رواية قلبي ليس بيدي الفصل الرابع والثمنون 84 بقلم حسناء مصطفي

جاكي: حااسب...

وقف العربيه ونزلنا بسرعه.. كانت قطه..

جاكي: احييه.. ماتت!!

جاك: لا لسه.. تعالي نوديها المستشفى..

جاكي: يلا بسرعه...

كانت بتنزل دم كتير... طلع ع المستشفى بسرعه...

جوري: هي كدا هتموت!

جاكي: لا ان شاء الله لا.. يلا بسرعه ياجاك.. وصلنا المستشفى ودخلناها...

الدكتور خيطلها الجرح...

الدكتور: متقلقوش مفهاش حاجه.. كسر بسيط ف رجلها وخيطتلها الجرح..

جاك: يعني مفهاش حاجه تاني!

الدكتور: لا سليمه الحمد لله..

جاكي: الحمد لله...

خدناها ورجعنا..

جاك: طبعا هتقوليلي ناخدها نربيها..

جاكي: حبيبي اللي فاهمني..

جاك: لا ياقطه..

جاكي: والنبي..

جاك: انسي..

جوري: طب عشان خاطري انا..

جاك: لا بردو..

جاكي: ماهو احنا دوسناها وعورناها... اقل واجب اننا ناخدها معانا..

جاك: والله انزل ارمي نفسي من هنا.. بطلوا دلع بقاا..

جاكي: يرضيك ولادك يزعلوا!!

جاك: جي بطلي استهبال..

جاكي: مش فاهمه انا اي المشكله يعني..

جاك: اكيد فيها امراض..

جاكي: لا دي من النضيف والله.. وبعدين احنا هنحميها ونظبطها..

جاك: اوووف.. انتوا عازينها عشان تلعبوا بيها..

جاكي: هنلعب معاها.. وافق وحياتي بقاا..

جوري: والنبي ياچو وافق..

جاك: هوافق ف حاله واحده..

جاكي: اي هي..

جاك: جوجو تقولي بابا..

جوري: واحلى بابا كمان..

وراحت باسته..

جاك: خلاص موافق..

جوري: هاااي..

وصلنا وطلعناها وحطينالها اكل ونامت...

جاك: يلا انا مش قادر اقف..

دخلنا الاوضه غيرنا وكل واحد اخد شاور...

جوري: هنام معاكوا طبعا..

جاك: غوري يابت من هنا.. هي زريبه!.. مش عارف استفرد بالبت..

جوري: مانا بخاف انام لوحدي..

جاكي: تعالي ياروحي نامي.. سيبك منه..

جاك: بت.. اطلعوا بره انتوا الاتنين... انا غلطان اصلا..

جاكي: استنى طيب.. هقولك حاجه... لحد ماتنعس وهوديها اوضتها..

جاك:ع فكره انا زهقت منكوا انتوا الاتنين...

جاكي: معلش..

جاك: اتفضلي لما نشوف اخرتها...

جبتها وروحنا ننام...

جوري: بابا..

جاك: عيونه..

جوري:احكيلي حدوته..

جاك:انتي هتسكتي ولا اديكي بالقلم!

جاكي: ليه العنف...ماتحكيلنا حدوته حلوه زيك كدا..

جاك: مبعرفش احكي انا..

جاكي: سيبك منه وأنا هحكيلك...

قعدت احكيلها كل حاجه اعرفها لحد مانعست...

جاك: وديها أوضتها بقا...

جاكي:حاضر...

شيلتها وديتها اوضتها ورجعت...

جاك:اقفيلي ع ضهري بقاا ...

جاكي: يعني اي..

جاك: يعني ضهري واجعني..اقفي عليه وانجزي..

جاكي : حلو دا استنى...

قومت وقفت ع ضهره...

جاك: بالراحه ياختي...

جاكي:طب ماتحط مرهم أحسن..

جاك: صحيح حطيلي المرهم اللي جبته ...

جاكي:ااه صحيح دانا نسيت...اقلع يلا...

جاك:مش عيب واحده ف سنك تقول اقلع..

جاكي: ياسلام..اخلص بقاا عشان عايزه أنام...

قلع هدومه وقعدت احطله...

جاك: شعرك حلو قوي..

جاكي:كل حاجة فيا حلوه اصلا..

جاك:حلوه الثقه دي..

جاكي:اووماال..مانت حبيتني عشان كدا..

جاك:مين قالك اني بحبك عشان شكلك!

جاكي: عشان حاجات تانيه ياقليل الادب..

جاك: لا بجد.. محبتكيش عشان شكلك..

جاكي:امال عشان اي ...

