رواية قلبي ليس بيدي 3 الفصل الاول 1 بقلم حسناء رمضان

اسيل: بقولك مش هتمشي يعني مش هتمشي... دانا هعمل منك شاورما... بتزعقلي انا يلاااا!!

ـ ياست هو انا كلمتك!... مانتي اللي ماشيه قدام العربيه.. بقالي ساعه ازمر وانتي ولا هنا... اعملك اي يعني..

اسيل: بردو متزعقليش... اتكلم بالراحه..

ـ طب ممكن تسيبي الهدوم بقاا... خليني اغور ياست..

اسيل: هعديها المرادي.. بعد كدا هجيب وشك نصين..

يلا كل واحد يروح يشوف حاله... بتتفرجوا ع اي..

سابته ومشت....

كانت راجعه من الجامعه وشايله الشنطه بكتف واحد وماشيه ع البحر...

ـ مش هتبطلي تبلطجي ع خلق الله!

بصت جنبها لقت واحد ماشي ف نفس الطريق وحاطط ايده ف جيبه وباصص قدامه...

اسيل: وانت مالك...

ردت عليه وهي باصه قدامها وماشيه بكل شياكه..

ـ لسانك طويل..

اسيل: تحب تجرب!

ـ لا مش عايز... كفايه اللي شوفته.. جدعه..

كملت مشي ومردتش عليه...

ـ ع فكره انا عارف انك عملتي كدا عشان هو عاكس..

اسيل: دانت موجود من بدري بقاا..

ـ تقريبا.. قلبك جامد..

اسيل: تُشكر...

ـ اتفضلي...

بصت لقته مادد كتاب ليها..

اسيل: اي دا..

ـ كتاب حلو... عجبني قولت اشارك بيه اي حد هلاقيه قدامي بعد ماخلصته قرايه...

اسيل: مش عايزه..

ـ امم.. مش هاخد تمنه متقلقيش... خديه هيعجبك..

اسيل: امم.. ماشي... بس دا مش معناه ان في كلام بينا.. سلام...

سابته ومشت وهو وقف يلعب ف شعره ويتنهد...

//////////////////

جوري: ماما.. انتي فين..

جاكي: انا ف المطبخ...

جوري: ازيك ياست الكل...

وراحت باستني من خدي...

جاكي: اخواتك مرجعوش!

اسيل: مامعععع... وحشتيني...

وجت حضنتني وباستني هي كمان...

جاكي: يابنت المجانين هتوقعيني... اتاخرتي ليه!

اسيل: امم.. كنت بتمشى شويه..

جاكي: طب يلا نادي ابوكي واقعدوا عشان تاكلوا...

طلعت اسيل تنادى جاك...

اسيل: حبيب قلبي القمر دا..

جاك: بكاشه زي امك... كنتي فين..

اسيل: اقولك بصراحه!

جاك: ايون..

اسيل: كنت بتعارك..

جاك: جدعه.. مع مين..

اسيل: واحد قليل الادب كدا كان بيعاكس..

جاك: جدعه يابت... امك لو عرفت هتطلعنا بره البيت... خفي ع الناس شويه..

اسيل: اسيبه يعاكس يعني!

جاك: لا.. بس مترديش عليه افضل.. اما شغل البلطجه بتاعك دا انا عارفه... انتي بقيتي كبيره وعاقله.. بلاش شغل العيال دا..

اسيل: اشطا... يلا عشان ناكل..

قام من ع المكتب ولسه هيطلع راحت نطت ع ضهره..

جاك: بتعملي اي يابنت المجنونه...

اشيل: شيلني لحد تحت يابو الصحاب..

جاك: ع اساس انك خفيفه قوي..

اسيل: قصدك اني تخينه!

جاك: لا طبعا... دانتي قمر..

اسيل: والنبي انت اللي قمر... انزل بقاا..

جاك: ربنا يصبرني...

شالها ونزل بيها من ع السلم...

جاكي: ايه يابنت الفاضيه اللي انتي عاملاه دا.. انزلي يابت...

