رواية قلبي ليس بيدي 3 الفصل الخامس عشر 15 بقلم حسناء رمضان

شويه ووصل...

عدي: اسيل...

غمضت عينها واتنهدت...قامت وقفت قدامه..

عدي: اخيرا شوفتك.. لي بتعملي فيا كدا.. طب ع الاقل فهميني انا غلطت ف اي...

اسيل: عامل اي..

عدي: مش كويس.. بقالي كتير مسمعتش صوتك..

اسيل: معلش كان في كام حاجه كدا.. هو انا بس كنت جايباك دلوقتي عشان اقولك ع حاجه..

عدي: مالك.. حاسس ان فيكي حاجه... حتى ملامحك كلها مطفيه...

دموعها كانت هتنزل بس حاولت تمنعها..

عدي: اسيل مش حابب اشوفك كدا.... قوليلي في اي.. او اي اللي انا عملته مزعلك مني للدرجادي..

بصت بعيد ودموعها نزلت...

لف وشها بإيده ومسح دموعها...

عدي: انا السبب ف الدموع دي؟!!

اسيل: عدي.. انا جبتك عشان اقولك ان.. ان كفايه كدا.. مش هينفع نكمل مع بعض...

عدي: هو احنا لحقنا نعمل حاجه!.. انتي يادوب لسه قايلالي انك بتحبيني... وبعدين اختفيتي...

اسيل: غصب عني... لازم ابعد عنك... دا الصح..

عدي: صح اي.. طب فهميني حتى..

اسيل: مش مهم... المهم انا جيت اشوفك للمره الاخيره... عشان.. احم.. عشان هتوحشني..

عدي: اسيل... بالله عليكي بلاش تتعبيني... هوحشك ازاي... هتسافري يعني!

اسيل: امم.. حاجه زي كدا... بس بدون رجوع..

عدي: وانا!!... هتسيبيني!

اسيل: مش عايزه اسيبك... بس دا واقع...

عدي: انا مش فاهم حاجه... هتسافري فين وليه!!... طلاما انتي مش عايزه..

اسيل: عدي بطل اسئله بقاا... صدقني كفايه كدا... دا احسن ليا وليك..

عدي: ابوكي قالك تبعدي عني صح!!... لو هو شايف اني مش مناسب ليكي عشان انا مستوايا مش زيك، فانا اوعدك اني هشتغل ليل نهار وهسيب الجامعه وهشتغل اكتر من شغلانه... مش هرتاح ولا هنام... هحاول اعمل كل اللي اقدر عليه عشان بس اقدر اقعد قدام ابوكي واطلب ايدك... انا عارف ان معاه حق وانك متعوده ع عيشه معينه... بس والله هعمل كل حاجه عشان اريحك بس اديني فرصه حتى... طب بصي، انا هروح واقعد مع باباكي واقنعه.. بس متسيبنيش يااسيل... انا بحبك...

كانت بصاله بحب ودموعها بتنزل...

شالت الغطا من ع راسها وسكتت... بصلها شويه وفضل ساكت...

اسيل: لسه مصمم ع رأيك!

عدي: اي دا..

اسيل: عندي كانسر ياعدي.. ابويا ملوش دعوه بحاجه.. اهلي بيحبوك زي مانت... انا اللي مش عايزه..

عدي: كانسر اي يااسيل!!... انتي مفكيش حاجه..

اسيل: عدي..

عدي: مفكيش حاجه يااسيل... انتي سليمه.. مينفعش تدعي المرض وخلاص... لو بتقولي كدا عشان تبعدي عني فبلاش... انا هبعد من غير ماتقولي ع نفسك كدا...

اسيل: عندي كانسر ياعدي.. مش بدعي حاجه.. دي حقيقه.. وبصراحه.. مش قاعدلي كتير..

عدي: لا.. مستحيل..

اسيل: انا.. انا مش متضايقه خالص ولا معترضه.. انا معنديش مشكله مع ارادة ربنا.. بس..

عدي: اسيل انتي بتقولي اي.. طب.. طب ليه مقولتليش.. مستنيه اعرف امتى!!

