني

محمود مش مصدق:مستشفى اي

عمو عارف انه مش هيصدق عشان بيخاف عليه جدا فالازم يقول:مستشفى *****

محمود:تمام انا جايلك وقفل مستناش عمر يرد

عمر بص للفون وضحك:وربنا مجنون، ونزل يروح يطمن ع ساره*اللي هي ملك*

كلهم قعدوا يهزروا مع ساره ويخففو عنها لحد ما فون ريم رن

ريم :عن اذنكوا وخرجت

ناديه:حاسه ب اي ي حبيبتي

ساره بإبتسامه:كويسه والله متقلقيش

مريم:عاجبك كده يست ساره اللي عملتيه فينا ده

ساره بغيظ:حد قالك سيبيني انام من غير اكل

مريم:تصدقي انا غلطانه اني قولت تنام وترتاح

ساره:بق..

محمد:باااس خلاص انتي وهي وانتي يمريم سيبي اختك ترتاح

ساره:ربنا يخليك ليا ي حبيبي وطلعت لسانها لمريم

مريم كانت هترد بس سكتت عشان ابوها، وطبعا سعيد وسميره قاعدين يضحكوا وان ريمومش طايقه حد

'ريم واقفه بعيد عن الاوضه

_الحمدلله... اه كويسه بس بنت عمي هي اللي تعبانه.... بتكشيره:اه ساره اللي معانا ف الكليه.... اه يحبيبي انا كويسه.....ماشي هكلمك اما اروح.. سلام..، انتهدت بفرحه وقفلت فونها ولفت عشان تمشي

ريم بصدمه:ان.. انت !