رواية قلبي ليس بيدي 3 الفصل السابع 7 بقلم حسناء رمضان

عدي: اي دا!!

اسيل: معرفش..

خد منها الفون وشاف الرقم..

عدي: دا مؤنس..

اسيل: ايوا.. بس.. جاب الصور دي منين... واي الصور دي اصلا..

عدي: دا لما كنا بنلعب وانتي وقعتي عليا..

اسيل: يعني اي بردو.. والصور دي بتعمل اي معاه!!

عدي: اهدي.. انا هعلمه الادب..

اسيل: ادب اي انت كمان!!... اي حد هيشوف الصور دي مش هيصدق اي حاجه من اللي هنقولها.. انت شايف الصور عامله ازاي!!... نهار اسود لو بعتها لمتيم...

عدي: احنا معملناش حاجه غلط... واكيد مهما حصل هنعرف نتصرف يعني..

اسيل: وسمعتي... والكلام اللي هيتقال عليا!!!... هو انا همشي امسك لسان كل واحد!!... واديك شايف البنات اللي معانا بصورم ازاي.. ماهيصدقوا يلاقوا حاجه زي دي..

عدي: متخافيش.. الصور دي متاخده من ساعة ماكنا بنلعب ويادوب لسه باعتهم دلوقتي... ومن وقتها مفيش حاجه حصلت ولا حد قال حاجه... معنى كدا ان محدش لسه عرف حاجه... يعني ممكن نلحق الموضوع...

اسيل: لا لا اكيد مش هيصدقوا... طب.. طب انا هقول لبابا اي!!... دانا ماصدقت خليته سامحني ع اللي عملته... دي فيها موتي..

عدي: لا.. محدش هيقربلك... عشان انتي معملتيش حاجه... ولو رست ياست اني اقول ان انا اللي اعتديت عليكي وانك ملكيش ذنب.... او انتي كنتي بتلعبي وانا شديتك... اي حاجه يعني.. المهم مش هخلي حد يقول عليكي كلمه وحشه... متخافيش انا معاكي..

اسيل: ميفرقش معايا حد.. بس... بابا هيزعل مني قوي..

عدي: لو الموضوع وصله انا هروحله بنفسي واقوله الحقيقه بردو... بس الواضح دلوقتي انه لسه مقالش حاجه لحد...

اسيل: طب هنعمل اي..

عدي: اهدي وفكري معايا بالعقل ازاي ناخد منه الصور دي..

اسيل: ايوا عندي فكره...

......................

ادم: هنعمل اي ف المصيبه دي!!

مراد: انا مقتلتوش.. انا بس كنت بشرب معاه..

ادم: وحياة امك!!... ابقى قول الكلام دا لما يقبضوا عليك بقاا..

نور: ويقبضوا عليه ليه!!... هو مضربوش ع ايده عشان يشرب..

ادم: بطلي بقاا قرف... بطلي تدافعي عنه... هتوصلينا لفين تاني!!... في واحد مات... عارفه يعني اي!

نور: ابني غلط... بس مش معنى كدا انه يشيل تهمة قتل..

ادم: لو طلع منها هيلبس ف البودره والحشيش والقرف اللي كانوا معاه...

اياد: اكيد هتساعده يابابا... مش هتسيبه يتسجن يعني...

ادم: المفروض ياخد عقابه..

نور: ادم.. عشان خاطري... اوعدك دي اخر حاجه هيعملها غلط وهيمشي عدل بعد كدا... بس ارجوك متبعدش ابني عني...حاول تتصرف بأي طريقه.. ولا اقولك!... جاك.. جاك هيعرف يطلعه منها بتليفون واحد..

ادم؛ ااه.. تليفون واحد.. صح.. عشان يلاقي الدنيا سهله ويغلط ويطلع منها زي الشعره من العجينه... صح!!... عشان يسوق فيها اكتر...

نور: قوله يامراد... قوله انك هتتعدل ومش هتعمل حاجه وحشه تاني... يابني حرام عليك وجعت قلبي معاك..

مراد:.........

..................................

