رواية خادمتي البريئة الفصل الخامس 5 بقلم زهرة الحياة

الكل اتصدم من اللى بيقوله الغريب ده

الشيخ -ايه الكلام ده يا مدام انتى مش عارفه أن اللى بتجمع بين زوجين حرام

رغد "والله يا شيخ ما اعرف اللى بيقولوا ده

رغد "لو سمحت يا كريم بيه مينفعش اللى حضرتك بتقوله ده وكمان بلاش كذب ، أنا مش مراتك

كريم :بكل برود لأ مراتى واتفضل يا شيخ قسيمة الجواز اهى

الشيخ- القسيمة سليمة وكمان متسجلة من أسبوع وده معنى ان كلامه صح وبعدين استأذن ومشى

الأم- ايه اللى بتقوله ده ، أنا بنتى مستحيل تعمل كده

كريم :لأ مش مستحيل وده اللى حصل وبعدين خد رغد ودخل اوضة علشان يكلمها وبعدين قفل الباب

أما عادل لما المأذون قال إن الجوازة صحيحة مشى علطول من غير ما يقول اى كلمة (هو بتاع أفعال مش كلام وهنشوف هيعمل ايه فى الأحداث الجاية)

رغد "بعياط ليه حضرتك بتعمل كده معايا ، ليه عايز تشوف سمعتى ، أنا عملتلك ايه لكل ده

كريم :عملتى ولا معملتيش خلاص اللى حصل حصل ودلوقتي انتى مراتى قدام ربنا

رغد" بزعيق انت كداب ، أنا معرفش اللى بتقول عليه ده ، وانا امتى اتجوزتك اصلا ، قول الحقيقة

كريم :الحقيقة انك دلوقتي مراتى وهتيجى معايا البيت تعيشى فيه يلا

رغد" انا مش مصدقه انك انت كريم اللى حبي..... وبعدين سكتت ومتكملمتش

كريم: خلاص اسمعى الكلام وتعالى نطلع نكلمهم ومتقوليش اى حاجة وإلا أنا ممكن ااذى امك المريضة واخوكى الصغير وسحب ايديها وطلعم

كريم :ازيك يا حماتى عامله ايه ، أنا عارف ان الجواز جه بسرعة بس متخافيش أنا هخلى بالى من رغد

الأم- يا بنى فهمنى انت مين و ليه بتعمل فينا كده، أنا واثقة أن بنتى مستحيل تعمل كده فقولى السبب ايه

كريم :انا كريم اللى بنتك شغالة عنده يا حماتى و مفيش سبب علشان اتجوزنا غير أننا عايزين بعض ومتخافيش هشيلها فى عنيا وعن اذنك بقا

رغد "والله يا ماما أنا معملتش كده

الأم- مصدقاكى يا بنتى وخلى بالك من نفسك

كريم خد رغد وراح الڤلة

فى الطريق

كريم: بصى انتى هتفضلى شغالة خدامة هنا زى الاول ومتعرفيش اى مخلوق انك مراتى ومش عايز مناقشة و وجع دماغ

كل ده ورغد مش مبطلة عياط

رغد فى نفسها "مستحيل تكون انت كريم اللى حبيته، أنا مش عارفه هو ايه بيعمل كده بس لازم استحمل علشان اهلى وبعدين قالت له حاضر

كريم ورغد دخلوا الڤلة وكريم خلى رغد تقعد فى اوضة للخدم فى الدور الاول بدل من الاوضة بتاعتها

وذهب كل واحد للنوم

كريم دخل غرفته وبعدين فكر ازاى عمل كده مع رغد وازاى اتجوزها وبعدين نام

رغد نامت من العياط

فى الصباح

استيقظ الكل ورغد حضرتك الاكل وعلى السفرة

كريم :من غير اى مقدمات رغد هتعيش هنا معانا فى الفلة

الام- ازاى يا بنى حرام كده أنها تقعد معاك فى نفس البيت وكمان هى انسه وكمان معقول مش هتروح عند اهلها خالث

