رواية قلبي ليس بيدي الفصل الثاني والثمنون 82 بقلم حسناء مصطفي

بقلم: حسناء رمضان..

ـــــــــــــــــــــــــــــــــــــــــــــــــــــــــــــــ

جاكي: جاك.. جاك انت بتعمل اي هنا..

كان نايم وروحت قعدت جنبه وفضلت اصحيه..

جاكي: جاااك... فوق..

قام وكان ماسك دماغه..

جاك: في اي.. بتصحيني كدا ليه..

جاكي: بتعمل اي هنا..

جاك: هنا فين.. نايم..

جاكي: انت ف اوضة شهد ياجاك..

بص حواليه وهو بيحاول يفتح عينيه..

جاك: اي اللي جابني هنا..

جاكي: انا اللي بسأل..

جاك: ااه.. دا المكيف كان بايظ وانا.. جيت نمت هنا..

جاكي: مكيف اي اللي بايظ..

جاك: بسسس... دماغي هتتفرتك اسكتي..

شهد: سيبيه يرتاح ياجي.. عادي يعني لما ينام هنا.. مش مشكله انا هبقى انام ف اي حته..

جاك كان ماسك دماغه ومش قادر يفتح عينه وهي حرقت دي..

جاكي: امسكي كدا ياجوري..

عطيت الفون لجوري وروحت مسكت الزفته دي من شعرها وفضلت اضرب فيها..

جاكي: مفكره اي... مفكره اني هصدقك وهشك ف جوزي!!!... دا بُعدك ياوسخه يالمامه انتي... وحياة امي ماهسيبك.. ياخطافة الرجاله يامعفنه... متخيله ان جاك هيبصلك انتي!!... دانتي مقرفه... هيبصلك ع اي ياحسره.. كفايه دمك اللي زي السم.. شربتيه اي.. انطقي ياوسخه انتي..

شهد: اوعي.. ابعدي عني..

جاكي: ابعد عنك اي.. دانا هطلع***... يا بنت *****...

عايزه تاخدي جوزي!!... لما تشوفي حلمة ودنك ياشهد.. دا جوزي انا... جوزي انا يالمامه ياواطيه... وحياة امك لاخليه يطلقك ويرميكي ف الشارع... انتي اللي زيك مكانه الشارع اصلا... عملتي اي فيه يابت انتي..

شهد: معملش حاجه.. حرام عليكي سيبيني...

جاكي: اسيبك اي... اسيبك اي ياحيه انتي... دانتي عقربه يابنتي.. مستحمله نفسك كدا ازاي... انا لو منك اموت نفسي...

جاك كان بيحاول يقوم ويحوشني عنها..

جاك: جاكي.. جاكي بس.. اي اللي بتعمليه دا..

كنت بضربها ضرب موت وهي واقعه ع الارض وتقريبا شعرها طلع ف ايدي وهي اغمى عليها او ماتت ايهما اقرب يعني...

جاكي: عملت فيك اي.. شربت اي..

جاك: معرفش.. اي اللي عملتيه دا..

جاكي: اسمع.. البت دي تطلقها وترميها بره.. انت فاهم!!.. مش هقعد معاها دقيقه واحده كمان..

جاك: طب.. طب ثواني بس.. اغسل وشي عشان افوق..

دخلت معاه الحمام وغسلت وشه ومكنش فايق فعلا..

جاكي: مالك ياجاك.. عطتك اي طيب..

جاك: اهدي.. انا بطني كانت واجعاني وهي جابتلي دوا.. وبعدين جيت نمت هنا عشان مبعرفش انام من غير مكيف.. والتكييف اللي عندنا باظ.. فقالتلي تعالى هنا.. بس.. دي كل الحكايه... ضربتيها ليه كل دا..

جاكي: يعني انت معملتش حاجه!

جاك: حاجة اي اللي اعملها ياجي.. انا اول ماوصلت هنا نمت ع طول..

جاكي: وهي كانت نايمه معاك ياجاك..

جاك: لا.. مش عارف.. انا نعست ومشوفتش حاجه تاني... حرام عليكي ليه تعملي فيها كدا..

قعد جنبها وفضل يفوقها... واول مافاقت حضنته وفضلت تعيط..

جوري: يالهوي.. دي عقربه..

جاكي: جاك ابعد عنها..

جاك: بس بقاا.. مش كفايه وشها اللي اتخرشم دا!!

جاكي: جاك لأخر مره بقولك ابعد عنها... لو مبعدتش همشي..

جاك: تمشي اي.. انتي اتجننتي!!... ليه كل دا.. انا مش فاهم حاجه...

جاكي: تعالى هنا وانا هفهمك..

جاك: انا مش فاهم اي اللي هي عملته..

جاكي: كانت عايزاني اشك فيك..

شهد بعياط: انتي كدابه.. انا مقولتش حاجه.. والله العظيم ياجاك ماقولت حاجه..

جاك: قولتيلها اي ياشهد..

شهد: هي جت وسالتني عليك.. وانا قولتلها نايم جوه.. زقتني ودخلت وعملت اللي عملته دا..

جاك: صحيح اللي بتقوله دا!

جاكي: ايوا قالتلي كدا.. بس مش بنفس الطريقه دي.. كانت طالعه تتمايع وتعدل لبسها.. عايزاني اشك انك بتعمل حاجه غلط..

جاك: انتي بتقولي اي.. بناءا ع اي قررتي انها تقصد كدا..

جاكي: ع اساس انك مش عارفها يعني!!.. مانت عارف حركاتها كويس..

جاك: انا مبقتش فاهمك... انتي بقيتي حاجه لا تُطاق.. مفيش حد بيعمل اللي بتعمليه دا.. بتشكي ف اي حاجه وبتغيري من اي حاجه... دي مش عيشه... انا دخلت هنا بمزاجي.. ومحصلش حاجه.. انتي اللي دايما بتفكري اني بخونك.. انتي اللي دماغك كدا... ليه تعملي فيها كدا.. هو افترا وخلاص...

