رواية قلبي ليس بيدي الفصل الحادي والثمنون 81 بقلم حسناء مصطفي

دخلنا نجري لجوا لقينا شهد واقعه ع الارض والكوبيات متكسره ع الارض...

جاك: في اي..

كانت بتعيط وماسكه رجلها..

جاك: قومي معايا..

جت تقوم مقدرتش تقف.. راح جاك شالها وقعدها ع الكنبه..

جاك: اي اللي حصل..

شهد: كنت بعمل نسكافيه واتزحلقت ع الارض..

جاك: حصلك حاجه!!

شهد: رجلي واجعاني..

رفعت رجل البنطلون.. رجليها مكنش فيها حاجه..

شهد: هنا كدا..

قعد يدعكلها مكان ماشاورت وتقريبا نسي اني واقفه وراه..

جاك: مش تاخدي بالك..

شهد: كان في مايه ع الارض..

جوري بهمس: ع فكره هي بتتدلع.. مفهاش حاجه..

جاكي: شوفتي.. دي سهوكه اصلا..

جاك: طب تعالي اطلعي فوق..

شهد: مش هقدر اقف..

جاكي: شيلها ياروحي.. شيلها..

جاك: اي دا انتي هنا..

شهد حاولت تقوم بس عملت نفسها وقعت تاني..

جاك: طب استني اساعدك..

شالها وطلعها اوضتها..

جاكي: شوفتي قليلة الادب دي..

جوري: هي مين دي..

جاكي: قريبته..

جوري: باين عليها مش سهله.. انا بعرف الناس من نظراتهم..

جاكي: ماهي فعلا مش سهله.. دي عقربه ياختي..

جوري: تيجي نطفشها!!

جاكي: ايوا ياريت..

جوري: اشطا.. اسمعي كلامي كويس..

جاك طلعها ونزل..

جاكي: نزلت ليه.. خليك معاها..

جاك: مش عايز نكد بالله عليكي.. مكانتش قادره تقف..

جوري: ع فكره دي بتتدلع ياچو..

جاك: هي لحقت تحولك عليها.. طب يلا نطلع ننام..

جاكي: يلا ياروحي نطلع..

جوري: ماشي..

طلعنا فوق..

جوري: هو انا هنام ف اللبس دا!!

جاكي: لا تعالي نغير..

دخلنا نغير وطلعنا..

جاكي: يلا تعالي اوديكي اوضتك..

وديتها اوضتها ورجعت..

جاك: جاكي فكري كويس... انتي مش قد المسؤولية دي..

جاكي: لا قدها.. وبعدين هي كبيره مش صغيره قوي يعني.. طب والله حبيتها جدا...

جاك: وانا كمان.. بس خايف..

جاكي: متشلش هم.. دي حاجه قمر كدا والله..

جاك: طب اي بقاا.. مش ناويه تحني وتجيبي بيبي قمر شبهك كدا..

جاكي: قول يارب...

لسه هنام راح الباب خبط..

جاك: ادخل..

جوري: ممكن انام معاكوا!!.. خايفه انام لوحدي..

جاك: امم..

جاكي: اقفلي الباب وتعالي..

جاك: تيجي فين..

جاكي: خليها تنام معانا..

جوري: معلش بقاا ياچو.. استحملني النهارده..

جاك: نامي ياختي..

نمنا ونامت هي وسطينا...

صحيت تاني يوم لقيتها نايمه وهي وجاك حاضنين بعض..

غطيتهم ونزلت عملت الفطار... وقعدت اغني..

جاكي: كلموني تاني عنك، فكروني.. صحوا نار الشوق ف قلبي وف عيوني.. رجعولي الماضي، بنعيمه وهناوته، وبحلاوته، وبعذابه، وبقساوته... وافتكرت فرحت وياك قد اي.. وافتكرت كمان ياروحي بعدنا ليه...

جاك: يارايق...

جاكي: صباح الخير الاول..

جاك: صباح الورد ياورد انت..

باسني من خدي وقعد..

جاكي: روح اقعد وانا هجيب الفطار.. امال جوري فين..

جاك: نزلت اهي..

جوري: صباح الخير ياجيجي..

جاكي: جيجي تاني!!

جاك: ع فكره حلو..

جوري: انا جعانه طيب..

جاكي: روحوا اقعدوا وانا هجيب الاكل..