كريم :يا امى ده علشان هى قصرت فى شغلها الفترة اللى فاتت وفى العقد مكتوب ان من حقى اعاقبها زى منا عايز وانا اخترت العقاب ده و أنا قولت قرار وخلاص وقام مشى للشغل

سمر مستغربة من اللى حصل وبعدين مشيت

الأم -ممكن تفهيمنى يا رغد ايه اللى كريم قاله ده

رغد "يا هانم هو قال كل حاجة

وقامت تشتغل زى كل يوم وقالت إنها تسيب ربنا يختار ليها الافضل

بالليل

كريم نايم فى غرفته وبعدين قام وراح عند غرفة رغد

كريم فتح الباب بالراحة وبعدين دخل وقفل الباب وبص لقى رغد نايمة وشعرها مفرود جنبها وقرب منها وحط ايده على شعرها

رغد اتخضت اول لما لقت ايد على شعرها وبعدين قامت ولما لقت كريم دورت جمبها على طرحة وغطيتها بسرعة على شعرها

كريم :ايه فى ايه ، مالك مخضوضة كده ، وليه مخبية شعرك منى ، أنا جوزك ولا ناسية

رغد"لأ مش ناسية بس مصدومة انك تيجيلى هنا وبعدين احنا جوازنا على الورق ولسبب معرفوش ولو سمحت اخرج لحد يشوفنا وتبقى مصيبة

رغد "اتكسفت من كلامه وبعدين قالت بس انا مش معتبراك زوجى وصيح أنا مراتك بس محدش يعرف ولو سمحت اخرج قبل مدام سمر ما تطلع تتتخانق

كريم :ولو قلتلك انى مش عايز اخرج وانى عايز اقضى الليلة هنا معاكى هتقولى ايه

رغد" مينفعش يا كريم بيه ، انت فين وانا فين ، أنا مش من مستواك ، ولو عايز تقضى ليلة روح لسمر هانم هى اولى بيك منى

كريم: يعنى مش هتتضايقى لما اروح ليها واسيبك

رغد بكذب" لأ مش هتضايق ويلا امشى علشان محدش يقول انت جايلى فى الوقت ده ليه

كريم اتضايق من أنه مش فارق معاها وبعدين سابها ومشى على غرفته

رغد " انا اه بحبك يا كريم وغيرانه عليك من سمر ومش عايزاك تروح ليا مع أنه حقها بس اللى عملته فيا صعب جدا والحكاية مش حكاية انك اجبرتنى على الجواز منك وبس ولكن الموضوع اكبر من كده وانا مش قادرة اسامحك ولو على قلبى فأنا هدوس عليه ولا ان اهين كرامتى اكتر من كده

كريم راح يمارس رياضة علشان يطلع الغضب اللى عنده من بعد كلام رغد

كريم :لييييييه كده يا رغد، أنا اه جبرتك على الجواز و..... بس ده علشانك انتى وانا مستعد اخسر حياتى ولا انى ااذيكى من .....

ولما خلص راح ينام

الصبح

رغد "كريم بيه ممكن اروح اشوف ماما واقولها على اللى حصل علشان متزعلش منى وكمان هى تعبانه والزعل خطر على صحتها وكمان اجيب هدومى من هناك علشان معنديش هدوم هنا كتير

كريم :ماشى يا رغد روحى ليها بس متجبيش هدوم من هناك علشان أنا هشتريلك أنا هدوم لانك مراتى وكمان لما نكون مع بعض تنادينى كريم بس علشان أنا جوزك

رغد" ميصحش يا بيه ، وكمان انا مش من مستواك ومفيش داعى انك تجبلى هدوم ، أنا عندى فى بيتى

كريم: زعق فيها ومسكها جامد من دراعها وقال ايه اللى ميصحش، انت مراتى عارفه يعنى ايه مراتى ومن حقى اجبلك اللى انتى عايزاه ولما اقولك كلمة اسمعى الكلام مفهوم

