رواية قلبي ليس بيدي 3 الفصل الثاني عشر 12 بقلم حسناء رمضان

جاكي: في حاجات كتير لسه هتتعمل..

ماما: اهي فيروز جت اهي.. متشغليش بالك.. روحي انتي شوفي شغلك وانا وهي هنظبط كل حاجه...

جاكي: ماشي..

جاك: تعالي هاخدك ف طريقي...

...................................

وعد: بسبس..

متيم: نعم..

وعد: مش قولت هتخرجني!

متيم: لما تصحي..

وعد: مانا صحيت اهو والله... والنبي والنبي..

متيم: لا..

وعد: اي الرخامه دي.. زهقت ياعم بقااا... خرجنييييي..

متيم: بس اسكتي... قولتلك لا..

وعد: لا ليه!

متيم: افرضي حد من اهلك شافك... هتعملي اي وقتها..

وعد: امم.. نروح ف مكان ميكونش فيه ناس كتير وبعدين انا هلبس كاب..

متيم: وكدا مش هيعرفوكي يابت..

وعد: ياخي اتقي الله بقاا.. مش هفضل محبوسه كدا..

متيم: يارب صبرني..

وعد: انا مش عارفه باخد منك الاذن ليه!!!.. انت كنت جوزي!!

متيم: بت.. بقولك اي.. مش عايز شغل عيال عشان انا مصدع اصلا...

وعد: هتخرجني ولا اهرب!!

متيم: قومي غيري.. بس لو سمعت صوتك ف الطريق هرميكي من العربيه ياوعد..

وعد: عليا الطلاق انت قمر..

قامت تجري دخلت وغيرت.....

............................................

اسيل: بقولك اي.. انا عايزه لوليتا..

عدي: عايزه اي ياختي!

اسيل: لوليتا... اي مش بتسمع!

عدي: اترزعي هنا لحد ماجي..

اسيل: متأخرش...

راح يشتري وهي قعدت تستناه... لفت انتباهها واحد بيراقبه من بعيد وشكله مش مظبوط... فضلت مركزه معاه وعدي واقف بعيد وفجأه لقته بيطلع المسدس من وراه وبيصوبه ناحية عدي...

طلعت تجري ع عدي..

عدي: في اي..

اسيل: اجري بسرعه...

خدته وجرت وسط الناس عشان ميعرفش يعمله حاجه....

عدي: فهميني في اي!

اسيل: اجري ياعدي...

فضلوا يجروا لحد مابعدوا قوي عن المكان..

عدي: احنا بنجري من مين!

اسيل: في واحد كان هيضربك بالرصاص..

عدي: نعم!!... مين دا!!

اسيل: معرفش.. واحد كان مطلع مسدس ومصوبه ناحيتك...

عدي: مين هو دا!

اسيل: معرفوش.. عدي.. ممكن يعمل فيك حاجه..

عدي: متقلقيش... يلا نمشي...

وصلها البيت...

اسيل: خلي بالك من نفسك..

عدي: متقلقيش.. يلا ادخلي...

دخلت وهو روح....

.......................................

متيم: اديني خرجتك ياست... اي خدمات..

وعد: والله انا مش عارفه اودي جمايلك دي فين.. بس انا جعانه...

متيم: انا اللي جبته لنفسي والله... عايزه تاكلي اي..

وعد: اي حاجه..

متيم: هروح اجيب اكل واجي.. متتحركيش من هنا...

وعد: لا هاجي معاك..

......................................

عدى الاسبوع والكل مشغول ف الخطوبه والتجهيزات وعدي واسيل بيتكلموا ع طول وجه يوم ما قبل الخطوبه...

جاك: جاكي اهدي.. كل حاجه جاهزه..

جاكي: حاسه اننا ناسيين حاجه..

ماما: لا مش ناسيين... اهدي بقاا وترتينا...

اسيل: بابا عايزاك ثواني..

خدته وراحت بعيد..

جاك: خير ياوش الخير انتي..

اسيل: لا متقلقش... كنت عايزه استأذنك يعني..

جاك: لي..

اسيل: ادعي عدي ع الخطوبه...

جاك: عدي ااه... قولتيلي بقاا..

اسيل: ماهو ميصحش محدش يدعيه يعني.. موافق صح!

جاك: ماشي ياست... ادعي سي عدي بتاعك... لما نشوف اخرتها معاكي...

راحت باسته من خده وطلعت تجري كلمت عدي...

عدي: لا اعذريني مش هقدر...

اسيل: هو اي اللي مش هتقدر... ماتبطل رخامه بقاا..

عدي: صدقيني مش فاضي... باركي لاختك بالنيابه عني...

اسيل: ولاااا... بقولك اي.. قولت هتيجي يعني هتيجي...

...................