راحوا قعدوا وشهد نزلت...

جوري: رجلك عامله اي ياطنط!

شهد: طنط!.. كويسه ياحبيبتي...

جاك: جي انا عندي شغل.. خلي بالك من جوري كويس..

جاكي: لا متقلقش.. احنا هنقعد نلعب وهننزل البسين..

جوري بفرحه: هااااي..

جاك: مش عايز ارجع الاقيكوا عاملين كوارث..

جاكي: عيب عليك..

كلنا وخلصنا وجاك مشي...

جوري: يلا ياجي ننزل..

جاكي: تعالي نغير هدومنا الاول طيب..

ـــــــــــــــــــــــــــــــــــــــــــــــــــــــــــــــــــــــــــــ

محمد كان عمال يرن ع ندى بس مكانتش بترد..

فيروز: لسه بردو!

محمد: لسه..

فيروز: روح هاتها وقولها فيروز عايزاكي..

محمد: مش هتوافق..

فيروز: لا قولها فيروز عايزه تتكلم معاكي..

محمد: ماشي.. هو بابا فين..

فيروز: ابوك ف الشغل.. مشي بدري..

محمد: ماشي..

ـــــــــــــــــــــــــــــــــــــــــــــــــــــــــــــــ

قعدنا نلعب ف المايه انا وهي ...

جوري: المايه حلوه اوي..

جاكي: العبي بقاا وانا هروح اتكلم ف الفون واجيلك..

جوري: ماشي...

سيبتها وطلعت كلمت ندى...

جاكي: اخيرا رديتي..

ندى: عامله اي..

جاكي: مش بتسألي عليا ليه..

ندى: معلش مكنتش فاضيه..

جاكي: لسه زعلانه!

ندى: وهزعل ليه.. هو فعلا معاه حق.. انا السبب ف المشكله دي..

جاكي: مشكلة اي.. مفيش حاجه حصلت..

ندى: يعني اي.. هو مش اتخانق معاكي!

جاكي: دا ف الاول... وبعد كدا صالحني ع طول.. ودلوقتي مفيش اي حاجه..

ندى: طب كويس..

جاكي: طب خلاص فكي انتي كمان..

ندى: خليني بعيد احسن ياجي..

جاكي: ياست والله جاك ميقصدش.. هو كان متعصب بس.. وبعدين فعلا اللي عملناه غلط..

ندى: وجودي معاكي بيعمل مشاكل..

جاكي: محصلش.. احنا بس مجانين شويه.. يلا بقاا تعالي..

ندى: لا مش دلوقتي.. محمد جاي ياخدني عشان فيروز عايزاني..

جاكي: ماشي.. بس هتيجي..

ندى: ان شاء الله... يلا باي دلوقتي..

قفلت وطلعت شوفت جوري..

ــــــــــــــــــــــــــــــــــــــــــــــــــــــــــــــ

شهد: ولسه.. هما لسه شافوا حاجه!!

سلمى:....

شهد: انا حطيتلهم دوا ف الاكل.. بس اتمنى جاك مياكلش معاهم...

سلمى:.....

شهد: دخلت اوضتهم بس ملقتش حاجه... قافله ع كل حاجه بنت التيت.. بس بوظت التكييف اللي ف اوضته.. اللي اعرفه ان جاك مبيعرفش يقعد ف الحر.. بوظت كل المكيفات اللي ف البيت ماعدا اللي ف اوضتي..

سلمى:......

شهد: مسيره هييجي بمزاجه..

ـــــــــــــــــــــــــــــــــــــــــــــــــــــــــــــــ

جاك بعصبيه: دي مهزله ولعب عيال.. وادي العقد اتقطع اهو... واتفضلوا اطلعوا بره..

ـ دا مش اسلوب ياجاك بيه.. احنا بنتناقش..

جاك: معنديش زفت نقاش... لما اتفق ع حاجه يبقى مترجعوش فيها.. انا مش قاعد مع عيال..

مالك: جاك.. اهدى شويه..

جاك: انت كنت عارف بالحوار دا!!

مالك: لا.. اول مره اسمعه دلوقتي..

ـ ياجاك بيه مختلفناش.. احنا بس كان عندنا فكره كويسه وليك فيها نسبه حلوه..

جاك: فكرة اي..