اسيل: انا ماشيه.. وياريت متكلمنيش وتشغل بالك بيا تاني...

مسحت دموعها وغطت راسها وجت ماشيه راح مسك ايديها..

عدي: اسيل.. اسيل انا بحبك.. ميفرقش معايا اذا كنتي سليمه او لا... انا عايزك زي مانتي..صدقيني مقدرش اعيش من غيرك...

اسيل: مينفعش.. سيبني ياعدي انا لازم امشي..

عدي: طب فرقت اي.. مش انتي لسه بتحبيني!!... يبقى نفترق ليه..

اسيل: عشان انا معرفش باقيلي قد اي ياعدي..

عدي: باقيلك كتير... وهتخفي.. في ناس كتير كانوا تعبانين وخفوا.. وانتي اكيد ربنا مش هيبتليني فيكي.. هفضل معاكي يااسيل..

اسيل: مش مضطر..

عدي: انا عايز كدا.. انا حابب كدا.. انا بحبك.. بحبك وعايزك مهما كان التمن.. وبعدين ليه نيأس اصلا... مش ممكن تخفي فعلا وتبقي كويسه ونقعد بعدين نفتكر الخوف والقلق دا ونضحك عليه... صدقيني هنقول ان مكنش ليه لزوم نقلق اصلا...

اسيل: مش عايزه ياعدي.. مش عايزه ابقى معاك وانا كدا... تربط نفسك بيا ليه!!..

عدي: عشان عايزك... حاولي عشاني ع الاقل.. بصي بقاا عشان انا تعبت... انا مش هسيبك... سواء وافقتي او لا... انا بحبك وهفضل معاكي... وهبقى معاكي ف كل لحظه ومش هتبعدي عني يااسيل... وهتبقي ليا.. سواء ابوكي وافق او لا... ومش عايز رغي كتير... ومش باخد رأيك.. انا بقولك ع اللي هيحصل.. يااما فيها موتي وموتك وربنا..

بصت بعيد وضحكت ع طريقته...

عدي: مبهزرش انا ع فكره...انا بتكلم جد..

اسيل: امم.. وبعدين!.

عدي: وبعدين هتيجي معايا دلوقتي ندخل سينيما عشان في فيلم انما اي.. عظمهه..

اسيل: مش عايزه اروح سينيما...

عدي: مانا قولتلك مش باخد رأيك..

اسيل: طب فيلم اي..

عدي: مش عارف.. بس هو حلو..

اسيل: ع فكره انت مش طبيعي..

عدي: عارف... نحن نختلف عن الاخرون... يلا ياقمر..

..................................

جاك: اسيل فين..

جاكي: راحت تقابل عدي..

جاك: خرجت ازاي وهي مكانتش بتخرج من اوضتها اصلا..

جاك: مهانش عليها تشوفه قلقان عليها كدا..

جاكي: يارب بس يعرف يطلعها من الحاله اللي هي فيها..

جوري: اكيد هيعرف.. انتوا مش متخيلين كان قلقان عليها ازاي..

جاك: ومتيم راح فين..

جاكي: راح لوعد..

جاك: مش عارف اي حكاية وعد دي.. وماله مهتم بيها كدا ليه..

جاكي: بصراحه كدا... انا حاسه انه بيحبها..

.....................

عدي: اي رأيك ف الفيلم..

اسيل: حلو.. انا اصلا بحب الفيلم دا..

عدي: عشان تبقي تسمعي كلامي بعد كدا..

اسيل: بقولك اي..

عدي: اي..

اسيل: عايزه فشار..

عدي: انا مش لسه جايبلك فشار جوه!

اسيل: اي النتانه دي... ماتروح تجيب واخلص..

عدي: يعني عايزاني اشتريلك وكمان بتزعقي!

اسيل: اتفضل ياعدي بيه هات فشار اذا سمحت..

عدي: ايوا كدا.. اتعدلي..

.................................

وعد: اهلا.. اخرت ليه..

متيم: عامله اي..

وعد: كويسه... بس زهجااااانه..

متيم: انتي كل ماتشوفي خلقتي تقولي زهقانه!

وعد: ودا ملفتش نظرك لحاجه!