جاك: مفيش اسباب...مينفعش يبقى في اسباب..

جاكي:اومال اي..

جاك:ماهو لو حبيتك عشان حاجه معينه، لو الحاجه دي مبقتش موجوده فانا وقتها هبطل أحبك...عشان كدا بقولك مفيش اسباب...انا بحبك عشان انتي جي..

جاكي: مانت اكيد اتشديتلي عشان صفه فيا مثلا ..

جاك: كل صفاتك حلوه...

جاكي: ياختي حلوه..

جاك: لا بجد والله..

جاكي: طب اي اجمد صفه فيا...

جاك: امم...الحنيه..

جاكي:يارايق..

جاك: بطلي تهزري بقاا انا بتكلم جد...انتي فعلا فيكي حنيه رهيبه...

جاكي: طب ياسيدي شكرا...

جاك: عيله فصيله...مش عارف هتبقي ام ازاي انتي...

جاكي:ايوا صح..انا مكنتش عايزه اخلف دلوقتى اناا..

جاك: طب ف ذمتك مش مبسوطه!

جاكي: مانا هتبسط يومين وبعد كدا كل دا هيطلع ع دماغي انا...

جاك: طب تعالي هنا بس كدا واقفلي النور...

جاكي: مش عايزه قلة ادب عشان انا نعسانه وعايزه انام..

جاك: دماغك دايما حادفه شمال...انا بقولك تعالي عشان ننام...

جاكي: لما نشوف..

قفلت النور وروحت نمت جنبه..

جاك: انتي حلوه كدا ليه..

جاكي:لم نفسك وابعد...والله ماقادره افتح عيني..

جاك: مش محتاجين عينك ف حاجه...

جاكي: يالهوي عليا وع سنيني السودا...طب سيبني انام وبكرا هرقصلك..

جاك:ع فكره انتي وعدتيني اننا هنعمل فرح لما نرجع ومعملتيش حاجه...

جاكي: معلش والله تعبانه قوي ...بكرا ربك يسهل...

جاك: اتخمدي.. جاتك ف ركبك...

جاكي:مش هرد عليك عشان انا محترمه...

جاك: وماله...

يادوب غمضت عيني وهنعس...

جاكي:جااااك...لم نفسك بقاا..

قعد يضحك ...

جاكي:هسيبلك الاوضه واروح انام بره والله..

جاك: خلاص خلاص هنام اهو ...

جاكي: عيل متحرش ومنحرف...

جاك: انا كنت اتجوزت واحده دلوعه كدا وف نفس درجة انحرافي...مكنش زماني ف الوضع دا دلوقتي..

جاكي: روح اتجوز وسيبني انام...

جاك:متتكلميش معايا ....

جاكي: احسن بردو..

جاك: طب بصي...

جاكي: يانعم...

جاك: طب أنا مش جايلي نوم طاااه...

جاكي: طب اعمل اي انا عايزه انام...

جاك: طب قوليلي..المفروض نروح نكشف امتى!

جاكي: الاسبوع الجاي...

جاك:امم..طب ..

جاكي: جاك...نام..

جاك:اووف..حاضر..

نمنا وصحيت تاني يوم نزلت اتطمنت ع القطه ...

جاك: صباح الخير..

جاكي:صباح النور..

جاك: فين جوري!

جوري: انا هنا اهو...صباح الخير يا احلى بابي..

جاك: صباح النور ياقمري..

جاكي: اقعدوا بقاا لحد ما اعمل الفطار...

____________________________________

عند محمد صحوا ع خبط الباب...

محمد: صباح الخير..

ندى بكسوف: صباح النور..

محمد: مين السئيل داا..

ندى: روح شوف...

طلع فتح وكانت فيروز وعطيات...

فيروز: لولللللولي...

محمد: انا مش فاهم اي كمية الرخامه دي..

فيروز: والله انك قليل الادب..

محمد: جايه ليه دلوقتي ياست...دانا سيبتلك البيت كله..بردو جايه ورايا..

فيروز: شوف الواد..مبيطمرش فيك حاجه ياواطي..

ندى طلعت...

فيروز: صباحيه مباركه ياعروسه..

ندى: الله يبارك فيكي..

__________________________________

ادم: نوووور...انتي هربتي ولا اي..

نور: لو قربتلي هلم عليك الناس والمصحف..

ادم: هو انتي هبله!!..احنا ف الصباحيه ياماما..

نور: يعني تحترم نفسك بقااا...

ادم: الناس الطبيعيه بتصحى ع رومانسيه..وانا اصحى ع جنان..

نور: بقولك اي..حل عني عشان انا مش فايقالك...

ادم: طب انزلي..

نور: لا..