شهد: روحني ياجاك.. مش هقعد هنا تاني.. انا همشي..

جاك: استني.. مش هتمشي..

شهد: لا همشي.. كفايه اللي حصل فيا.. انا معملتش حاجه لكل دا..

جاك: جاكي.. اعتذريلها..

جاكي: لا ثواني بس.. هو انت بتتكلم جد!!

جاك: ايوا... انا عارف ان شهد عملت حاجات وحشه كتير.. بس دلوقتي هي مغلطتش وانتي ضربتيها.. يبقى تعتذري..

جاكي: مش هعتذر ياجاك..

جاك: جاكي.. اعتذري..

جاكي: مش هعتذر.. واقولك حاجه!!.. طز فيكوا انتوا الاتنين... خليك معاها كدا لحد ماتقع ومتلاقينيش معاك..

سيبته ودخلت اوضتي وفضلت اعيط.. جوري دخلت ورايا..

جوري: خلاص ياجي.. متعيطيش.. هو مش فاهم بس.. خلاص والنبي...

فضلت اعيط وهي بتهدي فيا...

ـــــــــــــــــــــــــــــــــــــــــــــــــــــــــــــــ

فيروز: ها عملت اي..

محمد: الحمد لله فكت.. تقريبا كانت شاده مع جاك او حاجه... بس تمام يعني..

فيروز: طب الحمد لله..

سما: محمد.. النتيجه بتاعتك ظهرت...

محمد: ايوا عارف... وجي كمان بتاعتها هتظهر بكرا.

فيروز: طب ماترن عليها وتقولها يمكن متعرفش..

محمد: ماشي...

طلع الفون ورن عليا..

جاكي: الو..

محمد: ها ياجي.. كنت عايز اقولك ان النتيجه هتظهر بكرا.. هتروحي تجيبيها!

جاكي: ايوا..

محمد: مال صوتك..

جاكي: مفيش تعبانه شويه.. هبقى اكلمك بعدين...

قفلت معاه وقعدت اعيط مكاني... شويه وجاك دخل..

دخل ياخد شاور وأخر جوا قوي..

جوري: هو اتأخر كدا ليه..

جاكي: معرفش..

جوري: طب بس بقاا عينيكي بقت حمرا قوي..

جاكي: روحي نامي ياحبيبتي..

جوري: لا مش هسيبك كدا.. بطلي عياط بقاا..

جاك طلع من الحمام وهو عرياان...

جاك: جوري روحي اوضتك..

جوري: لا متكلمنيش.. انا هقعد مع جي..

جاك بعصبيه: جوري.. اسمعي الكلام..

جاكي: متزعقلهاش كدا..

راح خدها من ايدها وطلعها بره وقفل الباب..

جه قعد جنبي... سكت شويه وبعدين اتكلم..

جاك: هنفضل كدا لحد امتى..

جاكي:....

جاك: جاكي.. انتي اكتر حد ف الدنيا انا بحبه.. والحد الوحيد اللي يهمني.. بس انا تعبت... انتي مش متخيله فكرة اني بقاوم عصبيتي وغضبي وبسيطر ع نفسي عشان مأذيكيش... دا صعب.. انا بتفادى غضبي عشانك... بس ف الاخر انا ليا طاقه ومسيرها هتخلص..

جاكي: واي اللي انا عملته عشان تتعصب!!... رجعت لقيت جوزي ف اوضته واحده مش محترمه وقالع هدومه وهي طالعه تتمايع وتعدل لبسها... ولما اسالها تقولي جوزك نايم جوا... كانت بتكلمني بطريقه تخلي اي حد يشك... بس انا مشكتش فيك ياجاك.. ومصدقتهاش وبوظت خطتها وضربتها عشان حاولت تإذيك..

جاك: اذتني ف اي..

جاكي: انت مكنتش قادر تقوم.. كنت شارب حاجه..

جاك: يمكن عشان كنت مصدع وبطني كانت واجعاني..

جاكي: ملوش علاقه.. مفيش علاقه بين انك مصدع وانك مش قادر تقف ومش واعي..

جاك: الموضوع مكنش مستاهل كل دا..

جاكي: وانت بتدافع عنها ليه..

جاك: مش بدافع... قولتلك بدل المره مليون ان شهد متفرقش معايا.. انتي الوحيده اللي تفرقي معايا.. قولتلك مفيش حد غيرك هيدخل حياتي..

جاكي: شهد دخلت واتجوزتها..

جاك: برضاكي.. دا غير ان دا مش جواز... لو انتي بتعتبريه جواز فأنا لا... دي لعبه وهنهيها... وهي تتصرف مع نفسها... كل ما ف الامر اني ساعدتهم... ومعملتش حاجه غصب عنك... انا معملتش حاجه غير لما انتي وافقتي... دا مش جواز.. انا متجوزتهاش ياجي..

جاكي: يعني اي متجوزتهاش!!.. المأذون جه وكتب الكتاب ياجاك..

جاك: مكتبش حاجه.. شهد مش مراتي.. المأذون كتب ورقه مش حقيقيه اصلا...

جاكي: ازاي..

جاك: انا خدت المأذون جوه ياجي.. خدته واتفقت معاه وعمل كدا من غير ماحد يعرف... حتى مقولتش وراه حاجه..

جاكي: يعني اي..

جاك: يعني انا مستحيل اتجوز عليكي.. انا وعدتك انك الوحيده اللي هتدخل حياتي... مقدرش اتجوز عليكي.. طول الوقت بقولك انها لعبه... لانها لعبه فعلا... اتفضلي الورقه اهي..

قام جاب الورقه وعطهالي... بصيت فيها لقيتها مش حقيقيه فعلا... دي ورقه عاديه ويادوب كاتبين الاسامي..

جاكي: وازاي محدش لاحظ!