متيم شاف الصور والدم غلي ف عروقه... خد العربيه وطلع ع عندهم بسرعه....

.......

مؤنس: خير.. يعني بعتيلي!

اسيل: عايزه اتكلم معاك..

مؤنس: من امتى دا!!... ولا عشان الصور!

اسيل: اثبتلي انك غبي قوي.. الصور دي لو وريتها لاي حد محدش هيصدق... عارف ليه... عشان. الكل عارف اني مبحبش عدي... يعني اكيد الصور مش حقيقيه... ياغبي انا بحبك انت... ازاي متخيل اني ممكن اسيبك وابص لعدي!!...

مؤنس: دا بجد!!... امال دايره معاه ليه!

اسيل: انا مش دايره مع حد... انت اللي متخيل كدا... مع اني زعلت منك من ساعة اللي حصل... بس حبيت اوضحلك اني لسه بحبك..

مؤنس: انتي بتتكلمي بجد!

اسيل: ههزر معاك ليه.. اقولك!... تعالى معايا..

مؤنس: ع فين!

اسيل: هندخل شويه كدا عشان محدش يشوفنا..

مؤنس: يلا ياقمر..

دخلوا ف حته بعيده وعدي جه من وراه بسرعه وضربه... فضلوا يضربوا ف بعض واسيل واقفه حاطه ايدها ع بوقها...

مؤنس كان ف جيبه مطواه... طلعها وعور عدي جنب رقبته ووقعه ع الارض ورفع المطواه عشان يغرزها ف قلبه....

...................................

جاك: هاا.. اي رأيك ياقمري..

جاكي: الله.. دا تحفه قوي..

جاك: هو تحفهه عشان انتي فيه بس..

جاكي: مش هتبطل تعاكسني يعني!

جاك: تؤتؤ... ماهو بصراحه محدش يقدر يقاوم الجمال دا كله...

جاكي: حاساك بتاخدني ع قد عقلي وبتثبتني عشان مشكش فيك وتخوني براحتك...

جاك: طب قولي مثلا مين دي اللي ممكن تلفت نظري وابصلها وانتي معايا؟!

جاكي: في بنات احلى كتير.. وبعدين انت تعرف ناس مهمه وحلوه بردو..

جاك: امم.. دي حقيقه فعلا... اعرف ستات حلوين ومنهم اجانب وحاجات كدا نضيفه يعني.. بس بصراحه.. ملقتش حد زيك.. مفيش حد منهم فيه ريحتك..

جاكي: قصدك اي!!.. اني ريحتي وحشه!!.. وبعدين يعني اي ناس نضيفه!.. قصدك اني مش نضيفه صح!

جاك: امم... مش هتعقلي طيب!..

جاكي: مانت اللي بتغلط اهو...

جاك: محدش فيهم فيه ريحتك مش قصدي ريحتك اللي هي.. يعني ريحتك انتي.. يعني.. اقولها ازاي دي!!

جاكي بضحك: فاهمه خلاص.. انا برخم بس.. انا اصلا عارفه اني مفيش مني اتنين...

جاك: طب والله حصل.. دانا حتى كنت بقول لما اخلف منك هيبقى عندي كام بنت شبهك كدا... هيبقى عندي منك كتير... بس محدش فيهم طلع زيك.. محدش جاب جمالك ولا روحك..

جاكي: امم.. بس متيم نسخه منك.. نفس النظرات والطبع والعصبيه.. بس بردو انت مميز...معرفش يجيب كاريزمتك... فيك حاجه مميزاك عن الكل.. حاجه قمر قوي كدا..

جاك: امم.. طب عشان الكلام الحلو دا هعملك شوية اكل انما اي.. استغفر الله يعني..

جاكي: اي حاجه منك حلوه.. كفايه انك عملتها بإيدك..

جاك: غلبتيني..

....................................

لسه هينزل بيها عليه بس اسيل جت من وراه وضربته بحجر ع دماغه فوقع ع الارض....

اسيل: انت كويس!!

عدي: كويس... اوعي خليني اشوف الفون..

قعد يدور ف جيوبه ع الفون ولقاه...

عدي: عامله بباسورد..

