رواية قلبي ليس بيدي الفصل الثالث والثمنون 83 بقلم حسناء مصطفي

الدكتوره: مبروك..

جاكي: اي.. كسبت!

بصتلي باستغراب...

ندى: معلش هي هبله شويه.. مبروك اي..

الدكتوره: هي حامل..

جاكي: احيييه.. ا ا قصدي.. متأكده!

الدكتوره بضحك: ايوا ياستي متأكده.. مبروك..

جاكي: طب تعالي.. تعالي اكشفي تاني..

الدكتوره: ياست انا متأكده..

جاكي: لا ريحيني والنبي..

الدكتوره: حاضر..

جت كشفت تاني..

الدكتوره: حامل ياست.. والمفاجأه انهم تؤام..

جاكي: مين!!!

ندى: الحمد لله..

جاكي: تؤام يعني اتنين!!.. يعني انا ف بطني في عيلين!

الدكتوره: ايوا... انتي ف الشهر التالت..

جاكي: قولي والمصحف..

ندى: ازاي معرفتيش انتي كمان..

جاكي: ندى.. انا هعيط.. جاك هيفرح قوووي.. يلا يلا.. انا عايزه اقوله

ندى:اهدي يامجنونه... معلش يادكتور هي مجنونه شويه..

الدكتوره: لا انا متفهمه فرحتها...

خلصنا ومشينا... رجعنا البيت وانا حاطه ايدي ع بطني ومتنحه..

جاكي: ندى انتي مستوعبه!

ندى: لولللللوي... مبروك ياقمري..

كلمتها وعيوني مدمعه..

جاكي: جاك هيفرح قوي..

ندى: استني اوعي تقوليله دلوقتي..

جاكي: ليه..

ندى: ياذكيه هي كلها كام يوم وهيرجع.. اعمليله مفاجأة..

جاكي: ايوا صح.. طب اوعي انتي تعرفي حد.. كإنك متعرفيش حاجه..

ندى: اوكي..

جاكي: انا مبسوطه قووي..

جوري: هتجيبي اتنين بيبي يعني!

جاكي: ايوا.. هجيب اتنين وهتقعدي تلعبي معاهم..

جوري: هيبقوا اخواتي!

جاكي: اكيد طبعا.. وهتلعبوا مع بعض ع طول..

دخلنا قعدنا نرقص ونغني...

ـــــــــــــــــــــــــــــــــــــــــــــــــــــــــــــــ

فيروز: دي اخرتها ياشهد.. يعني هو يساعدك وانتي تعملي معاه كدا!

شهد: وانا عملت اي يعني..

فيروز: كل دا ومعملتيش!

شهد: وانا هتبلى عليه ليه.. ماهو عمل كدا فعلا..

فيروز: شهد... مش عايزه مشاكل... لو هتفضلي توقعينا ف مشاكل كدا يبقى اتفضلوا..

ـ انتي بتطردينا!!

فيروز: والله لو قعادكوا فيه مشاكل يبقاا اتفضلوا.. احنا مش ناقصين...

عمو احمد: كفايه اللي حصل لحد كدا... بنتك عندك اهي.. وانا متأكد ان جاك معملش حاجه... خلونا نعدي الفرح ع خير بقاا..

ـــــــــــــــــــــــــــــــــــــــــــــــــــــــــــــــ

بابا: جاكي عامله اي..

ماما: كويسه..

بابا: كلميها.. عايز اسمع صوتها..

ماما: ماشي...

رنت عليا وانا كنت برقص مع البنات.. سيبتهم وروحت بعيد..

جاكي: الو ياماما..

ماما: ازيك ياجي..

جاكي: الحمد لله ياقمر.. انتي عامله اي..

ماما: كويسه الحمد لله..

جاكي: وبابا عامل اي..

ماما: الحمد لله بخير.. خديه معاكي اهو..

بابا: ازيك ياجي..

جاكي: ازيك ياقمر.. عامل اي..

بابا: بقيت كويس بعد ماسمعت صوتك.. عامله اي طمنيني.. وجاك عامل اي معاكي.. اوعى يكون مزعلك..

جاكي: انا كويسه اتطمن... وجاك شايلني ف عنيه والله..

بابا: ربنا يخليه ويباركله.. خلي بالك من نفسك..

جاكي: حاضر..

قفلت معاهم وروحت قعدت مع البنات...

ندى: انا قولت لبابا ووافق اني ابات معاكي لما عرف انك لوحدك..

جاكي: اشطا... جماعه انا اول مره احس الاحساس دا..

جوري: اكيد ياجي.. مانتي اول مره تبقي حامل..

ندى: صح.. ولسه لما تشيليهم ع ايدك كدا..

جاكي: الله.. اتنين مره واحده..

ندى: قولي ماشاء الله يخربيتك..

جاكي: انا مبسوطه قوي.. وعندي فضول اعرف رد فعل جاك...

ندى: اكيد هيفرح قوي..

جاكي: المهم تعالي ياجوري نزين اوضتك بالحاجات اللي جبناهم..

جوري: يلا..

طلعنا وقعدنا نزين ونرتب ف الاوضه عشان تبقى اوضة اطفال..

اليوم عدى ونمنا احنا التلاته ف اوضتي...

صحيت لقيتهم لسه نايمين...

نزلت الجنينه ورنيت ع جاك..

جاك: يعني اصحى ع صوت القمر كدا.. مش معقول يعني..

جاكي: يارايق انت.. عامل اي..

جاك: والله بقعد طول الليل اشتغل ورقبتي وضهري وجعوني جدا... ويادوب نمت شويه.. بس بقيت كويس لما سمعت الطرب دا..

جاكي: فين الطرب دا!

جاك: صوتك ياقمري..

جاكي: مش بقولك رايق.. قولي عندك شغل كتير النهارده!

جاك: ااه.. بحاول اخلص ع طول عشان ارجع بدري..

جاكي: بتاكل كويس!

جاك: ايوا..

جاكي: بتلبس كويس!

