رواية ضحية انتقام الفصل الرابع 4 بقلم اية مصطفي

  ‏ ‏: انا ممكن افهم انتي ليه خلتيني اعمل كدا .

 ‏قدريه بضحكه شريره : ليه لا علشان كتير .

 ‏مازن بعدم فهم : انا مش فاهم .

 ‏قدريه : مش لازم تفهم .

  ‏ ‏مازن بتهديد : ما هو انا لو مفهمتش هروح افهم منه كل حاجه وبالمره اقوله علي كل حاجه لأن حرام اللي بيحصل فيها ده هي زنبها ايه .

 ‏ ‏قدريه بغضب : انت بتهددني وبعدين حرام ايه حرمت عليك عشتك دلوقتي ضميرك صحي يلا ولا ليكون حبيت البت .

 ‏مازن : احبها احبها ازاي ملاك طول عمرها زي اختي انا لو عايز انتقم من حد فهو زياد بس كدا احنا بننتقم من ملاك اللي ملهاش ذنب في حاجه.

 ‏هنا ملاك كانت ابتدت تفوق وكانت دماغها مصدعه جدا ولقت الأرض كلها دم قامت وقفت بالعافيه وعنيها كانت مزغلله وكانت هتقع اكتر من مره بس مسكت في السلم ونزلت وهي عماله تدور علي حد من اللي في القصر يلحقها بس للأسف الكل كان نايم لأن الساعه كانت 2 وزياد رجع بس مشافشي ملاك زياد قابل مامته قدرية فسألها .

 ‏زياد : هي ملاك نزلت .

 ‏قدريه : لا يا بني منزلتشي ولا شوفنا وشها من ساعتها 

  ‏ زياد : طب انا هروح اشوفها .

  ‏ ‏ام زياد مسكت ايده وهي بتقوله .

 ‏ ‏: زياد اوعي تكون رجعت تحبها متنساشي ان ابوها عمل ايه وهي كمان عملت ايه .

 ‏هنا ملاك قربت من المطبخ وسمعتهم بس محدش شافها وهي بتمشي الدم كان عمال ينزل من دماغها وايديها اللي اتعورت من الازاز سمعت زياد وهو بيقول لأمه .

 ‏زياد : متخافيش يا ماما انا مش ناسي انتقامي وبعدين حب ايه اللي بتقولي عليه انا عمري ما حبيت ملاك طول السنين ديه كنت بوقعها فيا واعلقها بيا انا دست علي حبي ده من زماااان اوووي ولسا هكسرها وهزلها اكتر واكتر .

 كل دا وملاك مش مستوعبه مش قادره تصدق اللي بيقتال بس ملاك خلاص كانت قربت تفوق من الوهم اللي كانت معيشه نفسها فيه واللي بسببه كانت مستحملا زياد وتصرفاته وضربه واهانته علي امل انه هو لسه بيحبها بس هي خلاص فاقت لنفسها بصت قدام لقت زياد حاطط مفتاح العربيه بتاعته علي التربيزه مشيت خدت المفتاح وطلعت ركبت العربيه كل دا ومحدش شافها وزياد طلع اوضته ووهي ماشيه بالعربيه يامن كان راجع بالعربيه بتاعته بس مخدش باله ان اللي في العربيه مش زياد يامن ركن عربيته ودخل القصر  واول ما دخل لقي زياد نازل يجري من فوق وهو بيقول .

 ‏زياد بخوف وقلق شديد : ملاك مش فوق والأرض كلها دم .

  ‏ ‏يامن استغرب لما لقي زياد نزل وقالوا بإستغراب .

  ‏ ‏: لحظه بس لحظه لو انت هنا اومال مين اللي مشي بعربيتك 

 زياد بصدمه :. عربيتي فين المفتاح .

 ‏وقعد يدور علي للمفتاح لحد ما لقي دم في الأرض وافتكر ان ده نفس المكان اللي كان حاطط فيه المفتاح . 

  ‏ ‏الي في القصر نزل علي صوت زياد ومازن قال ليامن اللي زياد عمله راح يامن بكل عصبيه مسك زياد من ياقه القميص وضربه بوكس في وشه وقاله بكل عصبيه وتهديد .

 ‏ ‏: ولله يا زياد لو ملاك حصلها حاجه مش هرحمك هخليهم يلبسوا اسود علي روحك .

 ‏زياد مكنش مستوعب حاجه زياد خايف ليكون ملاك حصلها حاجه هو لسه بيحبها وبعدين قال .

 : مش وقته يا يامن المهم هي ترجع الأول وبعدين ابقي اعمل اللي انت  عاوزه .

 وفعلا يامن ركب هو وزياد في العربيه وفضلوا يمشوا اصل زياد حاطط جهاز تتبع في عربيته لأنها اتسرقت قبل. كدا فحطه لزوم الأمان مشيوا ورا الجهاز نروح لملاك بقي ملاك كانت ماشيه مش شايفه وقفت في مكان كان فاضي ونزلت من العربيه وسابت الباب مفتوح ووقفت وصرخت بأعلي صوت وقالت .

 ‏: ااااااااااااااااااااااااااااااه ااااااااااااااااااااااه .  

 ‏كل ده وهي منهاره من العياط فضلت تصرخ وتعيط .

  ‏من ناحيه تانيه كان في راجل عجوز كان مروح بس تاه .

  ‏زياد ويامن وصلوا لمكان العربيه بس لما نزلوا ملقوش حد لقوا خاتم ملاك واقع وكله دم والأرض كلها دم وباب العربيه مفتوح زياد بص لقي حته من  من كم الفستان اللي هي كانت لبساه زياد بص ليامن وقال .

  ‏زياد بصريخ : ملااااااااااااك .  

يتبع....

لقراءة الفصل الخامس : اضغط هنا

لقراءة باقي فصول الرواية : اضغط هنا