رواية قلبي ليس بيدي 3 الفصل السادس عشر 16 بقلم حسناء رمضان

سمعوا صويت جاي من فوق..

الكل طلع يجري ع فوق..

جاك: في اي..

لقوا اسيل واقفه ع السرير...

متيم: في اي...

اسيل: تعبان..

جاك: فين دا..

اسيل: كان تحت..

جاكي: ياشيخه قطعتي خلفي..

اسيل: وهو المفروض اعمل اي لما اشوف تعبان يعني..

جوري: طب يلا انزلي وهما يتصرفوا..

جاك: تعالي احنا ننزل ومتيم وعدي يشوفوه فين..

متيم: خد بس.. متيم مين اللي يشوفه..

جاك: اجمد ياض كدا.. وانا هروح اهدي اختك.. يلا باي..

سبناهم ونزلنا..

متيم: احم... اتفضل ياعدي..

عدي: انا مالي ياعم.. انت اولى..

متيم: ميصحش والله..

عدي: عيب ياخويا دا بيتك..

متيم: لا وبيتك انت كمان متقولش كدا.. ادخل بس شوف في اي..

عدي: متقولش انك خايف...

متيم: لا مبخفش..

عدي: طب ماتوريني..

متيم: دانت غتت ياخي..

قعدوا يدوروا ف الاوضه وهما خايفين..

عدي: احييه اهو..

متيم: طب هاته بقاا..

عدي: انا مالي يعم... هاته انت..

متيم: خلي عندك دم وساعدني.. مفهاش حاجه يعني..

عدي: اما انت خواف صحيح..

مشي عليه ومسكه ونزل بيه تحت..

متيم: دا بجد!!

نزل وراه ورموه بعيد...

جاكي: دانت جامد اهو..

اسيل: امال..

متيم: ع فكره انا ساعدته يعني..

اسيل: واضح..

متيم: اي البرود دا.. ماتقولهم اني دورت معاك..

عدي: ايوا فعلا دور معايا... بس خاف يمسكه..

جاكي: هتفضل جبان كدا..

جوري: طب هو جه منين اصلا!

جاكي: اكيد من الجنينه... ع العموم يلا كلوا...

......

قاعدين ناكل وعدي قاعد قدام اسيل وعمالين يبصوا لبعض ويبتسموا..

جاك: احم احم..

خلصنا اكل وجاك ومتيم وعدي قعدوا مع بعض بره وانا والبنات ف المطبخ..

....

عدي: نتكلم ف اللي انا جاي عشانه بقاا..

جاك: ياريت..

عدي: طيب انا كنت جاي اطلب ايد اسيل من حضرتك..

جاك: امم.. طب انت عارف ايد اسيل دي تساوي كام!

عدي: احم.. عارف.. وعارف كمان اني مهما قدمت مش هيكفيها... مفيش حاجه اصلا تكفيها..

جاك: امم.. طب وانت جاي تطلب ايدها بطولك!.. فين اهلك..

عدي: بصراحه انا جاي عشان افتح مواضيع بس... يعني المره الجايه اهلي هيكونوا معايا ان شاء الله.. انا بس عايز اعرف رأي حضرتك فيا اي..

متيم: هتقدر تعمل اللي هنطلبه منك!!

عدي: تحت امركوا..

متيم: هتقدر ع المهر والشبكه وووو...

جاك: متيم.. اسكت..

عدي: هقدر ان شاء الله... بس حضرتك عارف كمان اني لسه طالب..

جاك: شوف ياعدي.. انا مش عايز منك اي حاجه.. وموافق عليك وبعتبرك زي متيم... انا كل اللي عايزه راحة اسيل... وعشان شايف انها مبسوطه معاك فانا مقدرش اقول لا لسعادتها...

عدي: يعني موافق!

جاك: ايوا... بس عندي شروط..

عدي: تحت امرك ف اي حاجه...

جاك: بنتي لو جتلي ف يوم دمعتها ع خدها، قول ع نفسك يارحمن يارحيم..

عدي: حضرتك انا عايز اتجوزها عشان افرحها وابقى معاها... مش عشان ازعلها...