جاك: عشان هو كتب الكتاب ف الاوضه ياجي.. مرضتش اخليه يكتبه قدامهم.. حتى شوفي.. مفيش غير امضتها هي.. انا ممضتش ع حاجه.. يعني هي مش مراتي.. مش مراتي ياجي.. انتي اللي مراتي.. فهمتي!

جاكي: ومقولتليش ليه..

جاك: كنت هقولك لما الحوار دا يخلص.. بس انتي زودتيها ياجي..

جاكي: زودتها عشان بغير عليك!!!.. المفروض ارجع الاقيك ف اوضتها وعريان وميبقاش ليا رد فعل!!.. وانت عارف كويس شهد بتحاول تعمل اي..

جاك: اوووف.. انا زهقت..

سكتنا شويه وانا لسه دموعي بتنزل..

جاك: ممكن تمسحي دموعك!

جاكي:....

جاك: ياجي كفايه بقاا.. وحياة ربنا جضيت.. كفايه نكد..

صدقيني ممكن امشي ومتعرفليش طريق.. انا مبحبش الخنقه..

حطيت ايدي ع وشي وفضلت اعيط..

اتنهد وجه حضني..

جاك: ممكن تبطلي عياط طيب!.... كفايه بقاا..

جاكي: انت زعقتلي عشانها.. وكمان عايزني اعتذر..

جاك: روحي شوفي وشها كدا.. وشها بايظ والله.. وشعرها قطعتيه ف ايدك..

جاكي: معلش... المفروض كنت احضنها وهي بتحاول تفهمني ان جوزي عمل معاها حاجه..

جاك: طب خلاص.. حقك عليا..

انا خليت البيت يبقى بعيد عشان ابقى انا وانتي بس... نعيش مع بعض.. من غير مشاكل.. انتي الوحيده اللي كنت برتاح معاكي وبحب وجودك... بس انتي اتغيرتي ياجي... ف الخطوبه كنتي حاجه تاني... انا مبحبش الخناق.. انا ع طول عايش لوحدي عشان ابقى رايق.. وحبيت اشاركك روقاني...

جاكي: بقيت شايف اني حاجه لا تُطاق!

جاك: اسلوبك.. اسلوبك هو اللي لا يُطاق... انتي بقيتي تتكلمي معايا بسرسجه.. معنديش مشكله تتكلمي كدا مع الباقيين.. بس انا تتكلمي معايا كدا ازاي!!.. وطول الوقت بتفكري ازاي تغيظي دي وتثبتي لدي.. انا مش عايز كل دا...

جاكي تعالي نرجع زي الاول... انا مش حابب الاسلوب دا.. ولا الطريقه دي... انا عايز اعيش انا وانتي بس.. لوحدنا..

مكنتش متخيل ان حياتنا هتبقى كدا.. فكرت انها هتبقى حاجه تاني...

اتنهد وغمض عينيه...

جاك: انا خارج..

جاكي: خارج فين..

جاك: معرفش.. سلام..

جاكي: لا استني..

قومت وراه وحضنته..

جاكي: متمشيش.. انا اسفه..

جاك: ممكن تبطلي عياط!!

جاكي: حاضر.. بس خليك معايا.. مكنتش اعرف اني بضايقك كدا.. انا اسفه... مش هضايقك تاني والله.. بس خليك معايا.. وخلي شهد تمشي.. انا عايزه اعيش معاك لوحدنا.. مش عايزه حد ف بيتي..

جاك: حاضر.. بكرا الصبح همشيها..

جاكي: اوعدك هرجع زي الاول.. بس بلاش تدخل حد حياتنا.. انا مش عايزه غيرك..

جاك: حاضر.. والله العظيم ماعايز من الدنيا كلها غيرك.. انتي عندي بالناس كلها والله..

جاكي: انا بحبك قوي..

حضنته بحب قوي..

جاكي: بس جوري اكيد زعلانه دلوقتي..

جاك: روحي هاتيها..

طلعت روحت اوضتها لقيتها قاعده تعيط..

جاكي: ياروحي.. بس ماتعيطيش... خلاص حقك عليا انا.. تعالي روحي معايا..

جوري: لا مش عايزه..

جاكي: متخافيش.. مش هيعملك حاجه.. تعالي..

خدتها وروحنا الاوضه...

دخلت وربعت ايدها ووقفت تبص للارض بزعل..

جاك: انا عارف اني مش هخلص.. حتى انتي لاويه وشك..

جوري؛.....

جاك: طيب خلاص ياستي.. انا اسف.. متزعليش..

جوري: متتكلمش معايا..

جاك: احييه.. انتي بتلقطي الكلام منها!

جاكي: مانت كمان بتقول نفس الكلام..

جاك: خلاص متزعليش بقاا.. حقك عليا وادي بوسه اهي..

جوري: انا زعلانه عشان انت زعلت جي.. وجي مغلطتش ف حاجه.. البت الوحشه اللي بره دي هي اللي السبب اصلا..

جاك: ياروحي انتي.. وانتي فاهمه اصلا اي اللي بيجرا!

جوري: ايون.. انا مش صغيره.. انا عندي دول.. وبعدين البت دي مش سهله... خليها تمشي..

جاك: حاضر.. بكرا الصبح هخليها تاخد هدومها وتمشي...

جوري: بجد!

جاك: بجد.. المهم انتي زعلانه!

جوري: لو جي مش زعلانه فانا خلاص مش زعلانه..

جاك: ها ياجي.. زعلانه!

جوري: لو لسه زعلانه، انا مش هكلمه خالص خالص..

جاكي: لا مش زعلانه..

جاك: اهي مش زعلانه ياست..

جوري: خلاص وانا مش زعلانه...

جاكي: جاك.. انت قولت ان بطنك كانت واجعاك!!

جاك: ااه..

جاكي: جوري كمان بطنها كانت واجعاها..

جاك: ليه.. انتي كلتي حاجه وحشه!

جوري: لا.. كلت معاكوا بس..

