رواية قلبي ليس بيدي 3 الفصل الثامن 8 بقلم حسناء رمضان

جاكي: اتطمنت ع العيال!

جاك: بقولك اي.. انسى العيال خالص دلوقتي.. دا اي وجع القلب دا.. هما مش صغيرين..

جاكي: افرض في حاجه..

جاك: وتفرضي ليه!!.. اسكتي بس وتعالي نكمل الاكل..

......................

وعد فاقت ومتيم دخلها..

متيم: عامله اي دلوقتي!

وعد: انا فين..

متيم: ف المستشفى.. قوليلي اي اللي حصل!

وعد: اااه..

جت تقوم اتوجعت وهو ساعدها..

متيم: مين عمل كدا!

وعد: ابويا..

متيم: نعم!!.. ازاي!!.. ووصلك ازاي اصلا...

وعد: صاحبتي رنت عليا وانا نسيت وفتحت وبعدين اكتشفت انه هو... قفلت بسرعه وبعدها ع طول لقيتهم معايا... معرفش عرفوا المكان منين..

متيم: اكيد عملوا تتبع للفون.. المهم بس فهميني.. لي عمل فيكي كدا.. كان ممكن ياخدك وخلاص..

وعد: مانا مرضتش وبعدين دخلت جبت السكينه عشان يبعدوا عني.. بس مقدرتش عليهم وهو ضربني بيها ف بطني وقال عشان جبتيلي العار... عشان هربت قبل الفرح.. مكنش جاي ياخدني... كان جاي يقتلني..

كانت بتحكي وتعيط..

متيم: طب بس... بطلي عياط.. انا معاكي محدش هيقدر ييجي هنا...

.........................

الظابط قرب لعدي ولسه هيفتشه...

اسيل: ااعععع...

الكل بصلها...

الكابتن: في اي..

اسيل: مش عارفه تقريبا حاجه قرصتني..

الكابتن: طب لو سمحت ياحضرة الظابط هما لازم يمشوا من هنا عشان دول امانه معايا.. حضرتك اعمل التحقيقات اللي عايزها وهما لازم يرجعوا...

اسيل عملت نفسها بتتوجع عشان الظابط يقتنع..

الظابط: ماشي.. بس هنستدعي اي حد فيكوا ف اي لحظه... الاسعاف ع وصول وهينقلوه المشرحه... عايزك شويه..

الظابط خد الكابتن بعيد...

يادوب عدي اخد نفسه...

الكابتن: يلا ياشباب عشان نلم الحاجه...

مشوا معاه وعدي مشي بالراحه عشان يمشي جنب اسيل ورا...

اسيل بهمس: انت كويس!!

عدي: مش مهم... المهم دلوقتي الدم اللي ع المطواه دا دمي انا..

اسيل: لازم نجيب المطواه ونتخلص منها..

عدي: ازاي!

اسيل: عدي.. الاسكيت فين!!

عدي: صلاة النبي احسن..

اسيل: روحنا ف داهيه..

عدي: الاسكيت موجود مكان مانا كنت مستخبي لمؤنس..

اسيل: لو لقوه هنعمل اي!!

عدي: لازم ارجع اجيبه..

اسيل: هاجي معاك..

عدي: لا امشي معاهم قبل ماحد ياخد باله..

اسيل: لا... ع الاقل لو حد سأل هتقول اني تعبتك وانا بمشي او رجلي كانت وجعاني... اي حاجه يعني.. المهم يلا بسرعه...

رجعوا المكان... والمفروض عدي كان مستخبي ف حته جنب مكان الحادثه دي..

فضلوا يدوروا عليه بس ملوش اثر..

عدي: انا متأكد اني سايبه هنا..

اسيل: لايكونوا لقوه..

عدي: طب دوري كويس...

ـ بتدوروا ع دا ؟!

.............................

وعد: الدكتور قالك اي..

متيم: قال انك كويسه.. متقلقيش..

وعد: طب انا هروح فين دلوقتي!!

متيم: عندي مكان تاني.. انتي مبتسمعيش الكلام ليه.. انا مش قولتلك بلاش تكلمي حد ولا تردي ع حد!!

وعد: ماهي دي صحبتي وانا مفكرتش انها ممكن تبيعني ليهم كدا...

متيم: مش مشكله... هوديكي مكان تاني.. المهم ارتاحي دلوقتي..

.................................

