رواية قلبي ليس بيدي 3 الفصل الخامس 5 بقلم حسناء رمضان

متيم سمع صوت المسدج... طلع الفون ولسه هيشوف.. بس فرمل بسرعه...

نزل ع صوت البنت اللي عماله تصوت..

ـ اي ياحيوان مش تاخد بالك!..

متيم: حيوان!!.. طب معلش مخدتش بالي..

ـ اعمل اي انا بمعلش دي!!... العربيه باظت الله يخربيتك...

متيم: ماتبطلي شتايم..

ـ طبعا.. مانت تلقاك قاعد تكلم البت بتاعتك ومش مركز ف السواقه... بقولك اي.. مش هتمشي من هنا غير لما تصلحلي العربيه.. انا بقولك اهو..

وراحت مسكته من الهدوم..

متيم: انتي قد المسكه دي!!

ـ ايوا.. هتعمل اي يعني!

متيم: اوعي كدا ياشاطره انتي بس.. هصلحهالك من غير شرشحه..

ـ قصدك اني بشرشح!!... ليلتك مش معديه النهارده..

متيم بحده: ياولي الصابرين... بت.. اوعي كدا..

بعدت عنه بسرعه لما اتكلم بالنبره دي..

متيم: قولت هصلحها.. مش عايز كلمه تاني..

ـ ماشي.. اتفضل..

راحوا عند الراجل...

متيم: هو انت مطول!!

ـ ان شاء الله على بكرا تكون خلصانه..

متيم: طب معلش هي هتتكلف كام..

ـ هتتكلف *****

متيم: تمام.. هروح اسحب فلوس واديكي تمنها وتعالي بكرا خديها..

ـ ااه.. انت عايز تكُت.. وحياتك ابدا..

بصلها بحده كدا راحت سكتت..

متيم: تعالي معايا...

مشت معاه وراح سحب فلوس اكتر من المطلوب..

متيم: اتفضلي.. حلي عني بقاا..

ـ استنى طيب.. دا كتير.. امسك يابا كدا.. انا هاخد حقي بس...

متيم بتنهيد: حاجه تاني!

ـ ااه.. ياريت توصلني ف طريقك... ماهو هروح ازاي يعني!!..

متيم: ماشي.. بس مش عايز اسمع صوت تاني.. يلا..

ركبوا العربيه ومشوا...

.........................

مراد: واد ياعمر.. انت مش بترد ليه يلااا...يانهار اسود..

فضل يحاول يصحي فيه بس مبيصحاش والنبض واقف.. معرفش يعمل اي.. محسش بنفسه غير وهو بيجري ف الشارع...

وصل البيت وخبط وهو عمال ينهج ومش قادر يتنفس.. نور فتحت... اول ماشافه اترمى ف حضنها..

نور: يالهوي.. في اي..

مراد: انا خايف..

كان بيترعش وعمال يعرق..

نور: طب تعالى... تعالى اقعد... قولي اي اللي حصل..

فضل حاضنها ومبيتكلمش لحد مانعس..

.........................

عدي: نعقل بقاا..

اسيل: مانت اللي مش محترم..

عدي: ياوليه لمي لسانك..

اسيل: بطل تقولي ياوليه دي.. انت فاهم..

عدي: لا ياوليه..

اسيل: عيل غتت..

عدي: زيك..

اسيل: بقولك اي.. يلا نمشي..

عدي: يلا يافاشله..

اسيل: تؤ.. لو مسكتك هشقك نصين..

عدي: امسكيني لو تعرفي..

كان عمال يلف بالاسكيت حواليها...

اسيل: طب اقف وانا اوريك..

عدي: تؤتؤ...

اسيل: يارب تقع ودماغك تتفتح...

هوووب وقع وقعه جامده واتعور ف دماغه..

اسيل: احييييه... دانا بركه بقاا..

كان حاطط ايده ع دماغه وهي مشافتش الدم... شال ايده ووقفت مكانها مبرقه... طلعت تجري عليه

اسيل بخوف: يالهوي.. انت كويس!

عدي: كويس متقلقيش.

اسيل: انا اسفه والله مكنتش اعرف ان دا هيحصل..

قلعت الجاكيت عشان تربط دماغه وكان لابسه حمالات..

عدي: انتي بتعملي اي!

اسيل: هربطلك دماغك..

عدي: البسي هدومك..

اسيل: طب ودما...

عدي: البسي هدومك يااسيل...

كتمت الضحك ولبست الجاكيت..

عدي: مش معنى انك مش محجبه انك تقلعي عادي..

اسيل: ع فكره دا مش شغلك..

لسه هتقوم راح شدها..

عدي: وانتي دلوقتي معايا... يبقى انا المسؤول عنك..

اسيل: بصفتك اي..

عدي: امم.. حبيبك مثلا..

اسيل: مين اداك اللقب دا!

عدي: عيونك..

اسيل: مغفل..

سابته وقامت وهو قام وراها..

اسيل: هنرجع ازاي بدماغك دي!

عدي: مش مشكله.. هروح الفها ع طول..

اسيل: طب يلا انجز..

سابته ومشت..

عدي: عنيفه... بس وتكه..

...............................

فضلوا ماشيين بالعربيه وهو ساكت وباصص قدامه بحده وهي عماله تبصله..

متيم: خدتيلي كام صوره!

ـ اي الروشنه دي..

بصلها بقرف وبعدين بص قدامه..

ـ لا بقولك اي.. متبصليش كدا..

متيم: اسكتي وبصي قدامك..

ـ نزلني الشارع الجاي..

متيم: اووف... حاضر...

وصلها ونزلت..

ـ بقولك اي... متبقاش تلعب ف الفون كتير وانت سايق.. حظك انك وقعت مع واحده كويسه ومش بتاع مشاكل..

متيم: ااه فعلاً... يلا اتكلي..

ـ وقح..

متيم: مش عارف اي دا..

نزلت ووقفت قدام الباب وراحت ضربت ع العربيه وطلعت تجري... بصلها وضحك..

متيم: هو انا ناقص جنان!...

خد العربيه ورجع البيت...

جاكي: حمدلله ع السلامه ياحبيبي... اخرت ليه..

متيم: حصل حاجه كدا... المهم بابا فين..

جاكي: باباك جوا... وفيزو كمان جوا..

دخل وحضنها من ورا..

متيم: القمر حجي..

