رواية تاج الفهد الفصل الثلاثون 30 بقلم مريم مصطفي الجلاب
 |
| رواية تاج الفهد الفصل الثلاثون 30 بقلم مريم مصطفي الجلاب |
رواية تاج الفهد الفصل الثلاثون 30 بقلم مريم مصطفي الجلاب
سيا قاعده ع سريرها بتتفرج ع صورهم هي وسليم لحد مانامت ف حضنهم
سليم: سيا اصحي يا حبيبتي يخربيتك حتي وانتي زعلانه بتحبي النوم برضو انتي يابتتت
صحيت سيا شافت سليم قاعد قدامها فضلت تفرق بايديها ف وشها وتبرقله جامد
سليم: والله ماحلم انا قدامك اهو
قربت سيا تحط ايدها ع وشه بس سليم عضها ف صوباعه
سليم: انتي لسه مش مصدقه اضربك بالبوكس يعني ولااعملك اي
سيا وهي الدموع ف عينها وبتحاول تتكلم: س.. س.. سل.. سليم
سليم: ايوه سليم ياقلب سليم اتكلمي ياسيا اتكلمي
قربت سيا وخدته ف حضنها وهي بتعيط: عملت فيا ليه كده ياسليم وجعت قلبي ليييه
سليم بييوس راسها: حقك عليا يروحي بس غصب عني والله
سيا: غصب عنك ليه ف اي اي اللي حصل علشان تعمل كل ده وازاي ازاي انت هنا مين اللي دفنه هناك انا م فاهمه حاجه
سليم: شش اهدي بصي انا مش هقدر اقولك اي حاجه غير ان كل حاجه هتبقا كويسه الفتره الي جايه
سيا: لا لازم تفهمني انا مش مستوعبه اي حاجه لحد دلوقتي
سليم: سيا انا المفروض مكنتش اعرف حد اني عايش بس مقدرتش اشوفك تعابنه وانا السبب ف تعبك فاعلشان كده جتلك ف الوقت المناسب هحكيلك كل حاجه توعديني دلوقتي ان مفيش مخلوق ياعرف اني عايش او جتلك حتي فهد
سيا: لييه كل ده ف اي
سليم: سيييا اوعديني يلا وكفايه اسئله
سيا: حاضر اوعدك ان محدش يعرف اي حاجه
سليم: شطوره ياقلبي
سيا وهي بتبصله بنص عين:وياترا بقا انت قاعد فين
سليم: لا اوعي تشكي فيا انتي عارفاني انا مش بتاع بنات
سيا:مش بتاع بنات!! ده انا قفشاك تلات مرات قبل كده
سليم: اللاه صعبوا عليا كنت بواسيهم
سيا: طول عمرك قلبك رهيف
سليم: خدي بس اقولك
سيا: نعم
سليم: انتي مالك احلويتي كده ليه يخربيتك هو انا اموت تحلوي
سيا بخجل: بس بقا ياسليم
سليم وهو بيقلدها: بس بقا ياسليم.. واكمل بضحك:بس اي الكلام الجامد اللي سمعته منك ف المشرحه هناك ده كان فضلك تكه معايا واجي اكسر دماغك وانتي ماسكه ف جثه راجل غيري
سيا: هو انت كنت هناك؟
سليم: انا مسبتكوش اصلا حتي يوم الدفنه كنت هناك وجيت ف شنطه العربيه بتاعت فهد
سيا:ده انت طلعت مش سهل يجدع
سليم: جدع ف واحده تقول لجوزها يجدع انا اروح اكمل موتي بقا
سيا: بحبك ياسليم
سليم: لو اعرف اني هسمع الكلام ده كنت موت من زمان
قرب سليم عندها والتهم شفايفها بشوق وحب..
