رواية قلبي ليس بيدي 3 الفصل الثامن عشر 18 بقلم حسناء رمضان
![]() |
رواية قلبي ليس بيدي 3 الفصل الثامن عشر 18 بقلم حسناء رمضان |
رواية قلبي ليس بيدي 3 الفصل الثامن عشر 18 بقلم حسناء رمضان
عدي: لازم نسيب بعض
اسيل: ايه!
عدي: اسف..
اسيل: انا مش فاهمه حاجه.. يعني اي نسيب بعض.. انت زعلان مني يعني!!
عدي: لا..
اسيل: لا اكيد زعلان... وزعلان جامد كمان... مانت مش هتقول كدا من فراغ.. طب انا عملت اي طيب!.. طب.. طب انا اسفه لو زعلتك كدا.. بس انا معرفش انا عملت اي..
عدي: اسيل.. اسمعيني.. انا والله بحبك قوي.. بس.. غصب عني.. يعني مش بإيدي اعمل حاجه.. انا اسف بجد..
اسيل: يعني اي... جاي دلوقتي تقولي كدا!!.. امال قربتلي ليه من الاول!!... وقعدت مع بابا ليه!!
عدي: عشان عايزك..
اسيل: وانت كدا عايزني!!
عدي: بصي يااسيل.. انتي تعبانه و..
اسيل: ااه... قول كدا بقاا... ولما انت مش عايزني عشان تعبانه، قربت لي ياعدي... قولتلي لي موافق!!... هو انا مش قابلتك وقولتلك اني مش عايزه اكمل عشان انت مش مجبور تكمل وانت قولتلي لا هكمل... واصريت كمان.. قولت لي كدا وقتها!!
عدي: كدا احسن.. انا بس عايزك تعرفي اني مش هسيبك عشان انتي تعبانه... انا ميفرقش معايا غيرك... انا بس مش عايز اتعبك معايا.. انا مش هقدر اعملك اللي انتي عايزاه... انتي ف بيت اهلك عايشه مرتاحه... واظن انا دلوقتي مش هقدر اقدملك اي حاجه... عشان خاطري افهميني..
اسيل: امم.. فهمت.. فهمت ياعدي..
عدي: اسيل..
اسيل: عدي.. ملكش كلام معايا تاني.. وياريت فعلا ننهي كل حاجه بينا... تصدق!.. انا غلطانه من الاول اني وافقت اكمل.. قول ان كلام شهد كان ع هواك وانك كنت معاها ف الرأي.. هتتجوز ازاي واحده عندها كانسر والله اعلم قاعدلها قد اي وتموت.. عدي.. ياريت ملكش دعوه بيا تاني بعد كدا.. كفايه قوي كدا...
جت تمشي راح مسك ايديها..
عدي: انا مكنتش بلعب بيكي يااسيل.. انا حبيتك..
اسيل: بطل كدب بقاا.. قول انك مكنتش طايلني وماصدقت اني اتساهلت معاك وكلمتك... ولا كان في غايه تاني!!... ع العموم ابعد عني... مش عايزه اشوفك تاني ياعدي..
سابته ومشت وهو فضل واقف مكانه...
طلعت الاوضه وفضلت تعيط...
رودي كانت مراقبه الحوار من الاول... اول مالقتها مشت، نزلت لعدي..
رودي: واقف لوحدك ليه..
عدي: مفيش..
رودي: شايفاك واقف متضايق يعني.. انتوا متخانقين ولا اي!
عدي: حاجه زي كدا..
رودي: طب تحب نتمشى شويه!
عدي: لا انا هطلع الاوضه..
رودي: لا لا.. لما تمشي هتفك شويه... انما لو قعدت لوحدك هتتعب.. تعالى نتمشى كدا شويه ونرجع..
مشي معاها وهو ساكت... اسيل شافتهم من فوق..
دخلت وفضلت تعيط...
جوري: يابنتي قوليلي مالك!.. انتي مش كنتي جايه تضحكي مع عدي!!.. اي اللي اتغير يعني!
مكانتش بترد وبتعيط..
جوري: طب انتي تعبانه!!.. ارن ع بابا!!...قوليلي مالك طيب..