فيزو: شوف الواد واحشني ياواد كنت فين..

متيم: جيتلك ع طول اهو..

فيزو: كبرت كدا ليه.. بتكبروا بسرعه كدا ليه ياعيال!... دانت بقيت طولي مرتين...

جاكي: بقا راجل اهو..

فيروز: يلا بقاا شد حيلك عشان تتجوز..

متيم: انتي عايزاني اخونك!!... لا طبعا مقدرش.. انا قولت هتجوزك انتي وخلاص ع كدا... وطول مانتي رافضه مش هتجوز..

فيروز: بطل دلع ياواد يابكاش انت.. في حاجه ف دماغك كدا ولا كدا!

متيم: انا بتاع الحاجات دي بردو!!

جاك: اختك عامله اي..

متيم: كويسه.. المهم انت كويس!

جاك: ااه تمام.. بص هو بصراحه انا مش تعبان...

متيم: اي دا في اي.. امال جبتوني ليه..

بصينا لبعض انا وجاك وضحكنا..

جاكي بضحك: بص بصراحه احنا كنا عايزين نروح نصيع شويه وملقناش غير الحل دا..

جاك: معلش بقاا يابطل عوضها ف رحله تاني..

متيم: شايفه يافيزو!!... شايفه لعب العيال!!... وجايبيني بسرعه وانا خايف لايكون في حاجه وف الاخر يطلعوا بيستغفلوني...

فيروز: معلش.. خليهم يغيروا جو شويه..

متيم: طب ماتغيروا.. انا مالي..

جاك: ومين اللي هيقعد هنا!

متيم: جوري كان ممكن تروح عند فيزو...

جاك: لا عشان تبقى معاها بردو... وبعدين مانت كدا كدا مكنتش عايز تروح..

متيم: ماشي.. هتصيعوا فين بقاا..

جاك: ماتحترم نفسك ياض انت.. انا بس اللي اقول نصيع..

متيم: طب هتروحوا فين!

جاك: وانت مالك... مش هنقول لحد... عشان انتوا وش فقر اصلا..

متيم: ماشي يعم.. ابسط.. محدش قدك..

جاك: شوف الواد ابن التيت بينبر فيها من قبل مانروح..

.................................................

فريده: كنتي فين!

اسيل: كنت بتمشى شويه..

فريده: خضتيني عليكي.. دخلت ملقتكيش جوا..

اسيل: لا متقلقيش..

واقفه بتتكلم مع فريده عادي وشافت مؤنس وهو راجع... حست ان في حاجه هتحصل خاصة انه بصلها بخبث...

فريده: في اي..

اسيل: لا مفيش..

فريده: طب يلا نلعب بقاا..

الولاد كانوا مع بعض والبنات مع بعض... قعدت تلعب مع صحابها وهي بتتابع عدي بنظراتها وهو قاعد يتفرج عليها..

فريده: ياعم الرايق..

اسيل: ها.. اي..

فريده: هي غمزت ولا اي..

اسيل: ماتتلمي يابت.. هي اي اللي غمزت!

فريده: شايفه تبادل نظرات كدا من تحت لتحت..

اسيل: وانتي مركزه معايا ليه بقاا!!

فريده: لا انتوا مفضوحين قوي الصراحه..

اسيل: بطلي هبل طيب.. عدي صاحبي مش اكتر..

فريده بخبث: ومين قالك اني ع عدي!!

اسيل: تصدقي انك رخمه..

فريده: وقعت بلسانك ياجميل.. قوليلي بقاا..

اسيل: اقولك اي..

فريده: قوليلي اي الدنيا.. قالك ولا لسه ف مرحلة الاستهبال..

اسيل: مش هقولك... موتي بفضولك دا..

مؤنس: احنا مش هننزل المايه ولا اي ياشباب..

ـ اكيد يبروو يلا..

كلهم قلعوا ونزلوا.. اسيل كانت بتدور بنظراتها ع عدي... ولقته واقف بعيد مع صاحبه وبيقلع..

طبعا هو اكتر حد فيهم عنده عضلات بشكل ملفت وبارز... حست انها متضايقه وبصتله بقرف... هو ابتسم وفهم...

قربوا من المايه والبنات قعدوا ع الشط وقاعدين يتفرجوا عليهم...

مؤنس: ماتيجي نعمل سباق ياعدي..

عدي بصله باستهزاء ومردش عليه..

مؤنس: ااه تمام.. قول انك خايف..

عدي: هو انا فعلاً خايف.. بس خايف عليك..

مؤنس: هه.. لا متقلقش.. انا واثق ف نفسي كويس.. الدور والباقي عليك انت بقااا..

ـ يلا يا عدي انزل.. انت خايف منه ولا اي.. راعي فرق الجسم حتى..

الكل ضحك ومؤنس اتضايق..

عدي: ماشي.. موافق...

بدأوا السباق ونزلوا بس اسيل كانت متضايقه من نظرات البنات لعدي.... قعدوا يشجعوا فيهم واسيل قاعده ساكته بتتفرج ومن جواها عايزه عدي يكسب..

رجعوا وطبعا عدي هو اللي رجع الاول نظرا لجمدانه يعني..

الكل قعد يسقفله ويصفروا..

عدي وقف وجسمه كله بينقط مايه والكل مركز معاه...

عدي: متبقاش تعمل حاجه انت مش قدها يابابا...

وسابه ومشي...

فريده: يلا يااسيل ننزل..

اسيل: لا مش عايزه..

فريده: هو اي اللي مش عايزه.. يلا ياست الكل نزل..

اسيل: عايزانا نلبس مايوهات زي دول!!

فريده: لا هتلبسي شرعي..

اسيل: مش معايا..

فريده: انا معايا.. تعالي بس..

دخلت معاها جوا ولبسوا المايوهات وطلعوا.. الولاد كانوا ف المايه وعدي بره... اول ماشافها تنح ووقف يبصلها بغضب...

بصتله ببرود ومشت...

عدي: عايزه حد يكسرلك رقبتك والله...

لارا: اي رأيكوا نعمل سباق احنا كمان يابنات...

الكل: اشطا يلا...

لارا: وانتي يااسيل!

اسيل: لا اعملوا انتوا..

لارا: مش معقول خايفه يعني..

اسيل: ايوا انا خايفه..

فريده: بلاش اسيل يالارا..