اسيل: هتعيشي طول عمرك غيرانه كدا.. ياوليه بتدلع ع ابويا شويه.. اش احششك انتي..

جاكي: شايف قلة الادب.. وحياة امك لانفخك..

ميلت ع الشبشب عشان اضربها بيه وهي طلعت تجري..

جاك: خلاص.. عندي انا دي..

جاكي: افضل دلعهم انت كدا..

جاك: بطلي تغيري من العيال...

جوري: ماما..بابا... كنت عايزه اتكلم معاكوا ف موضوع..

جاك: خير.. في اي..

جوري: بعد ماناكل...

اسيل: وانا عايزه اعرف..

جاكي: بس يابت... خليكي ف نفسك..

متيم دخل...

متيم: حبيب قلبي اللي وحشني الساعتين دول..

ماما: كنت فين ياواد انت..

متيم: امم.. كنت بصيع شويه..

جاكي: انت واسيل عايزين تتحبسوا ف اوضه وانزل فيكوا ضرب عشان تتعلموا الادب..

اسيل: طب يلا عشان انا جعانهههه...

قعدنا ناكل...

متيم: صحيح ياماما... كنت عايز اشتري كلب..

جاكي: ماكفايه انت..

اسيل: هيهينوهيهيو...

متيم: انتي يابت متخلنيش اقوملك..

جاك: قوم وريني هتعملها اي..

متيم: ماهي اللي بارده..

جاكي: مفيش كلاب.. انسى الهري دا..

متيم: طب خدي دي ووافقي...

جاكي: حبيب قلب ماما اللي دايما يجيبلي ورد.... بس لا بردو..

متيم: والنبي ياجي وافقي بقاا.. مش كفايه مش راضيه تخليني اسافر!

جاكي: يابني انت لسه عيل.. لما تكبر ابقا سافر براحتك...

متيم: كل دا ومش كبير!!.. طب وافقي ع الكلب...

جاك: ماتخليه يجيب ياجي..

جاكي: لا يعني لا...

/////////////////////////////

ندى: يلا يامحمد عشان نمشي..

محمد: فين لين!

لين: جهزت اهو...

محمد: يلا عشان منتأخرش...

ركبوا العربيه ووصلوا عندنا...

جاك: اهلا..

ندى: قولنا نرخم عليكوا بما اننا فاضيين...

جاكي: واي الجديد ومانتوا دايما كدا.. تعالوا..

اسيل بهمس: بت يالين..

لين: اي..

اسيل: تعالي اوريكي حاجه...

خدتها وطلعت الاوضه..

لين: في اي..

اسيل: اي رأيك ف اللبس دا..

لين: حلو.. بس ليه..

اسيل: هقابل مؤنس..

لين: مؤنس تاني يااسيل!!... مش قولنا بلاش الواد دا..

اسيل: هو اي اللي بلاش... انا بحبه وهو بيحبني..

لين: سمعته مش كويسه... وبعدين بصراحه انا مش مرتاحاله... بلاش يااسيل وركزي ف مذاكرتك...دي اول سنه..

اسيل: ممكن تبطلي رغي فاضي بقاا... الواد قمر.. وبصراحه ذوق قوي وواد چان كدا...

لين: انتي حره.. اللهم بلغت.. تعالي نقعد ف الجنينه...

نزلوا قعدوا تحت وكان متيم قاعد بيلعب مع القطه...

لين كانت بتسرق نظرات من وقت للتاني لمتيم وهو مش معاها...

///////////////

جاك: مجبتش فيروز معاك ليه..

محمد: لا مروحناش الڤيلا.. جينا ع هنا ع طول..

جاكي: تعالي ياندى معايا...

خدتها ودخلنا المطبخ وهما قعدوا يتكلموا بره...

ندى: العيال كبروا ماشاء الله...

جاكي: اسكتي دول مطلعين عيني..

ندى: امال فين تيمو..

جاكي: قاعد ف الجنينه بره..

ندى: عاملين اي ف المذاكره...