جاك: ايوا..

جاكي: بتقفل زراير القميص!

جاك: ايوا..

جاكي: بتن..

جاك: خلاص.. كفايه.. بعمل كل حاجه كويس..

جاكي: اممم.. وحشتني يبروو..

جاك: انا لسه ماشي امبارح...

جاكي: كتير بردو.. انا عايزاك معايا ع طول..

جاك: مانا ببقى معاكي ومش بتعبريني.. لا رقص ولا دلع ولا حاجه خالص..

جاكي: ع فكره بعمل كل دا..

جاك: بترقصي!!

جاكي: يخربيت الرقص.. مالك ياسطا.. انت بتتفرج ع صافينار كتير!

جاك: لا طبعا.. هو انا فاضي!... انا عايز اتفرج عليكي انتي.. واثق انك هتعملي عظمهه..

جاكي: قليل الادب..

جاك: عارف..

لسه هيكمل كلامه بس فضل يكح كتير..

جاكي بقلق: في اي.. بتكح لي..

جاك: لا لا مفيش..

جاكي: جاك انت تعبان!

جاك: لا ياحبيبي مفيش حاجه... المهم جوري عامله اي..

جاكي: كويسه.. اول ماعرفت اني حا....

جاك: انك اي!

جاكي: ها.. لا لا مفيش.. قصدي انها مبسوطه وبتلعب..

جاك: طب سلميلي عليها كتير... اتعلقت بيها جامد..

جاكي: وانا كمان.. وانت اللي كنت عايزنا نسيبها ف الشارع..

جاك: ماهي فكره مجنونه الصراحه اننا ناخدها نربيها يعني... بس حبيتها قوي..

جاكي: ايوا عشان بتقعد تبوسك.. مانت منحرف اصلا..

جاك: والله يابنتي انتي ماشوفتي انحراف.. انتي مش عاطياني فرصه اصلا..

جاكي: هديك لما تيجي..

جاك: احلفي..

جاكي: والله.. بس ارجع بسرعه..

جاك: هوا..

جاكي: يلا قوم افطر بقاا..

جاك: خليكي معايا شويه..

جاكي: هطلع اشوف جوري عشان تفطر.. اهي نزلت..

جوري: بتكلمي جو صح!

جاكي: ايوا تعالي كلميه..

جت تجري..

جوري: الو.. واحشني قد كداهوووون..

جاك: وانتي وحشتيني قد كداهووون بردو..

جوري: هتيجي امتى!

جاك: قريب ياروحي..

جوري: تعالى عشان جي مش بترضى تعملي حصان..

جاك: مانا جبتلك واحد..

جوري: لا انت احسن..

جاك: انتي هتستعبديني يابنتي!!.. هو انا شغال عندك!

جوري: طب خلاص بس تعالى بسرعه..

جاك: حاضر.. هجيلك ع طول..

جاكي: يلا بقاا روح افطر.. وكل كويس..

جاك: حاضر.. باي..

قفلنا وندى نزلت..

ندى: انا عايزه انزل البسين..

جاكي: ماتنزلي.. هو حد ماسكك..

ندى: تعالي ياجوجو انزلي معايا..

جاكي: طب انا هدخل اعمل ساندوتشات وناكلها هنا..

جوري: اشطا..

دخلت عملت الاكل وهما بيلعبوا بره...

شويه ومحمد جه..

محمد: الله الله..

ندى: يافضيحتشششي.. اي اللي جابك دلوقتي..

محمد: بتعملوا اي..

جوري: بنلعب باليه.. مانت شايف بنعمل اي..

محمد: بت.. متخلنيش انزلك..

جوري: انزل..

محمد: لا انا بهزر عادي... امال فين جاك..

طلعت لقيته بره..

جاكي: ياهلا..

محمد: فين جاك..

جاكي: جاك سافر عشان الشغل..

محمد: عشان كدا بقاا انتوا واخدين راحتكوا..

جاكي: اوومااال... تعالى كل معانا... يلا اطلعوا بقاا..

ـــــــــــــــــــــــــــــــــــــــــــــــــــــــــــــــ

مرات عمي: فيروز بعتتلي دعوه عشان الفرح بعد كام يوم..

عمي: كويس والله... اجي معاكوا المرادي..

شهد: وانا هاجي..

عماد: بعد السنه اللي هتعيديها دي انتي متطلعيش من البيت..

شهد: وانت مالك.. مانت شايل مواد..

مرات عمي: بطلوا انتوا الاتنين... بتعايروا بعض ع اي ياحسره.. الا مافي واحد فيكوا رفع راسي... روحوا شوفوا جاكي اللي مكانتش تسوى جنيه، بقت اي دلوقتي وعايشه فين... لا وكمان طالعه الاولى ع الدفعه.. جاتكوا وكسه انتوا الاتنين..

عمي: بتحسدي البت ع اي.. هي شاطره ودا حقها.. مش زي المتخلفين دول...

عماد: انا ماشي... انتوا هتقعدوا تعايروني كدا كتير..

ـــــــــــــــــــــــــــــــــــــــــــــــــــــــــــــــ

فيروز: يلا ياهند جهزي كل حاجه... وبعدين شوفي نور عشان هي متعرفش حاجه..

هند: هاخدهم كلهم ونروح نشوف الفساتين والدنيا..

فيروز: خدي جي معاكوا.. وهاتولي جوري اخليها معايا..

هند: ماشي هكلمها واقولها...

عمو احمد: خدوا محمد معاكوا عشان جاك سافر.. وخلوا بالكوا من نفسكوا..

هند: حاضر يابابا... بس سما..

فيروز: مالها الزفته..

هند: ياماما سامحيها بقاا.. دي بتمتحن ودي تالته ثانوي.. حرام كدا..

فيروز: وانا كنت عملتلها اي.. ماهي اللي مش متربيه.. من امتى واحنا بنعمل اللي عملته دا!