متيم: لا لفت.. عايزه تروحي فين..

وعد: اي دا بجد... يعني هتخرجني..

متيم: ايوا ياست.. بس مش عايز جنان..

وعد: لا والله هحترم نفسي...هتوديني فين.. ها.. فين..

متيم: ماتهدي.. انتي عايزه تروحي فين..

وعد: عايزه اكل دره..

متيم: ياكلك قطر ياشيخه..

وعد: اهو انت.. احترم نفسك..

متيم: ع فكره ممكن الغي الخروجه وتقعدي هنا زي البتاعه كدا..

وعد: انت بتذلني بقاا.

متيم: حصل..

وعد: بقولك اي ياض انت.. انا مبيتلويش دراعي.. متلعبش معايا..

متيم: هتعملي اي..

وعد: هعمل كتير وبلاش انا يابا..

متيم: يابا!.. طب مفيش خروج..ها.. وادي قعده..

وعد: انت شايف كدا!

متيم: اهاا..

بصتله بشر كدا وقربت منه بالراحه..

متيم: متتهوريش عشان هتزعلي..

قعدت جنبه ومسكت ايده بسرعه وعضتها...

متيم: يابنت ال..

وعد: هتشتم هشتم.. انا بقولك اهو..

متيم: انتي قد العضه دي!!

وعد: ايون... وطز فيك يامتيم...

قامت تجري وهو جري وراها..

وعد: اععععع... الحقوووني.. خلاص والله.. اععع..

متيم: هاتي ايدك عشان اعضك زي ماعضيتيني...

وعد: لا طبعا..

متيم: والله لاعضك ياوعد..

وعد: طب استنى بس.. هفهمك.. عضتك غير عضتي... دانت ممكن تقطع ايدي فيها.. دانت زي ال..

متيم: اي.. زي ال اي..

وعد: ولا حاجه... امشي بقاا والنبي..

متيم: طب انزلي ومش هعملك حاجه..

وعد: لا ياخويا مبثقش ف رجاله..

متيم: هطلعلك انا..

وعد: لو راجل اطلع...

لسه هيطلع راحت صوتت..

وعد: لاعععع... خلاص خلاص.. انا هنزل..

متيم: يلا..

وعد: طب ابعد كدا..

متيم: اهو..

وعد: ياسطا عيب انا بنت... خليك جنتل وقمر كدا وروح روح يلا..

متيم: انزلي ياوعد..

نزلت ولسه هتجري راح شدها ع الحيطه ومسك ايدها وهي خبت وشها..

وعد: والله لو عملتلي حاجه هلم عليك الناس..

متيم:.......

وعد: هو دا هدوء ماقبل العاصفه ولا اي..

رفعت وشها لقته باصصلها وشارد...

وعد: احم.. انت يلااا.. هتعضني من رقبتي زي مصاصين الدماء صح!!

متيم:.....

وعد: يابني هعيط والله... طب خلاص مش عايزه اخرج بس اوعى.. انت مت ولا اي يابني.. بسبس.. طب انت ماسكني كدا ليه ماتوعى..

متيم: وعد.. بحبك..

.....................................

عدي: حلو الفشار!

اسيل: امم..

عدي: طب اديني واحده..

اسيل: معاك اهو.. هو طمع وخلاص..

عدي: ع فكره انا اللي شاريه..

اسيل: بقولك اي يلااا.. متخلنيش اقلب عليك... انت شبه البرص الجعان كدا..

عدي: انا شبه البرص الجعان!!

اسيل: ايون.. دا هو احلى منك كمان...

عدي: طب هاتي بقاا الفشار بتاعي.. انا غلطان اني جبتلك اصلا..

اسيل: متستهبلش وهات الفشار..

عدي: لا..

اسيل: ياطفس هتاكل كل دا لوحدك!

عدي: ااه..

اسيل: طب واحده طااه..

عدي: تؤتؤ.. اتذلي كدا..

اسيل: ههون عليك!

هدي: ايون عادي دا فشار..

اسيل بدلع: طب وعشان خاطري!!

عدي: هضعف كدا..

اشسل: هات بقاا يادودو خليك قمر..

