رواية قلبي ليس بيدي 3 الفصل التاسع 9 بقلم حسناء رمضان

ـ لازم نعمل تحاليل عشان نشوف المخدرات اللي ف جسمه... وبعدين هنستجوبه عشان نعرف اللي حصل..

جاك: تمام.. اعملوا شغلكوا ع اكمل وجه.. بس استأذنك اقعد معاه شويه..

ـ ااه طبعا ياجاك بيه..

جاب مراد وسابهم لوحدهم..

........................................

الاتنين غمضوا عينيهم ومستنيين الباب يتفتح...

فجأه حد نادى ع الشخص اللي كان داخل راح طلع...

اسيل بهمس: مشي!

عدي فتح الباب بالراحه بس مكنش في حد... طلعوا بالراحه واتسحبوا لبره وسط الناس وشاوروا لفريده...

عدي: بتعرفي تجري!

اسيل: اي!!

مسك ايدها وفضلوا يجروا...

بعدوا عن المكان ويادوب وقفوا خدوا نفسهم...

اسيل: تفتكر حد شافنا!

عدي: مظنش..

اسيل: فين السلسله..

عدي: اهي.. بس مينفعش تلبسيها.. لازم تتخلصي منها..

اسيل: طب هنحطهم فين!..

عدي: تعالي معايا..

خدها وراحوا ع البحر..

مسك المطواه ومسح الدم اللي كان فيها وبعدين رماها ف المايه ورمى معاها السلسله..

عدي: كدا مظنش ان علينا حاجه..

اسيل: افرض خدوا البصمات اللي عليها اصلا امبارح..

عدي: بطلي تشاؤم بقاا... ان شاء الله هتعدي...

فريده جت...

فريده: ها عملتوا اي!!

عدي: جبناهم واتخلصنا منهم..

فريده: اوعى يكون حد شافكوا..

عدي: لا مظنش.. بس بقاا عشان انا معدش فيا اعصاب..

اسيل: مش مصدقه... يعني انا قاتله وكمان بهرب.. طب لو بابا عرف دلوقتي.. وضعي هيبقى اي!

عدي: مش هيعرف.. خير ان شاء الله... المهم دلوقتي يافريده... هما هيعرفوا ان الحاجه اختفت وهيحققوا... وهيحاولوا يعرفوا مين جه هنا... ولو ابن عمك دا ذكر اسمك لازم تتصرفي صح.. وتقولي انك كنتي معاه بره ومدخلتيش جوه اصلا ومكنش معاكي حد..

فريده: متقلقش انا هتصرف..

عدي: بس في مشكله..

اسيل: اي هي..

عدي: افرضي كان في كاميرات مراقبه هناك... وقتها يبقى روحنا ف داهيه اكيد..

اسيل: متعرفيش يافريده اذا كان في ولا لا!!

فريده: مش عارفه... ولو كلمت ابن عمي هيشك اكيد..

عدي: عندي فكره...

................................

ادم: هنعمل اي دلوقتي؟!... لو عمل تحاليل هيبان ف دمه نسبة مخدرات...

جاك: مش هيبان حاجه..

متيم: ازاي!

جاك: شغل دماغك..

متيم: حصل..

جاك: يلا روح شوف شغلك...

ادم: جاك.. مينفعش يتحبس..

جاك: مفيش عليه تهمه.. هنثبت انه مكنش معاه وقت الجريمه وف نفس الوقت مفيش ف جسمه مخدرات.. متقلقش...

.........................................

عدي: انتي اللي جيتي قدامي ياست..

فريده: كداب.. انت اللي خبطتني وانا واقفه..

الظابط: بس انتوا الاتنين..

عدي: بقولك اي.. انا عايز امشي من هنا..

فريده: بعينك... دانت هتترمي ف السجن..

الظابط: فريده.. اسكتي لو سمحتي..

الظابط بيحل بينهم وعدي بيتفرج ع المكان عشان يشوف اذا كان في كاميرات ولا لا... فضل يدور بس ملقاش...