جاكي: جاك.. انتوا بس اللي بطنكوا وجعتكوا.. وانتوا بس اللي كلتوا اصلا.. انا مكلتش عشان كدا محصليش حاجه... وشهد كمان كانت قاعده تقلب ف الطبق ومش بتاكل..

جاك: يعني اي..

جاكي: يعني انا عارفه هي عملت اي كويس..

جاك: جي.. خلاص.. اللي حصل حصل.. انهي كل حاجه.. كدا كدا هروحها بكرا.. تمام!

جاكي: ماشي..

جاك: طب انا بطني لسه واجعاني ع فكره..

جاكي: مقولتش ليه.. هنزل اعملك حاجه تشربها.. وانتي ياجوجو بطنك واجعاكي!

جوري: حاجه بسيطه..

جاكي: ماشي هنزل اعملكوا حاجه سخنه..

جاك: هي مش المفروض الحاجه السخنه دي بتتعمل ف حالات معينه كدا!!

جاكي بضحك: لا عادي.. وهشوفلك دوا هنا..

جاك: ماشي..

نزلت عملت حاجه سخنه وشوفت شهد وهي قاعده تبص لوشها ف المرايه...

عملت وخلصت وطلعت لقيتهم قاعدين ع السرير وقافلين النور والاضاءه خفيفه كدا وبيتكلموا بهمس..

جاكي: بتعملوا اي..

جوري بشهقه: حد يدخل علينا كدا!!... مش تخبطي الاول!

جاك: قوليلها..

جاكي: بت.. كنتوا بتعملوا اي!

جوري: حاجه سر..

جاكي: ماشاء الله... البت اخلاقها انحدرت..

جاك: منحدره لوحدها والله...

جاكي: طب يلا خدوا اشربوا...

جوري: عايزه اتفرج ع كرتون..

جاكي: استني هشوف اي اللي شغال..

قعدت اقلب واشوف اي اللي شغال...

جوري: خلي بتاع القرود دول..

جاك: قرود اي انتي كمان..

جاكي: لا دا حلو اوي..

قعدنا نتفرج ونشرب ف هدوووء..

صحيت تاني يوم لقيت جاك مفتح عينيه وقاعد يتفرج عليا..

جاكي بابتسامة: صباح الخير..

جاك: صباح الفل..

وراح باسني من خدي..

جاكي: صحيت امتى!

جاك: من شويه.. النتيجه بتاعتك هتبان النهارده..

جاكي: ايوا.. ربنا يستر..

جاك: متخافيش.. هروح انا وانتي نجيبها..

جاكي: ماشي..

قومنا اتوضينا وصلينا وبعدين نزلت حضرت الفطار وجوري صحت وقعدنا نفطر بس شهد منزلتش...

جاك: ناكل ونروح نودي شهد وبالمره نخلي جوجو معاهم لحد مانرجع..

جوري؛ رايحين فين..

جاك: رايحين نجيب النتيجه بتاع جي..

جاكي: ادعيلي ياجوجو والنبي..

جوري: ان شاء الله هتجيبي حاجه حلوه..

جاك: والله مافي حاجه حلوه غيرك..

خلصنا اكل وبعدين جاك طلع لشهد...

جاك: لمي حاجتك عشان هترجعي الڤيلا..

شهد: ليه..

جاك: هتعرفي لما نوصل..

شهد: ماشي..

طلعت لبست انا وجوري وهي لمت حاجتها ومشينا...

وصلنا الڤيلا ونزلنا..

فيروز: يالهوي.. اي اللي عمل فيكي كدا!

جاك: فين نور والباقيين..

فيروز: ف اوضهم.. مالها شهد طيب!

جاك: هفهمك بعدين.. المهم انا رايح انا وجي عشان النتيجه ظهرت.. هرجع تاني..

فيروز: مين دي!

جاكي: دي جوري.. خليها هنا لحد مانرجع..

فيروز: جوري مين!!.. انتوا لحقتوا تخلفوا!

جاك: نخلف اي ياست..

جوري: لا انا هاجي معاكوا..

نور نزلت..

نور: كويس انك جيت ياجاك.. تعالى وصلني عشان اروح الجامعه..

جاك: فين هند ومحمد!

نور: خرجوا الصبح وهيعدوا ع الجامعه...

جاك: تمام يلا..

نور: هي مالها شهد!.. ومين دي..

جاك: بعدين ياجماعه.. يلا..

جوري: مليش دعوه انا هاجي معاكوا..

جاكي: خلاص تعالي..

ركبنا العربيه ومشينا...

جاكي: جاك انا خايفه قوي..

جاك: متقلقيش.. تعالي بس..

جاكي: هو نتيجتك هتبان النهارده يانور!

نور: بانت من كام يوم بس مجتش.. ومحمد كمان..

جاكي: طب كويس..

دخلنا وشوفت اسمي...

جاكي بفرحه: احييييه.. الاولى...

جاك: ياهوو.. مش قولتلك..

جاكي: لا لا مش مصدقه.. انا الاولى!!

جاك: حبيبي اشطر كتكوت..

حضنته وانا بتنطط ومبسوطه.. فجأه لقيت ندى جايه مع محمد..

ندى: عملتي اي..

جاك: الاولى ياباشاا..

ندى: مبروووك.. استني اشوف انا عملت اي..

شافت نتيجتها...

ندى: امتياز..

محمد: مبروك ياقمر..

نور: ممكن تيجوا معايا اشوف نتيجي بقاا!!

جاك: يلا...

روحنا جامعة نور لقينا هند هناك..

جاك: ها ياهند!

هند: جيد جدا..

نور: وانا!

هند: جيد جدا بردو..

نور: الحمد لله.. دانا كنت حاسه اني هسقط..

جاك: مبروك ياقمر.. وانت يااستاذ محمد!

محمد: امتياز يبروو.. عيب عليك..

جاكي: شاطر.. مبروك

محمد: الله يبارك فيكي..