عدي واسيل لفوا ع الصوت لقوا فريده واقفه ومعاها الاسكيت...

الاتنين بصوا لبعض وسكتوا..

فريده: هو دا اللي بتدوروا عليه!!

عدي: لقيتيه فين!!

فريده: قتلتوه!!

اسيل: احم.. هو مين..

فريده: مؤنس يااسيل... هيكون مين..

اسيل: اي الكلام الفارغ دا.. احنا ع اخر الزمن هنقتل!!

فريده: فهموني عشان مروحش اقول للكل دلوقتي..

اسيل: لا.. فريده.. اكيد مش هتعملي كدا..

عدي: هنفهمك كل حاجه.. بس بلاش حد يعرف..

اسيل: المهم لازم نرجع دلوقتي عشان احنا اتأخرنا عليهم... تعالي نرجع وهنفهمك كل حاجه...

رجعوا مكان الشباب وكانوا لموا حاجتهم..

الكابتن: كنتوا فين!!

عدي: اسيل رجلها تعبتها وقعدت ارتاحت شويه..

الكابتن: طب يلا ادخلوا لموا حاجتكوا عشان نمشي...

دخلوا لموا كل حاجه وركبوا الباص...

اسيل دخلت قعدت جنب الشباك ف اخر كرسي وراه خالص... عدي ركب وراح قعد جنبها..

بصتله ومتكلمتش...

الباص طلع والجو متوتر وكل اتنين بيتكلموا مع بعض وبيفسروا اللي حصل..

اسيل ايدها كانت بتترعش وباصه من الشباك..

عدي حط ايده ع ايدها وهي بصت ع ايدها وبصتله..

عدي: متخافيش.. اتطمني.. مش هسمح لحد يضرك..

اسيل: عدي.. لو حد عرف هنعمل اي..

عدي: محدش هيعرف... متقوليش لحد.. فريده هنفهمها واكيد مش هتقول لحد.. المهم انتي يااسيل.. ارجوكي بلاش توتر..

اسيل: دا مات.. انت متخيل!!

عدي: اشش.. وطي صوتك.. اسيل.. لو مكانش مات كنت انا اللي هموت... وكان ممكن يعمل فيكي حاجه.. دا غير انه يستاهل... يستاهل يااسيل.. دا غير اننا مكنش ف نيتنا قتل..

اسيل: قصدك مكنش ف نيتي... انا اللي قتلته مش انت..

عدي: لا.. انا معاكي ف كل حاجه... وطي صوتك بقاا عشان محدش يسمعنا...

فضلوا طول الطريق الكل قاعد ع اعصابه لحد ماوصلوا... عدي واسيل وفريده نزلوا وراحوا قعدوا لوحدهم بعيد...

فريده: فهموني بقاا..

عدي: فريده.. هنحكيلك.. بس لو سمحتي محدش يعرف حاجه...

فريده: انتوا متخيلين حجم المصيبه!!... دا مات..

اسيل: ماخلاص بقاا.. انا اصلا ع اعصابي وقلبي هيقف.. يعني هو احنا كنا نقصد نقتله!!

عدي: اسيل.. اهدي.. اسمعي يافريده..

حكالها كل اللي حصل...

فريده: يعني هو كان هيقتلك!!

عدي: ايوا.. ولو مش مصدقاني ادي الجرح..

فريده: يبقى الدم اللي كان ع المطواه دا دمك انت..

عدي: بالظبط.. واسيل كانت عايزه تبعده عني بس.. مكانتش تقصد تموته...

فريده: لو اللي حكيتوه دا صح، فانتوا كدا مش ذنبكوا حاجه... بس محدش هيصدقكوا... دا قتل... ممكن جدا يفكروكوا فبركتوا حكايه عشان تطلعوا نفسكوا من الموضوع..

اسيل: عدي.. المسدجات..

عدي: مسدجات اي!!

اسيل: المسدجات اللي بعتها لمؤنس عشان يجيلي المكان دا... اكيد هيدوروا ف الفون ولما يلاقوا الكلام دا هنتكشف...

عدي: الله اكبر... كدا احنا محتاجين الفون والمطواه والسلسله....

اسيل: مش عارفه السلسله وقعت مني ازاي..

عدي: طب الفون فين..

اسيل: صحيح كان معايا.. استنى...

طلعت الشنطه ودورت فيها ولقته..

اسيل: اهو...