جاكي: كويسين الحمد لله... بس وهما ف السن دا بيبقوا متعبين قوي.. دول مطلعين عيني ياشيخه..

ندى: طب دا دول كويسين.. اخلاق وادب واحترام.. بصراحه عرفتوا تربوا..

//////////////////////

اسيل بخبث: مالك ياجميل... سرحان ف اي..

لين: ها.. لا مفيش.. عادي..

اسيل: ماتقولي الحقيقه بقاا عشان انا فاهمه كل حاجه..

لين: حقيقة اي..

اسيل: مين اللي واخد عقلك!

لين: محدش.. هيكون مين..

اسيل: يعني مش تيمو..

لين: ها.. لا تيمو اخويا.. يعني ياخد عقلي لي..

اسيل: اي الهبل دا... لو بتحبيه قولي.. وبعدين مش حاجه عيب ولا حرام عشان تخافي كدا..

لين: وبعد مااقول!

اسيل: يعني بتحبيه!

لين: بصي.. هقولك بصراحه بس الكلام دا يفضل بينا..

هو انا بصراحه بحبه... بس انا مش متاكده دلوقتي.. احنا لسه صغيرين ع الكلام دا...

اسيل: صغيرين اي ياختي....الحب مفهوش صغيرين ولا كبار....

لين: ماهو انا مينفعش اروح اقوله.. لازم هو اللي يقولي.. وبما انه لسه مقلش حاجه يبقاا مش بيحبني زي مابحبه...

ـ هو مين اللي مش بيحبك!!

//////////////////

مراد: ماما انا خارج..

نور: رايح فين..

مراد: خارج مع صحابي..

نور: متأخرش طيب..

مراد: ان شاء الله.. هو بابا فين..

نور: ف الشغل..

مراد: طب الحق اطير انا بقاا.. سلام ياقمر...

سابها ونزل لصحابه...

عمر: اي ياعم اتاخرت ليه..

مراد: يادوب لبست يعم.. المهم فين المزتين..

عمر: ف العربيه..

مراد: طب يلا مستني اي..

عمر: انا خايف احسن اهلي ييجوا فجأه..

مراد: مش قولت مسافرين!

عمر: ايوا.. بس..

مراد: مبسش ولا حاجه... يلا بس انجز..

///////////////////

لفت لقته متيم..

لين: ها..

متيم: مين اللي مش بيحبك..

اسيل: لا داحنا كنا بنتكلم ف موضوع كدا...

متيم: موضوع اي..

اسيل: وانت مالك.. اي البرود دا..

لين: لا موضوع عادي يعني.. مش مهم..

متيم: ماشي.. المهم يعني مش بتيجي..

لين: مذاكره بقاا وكدا..

متيم: اشطا تعالي نذاكر مع بعض..

لين: بجد!!... قصدي يعني احسن اعطلك..

متيم: لا بالعكس.. كدا هنذاكر كويس..

لين: ماشي هقول لبابا واشوف..

متيم: طب سلام انا بقاا...

/////////////////////

جاكي: في اي..

ندى: في عريس متقدم للين..

جاكي: طب دا خبر حلو...

ندى: لا.. هي مش موافقه... مش عارفه في اي ف دماغها... كل العرسان بترفضهم عشان اسباب تافهه..

جاكي: هي اصلا لسه صغيره ياندى... استني عليها شويه..

متيم: ماما.. انا خارج..

جاكي: رايح فين!

متيم: هلف شويه كدا وارجع..

جاكي: ماشي ياحبيبي متأخرش...

متيم: حاضر...

جه باس ايدي ومشي..

ندى: مش بقولك عرفتي تربي..

جاكي: عشان مشناهم صح من الاول..

////////////////

اسيل: بقولك اي.. انا هخرج دلوقتي.. هتيجي معايا!

لين: رايحه فين..

اسيل: هقابل مؤنس... بس مش عارفه هقول لماما اي..

لين: انتي مجنونه.. براحتك انا داخله جوه...