ادم: لو حد جه دلوقتي يقول اي ...

___________________________________

ياسين: مش مصدق انك معايا اخيراا..

هند: ولا انا..

ياسين: ربنا يخليكي ليا وتفضلي منوره حياتي كدا...

ابتسمت وبصت ف الارض...

هند: هروح اعملك تفطر...

ياسين: لا..خليكي...انا هروح اعمل الفطار واجيبه لحد عندك...

هند: رومانسيه بقااا وكدا..

ياسين: اومااال..

___________________________________

شهد: مفروووسه...هطق..

سلمى: وانا كمان خلاص...عروقي هتنفجر من الغيظ..

_ تستاهلوا ...خليكوا قاعدين كدا ورابطين دماغكوا وهما مقضيينها مع بعض...

شهد:ماما...بقولك اي..انا مجنونه دلوقتي..سيبينيييي ف حاااالي...

- وانا مالي ياختي..مش هي اللي خزوقت الكل وطلعت حامل..

شهد: حامل ازاي ياجدعان...دماغي هتنفجر...يالهوي عليا وع حظي الهباب...لا وكمان طلعت الاولى ع الدفعه...اععععععععع

- طب يلا ياختي انتي وهي عشان نمشي..

-----------------------------------------------------

عدى اربع شهوووور ....

جاكي: جو..

جاك: امم..

جاكي: جعانه..

جاك : يابنتي سيبيني انام بقاا..

جاكي: مبقتش تحبني..

جاك: انا مش لسه جايبلك اكل دلوقتي وقولتي مش عايزه!

جاكي: جوعت..اي ماكلش يعني!

جاك: لا كلي..كلي ياروحي..

راح المطبخ جاب الاكل وجه...

جاك: اتفضلي ياست...

جاكي: اي دا..

جاك: اكل..

جاكي: لا انا عايزه عصير..

جاك: يامثبت العقل والدين يارب...

جاكي: هتجيب العصير ولا اعيط!

جاك:هغور اجيب...

نزل وقعد شويه وبعدين طلع..

جاك: اتفضلي ..

جاكي: عصير اي دا..

جاك: صدقيني هخبطك بالكوبايه ف وشك..

جاكي: خلاص هات..

جاك: ممكن تسيبيني انام بقاا..

جاكي: اتخمد..

يادوب هينعس ..

جاكي: جو..

جاك: ربنا ياخد جو عشان ترتاحي ياشيخه..

جاكي: انت كمان بتزعقلي!!...طب طلقني..

جاك: بت..مش عايز جنان..احنا ف نص الليل..

جاكي: طلقني بقولك..انا مش عايزاك ياعم...هو بالعافيه!..انا مش بحبك اصلا..

جاك: طب اتخمدي بقاا..كان يوم اسود يوم ماخليتك تحملي ياجي..

جاكي: كمان مش عايز عيالك!

جاك: انا سايبلك الاوضه كلها وماشي...يلعن تربنتين اهلك...

جاكي:اشتم اشتم...يابتاع النسوان انت...

سابني ونزل ورزع الباب وراه...

جاكي: طب انا هقعد مع مين دلوقتي...

نزلت وراه بالراحه ....لقيته نايم ع الكنبه وعاطيني ضهره...قعدت قدامه ع الارض... لسه بيلف وشه راح اتخض..

جاك: ياشيخه ربنا ياخدك ويريحني...هو انا مش سايبك فوق دلوقتي!!

بدأت اعيط...

جاك:يااارب...طب بطلي عياط..

جاكي: طلقني..

جاك: حاضر..بكرا الصبح هطلقك..

جاكي: وهتتجوز عليا!..

جاك: اتجوز اي...دانا حرمت...

جاكي: مش بتحبني انا عارفه..

جاك: وعارفه منين بقاا..

جاكي: مش بتقولي كلام حلو زي الاول..ومش مهتم بيا ومش بتأكلني اكل حلو ومش بتدلعني...انا عايزه اتطلق...

جاك: انا مش بعمل كل دا!!... ياجي حرام عليكي انا نعسان والنبي ...

جاكي: ماشي نام...

سيبته وطلعت قعدت ف الجنينه...

شويه وطلع ورايا..

جاك: انا مش مكتوبلي ارتاح اصلا...قاعده كدا ليه..

جاكي: متتكلمش معايا.... روح نام...كدا كدا هروح عند امي ومش هرجعلك تاني..

جاك: وهتقدري تعيشي من غيري!

جاكي: ايون..

جاك: ومين هيجيبلك ورد واندومي..

جاكي: مانت مش بترضى تأكلني..

جاك: حاضر..بكرا هأكلك...ممكن نطلع ننام بقاا

جاكي: ماشي...

