رواية قلبي ليس بيدي 3 الفصل السادس 6 بقلم حسناء رمضان

اسيل: اي الوقاحه دي!!... مين سمحلك تفتح فوني!!

عدي: هو كان بي...

اسيل: انت استأذنت الاول!!... مش معنى اني هزرت معاك شويه يبقى تسوق فيها... انت فاكر نفسك مين عشان تمسك فوني بالبساطه دي وتتكلم فيه... انت لا تعني لي اي شئ عشان تبقاا عارف بس.. ولو سمحت الزم حدودك بعد كدا...

فضل باصصلها بصدمه شويه كدا.. وبعدين الباب اتفتح وكان الكابتن ومعاه شابين..

الكابتن: اخيرا!!... انتي كويسه!

اسيل: ايوا..

الكابتن: طب يلا..

طلعت معاهم وهو فضل واقف مكانه... شويه وبعدين خد شنطته وطلع وراهم...

كانت ماشيه وراهم عشان مكانتش قادره تمشي بسرعه من رجلها... عدي سبقها وكانت ملامحه كلها حاده..

مشي معاهم وهي لسه ورا...

الكابتن: هي فين!

عدي بص وراه ملقهاش..

رجع تاني لقاها بتمشي بصعوبه راح شايلها من غير كلام... طلع بيها وهما كملوا مشي.... طول الطريق ملامحه حاده ومبصلهاش خالص وهي عماله تبصله وحاسه انها بوظت الدنيا...

فجأه وقف وتنح كدا.. غمض عينيه بوجع..

اسيل: في اي..

عدي: لا.. مفيش..

كمل مشي بس بدأ يعرج عرجه بسيطه وهي لاحظت..

اسيل: طب نزلني لو تعبان...

مردش عليها...

................................

متيم كان وصل وعد المزرعه ورجع... بعدين راحلها تاني الصبح...

متيم: صباح الخير..

وعد: صباح النور..

متيم: جبتلك اكل..

وعد: شكرا..

متيم: في حاجه حصلت!!

وعد: لا.. بس اهلي كلهم فضلوا يرنوا...

متيم: متأكده انك مش عايزه ترجعي!!

وعد: ااه.. مش عايزه..

متيم: تمام.. اقفلي فونك ومتكلميش حد.. وعندك الاكل اهو.. وأنا ماشي...

وعد: لا خليك... قصدي يعني هو انا هفضل قاعده هنا لوحدي!

متيم: ممكن اقعد معاكي لو عايزه.. انا بس عايزك تبقي براحتك...

وعد: لا خليك عادي..

.......................................

وصلوا بره الغابه وراحوا مكانهم... الكل كانوا مستنيينهم واتصدموا لما شافوا عدي شايلها كدا وهو عريان وكمان الكابتن معاهم...

فريده: في اي مالها..

الكابتن: تعبان قرصها..

لمى: نعم!!

الكابتن: متقلقوش انا هديها حقنه دلوقتي..

اسيل: مين ياخويا!!

الكابتن: اي..

اسيل: قصدي يعني.. لا مش عايزه حقن انا..

الكابتن: هو اي اللي مش عايزه حقن.. مينفعش..

اسيل: لا مش هاخد حقن..

فريده: خلاص انا هديهالها ياكابتن..

الكابتن: ماشي...

عدي دخلها جوه وبعدين راح خيمته وفضل قاعد جوه... قلع الكوتشي ولقى رجله فيها دم تقريبا حاجه دخلت فيها... لفها وقعد لوحده...

فريده: ماله عدي يااسيل..

اسيل: ماله!

فريده: شكله متضايق خالص..

اسيل: معرفش..

فريده: طب انتي كويسه دلوقتي!

اسيل: ايوا...

فضلوا قاعدين مع بعض واليوم عدى وعدي مطلعش خالص... فضلت باصه ع الخيمه بتاعته بس مطلعش..