الظابط: انا شايف انكوا تحلوا الموضوع ودي احسن... مش مستاهله كل دا..

فريده: خلاص انا هتنازل... بس عشان خاطرك انت بس...

عدي: ماشي ياباشا وانا مسامح...

.........

خلصوا وبعدين طلعوا بره واسيل كانت مستنياهم ف الكافيه ..

اسيل: ها عملتوا اي..

عدي: حصل... مفيش كاميرات هناك..

اسيل: متاكد!

عدي: ااه..

فريده: انا كدا براءه بقاا.. يلا سلام..

مشت وعدي واسيل قعدوا مع بعض...

عدي: مالك..

اسيل: مليش... المهم انا همشي بقاا عشان ميحصلش حاجه كمان... صحيح بابا كان عايزك ف اي!

عدي: كان بيحذرني عشان مضركيش..

اسيل: امم.. تمام.. متيم عملك حاجه!

عدي: لا..

اسيل: طب كويس.. يلا باي..

جت تمشي راح مسك ايدها..

عدي: اسيل.. عايز اقولك بس اني مش ممكن اضرك ابدا... يعني مهما حصل مش هخليكي تتإذي... وكمان اسف ع اللي حصل فيكي دا..

اسيل: ملكش ذنب... يلا باي..

عدي: باي..

..........................................

جاكي: اخرتي ليه!

اسيل: معلش محستش بالوقت... هو في اي..

جوري: مراد ابن عمتك اتحبس..

اسيل: نعم!.. ليه

جوري: متهم ف قضية قتل..

اسيل: قتل!!.. انتوا بتقولوا اي... قتل اي..

جاكي: اهو ابوكي راح وراه عشان يشوف هيطلعه ازاي..

جوري: ماهو لو قتل فعلا مينفعش بابا يطلعه...

جاكي: لو فعلا قتل، ابوكي مش هيطلعه.... بس هو مظلوم.. هو مقتلش..

اسيل بتوتر: في اسباب مختلفه للقتل... يعني مش لازم يكون متعمد..

جوري: بيفضل قتل ف الاخر.. نهيت حياة بني ادم..

اسيل: ايوا بس.. ممكن البني ادم دا هو السبب.. يعني هو السبب ف موته..

جوري: في حلول كتير غير القتل... مفيش اي مبرر للقتل.. والقاتل لازم يتعاقب..

جاكي: خلاص انتي وهي... دلوقتي ابوكي ييجي ونعرف عمل اي...

اسيل: ماما.. هو ينفع حد يقتل حد وميتسجنش!!

جاكي: ازاي دا!.

اسيل: احم.. يعني لو في حد اضطر يقتل غصب عنه... او الشخص دا اتهجم عليه وهو دافع عن نفسه... كدا ممكن يتسجن!!

جاكي: اظن بيتسجن والحكم بيبقا خفيف... وبعدين الوضع بيختلف من جريمه للتانيه..

اسيل: يعني مش ممكن ياخد براءه!!

جاكي: بتسألي ليه!

اسيل: لا عادي يعني..

...............................................

متيم خلص مع جاك وراح ل وعد..

متيم: عامله اي دلوقتي!

وعد: كويسه..

متيم: معلش اتأخرت عليكي بس حصل كام حاجه كدا..

وعد: هو انا هفضل هنا كتير!

متيم: عايزه تمشي!

وعد: مش عارفه..

متيم: مانتي معندكيش مكان تروحي فيه... خليكي هنا افضل..

وعد: كفايه كدا انا تقلت عليك قوي..

متيم: عيب متقوليش كدا... المهم دلوقتي يلا كلي..

وعد: لا مش عايزه..

متيم: يلا..

وعد: مليش نفس انا..

متيم: انتي هتقومي ولا ابوظ وشك!

وعد: لا هقوم.. صحيح.. الدكتور قالك اي..

متيم: قال اي ف اي.

وعد: قالك اي عني!