طلعنا فوق ولسه هينعس...

جاكي: جاك جاك الحق..

جاك: عايزه اي..

جاكي: بص بسرعه...

فتح النور وبص عليا..

جاك: في اي..

مسكت ايده و حطيتها ع بطني...

جاك بابتسامه: بيتحرك..

جاكي: ااه..رجله اهي..

قعد يمشي ايده ع رجله اللي بارزه من بطني وهو مبتسم...

جاكي: تفتكر سامعنا!

جاك: ايون..وبيتكلم كمان..

جاكي: بجد...بيقول اي..

جاك: بيقول خلي بابا ينام عشان هو تعبان من الشغل ...ولو منامش احنا هنعيط...

جاكي: لا خلاص نام ...

جاك: جدعه.. نامي بقااا..

نمنا اخيرا ...

صحي تاني يوم الصبح لقاني واقفه قدام المرايه اعيط..

جاك: ياارب ...انت اللي عالم بيا ...مالك ياجي.. بتعيطي ليه ع الصبح..

جاكي: شكلي بقا وحش...

جاك: مين قالك كدا..

جاكي: تخنت ووشي باظ خالص..

جه حضني من ورا...

جاك: حبيبي قمر ف كل أحواله...طب شايفه خدودك كبرت ازاي وبقيتي قمر...

جاكي:طب ماجسمي تخن..

جاك: لا مش قوي..وبعدين كدا احسن...بقيت بطل يابطل انت..

جاكي: يعني شكلي حلو!

جاك: قمرين تلاته اربعه كدا..

جاكي بابتسامه:ماشي...

جاك: ارتاحي انتي بقاا وانا هروح الشغل وهاجي ع طول..

جاكي: طب متأخرش...

جاك: حاضر

مشي وانا نزلت قعدت العب مع جوري تحت..وبعدين قومت عملتله الغدا....

_____________________________

مالك: ازيك ياجاك..

جاك: ....

مالك:جاك..انت نمت ولا اي ..

جاك: تقريبا..

مالك: ماتنام ف البيت..

جاك: بيت اي يعم...هو انا هلاقي راحه منين..

مالك: تستاهل...أخيرا حد قدر يعلمك الادب..

جاك: لا من ناحية علمتني فهي علمتني...دي مش بتخليني انام الليل ياجدع...

مالك: معلش من الحمل بس..

جاك: مالها العزوبيه...مانا كنت بكيفي وبراحتي..

مالك:طب ف ذمتك تقدر تستغنى عنها!

جاك: لا طبعا.. . هو انا تعبان ايوا ...بس التعب ليه طعم ... يعني حتى وهي مطلعه عيني بحبها وبحب اقعد معاها...

مالك: الحمد لله منه عاقله شويه ...

جاك: انت لسه مشوفتش حاجه...

____________________________

خلصت الاكل وهو رجع....

جاكي : يلا ياجو الاكل جاهز..

جوري: مامي..عايزه اشوف مودي..

جاكي: حاضر هنروحله..

جاك: انا مش قولت متقفيش ولا تعملي حاجه!!...مبتسمعيش الكلام ليه..

جاكي: اسيبكوا من غير اكل يعني!

جاك: انا هعمل ياست ملكيش دعوه انتي..خلي البيبيهات يرتاحوا...

جاكي: اول واخر مره احمل...انا بقولك اهو...

جاك: ليه بس..

جاكي: لا ياخويا دانا مش بنام...انت بتنام وتشخر...انا اللي طالع عيني...

جاك: ياشيخه اتقي الله دانا بفضل صاحي جنبك..

جوري: عايزه اشوف مودي..

جاك: انتي يابت..اسمه محمد..اي مودي دي..

جوري: انا بحب اقوله مودي..

جاكي: طب يلا كلوا الاول...

جاك: طب النهارده في اجتماع عائلي ف البيت وكدا...

جاكي: ايوا ياريت...عايزه اقعد معاهم شويه..

جاك: تقعدي فين ببطنك دي..

جاكي: بقولك اي..انا زهقانه وقرفانه ومش طايقه نفسي...هنروح يعني هنروح..

جاك: حاضر هنروح..بالراحه طيب..

جاكي: اي ياختي دا...لا احساس ولا حاجه خالص!

جاك: ماشي انا غلطان انا اسف ياستي..هنروح بالليل حاضر...

جاكي: والاكل دا يخلص دلوقتي حالا.. مش عايزه حاجه تتبقى...مش يطلع عيني وف الاخر تتدلعوا...

جاك: حاضر..

جوري بهمس: هي مالها قلبت كدا ليه..

