رواية كل ما تبقي لي الفصل الرابع 4 بقلم منة رضا

العميد : راح يشوفوا عايش و لا لا..

راح بص لنور و قال ......

الحمد لله عايش ..

نور : فصلت تعيط اكتر ..

سجده و كارما جري جوه بعد ما سمعوا الي حصل ..

سجده : نور أنتي كويسه عملك حاجه الحيوان ده ..

نور : كل الي بتعمله بتعيط بس ..

كارما : جابت ازازه مايه و ادتها تشرب ..

نور : بتشرب و الدموع نازله من عينيها و مركزه علي منظر الدم ..

سجده : رنت علي أمجد مردش راحت رنت علي معتز 

معتز : الو ..

سجده : بتعيط معتز تعا ..تعالي الجامعه بسرعه و قفلت معاه ...

أمجد : في أي ..

معتز : سجده كانت بتعيط و قالتلي تعالي بسرعه ..

أمجد : طب يلا و قام مشي معاه..

*عند نور *

كانت نور لسه في حاله صدمه مش مستوعبه اي حاجه كل الي بتعمله أن هي بتعيط و بس ..

سجده : اهدي بلاش عياط انا كلمت معتز و هو جاي حالاً

كارما : هي ما بتتكلمش لي نور ممكن تردي علينا طيب ..

سجده : اهو معتز جه و معاه أمجد ..

اول ما معتز دخل راحت سجده بسرعه رمت نفسها في حضنه و فضلت تعيط ...

أمجد : فين نور ..

كارما : أهي و شاورت علي نور الي كانت قاعده مكانها بتعيط ...

أمجد : جري عليها و قعد علي ركبه قدامها و بدأ يهدي فيها ..

نور : اول ما أتكلم معاه رمت نفسها في حضنه و قالت أنا ضربته علي دماغه و جاب دم  أنا أنا و فجاءه صوت عياطها راح خالص ...

أمجد : بيكلمها نور نور أنتي سمعاني ...

لكن مكنش في أي رد من نور لان هي خلاص فقدت الوعي ...

أمجد : قلق عليها و شالها و جري بيها علي المستشفي ...

سجده : معتز هو واخدها علي فين انا عايزه اروح مع نور ..

معتز : أكيد رايحين المستشفي تعالي يلا عشان نلحقهم ...

كارما : هو انا ممكن أجي معاكم ...

معتز : اه اتفضلي اركبي ..

*عند كينان *

كينان قاعد علي السرير بتاعه و بيكلم ديما عشان خطته دخولها القصر ..

ديما : و الله يا بني انا مشفتش في بجاحتك البت ضربتك بالقلم و تاني يوم تروح تقولها كده فين كرامتك و لا انت من النوع الي معندوش ..

كينان : بقولك اي انا ساكت ده كله عشان اعرف اخد حقي تقيل فياريت تخليكي في حالك و تفكري في الي قولنا عليه ..

ديما : بص انا مش عارفه هيحصل ازاي بس لازم جدك يوافق انا انهارده جايه عندكم ابقي شوف بقا هنتصرف ازاي ..

كينان : ياريت حضرتك تلبسي لبس عدل مش هدوم نوم ..

ديما : أن شاء الله اقفل بقا عشان راحه اكلم بابا ...

كينان : ابقي سلميلي عليه علي ما اجي ..

ديما : الله يسلمك و قفلت معاه ...

*عند نور *

أمجد : كان سايق العربيه بسرعه و بيحاول يصحي نور ...

لكن مفيش اي استجابه من نور ...

أمجد : كان خايف جدا لدرجه انو كان هيعمل حادثه و هو ماشي ..

معتز : بيرن علي أمجد عشان يسألوا هيروحوا فين ..

أمجد : أي يا معتز ..

معتز : أنت رايح فين دلوقتي ..

أمجد : المستشفي الي في ****

معتز : تمام اقفل دلوقتي و احنا هنيجي علي هناك ..

أمجد : قفل معاه و بدأ يحاول تاني مع نور لكن مفيش رد ..

معتز : رن علي جدو عشان يقوله أن سجده و نور معاهم ..