سليم وهو بيقف انا لازم امشي علشان حسام لو اتاخرت عليه اكتر من كده هيرميني من الشباك
سيا بصدمه: هو حسام عارف!؟
سليم ببتسامه: ده هو اللي مخطط الخطه كلها
سيا:ده انا هخاف منكوا بعد كده
سليم: قولي لفهد ان ولادي هيتكتبوا بااسمي بدل والله افتحلوا دماغه
سيا وهي بتقوم من ع السرير: تفتحله دماغه ده لو سمعك مش هيخرجك غير وانت مكسر من هنا
سليم: حصل علشان كده بقولك قوليلوا انتي علشان انا هخاف
سيا وهي بتضحك: مش قادره بجد كفايه ضحك بطني وجعتني
سليم: هو كفايه فعلا ضحك علشان ضحكتك دي بتخليني مضمنش نفسي
سيا بخجل وهي بتاخد ايده وبتحطها عند بطنها
سليم بفرح شديد:اي ده انا حاسس بحركتهم دول بيتحركوا ياسيا
سيا: اها يروحي علشان خلاص بيكبروا وكلها خمس شهور ويجوا ع الدنيا
سليم: ربنا يخليكي ليا ويخليهم لينا... اطير انا بقا علشان والله ثانيه كمان وهنجيب عيل تالت
بصتله سيا بخجل وبعد كده حضنته: خلي بالك من نفسك متوجعش قلبي عليك
سليم: متخفيش يا حبيبتي عايزك بس تاكلي كويس ها وبلاش شغل التنطيط بتاعك ده
سيا: حاضر
سليم وهو بينط من البلكونه: بحبك ياسيا....
قفلت سيا البلكونه وهي بتغني وفرحانه وعماله تخبط ايدها علشان تصدق انها مش بتحلم وراحت عند التربيزه اللي عليها الاكل وفضلت تاكل وهي فرحانه...
********
فهد قاعد ع السرير وحاطط راسه حوالين رجليه طلعت تاج من الحمام وهي بتنشف شعرها. وقعدت جمب فهد
تاج : هتفضل كده كتير م هينفع لازم يافهد لازم تفوق علشانك وعلشان عيلتك
فهد: مش قادر والله ماقادر فراقه وجعني ندمان ع كل لحظه سبته لوحده فيها
تاج: والندم هيفيد ب اي هيرجعه للحياه دلوقتي لازم تفوق الحياه مش بتقف يافهد
فهد:انتي زي قويه كده ليه مش بشوفك ضعيفه رغم اني عارف ان جواكي خوف شوفته ف عيونك اول مره لما سليم كان عايز ياخدك
تاج:عارف ليه يافهد علشان انا عانيت وتبعت طول حياتي اهلي رموني ف الشارع ونا عندي سنه خدني واحد كان مستني اني اكبر علشان يشغلني فالاقرف بتاعه لولا مراته هيا اللي ربتني وخلتني اكمل تعليم كنت بتهان كل يوم واسك علشان ميرمنيش ف الشارع التاني وغيرو وغيرو بقا علشان كده اتعلمت ان محدش يجي عليا واسكتله ولاحد يهني لازم اخد حقي اتعلمت اني مينفعش الزعل يأثر عليا انا مش بقولك متزعلش عليه بس لازم تقاوم علشان نفسك لازم تدعيله ....
شدها فهد لحضنه وهو بيبوس راسها: اوعدك م هسيبك مهما حصل ولاهخليكي تمري بااللي مريتي بي ده تاني
تاج: وانا هفضل جمبك ومعاك مش هسيبك ابداا
خدها فهد ف حضنه زي الطفله لحد مانامت وهو كمان نام..
*******بقلم #مريم مصطفي الجلاب
عشق قاعده ف اوضتها ع السرير ماسكه الازازه وبتضحك بخبث
عشق: النهارده واليله هاخد حقي يافهد هخدك انت كمان
********
نصار قاعد ف الجنينه ف الارض وحاطط صور سليم وامه كلها قدامه
نصار:انتو مش هيتجوا تاخدوني بقا هفضل لوحدي كتير ولااي
يعني انتو مع بعض وانا لوحدي انا كده هغير انا بحبكوا اويي
نام حوالين الصور ف الارض... فاجالوا الحارس
الحارس: نصار باشا مينفعش حضرتك تنام هنا هتتعب
نصار: لا انا مرتاح كده حاسس روحهم حواليا سبني بس انام يمكن وجع قلبي يرتاح شويه..
سابه الحارس ومشي يقف بعيد شويه يراقبه علشان لو حصله حاجه يلحقه ويبلغ فهد
******
حسام: اي بقا هنعمل اي
سليم: يابني انت مش ظابط المفروض تفكر شويه
حسام: والله يعسل انا دخلت الشرطه غلط انا رسام يجدعان مليش ف جو الاكشن والسلاح.. لما بيجيلي ماموريه والله بستخبي تحت المكتب من الخوف
سليم هو بيضحك بصوت عالي: طول عمرك جبان يلا
دخلت ولده حسام وهي ماسكه صنيه عليها قهوه حطت ع الترابيزه قدمهم..