جاك: تمام.. بس انا كلمتي واحده... بنتي اغلى حاجه عندي... وبعدين صحيح... اهلك موافقين!!

عدي: اي اللي هيخليهم يرفضوا!

متيم: عشان تعبانه مثلا...

عدي: لا مش هيعترضوا...وبعدين انا اللي هتجوزها مش هما... المهم انا ابقى موافق..

جاك: مينفعش... ان مكانوش اهلك موافقين وراضيين كل الرضا، فبلاها جوازه... هي عندي عايشه ملكه.. محدش يقدر يقولها كلمه.. اما لو حد من اهلك قالها كلمه ضايقتها صدقني مش هيبقى ف صالحكوا نهائي...

عدي: ياجاك بيه اسيل ف عينيا... واهلي طيبين.. هتتعرف عليهم وهتفهم قصدي اي...

جاك: ماشي.. تمام..

دخلت بالقهوه..

جاكي: مالكوا ساكتين ليه..

جاك: لا خلصنا كلام..

عدي: معلش بس انا عايز اعرفك رأي حضرتك كمان ف الموضوع..

جاكي: اهم حاجه عندي هي.. لو هي راضيه وموافقه انا معنديش مشكله ابدا..

عدي: ريحتوني.. طب استأذن انا..

اسيل: رايح فين.. ا قصدي يعني لسه بدري وكدا..

عدي: لا معلش... كفايه كدا... عن اذنكوا...

مشي وجاك طلع معاه...

اسيل: بابا قال اي ياماما!

جاكي: يابت انتي واقعه كدا ليه.. ماتنشفي شويه..

اسيل: انشف اي بس... انتي مش شايفه الواد عامل ازاي..

جاكي: اتلمي بدل مااقول لابوكي..

اسيل: لا وع اي... انا طالعه اوضتي...

اول ماطلعت رنت عليه...

اسيل: وصلت ولا لسه!

عدي: انا لسه طالع من عندكوا ياسو..

اسيل: اي سو دي يلااا..

عدي: اي.. بدلعك..

اسيل: لا متدلعنيش...

عدي: طب خلاص اقفلي ومترنيش تاني..

اسيل: تصدق اني غلطانه اني عبرتك!

عدي: طب بقولك اي.. ماتيجي نخرج النهارده...

اسيل: لا مش هينفع..

عدي: ليه..

اسيل: اهلي جايين النهارده...

عدي: ااه.. طب تمام... لو فضيتي يعني كلميني... ولو مش هينفع النهارده خليها بكرا...

اسيل: عندي جلسه بكرا...

عدي: اي دا ومقولتيش ليه.. انا جاي معاكي...

اسيل: لا لا متجيش..

عدي: لا هاجي... الجلسه دي امتى..

اسيل: صدقني مش مستاهله.. متجيش احسن..

عدي: مش عايزاني اجي ليه..

اسيل؛ بلاش ياعدي... بابا وماما بيبقوا معايا...يعني مش لازم تيجي..

عدي: مش باخد رأيك... انا هاجي...

اسيل: ماشي.. طب سلام دلوقتي..

عدي: سلام..

.................

جاكي: اخرتوا ليه..

ندى: يادوب اهو.. عاملين اي..

جاك: الحمد لله... ادخلوا..

الكل اتجمع واسيل نزلت...

ندى: عامله اي دلوقتي ياسوسو..

اسيل: الحمد لله احسن..

مراد: طب انا عندي سؤال معلش..

متيم: رخامه بقا وكدا..

مراد: لا بجد... هو ليه كلكوا حاطين حاجه ع دماغكوا... هي بتمطر عندكوا!

جاك: لا ياسيدي.. دا عشان احنا حبينا نغير مع اسيل وكلنا نشيل شعرنا.. لوك جديد كدا يعني..

مراد: ااه.. طب دا حلو والله... تغيير..

مالك: وفي تحسن في الحاله ياجاك!

جاك: ااه.. ماهي دلوقتي بتاخد الجلسات وعند دكاتره من بره...ان شاء الله خير..