اسيل: ماهو بردو مكنش المفروض اقوله كدا.. اي الغباء دا... مانا فتحت مذكراته وقريت من غير مااستأذن...

طب اصالحه ازاي دلوقتي...

ـ رايح فين..

عدي: هتمشى شويه..

لمى: مالك يبرو... سحبت منك ولا اي..

مؤنس: الواد عدي دا واقفلي زي اللُقمه ف الزور ياشيخه... مش عارف اخلص منه ازاي دا..

لمى: واللي يخلصك منه!

مؤنس: عينيا ليه ياشيخه..

لمى: خلاص.. سيبهولي...

مؤنس: انا من زمان بقول انك انت الوحيد اللي صاحبي والله... بقولك اي.. هو مش هنا دلوقتي.. انا هوديكي عنده....

عدي كان ف نفس المكان اللي راح فيه مع اسيل بيلعب ع الاسكيت...

بص لقى لمى عنده..

عدي: جيتي هنا ازاي!

لمى: حسيت بيك..

عدي: نعم!

لمى: زي ماسمعت.. حسيت انك هنا... مشيت ورا قلبي..

عدي: هنتجنن ولا اي ع المسا..

لمى: مالك زعلان ليه.. انا جايه اتفسح معاك..

عدي: امشي يالمى... مش ناقصك

لمى: طب ما تعلمني اسكيت معاك..

عدي: ياشيخه!

لمى: يعم يلا بطل رخامه بقاا..

جه وقف قدامها...

عدي: اتفضلي... وريني..

لمى: بس امسكني عشان انا بروطه والله...

عدي: يلا ياختي...

اسيل طلعت تدور عليه بره عشان تعتذرله بس ملقتهوش... فكرت انه اكيد ف نفس المكان...

...............

متيم: تحبي اجيبلك حاجه معايا!

وعد: لا شكرا.. بص هو بصراحه انا كنت حابه اشكرك بس مش عارفه اقولك اي الصراحه..

متيم: لا متقوليش حاجه... مكنش ينفع اسيبك لوحدك ف الشارع يعني.. المهم خليكي هنا ومتعرفيش حد اي حاجه ولا تردي ع حد... وانا هنزل اجيب شوية حاجات ممكن تحتاجيهم وهرجع ع طول..

وعد: ماشي..

متيم: باي..

وعد: باي..

.................

اسيل وصلت المكان ودخلت...

عدي بضحك: يابنتي بالراحه.. مش كدا..

لمى: ع فكره البتاع دا صعب قوي..

عدي: ولا صعب ولا حاجه.. انتي اللي غبيه..

لمى: انا غبيه!!

فضلت تضرب فيه وهما بيضحكوا واسيل واقفه تتفرج..

عملت صوت فالاتنين بصوا...

لمى: اسيل!!... بتعملي اي هنا!

اسيل: عدي.. عايزاك..

لمى: طب انا همشي يادودو وابقى اشوفك بعدين... باي..

مشت واسيل نزلت وقفت جنبه وهو بيلعب ف الاسكيت ومش مركز معاها...

اسيل: ممكن اعرف كانت بتعمل اي هنا!!

بصلها ورجع بص للارض تاني...

اسيل: بكلمك ع فكره... رد عليا..

عدي: نعم!

اسيل: لمى بتعمل اي هنا!!

عدي: ميخصكيش...

اسيل: هو اي اللي ميخصنيش... انت اهبل!!... وبعدين بتدلعك ليه هي!!

عدي: اسيل!!... انتي مالك... عايزه اي يعني..

اسيل: ااه.. طب انا كنت جايه اعتذرلك عن الطريقه اللي اتكلمت بيها الصبح..

عدي: لا مفيش مشكله... تقدري تمشي دلوقتي..

اسيل: عدي.. انا اسفه..

عدي: اسفه ع اي.. ياست امشي وفكك مني..