هند: معلش بقاا.. انا هاخدها معانا واحنا رايحين لجي وهخليها تعتذرلها... خليها تفرح معانا شويه بدل ماهي قاعده ف اوضتها كدا..

عمو احمد: ماشي خديها... بس عرفيها انها لو عملت حاجه تاني هتقعد ومش هتكمل دراسه...

هند: لا مش هتعمل حاجه تاني....

عمو احمد: ماشي.. انا ماشي ع الشغل...

هند نادت نور وسما وجم...

ـــــــــــــــــــــــــــــــــــــــــــــــــــــــــــــــ

محمد: جاك سافر ازاي من غير مايقولي.. وازاي اصلا والفرح بعد كام يوم..

جاكي: ماهو قال انه هييجي قبل الفرح بيوم او اتنين كدا..

ندى: في حاجات كتير لسه معملتهاش.. مش عارفه انت مستعجل ع اي انت كمان..

محمد: معاكي وقت ياندى..

ندى: جي.. هتنزلي معايا نظبط الدنيا.. انا مشترتش حاجه ولا اعرف المفروض اعمل اي اصلا..

جاكي: متقلقيش هروح معاكي..

بصيت لقيت البنات دخلوا...

هند: متجمعين عند النبي ان شاء الله...

محمد: عليه الصلاه والسلام... اي اللي جابكوا.. هو انا اسيب البيت تيجوا ورايا!

هند: مالك انت...احنا جايين ناخد الاستاذه اللي ف المايه دي والاستاذه جي عشان هننزل نشتري حاجات..

جاكي: كلمي جاك وقوليله.. لو وافق، فانا معاكي للصبح..

نور: واي اللي هيخليه مش موافق يعني!

جاكي: استني هرن عليه واقوله..

خدت الفون وروحت بعيد..

هند: ماتطلعي ياهبله انتي.. بتعملي اي ف المايه..

ندى: المايه تحفه والله.. انزلي بس..

هند: بعدين مش دلوقتي..

نور: يارب جاك يوافق بس.. صحيح.. رني ع منه خليها تيجي معانا..

هند؛ ايوا صح.. اكيد مش هتعرف تروح لوحدها...

ــــــــــــــــــــــــــــــــــــــــــــ

جاك: ها يابيبي..

جاكي: بقولك.. كنت عايزه اخرج مع البنات عشان بيجهزوا نفسهم للفرح..

جاك: وتروحي معاهم ليه.. هو فرحك!

جاكي: اي الرخامه دي.. واقعد ف البيت لوحدي لي يعني.. وبعدين مفيهاش حاجه يعني.. وكمان محمد معانا..

جاك: وجوري!

جاكي: هاخدها معانا او هوديها لفيزو.. مش هغلب يعني.. المهم وافق بقاا..

جاك: ماشي.. بس تخلي بالك من نفسك..

جاكي: حاضر.. المهم انت مقربتش تخلص!

جاك: لا قربت... مانا بقولك بشتغل طول اليوم عشان ارجع بدري..

جاكي: طب خلي بالك من نفسك وكل كويس..

جاك: حاضر.. يلا هكلمك بالليل..

جاكي: باي ياقمري..

قفلت معاه وروحت للبنات..

جاكي: ياشباب... جاك وافق..

هند: حلو دا.. ومنه كمان هتحصلنا ع هناك...

جاكي: ماشي.. هنطلع نغير ونيجي.. يلا ياجوجو..

هند: طب استني.. سما كانت عايزه تقولك حاجه..

خدتني وراحت بعيد..

سما: بصي انا عارفه اني مهما قولت مش هتسامحيني... بس انا اسفه..

جاكي: وبعدين.. هتعملي زي المره اللي فاتت.. وتيجي تضريني تاني.

سما: لا.. انا عرفت غلطي وجايه اعتذر.. واتمنى انك تسامحيني..

ترددت شويه وبعدين لقيتها هتعيط..

سما: ع فكره محدش فيهم بيكلمني..

جاكي: طب خلاص.. خلاص مسامحاكي..

سما: يعني مش زعلانه مني!

جاكي: لا مش زعلانه.. فكي بقاا.. وسيبيني اطلع اغير..

طلعنا غيرنا وروحنا وصلنا جوري عند فيروز ومشينا..

وصلنا المول ومحمد قعد يلف مع ادم..

جاكي: انجزوا بقا عشان انا تعبانه اصلا..

نور: بطلي دلع احنا لسه واصلين..

قعدنا نلف واشترينا كل حاجه وظبطنا كل حاجه..

سيبتهم وروحت اشتريت لبس وحاجات لجوري..

الوقت عدى واحنا طولنا قوي..

جاكي: لا انا فصلت.. انا عايزه اكل..

هند: تعالوا ناكل وبعدين نكمل..

محمد: يلا عشان انتوا مش اشتريتوني... انا عايز اروح اشوف مصالحي..

جاكي: روح واحنا هنكمل..

محمد: جاك قالي مسيبكوش لحظه..

جاكي: هو لحق كلمك!

محمد: اكيد.. وانا مقدرش اقوله لا.. اخلصوا بقاا..

روحنا مطعم وقعدنا ناكل...

جاكي: قاعد حاجه تاني!

نور: منه لسه معجبهاش ولا فستان..

جاكي: ليه..

منه: ها.. لا هبقى اشتري من مكان تاني بقاا.. هنا مفيش حاجه..

فهمت هي ليه مش عايزه تجيب من هنا ع الرغم ان في حاجات حلوه جدا..

جاكي: لا في هنا حاجات حلوه.. ابقى اروح انا وانتي نتفرج بعد ماناكل..

خلصنا اكل والبنات كملوا وانا خدتها وروحنا...

جاكي: الله.. دا تحفه قوي يامنه.. وهيبقى حلو عليكي..

منه: ايوا حلو اوي.. بس عايزه اعرف سعره كام..

السعر كان مكتوب عليه بس انا خبيت الورقه...

جاكي: استني..

روحت جبت الشاب اللي كان واقف واتفقت معاه..