متيم: احم.. قال انك بقيتي كويسه بس لازم تاكلي كويس..

وعد: بس انا شايفه ف عنيك كلام تاني..

متيم: ياراجل!.. ازاي بقاا..

وعد: انا حاسه ان في حاجه... متيم.. ياريت متخبيش عليا حاجه..

متيم: صدقيني مفيش حاجه...

وعد: طب عينك ف عيني كدا..

متيم: اهو..

بص ف عنيها وسرح..

وعد: ياااا... انت يابني..

متيم: هاا.. اي..

وعد: سرحان ف اي.. ماتقول بقاا...

متيم: طب ممكن مش دلوقتي!... خليها بعدين..

وعد: يعني في حاجه.. ومخبي عليا.. قول يامتيم وخلصني..

متيم: وعد.. اصحي الاول وبعدين هقولك ع كل حاجه... مش عايز زن بقاا..

وعد: طب قولي.. هي حاجه وحشه!!

متيم: احم.. يعني.. مش قوي.. مش عارف.. بصي بعدين هقولك... المهم يلا كملي اكل وانا هطلع اعمل قهوه... اعملك معايا!

وعد: ياريت..

..............................................................

اسيل طلعت اوضتها ولقت عدي بيرن...

اسيل: في اي..

عدي: مؤنس..

اسيل: ماله!

عدي: جثته اختفت...

اسيل: نعم!!

عدي: زي مابقولك كدا... انا عرفت من ناس صحابي.. اختفت قبل ماتدخل المشرحه... اسيل انا لازم اشوفك دلوقتي... مش هينفع ع الفون..

اسيل: مش هعرف اخرج تاني.. ماما مش هتوافق..

عدي: طب مانا لازم اشوفك دلوقتي.. طب بقولك اي.. باباكي فين!

اسيل: بابا ومتيم مش موجودين..

عدي: طب حلو دا... ممكن اجيلك..

عدي: تجيلي فين انت اتجننت!... دي كانت ماما نفختنا..

عدي: طب سلام انا هتصرف...

.............................................

الظابط: يعني اي اختفت... هو لعب عيال!

الدكتور: والله يافندم انا دخلت ملقتش حاجه جوه..

الظابط: ازاي يعني!.. هربت مثلا!

الدكتور: والله معرفش يافندم...

ـ دورنا ملقيناش حاجه يافندم...

الظابط: في كاميرات هنا!

الدكتور: ايوا يافندم...

.............................................

الليل حل ومتيم وجاك لسه مرجعوش... وانا وجوري مع اسيل فوق..

جوري: ماما هو اي اللي ف دراعك دا!!

جاكي: جرح هيكون اي يعني..

جوري: من اي قصدي..

جاكي: ابوكي عورني ياست..

اسيل: نعم!!.. بابا هو اللي فتحلك ايدك كدا!

جاكي: ايون..

اسيل: ايوا بس ليه.. المفروض بابا بيحبك اكتر من نفسه كمان..

جاكي: ماهو دا حقيقي..

اسيل: ازاي حقيقي وازاي قدر يعورك كدا!!

جاكي: مكنش يقصد ياسو... ابوكي بيخاف عليا من الهوا الطاير...

جوري: ازاي بقاا.. فهميني..

جاكي: مكنش واعي يابت..

اسيل: كان شارب يعني!

جاكي: ماتحترمي نفسك... ابوكي مش بيشرب ياختي..

اسيل: امال مش واعي ازاي!!!!

جاكي: ابوكي كان بييجي ف اوقات كدا ميبقاش واعي لأي حاجه حواليه وممكن يعمل اي حاجه وهو مش واخد باله... مره كان راجع من بره ومكنش شايف قدامه وانا بصراحه زودتها قوي معاه.. فَ دا كان رد فعله..

اسيل: مهما كنتي عملتي مينفعش يعورك كدا... ولا حتى يمد ايده عليكي.. ازاي اصلا قبلتي فكرة ان جوزك يضربك... هو كان اشتراكي!!