ـ احم.. احنا هندخل ف البضاعه اللي مسافره بره، بضاعه مضروبه.. بس زيها بالظبط.. يعني محدش هيعرف.. ولما نبيعها بنص السعر، كدا احنا هنكتسح السوق وهنكسب منها.. لا من شاف ولا من دري.. قولت اي..

جاك: تمام.. شكلك متعرفش مين جاك... اتفضل اطلع بره بكرامتك عشان انا لو قومت هتقعد تلمها من الارض..

ـ هي اي..

جاك: كرامتك..

مالك: اتفضل بره لو سمحت... الشغل دا مش عندنا..

جاك: سمعت!!

ـــــــــــــــــــــــــــــــــــــــــــــــــــــــــــــــ

جاكي: يلا ياجوري اطلعي بقاا عشان متبرديش..

جوري: لا خليني شويه..

جاكي: تعالي بس هنلعب هنا..

جوري: ماشي..

قعدنا نلعب ونجري ورا بعض والوقت عدى وجاك رجع..

جوري: هااااااي... چو جه...

طلعت تجري عليه وهو شالها..

جاكي: ع فكره المفروض بترجع تحضني انا الاول..

جاك: ياريتني ماجيت... تعالي ياروحي في مكان ليكي..

يخربيت الغيره.. امال هتخلفي ازاي..

جاكي: وهو انا لما اخلف هتفضلهم عليا!!

جاك: لا ازاي.. مينفعش..

جاكي: ايوا.. احسب..

جاك: طب انا كنت عايزك ف موضوع..

جاكي: اي هو..

جاك: ناكل الاول عشان انا جعان.. روحي حضري الاكل وانا هقعد مع جوجو..

جاكي: اوكي..

جاك: كنتي بتعملي اي بقاا ياجوري هانم!

جوري: كنا بنجري ورا بعض..

جاك: طب تعالي نلعب..

جوري: اعمل حصان وانا اركب عليك..

جاك: نعم ياختي..

جوري: اي.. حصان..

جاك: يعني اي اعمل حصان!

جوري: يعني اقعد ع الارض كدا وانا اركب ع ضهرك..

جاك: ف المشمش..

جوري: عشان خاطري..

جاك: روحي العبي بعيد ياشاطره.. قال حصان قال..

ـــــــــــــــــــــــــــــــــــــــــــــــــــــــــ

كنت بعمل الاكل وشهد دخلت..

شهد: جاك رجع!

جاكي: وبتسألي عليه ليه..

شهد: عادي.. جوزي وبسأل عليه..

جاكي: احلمي ياروحي.. نامي وقومي وانتي بتحلمي انه جوزك.. عشان جاك جوزي انا.. وبيحبني انا ياروحي..

شهد: الواقع دلوقتي بيقول انه جوزي انا كمان..وانتي اللي لازم تقتنعي بدا..

جاكي: هتفضلي طول عمرك بديل.. مش هيبقى ليكي لازمه ابدا.. هتفضلي ترمي نفسك ع الناس.. عارفه ليه.. عشان ملكيش قيمه..باي ياقطه..

سيبتها وطلعت لجاك...

جاكي: جاك الاكل جا....

جوري: اوعى هنقع ف البسين... امشي كدا ياحصان ياوحش..

جاكي: اي ياجاك بيه..

جاك: منك لله انتي وهي.. كانت جوازه سودا ع دماغك..

جاكي بضحك: هي لحقت تعمل فيك كدا!!..

جاك: كفايه بقاا ياجوجو تعبت والله..

جوري: شويه كمان..

جاكي: لا تعالوا كلوا الاول وبعدين كملوا..

جوري: هتعمل حصان بعد ماناكل!

جاك: حاضر من عينيا.. اوعي بقاا... اااه ياضهري..

جاكي: معلش تعالوا قبل الاكل مايبرد..

دخلنا ناكل وشهد قعدت معانا...

جاك: مش بتاكلي ليه..

جاكي: لا مليش نفس.. مش طايقه ريحة الاكل..

جاك: فيكي حاجه!!

جاكي: لا بس مش حابه اكل من دا.. شويه كدا ابقاا اكل اي حاجه...

شهد كانت قاعده بتقلب ف الطبق ومش بتاكل..

جاكي: اي رايك ف الاكل ياجوجو..