اسيل: لا مترنيش عليهم... انا هبقى كويسه.. سيبيني لوحدي بس عشان عايزه انام..
جوري: متاكده!!
اسيل: ايوا.. يلا بقاا..
طلعت وهي قفلت الباب ونامت..
..............
شهد: انتي فين..
رودي: مع عدي ياماما..
شهد: عدي!.. ااه.. طب كويس... بتعملوا اي بقاا..
رودي: بنتمشى كدا شويه..
شهد: طيب.. هرن عليكي بعدين..
رودي: ماشي باي..
قفلت معاها وعدي ماشي وباصص قدامه ومش معاها..
رودي: تحب نشرب حاجه!.. عدي..
عدي: لا..
رودي: مش عارفه مالك مقفل كدا ليه... تعالى بس نشرب حاجه..
............
مروان: كنتي فين..
جوري: كنت مع اسيل فوق..
مروان: هي كويسه!.
جوري: مظنش.. مش عارفه متضايقه من اي..
مروان: تقرييا متخانقه مع عدي..
جوري: عرفت منين.
مروان: كانوا واقفين مع بعض دلوقتي وشكلهم متخانقين...
جوري: مش عارفه بقاا...
مروان: طب اي..
جوري: اي..
مروان: مش هنتجوز بقاا..
جوري: والله انت فايق ورايق..
مروان: واي اللي مخليكي مش رايقه!.. وبعدين انا زهقت والله.. ننجز كدا عشان انا عايز اخلف..
جوري: وه.. مالك يامروان!.. ماتهدى.. تخلف اي دلوقتي.. مش لما نتجوز الاول... وبعدين حتى لو اتجوزنا انا مش هخلف دلوقتي ابدا..
مروان: طب ع الاقل نتجوز الاول وبعدين نشوف الموضوع دا..
جوري: احنا لسه مخطوبين يامروان... استنى شويه ع الاقل لما تتخرج..
مروان: وانا هفضل كدا لحد مااتخرج!!
جوري: امال هنتجوز وانت لسه طالب!!
مروان: لا طبعا.. كدا هنقعد كتير ياجوري.. وبعدين مانا بشتغل... يعني الجامعه مش هتأثر ف حاجه..
جوري: انت بتشتغل مع باباك.. انا عايزاك يبقى ليك شغل خاص بيك انت.. انت اللي تعمله..
مروان: ع الاقل لحد ماتخرج ياجوري..
............................................
جاكي: رن اتطمن ع العيال ياجو..
جاك: ياشيخه ربنا ياخدك انتي وهما.. زههههجت.. وه.. هما مش صغيرين..
جاكي: يعم مش هتخسر حاجه... اتطمن بس عشان والله قلقانه عليهم قوي..
جاك: طيب..
رن ع متيم..
متيم: ايوا يابابا..
جاك: انتوا كويسين!
متيم: ايوا.. في حاجه!
جاك: امك واجعه دماغي ياخي.. اخواتك كويسين!
متيم: ايوا متقلقوش..
جاك: طب سلام... ارتاحتي ياختي..
جاكي: اديني فرصه اكلم الواد..
جاك: بلا واد بلا نيله... ويلا عشان ننزل بقاا..
جاكي: لا انا عايزه انام..
جاك: جاكيييي..
جاكي: خلاص.. قايمه.. اوووف..
جاك: القرف دا.. كنت جبت مايا معايا احسن...
رجعت وقفت قدامه..
جاكي: جبت مين!!
جاك: مين!
جاكي: متستهبلش.. لسه بتدور حوالين مايا ياجاك!
جاك: محصلش..
جاكي: لسه خاين ياجاك!!
جاك: استغفر الله العظيم... ع فكره بقاا... مايا متجوزه ومخلفه.. وانتي روحتي فرحها بنفسك.. فكك منها بقااا..
جاكي: امال كل شويه تجيب سيرتها ليه.. ولا هي قلة ادب وخلاص!
جاك: احترمي نفسك بدل والمصحف هكسر عضم وشك..
جاكي: ياجدع!!... طب ماتوريني كدا!!
جاك: عدي يومك ياجي..