اسيل: انا عارفاه هات...

خدت منه الفون وفتحته ومسحت الصور...

اسيل: عدي..

عدي: اي..

اسيل: بعت الصور لمتيم..

عدي: نعم!!

اسيل: بعتهم ومتيم شافهم..

عدي: احييه..

اسيل: يعني كل اللي عملناه دا طلع فستك وملوش لازمه... يالهوي..

عدي: متقلقيش... هنتصرف..

بصوا كدا لقوا دم كتير نازل من دماغ مؤنس.... بصوا لبعض بصدمه...

عدي قعد جنبه ع الارض وحط ايده ع رقبته ملقاش نبض...

بص لاسيل وهو بيبلع ريقه... حط ايده تحت دماغه وطلعها وكانت مليانه دم...

اسيل بخوف: مات صح!..

عدي قعد جنبه ومسك دماغه..

اسيل: انت ساكت ليه!!.. ماترد عليا.. مؤنس مات!!

هز دماغه وسكت..

اسيل: قتلته... يعني انا قتلت مؤنس!!..

عدي مكنش عارف يعمل اي ولا يهديها ازاي... خاصة انهم لبسوا مصيبه....

عدي: اسيل.. اهدي.. دا كان دفاع مش اكتر..

اسيل بعياط: دفاع اي!!... دفاع اي روحنا ف داهيه..

عدي بتوتر: بصي... دا كان دفاع ع النفس.. ولو انتي مكنتيش عملتي كدا كان زماني انا مكانه... اسمعيني كويس.. احنا هنمشي من هنا... هنرجع وكإننا منعرفش حاجه...ومحدش هيعرف حاجه... فاهمه!

اسيل: انت عايزنا نمشي ونسيبه!!

عدي: اسيل... هنروح ف داهيه عشان واحد زي دا!!... صدقيني ملوش لزوم... لازم نطلع نفسنا منها.. مؤنس قذر ويستاهل...

اسيل: ومتيم!!.. اكيد جاي ف الطريق..

عدي: متيم لو وصل والموضوع اتعرف مش هيقدر يكلمك... الكل هيبقى مشغول مع مؤنس..

اسيل فضلت تعيط وهي عماله تترعش...

عدي: اسيل اهدي... لو فضلتي كدا هنتكشف... لازم تباني طبيعيه خالص... ولازم نرجع دلوقتي حالا عشان محدش يلاحظ غيابنا.... يلا..

قامت معاه ولسه هيمشوا بس اسيل وقفت..

عدي: اي..

اسيل: البصمات.. الحجر عليه بصماتي... وكمان هنرجع ازاي وقميصك فيه دم كدا!!

عدي مشي ع الحجر ومسح الدم اللي فيه وبعدين رماه بعيد ف المايه ومسح دمه اللي ع الارض...

عدي: يلا بسرعه...

مسك ايدها وطلعوا يجروا لحد ماقربوا من مكانهم...

اسيل: هندخل ازاي!

عدي: اسيل.. ايدك بتترعش.. ارجوكي اهدي... انتي معملتيش حاجه.. انتي هتدخلي دلوقتي ع خيمتك عادي خالص ولو حد سألك قوليله كنت بتمشى هنا ولا بعمل اي حاجه... ولازم تباني طبيعيه.. ماشي!

اسيل: وانت!!

عدي: انا هتصرف.. اهم حاجه انتي.. اسيل.. متقلقيش.. مش هخلي حاجه وحشه تحصلك.. يلا ادخلي...

خدت نفس ومشت عادي والحظ خدمها ف ان مكنش في حد غير فريده قاعده ع البحر... راحت هزرت معاها...

فريده: يارخمه خضتيني... كنتي فين!..

اسيل: كنت ف الخيمه..

فريده: دخلت الخيمه ملقتكيش..

اسيل: لا ماهو كنت حابه اعمل شوية رياضه وطبعا انتي عارفه الرخامه اللي هنا... فروحت جنبنا هنا وقعدت مع نفسي بقاا..

فريده: عشان كدا بتنهجي..

اسيل: ااه.. ايوا.. اكيد يعني.. بس هما الباقيين فين!