عدي: دودو كمان.. لا كدا كتير... خدي اهو ومعاه قلبي كمان..

خدت منه الفشار..

اسيل: اتفووو ع شكلك يانتن...

خدته وطلعت تجري...

عدي: يابنت النصابه... خدي ابت...

.........................................

متيم: اجيبلك حاجه تاني!

وعد: شكرا مش عايزه..

متيم: امم.. طب تحبي نروح فين تاني..

وعد: امم.. تعالى نتمشى شويه..

متيم: يلا...

....................................

عدي: بردانه!.. تاخدي الجاكيت!

اسيل: لا.. الجو حلو... يارب تمطر..

عدي: بتحبي المطره!

اسيل: جدا جدا قد كداهووون..

عدي: اكتر مني!!

اسيل: امم.. مش عارفه.. انتوا الاتنين زي بعض.. بس انت اكتر حبه صغننين..

عدي: حبه صغننين بس!!

اسيل: حبه كبار.. متزعلش..

عدي: لا اذا كان كدا خلاص...

اسيل: عدي.. عدي..

عدي: اي..

اسيل: عايزه اركب مركب..

عدي: دلوقتي!..

اسيل: عادي اي المشكله يعني..

عدي: لا مش هتركبي..

اسيل: ليه..

عدي: رخامه..

اسيل: امم.. رخامه..

راحت وقفت قدامه ومسكته من الهدوم...

اسيل: اسمع ياض انت... بعد كدا لما اقول عايزه حاجه يبقى تعملها من غير هري كتير.. مش عايزه نقاش.. هتركبني مركب ولا افتح دماغك!!

.............................

متيم: قولتي اي..

وعد: ف اي..

متيم: ف اللي قولتلك عليه..

وعد: قولتلي ع اي بقاا..

متيم: هنستهبل بقاا وكدا..

وعد: امم.. مش فاهمه..

متيم: بحبك.. لسه مش فاهمه!!

وعد: احم.. طب وبعدين..

متيم: عايز رد.. وبعدين انتي باصه ف الارض ليه..

وعد: مينفعش يامتيم..

متيم: هو اي اللي مينفعش..

وعد: انا مش مناسبه ليك..

متيم: مين قال..

وعد: انا حاجه وانت حاجه... انا واحده من الشارع.. وانت ساعدتني ومسيري همشي... مينفعش اتخيل حاجه تاني..

متيم: كل دا كلام فاضي.. انا بحبك... دا كفايه.. الا لو انتي في حد تاني ف حياتك..

وعد:.....

متيم: امم.. فهمت..

..................................................

عدي: تؤمري بأي حاجه تانيه يااسيل هانم!

اسيل: لا شكرا.. رجاله مبتجيش غير بالتهزيق..

عدي: طب شكلي قدام الراجل طب..

اسيل: اي دا دانا نسيته..

عدي: اي رأيك بقاا ف المنظر دا..

اسيل: انت احلى..

عدي: اي دا في اي... هي دي هرمونات وكدا!!

اسيل: ايون.. ولازم تستحمل كل الشخصيات اللي هتطلع عليك بما انك عاملي فيها عنتر..

عدي: هستحمل يعم.. عشان القمر دا استحمل اي حاجه...

اسيل: قمر منين بقاا.. ماخلاص..

عدي: هو فعلا خلاص.. بقيتي قمرين تلاته اربعه ونص كدا..

اسيل: بلاش اوڤر..

عدي: اي اللي اتغير فيكي يعني.. شعرك!.. وهو اللي كان محليكي شعرك!!.. بالعكس... انتي ملامحك هي اللي جميله... كفايه عيونك القناصه دي..

اسيل: يارايق..

عدي: ولا خدود التفاح دول..

اسيل: اتلم..

عدي: ولا الشفايف ال..

اسيل: اتلم ياعدي بدل والله هرميك من هنا..

عدي: طب ف ذمتك... ههون عليكي!!

اسيل: ايون عادي.. دي مش ماية نار يعني..

عدي: طب مانا هبرد وهتعب وهيجيلي برد... يرضيكي يجيلي برد!