جاكي: ياجدع دانا لو جبت سيرة ادم بتقلب وحش.. وادم اخويا يعني مش حد غريب..
جاك: لا حد غريب.. وابقي قربي منه ياجي..
جاكي: طب هقرب ياجاك.. وريني هتعمل اي.. واول ماهنرجع هروح اخده بالحضن ياجاك.. هه
جاك: لو ابوكي راجل اعمليها... مش هقولك غير كدا..
..............................
ندى: محمددددد...
محمد: في حد يصحي حد كدا!!
ندى: زهقتتتت... اخلص الكل نزل من بدري.. يلا نلف شويه بقاا..
محمد: خلاص قايم.. منه لله اللي كان السبب..
ندى: السبب ف اي..
محمد: السبب ف اني اتدبس فيكي.. مش عارف حبيتك ع اي.. جاتك القرف ف شكلك..
ندى: اما انت مهزء صحيح.. هو انت كنت تطول تبصلي اصلا!!
محمد: ليه ياختي.. مفكره نفسك مين..
ندى: بقولك اي ياض انت... والمصحف اشرح وشك..
محمد: لا.. مش عايز بلطجه هنا.. بلطجي ف الشارع.. اما هنا تحترمي نفسك...
ندى: اقولك حاجه... انا سايباك ونازله... انزل لوحدك بقاا..
محمد: احسن بردو..
....................
نور: دومي..
ادم: عيونه..
نور: طلقني..
ادم: ايه!!
نور: العب باليه..
ادم: تؤ.. اتلمي يانور..
نور: مبهزرش.. طلقني..
ادم: يا حول الله يارب... ماتتهدي بقاا..
نور: هو بالعافيه!!... مش عايزه اعيش معاك يااخي..
ادم: ليه بقاا.. هاتيلي سبب..
نور: هو كدا... مزاجي كدا... عايزه ارجع سنجل تاني.. كان مالي انا بكل دا.. مانا كنت عايشه معززه مكرمه بدل قلة القيمه دي..
ادم: قلة قيمة اي ياللي تنشكي ف قلبك.. اي اللي تاعبك ياختي..
نور: زهقت منك..
ادم: من القلب للقلب والله... بس اعمل اي..
نور: سهله.. نتطلق وكل واحد يروح يشوف حاله وبعدين نرجع..
ادم: ااه والعيال يدوروا ف الشوارع بقاا..
نور: لا مانت هتربيهم..
ادم: كمان!..
نور: امال اسيبك تدور ع حل شعرك مع الستات!!
ادم: ستات اي!!.. دانتوا عيله مجانين والله.. اوعي ياست كدا خليني اروح اتمشى... دانتي عيله فقر..
نور: لا استنى خدني معاك..
ادم: لا ياختي.. خليكي زي الخرتيت هنا كدا..
نور: والنبي والنبي... وبعدين انا عايزه انزل المايه..
ادم: انزلي.. اياك ماتطلعي..
نور: اهو انت.. وهتطلقني ياادم... هه
ادم: طلقه ف نفوخك عدل.. بقولك اي.. اجري روحي العبي معاهم تحت وانا هروح اشوف الاجانب اللي هنا... شوفت شويه وانا طالع انما اي.. عنب..
نور: نعم ياخوياااا... مش بقولك عايز تدور ورا الستات..
ادم: احسن من شكلك يانور.. يلا روحي العبي تحت بقاا مع نفسك..
نور: لا والنبي استنى اغير وانزل معاك..
...................
متيم: ماتبطلي اكل..
وعد: الله.. وانت مالك..
متيم: بقيتي قد البقره..
وعد: احترم نفسك يامتيم... وبعدين انا حره اكل اللي انا عايزاه..
متيم: طب بقولك اي.. تعالي نتمشى كدا ولا نعمل اي حاجه..
وعد: لما اكل..
متيم: بقالك سنه بتاكلي..
وعد: ملكش فيه..
متيم: اووووه..
وعد: اي..
متيم: شايفه المزه اللي وراكي دي.. حاجه اي.. فورتيكه..
وعد: ااه فعلا.. البت صاروخ..
متيم: اوووف.. انتي هبله!!
وعد: اي..