الجد :  الو ..

معتز : اي يا جدو بص متقلقش علي نور وسجده هما معانا ...

الجد : حصل حاجه و لا اي ..

معتز : لا بس لما اجي هحكيلك ..

الجد : تمام خلي بالك منهم ..

قفل معتز مع جدو و بدأ يركز في الطريق ..

شويه و كان أمجد وصل بنور المستشفي ..

أمجد : شايلها و دخل بيها المستشفي و كان بيزعق و هو بينادي علي دكتور ...

الدكتور : حضرتك ممكن تدخل بيها هنا بس ياريت تهدأ لان في ناس مريضه حوليك ..

أمجد : ياريت تشوف شغلك بسرعه و كان بيبصله بغيظ..

شويه و وصل معتز و كارما و سجده ...

سجده : جريت علي أمجد و قالت هي فين نور انا عايزه نور يا أبيه ...

معتز : قرب منها و شدها عنده  لان هو شايف حالة اخوه عامله ازاي ....

الدكتور : خرج من اوضته نور و قال هي اتعرضت لأغتصاب لأن في علامات خربشه علي أيديها و ده سبب ليها صدمه نفسيه ...

أمجد : بص لسجده و قال هو الي الدكتور قاله ده صح ..

سجده : بتكلمه و هي بتعيط ايوه انا كنت في الكافتيريا و سمعتهم بيقولوا كده و لما رحت عشان اشوف نور لقتها زي ما انت شفتها كده ...

أمجد : بص لكينان و قال في ظرف نص ساعة و يكون عندنا في المخزن أنت فاهم..

معتز : تمام بس احنا لازم نبلغ عنه ..

أمجد : لا ما احنا هنصبح عليه بس و بعد كده نسلمه ...

معتز : تمام انا هروح و بعدين جدك سال و انا قولتلوا أنهم معانا..

أمجد : تمام ..

سجده : انا كمان هروح عشان أجيب هدوم لنور لان هدومها اتقطعت...

أمجد : لا خليكي و انا هقول لنسرين تجيب *بيقول لعمته نسرين لان الفرق بنهم مش كبير* عشان جدك عارف أن انتوا معانا 

سجده : تمام انا هدخل لنور و كمان صح ممكن تجبلها اي حاجه تاكلها ..

أمجد : تمام خشي انتي دلوقتي و خليكي معاها..

كارما : انا دلوقتي لازم أمشي عشان ماما بترن عليا من بدري عن اذنكم ...

سجده : تمام و سلمت عليها و بعدين دخلت لنور جوه ...

نور : نايمه علي السرير بتعيط  و باصه للسقف و مش منتبه لاي حد داخل الأوضه ..

سجده : دخلت قعدت قدامها علي الكرسي و بدأت تكلمها و هي بتعيط ...

طب ممكن تردي عليا و متفضليش كده ...

شويه و الممرضه دخلت الأوضه عشان تغير المحلول ...

سجده :بتكلم الممرضه بصوت واطي  لو سمحتي هي هتفضل كده كتير ..

الممرضه : بنفس نبره الصوت حاليا مقدرش اقول حاجه هو ممكن يكون بس من أثر الصدمه لكن مع الوقت هنعرف....

سجده : تمام شكرا لحضرتك ...

خرجت الممرضه و فضلت سجده مع نور 

شويه و نور نامت من أثر الحقن الي في المحلول..

عدي 2 ساعتين و نور لسه نايمه ..

خرجت سجده برا لان أمجد رن عليها و قلها انو بره 

أمجد : هي لسه مصحيتش ..

سجده : كانت صاحيه اول ما دخلت بعد كده نامت ...

أمجد : اتكلمتي معاها ...

سجده : لا هي مش بترد علي حد .

أمجد : طب انا دلوقتي قولت لنسرين و بعتت الهدوم أهي 

و مدلها أيدو الي فيها شنطه الهدوم ..

سجده : تمام بس متعرفش هنخرج امتي ..

أمجد : انا دلوقتي هروح اشوف الدكتور ...

سجده : دخلت لنور لقتها صاحيه بس بنفس الوضع باصه للسقف و مش بتتكلم ...