جاكي: ابوكي غير اي حد..

جوري: يعني انا لما اتجوز اسمح لجوزي انه يمد ايده عليا!!

جاكي: لا طبعا..

اسيل: امال انتي قبلتي ليه!

جاكي: بصوا... ابوكوا وضعه مختلف... يعني اللي عدينا بيه انا وجو مش زي اي حد.. وهو كان عنده ظروف خاصه كدا ووضعه صعب.. وانا كنت متفهمه دا جدا وعارفه انه مهما عمل مش قصده انه يإذيني ابدا... بس انا اللي رخمت عليه وقتها وقعدت اذن كتير... وهو مكنش متحمل حاجه ومحسش بنفسه غير وهو بيضربني بالسكينه..

اسيل: نعم!!... سكينه!... لا لا دا مش طبيعي..

جاكي: بس يابت.. قولتلك مكنش واعي.. وبعدين هو فضل يصالحني بعدها كتير قوي... بعد مافاق مكنش مصدق انه عمل كدا اصلا... صعب عليا لدرجة ان انا اللي كنت بهديه واقوله انا كويسه...

اسيل: ولسه بيغيب عن وعيه لحد دلوقتي!!

جاكي: لا انا عرفت ازاي اخليه يتفادى الموضوع دا وابعده عنه... طول الوقت كنت بشغله ف حاجه تخليه مبسوط عشان ميفكرش ف حاجه تزعله..

جوري: يعني هو بيجراله كدا لما يفكر ف حاجه تزعله!

جاكي: ايون..

جوري: واي اللي ممكن يزعله لدرجة انه يوصل لكدا!!

جاكي: لما يفتكر اللي حصله زمان... وكفايه اسأله بقاا صدعتوني..

اسيل: بس بيحبك قوي.. ابسط يعم..

جاكي: ايون مانا اتحب اصلا... وبعدين هو ابوكي كان هيلاقي زيي فين..

اسيل: ايوا ياجامد انت... اذا كان عدي بيعاكسك..

جاكي: مين ياختي!!.. الواد اللي جه لابوكي دا!

اسيل: ايون..

جاكي: يعني اي بيعاكسني..

اسيل بضحك: بيقولي امك وتكه..

جاكي: يكسفك.. وانتي سكتيله!!

اسيل: لا طبعا مسكتلوش..

جاكي: ابوكي لو سمعك بتقولي كدا هيموتك ويموته ويموتني معاكوا..

جوري: اه بابا بيغير قوي..

جاكي: جدااا...

اسيل: حقه الصراحه.. مانتي وتكه فعلا...

جاكي: ايوا احسدوا فيا كدا لحد مالراجل يبص بره..

جوري: لا انتي مسيطره قوي.. ميقدرش يقولك لا.. بيخاف ع زعلك..

فجأه حاجه خبطت ف البلاكونه..

طلعت اشوف في اي ملقتش حد...

اسيل: مين..

جاكي: مفيش حد... تعالي نقعد هنا..

طلعت وقفت جنبي ف البلكونه..

جاكي: عايزه اسألك ع حاجه..

اسيل: مش مرتاحه بس اسألي..

جاكي: اي حوار عدي دا..

اسيل: ها.. حوار اي..

جاكي: متلفيش وتدوري عليا... قوليلي في اي بينك وبينه!

اسيل: مفيش حاجه... صاحبي عادي..

جاكي: طب متقوليش صاحبي عشان ابوكي مش بيحب الكلمه دي..

اسيل: طب ماهو صاحبي فعلا..

جاكي: والله براحتك..

اسيل: خلاص.. صديقي.. حلو كدا..

جاكي: المهم قوليلي اي الدنيا..

اسيل: عايزه توصلي لأي..

جاكي: بيحبك!

اسيل: امم.. معرفش..

جاكي: يعني اي.. مقلكيش مثلا!

اسيل: هو مهتم بيا شويه وبيحاول يقربلي بس انا مش حابه افكر ف الموضوع..