متيم: مش المفروض تغيري!!
وعد: اغير ليه ماهي صاروخ فعلا...
متيم: مش عارف وقعت عليكي فين والله... كان يوم ابيض يوم ماشوفتك..
وعد: اسكت خليني اكل.. روح هاتلي عصير..
متيم: انا سايبلك الدنيا كلها ورايح اشوف حد الف معاه جاتك ف بطنك عدل..
وعد: لا خلاص هاجي معاك... استنى يلاااا..
.............................
الوقت عدى واسيل صحيت من النوم.. بصت لقت الليل جه وهي لسه نايمه... غيرت ونزلت تتمشى لوحدها... فضلت تتمشى كتير وهي سرحانه وبتعيط...
جوري طلعت تشوفها بس ملقتهاش ف الاوضه...
دورت عليها وملقتهاش... نزلت تحت ومكانتش موجوده وعدي قاعد مع رودي..
جوري: عدي.. فين اسيل..
عدي: مش عارف..
جوري: يعني اي مش عارف.. دي مش فوق.. ولا حتى هنا خالص..
عدي: يعني اي.. هتكون راحت فين!..
جوري: معرفش... وكمان هي متعرفش حاجه هنا...
عدي: طب استني ارن عليها...
فضل يرن بس مش بترد..
عدي: مش بترد..
جوري: استنى متيم جاي اهو.. متيم مشوفتش اسيل!
متيم: لا ماهي كانت معاكوا..
جوري: مش لاقيينها...
متيم: يعني اي..
جوري: طلعت الاوضه وملقتهاش..
رودي: تلاقيها بتتمشى هنا ولا هنا..
عدي: لا.. اكيد في حاجه... هروح اشوفها..
متيم: وانا هشوفها هنا..
.............
جاكي: چو...
جاك: عايزه اي..
جاكي: عايزه فراوله حلوه زيك كدا..
بصلي بقرف كدا..
جاك: لا..
جاكي: هو اي اللي لا..
جاك: مش هجيب ياست انا حر..
جاكي: هخلي مين يجيبلي يعني!
جاك: ماشي هجيبلك.. بس هاخد اي ف المقابل!
جاكي: ايها النتن البخيل..
جاك: اخلصي..
جاكي: عايز اي..
جاك: امم.. بوسه..
جاكي: ف الشارع كدا!
جاك: ايوا..
جاكي: والناس!
جاك: مش مهم..
......................
اسيل كانت واقفه بعيد قوي عنهم ومتعرفش اصلا هي راحت فين ولا مشت ازاي... فضلت واقفه قدام البحر ودموعها بتنزل..
ـ واقف لوحدك لي ياجميل..
ـ مالك سرحان ف اي بس..
بصت عليهم لقتهم شابين..
اسيل: وانت مالك منك ليه..
ـ لا ليه العنف دا... ماحنا حلوين اهو..
اسيل: هتغور ف داهيه ولا امسح بكرامتك الارض..
ـ دا قلبه ميت ياعم..
ـ بس دا ميمنعش انه بطل.. ماتيجي بس واحنا هنظبطك وهنخليك تروق والله..
اسيل: انتوا مش محترمين فعلا..
لسه هتمشي راح مسك ايدها وشدها..
اسيل: سيب ايدي ياحيوان انت..
ـ ماتحترمي نفسك يابت انتي.. وبعدين انتي مغطيه شعرك ليه..
راح شد الغطا من ع راسها والاتنين فضلوا يضحكوا..
ـ عشان كدا مغطيه نفسك يعني!!.. دي طلعت قرعه ياعم.. امال ع اي التناكه دي كلها..
اسيل: لو سمحت اديني الزفت..
ـ تعالي عشان تاخديها..
ـ قوليلي بس.. مين حالقلك كدا..
اسيل: انتوا متخلفين فعلا.. اوعى من وشي..
ـ شكلها هتتعبنا..
مسكها تاني راحت لفت ضربته بالقلم...
ـ انتي مجنونه يابت!!..
لسه هيرفع ايده عليها بس عدي وصل ومسكه..
عدي: ايدك دي هتوحشك ياحيلتها...