لارا: وليه بقاا..

فريده: لان ببساطه اسيل بطلة الجمهوريه ف السباحه... فبلاش هري فاضي.. كدا كدا لو دخلت معانا هي اللي هتكسب..

لارا: مش واضح يعني... وبعدين انتي مش محجبه... لابسه مايوه زي دا ليه.. ماتلبسي زينا..

اسيل: وانتي اي اللي مضايقك... متركزيش ف لبسي ياحلوه...

لمى: سيبوها ياجماعه... مش معنى انها بتعرف تعوم انها تغلب اي حد يعني... خليها براحتها...

فريده: انتي عارفه انها هتغلبنا كلنا يالمى..

لمى: واضح..

اسيل بثقه: تمام... يلا..

وقفوا جنب بعض والكابتن بدأ السباق والكل بيتفرج..

ـ البت اسيل دي جامده فحت ياسطا..

عدي: ماتلم نفسك..

ـ انا مقدر طبعا انك معجب بيها والجو دا، بس لحد دلوقتي هي متخصكش.. فاتكلم براحتي يعني.. وبعدين بصراحه هي حلوه قوي.. اكيد مش هتبصلك..

عدي: ماتسكت ياعم بقاا.. دا اي دا..

راحوا ورجعوا واسيل اللي رجعت قبلهم كلهم وهما كانوا لسه ورا وهي طلعت...

الكابتن: براڤو يااسيل..

مشت وعدي كان واقف مبتسم وهي غمزتله..

اليوم عدي كدا.. الولاد ف المايه والكل قاعدين يلعبوا واسيل جابت كتاب وقعدت تقرأ فيه قدام المايه...

مؤنس كان طالع من المايه بيتمنظر قدامها عشان يلفت نظرها وهي بصتله بلا مبالاه... خرج بعديه عدي من المايه وابتسملها وهي ابتسمت...

فريده: الواد جامد ويستاهل الصراحه..

اسيل: اطلعي من دماغي بقاا..

فريده: ماشي ياست... بس الواد حلو بردو...

اسيل: اووف.. وانا مالي ياست.. ماتروحي تتجوزيه...

سابتها وراحت قعدت بعيد....

شويه والكل اتلم واكلوا بس عدي مكنش موجود...

اسيل كانت عماله تبص ف كل حته بس كان مختفي..

عملت نفسها بتتمشى وفضلت تدور عليه لحد مالقته ف مكان بعيد شويه وبيصلي... بصتله وابتسمت...

..............................

مراد كان صحي وبدأ يفوق ويفتكر كل اللي حصل...

نور: في اي يامراد.. اي اللي حصل!

مراد بتوتر: مفيش.. مفيش حاجه..

نور: ياحبيبي انا امك... محدش هيخاف عليك قدي.. قولي اي اللي موترك كدا..

مراد: ماشي.. ماشي.. هقولك بس.. بس متقوليش لحد..

نور: لا مش هقول بس قولي في اي..

مراد: ع عمر صاحبي..

نور: ايوا ماله..

مراد: م مات..

نور: يالهوي.. ازاي!

مراد: ك كنا بنشرب و وهو مات..

نور: يالهوي يعني انت كنت معاه!!

مراد: ايوا.. مات قدامي ومعرفتش اعمله حاجه..

نور: حد عرف حاجه!!

مراد: لا..

نور: واياك حد يعرف.. اقفل الموضوع دا كإنه محصلش... دلوقتي نسمع خبر موته انتشر.... اوعى تكون نسيت حاجه هناك..

مراد: معرفش.. معرفش..

نور: لا اجمد كدا.. انا مقدره انه صاحبك وكل حاجه... بس كمان انت هتروح فيها... وانت ملكش ذنب ف موته.. اجمد خلينا نعرف هنتصرف ازاي ف الموضوع دا...

مراد: ماشي..

.............................

خلص صلاه وبص لقاها واقفه بتتفرج عليه..

عدي: مش عارف لازقه فيا ليه...

اسيل: ياراجل!

عدي: مانتي جايه لحد هنا برجلك اهو..

اسيل: لا عادي كنت بتمشى ولقيتك هنا..

عدي: طب تنكري انك قلقتي عليا والفضول اكلك لما لقيتيني مختفي وقعدتي تدوري عليا عشان تشوفيني بعمل اي!!

اسيل: تؤتؤ.. محصلش..

عدي: طيب.. اروح اكل احسن..

سابها ومشي وهي مشت وراه...

مؤنس شافهم جايين ورا بعض...

مؤنس: بتختفي فين كدا ياعدي!

عدي: وانت مالك..

مؤنس: يمكن نعرف نساعد يعني..

عدي: تساعد ف اي!

بص ع اسيل بخبث..

مؤنس: ف الشغل..

عدي فهم وراح وقف قدامه...

عدي: بقولك اي.. ماتطلعني من دماغك..

مؤنس: ومين قال انك ف دماغي ياحب.. انا بس حبيت اسأل..

عدي: طب خليك ف حالك عشان متزعلش..

مؤنس: عايز تاخد الحلو كله لوحدك يعني!!.. مفيش مشكله..

عدي بحده: مؤنس... مش عايز قلة ادب... بلاش تلقيح عشان احنا معانا بنات ومينفعش يشوفوك بتتضرب..

مؤنس: بتضرب!!.. لا انت شكلك عضلاتك مقويه قلبك..

عدي: مش محتاج عضلات... كفايه اني عندي مخ.. مظنش انك عندك مخ انت كمان.. تقريبا بتفكر من....

مؤنس: كل دا ليه يعني... ماتخليك حلو وتقسم ع اخواتك.. متبقاش اناني يااخي..

راح ميل عليه..

مؤنس: انا مقدر انها حلوه ووتكه وتزغلل عين اي حد... وشكلها جايه معاك سكه... طب ماتظبطنا معاك داحنا حتى جايين ننبسط...

خلص كلامه ولقى بوكس ف وشه مطيره ع الارض...

عدي: انا هبسطك بقاا ياحيلتها...

فضل يضرب فيه والشباب بيحوشوه عنه...

الكابتن: بس.. اي لعب العيال داا..

مؤنس: ماشي.. وحياتك لاوريك..

الكابتن: خلاص يامؤنس... يلا بطلوا جنان بقاا..

اسيل كانت بتبص ع مؤنس ببرود وهي مبسوطه ان عدي غيران عليها كدا من كلامه...