جاكي: بكام الفستان دا لو سمحت..

ـ دا ب****

منه: ازاي.. دا شكله غالي قوي..

جاكي: ياوليه اسكتي.. المهم عاجبك ولا تشوفي غيره!

منه: لا دا حلو قوي.. بس ازاي سعره كدا!

جاكي: يابت اسكتي هيضحك علينا ويغليه.. خلاص اتفضل حضرتك واحنا هنشوف...

منه: طب هقيسه الاول..

خدت الفستان ودخلت تقيسه.. طلعت وكان مظبوط عليها قوي..

جاكي: عظمهه.. لايق عليكي قوي..

منه: مش مصدقه والله.. بقاا انا هلبس دا!

جاكي: لي يابنتي بس.. دانتي اللي محلياه والله..

منه: حلو قوي.. هاخده..

جاكي: ماشي.. يلا عشان نحاسب..

خلصنا ورجعنا للبنات...

نور: يلا بقاا انا تعبت..

محمد: تعبتي من اي انا اللي شايل ياختي.. هو انا شغال عند اهاليكوا!!.. اخلصوا ايديا وجعتني..

جاكي: خلاص يلا احنا خلصنا...

كان الليل حل علينا... روحنا عند فيروز...

فيروز: خلصتوا!

هند: ااه كله تمام..

جاكي: نادي جوجو بقا عشان نمشي..

فيروز: بتاكل جوا.. استني لما تخلص..

دخلت لقيتها قاعده بتاكل ف المطبخ..

جاكي: ياقمري وحشتيني..

جوري: اخرتي كدا ليه..

جاكي: اشتريتلك حاجات كتير قوي قوي..

جوري: بجد!.. طب وريني..

جاكي: لا لما نروح عشان تقيسي براحتك... خلصي اكل الاول..

جوري: لا انا خلصت..

خدتها ورجعت انا وندى...

جاك رن..

جاكي: ها يابيبي

ندى بتريقه: ها يابيبي.. بيبي ف عينك..

جاكي: ملكيش دعوه.. جوزي وادلعه براحتي..

ندى: يالهوي ع السهوكه..

جاك: قولي للبت دي تسكت احسن..

جاكي: جاك بيقولك اسكتي احسن..

جاك: روحتي ولا لسه!

جاكي: ايوا روحنا.. لسه واصلين..

جاك: في حاجه حصلت!

جاكي: لا كله تمام..

جاك: اديني جوجو اكلمها..

جاكي: خدي ياجوجو كلمي..

جوري: الو..

جاك: ازيك ياقمر حياتي انتي..

جوري: كويسه.. هتيجي امتى!

جاك: ياست قولتلك هخلص واجي ع طول.. المهم اوعى تكون جي مزعلاكي..

جوري: لا مش مزعلاني.. جي عسوله خالص..

جاك: ماشي ياست.. عايزه حاجه من هنا!

جوري: لا جي جابتلي حاجات كتير قوي.. المهم انت تعالى بسرعه بسرعه..

جاك: حاضر هاجي بسرعه بسرعه.. يلا سيبيني انام بقاا.. باي..

جوري: باي..

جاكي: تعالي اتفرجي ع الحاجات بقاا..

ـــــــــــــــــــــــــــــــــــــــــــــــــــــــــــــــ

دلال: تعالي فرجيني ع اللي جبتيه..

منه: اهو تعالي شوفي.. اي رأيك ف دا..

دلال: دا شكله غالي قوي..

منه: ااه مانا قولت كدا.. بس لما جي سألت الراجل قالها ب***... مصدقتش والله...

دلال: ازاي دا سعره كدا!... يمكن غلط ولا حاجه!

منه: معرفش.. هي راحت جابت الراجل وسالته وهو قالها كدا..

دلال: ااه.. فهمت.. يلا مبروك عليكي.. وان شاء الله هتبقي اجمل عروسه ف الدنيا...

ـــــــــــــــــــــــــــــــــــــــــــــــــــــــــــــــ

عدت الايام وكان صابح يوم الفرح وجاك لسه مرجعش...

جاكي: ع فكره انت بتستهبل..

جاك: من غير عصبيه.. انا ف الطيارة..

جاكي: احلف..

جاك: والله ف الطياره..

جاكي: طب هتوصل امتى..

جاك: خلاص كلها كام ساعه بس..

جاكي: طب سلام دلوقتي..

جاك: ليه في اي..

جاكي: مفيش بس هشوف جوري فين واكلمك تاني..

قفلت ع طول وطلعت اجري ع ندى..

جاكي: اعااا الحقيني..

ندى: في اي يابنت المجانين انتي..

جاكي: جاك ف الطريق..

ندى: احلفي..

جاكي: والله... وانا مش عارفه هقوله ازاي ولا هعمل اي..

ندى: بصي.. لازم نزين الدنيا ونجيب تورته وشموع وحاجات كدا يعني...

جاكي: وبعدين!

ندى: انا هقولك تعملي اي.. المهم انا هروح اجيب الحاجات وارجع هواا... جهزيله انتي الاكل اللي بيحبه..

راحت تجيب الحاجات وانا وجوري دخلنا نعمل الاكل وعملت تقريبا كل حاجه بيحبها...

ظبطنا المكان وندى رجعت..

ندى: يلا بسرعه.. عشان انا همشي..

جاكي: تمشي ليه..

ندى: واحده عامله لجوزها مفاجأة انها حامل.. انا لازمة اهلي اي.. هفضيلكوا الجو.. المهم انتي البسي حاجه حلوه كدا...

ـــــــــــــــــــــــــــــــــــــــــــــــــــــــــــــــ

فيروز: الحمد لله كل حاجه جاهزه.. ربنا يعديها ع خير..

محمد: متقلقيش.. هتعدي.. المهم انا جبتلك حتة فستان.. انما اي.. هتطلعي مزه بكرا..

فيروز: ياواد فستان اي.. انت عايز ابوك يطلقني!