فضل يضرب فيهم وهي واقفه تعيط... ضربهم الاتنين وطلعوا يجروا.. وهي طلعت تجري وهي بتعيط..
عدي: اسيل استني..
جري وراها ووقفها..
عدي: اهدي.. خلاص مفيش حاجه..
اسيل: اوعى ابعد عني.. ملكش دعوه بيا... انت مبتفهمش!
عدي: طب استني طيب.. انا اسف.. حقك عليا بجد..
اسيل: ابعد عني ياعدي.. انا خلاص قطعت علاقتي بيك نهائي.. ويستحيل ادخلك حياتي تاني..
عدي: طب افهميني ع الاقل...
اسيل: ابعد عني بقا.. مش عايزه اسمع منك حاجه..
سابته ورجعت وهو رجع وراها..
متيم: كنتي فين..
طلعت تجري عليه وحضنته وهي بتعيط..
متيم: في اي..
اسيل: رنلي ع بابا..
متيم: اي اللي حصل طيب..
اسيل: انا عايزه بابا يامتيم.. هاتهولي والنبي..
جوري: حاضر انا هرن عليه... اهدي انتي بس..
فيروز: اي اللي حصل ياعدي.. لقيتها فين..
عدي: كان في شابين بيضايقوها..
متيم: فين دول!.. وانت سيبتهم!!
عدي: اكيد لا.. عن اذنكوا..
سابهم وطلع اوضته وهما خدوها وطلعوا... شويه ووصلنا عندهم..
جاك: فين اسيل..
جوري: ف اوضتها..
طلع بسرعه عندها..
جاك: اسيل.. في اي ياحبيبتي..
حضنته وقعدت تعيط..
جاك: بتعيطي ليه.. قوليلي مين ضايقك بس..
اسيل: بابا خليك معايا.. مش عايزه اشوف حد..
جاك: حاضر ياحبيبتي.. اطلعوا بره انتوا دلوقتي..
طلعنا وقفلنا الباب وهو قعد معاها..
جاك: قوليلي بقاا في اي.. مين ضايقك..
اسيل: مش عايزه اكمل مع عدي..
جاك: ليه.. عمل حاجه!
اسيل: لا هو مش عايزني..
جاك: يعني اي مش عايزك..
اسيل: قالي لازم نسيب بعض.. انا قولتله من الاول اننا مش هينفع نكمل مع بعض وهو اللي أصر.. طب صمم ليه طلاما هيسيبني ف الاخر..
جاك: بس اهدي.. بطلي عياط.. بتعيطي عشانه بالطريقه دي!!... يعني هو عايز يسيبك وانتي تقعدي تعيطي عليه كدا!!
اسيل: صعبت عليا نفسي... هو معاه حق.. مش مضطر يكمل معايا..
جاك: هو ميستاهلش يكمل معاكي اصلا... دا عيل زباله من الشارع.. وانتي اللي اصريتي عليه... انتي فاكره انتي رفضتي كام واحد عشانه!!
اسيل: خلاص يابابا.. انا فاهمه هو رفضني ليه.. ودا حقه.. محدش يقدر يلومه.. انا اللي غلطانه من الاول..
جاك: لا انتي مش غلطانه.. هو اللي عيل كلب ووحياتك ماهيطلع عليه صبح.. انا قولتله قبل كدا وحذرته..
اسيل: لا يابابا والنبي.. متجيش جنبه.. هو حر..
جاك: سيبك منه دلوقتي.. ارتاحي انتي ونامي وانا هشوف الموضوع دا.. وع فكره.. هو الخسران مش انتي... وكويس انه بان ع حقيقته من الاول.. ميستاهلش كل اللي عملاه عليه دا.. طلعيه من حياتك وكإنه مدخلهاش اصلا.. ماشي!
اسيل: ماشي..
جاك: نامي ياروحي دلوقتي وانا هنزل اطمن ماما عشان قلقانه عليكي... وهطلعلك تاني..
اسيل: ماشي..
سابها ونزل..
جاكي: في اي...
جاك بحده: فين عدي
جاكي: اي اللي حصل..
جاك: فين زفت..
متيم: واقف هناك اهو بيتكلم ف الفون..
تعليقات
إرسال تعليق