عدي: امسحي المسدجات بسرعه... وياريت تمسحي دول بس... يعني متجيش جنب حاجه تاني...

اسيل: انا شايفه اننا نتخلص من الفون افضل...

عدي: طب كدا قاعد السلسله والمطواه... المطواه عليها دمي والسلسله بتاعتك... دول لوحدهم هيودونا ف داهيه...

فريده: عندي حل ممكن يساعدنا..

عدي: اي هو..

فريده: ف المكان اللي بيشيلوا فيه الادله اللي بيلاقوها.. ابن عمي ظابط وهو اللي بيقعد هناك... ممكن دا يساعدنا ولا اي..

عدي: ايوا طبعا.. كملي... المهم مش هنقوله حاجه.. بصي... انتي هتروحي تلهيه وتتكلمي معاه ف اي حاجه وانا اتسحب وادخل ادور ع الحاجه.. ماشي!!

اسيل: وانا!!

عدي: انتي هتروحي..

اسيل: لا طبعا انا جايه معاك..

عدي: لا يااسيل.. ملكيش لازمه معايا... هتلخميني وخلاص..

اسيل: مش هسيبك ياعدي.. ا قصدي يعني انا معاك ف كل حاجه.. اكيد مش هسيبك تروح لوحدك...

فريده: خلاص خليها تيجي.. المهم هنروح امتى!..

اسيل: دلوقتي..

عدي: مظنش انهم لسه وصلوا... هما لسه بيدوروا ع اي حاجه هناك... نخليها بكرا افضل...

فريده: تمام..

عدي: فريده.. انتي الوحيده اللي عارفه الموضوع دا.. ارجوكي بلاش حد يعرف..

فريده: لا انتوا مظلومين... وانا لولا عارفه وساخة مؤنس مكنتش صدقتكوا... ربنا يعديها ع خير...

عدي: طب يلا روحوا عشان اهلكوا..

اسيل: الاول لازم تروح تخيط الجرح دا..

عدي: ملكيش دعوه انا هتصرف..

اسيل: لا هتيجي معايا المستشفى دلوقتي ياعدي.. ومش هروح غير لما اتطمن عليك.. اصلا تلاقيه واجعك جدا وانت مستحمل عشان محدش يلاحظ...

فريده وعدي بصوا ليعض وابتسموا...

اسيل: بتضحكوا ع اي!.

عدي: لا ولا حاجه... خلاص روحي انتي يافريده وهي هتروح معايا ونتقابل بكرا..

فريده: ماشي...

فريده مشت واسيل راحت مع عدي المستشفى وطول الوقت قلقانه وباين عليها القلق وهو باصصلها ومبتسم...

خيط الجرح وخرجوا...

عدي: تعالي اروحك بقاا..

اسيل: مش شايف ان في حاجه غريبه!

عدي: زي اي!

اسيل: متيم شاف الصور ومشوفتش اي رد فعل.. ولا حتى رن عليا..

عدي: مش عارف... بصي انتي روحي وابقي طمنيني..

اسيل: ماشي...

وصلها البيت ومشي...

جوري: يعني رجعتي بدري!

اسيل: متيم فين!

جوري: معرفش... خرج من الصبح ومرجعش..

اسيل: وبابا وماما فين!

جوري: مسافرين ياختي..

اسيل: هو مش المفروض بابا تعبان!

جوري: لا دي كانت حدوته عشان متيم يرجع ع طول..

اسيل: طيب.. انا هطلع اخد شاور بقاا..

طلعت اوضتها وقفلت الباب ع نفسها... خدت شاور وبعدين طلعت قعدت ع السرير وافتكرت اللي حصل.. كل اللي حصل مش متصدق... ف لمح البصر بقت قاتله.. وكمان بتحاول تمحي جريمتها... فضلت بين الافكار دي وفجأه جتلها مسدج...

عدي: انتي بخير!

اسيل: ايوا.. متيم مش هنا..

عدي: ربنا يستر.. متخافيش اكيد مش هيعملك حاجه..

اسيل: مقتنع باللي بتقوله!!

عدي: بصراحه لا... ولو بإيدي اخليكي معايا ومحدش يقدر يبصلك حتى... بس مليش اني اتدخل.. ع العموم طمنيني لو حصل اي حاجه..

اسيل: ماشي..

.....................................

متيم: انا هنقلك الشقه وبعدين همشي عشان عندي مشوار مهم..