هند: ع فكره نتيجة شهد بانت.. وشايله مواد..

جاك: ملناش دعوه.. يلا..

ركبنا العربيه وجاك شغل وحياة قلبي وافراحه وقعدوا يسقفوا مع بعض...

رجعنا الڤيلا لقينا مامت شهد قاعده متعصبه..

ـ اخيرا شرفتوا!

محمد: في اي.. اي دا.. اي اللي ف وشك دا..

ـ هي دي الامانه اللي معاك ياجاك!!.. ترجعهالي كدا!

جاك: بنتك عندك اهي.. انا مش عايز وجع دماغ.. حلوا مشاكلكوا بعيد عني..

ـ يعني اي.. هتطلقها!!

جاك: انا متجوزتهاش عشان اطلقها...

شهد: يعني اي..

جاك: يعني انتي مش مراتي..

ـ والقسيمه..

جاك: دي ورقه ملهاش اي لازمه.. مش حقيقيه اصلا.. وانا متفق مع المأذون ع كدا..

ـ يعني اي.. انت متجوزتهاش!!

جاك: لا طبعا.. مين دي اللي اتجوزها ع مراتي!!..

شهد: يعني انت كنت بتضحك عليا!

جاك: اضحك عليكي اي!.. انتي عبيطه!... دي لعبه واحنا متفقين ع كدا عشان اعرف اقف لابوكي.. غير كدا ملكيش عندي حاجه...

ـ ودلوقتي لما يقول طلقها ليه هنقوله اي..

جاك: ميخصنيش بقاا.. قوليله عملت اي حاجه عشان كدا طلقتها..

فيروز: يعني انت مش متجوزها فعلا!

جاك: لا طبعا.. مستحيل اتجوز ع جي..

كنت واقفه جنبه ومش قادره اسيطر ع ابتسامتي.. مديت ايدي ومسكت ايده راح هو تبت فيها..

شهد: واللي حصل بينا!!

جاك: نعم ياختي!!.. اي اللي حصل بينا!

شهد: جاك انت مش فاكر!

جاك: بقولك اي.. مش عايز جنان..

ـ عمل اي يابت..

شهد: خد حقوقه مني ياماما..

جاكي: ماتبطلي وساخه بقاا... اي البجاحه دي..

شهد: ملكيش دعوه.. هو فعلا عمل كدا.. انا هكدب ليه..

جاكي: عشان انتي عايزه توصلي لجاك بأي طريقه.. بطلي تألفي حاجات عشان مرنكيش عَلقه زي اللي خدتيها..

ـ يعني انتي اللي عملتي فيها كدا!

جاكي: ايوا.. ولو ملمتش نفسها دلوقتي هعمل فيها اكتر من كدا...

شهد: هتسيبني ياجاك بعد اللي حصل!

جاك: انا متأكد اني معملتش حاجه..

شهد: انت مكنتش واعي.. وانا حاولت اقاومك بس مقدرتش...

فيروز: اي اللي بتقوليه دا ياشهد.. جاك مش ممكن يعمل كدا..

شهد: عمل.. صدقوني عمل..

جاك: تمام.. نروح نكشف..

جاكي: تكشف اي.. مايمكن مش بنت فعلا وعايزه تلبسهالك..

ـ مسمحلكيش تقولي ع بنتي كدا..

جاك: جاكي.. عيب.. تعالي معايا ياشهد.. وهنشوف اذا كنت عملت حاجه ولا لا..

شهد: لا مش هروح ف حته..

جاك: ع فكره انا مش عيل معاكوا.. انا غلطان اني ساعدتكوا من الاول... انا مالي اصلا...

جاكي: صدقت!!.. قولتلك دا اللي هي عايزه توصله..

شهد: لا انا مش مضطره اكدب يعني.. وكمان مش مضطره اروح اكشف..

جاكي: خايفه ليه..

شهد: مش خايفه.. بس انا مسمحش ان دا يحصل.. اروح مستشفى ليه اناا..

جاكي: عشان انتي واحده كدابه ووسخه.. وعايزه تفرقي بيني وبينه.. بعينك... مش هتعرفي بردو.. ماتغوري تشوفي حياتك بقاا.. ولا شوفي واحد يلمك وخلاص...

شهد: انا سكتلك كتير.. انتي زودتيها قوي..

جاكي: هتعملي ايه..

جاك: محدش هيعمل حاجه... الحكايه خلصت وكل واحد يشوف حياته.. طلعيني من دماغك ياشهد.. انا واحد متجوز وبحب مراتي..

دخلت جوه ومامتها دخلت وراها...

فيروز: مين دي ياجاك..

جاك: دي جوري..

فيروز: جوري مين..

جاكي: محمد هيفهمك.. المهم احنا هنمشي..

جاك: ااه عشان عندي شغل..

فيروز: طب خليكوا قاعدين..

جاك: نبقى نيجي تاني..

ركبنا العربيه ومشينا...

ـــــــــــــــــــــــــــــــــــــــــــــــــــــــــــــــ

ـ بقا ياهبله معرفتيش اذا كانت القسيمه حقيقية ولا لا..

شهد: وانا هعرف منين..

سلمى: طب وهي عملت كدا فيكي ازاي..

شهد: دي مفتريه.. دانا كنت هموت تحت ايدها..

ـ عملتي اي.. اكيد غيظتيها... ايوا مانتي مش سهله بردو..

شهد: اسكتوا بقاا.. سيبوني ف حالي... لما اشوف هعمل اي معاهم..

ـ انتي لسه بتفكري تعملي!

شهد: امال هسيبهم ع كدا!... وديني ماهسيبهم...

ـــــــــــــــــــــــــــــــــــــــــــــــــــــــــــــــ

جاك: يلا ادخلوا وانا هروح الشغل..

جاكي: متأخرش..

جاك: حاضر..

دخلنا جوه وهو مشي...