اليوم عدى والكل صحي ليوم الخطوبه واسيل وجوري راحوا يجهزوا...

اسيل: مش مصدقه والله ان النهارده خطوبتك..

جوري: اذا كنت انا نفسي مش مصدقه...

..............

جاكي: اهلا...

مرات عمي: مبروك ياجي.. ماشاء الله عشت وشوفت بناتك عرسان...

جاكي: ماشاء الله ربنا يحميهم...

شهد: ازيك ياجي..

مدت ايديها عشان تسلم عليا..

جاكي: معلش ياروحي ايديا مش نضيفه... اتفضلوا..

الضيوف بدأت توصل والكل بيجهز...

كالعاده جاك هو اللي جابلنا الفساتين... لبست وظبطت نفسي وطلعت لقيته بيلبس...

جاكي: اوعى.. اي الحلاوة دي...

جاك: انتي عايزه تغطي ع البت يعني!!.. هتاخدي يومك ويوم البت!

جاكي: ياراجل..

جاك: امسحي اللي ف وشك دا..

جاكي: لا بقولك اي.. الكلام دا كان زمان... سيبني اعيش ايامي بقاا..

جاك: ولما تتعاكسي!

جاكي: لا عادي انت موجود.. ويلا بقاا عشان اتأخرنا ع الناس...

.........................

متيم اول ماشاف وعد صفر...

وعد: اي رأيك..

متيم: جمداان..

وعد: انا مكسوفه.. يعني مكنش في داعي اني اجي..

متيم: ليه..

وعد: اجي بصفتي اي بس..

متيم: امم.. بصفتك صاحبتي مثلا... يلا بس ومتشغليش بالك...

..........................

عدي كان لابس بنطلون اسود وقميص أبيض وواقف مستني اسيل توصل...

مروان راح جابهم ووصل...

دخلوا والزغاريط اشتغلت واسيل كانت ماشيه ناحية عدي وهو واقف متنحلها...

لابسه دريس اسود وحاطه ميكب وشعرها بيطير وراها وبصاله ومبتسمه...

اسيل: انت يااخ..

عدي: هاا..

اسيل: سرحان ف اي.

عدي: لا ولا حاجه..

اسيل: بس اي الجمدان دا.. هتتعاكس مني كدا..

عدي: انا بردو اللي هتعاكس!.. وبعدين اي الحاجات اللي ف وشك دي.. ملفته جدا..

اسيل: خليك ف حالك يابا..

عدي: امم.. عايزه تتعاكسي يعني..

اسيل: لا انا بتعاكس من غير ميكب عادي.. تدري ليش... لان انا قمر.. قمررررر.... وبعدين اقفل زراير القميص يالمنحرف انت..

عدي: ملكيش دعوه..

اسيل: طب يلا ادخل واقف هنا ليه..

عدي: لا انا همشي..

اسيل: لي..

عدي: مظنش ان وجودي هيبقى مرحب بيه هنا... وبعدين اخوكي مش بيطيقني الحمد لله...

اسيل: لا بابا بنفسه اللي قالي اعزمك... يلا تعالى سلم عليهم...

مسكت ايده وجابته عندنا..

اسيل: ماما.. عدي..

عدي: ازيك ياطنط..

جاكي: طنط!!

عدي: امال اقول اي..

جاكي: طنط اي انت كمان...دا منطر طنط!!

عدي: لا بصراحه... انتي شكلك اصغر منها اصلا...

جاكي: قولي جي... بس بيني وبينك كدا عشان جاك مينفخناش...

عدي: اشطا..

اسيل بغيظ: تعالى ياعدي سلم ع بابا..

جاك: اهلا.. ازيك ياعدي..

عدي: الحمد لله ياجاك بيه... الف مبروك..

اسيل: تعالى سلم ع جوري..

عدي: يابنتي مرمطيني معاكي..

اسيل: سلمي ع عدي ياجوجو...

عدي: مبروك ياجوري..

جوري: الله يبارك فيك ياعدي عقبالك...

عدي: ياريت.. بس البعيد لوح...

ـ ازيك ياجي..

لفيت وشي لقيتها شهد...

جاكي: يااهلا..

شهد: الغيبه كانت طويله شويه..

جاكي: امال فين جوزك...

شهد: واقف مع جاك اهو... تعالي يانادين سلمي ع جي..

جاكي: ماشاءالله... دي بقت طولك اهي..

شهد: ااه.. شوفتي..

جاكي: عقبالك ياقمر..

نادين: هو متيم فين ياطنط..

جاكي: ااه... واقف مع صاحبته هناك اهو...

نادين: طب عن اذنكوا...

..................................

الاغاني اشتغلت والكل بيرقص واسيل بترقص مع جوري وعدي واقف يتفرج عليها...

نادين: ماتيجي نرقص يامتيم..

