رواية كل ما تبقي لي الفصل السادس 6 بقلم منة رضا

الدكتور : حضرتك أمجد بيه مش كده ..

أمجد : أيوه انا خير يا دكتور ...

الدكتور : كنت عايز حضرتك معايا في المكتب عشان نتكلم شويه بخصوص حاله جدك ..

أمجد : أكيد بس ممكن اروح اطمن بس علي نور و ابقي اجي لحضرتك في المكتب ..

الدكتور : تمام يا أمجد بيه ..

مشي أمجد و دخل اوضه نور و لكن اتصدم اول ما دخل نور كانت قاعده علي السرير و في شاب قاعد معاها ...

أمجد : أي الي بيحصل هنا و مين ده ..

نور : اعرفك كاظم زميلي في الجامعه ...

أمجد : و من أمتي و أحنا بنصاحب ولاد يا هانم يا محترمه ..

نور : ده شئ يخصني انا و بعدين انا مسألتكش عن رأيك ..

أمجد : أنتي لسانك طول عليا اوي يا نور و لازم تتربي من الاول ...

نور : ربنا يسهل و جت تقوم اتكعبلت و كانت هتقع لكن كاظم لحقها ..

أمجد : أي المهزله دي سيبا و راح شد نور من أيدو. 

نور : زقت أيدو ممكن تبعد و سابته و مشيت ...

أمجد : مسمعش صوتك و مش عايز اشوفك جمب نور تاني انت سامع ..

كاظم : تمام و سابه و مشي ..

خرج أمجد من الأوضه وراح عشان يشوف الدكتور..

نور : جدو حبيبي عامل اي دلوقتي ..

عزيز بيه : كده يا نور افتح عيني مشوفكيش جمبي ..

نور : و الله يا جدو غصب عني انا كمان كنت نايمه في الاوضه بس كده تقلقني عليك ..

عزيز : قلق اي يا بت ما انا زي الفل قدامك اهو هو صحيح مش هامشي فتره بس هبقي موجود معاكي يا قلب جدو انتي ..

نور : و هي بتعيط يعني يا جدو انت مش هتمشي الفتره دي ده كله بسببي صح ..

عزيز : لأ متقوليش كده انا الي نسيت اخد العلاج بتاعي و تعبت و طبعاً كان بيقول كده عشان ميزعلهاش ...

نور : طب انت كويس دلوقتي..

عزيز : اه الحمد لله يا قلب جدو ..

*عند أمجد*

طق طق 

الدكتور : ادخل 

أمجد : ازيك يا دكتور ..

الدكتور : أتفضل  يا أمجد بيه 

أمجد : كنت جاي لحضرتك عشان نتابع حاله جدي..

الدكتور : أكيد اتفضل ..

أمجد : هو حضرتك ممكن فتره العلاج بتاعته تطول و كده ..

الدكتور : و الله يا أمجد بيه كل ده بيترتب علي النفسيه و طريقه اخد العلاج الصحيحه و في ميعاده ..

أمجد : تمام يا دكتور و سابه و مشي ..

نور  : هو حضرتك هتخرج امتي ..

عزيز : و الله يا نور انا لو عليا عايزه اخرج دلوقتي لكن الدكتور قال هفضل هنا لبكره ...

نور : خلاص يا جدو انا هفضل معاك ..

أمجد : من ورا تفضلي مع مين انتي هتروحي مع معتز و الباقين ...

نور : أولاً انا مش باخد رأيك أو اذنك انا هفضل هنا مع جدو ..

أمجد : راح مسكها من أيديها جامد و قال أنا لما اقول كلمه تتسمع يلا عشان تمشي معاهم ..

نور : شدت أيديها و هي بتعيط و قالت انت ملكش دعوه انا هفضل مع جدو ...

معتز : خلاص يا جماعه يلا يا سجده يلا يا عمتي ..

أمجد : استني خد نور معاكم ..

نور : انا قولت مش هامشي يعني مش هامشي ..

أمجد : كان لسه يتكلم راح عزيز قال خلاص يا أمجد خليها تقعد معايا ...

معتز :  اخدهم و مشي و كان خايف علي نور من غضب اخوه ..

شويه و نور نامت علي الكنبه الي في اوضه جدها ..

أمجد : دخل الاوضه و لاحظ أن نور و جده نايمين قلع الجاكت بتاع البدله بتاعته و حطه علي نور لان الجو برد في الاوضه..

عزيز : كان صاحي بس حب يشوف أمجد هيعمل اي ..

أمجد : بصله و قال أنت صاحي من أمتي ..

عزيز : من ساعه ما دخلت ..

أمجد : شايف تصرفات حفيدتك ..

عزيز : انت عارف نور مبتحبش حد يزعق فيها اظن أن انت اكتر واحد عارفها ..

أمجد : لا يا جدي نور اتغيرت خالص ..

عزيز : مش ممكن تغيرها ده يكون الاحسن ..