بصتله من فوق لتحت وسابته ومشت...

............................

مالك: جوري اي يابني... دي اكبر منك بكتير قوي.. ليه كدا..

مروان: هو اي حوار اكبر منك اكبر منك دا... اي المشكله يعني... وبعدين شكلها صغير مش كبير... اللي يشوفنا يقول قد بعض... فين المشكله بقاا..

منه: ايوا يامروان بس.. مينفعش.. ماتاخد واحده من سنك احسن..

مالك: ايوا... اسيل مثلا... اهي بنت عسوله وجميله وف سنك...

مروان: مش بحبها... انا بحب جوري.. ومش هاخد غيرها... ياريت توافقوا عشان مش عايز اعمل حاجه وانتوا مش معايا.. لاني كدا كدا هتجوزها...

مالك: احنا معندناش اي مشكله مع جوري... انا بتكلم ع اساس ان هيبقى في تفاوت فكري بينكوا..

مروان: لا من الناحيادي اتطمن... انا وهي متوافقين جدا... بطلوا تعقدوا الدنيا بقاا..

منه: خلاص.. براحتك...

مالك: ماشي.. اللي انت عايزه.. انت حر..

مروان: يعني موافقين!

...................................................

الكابتن: يلا الكل يجمع... هندخل دلوقتي نستكشف المكان... كل واحد يخلي باله من نفسه... ممكن يكون في تعابين او حيواناات هنا... جاهزين!

الكل: جاهزين...

مشي وهما مشوا وراه...

الكابتن قسمهم لفرق وكل فريق مشي ف اتجاه والمفروض انهم يتلاقوا ف مكان واحد...

اتوزعوا واسيل كانت مع عدي ف نفس الفريق..

دخلوا والمكان كان كله اشجار واصوات...

اسيل كانت خايفه نوعا ما بس كانت متطمنه بردو لان عدي موجود...

كانوا قاعدين يلفوا ف المكان ويستكشفوا الدنيا وهوب فجأه اسيل مش معاهم...

عدي: كانت هنا دلوقتي..

ـ هتكون راحت فين دي..

فريده: احسن يكون جرالها حاجه...

عدي: طب يلا اتفرقوا ودوروا عليها... عدي فضل يلف وسط الشجر ويدور وينادي عليها وهو قلقان...

لحد ماوصلها ووقف وراها.. خبط بايده ع كتفها...

اسيل: اعععع..

عدي: اهدي دا انا...

اسيل: ياخي خضتني..

عدي: بتعملي اي هنا... افرضي جرالك حاجه..

اسيل: بتفرج ع القرد..

بص لقى في قرد ع الشجره..

عدي: والله مافي قرد غيرك..

اسيل: ماتحترم نفسك ياض انت..

عدي: طب يلا عشان هنا في حاجات ممكن تإذيكي..

اسيل: يلا..

مشوا مع بعض ومعرفوش يوصلوا للباقيين...

عدي: اديكي توهتينا... هنرجع ازاي دلوقتي!

اسيل: وانا مالي يعم..

عدي: استني بقاا خليني اشوف هنعمل اي...

فضلوا يلفوا كتير بس كل شويه بيدخلوا جوه اكتر وكل مايدخلوا ف طريق بيطلعوا ف مكان جديد...

اسيل: هنعمل اي دلوقتي!

عدي: معرفش..

اسيل: طب ع فكره في اصوات غريبه هنا وانا ابتديت اخاف...

عدي: هه.. انتي لسه شوفتي حاجه... بصي.. يلا نكمل وان شاء الله هنخرج من هنا...

كان ماشي قدامها وهي ماشيه وراه وعماله تتلفت حواليها وتتابع الاصوات... وفجأه صوت طلع من الشجره راحت مسكت ايد عدي بخوف....

عدي بص ع ايده وبصلها لقاها متوتره وبتبص حواليها..

عدي: متخافيش... انا معاكي..

اسيل: لا انا خايفه بجد.. مشيني من هنا والنبي..

عدي: امال لسانك طول كدا ليه.. اشمعنى دلوقتي قلبتي فار...

اسيل: عدي.. مبهزرش.. انا فعلا خايفه..

عدي: مالك يابنتي مرعوبه كدا ليه... عادي داحنا بالنهار حتى..

اسيل: طب هو في هنا اسود وكدا!

عدي: مظنش.. اكيد مكنش الكابتن هيسيبنا هنا يعني.. امشي معايا ومتقلقيش...

كملوا مع بعض وهي لازقه فيه وموتراه...

اسيل: بسبس..

عدي: اي..

اسيل: اي اللي هناك دا...

عدي: اي دا ياما.. اي دا بجد..

اسيل: وانا اشعرف امي.. انا بسالك..

عدي: طب يلا امشي عشان بدأت اخاف انا كمان...

فضلوا ماشيين لحد مابعدوا عن المكان دا..

اسيل: اعععععااااا....

...................................

جاكي: مش شايف اننا مينفعش نسيبهم لوحدهم!

جاك: لي يعني.. هما صغيرين!!

جاكي: لا بس..

جاك: مبسش.. من ساعة ماخلفتي واحنا مسحولين معاهم... خليني ادلعك شويه... سيبك انتي.. دانا هاخدك رحله تحلفي بيها عمرك كله..

جاكي: امم.. كفايه انك معايا بس..

جاك: لسه بتاكلي عقلي بكلمتين...

جاكي: عقلك بس!

جاك: كل حاجه يعم... اصلا انت قمر حياتي ونور عينيا وفرحتي ف الدنيا والله...

جاكي: ياختي عليها... عايز تفهمني انك لسه بتحبي زي الاول!!

جاك: واكتر... كل يوم حبي ليكي بيزيد اكتر... اصلا اللي بيني وبينك قليل قوي عليه كلمة حب... احنا عدينا دا بمراحل.. كل يوم العلاقه بيني وبينك بتقوى وبحبك اكتر والله...

جاكي: يابكاش انت..

جاك: طب والله كل مابتكبري بتحلوي اكتر.. طب اي رأيك ان عيونك زادت جمال ودلال..

جاكي: والله ياجو انا بحبك فوق ماتتخيل..

جاك: هيييح... عارفه.. عايز اخدك ونروح بعيد... بعيد عن الكل... ف مكان ميكونش فيه غيري انا وانتي بس.. ومحدش يعرف مكانا خالص... ونعيش لوحدنا..