جوري: حلو قوي تسلم ايدك..

جاكي: بالهنا ياروحي..

شهد: هي ناويه تطول هنا!

جاكي: يخصك ف اي!!

شهد: هو انتي ليه مش طايقالي كلمه!!.. هو انا كنت عملتلك اي..

جاك: جاكي.. اهدي شويه..

جاكي: انتي اصلا متقدريش تعملي حاجه..

جاك: بس ياجي..

ـــــــــــــــــــــــــــــــــــــــــــــــــــــــــــــــ

فيروز: مالك بقا ياندى.. مين مزعلك..

ندى: مفيش.. انا بس مش حابه اكمل..

فيروز: لي ياحبيبتي.. هو محمد عمل حاجه!

ندى: لا خالص.. انا بس مش عايزه ابقى سبب ف اي مشكله هنا... وحاسه ان وجودي عامل مشاكل..

محمد: مين قالك كدا طيب!

ندى: محدش قالي... انا حاسه كدا..

محمد: جاك قالك حاجه!

ندى: لا..

فيروز: يبقى دا دلع ياندى.. الواد بيحبك وهيموت عليكي.. طلاما مفيش مشاكل بينكوا.. يبقى لي تسيبوا بعض!

ندى: معلش انا مخنوقه بس الفتره دي..

فيروز: ياست اتدلعي زي مانتي عايزه... واعملي فيه اللي انتي عايزاه.. بس بلاش حكاية تسيبوا بعض دي.. دانا ماصدقت هفرح بيكوا.. دا كلها اسبوع وتتجوزوا..

محمد: قوليلي عايزه اي وانا هعمله..

ندى: مش عايزه حاجه.. خلاص انا شويه وهبقى كويسه..

محمد: طب تعالي نخرج..

ـــــــــــــــــــــــــــــــــــــــــــــــــــــــــــــــ

خلصنا اكل وعملت الشاي وقعدنا ف الجنينه..

جاكي: قولي بقاا كنت عايزني ف اي..

جوري: مش قولتلي هتعمل حصان!

جاك: طب روحي العبي بالكوره دلوقتي وانا هجيلك..

جاكي: قولي بقاا في اي..

جاك: بصي من غير عصبيه او شرشحه..

جاكي: ايون..

جاك: انا مسافر..

جاكي: ازاي..

جاك: بالطيارة.. هيكون ازاي يعني..

جاكي: لا نتكلم بجد شويه.. يعني اي مسافر..

جاك: بصي.. عارف اني زودتها بس والله غصب عني.. عندي شغل مهم مش هياخد اكتر من اسبوع.. وانا لما سافرت رجعتلك ع طول ومكملتش حاجه.. ولو الشغل خلص بسرعه هرجعلك ع طول..

جاكي بزعل: ماشي.. سافر..

جاك: يالهوي عليا.. طب متزعليش طيب..

جاكي: مش زعلانه..

جاك: وغلاوتك عندي مابإيدي.. انا لو عليا عايز افضل معاكي ٢٤ ساعه...

جاكي: ماهو ياجاك مش كل شويه تقولي هسافر..

جاك: هرجع ع طول..

جاكي: وانا طبعا هفضل قاعده لوحدي كل دا..

جاك: معاكي جوري اهي.. اقعدوا العبوا واعملوا اللي انتوا عايزينه..

جاكي: يعم انا عايزاك انت.. عشان خاطري بلاش..

جاك: اخر مره.. مش هقولك هسافر تاني.. هي السفريه دي بس..

جاكي: اوووف.. ماشي..

جاك: مش هسافر وانتي زعلانه..

جاكي: هتسافر امتى طيب..

جاك: بعد يومين كدا..

جاكي: ماشي.. متأخرش..

جاك: حاضر...

جوري: كل دا بتتكلموا.. يلا بقاا..

جاك: طب اجيبلك حصان لعبه اسهل..

جوري: لحد ماتجيب بس..

جاك: قومي ياجي العبي معاها..

جاكي: هي عايزاك انت.. وبعدين انا هركب وراها..

جاك: تركبي فين!!

جاكي بضحك: ع ضهرك..

جاك: ف المشمش..

ـــــــــــــــــــــــــــــــــــــــــــــــــــــــــــــــ

محمد: اتفضلي..

ندى: اي دا..

محمد: شيكولاته ياندى..