اسيل: ايون عشان تتعلم الادب وتبطل تعاكسني..

عدي: مش هبطل بردو... هفضل اعاكسك لحد مااموت..

اسيل: بعد الشر..

عدي: طب مانت خايف عليا اهو...

اسيل: قولي صحيح.. الكلام اللي كان مكتوب ف مذكراتك دا عني!!

عدي: مذكراتي!!.. لا ثانيه واحده كدا... انتي فتحتي مذكراتي!!

اسيل: احم.. اي دا هو انا مقولتلكش!

عدي: عارفه عايز اعمل اي..

اسيل: اي..

عدي: امسك دماغك افشفشها يااسيل... بتفتحي مذكراتي ليه!!

وراح مسكها من ودنها..

اسيل: اني اسف... سيب ودني عشان كدا غلط...

عدي: وهزقتيني عشان مسكت فونك... فاكره!

اسيل: امم.. طب خلاص سيب ودني وجعتني.. وبعدين فيها اي يعني لما امسك مذكراتك... هتكون كاتب فيها اي يعني...

عدي: افرضي كاتب فيها حاجه كدا ولا كدا..

اسيل: ايون عشان انت قليل الادب اصلا..

عدي: وكمان بتغلطي..

اسيل: اععع... يابني اوعى بقااا... والله اصوت واقول خاطفني..

عدي: ياشيخه اتنيلي... هخطفك ع اي..

اسيل: مالي ياعسسسل..

عدي: شرشوحه... يوم ماهخطف واحده هخطفها قموره كدا ودلوعه وبتعرف تتكلم... مش بلطجيه زيك..

اسيل: دانا قمررر... دانا خساره فيك اصلا اصلا... هو انت تطول اني ابصلك اصلا!!... ياجربوع ياللي شبه رجل البرص انت..

عدي: ايوا شرشحي كمان... شرشجي عشان ادخل فيكي السجن دلوقتي يااسيل... هطلع روحك ف ايدي يااسيل.. اتلمي يااسيل..

اسيل: اي ياباا انت بتحفظ اسمي ولا اي...

عدي: يابت اتلمي بقاا ولمي لسانك دا.. اي مترين!!

اسيل: لا ياروحي اطول.. تحب اوريك!!

عدي: ايييي... بالعه راديو!!... ماتفصلي..

اسيل: الهي تتفصل دماغك عن جسمك يابعيد..

عدي: انتي م...

ـ استهدوا بالله ياجماعه.... مش كدا... دانتوا كبار حتى..

عدي: معلش اصلها متخلفه عقليا وانا بفسحها..

اسيل: متخلفه ف عينك يابن التيت انت.. عيل خنزير صحيح..

ـ بااااااس... صدعتوني... لو مسكتوش هلف وارجع..

اسيل: لا خلاص هنقعد ساكتين...

عدي: ايوا.. هدي اعصابك انت بس..

.................................................

وعد: مفيش حد ف حياتي.. بس مينفعش..

متيم: يعني مبتحبيش حد!

وعد: امم.. في واحد كدا بس..

متيم: واحد مين..

وعد: واحد بقاا...

متيم: حلو..

وعد: قمر..

متيم: وهو!

وعد: بيحبني..

متيم: داهيه فيكي وفيه.. جاتك القرف... سابها ومشي وهي جرت وراه..

وعد: استنى يلااا...خد بس..

متيم: عايزه اي..

وعد: قلبت وشك ليه..

متيم: ملكيش دعوه..

وعد: طب مش عايز تعرف مين هو..

متيم: مش عايز.. داهيه تاخدكوا انتوا الاتنين..

وعد: متدعيش ع نفسك...

ابتسم وبص بعيد...

متيم: افهم من كدا انك موافقه!!

وعد: امم... لا..

متيم: هنلعب صح!!

وعد: صدقني مينفعش.. اهلك مش هيوافقوا...

متيم: انتي مالك بأهلي.. وافقي انتي الاول..

وعد: بردو مينفعش..

متيم: اوووف..

وعد: متيم انا مبخلفش..

متيم: مش مهم... ميفرفش معايا والله..