جاكي: ليه.. دا شكله لطيف يعني..

اسيل: هو لطيف وعسول فعلا بس مش حابه اتعلق بحد... كدا احسن..

جوري نادت فنزلت وهي فضلت واقفه...

ـ بسبس..

بصت كدا وزعقت..

اسيل: اععع.. يابن المجانين..

عدي بضحك: معلش معلش.. مشت ولا لسه!

اسيل: مشت.. انت بتعمل اي هنا... واي اللي مطلعك عندك كدا!!.. افرض وقعت دلوقتي!

عدي: مانا قولتلك لازم اشوفك... وبقالي ساعه واقف هنا ع امل انك تحسي وتخليها تمشي...

اسيل: وانا اشعرفني انك هتعمل قرد وتطلع كدا..

ـ بتكلمي مين يااسيل...

هما الاتنبن برقوا وعدي استخبى مكانه...

اسيل: هاا..

جاكي: بتكلمي مين..

اسيل: لا دانا كنت بدردش مع نفسي كدا... في حاجه..

جاكي: لا.. المهم انا خارجه ومعاكي جوري تحت اهي.. وانا مش هأخر.. سلام..

مشيت وهي طلعت قفلت الباب....

بصت وراها لقت عدي واقف ف البلكونه..

اسيل: يخربيتك هتودينا ف داهيه.. اقعد ف الارض قبل ماحد يشوفك..

عدي: بقولك اي.. اهي مشت ومفيش حد ف البيت.. متوترنيش بقاا..

اسيل: انت اكيد مجنون.. افرض بابا ولا متيم رجع دلوقتي!!... والله ماهيطلع علينا صبح.. امشي ياعدي بالله..

عدي: استني بس.. مانتي مش راضيه تخرجي معايا.. المهم اسمعيني بقاا..

اسيل: هاا..

عدي: هنعمل اي ف موضوع الجثه الهربانه دا!!

اسيل: انا مش فاهمه حاجه... يعني اي مش موجوده!

عدي: الدنيا مقلوبه والله... انا مبقتش فاهم حاجه... طب لو حد خدها من المشرحه..هيكون مين و هياخدها ليه اصلا!!..

اسيل: واللي هياخدها هيعمل اي بجثه ياعدي!.

عدي: مش عارف..

سمعوا صوت بره..

اسيل: امشي ياعدي بالله عليك..

عدي: طب تعالي نقعد ع البيت من فوق.. محدش هيشوفنا..

اسيل: ولما حد يشوفنا!!

عدي: الدنيا ضلمه ومحدش هنا... واحنا هنقعد من ورا... يلا بس..

اسيل: طب بص.. اطلع انت وانا هروح اشوف الجو تحت وارجعلك..

عدي: متأخريش..

سابته ونزلت وهو قعد يتفرج ع الاوضه وبعدين طلع فوق البيت...

اسيل نزلت تشوف جوري فين لقتها نايمه ف اوضتها...

راحت اوضتها قفلت الباب وطلعت البلكونه...

اسيل: ولااا ياعدي.. انت فين يلااا...

راح مميل راسه..

عدي: هنا اهو... تعالي..

اسيل: هطلع ازاي!

عدي: هاتي ايدك..

مسك ايدها وخلاها طلعت فوق البيت وقعدت جنبه..

اسيل: مش عارفه هتخليني اعمل اي تاني.. وصلت انك مخليني بمشي ع سقف البيت... يخربيتك..

عدي: اتجنني ياست هو احنا هنعيش كام مره... هيييح.. المنظر من هنا تحفه..

اسيل: وهيبقى تحفه اكتر ف السجن..

عدي: گم تشاؤم فظيييع...

اسيل: انت هنا من امتى!

عدي: امم.. ملكيش دعوه..

اسيل: لا بجد...

عدي: من ساعة عسول ولطيف..

اسيل: احم.. امم... طب نتكلم جد بقاا.. هنعمل اي..