رغد برعب" من منظره مفهوم

سمر كانت معدية وشافت كريم بيزعق لرغد بس مسمعتش هو قالها ايه

سمر -فى ايه يا كريم ومالك بتزعق للبنت دى ليه ، لو غلطت مشيها يا حبيبى بدل ما تعصب حالك وهى فى الاول والاخر حتى خدامة لا راحة ولا جت والف واحدة تتمنى تبقى مكانها

كريم: سمرررر احترمى نفسك وانتى بتكلمى رغد ، رغد دى تبقى مر..... اقصدك انسانه زيها زيك ويا ريت مسمعش الكلام ده منك تانى ويلا يا رغد تعالى اوصلك فى طريقى

سمر -سابتهم ومشية وهى ملاحظة أن كريم اتغير اوى معاها من ساعة لما رغد دخلت وبعدين قالت لازم انفذ الخطة التانية مدام الاولى منفعتش

(يا ترى الخطة الاولى كانت ايه والتانية كمان)

كريم ورغد فى العربية

كريم :رغد متزعليش من كلام سمر انت عار....

ولسه مكملش كلامه ورغد قاطعته وقالت

رغد "متخافش انا مش زعلانه منها لأنها مقالتش حاجة غلط ، أنا فعلا مهمى اروح واجى هفضل خدامة ومجيش جنبكم حاجة

كريم :مسمعكيش تقولى كده تانى ، انتى مراتى عارفه يعنى ايه مراتى ، ومع ان جوازنا جه كده بس بردو هتفضلى مراتى زيها بالضبط

كريم: وقف العربية فى جنب لما لقى رغد بتعيط وبعدين خادها فى حضنه وقعد يطبطب عليها وقالها أن كل حاجة هتعرفها فى الوقت المناسب

رغد فى اللحظة دى نسيت زعلها منه واتمسكت فيه أوى لأنها بتحس بالأمان معاه وفضلوا فترة كده فى أحضان بعض

رغد بعدت عنه ومسحت دموعها وبعدين ضربته على صدره وقالته" بكسوف بطل بقى ، انت دماغك شمال علطول كده

كريم فرح لانه قدر يخليها تبطل عياط وبعدين قرب منها ومسك وشها بايده وبص فى عينيها وقال :

انا ببقى كده بطبيعتى معاكى انتى وبس ومش عايز اشوف عيونك دول بيعيطوا ابدا ابدا وبعدين باس ايديها وقام سايق لبيت ام رغد

رغد قاعدة مكسوفة جدا وخدودها حمر وكل شوية كريم يبص عليها من جنب عينه ويضحك على منظرها اللى بيسعده

رغد" فى نفسها انا مش عارفه افهمك يا كريم بس متأكدة إن فى سبب لكل اللى بتعمله معايا ده ولازم اعرفه ولحد ما اعرفه هحاول ابعد عنك ومعلقش نفسى بيك اكتر من كده

كريم: فى نفسه أنا بحبك اوى يا رغد ونفسى تحبينى زى ما بحبك وبتمنى اللحظة دى تيجى

كريم وصل رغد لبيتها وقالها لما تخلصى رنى عليا علشان اجى اخدك ونروح نشترى الهدوم ومشى

رغد دخلت تسلم على امها ومردتش تحكيلها حاجة عن جوازها علشان متتعبش ومع أن أمها مصدقتش كلامها بس قالتها ماشى وده علشان متخلاهاش تقلق عليها لأنها عارفه أن رغد اكيد عملت كده لسبب مقنع ومش عايزة تشيلها الهم

رغد خلصت مع امها ورنت على كريم وجه خادها علشان يشتروا هدوم

فى المول

كريم :تعالى يا رغد شوفى ده هيكون حلو عليكى

رغد" بس ده غالى اوى

كريم: ملكيش دعوة بالفلوس ، اشترى وخلاص

رغد كانت بتنقى ملابس بسيطة عليها بس كريم كان بيختار الحاجات الغالية اللى تليق بيها وبعد لف كتير

كريم :يلا يا رغد معتقدش فى حاجة تانى ملابس بيتى وعبايات وملابس خروج وأحذية واخمرة بيتهالى مفيش تانى