وعد: لا.. مش مضطر تجبر نفسك ع حاجه زي دي..

متيم: انا موافق ياستي.. دي. حاجه انتي ملكيش دخل فيها.. وبعدين مش اكيده يعني... ممكن ربنا يخلف الظن..

وعد: هتيجي بعد كدا تقولي عايز اخلف..

متيم: اكيد عايز اخلف... زي مانتي اكيد عايزه تخلفي... وهنستنى لحد ماربنا يأذن ياوعد.. معنديش مشكله استنى معاكي..

وعد: متيم انت لو بتعمل كدا عشان صعبانه عليك ف..

متيم: بس.. صعبانه عليا اي.. انا بحبك.. عارفه يعني اي بحبك!

.................................

عدي: عايزه تعملي اي تاني..

اسيل: امم.. اروح بقاا عشان اتأخرت..

عدي: لا خليكي شويه..

اسيل: مقولتلهمش اني هتأخر كدا.. وبعدين كفايه عليك كدا..

عدي: امم... بتتقلي عليا يعني..

اسيل: طبعا..

عدي: ماشي يعم التقيل... يلا نروح...

خدها ووصلوا البيت..

عدي: يلا باي..

اسيل: لا انزل معايا..

عدي: لا مش هينفع..

اسيل: لا هتنزل معايا يلا..

عدي: ياست لا بلاش مشاكل...ادخلي يلا..

اسيل: هتسلم عليهم حتى..

عدي: لا بلاش.. بصي خليها وقت تاني.. كمان سايب امي لوحدها... يلا باي..

اسيل: باي..

دخلت وهي بتتوح وتغني...

اسيل: قالي كام كلمه... يشبوا النسمه.. في ليالي الصيييف.. فاتني وف قلبي... شوق بيلعبي.. وف خيالي طيييف اعععهعع.. بابا!!

جاك: كنتي فين يابت!!.. ها

اسيل: هفهمك والله..

جاك: كنتي بتصيعي فين.. ردي.. لا وراجعه تغني كمان.. بتخونيني صح!!

اسيل: استنى بس اخونك اي.. هو انا هلاقي زيك فين بس..

جاك: متلفيش الموضوع... كنتي فين!!.. ومع مين!!

اسيل: اقولك بصراحه!

جاك: قولي..

اسيل: كنت مع الواد عدي..

جاك: عشان كدا راجعه تغني كدا!

اسيل: بصراحه ااه.. اصله قمر قوي..

جاك: بت..

اسيل: سوري..

جاك: هنقضيها صياعه بقا وكدا هااا..

اسيل: والله خالص داحنا محترمين حتى..

جاك: الساعه ف ايدك كام..

اسيل: هو ابن التيت اللي اخرني والله... وانا عماله اقوله روحني روحني.. وهو يقولي لا.. اقوله بابا هيزعل.. يقولي سيبك منه..

جاك: عدي قالك سيبك منه!!

اسيل: ااه.. واقولك حاجه كمان!.. بس متقولش اني قولتلك..

جاك: قولي..

اسيل: بيعاكس مراتك..

جاك: نعم ياختي!!

اسيل: انا مالي هو اللي بيعاكسها... وبيقول عليها وتكه كمان..

جاك: ليلة ابوكي سودا انتي وهو..

اسيل: الحق عليا اني قولتلك يعني... وكمان مراتك عارفه وهي كمان بتعاكسه... مشوفتهاش كانت بترقص معاه ازاي ف الخطوبه..

جاك: امم.. تفتكري اعمل اي..

اسيل: ادخل بقاا اسألها بتعاكسيه ليه.. وشوف هي هتقولك اي..

جاك: صح.. يلا اطلعي..

اسيل: امووواه... باي ياقمر..

.................................................

شويه و متيم دخل...

متيم: بابا.. عايز اكلمك ف موضوع..

جاك: اتكلم.. خير

متيم: وعد..

جاك: مالها..

متيم: عايز اتجوزها..

جاك: تتجوزها مره واحده!

متيمم: ايوا.. بحبها..

سجاك: يادي الحب وسنينه..

جوري: وهو في احسن من الحب يابابا..