عدي: بصي احنا مفيش علينا حاجه.... كل حاجه اتخلصنا منها... فمظنش اننا المفروض نقلق بصراحه..

اسيل: انا حاسه اني بحلم... كل الاحداث بتحصل ورا بعض وانا مبقتش فاهمه حاجه..

عدي: اسيل... ممكن يستجوبوكي انتي كمان.. ابوس ايدك متوديناش ف داهيه..

اسيل: قول يارب...

راح عدي نام ع ضهره وبص للسما ومبتسم...

اسيل: بتضحك ع اي..

عدي: هتصدقيني لو قولتلك اني مبسوط ان كل الحوارات دي حصلت!.. حاسس اني بعمل المصيبه بنفس..

اسيل بضحك: والله مجنون..

عدي: عادي.. المهم ابقاا رايق..

راحت نامت جنبه وبصت للسما..

عدي: ماتغني..

اسيل: اسكت ياعدي..

عدي بضحك: والنبي..

اسيل: لا صوتي وحش..

عدي: والله صوتك حلو قوي.. اخلصي بقاا..

اسيل: احم.. اغني اي..

عدي: امم.. اي حاجه...

اسيل: شوفت تعلب كان بينط..

عدي: كان بينط كان بينط..

اسيل: كان بيلعب وياا البط..

عدي: وياا البط ويا البط..

اسيل: ااه وشوفت ديك كان شايل فيل..

عدي: وشوفت نمله ديلها طويل..

اسيل: انا قولت اشرب تاني حجرين..

عدي: تاني حجرين تاني حجرين..

اسيل: شوفت الواحد بقم اتنين..

عدي: بقم اتنين بقم اتنين... وقابلني قطر يعم البيه.. غصب عني انا دوست عليه...

اسيل: انا مش عارف اي اللي انا فيه...

عدي: واللي دا فيا دا يطلع اي..

اسيل: والله واشتغلت...

............................

متيم: مضطر امشي بقاا..

وعد: هتيجي تاني!

متيم: مش عارف لو فضيت بكرا هاجي.. نامي بقاا والممرضه بره اهي..

وعد: ماشي..

متيم: يلا سلام..

وعد: سلام...

...........................

عدي: لا غني بجد بقاا..

اسيل: بعينك..

عدي: برميل رخامه..

اسيل: عارفه..

سكتوا شويه وهي قامت قعدت تتفرج ع البحر...

عدي بصلها وغنى..

عدي بغُنا: شِعر اي.. دا الكلام اللي ف عينيك.. خلىٰ احلى كلام يغير... عِطر اي.. دا العَبير اللي ف ايديك.. بيقول ايديك.. هي العَبير..

قام قعد زيها.. اسيل بصتله..

اسيل: من الربيع اللي ف شفايفك، لليالي اللي ف عينيك.. آااه من اللهيب اللي ف خدودك، للحنان اللي ف ايديك... رحله تاااهت، روحي فيها وتهت فيها...

الاتنين: خبيني من الزمان.. خبيني.. وبعيد عن عيونه داريني.. ع الفرحه الكبيره ياخوفي.. لاياخدها ولا يخليني... خليني اقول للدنيا بحالها...

..................

متيم وصل ودخل جوا ملقاش حد... طلع عند جوري لقاها نايمه.. فتح الباب ودخل عند اسيل الاوضه...

متيم: اسيل!!.. انتي فين..

اسيل: احييييه.. متيم..

عدي: نهااار اسود.. استخبي بسرعه

اسيل: يلا امشي بقاا..

عدي: لا خليني شويه..

اسيل: ياخي ربنا ياخدك.. اخلص بقاا هنروح ف داهيه.. وبعدين انا هنزل ازاي!!

عدي: استني لما يخرج وبعدين انزلي...

استنت لما الصوت اختفى بعدين هو سندها ونزلت ف البلكونه..

اسيل بهمس: يلا بقاا امشي..

عدي: ماشي متزقيش...