فريده: بيجيبوا حطب والباقيين ف البحر...

اسيل: احسن.. ادخل اريح شويه...

عدي اتسحب بالراحه ومكنش في حد... دخل خيمته بسرعه قلع التيشرت وقعد ينضف الجرح وبعدين لفه ولبس وخرج تاني..

ـ فينك يعم... مختفي فين كدا..

عدي: كنت نايم..

ـ مش ناوي تنزل المايه!!

عدي: لا مش دلوقتي.. فين الباقي!

ـ ف المايه وفي شويه دخلوا الغابه عشان يجيبوا حطب...

عدي: ماشي...

ـ مالك..

عدي: مالي!

ـ شكلك مرهق او متوتر..

عدي: يعم حلمت حلم وحش وخايف ع امي بس...

ـ ااه.. لا متشغلش بالك.. روح كلمها واكيد هي كويسه...

عدي: ااه اكيد.. هروح اكلمها...

خد الفون وراح بعيد..

اسيل دخلت الخيمه ويادوب خدت نفسها ومقدرتش تسيطر ع دموعها اكتر واتفلتت ف العياط وبتحاول تكتم الصوت... كانت خايفه وبتترعش... لفت نفسها وغمضت عينيها جامد وهي بتدعي انها تكون بتحلم... لحد مانعست....

متيم كان قرب يوصل للمكان وفجأه فونه رن... فتح..

وعد: اععع... متيم... الحقني..

متيم: في اي..

وعد: الحقني ه‍ هموت..

متيم: اي اللي حصل!!

وعد: ت ع ا ل ى ب....

وفجأه الخط قطع.... نسي موضوع اسيل ولف العربيه بسرعه وف دماغه الف سؤال... هيكون اي اللي حصلها واصلا محدش يعرف المكان دا نهائي...

ساق بسرعه جدا لحد ماوصل...

دخل جري ع جوا لقاها واقعه ع الارض والسكينه ف بطنها...

..............................

الكابتن: فين مؤنس ياشباب.. مش باين من بدري ليه..

ـ مش عارف.. انا شوفته ماشي كدا..

الكابتن: ايوا يعني هيكون راح فين يعني..

لارا: ممكن يكون بيتمشى شويه او حاجه..

فضلوا كدا وقت طويل والليل هيحل... واسيل طلعت قعدت معاهم وايديها بتترعش لا اراديا... عدي كان قاعد وباصصلها وبيطمنها بنظراته...

الكابتن: لا كدا في حاجه غلط.. ازاي مرجعش لحد دلوقتي.. حد يرن عليه...

لارا: رنيت كتير مبيردش...

الكابتن: لا كدا في حاجه... لازم ندور عليه... يلا..

مشيوا معاه وكل فرقه بيدوروا ف حته واسيل ماشيه تفرك ف ايديها...

الكابتن: مفيش حد هنا... اكيد حصله حاجه..

عدي: ماهو.. ممكن يكون نزل المايه مثلا..

نبيل: لا منزلش... مشوفتوش اصلا خالص..

فريده: طب يلا نكمل قبل الشمس ماتروح...

فضلوا يدوروا لحد ماوصلوا للمكان اللي موجود فيه... عدي بص لاسيل وبلع ريقه ودخل...

دخلوا والبنات صوتت..

الكل كان واقف مصدوم ومتنح... الارض مليانه دم وهو واقع ع الارض....

فريده: از.. ازاي..

الكابتن: في حاجه غلط..

فضلوا يلفوا ف المكان بس ملقوش حاجه... حاولوا يصحوه بس مكنش في نبض ومكنش بيتحرك...

الكابتن: انا لله وانا اليه راجعون...

لارا بعياط: يعني اي!!... مات!

الكابتن: ممكن يكون في حاجه هاجمته هنا..

الكل واقف مصدوم والبنات بتعيط ومحدش عارف يفكر ولا عارفين يعملوا اي...

الكابتن: لازم نبلغ البوليس...

شويه والبوليس وصل...

قعدوا يحققوا مع الموجودين ويدوروا ع اي حاجه..