ندى: شكرا..

محمد: قوليلي اعملك اي عشان تفكي..

ندى: فكيت خلاص مفيش حاجه..

محمد: طب تيجي نروح لجي..

ندى: طب ماترن عليها وتجيلنا هي ونلف شويه..

محمد: اشطا.. استني...

طلع الفون ورن عليا...

جاكي: ها يامحمد..

محمد: بقولك ياجي.. انا مع ندى دلوقتي.. اي رأيك تيجي تلفي معانا شويه..

جاكي: استنى اقول لجاك..

جاك: في اي..

جاكي: محمد بيقولي انه مع ندى وعايزيني اخرج معاهم.. وافق بقاا عشان استغل الفرصه واصالح ندى..

جاك: ماشي.. طلاما محمد معاكوا تمام..

جاكي: انت مش هتيجي معانا!!

جاك: لا انا هنام عشان مصدع قوي..

جاكي: اوكي يامحمد.. انتوا فين..

محمد: احنا ف ****

جاكي: ماشي تمام هجيلكوا...

جاك: تعالي اوصلكوا وابقاا ارجع تاني.. وخدي جوري معاكي بالمره...

جاكي: ماشي... تعالي ياجوجو نغير..

جوري: ليه هنروح فين..

جاكي: هنروح نتفسح..

جوري: اوكي..

غيرنا وجاك وصلنا...

جاك: ندى.. عايزك لو سمحتي..

محمد: في اي..

جاكي: تعالى يامحمد هقولك حاجه...

خدت محمد بعيد عشان جاك يعرف يصالح ندى...

ندى: نعم..

جاك: انا اسف.. انا مكنتش اقصد حاجه.. انا بس كنت متعصب من اللي حصل..

ندى: لا دا حقك.. دي مراتك وانت حر فيها..

جاك: وانتي صاحبتها من قبل مانا اعرفها.. وانا عارف انك بتحبيها وبتخافي عليها.. مشكلتكوا انكوا مجانين شويه... اتجننوا زي مانتوا عايزين بس يكون معاكوا حد..

ندى: ماشي..

جاك: يعني مش زعلانه!

ندى: لا يبرو اشطا..

محمد: يلا بقاا..

ندى: حاضر جايه اهو... يلا باي بقاا..

جاك مشي واحنا مشينا مع بعض..

ندى: مين القمر دي..

جاكي: اي رأيك..

محمد: مين دي ياجي..

جاكي: اعتبروها بنتي ياجماعه..

ندى: يعني اي بنتك.. انا مش فاهمه حاجه..

جاكي: طب خد جوري يامحمد وامشوا قدام..

خدها ومشوا قدامنا وانا قعدت فهمت ندى...

ـــــــــــــــــــــــــــــــــــــــــــــــــــــــــــــــ

جاك رجع البيت وكانت شهد موجوده...

لسه هيطلع الاوضه بس حس بوجع ف بطنه... حاول يتجاهله بس مقدرش... الوجع كان جامد..

شهد: في حاجه!

جاك: مش عارف.. بطني واجعاني قوي..

شهد: طب انا معايا دوا كويس.. ثواني هجيبه..

طلعت جابت الدوا وهو خده...

جاك: هطلع انام بقاا..

طلع الاوضه وحاول يشغل التكييف بس مشتغلش..

فضل يحاول معاه بس مفيش نتيجه..

شهد دخلت عليه الاوضه..

شهد: كنت جايه اتطمن عليك.. بطنك لسه واجعاك!

جاك: شويه.. انا كنت بحاول اشغل التكييف بس مش عارف في اي..

شهد: كل المكيفات مش شغاله مش عارفه ليه..

جاك: حتى اللي ف اوضتك!

شهد: لا مفيش غير اللي ف اوضتي شغال..

جاك: طب هما باظوا ازاي ف وقت واحد!

شهد: مش عارفه..

جاك: المشكله اني مبعرفش انام من غير تكييف..

شهد: تقدر تنام ف اوضتي.. لحد ماجاكي ترجع يعني وتشوفوا هتعملوا اي..

جاك: وانتي هتروحي فين!

شهد: لا انا مش هنام دلوقتي.. هقعد قدام التليفزيون شويه..

جاك: ماشي...

مشي قدامها ولسه هيدخل اوضتها بس حس بدوخه ومسك دماغه...