جاك بهمس: هرمونات..

جاكي: فين القطه..

جاك: انا اكلتها...متشغليش بالك انتي..

______________________________

هند: يلا ياياسين عشان هنروح عند ماما..

ياسين: لازم يعني!

هند: ايوا...الكل هيتجمع النهارده...

ياسين: طب هخلص شغل وهاجي وراكي..

هند:لا طبعا مش هروح لوحدي..

_____________________________

بالليل ف الفيلا ....

الكل موجود وكلنا وصلنا...

ماما: ع مهلك..

جاكي: مش عارفه كان مالي ومال المر داا..

جاك: انا اللي مالي معلش...

فيروز: بقيتي شبه الكوره كدا ليه يابت...

جاكي: كانت جوازه مهببه..مانا كنت عايشه بكيفي..اي اللي رماني ع المر بس...

فيروز: طب ف ذمتك تقدري تستغني عنه!

جاكي: لا طبعا...هو في زي القمر دا..

جاك: شايفين الهرمونات...جماعه انا تعبت...

ماما بضحك: معلش.. استحملها شويه...

جاك: لحد امتى بس... دي بتستخبى ورا الباب بالساعات عشان لما ارجع تقولي بخ...يرضي مين داا..

فيروز: بتهزر معاك..مش عارفه انتوا بتقفشوا ليه..دي قمر...

جاكي: قوليله...مش كفايه شايله ولاده دول..

نور: صحيح قاعدلك قد اي..

جاكي: اقل من شهرين كدا...انا ف السابع دلوقتي...

جاك: هو انا هستحملك شهرين تاني!!...لا سامو عليكوا...بنتك عندك اهي..سلام...

سابنا وطلع قعد مع الشباب ف الجنينه....

هند: سيبك منه...المهم عامله اي مع الحمل دا..

جاكي: بموت ياختي... دانا مش بنام الليل..والواد المسكين دا ياعيني متشحور معايا..

نور: متعب قوي الحمل يعني!

جاكي: فوق ماتتخيلي...احمدي ربنا اني لسه عايشه..

ماما: بطلي دلع ...متخوفيش البت...

جاكي: والله مادلع...دانا ساعات بقوم بالليل وببقى خلاص حاسه اني هولد...بس جاك بيفضل معايا يعني..

هند: والله يابنتي يابختك بجاك دا..حاجه كدا قمر...

جاكي: قمر بس...دا قمرين تلاته..هو انا مطلعه عينه بس مقدرش اعيش من غيره والله...انا مستحمله كل دا عشانه...

ماما: ربنا يعديهالك ع خير يابنتي...

جاكي: بس انا خايفه من الولاده قوي...

فيروز: متخافيش. هتعدي ان شاء الله....

______________________________

محمد: حبيب قلب مودي ...عامله اي..

جوري: وحشتني قوي قوي كداهون..

محمد: وانتي وحشتيني كتير كتير..

جوري: تعالى اعملي حصان...

جاك: روح ياشاطر اعملها حصان...

محمد : انا بقول تشوفي امك كانت بتنادي عليكي...

جوري بهمس: طب ع فكره انه شوفتك وانت بتعاكس البت اللي كانت هنا...وهدخل اقول لطنط ندى دلوقتي...

سابته وطلعت تجري وهو جري وراها..

محمد: خدي ابت..استني هعملك اللي انتي عايزاه والله...انا اسف...

جوري: هتعملي حصان...

محمد: ايوا طبعا اوماال...تعالي بس...

__________________________

جاك: مالك ياادم..

ادم: مفيش..

جاك: طب تعالي معايا...

خده وراح بعيد...

جاك: مالك في اي...انت متخانق انت ونور ولا اي..

ادم: بصراحه اختك زودتها معايا قوي...

جاك: عملت اي ..

ادم: ياريتها بتعمل...مبتعملش حاجه...بص انت اتكلم معاها وهي تحكيلك عشان متقولش اني مزودها...هي تقولك اللي حصل...

جاك: طب خلاص انا هتكلم معاها....

سابه ودخل جوه...

جاك: نور...عايزك..

راح قعد بعيد وهي راحت وراه...

نور: في اي..

جاك: مزعله جوزك لي..

نور: هو لحق اشتكالك!

جاك: هو مشتكاش...انا اللي لاحظت انه متضايق..عملتي اي يانور..

نور: معملتش حاجه...هو اللي محسسني اني خدامه عنده...عايزني اعمله كل حاجه...

جاك: ماهو دا الطبيعي...انتي مش مراته!

نور: مراته مش خدامته...

جاك: بيكلمك باسلوب وحش!

نور: لا...

جاك: امال اي ..