وعد: لا متسيبنيش لوحدي..

متيم: ماهو مينفعش ابات معاكي..

وعد: ع الاقل خليك لحد ماانام..

متيم: بصي هروح المشوار ع السريع وارجعلك.. دلوقتي بس لازم انقلك الشقه...

نقلها الشقه ومعاها ممرضه وهو رن ع اسيل...

متيم: انتي فين..

اسيل: احم.. ف البيت.. هو..

مكملتش راح قفل السكه وطلع ع البيت..

دخل البيت وبقى بينادي بصوت عالي...

متيم: اسيييل... انتي فين..

كانت سامعه صوته من فوق ومش قادره تنزل...

طلع رزع الباب ومسكها من شعرها...

متيم: وحياة امي لاعلمك الادب... بتخليني امشي وتدوري ع حل شعرك معاه!!

اسيل بعياط: اوعى.. ابعد عني..

متيم: ابعد اي.. الظاهر دلع ابوكي خلاكي صيعتي..

جوري: انت اتجننت... سيبها..

متيم: ابعدي انتي..

جوري: ازاي تمد ايدك عليها!!

متيم: وهمدها عليكي انتي كمان لو مبعدتيش عني دلوقتي...

وراح زقها بعيد... وفضل يضرب ف اسيل وجوري جرت رنت ع باباها...

جاك: بتقولي اي!!

جوري: متيم عمال يضربها ومش راضي يسيبها..

جاك: انا ف الطريق.. سلام..

جاكي: في اي..

جاك: متيم بيضرب اسيل.. اتجنن بعيد عنك..

جاكي: طب هنعمل اي..

جاك: هنرجع.. يلا بسرعه...

لحسن الحظ كنا جوا مصر مش برا فرجعنا بسرعه...

........................

ـ يالهوي.. مين عمل فيك كدا يابني!!

عدي: متقلقيش ياامي انا كويس...

ـ كويس اي.. اي اللي حصلك!!

عدي: ماما... اتطمني.. انا كويس جدا.. ابوس ايدك بلاش تقلقي انتي تعبانه..

ـ طب طمني يابني.. مين عمل فيك كدا...

عدي: بصي.. واحد كان بيعتدي ع واحده وانا روحت احوش عنها وهو عورني كدا... هل كان المفروض اسيبه يعتدي عليها واقف اتفرج؟!

ـ لا طبعا.. بس مش تاخد بالك!

عدي: اهي عدت ع خير.. اهدي بقاا ياقمر واعمليلي حاجه اكلها عشان انا واقع...

ـ هعملك شوية اكل انما اي.. عظمهه..

عدي: ايوا ياجامد انت... دلوقتي عرفت ابويا متمسك بيكي لي ومش راضي يتجوز عليكي..

ـ بس ياواد... بلا يتجوز عليا.. وهو هيلاقي احلى مني فين!

عدي: اصلا اصلا مفيش منك اتنين..

..............................

متيم كان قاعد تحت وعمال يهز رجله بعصبيه بعد ماضربها واغمى عليها...

جاك دخل بسرعه...

جاك: بتضرب اخواتك وانا عايش!!!... امال لما اموت هتعمل فيهم اي؟!!!

جاكي: ازاي تمد ايدك عليها... اي اللي حصل!

متيم: ااه.. المفروض اشوف اختي ماشيه ع حل شعرها واقف اتفرج... احمدوا ربنا اني مكسرتش رقبتها..

جاك: اخرس يلااا.. مين سمحلك تضربها..

متيم: مش لما تعرف هي عملت اي الاول!!

جاك: من غير مااعرف... ملكش انك تمد ايدك عليها.. لما اموت ابقى اضربها واعمل عليها راجل.. طول مانا عايش لو مديت ايدك عليها انا هكسرهالك... بنتي غلطت انا احاسبها واعملها الادب.. انت فاهم!!

متيم: طلعت انا الغلطان ف الاخر!.. انا اصلا كنت مستنيكوا تيجوا عشان تستلموها لحد مااجيب بطن الوسخ التاني..

جاك: اقف مكانك وفهمني في اي..

متيم طلع الفون ووراله الصور..

متيم: اتفضل.. شوف المحترمه بتعمل اي..

جاك شاف الصور واتصدم...