الاتنين دخلوا الڤيلا...

اسيل: مامي..

جاكي: نعم..

اسيل: انا خارجه..

جاكي: رايحه فين..

اسيل: هقابل واحد صاحبتي..

جاكي: مين صاحبتك..

اسيل: هو تحقيق ولا اي!

جاكي: خلاص لو مش عايزاني احقق معاكي.. روحي قولي لابوكي..

اسيل: ياماما خارجه مع واحده صاحبتي.. اي المشكله.. هنلف شويه ونرجع...

جاك دخل..

جاك: في اي..

جاكي: عايزه تخرج..

جاك: ماتخليها تخرج.. لسه بدري..

جاكي: انا مقولتش حاجه... انا بسألها خارجه مع مين بس..

اسيل: مع ريم صاحبتي..

جاك: خلاص ياحبيبتي.... روحي ومتاخريش..

اسيل: ماشي باي..

طلعت لبست ومشت..

/////////////////////

ـ انتوا رايحين بينا ع فين!

مراد: ع الڤيلا ياقمر..

ـ اي دا هي فيها ڤيلا!

عمر: امال انتي مفكره اي... شغل عالي دا..

وصلوا الڤيلا وطلعوا...

/////////////////

مؤنس: اي القمر دا..

اسيل: وحشتني..

مؤنس: وانتي كمان.. تحبي تروحي فين!

اسيل: تعالى نتمشى كدا شويه...

مؤنس: ماشي... قوليلي اي اخبار الدنيا معاكي..

اسيل: كويسه.. اهي ماشيه..

مؤنس: امتى ونتجوز بقاا..

اسيل: قريب... ظبط انت نفسك عشان تعرف تقعد مع بابا..

مؤنس: هو بصراحه مهما عملت مش هعرف اعمل اللي ابوكي عايزه... دانتي بنت جاك بيه..

اسيل: لا خالص... بابا مش بيفكر كدا.. ب....

مؤنس: مالك سكتي ليه..

اسيل: احييه.. متيم اهو..

مؤنس: اخوكي!!

اسيل: ايوا.. اوعى خليني استخبى...

راحت وقفت ورا الشجره لحد ما مشي...

اسيل: مشي!

مؤنس: ااه تعالي...

اسيل: كنت هروح ف داهيه..

مؤنس: طب تعالي نروح حته غير هنا.. اي رأيك نروح الشقه!

اسيل: امم.. طب بص بقاا.. اول واخر مره تقولي شقه... لو قولت شقه تاني، اعتبر كل اللي بينا انتهى... انت مش شاقطني من الشارع..

مؤنس: اي الهري دا.. انا قصدي بس عشان محدش يشوفنا..

اسيل: انسى الكلام دا..

///////////////////////

مراد: هتبقى ليله عنب يامزه.. يلا اقلعي..

ـ هيهي الصبر ياحلو مش كدا..

مراد: مفيش صبر.. انجزي..

فجأه سمعوا صوت كلاكس عربيه بره..

عمر: نهااااار اسود... قومي بسرعه..

ـ في اي..

عمر: اهلي جم... قومي ياوليه قاعده ليه..

ـ هي شكلها ليله باينه من اولها..

خبط ع الباب عند مراد...

عمر: مراد.. مراد افتح...

مراد: في اي..

عمر: اهلي وصلوا... يلا بسرعه...

مراد: نعم ياخويا... ازاي!!

عمر: بعدين.. المهم لازم نمشي قبل مايطلعوا... دول ممكن يسلمونا لبوليس الاداب عادي عندهم..

مراد: طب هنطلع منين!

عمر: في باب خلفي هنا... تعالى بسرعه..

ـ استنى عندك...

...............................

ـ مش ناوي تقولي مالك!

عدي: مالي!

ـ حاساك متغير كدا... فيك حاجه..

عدي: هيكون في اي ياماما..

ـ ياواد... يعني بترجع مبتسم.. وساعات الاقيك باصص للسقف وسرحان.. حاجات غريبه كدا..