محمد: بالعكس.. دانتي هتزغللي عينيه بدل مايتجوز عليكي..

هند: ايوا معاه حق.. واحنا هنظبتك والله...

فيروز: انتوا مجانين وانا مش فاضيالكوا...

ـــــــــــــــــــــــــــــــــــــــــــــــــــــــــــــــ

عدى وقت وهو كان خلاص قرب يوصل وندى مشت... ظبطنا المكان والمنظر كان عظمهه اصلا... حضرنا كل حاجه وطلعت غيرت انا وجوري وقفلنا النور واستنينا يوصل..

كنت مستخبيه انا وجوري وهو دخل ملقاش حد... قعد ينادي بس محدش رد عليه... طلع فوق ودخل الاوضه بس كانت ضلمه والشموع هي اللي منوره وفي مزيكا هاديه والجو تحفهه..

ابتسم ودخل بالراحه... دخل وقف ف نص المكان وقعد يتفرج وحط ايده ف وسطه..

جيت من وراه وحضنته...

جاكي: وحشتني..

لف وهو مبتسم وحضني..

جاك: وحشتيني يانور عيني انتي.. اي القمر دا..

جاكي: اخرت ليه.. مش قولت هترجع بسرعه!

جاك: مانا رجعت بسرعه اهو.. وحشتيني قوي..

جوري وقفت وربعت ايدها..

جوري: ياسلام!.. يعني هي جي بس اللي وحشتك!

جاك: حبيبي اللي وحشني دا.. تعالي..

طلعت تجري عليه وحضنته.

جاك: طب تعرفي انك وحشتيني اكتر منها!

جوري: احلف..

جاك: امم.. وحياتك وحشتيني اكتر منها بشويه كدا..

جوري: ماشي..

جاك: عملتوا كل دا امتى!

جاكي: فرحانين برجوعك ياقمري.. اقعد بقاا هنا كدا..

قعد ع الكرسي وانا فتحت النور..

جاك: اي كل الاكل دا!.

جاكي: اي رأيك..

جاك: دانا جاي ميت والله.. مرضتش اكل ف الطياره عشان اكل معاكوا... بس انتي مغطياهم كدا ليه..

جاكي: طب استني..

كنت مغطيه الاطباق كلها... خدت اول طبق وحطيته قدامه..

جاكي: يلا شيل الغطا..

شال وكان ورق عنب..

جاك: والله انتي اكتر حاجه اخترتها صح ف حياتي..

جاكي: طب دوق وقولي رأيك..

جاك: امم.. عظمهه..

جاكي: يلا التاني بقاا..

قعدت كدا شويه وبعدين جبتله الطبق الاخير..

جاكي: غمض عينك بقاا..

جاك: اشمعنى...

جاكي: غمض عينك وشيل الغطا..

غمض عينه وبدا يشيل بالراحه..

جاك: هاا.. افتح!

جاكي: فتح..

بص للطبق والابتسامه اللي ع وشه اختفت تدريجيا..

كان في ورقه مكتوب عليها

" Hello Dady "

" مبروك... هتبقى اعظم اب ف الدنيا "

بصلي باستغراب..

جاك: اي دا..

جاكي بابتسامة: شيل الورقه..

شال الورقه وحسيت ايده بتترعش..

كان في تيست حمل تحت الورقه... فضل باصص شويه ف الطبق ومتنح..

بصلي وعينيه اتملت دموع..

جاك: احلفي..

جاكي بضحك: والله..

قام وقف وعمال يلعب ف شعره ومش مستوعب..

جاك: انتي.. يعن.. يعني انتي حامل!

جاكي بابتسامة: ايون..

جاك: قولي والله..

جاكي: والله..

جه حضني بسرعه وكان متبت فيا قوي ومبسوط..

جاك: جي.. اوعي تكوني بتهزري..

جاكي: لا مش بهزر.. لي الدموع دي..

جاك: طب.. طب من امتى!

جاكي: فاكر لما قولتلك هروح اشتري كام حاجه كدا لجوري!.. بصراحه انا كدبت.. انا كنت رايحه اكشف عشان كنت تعبانه.. وعرفت وقتها اني حامل..

جاك: ولي مقولتليش..

جاكي: عشان اعملك مفاجأة..

جاك: يادين امي.. لا لا مستحيل.. يعني هنا في بيبي!

وراح شاور ع بطني..

جاكي: اقولك حاجه!..

جاك: اي..

جاكي: هنا في اتنين..

جاك: ات.. اتنين.. يعن..

جاكي: يعني انا حامل ف تؤام..

جاك: احيه.. جاكي بالله عليكي ماتكوني بتهزري..

جاكي: ياحبيبي والله حامل وفي تؤام كمان..

جاك: قلبي بيدق جامد والله..

قعد ع الكرسي وحط ايده ع وشه...

قعدت قدامه وشيلت ايده لقيت دموعه بتنزل..

جاكي: لي.. بس بس.. خلاص.. انت بتترعش كدا ليه..

جاك: انا هيغمى عليا... يعن.. يعني انا هبقى اب!!

جاكي: ايون ياقمر انت..

قعد يضحك ويمسح ع وشه..

جاك: لا لا مش طبيعي..

جاكي: مش مصدق ليه..

جاك: اخر حاجه كنت اتوقعها انك تبقي حامل دلوقتي.. وكمان في اتنين!..

جاكي: ايون انا كمان مصدقتش...

جاك بابتسامه: انا مبسوط قووي..

فضل حاضني وعمال يضحك..

جاك: انا مفرحتش كدا ف حياتي.. طب انتي واقفه ليه.. اقعدي..

جاكي: اهدي بس.. انا لسه ف التالت يابابا..

جاك: بردو.. لازم ترتاحي... الحمد لله.. طب طب انتي عرفتي مين.. فيروز عرفت!.. ونور!.. استني اكلمهم..

جاكي: اهدى.. محدش عرف حاجه..

جاك: طب انا هقولهم..

جاكي: استنى بس.. هنقولهم بكرا ف الفرح..