جاك: انا هطلعلها... وانت حسابك معايا بعدين.. ومتتحركش من هنا ولا تروح لحد.. مش هعيد كلامي تاني.... جي خليكي معاه متخليهوش يخرج...

طلع عند اسيل لقاها قاعده ف زاوية الاوضه وعماله تعيط ووشها فيه دم وايديه معلمه ع كل حته ف جسمها.... اول ماشافت جاك طلعت تجري عليه حضنته...

جاك: بس خلاص... اهدي..

اسيل بانهيار: انا معملتش حاجه.. والله ماعملت حاجه..

جاك: اهدي الاول.. تعالي اقعدي.. اهدي خالص.. متيم هيتحاسب ع اللي عمله دا.. مهما كانت غلطتك مينفعش حد يمد ايده عليكي.. ولا حتى انا.. حقك عليا انا هعلمه الادب...

بدأت تهدى وتطمن بوجوده معاها..

جاك: فهميني بقاا بالراحه اي دا؟!

اسيل: هتصدقني؟!

جاك: لو قولتي الحقيقه هصدقك اكيد...

اسيل بعياط: والله العظيم هقولك كل حاجه... انا معملتش حاجه وحشه والله...

جاك: اتكلمي بالراحه ومتخافيش... انا معاكي...

اسيل: دا عدي.. صاحبي.. كنا بنلعب ع الاسكيت انا وهو وهو كان... كان بيعلمني عليه.. ووقعت وهو لحقني واللي لقط الصوره لقطها ف الوضع دا عشان تفهموا غلط... ولو حضرتك قلبت كدا هتلاقي باقي الصور وانا راكبه ع الاسكيت وهو واقف بعيد وفي صور بيسندني فيها... وحياة ربنا ما عملت حاجه غلط... دا غير ان.. اللي خد الصور دي مؤنس... اللي خدني معاه الشقه قبل كدا.. وعدي هو اللي لحقني.. فهو حب يتنقم مننا احنا الاتنين... عدي صاحبي وزي اخويا والله عمره مابصلي بطريقه مش كويسه... مؤنس هو السبب والله.. هو اللي عمل كدا عشان تصدقوا اني بعمل حاجات غلط..

كانت بتتكلم وتترعش والكلام بيطلع بالعافيه..

جاك: اهدي.. اهدي خالص.. متخافيش

اسيل: يعني مصدقني!!

جاك: مصدقك.. المرادي بالذات مصدقك وواثق فيكي.. متعيطيش...

حضنته وفضلت تعيط ف حضنه وانا طلعت...

جاكي: اي ياحيوا....

جاك: جي!!... اطلعي بره..

جاكي: هو اي اللي اطلعي بره!!... انت مشوفتش الصور!.. دي عايزه تتربى..

لسه هقرب منها راح بعدني..

جاك: اطلعي بره ياجي.. مش كفايه اللي الحيوان التاني عمله!!.. انزلي يلا..

نزلت وقفلت الباب...

جاك: خلاص اهدي بقا.. محدش هيقربلك تاني.. يلا ياحبيبتي نامي وانا هنزل اعلمه الادب..

اسيل: انا بحبك قوي.. وصدقني عمري ماهعمل حاجه تخذلك ابدا..

جاك: واثق ياحبيبتي.. اهدي ونامي..

نامت وغطاها ونزل...

جاكي: انا مش فاهمه انت ازاي تعمل كدا!!

جاك: مش عايز اسمع كلمه..

راح قعد جنب متيم..

جاك: انت تعرف عنوان عدي!!

متيم: ايوا..

جاك: تقوم تجيبه هنا... ولو لمسته بس صدقني هقل منك قدامه... تجيبه هنا بالكلام... لو سألته وعرفت انك اتخانقت معاه هتزعل مني..

متيم: هتكافئه يعني انه اعتدى عليها!!... ولا كان بمزاجها!!

جاك: متيم!!.. كلمه كمان وهتزعل.. يلا قوم...

متيم قام بضجر وراح عند عدي..

عدي فتح وكان متوقع ان دا هيحصل..

عدي: لو سمحت.. امي هنا.. انا هنزل معاك بهدوء..

متيم: مش جاى اتخانق... ابويا عايزك..

متيم: تمام..

خرج معاه وراحوا الڤيلا...

متيم: اديني جبته.. وبعدين!

جاك: ازيك ياعدي!

عدي استغرب من طريقته.. كان مفكر انه هيتخانق معاه...

