رواية ضحية انتقام الفصل الخامس 5 بقلم اية مصطفي
 |
| رواية ضحية انتقام الفصل الخامس 5 بقلم اية مصطفي |
رواية ضحية انتقام الفصل الخامس 5 بقلم اية مصطفي
ملاك صحيت علي صوت يزيد وهو عمال يقولها .
يزيد : يا بنتي ما تقومي بقا ده انتي نومك تقيل اوووي قومي يا بت .
ملاك بنوم وهي لسه حتي مفتحتشي عنيها .
: يزيد اخرج برا وسبني انام احسنلك .
يزيد وهو عمال يطنطط علي السرير .
: مش خارج انا بقا رخم .
ملاك مسكت المخده وضربته بيها علي دماغه وقالتله.
: اخرج يلااا .
يزيد وهو قايم يخرج برا الأوضه : ماشي بس ابقي وريني بقا مين هيديكي المفاجأة دا انا كنت عاملك مفاجأه .
ملاك وهي قايمه من علي السرير بفرح وبتقول بحماس .
: مفاجأة فين ها فين .
يزيد : لا ما خلاص بقي انسي يلا نامي تاني .
ملاك بصت ليزيد وراحت نطه فوقه حضنته وقالتله
: زيزو قلبي حبيبي فين المفاجأة يا قلبي يا أحلي اخ في المجره انت .
يزيد بتكبر مسطنع : اممم لا مش راضي برضوا .
ملاك بترجي : بليز يا روحي ده انا اختك حبيبتك يا قلبي انت فينها.
يزيد بإبتسامه : طيب بس بشرط .
ملاك بدون تفكير : انت تؤمر يا بيبي .
يزيد : تعلميني اليوغا .
ملاك بعد ما تحولت ملامح السعاده والبهجه لصدمه : يا بني ده انا اخر مره جيت اعلمك كنت هتنقطني حد قالك اني مستغنيه عن عمري .
يزيد : هو مش انا اخوكي الوحيد يبقي مش واجب برضوا تضحي علشاني ولا ايه .
ملاك ابتسمت وقالت بمرح : تمام يا ابو حميد انت .
يزيد بضحك : حميد مين ابت .
ملاك : واحد قريبنا كدا .
وقعدوا يهزروا ويضحكوا ويزيد نزل وملاك خدت شاور وغيرت هدومها لبست هوت شورت جينز وبلوزه طويله وعملت شعرها ديل حصان ولبست توكه فيها فيونكه ولونها بينك ونزلت لقت يزيد أول ماشافها قال .
: اوبااا لا كدا كتير ولله قلبي الصغير لا يحتمل .
ملاك ابتسمت بخجل لقت عم بدر بيضرب يزيد علي كتفه وهو بيقولوا .
بدر بهزار : ما تلم نفسك يلااا شويه .
يزيد : يا حج ولله ضهري واجعني اقسم بالله انا حاسس هيجيلي الغضروف بسببك .
ملاك : سلمتك يا قلبي بعد الشر يجيلك الغضروف بسبب بدوره وانا قاعده لا يمكن ابدا تعالي كده اضربك قفي هوقع طقم سنانك مش بس الغضروف .
يزيد : واهون عليكي بردوا يا ملاكي .
ملاك : لا طبعا يا قلبي ولااا بطل دراما يااض.
وقعدوا يهزروا ويضحكوا وكل دا ومروي مش قادره من كتر الضحك قعدوا يكلوا وطول ما هما بياكلوا يزيد وملاك ناقر ونقير .
( طبعا محدش فاهم حاجه طيب يلا بقا نفهمكوا ) .
قبل شهر ........
ملاك فضلت تصرخ وتصوت وتعيط لحد ما اغمي عليها من كتر التعب كان من حظها ان الراجل العجوز الي تاه وهو ماشي لقي العربيه بتاعتها ولقاها واقعه في الأرض فنزل بسرعه وطلب الإسعاف والإسعاف بتشلها في حته من كوم الفستان كانت شبطانه في عربيه الترولي فاتقطعت والخاتم بتاعها وقع راحت المستشفي الراجل مكنشي عارف هي مين وغير كدا مكنشي معاها بطاقه ولا حاجه تثبت هي مين او حتي اسمها المهم الراجل مضي كل البينات والدكتور طمنه وقاله ان هي كان عندها نزيف ولحقوها الحمدلله وقال انها يوم وتقدر تمشي من ناحيه تانيه زياد. بعد ما صرخ وملقهاشي يامن مسكه وقاله
: اهدي يا زياد تعالي ندور عليها في المستشفيات والأقسام وكل مكان.
وفعلا دوروا في كل حتي وبحكم ان يامن ظابط بس للأسف الطريق ده ماكنشي فيه كاميرات اصلا وهما وصلوا للمستشفي اللي كانت فيها ملاك بس هي كانت مشيت مع الراجل العجوز والدكتور اللي كان متابع حالتها هو اللي كان عارف الراجل بس كان في أجازه وطبعا يامن وزياد اطروا انهم يستنوا الدكتور لما يرجع من الأجازه بتاعته نروح لملاك بقا ملاك راحت مع الراجل العجوز دا وبعدين قعدت علي الكنبه لقت ان البيت عبار عن ڤيلا ببسين في الأول كانت ساكته وبعدين بتبص في اتجهات البيت ولا كأنها بتفتكر حاجه بعد كدا اتكلم الراجل وقال .
: انتي تبقي مين يا بنتي وايه اللي حصلك خلاكي تبقي في الحاله ديه .
اتنهدت ملاك وقالت : انا ابقي ملاك ابقي ملاك محمد االشهير .