أمجد : لأ يا جدو دي بقت بتعاند معايا ..

عزيز : هسالك سؤال يا أمجد يابني بس ترد عليا بصراحه ..

أمجد : أكيد يا جدو اتفضل..

عزيز : انت بتحب نور مش كده ..

أمجد : أكيد زيها زي سجده 

عزيز : بس انا مش قصدي كده و انت عارف ...

أمجد : لا و الله هو زي ما قولتلك زيها زي سجده انا بس بخاف عليها ...

عزيز : هحاول أصدق يا أمجد ...

أمجد : صدق يا جدي بعدين راح نام علي الكنبه التانيه الي في الأوضه ...

*في القصر *

ديما : أحنا هنفضل كده مش هنعمل حاجه مع أمجد و نور 

كينان : في أي في أيدي و معملتهوش ..

ديما : احنا لازم نروح المستشفي و منخلهمش هناك لوحدهم ...

كينان : طب يلا روحي نامي و نبقي نروح الصبح ..

ديما : تمام و مشيت و هي بتنوي لنور علي مصايب و مشاكل ...

عدي الليل بسرعه و جه نهار يوم جديد..

نور : قامت لقت جاكت أمجد عليها بعدين بصت عليه في الاوضه لقته نايم علي الكنبه الي جمبها...

قامت مشت لحد عنده و بعدين قعدت قدامه و قالت في نفسها رغم كل الي بتعمله ده و لسه عايزاك جمبي و معايا ...

أمجد : قام مره واحده و شاف نور في وشه بعدين قال هو انا حلو اوي كده عشان تتأملي فيا ..

نور : بصتله بعدين قالت و انا هتأمل فيك لي اتفضل الجاكت بتاعه و سابته و راحت تجيب قهوه و حاجه تاكلها علي ما جدها يصحي ...

أمجد : قام و لبس الجاكت بتاعه و بدأ يعمل كام مكالمه بخصوص الشغل 

شويه و نور جت و كانت جايبه فطار لشخصين ...

نور : اتفضل 

أمجد : اي ده 

نور : أكل شايف اي يعني ..

أمجد : ما انا عارف انو أكل بتدهوني لي ...

نور : أكيد عشان تفطر أمسك ..

و سابتله الاكل و راحت قعدت علي الكنبه تاكل ..

أمجد : بص عليها و قال في نفسه هتفضلي طيبه و تخافي علينا علطول بعدين راح قعد جمبها...

نور : هو انت يا بني ملقتش غير جمبي و تقعد ..

أمجد : بدأ ياكل و مرضش عليها ..

نور : علي فكره انا بتكلم ..

أمجد : و انا طول ما انا علي الاكل مبحبش الكلام و يلا افطري ..

نور : انت مستفز اوي و بعدت شويه عنه و بدأت تاكل ...

أمجد : بصلها بجمب عينه و ابتسم عليها ..

نور : هتفضل تبصلي كده و تضحك ..

أمجد : حد كلمك و بعدين انا لو بضحك هضحك عليكي انتي ..

نور : لمت الاكل و قامت و بعدين مشيت لكن و هي ماشيه  حست بدوخه و كانت هتقع..

أمجد : قام بسرعه و مسكها قبل ما تقع و بقت بين أيدو ..

نور : قامت بسرعه و بعدين قعدت علي الكنبه 

أمجد : نور أنتي  أخدتي العلاج بتاعك ..

نور : لأ ..

أمجد : أنتي متخلفه يا بنتي انتي مسمعتيش الدكتور قال أي ...

نور : ممكن متزعقليش ..

أمجد : لا لازم ازعق عشان الهانم مش مخليه بالها من نفسها ..

نور : ممكن متزعقش بردو ..

الجد : صحي علي خناقهم و قال أنت عاملين زي الاطفال كل مكان تتخانقوا  في 

نور : هو الي بيمسكلي علي الواحده يا جدو 

الجد : خير يا أمجد مش كل شويه خناق ..

أمجد : الهانم مخدتش علاجها و كانت لسه هتقع و هي ماشيه و زعلانه اني بكلمها ..

الجد : مخدتيش العلاج لي يا نور ..

نور : هاخده ازاي و هو مش معايا اصلا ..

أمجد : مقولتيش لي و انا كنت قولت لمعتز يبعته ..

نور : خلاص لما اروح هاخده ..

أمجد : فضل يزعق لنور لحد ما خرجت من الاوضه و هي بتعيط ..

الجد : كده يا أمجد تزعلها روح وراها بقا ...

أمجد : خرج يدور عليها و كان بيسأل الموجدين في الطرقه لو حد شافها ..

في واحد شافها و قاله أن هي خرجت بره ..

طلع أمجد : بعدين شافها و هي بتجري بسرعه و في عربيه جايه عليها

صوت زماره العربيه علي بعدين اختفي مره واحده 

أمجد : نور...

يتبع.....

لقراءة الفصل السابع : اضغط هنا

لقراءة باقي الفصول : اضغط هنا