بص لقى جوري قاعده وباصه ف الارض..

جاك: مالك ياحبيبتي..

جوري: مليش..

جاك: امال قاعده زعلانه كدا ليه!.. انتي مش فرحانه عشان جي حامل!

جوري: فرحانه.. بس انا كدا همشي!!

جاك: تمشي فين..

جوري: مانتوا هتجيبوا بيبي.. انا هعمل اي هنا..

راح شالها..

جاك: ياعيوني انتي.. احنا منقدرش نعيش من غيرك اصلا.. دول هيبقوا اخواتك..

جوري: بس هما هيقولولك بابا وانا لا..

جاك: قوليلي بابا انتي كمان.. وقولي لجي ماما..

جوري: يعني انت موافق اقولك بابا!

جاك: اكيد.. هو انا اطول يبقى عندي بنت قمر كدا!..

جوري: انا بحبك قوي قوي..

جاك: وانا بموت فيكي قوي قوي..

جاكي: طب اقعدوا كلوا بقاا..

جابها وقعدها ع رجله وكلوا مع بعض وانا قاعده اتفرج عليهم..

جاك: جي والله ماقادر اتنفس.. قلبي خلاص..

جاكي: عادي.. هو انا اول ولا اخر واحده تبقى حامل!

جاك: اجمل واحده هتبقى حامل.. انا مالي بالباقي.. في ف دماغي مليون حاجه وانتي فاجئتيني.. مش مستوعب الفكره لحد دلوقتي والله..

جاكي: انا مبسوطه عشان انت مبسوط بس..

جاك: دانا طاير مش مبسوط... عايز اقول للدنيا كلها انك حامل... وكمان ف اتنين!!..

جاكي: قول ماشاء الله..

جاك: ماشاء الله ياست.. ربنا يكتر..

جاكي: لا يكتر اي.. كفايه قوي كدا..

جاك: اي اللي كفايه.. دا هجيب عشره عشرين كدا..

جاكي: لا مش للدرجادي.. احنا مش ارانب..

جاك: والله ما بهزر.. انا عايز عيال كتير..

جاكي: احمل انت.. انا معنديش طاقه لكل دا..

جاك: طب دا اجمل مافي الموضوع انهم منك انتي... لو واحده غيرك مظنش اني كنت هفرح كدا... صحيح.. ولد ولا بنت ولا اي..

جاكي: المفروض بيبان ف الرابع..

جاك: طب تعالي نكشف..

جاكي: نكشف ع اي.. اهدى بس انت متوتر ومش مستوعب..

جاك: دماغي بتلف.. حرام عليكي لي مقولتليش من زمان..

جاكي: اديك عرفت.. بكرا بقاا نبقى نعرف الكل..

جاك: انا مبسوط بطريقه مش طبيعيه.. الحمد لله..

جاكي: طب كل بقاا عشان انت جعان.. ولا استنى اأكلك انا..

الجو كان حلو قوي وكلنا مبسوطين وهو الابتسامه طول الوقت ع وشه...

ــــــــــــــــــــــــــــــــــــــــــــــــــــــــــــ

سلمى: جبتي اي ياشهد عشان تحضريبه..

شهد: مجبتش.. هلبس اي حاجه من هنا وخلاص.. ع اساس اني نفسي اروح قوي..

سلمى: وهتعملي اي ف وشك دا..

شهد: معرفش.. هحاول اداريه بالميكب..

سلمى: دي طلعت قادره قوي يابت.. وشك لسه مصحيش لحد دلوقتي..

شهد: تفتكري هسيبها!!.. والله لاخد حقي منها..

سلمى: اعتقد كفايه كدا بقاا... حتى انا استسلمت.. محمد فرحه بكرا ومعرفتش اعمل حاجه..

ــــــــــــــــــــــــــــــــــــــــــــــــــــــــــ

قضينا اليوم مع بعض والجو كله بهجه...

جاك كان بيلعب مع جوري ف الجنينه وبيضحكوا وانا قاعده اتفرج عليهم وحاسه اني عندي الدنيا كلها..

جاك: سرحان ف اي ياقمر..

جاكي:...

جاك: بت.. سرحانه ف مين..

جاكي بابتسامة: فيك.. هو في غيرك!

جاك: طب تعالي اوريكي جبتلك اي..

دخلنا جوا وجاب شنطته...

جاك: اي رأيك..

جاكي: احيييه..

جوري: وااااو.. حلو اوي..

جاكي: لي كدا.. دا غالي قوي.. وبعدين مش كل مره هتجيبلي يعني..

جاك: عندي مين اجيبله غيرك!!..

جاكي: تدري اني احبك كثيرا!!..

روحت حضنته وفضلت ابوسه..

جوري: نحن هنا...

جاكي: بس يابت...

جاك: وانتي ياست جوجو.. اتفضلي..

جاكي: الله دا زي بتاعي..

جاك: هما الاتنين واحد... خليت اللي عمل دا عمل لجوري واحد زيه بالظبط عشان تبقوا قمرين زي بعض..

جوري: الله حلو اوي.. هات بوسه...

جاك: يلا نكمل لعب بقاا...

طلعوا الجنينه تاني وانا شيلت الفساتين وطلعت وراهم...

سابها تلعب وجه نام ع الارض وحط راسه ع رجلي..

جاك: عايز اقوم ارقص..

جاكي: ارقص..

جاك: عشان كدا لما كلمتك روحتي قلقتي وقفلتي بسرعه..

جاكي: ايون.. عشان الحق اجهز الدنيا..

جاك: بحبك قد الدنيا دي كلها والله... اول مره احس الاحساس دا..

اليوم عدى واحنا مع بعض.....

جه يوم الفرح... صحيت ملقتش جاك ف الاوضه... نزلت تحت لقيته ف المطبخ وقاعد يغني ويعمل الاكل..

جاكي: ياسلام ع الناس الرايقه..

جاك: ياصباح الورد ع ست البنات..