شغلنا اغاني وقعدنا نرقص ونتنطط انا وهي واحنا مبسوطين...

جوري: عايزه اكل كيكه..

جاكي: اشطا.. يلا نعمل الاكل وبعدين نعمل الكيكه..

جوري: يلا...

دخلنا المطبخ وقعدنا نجهز ف الاكل..

جاكي: قطعي السلطه كويس..

جوري: اهو.. بس السكينه كبيره..

جاكي: استني اجيبلك واحده صغيره.. خدي اهي..

جوري: هو جو بيشتغل اي..

جاكي: رجل اعمال ياستي..

جوري: يعني زي الناس اللي بتيجي ف التليفزيون دول!

جاكي: ايوا هما دول..

جوري: بس عسول قوي.. انا بحبه قد كداهووون..

جاكي: وانا!!... بتحبيه هو بس!!

جوري: لا بحبك انتي كمان قد كداهووون بردو..

جاكي: امووواه..

جوري: امووواه..

ـــــــــــــــــــــــــــــــــــــــــــــــــــــــــــــــ

جاك: عملت اي..

مالك: جايين ف الطريق..

جاك: حلو.. اجهز بقاا عشان دول هيتعبونا شويه..

مالك: جاهز..

شويه ووصلوا...

جوري: ماتيجي نرن ع جو..

جاكي: ليه..

جوري: رخامه..

جاكي: يلا...

رنيت عليه مردش.. رنيت عليه تاني راح رد..

جاك: عايزه اي..

جاكي: وحشتني..

جاك: يابت بطلي جنان انا ف اجتماع مهم... يلا باي..

جاكي: استني هقولك حاجه..

جاك: هاا انجزي..

جاكي: بحبك..

جاك: وانا كمان.. يلا باي..

قفل وبصيت لقيت جوري واقفه باصالي ومربعه ايدها..

جاكي: اي..

جوري: هو دا اللي هنرخم عليه!

جاكي: ماهو ف اجتماع مهم.. تعالي بس نكمل الاكل..

قعدنا نعمل الاكل والوقت عدى وخلصنا...

جوري: نعمل الكيكه بقاا..

جاكي: يلا...

فضلنا نلعب ف الدقيق وبهدلنا الدنيا والاغاني كانت شغاله عاليه قوي... سيبناها ف الفرن وقعدنا نرقص..

جاك رجع وقف وسند ع الحيطه وقعد يتفرج ع المنظر...

جاكي: لوللللللللولي اعااااا ... انت هنا من امتى..

جاك: بتعلمي البت اي ياجي..

جاكي: هي متعلمه لوحدها والله..

جاك: امال مش بترضي ترقصيلي ليه يازفته انتي..

جاكي: مانا مش بعرف..

جوري: لا ياجو.. بتعرف.. وبترقص حلو قوي..

جاكي: بس ياسوسه هتوديني ف داهيه..

جاك: اي الريحه دي..

جاكي: احيييه..

جوري: الكيكه..

طلعنا نجري ع المطبخ... طلعتها من الفرن وياريتني ماطلعتها...

جوري: جي فاشله ف المطبخ.. مش عارفه تعمل حاجه..

جاكي: اي النداله دي يابت..

جاك: بتعملوا اي اصلا... والمطبخ مبهدل كدا ليه..

جاكي: هي المفروض كانت تطلع كيكه.. بس نامت من التعب شويه..

جوري: تعب اي دي اتحمرت ياجي... اعترفي بالفشل..

جاك: خلاص اوعي.. انا هعملها..

جاكي: انت بتعرف!

جاك: اوعي ياختي واتعلمي..

قلع القميص ووقف يعمل فيها ومندمج اوي..

وانا مركزه معاه وبتفرج عليه وع شكله القمر دا..

شعره كان عمال ينزل ع عينيه وهو واخد الموضوع بجديه قوي...

جاكي: جو..

جاك: امم

جاكي: اتعلمت ازاي!

جاك: طول عمري عايش لوحدي ياجي.. اكيد بعرف اعمل حاجات كتير...

جاكي: شطور..

جاك: بقولك اي.. في مفاجأة بره..

جاكي: مفاجأة اي!

جاك: استني نحط دي ف الفرن ونطلع نشوفها..

حط الكيكه ف الفرن وطلعنا بره... لقيت بوكس كبير ومتغلف..

جاكي: اي دا..

جاك: افتحيه..

جاكي: لو طلعت حاططلي حاجه كدا ولا كدا هتزعل..

جاك: اخلصي ياجي.. هو انا هلعب!..

فتحت البوكس وتنحت...

جاكي: بتهزر...

جاك بضحك: لا مش بهزر..

جاكي: احيييه... اي دا..

جاك: طلعيهم طيب..

طلعت الحاجات اللي جايبها من البوكس... كان جايب كل مايتعلق بالرسم... ورق واستاند واقلام والوان وفُرش كتير جدا...

جاكي: اي كل دا... وبعدين دا من الغالي..

جاك: مش من هنا اصلا..

جاكي: يعني اي مش من هنا..

جاك: يعني من بره... يعني انا دورت ع انضف حاجه موجوده وحد ساعدني عشان انا مبفهمش ف الحاجات دي...

جاكي: طب ليه كل دا..

جاك: هدية نجاحك ياقمر..

نطيت من وسط الحاجات وحضنته...

جاكي: انا بحبك قوي قوي قوي...

حضنته وانا بتنطط وفضلت ابوسه ف خده...

جاكي: ربنا يخليك ليا ياقمر انت..

جاك: لا انا عايز بوسه..

جاكي: اتلم البت واقفه..

جوري: عادي عادي هغمي عيني..

جاك: والله انك خلبوصه... تعالي هنا..

شالها وقعد يبوسها...

جاك: انا جعان..تعالي ناكل وبعدين اقعدي اتفرجي..

جاكي: اشطا... يلا ياجوجو نحط الاكل..

حطينا الاكل وقعدنا ناكل ف جو من الضحك والهزار..