عدي: وانتي مركزه معايا ليه بقاا..

ـ وليه متقولش انك مفضوح..

عدي: مفيش الكلام دا.. يلا شوفي وراكي اي

ـ هتقولي بالذوق ولا اخليك تقولي بالعافيه!

عدي: لا بردو..

ـ ماشي.. كنت هخلي ابوك يجيبلك العربيه.. يلا ملكش نصيب..

عدي: لا ياست الكل دانا بموت فيكي والله... اموواه..

ـ هتحكي ولا اقوم امشي!

عدي: هحكي وامري لله.. بس هيفضل سر.. والله ياماما لو حد عرف انتي حره..

ـ متقلقش... قولي بس مين هي..

عدي: واحده زميلتي ف الجامعه... بحبها من ايام ماكنا ف اعدادي..

ـ يخيبك... كل دا!

عدي: شوفتي.. اديني ع الحال دا السنين دي كلها... وهي لا هنا..

ـ يبقى بلاش منها..

عدي: مش بمزاجي... ياريته بمزاجي..

ـ طب ليه متقولهاش!

عدي: يمكن خوف... خايف ترفضني... انتي مش متخيله انا بحبها ازاي... انا حقيقي ممكن اعمل اي حاجه ف سبيل اني اشوف ضحكتها بس..

ـ للدرجادي واخده قلبك!

عدي: ياريتها واخده قلبي بس.. دي واخده كياني كله.. والله ياامي بحبها قوي.. عارفه لما تشوفي حد كدا لاول مره ويلفت نظرك قوي ومتقدريش تشيلي نظرك من عليه!... لا اراديا كدا... كل كيانك بيتوجه نحوها غصب عنك... اتحكمت ف كل حاجه فيا... مبقتش افكر غير فيها... بدعي ربنا كل صلاه انها تبقى ليا... مع انها دبش كدا... بس حاسس انها طيبه قوي... يعني اصلا نظراتها لوحدها كفيله تخليني مرتاح...

ـ يااه.. دانت واقع بقاا.. وبعدين انت تقيل قوي.. مكنش حد بيعرف يوقعك كدا.. مكنش حد بيلفت نظرك اصلا..

عدي: دي غير الكل.. دي حاجه كدا قمر...

.................................................

متيم: انتي فين!

لارا: انا... انا مع واحده صاحبتي..

متيم: صحبتك مين!

لارا: طب تيمو هكلمك بعدين.. يلا سلام

رمت الفون ع السرير ونست تتأكد انها قفلت..

لارا: مش عارفه الواد دا لازقلي كدا ليه..

يوسف: احنا هنضحك ع بعض... انتي اللي لازقاله عشان الفلوس... وبعدين بصراحه باين انه بيحبك..

لارا: لا احب مين.. مفيش الكلام دا.. انا بحبك انت ياقمر..

يوسف: طب تعالي بقااا..

متيم كان سامع كل حاجه ومصدوم... كدب نفسه وحاول يستوعب ويقنع نفسه ان دا كدب..

فكر يروح ويتأكد...

وصل عند يوسف صاحبه... نزل من العربيه وهو مش قادر يتحرك...

دخل جوه.. خبط محدش فتح...

فضل يخبط..

يوسف: ايوا جاي.. مستعجل ع اي..

فتح الباب وكان قالع...

لارا: مين ياحبيب....

متيم شاف المنظر مكنش مصدق عينيه... حب عمره قدامه وف شقة صاحبه...

لارا: متيم!!.. ا ا انت بتعمل اي هنا..

يوسف: انت فاهم غلط... محصلش حاجه.. احنا بس..

لف وشه ومشي وعلامات الصدمه ع ملامحه... ركب العربيه وساق بسرعه جنونيه... مكنش شايف الطريق... كان شايف منظرهم بس قدامه...

كان في عربيه نقل جايه قدامه و هو مش واخد باله...

العربيه فضلت تزمر عشان يبعد وهو يادوب اخد باله وفجأه....

يتبغ...