الراجل سمع اسم محمد الشهير واتصدم وقام جري جاب صوره وقعد قدام ملاك وقالها .
: انتي تعرفي صوره الراجل دا .
ملاك بإستغراب : دا دا بابا انت تعرفوا منين وتعرف منين عم بدر الي في الصوره دا عم بدر .
بصلها بدموع وقالها : ملاكي وحشتيني يا ملاكي .
ملاك بصتلوا وحضنتوا وقعدوا يعيطوا .
( للتوضيح : بدر دا يبقي صاحب محمد ابو ملاك صاحبوا جدا من زمان وملاك كانت متربيه في بيت بدر ودايما كانت بتقوله بدوره وهو بيقولها يا ملاكي وكان عنده ولد اسمه يزيد ومامت يزيد تبقي صاحبه جنا مامت ملاك ويزيد وملاك اخوات في الرضاعه بس من كام سنه كده وهما عندهم 12 سنه سافروا ومحدش عرف حاجه بعد كده عن بدر )
ملاك وهي بتمسح دموعها : اومال فين يزيد .
بدر : مسافر يا بنتي قالي انه كمان اسبوعين وهينزل ومش هيسافر تاني .
ملاك : وفين طنط مروي ( ديه تبقي مراته وام يزيد )
بدر : مروي نايمه فوق يا بنتي استني هصحيها .
وفعلا مروي فرحت اووي لما شافت ملاك وقعدوا يهزروا ويضحكوا وبعدين ملاك حكيتلهم كل اللي حصل واللي زياد عمله بدر قال .
: لا يا بنت ابوكي معملشي حاجه ابوكي مقتلشي حد الحكايه ديه مش الحقيقه الحقيقه هي .
وبدأ بدر يحكي لملاك الحكايه كلها ملاك سمعته وهي مصدومه من اللي بتسمعه وبعدين نامت واتأقلمت علي العيشه مع مروي اللي بقت تقولها مامي ومع بدر اللي بتقوله بدوره وفي يوم ملاك كانت في البيت الباب خبط فتحت الباب لقت شاب طويل عند عضلات شعره لونه اصفر وعينه خضرا .
: انتي مين .
ملاك : انت اللي مين .
: دا بيتي .
ملاك : بيتك مين بقولك ايه اتكل علي الله .
ولسه هتقفل الباب لقت الشاب دا زق الباب ودخل ملاك صرخت وقالت .
: حراااام......
الشاب دا مسكها وحط ايده علي بوقها وهو بيبصلها جت ترجع لورا كانت هتقع راح مسكها هنا بدر ومروي جم كانوا مزبهلين من اللي شايفينه قدامهم الولد خد باله هو وملاك فبعد عن ملاك وملاك بصتله بكل غضب وعصبيه وقالتله.
ملاك بعصبيه : انت يا حيوان انت ازاي تمسكني كدا .
هنا بدر قال بفرح .
: يزيد ابني انت رجعت .
ملاك برقت وبدر ومروي حضنوا يزيد وبعد ما يزيد حضنهم رجع بص لملاك اللي كانت مبرقه وقالها .
يزيد بتريقه : كنتي بتقولي ايه بقا يا شاطرة .
ملاك وهي بتبلع ريقها : كنت بقول حمدلله علي سلامتك .
يزيد كمل هزار وقالها : ليه هو مش انا كنت حيوان من شوية غالبا .
ملاك : انت ها تاخد علي كلام عيله زي بردوا .
زياد ضحك وقال : وتبقي مين القمر بقي .
بدر : ديه تبقي ملاك بنت عمك محمد .
زياد بصدمه وفرح : ايه انتي رجعتي امتي .
وحضنوا بعض وعاشوا سوا نرجع تاني بقي لزياد زياد دخل في حالة إكتئاب بقي شايف انو هو السبب في اللي حصلها ومكنشي مسامح نفسوا علي اللي عمله فيها .
نرجع تاني بقا لملاك ....
بعد ماكلوا وهما عمالين يهزروا وخلصوا اكل ملاك طلعت اوضتها وبعدين يزيد وراها وقعدت طبعا علشان تعلموا يوغا وبدر ومروي كانو مايتين من االضحك عليهم هما الأتنين كل ما ملاك تعمل حركه وتقول ليزيد يعمل زيها يروح واقع وموقعها معاه قعدوا يضحكوا بهيستريه علي أشكالهم وبعدين علي بليل كدا يزيد جاب لملاك دبدوب وشوكلاته طبعا فرحت جدا وقعدوا يهزروا بدر قال لملاك .
: ملاك يا بنتي الدكتور رجع من الأجازه وكلمني وقال إن فيه ظابط اسمه يامن ومهندس اسمه زياد كانوا عايزين العنوان بتاعي وكانوا مستعجلين جدا.
ملاك قامت وقفت وقالت : والدكتور عمل ايه .
بدر : قالهم اني سافرت برا مصر زي ما طلبتي باالظبط وبعدين انا عايز افهم انتي ناويه علي ايه يا بنتي.
ملاك بثقه : هتعرفوا .
وقالتلهم كل حاجه ( طبعا هتموتوا وتعرفوا انتو بس مش دلوقتي 😂) بعد كدا يزيد وبدر ومروي كانوا مصدومين من اللي ملاك عايزه تعملوا بدر قال .
بدر : وازاي هتعملي كدا انتي كدا بتلعبي بالنار يا ملاك .
ملاك بثقه : النار ديه هما اللي هيلعوا بيها في الأخر ها معايا ولا .
كلهم قالوا : طبعا معاكي .
واليوم خلص عدي اليوم والباب خبط زياد راح يفتح الباب اتصدم .
زياد : ملاك ..
يتبع....
تعليقات
إرسال تعليق