جاك: الفرح بعد كام يوم... جهزي نفسك..

جوري: فرح اي..

جاك: فرح محمد ياست..

جوري: مودي هيتجوز!..

جاك: مودي!!... ااه.. انتي لحقتي..

جوري: مودي عسول قوي اصلا..

جاكي: صحيح هتسافر ازاي والفرح بعد كام يوم..

جاك: هرجع قبل الفرح بيوم او اتنين..

جاكي: ماشي... هنزل مع جوجو نشتري شوية حاجات واشتريلها كام حاجه كدا..

جاك: ماشي... عمتا انا هرجع الشغل تاني.. اخدكوا ف طريقي...

جاكي: اشطا...

جاك: امم.. الاكل حلو.. تسلم ايدك..

جوري: ومفيش تسلم ايدك لجوري!.. مانا عملت معاها..

جاك: تسلم ايدك ياجوري هانم... اديني ايدك ابوسها كمان..

جاكي: الف هنا..

خلصنا اكل وطلعنا غيرنا ونزلنا...

جاكي: احنا جاهزين..

جاك: الله الله... اي اللي ف وشك دا.. احنا رايحين فرح!

جاكي: متبقاش رخم... والله خفيف ومش باين..

جاك: امال انا شايفه ازاي.. تعالي هنا..

جاكي: ياجاك هتبوظلي وشي بطل بقاا..

جاك: امسحي اللي ف وشك دا يا اما مفيش خروج..

طلعت منديل ومسحت شويه..

جاك: هاتي ياختي..

جاكي: بالراحه طيب.. كفايه..

جاك: اي المشكله لما تخرجي بوشك من غير ميكب..

جاكي: واي المشكله لما احط خفيف..

جاك: احمدي ربنا اني سايبك تخرجي بوشك..

جاكي: ليه ان شاء الله... هو وش انجلينا!!

جاك: لا وش جي.. وما ادراكي ما وش جي..

جوري: ممكن تخلصونا من المحن دا بقاا..

جاك: ماتبطلي لماضه بقاا... يلا..

وصلنا المول...

جاك: لما تخلصوا رني عليا عشان اجيلك..

جاكي: ماشي..

جاك: خلي بالك من نفسك ولو حصل اي حاجه بلغيني..

جاكي: ماشي باي..

خدت جوري ودخلنا وهو مشي..

ـــــــــــــــــــــــــــــــــــــــــــــــــــــــــــــــ

ادم: عامله اي..

نور: كويسه..

ادم: فرحنا بعد كام يوم..

نور: ايوا..

ادم: طب اي..

نور: اي..

ادم: ماتيجي نخرج... صحيح عملتي اي ف النتيجه..

نور: جيد جدا..

ادم: شطوره.. مبروك..

نور: وانت..

ادم: امتياز ياقمر..

نور: انتوا شطار كدا ليه... حتى جي وندى جابوا امتياز.. وجي الاولى ع الدفعه..

ادم: ااه عرفت... جي الدفعه كلها بتتكلم عليها اصلا.. مع انها مكانتش بتحضر..

نور: لا هي شاطره اصلا... المهم هنروح فين..

ادم: هاجي اخدك دلوقتي ونلف شويه...

ـــــــــــــــــــــــــــــــــــــــــــــــــــــــــــــــ

قعدنا نلف واشترينا حاجات كتير وجبنا العاب وزينه لاوضة جوري...

جاكي: ناسيين حاجه!

جوري: لا كدا جبنا كل حاجه..

جاكي: ماشي.. تعالي نرن ع جاك..

رنينا عليه وشويه وجه..

ـ لو سمحتي ياانسه..

جاكي: نعم..

ـ الشنطه دي وقعت منك..

جاكي: ااه شكرا جدا..

ـ العفو..

جاكي: امسكي يانيله.. متوقعيش حاجه تاني بقاا..

جوري: ع فكره وقع منك انتي.. انا مالي...

جاك: مين اللي كان واقف معاكي دا..

جاكي: دا الشنطه وقعت مني وهو جابها..

جاك: ااه.. طب يلا..

جوري: چو... چو..

جاك: نعم..

راح شالها...

جوري بدلع: عايزه شيكولاته..

جاك: مش هنخلص النهارده ولا اي!

جوري: اخر مره والله..

جاك: طب ادفعي وانا اجيبلك..

راحت باسته من خده...

جاك: كدا اجيبلك اللي انتي عايزاه ياقمر..

جاكي: وانا وانا...

جاك: انتي اي..

جاكي: عايزه شيكولاته..

جاك: يابت هي غيره وخلاص!.. انتي مش بتحبيها..

جاكي: قول انك مش عايز تجيبلي..

جاك: لا هجيبلك ياقمري..

جاكي: طب استنى ادفع زيها..

روحت بوسته من خده...

جاك: يخربيت الغيره... يلا..

راح اشترالنا شيكولاته ورجعنا...

جاك: انا مسافر بكرا ياجي..

جاكي: هتسافر امتى..

جاك: الصبح..

جوري: هتأخر!

جاك: لا ياروحي هجيلك بسرعه.... المهم انا هحطلكوا حرس بره عشان تبقوا ف امان...

جاكي: ماشي.. المهم انت خلي بالك من نفسك وارجع بسرعه..

جاك: حاضر...

قضينا اليوم مع بعض وفضلنا نلعب ونهزر احنا التلاته والجو رايق...

جاك: اطلعي الجنينه كدا ياجوري!

جوري: ليه..

جاك: اطلعي بس..

طلعنا بره لقيناه جايب حصان ليها والعاب تانيه..

جوري: الله.. دا ليا!

جاك: ايوا.. روحي العبي..

باسته وطلعت تجري وقعدت تتنطط وهي بتضحك ومبسوطه..

جاك: مالك قالبه بوزك ليه..

جاكي: متتكلمش معايا..

جاك: في اي..