الكابتن: ممكن يكون في حيوان هاجمه..

الظابط: لا.. دا مخبوط ف دماغه...

اسيل وقتها غمضت عينها واتنهدت ودموعها بتنزل.. يمكن اللي ساعدها ف انها تعيط قدامهم ان باقي البنات بتعيط ومتوترين من المنظر...

الكابتن: مخبوط ف دماغه ازاي!!.. مين هيعمل كدا..

الظابط: هنعرف دلوقتي..

فضلوا يدوروا لحد ماواحد من العساكر طلع للظابط..

ـ لقيت المطواه دي يافندم...

مسك المطواه بمنديل وكان عليها دم... بس دا دم عدي..

عدي: ممكن يكون مثلا فعلا حاجه هاجمته هنا وهو جه يدافع عن نفسه بالمطواه دي وقع ع دماغه ع حجر او حاجه... اصل مفيش اي مبرر ولا تفسير لدا...

الكابتن: ايوا معاه حق.. ممكن يكون كدا فعلا...

الظابط: لا.. في حاجه غلط ف الموضوع...

قعد ع الارض وفضل يبص حواليه وفجأه لقيناه مشي ع حاجه ف الارض ومسكها..

رفعها بإيده وكانت سلسله...

.....................................

مروان: ها قولتوا اي..

جوري: بص يامروان.. مش يمكن معاهم حق..

مروان: يعني اي..

جوري: يعني فعلا انا اكبر منك بكام سنه وممكن دا يعملنا مشاكل...

مروان: انتي مش كبيره.. انتي عندك ٢٧ ياجوري..

جوري: انا اقصد فرق العمر اللي بينا يامروان..

مروان: جوري... انا بحبك.. ودا كفايه بالنسبالي..جوري انتي كل يوم بيتقدملك عريس...افرضي ابوكي جه ف مره ووافق... موافقه تتجوزيني ولا لا!!

جوري: موافقه طبعا..

مروان؛ واهلك!

جوري: هما تقريبا اقتنعوا بس هما دلوقتي مش موجودين هنا يعني..

مروان: المهم انهم وافقوا...

...........................

متيم تنح من المنظر... شالها وراح بيها المستشفى

ـ لو سمحت لازم تملى البيانات الاول...

متيم بعصبيه: مش عايز تخلف... اخلصي نادي الدكتور..

اتخضت من طريقته وطلعت تجري جابت الدكتور ودخل لوعد....

ـ تقدر حضرتك تملى البيانات دلوقتي.. دي تعليمات يافندم..

متيم: هاتي..

ـ حضرتك جوزها!!

فكر شويه ومعرفش يقول اي..

متيم: ااه.. جوزها..

ملى البيانات واستنى لحد الدكتور ماخرج..

متيم؛ طمني يادكتور..

الدكتور: حضرتك تقرب اي للمريضه!

متيم: جوزها..

الدكتور: الضربه جت ف مكان خطر.. بس الحمد لله قدرنا نعديها ع خير... بس في حاجه..

متيم: اي هي..

الدكتور: بسبب الطعنه دي هيحصلها مشاكل ف الخلفه عشان الرحم اتأثر...

متيم: يعني اي..

الدكتور: يعني ممكن تخلف... وممكن لا... بس بنسبه كبيره هيبقى الامل ضعيف...

....................................

عدي بص لاسيل بصدمه... اسيل خلاص كان هيغمى عليها ومش قادره تتمالك نفسها اكتر من كدا.. دي السلسله بتاعتها...

الكابتن: بتاع مين دي!

محدش رد...

الظابط: لا كدا اتأكدت ان في حاجه غلط... لازم الكل يتفتش..

الكابتن: يتفتشوا ليه...دا صاحبهم.. انت مش شايف هما متأثرين ازاي!

الظابط: معلش... زيادة تأكيد..

فضل يفتش ف الشباب وعدي مصدوم ومش عارف يعمل اي... لو حد شاف الجرح اللي ف صدره هيعرفوا ع طول...

اسيل بصاله وخايفه...

الظابط وصل عند عدي وعدي غمض عينيه بيأس....