متيم: تعالي ياوعد..

وعد: لا مش عايزه... روحوا انتوا...

خدته وراحت وفضلوا يرقصوا وهي بتتلزق فيه..

جاكي: الا انت مين ياجميل..

وعد: انا وعد ياطنط..

جاكي: صاحبة متيم!

وعد: ااه..

جاكي: وسايباه يرقص مع البتاعه دي لي..

وعد: هو حر.. انا مالي..

جاكي: لا اصل فكرت يعني انك قريبه منه... ع العموم هي بترسم عليه..

سيبتها وروحت وقفت مع عدي...

جاكي: واقف لوحدك ليه!

عدي: عادي.. بتفرج..

جاكي: بس اي الجمال دا يابني.. بقولك اي.. ماتيجي نهرب انا وانت ونسيبلهم الدنيا دي..

عدي: معنديش مشكله والله... حتى انتي احلى من اسيل..

اسيل: وحياة امك!!

عدي: لا دانا...كنت بقولها ياريت حضرتك زي اسيل..

اسيل: ماما.. كفايه عليكي بابا... سيبي الواد ف حاله..

جاكي: ماتتلمي يابت.. وانتي مالك... تعالى نروح نرقص يادودو...

خدته ومشيت وهي واقفه مفروسه..

اسيل: دودو!!...

قعدت تتفرج علينا واحنا بنرقص وراحت كلمت جاك ف ودنه..

بصيت لقيت جاك بصلنا ورفع حاجبه وجاي علينا...

جاكي: احييه... روحنا ف داهيه..

عدي: نهااار اسود..

جاك: ماتكملوا..

عدي: حضرتك صاحبي بينادي عليا... ايوا جاي اهو يابو حميد...

سابنا وراح لاسيل..

جاك: مش هتتلمي ياجي!

جاكي: وانا عملت اي..

جاك: بتعاكسيه ياجي!

جاكي: هو كان ييجي اي فيك اصلا... دانت القمر بتاعي..

جاك: لو شوفتك واقفه معاه تاني هزعلكوا انتوا الاتنين...

..............................................

اسيل: ماتكمل..

عدي: الحلو اللي غيران من مامته دا..

اسيل: نينيني..

عدي: بصراحه هي احلى منك بكتير... يابخت ابوكي بيها..

اسيل: ماتتلم بقاا...

عدي: طب خلاص تعالي انتي ارقصي معايا...

.....................

وعد راحت وسطيهم وقعدت ترقص مع متيم وهو فهم وطنش نادين وقعد يرقص معاها...

متيم: غيرانه!

وعد: وهغير ليه..

متيم: بصي ع شكلك ف المرايه وانتي تعرفي..

وعد: لا ياحلو مش غيرانه..

متيم: انتي احلى ع فكره..

.....................

الكل بيرقص وفرحانين والجو تمام...

اسيل راحت تشرب عشان تعبت... سمعت صوت بره... طلعت تشوف في اي فجأه حد خبطها ع دماغها....

........................

جاكي: فين اسيل ياعدي..

عدي: قالت هتروح تشرب...

جاكي: ماشي..

.....

متيم: عدي بيعمل اي هنا يابابا..

جاك: انا اللي جبته..

متيم: ليه..

جاك: ملكش دعوه بيه..

متيم: يابابا انت عايز تعند معايا وخلاص!!.. انت عارف اني مش بحبه..

جاك: كفايه انا بحبه... ركز مع صحابك وملكش دعوه بيه...

............................

عدي لاحظ غياب اسيل فطلع يشوف هي فين بس ملقهاش...

عدي: مش لاقي اسيل..

جاكي: اكيد هنا ولا هنا..

عدي: دورت عليها وتليفونها مقفول..

جاك: في اي..

جاكي: فين اسيل..

جاك: كانت معاكوا هنا...

عدي: مش لاقيها...

قعدنا ندور عليها ف كل مكان بس مكانتش موجوده...

عدي: هطلع اشوفها بره...

عدي طلع بره وقعد يدور ف الشارع وفجأه حد ضربه ع دماغه هو كمان....

عدى وقت كبير وعدي مرجعش...

جاكي: عدي اختفى فين هو كمان..

فضلنا ندور عليهم ودورنا ف الشوارع بس ملقيناش حد... فضلنا نرن بس موبايلاتهم مقفوله...

جاكي: جاك بلغ البوليس..

جاك: مش هيعمل حاجه قبل ٢٤ ساعه...

متيم: يعني اي.. هنسيبها كدا!!

جاك: لا... تعالى معايا..

........................

عدى الوقت والكل بيدور عليم وراحوا كل الاماكن اللي ممكن يروحوها بس ملقوش حد...

اليوم عدى والكل متوتر...

شويه وبدأوا يفوقوا....