ناهد: منورنا ياسليم ليك وحشه ياواد والله
سليم: ربنا يخليكي ياطنط انا اسف اني هقعد الفتره دي عندكوا
ناهد: مين ده ياحسام
حسام بضحك: ده سليم ياامي بس وهو محترم
ناهد: عيب الي انت بتقوله ده ياسليم ده بيتك وانت ابني احنا مش غرب يابني ده من قبل ماانتو تتولدوا واحنا ياكبار كنا صحاب واخوات.. ربنا يرحم اللي راحوا
سليم: ربنا يرحمهم
حسام: اهم حاجه يماما ان محدش يعرف ان سليم هنا لانك طبعا فاهمه احنا عملنا ليه كده
ناهد: متقلقش يابني.. المهم انت اتجوزت ولا لسه زي العبيط ده
سليم وهو بيشاور ع حسام وبيضحك: عبيط ياعبيط.. لا انا مش عبيط انا اتجوزت المتخلفه سيا والحمدلله حامل ف توأم
ناهد بسعاده:الف مبروك يا حبيبي طول عمركوا وانتو بتحبه بعض والحمدلله ربنا خلكوا من نصيب بعض
سليم: الحمدلله
ناهد: هقوم انا احضر الغداء
سليم بضحك: طب وانت ياعبيط يوه قصدي ياحسام
حسام بغيظ: شايف الفاظه دي
سليم: اها حلوه اويي شبهك ياض
حسام: اها مانا هسكرها ع دماغك دلوقتي اموتك بجد بقا واتويك ف اي حته كده كده انت ميت
سليم: وع اي الطيب احسن... طب اي يعم م هتجوز بقا
حسام: والله عايز بس خايف اقولها
سليم: متخفش هي كمان بتحبك
حسام: وانت تعرف انا قصدي ع مين
سليم: ده انت عنيك فضاحك ولازق وراها ف كل حته ورد
حسام : بص هي طيبه بس عليها لسان يعم لا اخاف
سليم: عيب عليك نخلص من الحوار ده وانا هساعدك
حسام: تمام نتفق بقا هنعمل اي ف الفتره الجاي
سليم: بص احنا......
******
صحيوا الكل وبدا يجهزوا علشان ينزلوا يتغدوا...
الكل اتجمع ع السفره وسماح امرت خيريه تجيب سيا بس اتفاجه انها نزله مبتسمه وبطنها باينه من الحمل شدت كرسيها وبصتلهم
سيا: مساء الخير
الكل بصدمه انتي اتكلمتي ازاي امته
سيا:اي صوتي مش وحشكوا ولااي
سماح:لا ياقلبي اتكلمي وقولي كل اللي نفسك فيه
سيا:حبيبي يماما ياقمر انتي
فهد وتاج قاعدين يبصولها واي التغيير اللي حصلها ف الساعتين دول
سيا:اي ياتاج مالك متنحه ليه كده
تاج:ها لا ياحبيبتي انا كويسه
فهد بيبصلها بقلق:سيا انتي كويسة
سيا وهي بتاكل:اها مفيش حاجه
فهد وهو بيهمس ف ودان تاج:احنا لازم نوديها لدكتور نفسي انا حاسس انها فيها حاجه
تاج: كل بس ونشوف ده بعدين
خلصوا اكل وفهد قالهم يقعدوا ف الصالون لحد مايجي
دخل وهو ماسك ورق ف ايده وبدا يتكلم
فهد: بصي ياامي انا كنت متجوز تاج مش علشان بحبها علشان كنت ناوي اكتب ولاد سليم الله يرحمه باسمي انا وتاج وحكاله ع كل اللي كان هيعملوا...
سماح: انت كنت هتعمل كل ده من ورايا يافهد
فهد: انا اسف بس مكنش ف اي حلول تانيه غير كده... ودلوقتي عايز اقولك ان تاج حياتي كلها وقفت معايا ومع سيا بدون مقابل هي ياامي حد معادنه نضيف انا عارف انك كنتي ف انجلترا علشان تجيب عشق تفرق بيني انا وتاج
سماح: يابني انا
فهد: انا اعرف انتي كنتي شايفه ان تاج عايزه تاخد ثروتي والكلام ده بس لاياامي اللي عايزه تعمل كده واقفه معناا اهي... وشاور ع عشق
عشق: انت بتقول اي يافهد
ف بصوت عالي: اوعي تفتكري اني نايم ع وداني انا برقبك من وانتي لسه برا مصر علشان عارف حقرتك مشكله الديسكو والواد الي نا حبسه ف المخزن.. اها سوري اللي انتي هربتي كل ده انا عارف انك انتي اللي عملتي بس سكت بمزجي قولت العب شويه كنت زهقان بقا
عشق بتوتر: انا...