جاكي: معرفش..

جاك: ااه.. انتي غيرانه بقاا..

جاكي: لا عادي.. هغير ليه..

جاك: طب بطلي شغل العيال دا.. بتغيري من طفله ياهبله انتي..

جاكي بدلع: ماهو انت بصراحه زودتها... وعمال تدلعها وتجيبلها لعب وحاجات.. وانا ولا كإني موجوده...

جاك: مانا بدلعك انتي كمان..

جاكي: لا.. بتدلعها هي اكتر... وبعدين كل شويه تبوسها.. ماتبطل بقاا..

جاك: حبيبي انا الغيران داا.. مفيش غيرك ف قلبي والله..

جاكي بدلع: وجوري!

جاك: جوري واخده حته قد كدا من قلبي.. والباقي كله ليكي..

جاكي: احلف كدا..

جاك: وحياتك ياقمر انت... بقولك اي.. تعالي هقولك حاجه..

روحت مشيت بعيد..

جاكي: لا ياخويا انا هروح العب معاها..

جاك: هقولك حاجه وبعدين العبي..

جاكي: تؤتؤ..

راح جري ورايا وشالني ع كتفه..

جاكي: ياختتي.. نزلني يخربيتك البت هتفهم..

جاك: ماتفهم...

جاكي: طب نزلني عشان هنقع... انت شايلني كدا ليه..

جاك: لا مش هنقع..

راح طلع يجري ع فوق..

اليوم كان رايق وعديناه من غير مشاكل اخيرا...

صحيت لقيت جاك بيلبس...

جاكي: صحيت امتى..

جاك: من شويه..

جاكي: طب هنزل اعملك الفطار ع طول..

جاك: لا لا هفطر ف الطياره..

جاكي بحزن؛ انت خلاص ماشي!

جاك: ااه للاسف..

روحت حضنته بزعل..

جاكي: متأخرش عليا طيب..

جاك: مقدرش ياقمر انت..

راح باسني من خدي..

جوري: الله الله.. يعني هتمشي من غير ماتسلم عليا..

جاك: ياحياتي انتي مقدرش امشي من غير مااشوفك.. تعالي..

شالها وقعد يبوس فيها..

جوري: متأخرش بقاا..

جاك: مش هأخر.. هروح واجي طيران عشانك.. انتي قاعده مع جي وافضلوا العبوا وبوظوا الدنيا... عايز ارجع الاقي البيت والع.. ماشي!

جوري: ماشي..

جاك: يلا باي ياقمر... جي خلي بالك منها..

جاكي: حاضر.. خلي بالك من نفسك.. وابقى كلمني كتير هاا..

جاك: حاضر.. يلا سلام..

ركب العربيه ومشي...

جوري: هيوحشني قوي..

جاكي: وانا كمان.. يلا ندخل نفطر..

عملت الفطار ولسه هنقعد ناكل بطني قلبت ودخلت الحمام فضلت ارجع...

جوري بخوف: في اي.. مالك..

جاكي: معرفش..

جوري بابتسامه: اوعي تكوني حامل..

جاكي: ياختي اتلهي... حامل اي.. يلا اطلعي كملي اكلك..

ـــــــــــــــــــــــــــــــــــــــــــــــــــــــــــــــ

جاك: مايا.. الشغل دا يخلص ف اسرع وقت..

مايا: في حاجه!

جاك: محتاج ارجع بدري شويه... زي اخر سفريه كدا.. قولي للباقيين يشدوا حيلهم عشان نخلص بسرعه..

مايا: حاضر..

مالك: يعم ارحم امي شويه.. فرحي بعد كام يوم..

جاك: لا انت هتقعد يومين بس وبعدين هترجع واحنا هنيجي وراك..

مالك: وجاي ع نفسك كدا ليه.. ماتخليني ارجع يوم الفرح احسن...

جاك: عندنا شغل كتير يامالك.. المهم انجز انت عشان تلحق تظبط نفسك..

ـــــــــــــــــــــــــــــــــــــــــــــــــــــــــــــــ

قضيت اليوم انا وجوري وطول الوقت كنت دايخه ومش قادره اقف...

رنيت ع ندى وجت قعدت معايا..

جوري: طب تعالي نروح نكشف..

ندى: مالك ياجي..

جاكي: مش عارفه.. بس دايخه وبرجع من الصبح..

ندى: العب.. اكيد حامل..

جاكي: حامل اي ياجماعه.. انا باخد برشام اصلا..

ندى: اكيد نسيتي تاخديه ف مره..

جاكي: لا ياختي.. يمكن برد بس...

فضلنا كدا طول اليوم وبعدين كنت هقع..

ندى: لا لازم نروح لدكتور.. اطلعي البسي..

جاكي: يابنتي مش لازم..

ندى: يلا ياجي بطلي عناد..

جاكي: وبالنسبه للحرس اللي بره دول!.. اكيد هيقولوا لجاك..

ندى: رني انتي عليه وقوليله..

رنيت عليه..

جاكي: انت فين دلوقتي..

جاك: ف الطياره..

جاكي؛ طب انا كنت هخرج اشتري حاجه كدا..

جاك: انتي مش خرجتي واشتريتي اللي انتي عايزاه!

جاكي: لا ماهو في حاجه نسيتها وهروح اجيبها..

جاك: هتروحي مع مين!

جاكي: ندى هتاخدني بعربيتها..

جاك: ماشي.. مش عايز لعب عيال ياجي..

جاكي: لا والله هنرجع ع طول..

جاك: ماشي.. لو حصل حاجه بلغيني..

قفلت معاه ولبست ومشينا..

ندى: ليه مقولتيلوش انك هتكشفي..

جاكي: مش عايزه اقلقه عليا.. وبعدين الدكتوره هتقول برد اكيد يعني..عشان بنفضل ف البسين كتير..

ندى: نتطمن بردو...

دخلنا عند الدكتوره وكشفت...

الدكتوره: مبروك..