فيروز: بإذن الله هتخفي وتبقي اجمل واحده ف الدنيا... وبعدين اي مفيش عريس كدا ولا كدا!!

نور: لا عريس اي.. انا هاخدها لمراد..

هند: لا طبعا... انا هاخدها لابني ياختي..

سما: ماشاء الله... عمالين تبيعوا وتشتروا ف البت..

منه: طب قولي رأيك انتي يااسيل..

اسيل: والله ياعمتي كان ع عيني... بس انا دلوقتي بحب حد وهتجوزه...

شهد: حد مين..

اسيل: واحد وخلاص..

شهد: وبتقولي كدا قدام جو عادي!!

اسيل: جو!!!... طب هو مبدئيا انا بغير ع بابا شويه فبلاش كلمة جو دي.. ثانيا بقااا.. مبعملش حاجه غلط عشان مقولش قدامه..

شهد: بس المفروض تتكسفي يعني وانتي بتقولي بتحبيه قدام ابوكي..

اسيل: وانتي متكسفتيش وانتي بتقوليله جو قدام عيلته وانتي متجوزه!!

جاك: احم.. اسيل..

شهد: انا بقوله جو عشان احنا متربيين مع بعض.. وواخدين ع بعض قوي..

اسيل: مع اني اشك ف صحة الكلام دا.. بس دا كان زمان.. مش دلوقتي...

شهد: طب ماتورينا سعيد الحظ اللي هياخدك دا..

اسيل: للاسف... كان هنا ولسه ماشي..

شهد: كمان جبتيه البيت!!... وانت اي وضعك ياجاك!!..

جاك: جه البيت يتقدملها ياشهد... مش حاجه تاني..

شهد: ووافق ازاي عليكي!

جاكي: يعني اي وافق ازاي عليها!!... اياك بنتي معيوبه!!... دي قمر ياختي... دا هو اللي هيموت وياخدها... وهي اللي كانت رافضه ويادوب حنت عليه..

شهد: مش قصدي انها وحشه.. بس كمان هي تعبانه..

فيروز: خلاص ياشهد...الا صحيح بنتك اي اخبارها.. مفيش عريس كدا ولا كدا...

شهد: اي دا... هو متيم مش هياخدها ولا اي..

جاكي: هه.. عشم ابليس ف الجنه..

متيم: لا ياطنط والله مظنش..

شهد: ليه انت مش بتحبها!!

رودي: بس ياماما..

متيم: لا بحبها زي اختي... انما انا بحب واحده تانيه وهتجوزها...

جاك: هو الكلام كله هيبقى ع ولادي ولا اي!!... ماتقول حاجه ياادم..

ادم: طلاما قاعدين مع ستات طبيعي انهم يرغوا ف الحاجات دي..

جاك: خلاص تعالوا احنا نقعد برا... وصحيح ياسو.. رني ع عدي عشان ييجي بالليل..

اسيل: حاضر..

شهد: مين عدي دا..

اسيل: ياحول الله يارب.. عدي دا اللي هيبقى جوزي.. بإذن الله يعني...

شهد: ااه.. طيب..

..........................

جاك: وانت يااستاذ مراد!... اتعدلت ولا لسه!

مراد: لا الحمدلله... ربنا هداني..

ادم: سبحان الله... من ساعة اللي حصل وهو ماشي كويس..

محمد: طب الحمد لله كدا كويس اهو.. احسن من الاول..

ادم: لا احنا كنا فين وبقينا فين... بس صحيح... مين عدي دا ياجاك..

جاك: واحد زميلها ف الجامعه..

محمد: واثق فيه يعني!.. مش ممكن يكون بيلعب بيها!.. وبعدين سامحني بس اي اللي هيجبره يتجوزها وهي تعبانه.. ابسط شئ ممكن يقولها كلمه تجرحها.

جاك: بيحبها.. بيحبها وهي مكانتش موافقه... بس هو مصمم... وع العموم انا لسه عايش يعني... وهو الجاني ع نفسه...

..........................

فيروز: وجوزك مجاش معاكي ليه ياشهد..

شهد: عنده شغل..

فيروز: امم.. ربنا يعينه..