عدي: الحمد لله.. كويس..

عدي: تعالى معايا..

خده ودخل المكتب وانا دخلت وراهم..

جاك: جي اطلعي بره لو سمحتي..

جاكي: لا... هقعد عشان افهم..

جاك: احكيلي بقاا ياعدي اللي حصل..

عدي: بالنسبه لأي بالظبط..

جاك: بالنسبه للصور.. ومش عايز لف ودوران..

عدي: مش مضطر الف وادور ع حضرتك... لان فعلا احنا معملناش حاجه غلط...

جاك: طيب احكيلي..

اسيل فتحت الباب ودخلت..

اسيل: بابا ان....

اتصدمت لما لقت عدي تحت..

جاكي: اطلعي اوضتك..

عدي: مين اللي عمل فيكي كدا!!...

جاك: اقعد ياعدي..

عدي: ياعمي لو سمحت.. هي معملتش حاجه عشان يحصل فيها كدا... لو في حد غلطان فاعتبروني انا الغلطان واعملوا فيا اللي انتوا عايزينه انا موافق.. بس بلاش تضروها هي.. ليه تعملوا ف وشها كدا.. هي معملتش حاجه والله.. والصور مش زي ماهو واضح قدامكوا... دي لعبه عشان تصدقوا...

جاك: اهدى ياعدي.. اولا مش انا اللي عملت فيها كدا... دا متيم.. وهيتحاسب جامد قوي... انا معنديش بنات تتضرب... اطلعي اوضتك يااسيل..

اسيل: حاضر..

جاك: احكيلي بقاا...

..............

جوري: مين عدي دا!!

اسيل: ابقي اسألي بابا..

سابتها وطلعت اوضتها..

متيم: مش عارف ابوكي بيفكر ازاي.. لو سابني عليه هطلع اللي ف بطنه..

جوري: مش يمكن فاهم غلط!

متيم: ماتخرسي انتي كمان..

................

جاكي: يعني الصور دي مش حقيقيه!!

عدي: لا حقيقيه... بس مش بنفس الفكره اللي انتوا خدتوها... وانا حكيت اللي حصل...

جاك: وانا مصدقك.. انا بس جبتك عشان اقولك كلمتين.. انا معنديش اغلى من بناتي.. ولولا اني واثق انك مش هتضرها مكنش زمانك سليم دلوقتي... بس انا عارف انك مش ممكن تضرها... ياريت تبعد اسيل عن اي مشاكل...

عدي: متشكر ع ثقة حضرتك بس.. يعني ياريت محدش يكلمها.. يعني هي معملتش حاجه و..

جاك: متشغلش بالك.. مش هتخاف ع بنتي اكتر مني.. تقدر تتفضل دلوقتي...

عدي: تمام.. بس عايز اقول لحضرتك اني اخر واحد ف الدنيا ممكن يضرها او يإذيها... وحقيقي ممكن استحمل اي حاجه عشانها.. محدش هيخاف عليها قدي والله..

جاك: عارف..

عدي: عن اذنكوا..

مشي وانا روحت قعدت قدامه..

جاكي: هو انت عايز تشلني!!... اي البرود اللي انت فيه دا!!

حط رجله ع المكتب وابتسم..

جاكي: لا بقاا.. دانت اتجننت فعلا..

جاك: ممكن تهدي!

جاكي: اهدى اي.. انت صدقت النمره اللي عملها دي!!

جاك: مش نمره خالص.. دا اللي حصل فعلا...

جاكي: واي اللي مأكدلك كدا!!

جاك: مشوفتيش نظراتها وهو بيتكلم عنها!.. مشوفتيش قلقه عليها لما شافها كدا... ولا ازاي بيترجاني مضرهاش...

جاكي: جااااك.. بطل استفزاز.. دا عيل من الشارع اكيد..

جاك: لا مش من الشارع... هو بيحبها..

جاكي: بيحبها!!.. لا طبعا..

جاك: هو اي اللي لا طبعا!!.. بيحبها.. ودا واضح ف عينيه من غير مايقول...

جاكي: موتي هيكون ع ايدك..

جاك: نفس النظرات دي كانت ف عيني لما كنتي هتضيعي مني وامك مكانتش موافقه عليا.. وكنت بتكلم عنك بلمعة العين دي... انا جربت اللي هو حاسس بيه دلوقتي.. بيحبها ياجي..