جاكي: والعيال!

جاك: هو دا وقت عيال!!... ماهم كبروا خلاص...

جاكي: لا ياخويا مقدرش اعيش من غيرهم..

جاك: يعني انا مش كفايه!

جاكي: انت عندي بالدنيا والله... بس كمان دول ولادي.. حته من قلبي كدا...

جاك: يابختهم بيكي.. ياريتني عندي ام زيك..

جاكي: اممم.. وهو انا مش امك يعني!!

جاك: لا ازاي... دانتي امي وبنتي وحبيبتي وصاحبتي ومراتي ونور عيني كمان... والله يابنتي انتي مش متخيله انتي عندي اي... المهم بقاا.. دلوقتي شاوري كدا وقوليلي نفسك ف اي.. قولي كل اللي ف نفسك واحققهولك حالا...

جاكي: كله كله!

جاك: كله كله..

جاكي: اممم.. تفضل معايا وجنبي لحد مااموت...

جاك: بعد الشر عليكي... واعيش لمين بعدك... دانا قلبي بينبض عشانك... شايفه السلسله دي... متقلعتش نهائي... شوفي بقالها كام سنه... لو قلعتها بحس ان فيا حاجه ناقصه... حاسس انها حته من قلبي والله...

جاكي: وانا كمان... مقلعتهاش خالص... وناويه اندفن بيها كمان..

جاك: بعد الشر بقاا.. يومي قبل يومك ان شاء الله...

جاكي: لا يومي انا الاول... انت عايز تمشي وتسيبني يعني!

جاك: لا... هنتقابل تاني اكيد.... بس ع حسب بقااا.. انا كدا كدا داخل الجنه.. ع حسب افعالك انتي بقاا..

جاكي بضحك: ياراجل!!

جاك: ايون.. انا محترم وكويس وهدخل الجنه.. اما انتي ربنا يهديكي ياشيخه...

جاكي: يعني انت مش عايزني ادخل معاك الجنه!

جاك: امم.. بصراحه لا..

جاكي: ايون عشان تخوني مع الحور... مانا عارفاك.. طول عمرك عينيك زايغه...

جاك: طب هتصدقي لو قولتلك اني مش عايز حور عين... لو ربنا اكرمني ودخلت الجنه يعني.. مش عايز غيرك.. زي مادعيت ربنا تبقي رفيقتي ف الدنيا... بدعيه تبقي رفيقتي ف الآخره كمان... لوحدك... مش عايز حد يشاركك فيا... عشان انتي عندي بالكل والله...

.....................................

عدي: في اي..

فضلت تتنطط...

عدي: مالك!

اسيل بوجع: في حاجه قرصتني ف رجلي..

عدي: طب تعالي اقعدي..

عدي بص ف الارض ولقاه تعبان..

عدي: نهاااار اسود... دا تعبان..

اسيل: اعااا.. طب اقتله...

مسك حجر وموته ورماه بعيد...

عدي: تعالي طب اقعدي ف حته نضيفه عن هنا...

حاولت تمشي معاه بس مقدرتش... راح وبدون مقدمات شايلها...

اسيل: انت بتعمل اي نزلني..

عدي: استني بقاا لما نشوف هنتصرف ازاي..

راح بعيد وقعدها وقعد قدامها ع الارض ومسك رجلها وقعد يطلعلها السم ببوقه...

اسيل: آااه... بالراحة...

عدي: اسف..

بص لقاها بتعيط... مد ايده ومسحلها دموعها...

عدي: متخافيش.. مش هيجرالك حاجه..

طلعلها السم وبعدين دور ع حاجه يربطلها رجلها بيها...

ملقاش حاجه راح قلع القميص وربطلها رجلها بيه..

اسيل: وانت هتمشي عريان كدا!

عدي: مش مهم... المهم لازم نرجع قبل الدنيا ماتليل علينا هنا... يلا نمشي... سندها وقامت بس مقدرتش تمشي...

اسيل: لا لا... رجلي واجعاني..

عدي: طب تعالي...

راح شالها تاني..

اسيل: اي دا لا.. نزلني..

عدي: اسكتي بقاا عشان نلحق نطلع من هنا...

مشي بيها وهي ماسكه ف رقبته وهو عريان... فضل يلف كتير وهو شايلها بس بردو ملقاش مخرج...

عدي: كان يوم اسود يوم ماجينا هنا... يعني مفيش مخرج!!

اسيل: يعني هنموت هنا!!

عدي: كمية تفاؤل رهيبه ياشيخه... اسكتي مش ناقصك..

اسيل: طب نزلني بقاا اكيد تعبت..

عدي: لا متبعتش... بس دا ميدلش ع انك خفيفه يعني..

اسيل: قصدك اني تخينه!!

عدي: لا ياختي انا اللي تخين..

اسيل: طب اتلم بقاا..

عدي: ماشي ياست.. شكلنا كدا هنطول هنا..

اسيل: لا انا عايزه ارجع..

عدي: خايفه!

اسيل: لا..

عدي: اشمعنى!

اسيل: معرفش.. بس مش خايفه..

عدي بخبث: ياشيخه!!

اسيل: احترم نفسك ياعدي..

بصلها شويه كدا..

اسيل: اي..

عدي: لا اصل.. اسمي طالع مختلف منك..

اسيل: احم.. طب نزلني بقاا...

عدي: مش هتقدري تمشي.. وبعدين انتي فرفوره قوي... فبلاش شغل الاسترونج وومان دااا...

اسيل: انت حر.. انت اللي هتتعب..

عدي بابتسامه: مظنش..

فضلوا يلفوا شويه وبعدين فقدوا الامل... نزلها وقعد جنبها...

اسيل: طب انا جعانه طااه..

فتح شنطته وطلع اكل..

عدي: اتفضلي..

اسيل: شكرا...

قعدت تاكل وهو طلع فونه وقام عشان يرن ع حد بس مكنش في شبكه... فضل يرن بس مفيش فايده...

عدي: مش عارف انا اي الزفت دا..

اسيل: عدي..

عدي: نعم..

اسيل: انا اسفه..

عدي: ع اي..

اسيل: عشان انا السبب ف اللي احنا فيه دا.. وكمان انت منمتش من امبارح...