جه باسني ورجع كمل..

جاكي: من امتى وانت بتعمل الاكل يعني..

جاك: مانتي دلوقتي حامل.. لازم انا اللي ادلعك..

جاكي: مش المفروض تروح وتبقى مع محمد!

جاك: واسيب مراتي لمين.. محمد مش صغير.. دا غير انه معاه مالك وادم وياسين.. كلهم مع بعض.. وبعدين يلا بقاا عشان منتأخرش...

ـــــــــــــــــــــــــــــــــــــــــــــــــــــــــــــــ

ف الڤيلا:

الجو كان كله زغاريط وقرايبهم كلهم جم والبنات بيجهزوا مع بعض..

نور: هي جي مش هتيجي!

هند: اظن هتيجي مع جاك..

نور: كنت عايزاها معانا هنا..

ـــــــــــــــــــــــــــــــــــــــــــــــــــــــ

اكلنا وطلعنا نجهز... لبست جوري وحطيتلها ميكب وظبطتها...

بعدين انا لبست وجهزت نفسي والفستان عظمهه حقيقي..

جوري: ع فكره الفساتين حلوه قوي..

جاكي: حصل...

عدى وقت كتير قوي واحنا بنجهز....

خلصت وطلعت لقيت جاك بيتكلم ف الفون...

قفل وجه وقف قدامنا..

جاك: اميرتين مره واحده!... اي الحلاوه دي..

جوري: شكلي حلو صح!

جاك: اي اللي حاطاه ف وش البت دا!

جاكي: عادي خليها تنبسط شويه..

جوري: ايون.. انا قولتلها تحطلي زيها..

جاك: منحرفين..

جاكي: بس جامدين..

جاك: ماهي دي المشكله... طب بقولك اي.. ماتيجي نفك من حوار الفرح دا ونمشي البت دي ونصيع هنا..

جاكي: ع فكره البت واقفه..

جاك: عادي ماهي مش فاهمه...

جاكي: لا ياخويا انا عايزه اروح الفرح..

جاك: ماحنا هنعمل فرح هنا بردو..

جاكي: لا لما نرجع..

جاك: وعد..

جاكي: افكر..

جوري: كفايه محن بقااا.. يلا عايزه اشوف مودي..

جاك: يادي مودي.. يلا ياختي..

جاكي: استني.. لحد امتى هقولك اقفل زراير القميص.. وبعدين انت محلو كدا ليه.. طب مش هنروح..

جاك: هو اي اللي مش هنروح..

جاكي: لا هتتشقط كدا والله..

جاك: لا متقلقيش.. هفضل واقف جنبك...

جاكي: طب لما نشوف..

ركبنا العربيه ومشينا... وصلنا مكان الفرح وكان في ناس كتير قووووي...

كنا احنا التلاته لابسين اسود زي بعض وحاجه قمر قوي..

جاك: يلا ياقمر..

انكجته ودخلنا وسط الناس والكل بيبص علينا..

جوري: جي جي..

جاكي: اي..

جوري: الناس بتبصلنا كدا ليه..

جاكي: عشان احنا قمرات ياعبيطه..

جوري: عشان كدا بقاا..

لسه داخلين راح راجل كبير كدا وقف قدامنا وسلم ع جاك...

دخلنا لقينا الكل موجود بس البنات لسه موصلوش..

ماما اول ماشافتني جت حضنتني بسرعه..

ماما: اي يابت القمر دا... الناس هتفكر ان انتي العروسه..

فيروز: حصل والله.. مالكوا محلوين كدا ليه..

جاكي: طب هو حد يبقى معاه قمر زي دا وميبقاش حلو!

ماما: مين القموره دي..

راح جاك شالها..

جاك: دي!!.. القمر دي بنتي..

ماما: يعني اي.. انتوا خلفتوا امتى..

فيروز: انا هفهمك بعدين..

جاك: هتقولي انتي ولا اقول انا!

جاكي: قول انت..

فيروز: يقول اي..

جاك: في خبر حلو..

ماما: في اي..

جاك بابتسامة: جاكي حامل..

ماما: والنبي!!...

راحوا الاتنين فضلوا يزغرطوا والكل بيبص علينا..

جاك بصلي وضحك..

ماما: مش تقولي يامزغوده انتي..

فيروز: الف مبروك ياقمر.. ولد ولا بنت بقاا..

جاكي: اتنين..

ماما: قولي والله.. لولللللولي..

عمو احمد جه..

عمو احمد: مش كفايه زغاريط بقاا..

فيروز: دانا هزغرط للصبح.. جي حامل..

عمو احمد: والله!.. خبر حلو دا.. مبروك..

جاكي: الله يبارك فيك.. امال فين بابا..

ماما: ابوكي هناك اهو..

جاكي: طب انا هروحله بقاا..

قعدنا نسلم ع بعض لحد مالبنات وصلوا والفرح اشتغل..

روحنا سلمنا عليهم...

هند: اي القمر دا.. مجيتيش ليه!

جاكي: جاك قال لازم اجي معاه... مبروك ياعسل..

نور: لابسين زي بعض.. اللي هيشوفكوا هيقول انها بنتك..

جاكي: ماهي بنتي فعلا.. طب اقولكوا ع حاجه!.. انا حامل..

بصوا لبعض بصدمه..

هند: مين اللي حامل!

جاكي: انا..

نور: انتي بتهزري صح!

جاكي: لا.. وحامل ف اتنين..

قعدوا يزعقوا ويزغرطوا والناس بتتفرج علينا..

محمد: اي بتصوتوا ليه..

نور: الحق.. جي حامل..

محمد: نعم!!

ادم: اخويااا حاامل.. اخيرااا..

جه حضني وقعد يلف بيا.. بصيت كدا لقيت جاك واقف باصصلي وحاطط ايده ف جيبه ورافع حاجبه..

ادم: مبروك..

جاكي: الله يبارك فيكوا..

هند: حلوه قوي المفاجأة دي.. انا مش مصدقه..