جاكي: حتى لو بيحبها.. مينفعش يتقابلوا تاني خلاص.. كفايه اللي حصل..

جاك: بس دا مكنش رأيك لما كنا بنتقابل انا وانتي..

جاكي: انا وانت وضعنا كان مختلف..

جاك: حب.. دا حب ودا حب.. جي.. خدي بنتك ف حضنك وبلاش قسوه... اتكلمي معاها بالراحه... دي بنت ومسيرها هتحب ف يوم من الايام.. فلما تلاقينا معاها ومتفهمين كل حاجه اكيد مش هتخبي علينا اي حاجه... ولو حصل معاها اي ظرف هتحكيلنا ع طول..

متيم دخل...

متيم: يعني خرج!

جاك: عايز اي..

متيم: انتوا عايزين تجننوني!!.. ازاي تسيبوه يمشي..

جاك: اول واخر مره صوتك يعلى قدامي..وبعدين انا جيت خلاص.. يعني انا اللي اخد القرارات واتصرف.. ولا حضرتك اللي هتمشي كلامك عليا!!

متيم: عن اذنكوا..

جاك: استنى عندك..

قام من ع المكتب وراحله...

جاك: اطلع عند اختك قدامي..

متيم: ليه..

جاك: اطلع قدامي وهتعرف...

طلعوا عند اسيل وكانت لسه قاعده مكانها...

دخلوا وقفل الباب...

جاك: دا منظر!!... يعني دا ينفع!!... ينفع تعمل فيها كدا!!

طب ادينا دورنا ف الموضوع وطلعت مظلومه ومعملتش حاجه... هتصلح اللي عملته دا ازاي!!

متيم: مظلومه ازاي!

جاك: مظلومه وخلاص.. انا عرفت انها معملتش حاجه.. هاا.. يلا وريني بقاا هتصلحه ازاي..

متيم: دا رد فعل طبيعي.. المفروض كنت اعمل اي يعني!.. دي تحمد ربنا اني مروحتلهاش هناك وهزقتها قدامهم..

جاك: عارف لو كنت عملت كدا!!.. مكنتش دخلت البيت دا تاني... في مليون عقاب تقدر تعاقب اي حد بيه غير الضرب والاهانه وكسرة الخاطر... بس حضرتك بتستقوى عليها لانك راجل صح!.. وعطيت لنفسك الحق انك تضربها وانا موجود... مش بقولك اهمل اخواتك او متاخدش بالك منهم... بس كمان انت بتغلط.. هل في ف مره واحده منهم مدت ايديها عليك!!.. مع انك بتغلط عادي... متيم.. اقسملك ان دي اخر مره هسمح فيها باللي حصل دا.. لو حصل تاني هيبقى حسابك عسير.. غلطت انا احاسبها.. اياك اقطع رقبتها.. انت متمدش ايدك عليها نهائي... تعالي يااسيل...

قامت وقفت جنبه..

جاك: اضربيه زي ماضربك..

بصتله بصدمه ومتيم سكت..

جاك: سمعتي!!... اضربيه زي ماضربك..

اسيل: لا يابابا مش عايزه..

جاك: هو اي اللي مش عايزه!.. هو مش مد ايده عليكي!!.. خدي حقك.. ومتسمحيش لحد يمد ايده عليكي يااسيل... بكره تتجوزي وتلاقي اللي يمد ايده عليكي.. وانا مش هسمح بدا.. يلا خدي حقك..

اسيل: بابا.. انا مسامحاه.. اكيد مش همد ايدي عليه..

جاك: هتمدي ولا امد انا!!

راحت ضربته قلم خفيف خالص ع وشه..

اسيل: انا كدا متراضيه والله..

جاك: اعتذر لاختك وبوس دماغها..

متيم: انا اسف..

وجه باس دماغها...

راحت حضنته..

جاك: شوفت... ياريت تحترم الحب دا بعد كدا...

سابهم ونزل...

متيم: اسيل.. انا اسف.. متزعليش..

اسيل: مش زعلانه.. انا بس عايزه اقولك اني مش زي مانت فاكر..

متيم: عارف.. انا بس من خوفي عليكي معرفتش انا بعمل اي.. حقك عليا...

.................................

عند ادم ف البيت... الباب خبط..

ـ مراد فين!

ادم: موجود يافندم... خير..

ـ مطلوب القبض عليه..

ادم: ممكن اعرف بتهمة اي!