شهد: في حاجه!

جاك: مش عارف.. دايخ شويه...

شهد: طب ادخل ارتاح... دخل الاوضه واول ماوصل عند السرير راح ف النوم...

شهد: جتلي برجلك ياجاك بيه..

ـــــــــــــــــــــــــــــــــــــــــــــــــــــــــــــــ

ندى: انتي مجنونه ياجي!!.. تجيبي عيله من الشارع وتقعديها معاكي!!

جاكي: واي المشكله.. وبعدين ف ذمتك.. دي شكل واحده من الشارع!!.. دي قمر..

محمد: مش دي الفكره.. الفكره في انك متعرفيش مين دي ولا وراها اي..

جاكي: اسكتوا بس انتوا مش فاهمين حاجه.. طفله بريئه.. اي المشكله لما تعيش وتكبر وسطينا.. مش احسن مايحصلها حاجه ف الشارع!!

ندى: بس انتي مش هتعرفي تربيها ياجي..

جاكي: لا هعرف.. هي مش صغيره قوي يعني.. وبعدين كلكوا معايا.. بطلوا تقفلوها ف وشي بقاا..

ندى: ماشي.. بس اي حوار شهد دا.. وازاي تقبلي انها تقعد معاكي ف البيت!

جاكي: اعمل اي.. مكتوب عليا متهناش..

ندى: كان ممكن ترفضي..

جاكي: رفضت ومحدش وقف معايا.. كله قال لازم نقف معاها عشان نخلصها من الموضوع دا..

ندى: المهم خلي بالك منها عشان دي مش سهله..

جاكي: ع الله.. تعالي ياجوري متروحيش بعيد..

جوري: عايزه ايس كريم ياجي..

محمد: تعالي نجيب ياقمر انتي..

جوري: انت مين بقاا..

محمد: انا محمد ياست.. خطيب البت الحلوه دي..

جوري: يعني اقولك يامودي ولا ياحمودي!

محمد: اللي انتي عايزاه ياقمر.. يلا نروح..

مشوا مع بعض وانا قعدت ارغي مع ندى..

شويه ورجعوا وجوري بتعيط..

جاكي: في اي..

محمد: مش عارف.. بتقول بطنها واجعاها..

جاكي: مالك ياروحي في اي..

جوري: بطني واجعاني اوي..

محمد: استني هروح اجيبلها حاجه من الصيدليه..

جاكي: اكلتي اي طيب..

جوري: مأكلتش حاجه..

جاكي: امال وجعتك ازاي!

جوري: مش عارفه.. واجعاني قوي..

ندى: راح يجيبلك دوا ياروحي..

شويه ورجع.. عطيتها الدوا وقعدنا شويه ويادوب بطنها هدت..

جاكي: هاا.. صحت!

جوري: شويه.. كانت واجعاني قوي..

جاكي: اكيد اكلتي حاجه مش نضيفه..

ندى: خلاص ياجي مش مشكله.. المهم انها صحت..

جاكي: طب يلا بقاا نرجع عشان جاك ميزعلش..

محمد: هيزعل من اي..

جاكي: مش بيقدر يقعد من غيري ياخويا..

ندى: ياختي ع السهوكه..

جاكي: اسكتي انتي مش فاهمه حاجه..

محمد: اتعلمي.. خايفه ع زعل جوزها.. مش زيك مطلعه عيني..

ندى: ان كان عاجبك... دا غير انك لسه مبقتش جوزي..

جاكي: يلا طيب...

وصلونا وهما مشوا...

جاكي: انبسطي ياجوجو!

جوري: ااه جدا.. ومودي دا لطيف قوي..

جاكي: بطلي تدلعي ف الناس بقاا... يلا ادخلي..

طلعنا فوق ودخلت اوضتي بس مكنش في حد... بصيت ف كل الاوض ملقتش حد..

طلعت من الاوضه ولسه رايحه اشوف شهد... لقيتها طالعه وبتعدل لبسها..

جاكي: فين جاك ياشهد..

شهد بدلع: جو!.. نايم جوه..

جاكي: جوه فين!!

شهد: ف اوضتي..

جاكي: انتي عبيطه يابت!!

شهد: ادخلي شوفي بنفسك..

زقيتها ودخلت جوا لقيته نايم وقاله هدومه...