فهد: اقولك ع المفاجأة الاكبر بقا
خد منها كوبايه العصير اللي كانت ف ايدها وبدا يكوبها قدامها ع الارض
فهد: تخيلي ياامي ان كوبايه العصير دي ب50الف
عشق وهي بتبصله بصدمه
فهد:اي مش سهل انا صح. الهانم ياامي راحت لدجاله علشان تعملي سحر وتخليني اكرهكوا وتاخد هي كل حاجه لاني هكون تحت سيطره السحر بتاعها وهقدر اديها كل حاجه
سماح اتحركت من مكانها وقفت مكانها وضربتها بالقلم ع وشها وقعت ف الارض
عشق وهي بتبصله وبوقها بيجب دم: انتي بتمد ايدك عليا وانتي السبب ف كل القرف اللي انا وصلت ليه ده مش انتي اللي بعدتيني عن هنا وخلتيني لوحدي وخدتي نص ورثي
سماح: انا عدتك عن ها علشان تصرفاتك الغلط... وورثك اللي انا خدته مكنش ليا انا مش ناقصني فلوس علشان اخد حقك.. قولها يافهد فلوسها فين
فهد: فلوسك انتي شريكهبيها معانا ف الشركه ومكتوبه بااسمك وانا اللي الوكيل بنايبه عنك امال سيتك كنتي بتصرفي فلوسك دي كل من الجزء البسيط اللي كان معاكي ده حتي مكنش يكفي تمن البودره اللي بتشميها..
سماح: هي وصلت لكده؟
فهد: الهانم بقت بتعمل كل حاجه محرمه ف دينا نسيت اللي اتربينا عليه زمان بس انا هفوقك من كل الاقرف والعك ده ياعشق
فهد:رعد دخل الناس والدكتور من بره
دخل رعد الناس اللي امر بيها فهد وخدوا عشق وهي بتصوت
سماح: انت هتعمل فيها اي يافهد
فهد: مش هعمل انا هرجع عشق المحترمه هعالجه من الادمن ف اكبر مصحه ف البلاد
سماح: ربنا يسعدك يابني سامحني يافهد
فهد: متقوليش كده يامي اانا مسحمك م زمان
بصت سماح لتاج وهي حاضنها فهد وسيا: وانتي هتفضلي واقفه مكاك كده كتير
تاج بتوتر: اانا هخرج حالا عن اذنك
سماح: تخرجي فين تعالي ف حضني
تاج بدهشه: انا!!!
سماح: لاانا
قربت تاج منها وحضنتها وفهد وسيا واقفين فرحانين باامهم اويي
سماح: حقك عليا يابنتي والله انا ماكنت عارفه ان نيتك كده
تاج: ولايهمك سماح هانم
سماح: توتو قولي مااما زي فهد وسيا انتي بنتي برضو زيهم
تاج بإبتسامة: حاضر ياماما
فهد: وفي مفاجأة كمان
سيا: مفاجاتك كترت يافهد النهارده
فهد: خلاص مش هقول
سيا: لا خلاص انا اسفه قول بقا
فهد: ولاد سليم هيتكتبوا باسمه وهعلن لدنيا كلها انك مراته
سيا بفرح وهي بتحضنه: حبيبي يافهد ربنا يخليك ليا
سماح: بس خلي بالك اني لسه زعلانه منك علشان عملتي كده من ورانا ولينا كلام مع بعض بس بعدين
سيا وهي بتهز راسها: اللي تشوفي يماما
فهد: همشي انا بقا
تاج: ع فين يفهد
فهد: هروح لاانكل نصار لازم اخلص حاجه النهارده كده
سماح: روح يا حبيبي
خرج فهد م القصر وهو مع رعد وركب عربيته وراح لنصار
بقلم#مريم مصطفي الجلاب *******
سماح وسيا وتاج قاعدين مع بعض بيشربوا الشاي وبيتكلموا عن طفوله فهد زمان...
الحارس:ف حد بره وطالب يشوف مدام تاج
تاج:يشوفني انا؟
سماح:مقلقش مين
الحارس: اسمه مصطفي الدالي وعايزها ف موضوع شخصي...
تعليقات
إرسال تعليق