راح جاك بصلها بطرف عينه كدا وهي سكتت..

جاك: الحب مش اهم حاجه.. في حاجات كتير اهم...

اسيل: ايوا مانت عاشق قديم بقاا..

جاك: طب ف ذمتك حد يشوف امك وميبقاش عاشق!

اسيل: لا هي وتكه الصراحه..

متيم: واي اللي اهم من الحب بقاا ياجاك بيه!

جاك: حاجات كتير... زي الاهتمام.. التفاهم... الثقه... الاحترام.. الحب من غير كل دا ملوش لازمه...

متيم: طب ماهو في كل دا..

جاك: مش يمكن مجرد اعجاب!

متيم: لا انا بحبها.. انا بحبها من ساعة ماشوفتها بس كنت بكابر...

جاكي: جواز جواز يعني!

متيم: جواز جواز يعني..

جاك: وهي موافقه!

متيم: ااه..

جاك: امم.. طب بعدين..

متيم: ليه بعدين..

جاك: مستعجل ع اي.. هي هتطير!!

متيم: بس اللي اعرفه ان انت كمان كنت مستعجل ع ماما قوي..

جاك: امم.. مامتك غير..

جوري: يابختك ياست ماما... هلاقي فين حد يحبني زيك كدا...

جاكي: ايوا احسديني عشان يروح يخوني..

اسيل: لا مظنش... بابا بيموت ف التراب اللي بتمشي عليه..

جاكي: هتغر كدا..

جاك: ولما انتي متتغريش مين يتغر يعني..

متيم: ايوا يارايق..

جاكي: اسكت بقاا هيفضلوا يحفلوا علينا...

جاك: مش مهم.. دي عيال تافهه اصلا... يعرفوا اي دول عن الحب اصلا.. دول شوية عيال والله..

متيم: طب بطل غزل فيها وركز معايا... عايز اتجوزهااااا...

جاك: ماتتجوزها.. هو انا ماسكك..

متيم: يعني موافقين!!

جاكي: بصراحه انا معنديش اي مشكله... البت حلوه وشكلها كويسه..

جاك: امم... طب نسأل عليها الاول..

متيم: لا طبعا... مش محتاج اسأل عشان اعرفها... بابا انا بحبها وهتجوزها.. وميفرقش معايا كل دا..

جاك: طب مش يمكن هي مش هربانه من اهلها عشان السبب اللي قولت عليه!.. مش يمكن عامله مصيبه!!

متيم: لا انا دورت ف الموضوع واتأكدت...

جاكي: دانت واقع بقااا..

متيم: قووي..

جاك: خلاص.. استنى بس شويه وبعدين نشوف..

اسيل: طب انا كمان عندي خبر كدا..

جاك: هي ليله مش هتعدي.. اشجيني يانور عيني...

اسيل: عدي..

جاك: ماله سي عدي..

اسيل: عايز ييجي يتقدملي...

متيم: نعم ياختي!!... لا طبعا.. مين دا اللي يتقدملك..

جاك: وانت مالك انت..

متيم: ع جثتي انها تتجوز الواد دا... دا من الشارع يابابا... انت مش شايفه عامل ازاي..

اسيل: وعامل ازاي بقاا... محترم وابن ناس.. كل همك الفلوس يعني!!

متيم: لازم تعيشي ف نفس المستوى..

اسيل: اظن دي حاجه متخصكش.. هو انا كنت اتدخلت ف موضوعك!!

متيم: انا مبحبش الواد دا ومش هتتجوزيه..

اسيل: ملكش دعوه يعم.. انت مالك بيا اصلا..

جاك: حلو.. حلو كملوا.. اقوم انا عشان تعرفوا تكملوا..

متيم: مش شايف بجاحتها..

جاك: متيم.. ملكش دعوه.. هي بتقولي انا مش بتقولك انت.. وانا اللي اقرر..

متيم: طب بالراحه.. هيعيشك فين!!.. مصروفك هيبقى قد اي... هتاكلي اي وتشربي اي... في فرق شاسع والله... وهي مش هتعرف تتأقلم مع دا..