جاكي: طب هروح اشوف جاك وارجع..

روحت وقفت قدامه..

جاكي: في اي..

جاك: عارفه لولا اننا ف فرح كنت عملت اي!

جاكي: ليه.. انا معملتش حاجه..

جاك: بتخلي ادم يحضنك ليه..

جاكي بدلع: اخويا.. عادي..

جاك: صبرك عليا لما نروح.. هوريكي تحضنيه ازاي..

جاكي: ياختي حلوه غيرانه..

جاك: اتلمي..

جاكي: طب تعالى نتصور بس..

الاغاني اشتغلت والكل بيرقص وانا وهو بنرقص لوحدنا وفي ناس كتير مركزه معانا..

فضلنا نرقص والفرح قمر وشهد باصالنا بغل..

شهد: شايفه بيرقص معاها ازاي!.. دا ولا يكون هما العرسان..

سلمى: والناس كلها بتصورهم ومركزين معاهم.. بصراحه يابختها بيه..

شهد: انتي بتغيظيني يعني..

ـ خلاص ياشهد بقا طلعيه من دماغك..

ـــــــــــــــــــــــــــــــــــــــــــــــــــــــــــــــ

فضلنا نرقص وهو فرحان قوي..

جوري: جو جو..

جاك: اي..

جوري: الواد دا ضربني..

جاكي: فين دا..

جوري: اللي بيرقص هناك دا..

جاكي: تعالي معايا..

جاك: لا.. انا هروح معاها.. مش ناقصين فضايح..

خدها ومشي وانا قعدت جنب ماما..

مرات عمي: ازيك ياجي..

جاكي: كويسه.. انتي ازيك..

مرات عمي: الحمدلله ياحبيبتي.. يعني بطنك كبيره..

جاكي: حامل.. حامل يامرات عمي..

مرات عمي: والله!.. طب مبروك.. ومقولتيش ليه..

ماما: اصلها لسه عارفه.. وبعدين لاحظتي بطنها ازاي..

مرات عمي: ماهي باينه اهي..

ـــــــــــــــــــــــــــــــــــــــــــــــــــــــــــــ

محمد: مش تقول ياعم ان جي حامل..

جاك: انا نفسي لسه عارف امبارح..

ادم: الله يسهلك انت.. والعه معاك..

جاك: ياخي الهي تولع فيك..

ادم: متقلقش مش بحسد.. مش هحسد اختي روح قلبي يعني..

جاك: ع فكره انت زودتها قوي.. اتلم وعدي ليلتك..

مالك: طب وجب مع اخوك واطلع غني بقاا..

جاك: اي دا لا طبعا..

مالك: اي اللي لا.. اطلع وخلي عندك دم..

راح مالك مسك الميك...

مالك: معلش ياجماعه... دلوقتي جاك هيقدملنا اغنيه حلوه كدا بصوته عشان يلطف الجو كدا..

جاك: يابني مش هتنيل اناا.. يخربيتك..

مالك: عيب الناس مستنياك.. يلا..

كان مكسوف يغني وعمال يبرقله..

مالك: يلا يبروو.. الناس مستنيه..

خد منه الميك وانا قاعده ابصله اضحك..

جاك: احم.. بما ان الخنزير دا دبسني، فانا هحاول اقول اي حاجه...

محمد: يلا يانجم انت مكسوف ولا اي..

جاك: طب كل واحد يجيب عروسته حتى..

كل واحد جاب عروسته ووقفوا عشان يرقصوا والاضاءه خفت والمزيكا اشتغلت...

جاك: ياريت القمر بتاعي ييجي يرقص معايا وانا بغني..

الكل بصلي وانا تنحت... احيييه.. هو عليا..

جاك: تعالي ياجي..

ماما: قومي يلا..

روحت عنده وانا مكسوفه..

بدأنا نرقص وهو بدأ يغني " لإنك معايا "...

الاغنيه هاديه والكل ساكت وبيتفرجوا علينا بس...

وهو بيرقص معايا وبيغني...

الجو كان قمر قووي وهو صوته دماار وبيغنيلي وبيتسم...

شهد: الهي ماتحلق تتهنى البعيده..

الاغنيه خلصت والكل قعد يسقف...

جاك: عايز اقول حاجه لو سمحتوا... النهارده مظنش ان في حد اسعد مني.. معايا شريكة حياتي واجمل حاجه حصلتلي... ربنا كرمني ورزقني بطفلين والتالته اهي... حبيت اشاركوا فرحتي بالطفلين دول عشان انا حقيقي الفرحه مش سايعاني...

الشباب سقفوا وفضلوا يصفروا وانا واقفه مكسوفه..

شهد: نعم!!... مين دي اللي حامل..

سلمى: وطي صوتك الناس هتسمعك..

ـ حبكتها بنت الاي دي.. عشان ميبقاش في فرصه انهم يسيبوا بعض..

نزلنا قعدنا وهما كملوا رقص...

جاك: اقعدي بقاا عشان متتعبيش..

جاكي: عايزه اشرب..

جاك: استني هروح اجيبلك..

راح يجيبلي مايه وجوري جت قعدت معايا.. شويه ولقيت بنتين جايين عليا..

ـ هو انتي مرات جاك!

جاكي: ااه.. في حاجه!

ـ لا كنا جايين نباركلك.. الف مبروك..

جاكي: الله يبارك فيكي..

جاك جه..

ـ الف مبروك ياجاك بيه..

جاك: الله يبارك فيكوا...

مشوا وعطاني المايه..

الفرح كان حلو قوي وفضلنا قاعدين مع بعض والكل بيرقص... الوقت اتأخر والناس ابتدت تمشي..

جاك: يلا..

فيروز: خليكوا معانا...

جاك: خلاص الفرح خلص اهو...

العرسان مشيوا واحنا مشينا....

ركبنا العربيه مشينا.. كانت الدنيا ضلمه وفجأه حاجه عدت من قدام العربيه..

جاكي: حاااسب...