جاكي: امم.. ومش ناويين تخلفوا تاني!.. ولا اكتفيتوا برودي بس!!

شهد: ها.. لا كفايه رودي..

فيروز: هو صحيح ان عندك مشكله ف الرحم!!

شهد: مين قالك كدا..

فيروز: متقلقيش انا ميهمنيش امرك ياقمر... بس عشان تعرفي ان محدش بإيده المرض..

شهد: ااه طبعا... دي حاجه بتاعت ربنا..

جاكي: تعالي معايا يااسيل المطبخ..

خدتها ودخلنا جوا..

جاكي: اسمعي... اي كلمه تقولهالك العقربه دي، رديها بعشره... دي بالذات متعمليش ليها احترام ولا تخافي منها..

اسيل: لما عدي ييجي اكيد هتقعد تسأله اسأله بايخه..

جاكي: متقلقيش.. انا هقعد معاكوا..

جبنا العصير وطلعنا تاني...

عدى الوقت والكل قاعدين مع بعض لحد ماعدي وصل..

جاك: تعالى ياعدي..

عدي: خير.. اسيل كلمتني وقالتلي ان حضرتك عايزني..

جاك: ااه... عايزين يتعرفوا عليك.. تعالى..

خده ودخل جوا وسلم عليهم..

فيروز: ماشاء الله... هو دا عدي!.. دا اللي كان موجود ف الخطوبه..

اسيل؛ ااه..

ندى: بتعرفي تختاري يابنت المحظوظه..

محمد: ندى..

ندى: احم.. ماشي..

شهد: وبتشتغل اي بقاا ياعدي!

عدي: هو بصراحه انا لسه طالب.. بس بصرف نفسي ف شغل ابويا يعني لحد ماتخرج..

شهد؛ وابوك شغال اي..

اسيل: هيفرق معاكي ف اي..

شهد: بسأل عادي..

عدي: احم... بابا شغال ميكانيكي..

شهد: نعم!!... وانت شغال ميكانيكي!!

عدي: ايوا.. في حاجه!

شهد: وانتي موافقه تتجوزي واحد ميكانيكي!!..

اسيل: ااه.. موافقه.. اي مشكلتك!!

شهد: ايوا بس.. اعذريني بس مش مقامك.. انتي مقامك واحد غني يعني..

اسيل: عشان كدا كنتي هتموتي ع بابا...

انا وجاك كاتمين الضحك ومتابعين الحوار..

شهد: لا.. مين قالك كدا..

اسيل: مش مهم.. وبعدين هو مش بالغني ولا الفقير..

شهد: هتعيشي ازاي!!... هتربي ولادك ازاي!!

عدي: هي دي مش شغلانتي الاساسيه... انا بشتغلها بس لحد ماخلص كليه.. عشان اساعد بابا... بدل ماخد المصروف منه..

شهد: ايوا بس في شغل كتير غير كدا..

عدي: انا مبسوط ف الشغل دا... عشان انا بتعب واصرف ع نفسي.. مش زي اللي بياخدوا فلوس من اهلهم...

اسيل: وبعدين ميكانيكي مش ميكانيكي.. هو حلو ف كل حاجه.. خلينا نشوف بنتك هتروح فين..

شهد: اكيد.. بنتي هتاخد واحد يستتها.. مش يشقيها معاه...

اسيل: عشان كدا عايزاها لمتيم!!

شهد: انا مش عايزاها لحد... انا كنت بهزر زيهم..

اسيل: امم.. معلش افتكرتك بتتكلمي جد..

فيروز: قولي ياعدي.. عندك اخوات!

عدي: لا انا وحيد..

شهد: مامتك عايشه!

عدي: اه الحمد لله...

شهد: وموافقه ع اسيل!!

عدي: ومتوافقش ليه..

شهد: عشان تعبانه مثلا... ماهو بردو المرض اللي عندها دا مش سهل.. والله اعلم هتقوم منه ولا لا.. انا اصلا معرفش انت اي اللي يجبرك ع كدا..

لسه هرد وهشرشحلها راح عدي رد...