عدي: طب اقولك حاجه!!.. انا مش عايز ارجع... لو عليا عايز افضل معاكي هنا ع طول... ا قصدي يعني معنديش مشكله افضل هنا... انا بس خايف عليكي عشان رجلك...

اسيل: طب البس قميصك..

عدي: لا خليه مكانه..

اسيل: امم.. طب عايزه اشرب..

عدي: عندك الشنطه اهي يااسيل..

اسيل: ماشي..

فتحت الشنطه وطلعت قزازه ولمحت مذكره جوه..

اسيل: امم.. ممكن ارخم عليك واشوف المذكره دي!!

طلع يجري ومسك الشنطه..

عدي: لا طبعا...

اسيل: كاتب فيها اي ياقليل الادب..

عدي: ملكيش دعوه... كلام سر..

اسيل: مسيري هعرفه..

عدي: بصفتك اي..

اسيل: بصفتي تايهه معاك هنا...

عدي: انسي... المهم الليل بيحل علينا... لازم نلاقي مكان نبات فيه...

اسيل: نعم!!.. احنا هنبات هنا!!

عدي: للاسف يعني...

اسيل: لا انا عايزه ارجع..

عدي: ياست هو انا بإيدي اي.. ماحنا مش عارفين اهو... يلا بس عشان نلحق النور..

قامت وكانت بتعرج وهي ماشيه راح ميل شالها..

عدي: وعد ومكتوب عليا..

ضحكت وبصت قدامها..

فضل ماشي كدا وهي نامت ع كتفه... بصلها لقاها نعست.. ابتسم وكمل...

لحد مالقى بيت صغير كدا زي كوخ... دخل فيه بس مكنش فيه حد...

نزلها ف حته نضيفه ونيمها...

قعد يدور ف المكان بس كان نضيف ومفهوش حاجه... لقى لمبه قديمه، ولعها والجو بدأ يبرد... فتح الشنطه ودور ع حاجه يغطيها بيها... لقى شال مامته ف الشنطه...

عدي: اي اللي جابه هنا دا... شكلك حاسه بينا ياامي..

غطاها بيه وطلع اكل وقعد ياكل ويتفرج عليها وهي نايمه...

.......................................

متيم: طب انا خارج ياجوري..

جوري: ماشي...

خد العربيه ومشي...

لقى بنت واقفه ف الطريق لوحدها.. قرب منها ووقف..

بصلها كدا لقاها نفس البنت بتاع الصبح..

متيم: هو انتي..

ـ دانت مستقصدني بقاا..

متيم: محتاجه حاجه!

ـ شكرا..

متيم: مش محتاجه اوصلك ف حته!

ـ شكرا مش عايزه...

متيم: مينفعش تقفي لوحدك هنا... ممكن حد يضايقك..

ـ ملكش دعوه.. اتفضل..

متيم: براحتك..

خد العربيه ومشي...

ـ اي الغباء دا... ماكنت ركبت معاه بدل وقفتي دي..

ـ اي ياقمر.. محتاجه حاجه!

ـ شكرا..

ـ شكرا اي بس.. تعالي وانا هوصلك..

ـ ما قولت شكرا..

ـ مالك متعصبه ليه.. دا الكلام اخد وعطا حتى..

ـ ماتغور ف داهيه ياجدع انت...

متيم: في حاجه يانجم!!

ـ وانت مالك!!

متيم: طب انزلي وانا اقولك مالي..

ـ لا وعلى اي.. الطيب احسن...

خد العربيه ومشي...

متيم: هتركبي ولا هنقضيها كدا..

راحت ركبت العربيه من سكات...

ركب وطلعوا... طول الطريق باصه من الشباك وواضح انها متضايقه... عنده فضول يسألها مالها بس مش حابب يتدخل... لحد ماشاف دموعها اللي معرفتش تسيطر عليها...

متيم: في حاجه!

ـ لا..

متيم: طب لي الدموع دي!!

ـ لا مفيش...

ركن العربيه ع جنب ونزل جابلها مايه..

متيم: اتفضلي..

ـ شكرا..

متيم: طب.. انتي رايحه فين!

ـ مش عارفه..

متيم: طب انا كنت رايح كافيه هنا... تحبي تيجي معايا!.... لو عايزه يعني..

ـ لا انا.. انا همشي..

متيم: طب اوديكي فين!

ـ معرفش...

متيم: طب انتي كنتي طالعه رايحه فين!

ـ مش عارفه... كنت عايزه امشي كدا وخلاص...

متيم: طب خلاص... ادخلي معايا... يمكن تفكي.. بدل ماتدوري كدا يعني..

ترددت شويه وبعدين وافقت...

خدها ودخلوا الكافيه... فضلت بردو سرحانه..

متيم: طب تحبي اطلبلك اي..

ـ ولا حاجه..

متيم: اتنين قهوه لو سمحت... قوليلي بقاا مالك..

ـ مليش..

متيم: امم.. طب هتفضلي كدا يعني!!.. ماهو مفيش حاجه مستاهله الدموع دي..

ـ في كتير..

متيم: زي!

ـ زي انك تبقاا مغصوب ع الجواز...

متيم: ومين غاصبك...

ـ اهلي.. هيكون مين..

متيم: ملهمش حق طبعا... طلاما انتي رافضه خلاص..

ـ مش بإيدي.. دا ابن عمي... والكل موافق.. مش فارق بقاا اذا كنت انا موافقه ولا لا...

متيم: طب ومامتك!!

ـ مش قادره تقول حاجه...

متيم: امم.. وهتعملي اي..

ـ هه.. هعمل اي يعني... هتجوزه ف الاخر..

متيم: بس دا مش عدل.. وكدا مينفعش.. انتي بتظلمي نفسك..

ـ نفسي ف مكان بعيد... اهرب فيه منهم... بس المشكله بيلاقوني ف الاخر...

متيم: انتي هربتي قبل كدا!

ـ كتير.. وبيمسكوني بردو... وباكل علقه محترمه..

متيم: معندكيش اي حد تروحيله!!

ـ لا.. مليش غير ربنا...

متيم: اممم... طب انا عندي مكان مظنش ان حد ممكن يوصلك فيه.. لو حابه يعني..

ـ بجد!!.. فين..

متيم: موجود... بس هتقعدي قد اي..

ـ معرفش.. بس المهم اخلع من الجوازه دي..

متيم: المفروض تتجوزوا امتى!