ممكن طيب تبصيلي أو تتكلمي معايا ..

نور : اكتفت أن هي تبص لسجده و الدموع في عينيها..

سجده : ممكن متعيطيش انا عارفه أن ده صعب بس انتي الحمدلله لسه بنت ..

نور : لفت وشها الناحيه التانيه و مردتش ..

سجده : طب قومي دلوقتي البسي الهدوم دي لان أمجد بره و عايز يدخل يطمن عليكي ...

نور : اخدت الهدوم منها و لبست و رجعت نامت تاني و ضمت رجليها علي صدرها و كملت عياط بس بصوت يكاد يكون مسموع ...

شويه و الباب خبط ..

سجده : ادخل .

الدكتور : ها مريضيتنا عامله أي دلوقتي ..

سجده : بصتله و قالت مش بترد علي حد خالص ..

الدكتور : اخد أمجد علي جمب و قال بصي انا مش عايز اخوفكم بس شكل الصدمه الي اخدتها مأثره عليها جامد لدرجه ان هي مش قادره تتكلم ..

أمجد : طب هي هتفضل كده كتير ..

الدكتور : علي حسب تقبل المريضه الوضع ..

أمجد : تمام احنا نقدر نخرج دلوقتي مش كده ...

الدكتور : أكيد بس لازم المريضه تتعرض علي دكتور نفسي ...

أمجد : طب حضرتك ترشحلنا مين عشان تروح عنده ..

الدكتور : في دكتور زميلي اسمه خالد بيشتغل في *****

أمجد : طب حضرتك ممكن تجبلنا معاد منه أو حتي رقم لي و انا اتواصل معاه ..

الدكتور : أكيد و اداله الرقم ...

دخل أمجد الأوضه عشان يقولهم أن هما ماشين دلوقتي ..

سجده : احنا جاهزين و قامت سجده تساعد نور عشان تقوم لكن كانت هتقع منها ...

أمجد : انا هجيبها و دخل شال نور الي كانت علامات الزعل مغطيه علي جمال ملامحها...

سجده : كلمت معتز و قولتلوا أن احنا ماشين ...

أمجد : لا رني علي من عندك ...

رنت سجده علي معتز و رد عليها و هو بينهج ..

معتز : خير في حاجه ..

سجده : أنت مالك بتنهج لي ...

معتز : مفيش كتني بترني لي ...

سجده : عشان اقولك أن أمجد جه و اخدنا و احنا دلوقتي مروحين ...

معتز : تمام قولي لأمجد الموضوع خلص خلاص ..

سجده : تمام ت قفلت معاه ..

معتز بيقولك الموضوع خلص . 

أمجد : طيب و تعالي يلا اركبي ..

ركبت سجده ورا و نور قدام جمب أمجد و مشيوا بالعربيه ...

*في القصر *

كينان : يا جدو خليها تقعد هنا معانا انت عارف نور دايما مع سجده و مفيش حد يقعد معايا 

الجد : فضل باصص لديما شويه بعدين قال هتقعدي هنا يبقي تحترمي نفسك و بلاش مشاكل انتي سامعه ...

ديما : حاضر راحت ميلت علي ايدو و باستها..

كينان : بيكلم ديما اهو عملت الي عليا و دخلتك القصر الدور و الباقي عليكي تفرقي بين نور و أمجد مش لازم يتجوزو تمام ...

ديما : متقلقش خليها عليا ...

*عند نور *

شويه و وصلوا البيت و كان باين علي وش نور التعب ..

سجده : دخلت اتأكدت أن مفيش حد بعدين دخل أمجد و هو شايل نور و طلع بيها علي اوضتها و حطها علي السرير ..

أمجد : دولوقتي خليها ترتاحي و انا هبقي أجيلها بليل ..

سجده : تمام ..

مشي أمجد و سجده راحت قعدت جمب نور لحد ما غفلت جمبها..

شويه باب الاوضه اتفتح و اول ما نور شافت الشخص الي داخل فضلت تصوت .....

يتبع.....

لقراءة الفصل الخامس : اضغط هنا

لقراءة باقي الفصول : اضغط هنا