عدي: مبدئيا.. انتي المفروض قريبتها.. يعني المفروض انتي اخر واحده تقول عليها كدا... ع الاقل عشان نفسيتها.. بس الواضح انك مش زيهم... ثانيا بقاا.. انا اللي هتجوزها.. وماما موافقه وعايزاها النهارده قبل بكرا... وانا بحبها وموافق.. انتي اي مشكلتك مش فاهم!!... وبعدين المرض ممكن يروح عادي جدا.. بس مرض القلوب دا بعيد عنك... ملوش علاج... هيفضل الانسان مريض بيه طول عمره.. هيعيش بنفس السواد كدا لحد مايموت.. واخيرا بقاا.. بعد الشر عليها.. انا اصلا مقدرش اعيش من غيرها.. ومظنش ان البيت دا كمان هيبقى ليه طعم من غيرها..

شهد: انا مش قصدي حاجه.. انا بقولك الواقع يعني..

عدي: بلاش اقولك تحطي الواقع بتاعك دا فين... احنا واقعنا مختلف عنك..

فيروز: مش عارفه وقعتي عليه فين دا.. تعالى ياض هات بوسه..

عدي بهمس: اقوم!!

اسيل: قوم..

باسته ورجع مكانه..

جاكي: بس بقاا الواد وشه احمر..

فيروز: يووه.. يعني بتتكسف...

شهد: وهتعملوا فرح بقاا ع كدا!

عدي: طبعا..

شهد: وع اي الفرح يعني!!..

اسيل: امال انتي عايزه اي..

شهد: الناس هتقول اي.. خاصة ان الكل عارف انك تعبانه..

عدي: هعملها احسن فرح كمان...وبعدين الناس مالها!!

شهد: ايوا بس الناس هتفضل تتكلم يعني..

عدي: هي الناس.. انا مش شايف غيرها..

جوري: هو انتي ليه مركزه عليهم كدا.. شوفي حد غيرهم يعني.. احنا كتار اهو..

شهد: شايف بنتك ياجاك!!

جاك: مالها... قمر اهي..

جوري: امووواه.

جاك: امووواه..

رودي: ماما متقصدش حاجه.. هي بتسأل بس.. وبعدين معاها حق.. اكيد هتيجي ف يوم وتعايرها بمرضها... هما الرجاله كدا... وبعدين مفهاش شعر وشكلها مش هيبقى قد كدا...

عدي: اعذريني بس اكيد دول الرجاله اللي انتي تعرفيهم.. اما انا غير..

رودي: اي.. مش راجل!!

اسيل: راجل ياحبيبتي.. راجل وسيد الرجاله.. بس مشكلته انه محترم حبتين.. بس انا مش محترمه خالص... وممكن اقوم ازعلك مني.. وبعدين انتي اي اللي مضايقك.. عشان بيحبني يعني!!... بكرا تلاقي اللي يحبك انتي كمان ياختي... مع اني اشك ف كدا يعني..

جاكي: هو يقصد انه راجل بجد... مش زي الخوازيق اللي بتدخل حياتك.. وشاريها رغم انه عارف مرضها.. بس عشان هي حلوه وتتحب ف كل حالاتها... وادي بنتي اهي من غير شعر.. قارني بينك وبينها كدا!!... وشوفي مين احلى.. اصلا مفيش مقارنه بينكوا... اسلكي.. مش هتبقي انتي وامك..

جاك: جاكي.. خلاص..

فيروز: طب نغير الموضوع بقاا.. هتفضلوا تناقروا كدا كتير!..

ندى: القاعده كانت بتبقى حلوه.. معرفش اي اللي مخليها تقيله كدا..

جاكي: دا حتى الاكسجين اتشفط كله مره واحده..

شهد: وع كدا هتلبسي حجاب بقاا ف الفرح..

جاكي بهمس: صبرني يارب..

عدي: لي تلبس حجاب!.. عشان شعرها وكدا يعني!!.. لا بالعكس.. دا كدا اجمل.. انتي مش شايفه وشها منور ازاي!!... هو انا بس عندي سؤال..

شهد: اي هو..

عدي: هو انتي تقربيلهم اي!!

شهد: انا بنت عمة جاك..