دخلت جوا وفتحت الباب..

متيم: كنتي فين..

اسيل؛ ا كنت ف الحمام..

متيم: طب ماما فين..

اسيل: خرجت وبابا لسه مرجعش.. احطلك تاكل!

متيم: لا اكلت.. هدخل انام..

اسيل: ماشي...

دخلت اوضتها وقفلت الباب...

عدي بعت مسدج..

عدي: مبسوووووط..

اسيل: روح نام ياعدي..

عدي: ياشيخه خليني افرح شويه..

اسيل: افرح بعيد عني انا عايزه انام..

عدي: طب هشوفك بكرا!!

اسيل: معرفش..

عدي: لا هشوفك.. ولو مجتيش بمزاجك انا اللي هجيلك..

اسيل: معرفش بقاا لما اشوف الدنيا هنا..

عدي: ماشي.. تصبحي ع خير..

اسيل: وانت من اهله ياغتت..

قفلت وراحت نامت وهي مبتسمه وف نفس الوقت خايفه من اللي هيحصل..

اليوم عدى والكل نام.....

...................................

متيم صحي الصبح راح لوعد...

وعد: اهلا..

متيم: قايمه من مكانك ليه!

وعد: بقيت كويسه..

متيم: كويسة اي وهبل اي.. اتفضلي اقعدي يلا..

وعد: بقولك اي متزعقليش..

متيم: هو انتي فيكي حيل تناهدي!

وعد: بقولك اي انا زهقت من القعده هنا..

متيم: اصحي انتي بس الاول وبعدين هوديكي مكان مانتي عايزه...

وعد: بجد!

متيم: ايوا..

وعد: طب انا خلاص صحيت اهو يلا..

متيم: اعقلي واقعدي ارتاحي اخلصي..

وعد: انا عايزه اخرج انا..

متيم: مش دلوقتي قولت.. يلا اقعدي بقاا...

..........................

جاكي: عملت اي ياجاك..

جاك: هيطلع ان شاء الله... هنثبت ان مفيش ف جسمه نسبة مخدرات وانه ملوش علاقه باللي حصل...

جوري: عمتي نور كانت قلقانه عليه قوي..

جاك: مغلبهم.. مش عارف طالع لمين.. ادم مش كدا..

جاكي: هو في زي ادم..

جاك: ماتتلمي ياختي..

جاكي: هو حد كلمك!

جاك: متخلنيش اقوم افشفش دماغك قدام البت..

جاكي: قوم ياخويا وريني هتعمل اي.. وبعدين انت اصلا اصلا مالك... ادم اخويا وانا بحبه قد كداهووون.. انت اش احششك بقاا..

جاك: قولي لامك ياجوري تتلم عشان مخليش ليلتها سودا..

جاكي: يابا قولتلك قوم وريني هتعمل اي هو كلام وخلاص!!

بصيت لقيته قام وجه مسكني من الهدوم..

جاكي: انت قد المسكه دي!!

جاك: ااه.. قدها

جاكي: قولي لابوكي يلم نفسه عشان منتفش شعراته دلوقتي..

جاك: كلميني انا.. وريني هتعملي اي..

روحت مسكت ايده وعضيته...

جاك: اااه يابنت العضاضه.. شايفه عملتي اي..

جاكي: احسن احسن.. تستاهل..

جاك: عارفه همسكك من شعراتك وانضف بيكي البيت..

جاكي: عارف المشمش!!

جوري: خلااااص ياجماعه في اي.. ماتصلوا ع النبي..

راح قعد مكانه...

جاك: عليه الصلاه والسلام.... قولي لامك تلم هدومها وتروح عند بيت ابوها شويه... هوينا ياشيخه..

جاكي: ايوا عشان تجيب نسوان... يابتاع ال..

جاك: ايوا هجيب نسوان وهخونك كل يوم مع واحده...

جاكي: طب ابقاا اعملها..

جاك: طب ابقي روحي بس النهارده عند امك عشان جايلي ناس ضيوف..