ـ هتعرفوا ف القسم... هاتوه...

نور: لا محدش هياخد ابني.. ابعد كدا..

ادم: نور.. خليهم يشوفوا شغلهم..

خدوه ومشوا...

نور: انت هتسيبه كدا!!... الواد هيروح ف داهيه.. اتصرف ولا اعمل اي حاجه...

ادم: انا هروح وراه.. اهدي بقاا وخليكي هنا...

نزل راح وراه وهي لبست وراحت لجاك...

نور: جاك.. جاك الحقني..

جاك: في اي..

نور: مراد.. مراد اتقبض عليه..

جاك: اهدي طيب.. اي اللي حصل.. فهميني

نور: معرفش... جم البيت وخدوه... هاتلي ابني والنبي...

جاك: خلاص اهدي انا هتصرف...

سابنا ومشي...

جاكي: اهدي يانور جاك هيحلها.. اهدي مش كدا..

متيم سمع الصوت ونزل...

متيم: في اي..

جاكي: قبضوا ع مراد ابن عمتك...

متيم: ليه..

جاكي: اجري روح ورا ابوك..

متيم: حاضر..

جاكي: اهدي بقاا بطلي عياط..

.......................................

اسيل فونها رن..

عدي: انتي كويسه!

اسيل: ايوا..

عدي: انا اسف..

اسيل: ع اي..

عدي: حاسس اني السبب..

اسيل: لا مش انت السبب.. متقلقش..

عدي: طب انا فهمت باباكي كل حاجه.. اتمنى ميكونش ضايقك..

اسيل: لا... بابا صالحني عشان متيم مد ايده عليا.. وخلاه اعتذرلي كمان..

عدي: ريحتيني ياشيخه... طب هتيجي معايا بكره ازاي.. ماتخليكي وانا هروح مع فريده..

اسيل: لا هاجي معاكوا..

عدي: ماشي.. اسيبك ترتاحي..

.........................................

عدى اليوم وجاك مع ادم بيحاولوا يخلصوا مراد من الموضوع دا ومتيم معاهم...

تاني يوم...

اسيل: صباح الخير..

جاكي: صباح النور..

اسيل: ماما انا خارجه..

جاكي: خارجه فين بوشك دا..

اسيل: خارجه مع فريده صاحبتي..

جاكي: حارجين فين..

اسيل: هنتمشى شويه عشان مخنوقه..

جاكي: روحي معاها ياجوري..

اسيل: شاكه فيا!

جاكي: مقولتش كدا..

اسيل: مش محتاجه تقولي..

جوري: ماما.. خليها تخرج.. دا غير اني مش فاضيه بصراحه عشان اخرج معاها..

جاكي: متأخريش طيب..

خرجت وراحت لعدي..

فريده: اي اللي ف وشك دا!!

اسيل: مش وقته.. المهم ها عملتوا اي..

فريده: الساعه كام معاكي..

اسيل: الساعه ١٢...

فريده: يلا هنبدأ دلوقتي...

عدي: يلا..

روحنا هناك ووقفنا بره...

فريده: انا هدخل اشوف الدنيا فيها اي..

دخلت جوه واحنا استنيناها بره..

ـ اي دا اهلا.. بتعملي اي هنا..

فريده: ازيك.. قولت اجي اسلم عليك.. بدل مانت قاعد لوحدك كدا..

ـ اه والله دا الواحد زهق من القعده لوحده..

فريده: هو مفيش حد معاك هنا خالص!

ـ لا لسه مجوش...

فريده: طب كنت عايزه اتكلم معاك ف موضوع كدا بره..

خدته وطلعت وشاورتلهم عشان يدخلوا... دخلوا بالراحه وقفلوا باب الاوضه اللي فيها كل الادله وفضلوا يدوروا...

عدي: خلي بالك متوقعيش حاجه..

اسيل: ماشي بس يلا بسرعه...

فضلوا يدوروا كتير قوي...

عدي: لقيتهم..

اسيل: طب يلا بسرعه...

حطهم ف جيبه وجه يفتح الباب راح قفله تاني..

اسيل: اي..

شدها ورا الباب وحط ايده ع بوقها..

عدي: اشش.. في حد بره..

اسيل: طب هنعمل اي..

عدي: لو مسكونا هنا هنروح ف داهيه...

فجأه سمعوا صوت خطوات جايه ناحية الباب...