عدي: ياااه... دانا فكرتك قريبتهم..

شهد: مانا قريبتهم فعلا..

عدي: لا انتي من العيله مش اكتر.. اما القرايب دول حاجه تاني.. وانتي ياندى هانم!.

ندى: انا مرات الاخ اللي قاعد هناك دا.. وكمان صاحبة جي من زمان..

عدي: لا انتي كدا من القرايب...

جاك: تعالوا ياشباب نقعد بره..

جاكي: روحوا وسيبوا عدي..

جاك: جاكي..

اسيل: متقلقش ياجو.. روح بس..

جاك: انت عاملهم اي يابنتي انت..

عدي: ولا حاجه والله... بس انا جامد..

جاك: ياراجل!!.. طب ماتيجي توريني..

اسيل: لا.. لا طبعا.. روح يابابا شوف هتعمل اي.. خلينا قاعدين ساكتين..

جاك: ماشي... انا هوريك..

خدهم وطلعوا..

..................................

متيم: اي اللي جاب الحربايه دي هنا..

جاك: عيب كدا..

متيم: عيب اي.. انت مش شايف بتقول اي!!.. واي البجاحه دي.. الكل بيلمح عشان تحس ع دمها وهي ولا هنا..

جاك: هنعملها اي طيب.. هي طبعها كدا..

..............

شهد: وانتي ياجي.. مش جاك قعد يقول هجيب منك عيال كتير وهملى الدنيا عيال منك... فين دول... يعني جبتوا تلاته بس!..

جاكي: امم.. لا ياروحي اصل جو بيخاف عليا من الهوا الطاير كدا... ومهانش عليه يشوفني بقعد تعبانه كل دا.. فقال كفايه كدا قوي.. وانتي عندي بالدنيا..

شهد: ااه... وخاصة انك تخنتي يعني..

عدي: فين التخن!!.. دي قمر اهي..

شهد: بعيدا عن مجاملتك ليها... بس هي تخنت فعلا... مكانتش كدا..

عدي: كانت احلى من كدا!!.. واحده متجوزه ومعاها تلاته طولها... ولسه محافظه ع جمالها كدا... بصراحه دي عظمهه... اما حضرتك سامحيني يعني.. معاكي واحده بس وباين عليكي السن وكدا...

شهد: لا ياخويا دا عشان انا تعبانه بس الفتره دي... مش اكتر..

عدي: ايوا طبعا.. بس سيبك انتي هي بطل كدا كدا..

شهد: مش عيب تعاكس ام حبيبتك!!... ولا انت هتلعب ع الحبلين!

عدي: بالظبط كدا... انا بحب الاتنين.. وهما كمان بيحبوني..

رودي: بس عيب تقول عليها كدا..

عدي: بطل يعني!!.. طب ماهي بطل فعلا.. دا واقع.. ولا اي..

الاتنين بصوا لبعض وسكتوا..

جاكي: ولااا ياعدي.. امووواه..

عدي: اموووواه..

متيم دخل..

متيم: عدي هتلعب معانا!!

عدي: ايوا طبعا..

متيم: طب يلا..

خده وطلعوا واحنا طلعنا وراهم قعدنا ف الجنينه نتفرج عليهم..

عدى الوقت وهما بيلعبوا والكل مبسوط...

خلصوا وجم قعدوا..

ادم: اي رأيكوا ياجماعه نروح رحله عائليه كدا كلنا..

جاك: حلوه الفكره.. اي رأيكوا..

جاكي: ياريت.. ع الاقل نغير جو شويه..

شهد: ااه فعلا.. هننبسط قوي..

جاكي: هييييح.. اللهم لا اعتراض..

جاك: وانت ياعدي..

عدي: لا اعذرني مش هينفع..

اسيل: ليه..

عدي: لا مش هينفع اطلع معاكوا.. انتوا عيله ف بعض..

جاكي: مانت دلوقتي من العيله.. بطل رخامه بقاا ووافق..

اسيل: وافق بقاا..

عدي: ماشي.. هشوف..

جاك: خلاص... جهزوا نفسكوا ونروح بعد بكرا...