رواية لم انوي الوقوع في حبك الفصل الخامس 5 بقلم منة حنفي
 |
| رواية لم انوي الوقوع في حبك الفصل الخامس 5 بقلم منة حنفي |
رواية لم انوي الوقوع في حبك الفصل الخامس 5 بقلم منة حنفي
خلصو وهما راجعين رهف خبطت ف حد بتبص وكانت المفجاءه
رهف حضنت مريم جامد وعيطت
مريم:رهف انتي كويسه انا قلبت عليكي الدنيا
رهف : انا كويسه ، انا اسفه اني مطمنتكيش بس غصب عني
مريم بهمس : اي اليه حصل ،و المقدم ادهم بيعمل اي معاكي
رهف :هحكيلك كل حاجه بس مش دلوقتي هجبب فون جديد وهكلمك ..
مريم :طيب ي حبيبتي خالي بالك من نفسك
رهف : وانتي كمان .. سلام
ادهم: هي دي صحبتك اليه شغاله معاكي ف الكافيه صح
رهف : اه
ادهم: طيب ، يالا عشان نروح
رهف :يالا
____________
حسن نايم ع السرير وللحظه افتكر ملامح مريم وابتسم وطلع الفون واتصل بيها
حسن : مريم معايا
مريم : ايوه مين
حسن : انا النقيب حسن اليه قابليته الصبح
مريم: اه اهلا بحضرتك ي فندم
حسن: الحمدلله تمام انتي عامله اي
مريم :انا كويسه ي فندم
حسن: انا حبيت اطمنك واقولك أن صحبتك كويسه
مريم : اه ما انا شوفتها الحمدلله ، كنت هموت من القلق عليها
حسن : وانا ميهونش عليا انك تموتي
ضحكو الاتنين
حسن: قوليلي بقا انتي هتروحي الشغل بكرا
مريم:اه هروح اشمعنا
حسن : اصل عايز اشرب قهوه من ايدك
مريم : غالي والطلب رخيص انت تؤمر ي فندم
حسن: ممكن بلاش ي فندم دي عشان بضيقني انا اسمي حسن .. حسن وبس
مريم بكسوف : حاضر ي حسن
فضلو يتكلمو كتير وحسن اكتشف انها بنت رقيقه جدآ
______________
كمال المنشاوي:جبتلي اخبار البت اليه قولتلك عليها
الشاب: ايوه ي باشا ، دي طلعت حته بت إنما اي تقوم القمر وتقعد مكانه ومكسور الجناح ملهاش حد خالص لام ولا اب يسالو عليها مفيش غير مرات ابوها ومن يومين كرشتها من الحته بتاعتهم وفرجت عليها الناس يعني لو قتلنها محدش هياخد باله اصلا بس ف حاجه كدا مكنتش ف الحسبان الصراحه وهتصعب علينا الموضوع
كمال المنشاوي : خير جيب المفيد
الشاب : البت دي قاعده حاليا ف البيت المقدم ادهم
كمال المنشاوي ابتسم : بتعجبني دماغ ادهم اوي بحسه ديما سابق بخطوه بس ملحوق روح انت وانا شويه وهقولك تعمل اي
كمال طلع فونه واتصل برقم
مجهول :خير بتتصل دلوقتي ليه
كمال المنشاوي : البت طلعت قاعده عند ادهم ف البيت نخلص ولا اي
مجهول : لا استني شويه لحد ما نفهم سبب وجودها ف البيت عنده مش معقول يعني خايف عليها منا ف حاجه اكبر من كدا عايزك تحط عينك عليهم كويس فاهم
كمال المنشاوي : فاهم
_____________
وصلو البيت ورهف كانت مبسوطه اوي
ادهم: بصي بقا انا خليت داده سميه تنضفلك الاوضه اليه جمبي قبل ما ننزل خشي حطي حاجتك وارتاحي ولو احتاجتي حاجه خبطي عليا
رهف : تمام ، وشكرا اوي ع كل اليه عملته معايا
ادهم ابتسم لها ودخل اوضته رمي موبيله ع الكومودينو ودخل الحمام اخد شور وطلع نام ع السرير ومحسش بالدنيا غير الصبح وحد بيخبط ادهم قام وفتح الباب وكانت رهف اليه بتخبط لسا هتتكلم لقيته واقف من غير تيشيرت ف اديته ضهرها وهو اخد باله أنه نسي يلبس حاجه قبل ما يفتح وضحك ع كسوفها
ادهم: استني هلبس حاجه واجيلك
رهف :تمام هستناك تحت
بعد شويه ادهم لبس ونزل كانت رهف قاعده ع السفره مستنياه
ادهم:صباح الخير
رهف:صباح النور ، اسفه أن صحيتك من النوم بس كنت جايه اقولك أن انا لازم انزل الكليه انهارده
ادهم:خلاص تمام افطري عقبال ما اغير هدومي واجيلك
رهف :طيب وانت مش هتفطر
ادهم : لا مليش نفس
لسا هيمشي رهف مسكت أيده وقالتله لو مفطرتش مش هفطر انا كمان وع فكره انا جعانه اوي ف انت هتشيل زنبي
ادهم : وع ايه هفطر وامري لله
بعد ما خلص اكل طلع غير هدومه ورش برفيوم بتاعه ونزل
رهف ف سرها اه اكيد البيه متشيك كدا عشان البنات اليه قدام الكليه تعاكسه ادهم قرب منها وهي ابتسمت ابتسامه صفره وركبت العربيه معاه وبعد شويه ادهم حب يكسر الملل
ادهم:مش عايزك تقربي من حد الفتره دي وتعرفيه حاجه عن حياتك ، ومتطلعيش بره الكليه غير لما اكلمك واقولك اني واقف قدام الباب
رهف بستهزا: اه طبعا امال ، متخفش بس الله يكرمك انجز عشان اتاخرت
ادهم بصلها وهو بيدعي أن ربنا يديله طولت الصبر عشان ميقتلهاش بعد شويه وصلو
ورهف نزلت وطلعت تجري جوه وكأنها اخيرا اتحررت من السجن ادهم مشي عشان يروح شغله وهو ف نص الطريقه اتبعتله رساله مكتوب فيها " كلها دقايق وتستلم جثه ست رهف بتاعتك "
ادهم لسا هيرجع شاف عربيه كبيره داخله عليه حاول يفاديها لكن للاسف مفيش فرامل وفي أقل من الثانيه اتقلبت بيه العربيه
تعليقات
إرسال تعليق