نور: يعني مثلا ابقاا قاعده قدام التليفزيون وهو ييجي يقولي مصدع اعمليلي قهوه...خدامته انا !...ويبقى راجع من الشغل ويقولي حطي الاكل عشان جعان...

وكل شويه يشتكي من رجله عشان واجعاه...والمفروض قال اني ادلكهاله...هو كان اشتراني!!...وبعدين مش كفايه مش بيفسحني ولا بيخرجني....

جاك: عارفه انتي لو مراتي ، كنت دفنتك...

جوزك راجع من الشغل تعبان...طبيعي انه يقولك جعان وعايز اكل...ورجله وجعته شويه..اي المشكله لما تدلكيها ياختي... وبعدين دانا كل مااكلمه يقولي بفسح نور عشان مخنوقه...

نور:معرفش بقاا...وبعدين انا مش خدامته...

جاك: بصي..لما تعملي كدا لجوزك فانتي مش خدامه...دا غير انك بتحبيه...يعني المفروض تكوني بتعملي كدا من نفسك كمان...

نور: جاكي بتعملك كدا!!...جاكي هتقبل انها تقعد تغسلك رجلك!!

جاك: ومين قال انها مبتعملش كدا...جي مش بتكتفي بانها تعملي الاكل بس...ببقا راجع تعبان من الشغل وهي بتقعد تأكلني كمان...بتقولي ارتاح انت وانا هأكلك...بتقعد تفصصلي الاكل يانور... ولو قامت تجيبلي مايه هي اللي بتشربني كمان... جيت ف فتره رجلي كانت تاعباني جدا ومكنتش بعرف انام منها...كانت من نفسها بتقوم تدلكها وتحطلي مرهم...بتقعد تبوس رجلي وهي بتدلكهالي وتفضل سهرانة لحد ماانعس ... ولما بكون بشتري طلبات كتير او لفيت كتير ف الشمس ، اول مابرجع يادوب بقعد وهي بتيجي من غير ماتكلم حتى..تديني مايه وابص الاقيها قلعتني الجزمه او الكوتشي... بتقطعلي الفواكه وتقعد جنبي تأكلني ...ولما بصدع بتيجي تعملي مساج ف دماغي يانور...وبرتاح بعدها ع طول...حتى الهدوم بتلبسهالي بنفسها...بتعاملني كطفل ... كل اللي انا اتحرمت منه هي عوضتهولي وبزياده كمان...وانتي عارفه احنا اتحرمنا من اي...هي مجنونه وشقيه ومطلعه عيني...بس كمان بتعمل كل اللي عليها....شوفي هي تعبانه ازاي دلوقتي ومش بتنام من التعب حرفيا...ومع ذلك لسه بتعمل كل دا...هل دا يقلل منها !!..لا طبعا...وكل مره بتكبر ف نظري أكتر وبحبها اكتر من الاول...عشان هي بتعمل كدا عشان تريحني...اللي هو انت شاور بس وانا هعمل كل حاجه..المهم تبقاا مرتاح ....عارفه ليه!...عشان هي بتحبني...لدرجة اني بقيت بحب اقعد معاها ومخرجش ولا اقابل صحابي...وانا داخل البيت بحس اني داخل جنه يانور...كفايه ضحكتها اول ماتشوفني داخل وتجري عليا تحضني....

ولو جبتلها حاجه هي عايزاها ، بتقعد تدلعني قصادها شهر...وتقعد تقولي معلش تعبتك معايا...

ونتيجة اهتمامها دا اي!!...مبقدرش انام غير وهي ف حضني ومقدرش اقعد ف البيت طول ماهي مش فيه...هي اللي بتدي للحاجه طعم...

نور:......

جاك: ساكته ليه... جي بتعمل اكتر من كدا بكتير قوي..انتي بقاا عمرك عملتي كدا مع ادم!!... يانور ادم بيحبك...هو عايز بس شوية اهتمام منك مش اكتر...وبصراحه هو معاه حق...ومش مضطر يستحملك كدا...وممكن يطلقك ووقتها محدش هيقدر يقوله لا..

نور: يطلقني!..

جاك:ايوا...مانتي كدا بتحسسيه انه مش فارق معاكي وان عادي هو يبقى تعبان وانتي قاعده تتفرجي ع التليفزيون...

نور: مكنتش شايفه الموضوع بالطريقه دي..انا حسيت انه مشغلني عنده...مانا مش متعوده اعمل كدا...

جاك: انا قولتلك وانتي حره يانور...بس محدش هيندم غيرك...