رغد بكسوف لأ فيه،اسبقى انت وانا هجيب واجى

كريم ايه اللى ناقص قولى وانا اروح اجيبه ليكى وخليكى انتى قاعدة هنا علشان رجليكى اكيد وجعوكى من كتر المشى

رغد باحراج " لأ انا كويسه ولكن انت اللى تعبت ، خليك انت وانا هاجى علطول

كريم :رغد انت مخبية عنى حاجة أو تعبانه ومش عايزة تقوليلى

رغد" لأ مفيش حاجة بس ليه بتقول كده

كريم :علشان عايزة تروحى فى حتة ومش عايزانى اجى معاكى

رغد "لأ الموضوع مش كده

كريم طب الموضوع ايه قولى يا رغد انا مش هسيبك إلا لما اعرف

رغد" بكسوف الموضوع انه أن....ا عايزة اجيب.. ملابس داخلية ومحرجة منك

كريم : لو سمحتى عايزك تجيبيلى افضل الانواع اللى عندك هنا

البائعة -حاضر يا فندم ،..... ايه رأيك فى ده

كريم حلو ولونه احمر وحلو

رغد " لأ طبعا أنا مستحيل البس كده ده قصير اوى

البائعة- وفيها ايه يا مدام ، حضرتك هتلبيسيهم قدام زوجك مش قدام حد غريب

كريم : قوليلها كده أصلها خجولةو احنا لسه عرسان جداد وان اللبس ده عادى فى الوقت ده

رغد" بسرعة خلاص خلاص هاتى اى حاجة

وبعدين خلصوا شراء بين غمز كريم لها وكسوف رغد وفى الاخر روحوا البيت

كريم فتح الباب ولقى سمر مستنياه ولابسه حلو

سمر -حبيبى أنا مردتش أمام غير لما تيجى ونقضى الليلة سواء علشان انت وحشتنى وهى بتعمل كده ده وبتبص على رغد علشان تغيزها وتفهما انه ليها وبس

كريم اتفاجأ من سمر لأنها مش من عوايدها تعمل كده ولكن قال ممكن علشان زعقتلها النهاردة وعايزة تصالحنى وبعدين بص لرغد اللى وشها كان مليان زعل من اللى حصل وكانت هتعيط

رغد اول لما شافت المنظر اتخضت وبعد كلام سمر حست انها مش قادرة تقف وتشوف الموقف ده وان حبيبها هيكون فى حضن واحدة تانية غيرنا حتى لو كانت الست دى مراته وكمان ليها حق اكتر منها وحست ان دموعها هتنزل فجريت على اوضتها

كريم كان هيروح وراها بس سمر حضنته جامد وخدته لاوضتهم علشان يكملوا السهرة فيها

كريم مكنش قادر يستجيب لسمر لانه خلاص حب رغد ومش قادر ينساها وعارف أن ده غلط فى حق سمر وسمر لاحظت كده هى كمان

رغد كانت فى اوضتها بتعيط كل لما بتتخيل أنهم مع بعض وبعدين بتقنع نفسها انها مراته وحبيبته وان هى مجرد خدامة و مراته على ورق بس و ان هو اتجوزها علشان يزلها ومستحيل يفكر فيها وبعدين قامت تقرأ قرآن وهى بتقرأ جت آية

(ومن آياته أن خلق لكم من انفسكم أزواجا لتسكونوا اليهم وجعل بينكم مودة ورحمة) صدق الله العظيم

وبعدين قالت إن كل شىء مقدر ونصيب واللى ربنا عايزة هيكون ونامت من كتر العياط لدرجة إن الدموع جفت على عينها والمخدة اتبلت هى كمان

فى الصباح

اليوم عدى عادى على الكل

خلصوا الشغل وروحوا

كريم راح غير ونزل كل وبعدين اتسحب وراح غرفة رغد فى الخفاء كده علشان وحشته اوى

كريم -ازيك يا رغد عامله ايه مالك مبلمة كده ليه

رغد " من غير اى مقدمات طلقنى يا كريم