ـ بكرا الفرح..

متيم: احييه.. طب ربنا حطني قدامك عشان انقذك من الجريمه دي...

ـ بص.. وديني المكان دا وانا هدفع اللي انت عايزه..

متيم: لا انا مش عايز فلوس..

ـ امال عايز اي..

متيم: مش عايز حاجه... هتقعدي لحد ماتشوفي حل بس مش اكتر...

ـ طب هو المكان دا فين وهقعد مع حد!!

متيم: لا.. هوديكي المزرعه بتاعتنا... البيت هناك حلو قوي وكمان محدش بيروح هناك... اظن دا كويس... هو بس في واحده ست مسؤوله عن المكان... هتقعدي معاها...

ـ ااه.. ياريت.. بس..

متيم: متقلقيش... انا مش هقعد معاكي.. انا همشي...

ـ انا مش عارفه اشكرك ازاي... انت جتلي نجده من السما والله...

متيم: اشربي القهوه...

ـ وااه صحيح.. اسفه ع الطريقه اللي كلمتك بيها الصبح..

متيم: ع الطريقه ولا ع الشتيمه!

ـ الاتنين...

متيم: لا ياست ولا يهمك... صحيح... انا لحد دلوقتي معرفش اسمك..

ـ وعد..

.......................................

الجو بقا بيبرد جامد وعدي مش لابس وبدأ يبرد ومش عارف يعمل اي... طلع بره جمع حطب ورجع تاني وكانت لسه نايمه... فضل يحاول يولع لحد ماولع فعلا ويادوب الدنيا نورت شويه والمكان بقا دافي...

طلع المذكره وقعد يكتب وحط راسه ع الشنطه ونعس...

..........................................

فريده: لا كدا في حاجه غلط.. ازاي مرجعوش لحد دلوقتي...

ـ اكيد جرالهم حاجه..

الكابتن: مضطرين نستنى للصبح عشان نعرف ندور عليهم...

لمى: افرض جرالهم حاجه لحد الصبح يعني!

الكابتن: ف ايدي اي اعمله!!... اهدوا بقاا لحد مالدنيا تنور... لو دخلنا دلوقتي مش هنعرف نرجع تاني...

مؤنس بهمس: يابن المحظوظه ياعدي... هتقضي ليله عنب معاها ف وسط الغابه دي... والاسم انكوا تايهين...

..............................................

عدى وقت واسيل فاقت... لقت النار مولعه وهي نايمه ومتغطيه وعدي نايم قدامها...

قامت قعدت عشان تستوعب اللي حصل...

الجو كان برد... قعدت قدام النار عشان تتدفى... كان الصبح لسه مطلعش... خدت الشال وغطت عدي بيه...

لمحت المذكره جنبه... فضولها كان هيقتلها عشان تعرف المكتوب فيها...

اسيل: لا لا عيب... مش معنى انه بيهزر ويضحك معايا اني اتخطى الحدود... ايوا بس.. مفهاش حاجه لما اشوف صفحه واحده حتى...

الفضول غلبها واتسحبت بالراحة وخدتها من جنبه...

فتحت المذكره وشافت اول صفحه...

" نعم يا امي... رأيتها اليوم.. ذات الشعر الحريري والعينان العسليتان... رأيتها لتوي.. لتسرق معها دقات قلبي... لم اعد اشعر ان قلبي معي الان... اشعر انه هناك... حيثما تكون هي.. نعم يا امي.. فقد اصبح ابنك عاشقا لصاحبة النغزه ع خدها الايمن... لتزين عرش قلبي "

كانت مبتسمه وهي بتقرأ الكلام... قلبت ع الصفحه التانيه...

" اليوم اكتشفت انها معي ف الجامعه... اي حظ هذا!!... حالفني الحظ اليوم وجلست امامها في ذاك المقهى... لاتمعن النظر بها واسرح في جمالها...

حدة نظراتها وعيناها العابستان... وشفتاها الورديتان..

وددت فقط لو اني اُقبّلهُما لثواني... تلك الخصله المتمرده ع وجهها... يلاعبها النسيم حيث يهب... وودت لو المسها بيدي... متيقن ان الشعور سيكون مختلف "

كان بيصحى من النوم راحت حطت المذكره جنبه بسرعه وقعدت مكانها...

عدي بنعس: صحيتي امتى!!

اسيل: لسه دلوقتي..

عدي: جعانه!!.. اجيبلك اكل!؟

اسيل: لا لا شكرا..

قرب من النار وقعد يدفي ايده...

اسيل كانت بتبصله بتمعن وكإنها بتحفظ شكله وهو لسه صاحي..

بصلها لقاها سرحانه فيه..

عدي: اسيل..

اسيل:...

عدي: اسيل..

اسيل: ها.. اي..

عدي: سرحانه ف اي..

اسيل: ف جمال... ا لا ولا جاحه...

عدي: طب خدي اتغطي بدا... الجو برد..

اسيل: لا انت قالع.. خليه عليك..

عدي: مينفعش بردو.. امسكي..

اسيل: والله ابدا..

راح قرب منها وقعد جنبها وفرده عليهم هما الاتنين..

عدي: حلو كدا!!

اسيل: تمام.. بس عندي سؤال..

عدي: اي..

اسيل: هو الشال دا كان معاك بيعمل اي لامؤاخذه..

عدي: لا ياروشه دا بتاع امي..

اسيل: بيعمل اي معاك بردو..

عدي: لقيته ف الشنطه... تقريبا اتحط بالغلط... او هي قلبها كان حاسس ان احنا هنحتاجه...

اسيل: هو انت معندكش اخوات!

عدي: لا.. انا وحيد

اسيل: اوكي..

سكتوا شويه والجو كان كله احراج.

اسيل: طب بدل الصمت دا ماتيجي نرغي شويه..

عدي: ارغي ياست..

اسيل: مثلا نسأل بعض اي حاجه

عدي: ماشي.

اسيل: نفسك ف اي!!

عدي: نفسي ماما تخف..

اسيل: لي عندها اي!..

عدي: القلب..

اسيل: ربنا يشفيها..

عدي: امم.. عمرك حبيتي!!

اسيل: سؤال ثعباني دا ع فكره..

عدي: لا ثعباني ولا حاجه.. يا ايوا.. يا لا..