وقتها كنت انا ف المطبخ داخله اجيب مايه...وسمعت الحوار من الاول...مقدرتش اقاوم كلامه عني ...وازاي حسيت اني عملت حاجه كويسه جدا معاه...مكنتش اعرف ان الحاجات البسيطه اللي بعملها من غير مااقصد كمان ، هتفرحه كدا وبيفضل فاكرها ....

خدت المايه وخرجت وانا الابتسامه من الودن للودن ....

ماما: البت دي ملبوسه...

جاكي: ياوليه اسكتي انا مبسوطه قوي...

شهد: مبسوطه من اي..

جاكي:حبيبي معايا...دا سبب كافي يخليني انبسط ياقمر...

نور طلعت لادم بره...

ادم: في حاجه!

نور: عايزاك...

خدها وراح بعيد....

ادم: في اي...

نور: انا اسفه..

ادم: ع اي..

نور: ع طريقتي طول الوقت دا...وكمان كنت مقصره معاك جامد..

____________________________

سلمى: صحيح..ولد ولا بنت..

جاكي: ولد وبنت...

شهد: وناويه تسميهم اي..

جاكي: لما ييجوا بالسلامه وقتها هتعرفي...

هند: تعالي اوريكي جبت اي للنونو...

خدتني وطلعنا فوق وشهد طلعت ورانا...

جاكي: اي كل دا..

هند: اي رايك ف دا..

جاكي: لي بتتعبي نفسك بس...مش لما ييجوا الاول..

هند: هييجوا بالسلامه ان شاء الله...

سمعت صوت جاك بينادي...

جاكي:طب يلا ننزل عشان جاك بينادي...

وصلنا عند السلم وشهد كانت واقفه بتتكلم ف الفون..لسه بمد رجلي عشان انزل راحت حطت رجلها قدامي...اتكعبلت ووقعت وانا بصوت...

جاكي: جااك..

فضلت اتقلب ع السلم لحد ماوصلت لتحت وجاك اول ماسمع صوتي طلع يجري لجوا بسرعه...

جاك : جاكي..

الارض كانت كلها دم وانا اغمى عليا ....طلع يجري بسرعه وركبني العربيه وروحنا المستشفي....

الدكتور دخل وهما استنوا بره....

عمو احمد: اي اللي حصل يابني..

جاك: وقعت من ع السلم...ربنا يستر ..

ماما: استرها يارب...جيب العواقب سليمه ...

محمد: خير ان شاء الله...

شهد: ان شاء الله هتقوم بخير...ربنا يستر والبيبي مينزلش..

جاك بعصبيه: شهد...اخرسي...

الدكتور طلع بعد مده طويله...

جاك: ها يادكتور..

الدكتور: الحمد لله وقفنا النزيف...

ماما: يعني هي كويسه دلوقتي!

الدكتور : ايوا الحمد لله عدت ع خير والاطفال مفهمش حاجه ...جت سليمه..

جاك: الحمد لله...طب انا عايز اشوفها...

الدكتور: شويه بس لحد ماتفوق وتقدروا تدخلوا...بس ياريت تخلوا بالكوا بعد كدا...الله اعلم المره الجايه اي اللي ممكن يحصل ...

جاك: انا هدخلها دلوقتي...

الدكتور: لو سمحت سيبها ترتاح...

سابه ودخل ومردش عليه..

عمو احمد: خير ان شاء الله ..

____________________________

فيروز: رني يابت ع محمد عشان نتطمن...مش كنت روحت معاهم احسن...

هند: مش بيرد...

نور: هو اي اللي حصل اصلا...

هند:معرفش...هي كانت نازله قدامي واتكعبلت...

فيروز: ربنا يسترها...يارب تعدي ع خير...

هند رنت تاني ومحمد رد....

هند: ها يامحمد طمني..

محمد: عدت ع خير الحمد لله... قدروا يوقفوا النزيف..

هند: يعني هي بقت كويسه دلوقتي!

محمد: ااه بس لسه مفاقتش ..

فيروز: قالك اي يابت..

هند: الحمد لله قدروا يوقفوا النزيف ...

فيروز: ياما انت كريم يارب..

_____________________________

جاك كان قاعد جنبي ع الكرسي وماسك دماغه...

اخدت وقت على مافوقت..

جاكي: جاك...

جاك: انا هنا.. انتي كويسه!

جاكي: ولادي جرالهم حاجه!

جاك: المهم انتي...في حاجة واجعاكي!

جاكي: جاك ولادي حصلهم اي!

جاك: مفهمش حاجه والله... اهدي بس..

بصيت لقيتهم كلهم دخلوا ...

ماما: عامله اي يابنتي..

جاكي: كويسه..

جاك: اي اللي حصل..وقعتي ازاي!