جاك: وانت تقرر بتاع اي... هي اللي تقرر مش انت.. واسكت بقاا... كملي يااسيل..

اسيل: هو قالي انه عايز يتقدملي... انا رفضت بس هو صمم..

متيم: عارف حوار الكانسر!

اسيل: ايوا يامتيم.. ومش كل شويه هتفكرني اني عندي زفت..

جاك: مسمعش صوتك تاني يامتيم...

اسيل: انا حكيتله وهو صمم يفضل معايا...

جاك: امم.. خلاص.. ينفع معاه بكرا!!

اسيل بفرحه: يعني انت موافق!!

جاك: طبعا.. طلاما انتي موافقه ومبسوطه فانا معنديش مشكله ابدا..

اسيل: وانتي ياماما..

جاكي: بصراحه انا بحب عدي..

جاك: انتي هتتلمي ولا اقوملك!!

جاكي: يوووه مش قصدي والله... قصدي يعني انه لطيف وكويس وعاجبني وباين انه راجل يعني وكدا..

جاك: والله ياجي لو قومتلك هوقعلك صف سنانك..

جوري: ايوا الناس الغيرانه دي.. بتغير من عيل قد عيالك!!... مش عيب ياجاك بيه!!

جاك: بس يابت انتي.. وانتي يابت انا غيرت رأيي... مفيش جواز..

اسيل: لا انا مالي ياخويا.. مراتك عندك اهي اتصرف معاها... انما انا هتجوزه كدا كدا.. يلا باي بقاا..

سابتنا وطلعت...

جاك: هو في اي... الواد دا قلب حالكوا كدا ليه... انا خايف اصحى الاقي نفسي بحبه انا كمان..

متيم: مانت كمان بتحبه.. اي الجديد يعني...

جاك: طب خلاص.. قوم نام بقاا..

....................................

عدي: نمتي؟!

اسيل: تؤ..

عدي: امم.. سهرانه ليه..

اسيل: في حاجه عايزه اقولهالك..

عدي: خير قولي..

اسيل: هتيجي تقابل بابا بكرا..

عدي: احلفي.

اسيل: والله..

عدي: طب قالك اي ولا قولتيله اي..

اسيل: جهز نفسك بكرا ياعدي..

عدي: دانا مش هنام..

اسيل: ليه..

عدي: بصراحه خايف... مش عارف هقعد قدامه ازاي..

اسيل: لا يابني عادي... اهم حاجه تبقى واثق من نفسك قدامه...

...................................

جاك: بقا بتعاكسي عدي ياجي!!

جاكي: مين قالك كدا بس..

جاك: مش مهم مين قالي... المهم حصل ولا لا!!... وهو عاكسك ولا لا!

جاكي: حصل... بس عادي يعني.. دا قد عيالي..

جاك: متخلنيش ابوظ للبت الجوازه.. اتلمي شويه..

جاكي: معرفش بتغير ليه منه... اكمنه حلو يعني!!

جاك: بردو!!

جاكي: طب يلا نام عشان الواد اللي جاي بكرا دا..

..........

تاني يوم...

اسيل: اخرت ليه..

عدي: خايف..

اسيل: يعم خايف اي.. يلا بقاا..

عدي: خلاص ف الطريق اهو..

اسيل: ماشي بسرعه...

قفلت معاه ودخلت..

جاك: فين سي عدي بتاعك... هفضل مستنيه كدا!

اسيل: بابا.. والنبي بالراحه عليه..

جاك: هو انا هاكله.. مش لما ييجي الاول!

اسيل: اهو وصل بره..

جاكي: اتغدوا الاول وبعدين اتكلموا...

متيم: هو كمان هيتغدى معانا!!

اسيل: انت مالك انت..

جاك طلعله بره واسيل طلعت فوق...

عدي: معلش انا اسف ع التأخير..

جاك: حصل خير... يلا اتفضل..

جاكي: يلا الاكل جاهز...

عدي: لا ملوش لزوم..

جاكي: لا طبعا... يلا بس متكابرش..

قعدوا والكل متجمع...

جاك: امال فين اسيل!

فجأه سمعوا صوت صويت جاي من فوق...