جاكي: مين ان شاء الله..

جاك: مايا..

جاكي: تاني ياجاك!!

جاك: تاني ياعيون جاك..

جوري: مين مايا..

جاك: واحده كدا انما اي... عنب..

جاكي: شايفه ابوكي!

جاك: هتولعي من الغيره..

جاكي: دانا اللي هولع فيك..

قومت وفضلت اضرب فيه...

جاك: خلااص بهزر والله..

جاكي: عايز تخوني تاني!!

جاك: خلاص والله يامجنونه.. اخونك اي بس..

جوري: تؤتؤتؤ.. انت مش مسيطر خالص يابابا..

جاك: شايفه!!

جاكي: مانت مش مسيطر فعلا..

جاك: وهي امك حد يقدر عليها!!... دي ميقدرش عليها غير ربنا... ربنا يهد المفتري ياشيخه..

جاكي: عيب متدعيش ع نفسك..

جاك: ابو تقل دمك..

جاكي: اهو انت..

جوري: ياختتتتي... خلاص والنبي.. حقكوا عليا انا...

اسيل نزلت...

اسيل: صوتكوا عالي لي..

جاك: تعالي شوفي امك..

جاكي: انا سايبهالكوا... جاتكوا القرف.. اوعي انتي كمان..

جاك: تعالوا هنا نتفرج ع فيلم...

قاموا الاتنين قعدوا جنبه وحضنهم وشغلوا فيلم وقفلوا النور وقعدوا يتفرجوا مع بعض... دخلت عملت شاي وطلعت لقيتهم كدا...

جاكي: الله الله... وانا فين من كل دا؟!

جاك: انتي مش قولتي سايبهالكوا!... روحي يلا العبي بعيد..

جاكي: لا انا عايزه اتفرج معاكوا... خدوني جنبكوا..

جاك: لا.. واوعي كدا بقاا خلينا نتفرج..

جاكي: قولت عايزه اتفرج معاكوا.. يلا وسعي كدا ياختي..

جاك: ولعه..

جاكي: اتلم...

قعدنا نتفرج ونهزر وفون اسيل عمال بيرن...

اسيل: احم.. طب بابا انا هخرج شويه..

جاكي: مين بيرن عليكي..

اسيل: صاحبتي..

جاكي: وريني..

اسيل: في اي ياماما..

جاك: روحي يااسيل ومتأخريش..

جاكي: هو اي اللي روحي.. وريني الفون اخلصي..

جاك: روحي يااسيل...

اسيل: حاضر...

جاكي: والله!!... وبعدين!

جاك: ماتبطلي تشكي فيها بقاا..

جاكي: وانت صدقت انها رايحه تقابل صاحبتها!!

جاك: لا.. مش رايحه لصحابتها.. رايحه لعدي..

جاكي: وكمان عارف هي رايحه فين!.. ولي خليتها تروحله..

جاك: انتي متعرفيش عدي...وكمان لو عايزه تمنعيها ابقي امنعيها بطريقه تانيه.. مش بالشك..

جاكي: انا مبقتش فاهماك.. منين عرفت ان عدي كويس..

جاك: عرفت وخلاص ولو عدي ممكن يإذيها مكنتش خليته عايش اصلا... وبلاش طريقتك دي معاها..

......................................

عدي: اتأخرتي كدا ليه..

اسيل: جيت اهو.. عايز اي بقاا..

عدي: تعالي نتمشى شويه..

اسيل: امم... يلا..

قعدوا يتمشوا والاتنين ساكتين..

عدي: ساكته ليه..

اسيل: بصراحه!.. خايفه..

عدي: من اي..

اسيل: من كل اللي بيحصل دا...

عدي: خليها ع الله.. هو عارف اننا معملناش حاجه...

اسيل: ربنا يستر..

عدي: بقولك اي..

اسيل: اي..

لسه هيتكلم بس بص وراها شويه..

اسيل: في اي..

عدي: نهااار اسود...