اسيل: بص..لعب العيال اللي بيحصل دا مينفعش يتسمى حب... انا كنت متخيله اني بحب... بس دلوقتي بقيت ببص للشخص دا بقرف قوي.. اللي هو انا ازاي كنت معجبه بدا.. فاهم!.. فمظنش اني لسه حبيت...

عدي: امم.. تمام..

اسيل: قولي مثلا ليه دايما حزين!

عدي: مين قال اني حزين!

اسيل: بيبان عليك..

عدي: لا مش حزين... انا بس بفكر كتير... يمكن عشان كدا بقعد لوحدي واسرح... مشكلتي التفكير الزايد...

اسيل: وليه تفكر كتير... مش مستاهله اصلا..

عدي: عديت بحاجات تستاهل..

اسيل: بالعكس.. انت تخليها ع ربنا ومتشلش همها افضل يعني..

عدي: اي دا اي دا.. ماحنا بنقول حكم اهو..

اسيل: اووماال..

عدي: طب انا عايز اسأل ع حاجه.. ليه دايما كلامك دبش وبتبلطجي ع الناس...

اسيل: لا هو انا اسلوبي كدا... مبحبش المياصه..

عدي: مش معنى انك بتتكلمي كويس وبالراحه انك مايصه...

اسيل: مانا بتكلم بالراحه اهو... اما البلطجه والدبش بيخرجوا للناس اللي تستاهلهم...

عدي: امم.. طب عايز اسأل سؤال كمان..

اسيل: اتفضل..

عدي: هي امك دي عندها كام سنه..

اسيل: انت هتتلم ولا اقوملك..

عدي: لا بجد والله... اصل مش طبيعي ان دي تكون امك انتي يعني.. شكلها صغير وكيوت قوي..

اسيل: ايون طبعا ماهي مامي يعني..

عدي: الحمد لله مفيش اي شبه بينكوا.. حتى هي احلى منك..

اسيل: عادي بردو... ريح نفسك... بس هو انت لقيت المكان دا ازاي!

عدي: معرفش... لفيت شويه لحد ماوصلت هنا...

اسيل: اممم.. طب هو احنا هنطول هنا!

عدي: خايفه!

اسيل: لا... بس اكيد مش هنفضل هنا يعني.. وبعدين افرض حاجه طلعت علينا دلوقتي... هنعمل اي..

عدي: متخافيش.. انا هحاول اطلعك من هنا بخير...

كان بيتكلم وهو باصص ف عنيها.... ودت نظراتها بعيد عنه وبعدين هو مسك الفون وقام...

عدي: المشكله اني مش لاقط شبكه حتى...

لقى حاجاات محطوطه فوق بعض راح وقف عليهم ومد ايده لفوق..

اسيل: حااسب احسن تقع..

عدي: خايفه عليا!

اسيل: ماتلم نفسك يابني انت..

عدي: مبتكمليش جملتين ورا بعض زي الناس... لازم تقلبي كدا...

فضل يرن ع الكابتن لحد مااخيرا لقط شبكه...

عدي: ايوا ياكابتن..

الكابتن: انتوا فين ياعدي!!... اسيل معاك!

عدي: ااه معايا... بس احنا مش عارفين نرجع..

الكابتن: طب انتوا فين دلوقتي!.

عدي: احنا ف مكان زي كوخ كدا...

الكابتن: خلاص خليكوا زي مانتوا لحد الصبح واحنا هنيجي عشان دلوقتي ضلمه وهنتوه اكتر..

عدي: بسرعه بس والنبي عشان اسيل عضها تعبان ف رجلها وانا خايف...

الكابتن: خلي بالك منها واحنا هنيجي ع طول...

عدي: ماشي..

قفل معاه ولسه بينزل راح اتكعبل ووقع عليها...

بصلها شويه كدا وبعدين ودت وشها بعيد وهو قام..

عدي: اسف.. م مخدتش بالي..

اسيل: تمام.. قالك اي!

عدي: هييجوا اول مالصبح يطلع...

اسيل: طيب..

راح جاب شنطته وطلع اكل..

عدي: اتفضلي...

اسيل: لا مش عايزه..

عدي: انتي مأكلتيش من الصبح غير حاجه خفيفه... امسكي عشان متتعبيش...

كانت ماسكه رجلها بألم...

عدي: اي..

اسيل: واجعاني.. وبعدين انت رابط القميص قوي..

جاب مايه وقعد جنبها ومسك رجلها.. حط عليها مايه ودعك حواليها... فك القميص ولفه ع المكان...

عدي: معلش...هما هييجوا دلوقتي..

راح قعد وركن ع الحيطه وغمض عينيه وهي طلعت فونها وقعدت تلعب فيه وهو باصصلها...

اسيل: اعععع...

عدي: في اي..

قامت تجري وقفت وراه..

اسيل: في صرصار هناك...

بصلها شويه كدا...

اسيل: اي..

عدي: لو انتي مش بنت كنت عملت حاجه تزعلك..

اسيل: ليه..

عدي: قطعتي خلفي... صرصار اي اللي خايفه منه..

اسيل: انا بخاف انا.. ومتزعقليش كدا..

عدي: طب خلاص هو مشي..

راحت قعدت مكانها بزعل وهو قعد يلعب ف شعره وراح قعد جنبها..

عدي: اممم... طب خلاص متزعليش ..

اسيل:....

عدي: ماهو انتي خضتيني عليكي...

اسيل:....

عدي: طب خلاص انا اسف..

اسيل: مبحبش حد يزعقلي... تزعقلي لي اصلا..

عدي: طب خلاص متزعقيش.. قولتلك اسف... نامي بقااا...

اسيل: مش هنام.. ملكش دعوه..

عدي: براحتك.. انا هنام...

راح نام مكانه.. وقعد يخبط عشان تخاف...

فضلت تبص حواليها ملقتش حاجه..

اسيل: عدي... ولاااا ياعدي..

مردش عليها راحت غطت نفسها ونامت...

.............

صحي الصبح لقاها لسه نايمه وفونها بيرن...

مسكه لقاه الكابتن... بص ف فونه لقاه فاصل...

فتح...

الكابتن: ايوا يااسيل.. احنا داخلين عليكوا اهو...انتوا جوا!

عدي: ااه جوا..

بص لقى اسيل خطفت منه الفون...

اسيل: اي الوقاحه دي.. مين سمحلك تفتح فوني!!