بصيت ع شهد وهو فهم...بصيت لقيته اتعصب وقبض ايده وقام وقف قدامها...

جاك: انتي عارفه انتي عملتي اي!...

وراح مسكها من رقبتها وخبطها ف الحيطه...

محمد: اي اللي بتعمله دا....انت اتجننت!

جاك: عايزه تموتي مراتي!!...دانا اطلع روحك ف أيدي..

عمو احمد: سيبها ياجاك هتموت ف ايدك...

حاشوه عنها وطلعوها بره...

محمد: ازاي تعمل كدا..

جاك: جاكي لو كان جرالها حاجه اقسملك كنت ههد البيت ع دماغها...

محمد: من امتى بتمد ايدك ع بنات!

جاك: من دلوقتي...ولو قربتلها تاني هنسى انها بنت...

جاكي: خلاص ياجاك..انا كويسه...

جاك: متاكده...ممكن اوديكي مستشفى تاني..

جاكي: لا ياحبيبي..انا كويسه..متقلقش..

جاك: انا هقول للدكتور عشان نرجع البيت...

طلع وراح للدكتور...

محمد: شهد هي اللي وقعتك!

جاكي: ايوا..

محمد: اي البجاحه دي..وجايه كمان لحد هنا...

____________________________

جاك ضغط ع الدكتور عشان امشي...نقلني البيت وكلهم جم ورايا...

فيروز: حمدلله ع السلامه ياجي ...

جاكي: الله يسلمك..

فيروز: بقاا القادره تعمل كدا وكمان تروح معاكي المستشفى!

نور: المفروض البت دي متدخلش البيت تاني...دا اي القرف دا..

ندى: انتي كويسه دلوقتي ياجي!

جاكي: ايوا الحمد لله..

ندى: جوري مبطلتش عياط عليكي...

جاكي: هي فين...

ندى : نيمتها...

جاك: سيبوها ترتاح ياجماعه...

ماما: روحوا شوفوا انتوا وراكوا اي وانا هقعد معاها ...

جاك: ارجعي انتي لعمي احسن...وفيروز تقعد معاها لحد ماتولد...

فيروز: ايوا معاه حق...انا هقعد اخد بالي منها وانتي ابقي طلي عليها..بس متسيبيش مصطفى لوحده...

ماما: اسيبها ازاي كدا..مقدرش...

جاك: هي كويسه...وانا مش هسيبها...

قعد يقنع ماما لحد مامشت والباقيين مشوا وفيروز قعدت معايا...

مكنتش قادره اقوم من السرير...فيروز نزلت تعمل الاكل وجاك قعد جنبي...

جاك: كويسه دلوقتي!

جاكي: ااه ....

جاك: ازاي مخدتيش بالك بس..

جاكي: معرفش انها هتعمل كدا..

جاك:الحمد لله عدت...ارتاحي بقاا خالص لحد ماتقومي بالسلامه ....

فضلنا ع الحال دا طول الشهرين والتعب بيزيد اكتر واكتر ...وماما جتلي والكل كانوا حواليا وجاك مسبنيش لحظه...

لحد ماجه اليوم الموعود....

كنا قاعدين قدام التليفزيون وجاك نايم وانا حسيت ان في قنابل ف بطني....

فضلت اصوت وانا حاسه ان روحي بتطلع...جاك نزل يجري ع الصوت ...

جاك:في اي..

جاكي: بولد...احييييه...اعااااا...

جاك: طب ..

فيروز:طب اي..اخلص شيلها نوديها المستشفى...

شالني وجري ع العربيه وطرنا ع المستشفى...

جاكي: اعااا....انت السبب...منك لله ياخي...اععععع...

كان مالي ومال الخلفههههه....اعععععع

جاك: ياشيخه متضحكنيش مش وقت ضحك...

دخلوني وجاك دخل معايا...

جاكي: خليك معايا...

جاك: حاضر..

الدكتور دخل ومعاه الممرضات وبيولدوني وانا المستشفى كلها سمعت صويتي...

جاك: لا لا مش هقدر...

جاكي: لا خليك...خليك والنبيييي....اعععععع....

جاك: انا اسف ...

سابني وطلع وانا خلاص روحي بتطلع... وهما بيحاولوا يطلعوا البيبي ...وفجأه انا اغمى عليا ...

الدكتور: يلا بسرعه...

الدكتور طلع بره...

جاك: في اي..هي بطلت صويت ليه...

الدكتور: بصراحه الوضع خطر...وحصلها نزيف تاني...

جاك: يعني اي..

الدكتور:يعني مينفعش نكمل...لازم نضحي بحد من الاتنين...الام او الاطفال....