اسيل: مانا مش همشي غير لما اتأكد انك مش زعلان..

عدي:......

اسيل: انا مكنتش اقصد والله... انا بس رجلي كانت واجعاني قوي وانا كنت متعصبه ومعرفتش انا بقول اي.. خلاص بقاا..

عدي: مش مضطره تعتذري... معاكي حق... مكنش ينفع اتخطى حدودي وامسك فونك... للعلم بس... انا رديت ع الكابتن لان فوني كان فاصل... يعني متقلقيش.. معملتش فيه حاجه..

اسيل: عدي.. بجد اسفه... عارفه اني اتكلمت بوقاحه معاك بس.. مش عايزاك تزعل مني يعني..

عدي: لا مش زعلان متشغليش بالك..

اسيل: تحب ابوس دماغك طيب!

عدي: اي دا لا مش مستاهله طبعا..

اسيل: طب خلاص فك بقاا..

عدي: ماشي..

اسيل: يعني مش زعلان!!

عدي: لا..

اسيل: امال مكشر ليه!!

عدي: ماخلاص بقاا..

اسيل: قولي بقاا... لمى كانت بتعمل اي هنا!

عدي: ملكيش دعوه..

اسيل: مبهزرش..

عدي: شاغله بالك ليه.. انتي مش قولتي اني لا اعني ليكي اي شئ!!... اي اللي مزعلك دلوقتي!

اسيل: مش بالظبط... بس بردو عايزه افهم بتعمل اي هنا... قول بقاا انك بتاع بنات ياعدي..

عدي: ياست بنات اي اتنيلي...

اسيل: لا نسوانجي وبتاع بنات... كلكوا صنف واحد.. ابو شكلكوا..

سابته ومشت وهو مشي وراها..

عدي: استني طاااه... ياوليه اقفي بقاا..

اسيل: وليه تاني!!

عدي: طب خلاص ياست البنات... حاجه تاني!!

اسيل: ملكش دعوه بيا.. جاتك البلا..

عدي: اقدر اقول ان دي غيره!!

اسيل: غيره ليه ان شاء الله!!... وبعدين انا هغير عليك بامارة اي!!... اياك كنت...

عدي: بسسسس... بتغيري.. متكابريش.. باين ف عنيكي..

اسيل: اما انت عيل غتت بصحيح... اوعى خليني امشي..

مشت وهو مشي جنبها وفضلوا ساكتين..

اسيل: رجلك مالها!

عدي: مالهاش..

اسيل: امال بتعرج ليه!!

عدي: اتعورت..

اسيل: لما كنت شايلني!

عدي: ااه

اسيل: تستاهل..

عدي: استاهل ليه.. هو انا عملتلك اي مش فاهم يعني..

اسيل: امم.. بتاع بنات... دا سبب كافي..

عدي: مين قال اني بتاع بنات!!

اسيل: انااا...

فجأه جتلها مسدج ع موبايلها...

فتحت لقت الصور اللي اتبعتت لمتيم...

تنحت وفضلت ساكته...

عدي: في اي..

اسيل:....

عدي: في اي يابنتي..

جه بص ف الموبيل وتنح هو كمان...

.....................

اياد: سمعتوا اللي حصل!!

ادم: اي اللي حصل!!

اياد: عمر صاحب مراد..

نور: ماله..

اياد: مات..

ادم: ايه.. ازاي!!

اياد: لقوه ميت ف الشقه... كان بيشرب...

ادم: لا حول ولاقوة إلا بالله...

مراد بتوتر: طب.. هو الموضوع منتشر قوي!!

اياد: ااه طبعا.. وشاكين ان كان في حد معاه...

نور: حد!!.. حد زي مين يعني!!

اياد: مش عارف... لسه بيحققوا..

ادم: مراد!!... كنت فين امبارح!!

...........................

متيم كان بيشتري الحاجات وافتكر المسدج... طلع الفون وشافها....