رواية كل ما تبقي لي الفصل الثاني 2 بقلم منة رضا

راحوا يركبوا المرجيحه و في وقت اللعب سمعوا صريخ 

نور : هو في أي و اي الصوت ده 

أمجد : مش عارف تعالي نشوف ..

كينان : سجده متعرفيش نور و أمجد فين ..

سجده : راحوا ناحيه الصوت الي جاي من هناك ده ..

كينان : طب تعالي نشوف في أي ..

سجده : يلا ..

أمجد : بيكلم حد من الي واقفين * متعرفش في أي *

الراجل : اللعبه دي مينفعش يركبها غير الي فوق سن ال 18 لكن الاستاذه دي عشان متزعلش ابنها خلته يركب اللعبه و دلوقتي اللعبه مش راضيه تشتغل و الواد متعلق فوق و مش عارفين ننزلوا و هو شغال يصوت عشان المكان عالي ...

أمجد : حاسب كده طيب و كان داخل هناك ..

نور : أبيه أنت هتعمل أي و رايح هناك لي ..

أمجد : هحاول أنزل الولد ...

نور : بس المكان عالي اوي و انا خايفه عليك لتقع ..

أمجد : متقلقيش و خليكي هنا متتحركيش في حته و سجده جايه أهي خليكي معاها ..

نور : حاضر خلي بالك من نفسك..

أمجد : ماشي ..

سجده : نور هو أبيه رايح فين و انتي بتعيطي لي ..

نور : أبيه طالع يساعد الواد الي فوق ده ..

كينان : أي ده هو كمان قلب سوبر مان ..

نور : لفت ليه كينان و الله العظيم كلمه تاني هنسي انك ابن عمي ..

كينان : انا قولت أي دلوقتي و بعدين هو اي الي مطلعه فوق كده ما يستني حد من الصيانه هو يصلح اللعبه و لا هو بيعمل كده عشان يبان بطل قدامك ..

نور : قربت من كينان و ضربته بالقلم و قالت ده عشان أتكلمت علي أبيه و يلا أمشي من هنا ..

كينان : أنتي قد القلم ده يا نور ماشي و سابها و مشي ..

سجده : نور أي الي حصل ده أنتي ازاي تضربيه..

نور : بقولك أي يا سجده انا فيا الي مكفيني ياريت تسكتي أنتي كمان ..

و سابتها و راحت تقف عند المكان الي أمجد طلعه 

أمجد : كان وصل للمكان الي الولد في و حاول يمسكه لكن كان في قطعه حديد حاده طالعه من مكان في اللعبه عورته في ضهره بس مش غويط اوي لكن كان هو كان حاسس بوجع ...

نور : أبيه أنت اتعورت سجده تعالي شوفي أبيه أتعور و فضلت تعيط هي و سجده ..

شويه و أمجد كان نزل و حاول يهدي نور و سجده و يقولهم أن الجرح مش غويط خالص ..

نور : أحنا لازم نروح للدكتور و هو يشوفها يلا ..

أمجد : ممكن تهدوا انا كويس و بعدين كينان فين و مش واقف معاكم لي ...

سجده : أتكلمت أصل هو كان بيتكلم عليك بطريقه معجبتش نور راحت هي ضربته بالقلم علي وشه ..

أمجد : ممكن أفهم لي تعملي كده مينفعش تضربيه بالقلم يا نور ده راجل و مينفعش ست تمد إيدها عليه ..

نور : أتكلمت بغضب و صوت عالي أبيه انا مش غلطانه و هو الي بدأ يلقح بالكلام ...

أمجد : صوتك ميعلاش عليا و يلا عشان نروح أنا غلطان أني خرجتكم يلا و كان بيزعق ...

نور : سابتهم و جريت ناحيه العربيه و كانت بتعيط ...

سجده : علي فكره يا أبيه أنت كمان زعلتها اوي ..

أمجد : مش عايز أتكلم في الموضوع ده يلا ..

سجده : حاضر و مشت لحد العربيه ..

أمجد : راح عشان يركب هو كمان و يروحوا لقي نور قاعده في الكرسي الي ورا و بتعيط ..

ممكن أفهم بتعيطي لي دلوقتي ..

نور : مين قالك أني بعيط و بصت ناحيه الشباك ..

أمجد : طب مش هتقعدي في مكانك قدام ..

نور : لا انا عايزه اقعد هنا و يلا عشان عايزه انام ..

أمجد : اركبي يا سجده قدام انتي و يلا عشان نور عايزه تنام ..

سجده : ركبت و هي بتبص لنور لان هي عارفه أن نور مبتحبش حد يقعد مكانه لكنها لقتها مش مهتمه اصلا فعرفت أن هي زعلانه اوي ..

أمجد : يلا يا سجده بتعملي اي ده كله ..

سجده : أبيه هو انا ممكن اركب مع نور ورا ..

أمجد : كان عايز يستفز نور لا تعالي هنا جمبي و بعدين متركبيش ورا تاني ..

سجده : ركبت و كانت خايفه علي نور لان هي بتتعب لما بتزعل ..

*عند كينان *

كان كينان وصل البيت و كان متعصب جدا و حالف انوا هيندم نور علي الي عملته ...

الجد : امال ولاد عمك فين يا كينان ..

كينان : ابتسم أبتسامه سخيفه و قال جاين مع ابيه أمجد ..

الجد : علي فكره تصرفاتك الفتره دي مش عجباني فيك اي .

كينان : لا مفيش حاجه انا بس هقعد هنا لو معندكش مانع عايز ابقي جمبك هنا انت و ولاد عمي ..

الجد : مانع اي يا بني ده كمان بيتك زي ولاد عمك تقدر تقعد لحد ما تحب ...

كينان : تسلم يا جدو و باس أيدو و كان في علي وشه ابتسامه خبيثه ..

بعد ما عزيز دخل المكتب بتاعه كينان طلع علي فوق و كان بيخطط ازاي هيخلي نور تحبه هو و تكره أمجد..

*عند أمجد و البنات *

أمجد : كان كل شويه يبص علي نور من المرايه و لاحظ دموعها الي نازله علي خدها و هي نايمه ..

بعد شويه وصلوا .

سجده : انا هصحي نور عشان تطلع تنام فوق ..

أمجد : لا خليها انا هشيلها عشان لو صحيت دلوقتي مش هتعرف تنام ..

سجده : تمام و انا طالعه معاكم يلا ..

طلع أمجد علي السلم و هو شايل نور و كان في عيون كتير حوليهم مليانه حقد و حسد ...

سجده : دخلت الاوضه و عدلت المخده بعدين أمجد حط نور علي السرير و كان لسه هيمشي نور مسكت أيدو و قالت 

بابا متسبنيش أنا تعبانه اوي من بعدك و كلهم بيزعقوا فيا انت فين انت و ماما انا عايزه اكون معاكم ..

سجده : فضلت تعيط بعد ما سمعت كلام نور .

أمجد : كان بيلوم نفسه علي تصرفه معاها و قام بسرعه و مشي و قال لسجده تفضل معاها ..

سجده : حاضر و فضلت قاعده جمبها و دموعها نازله علي خدودها ..

*عند أمجد*

كان أمجد بيلعب ملاكمه في الاوضه بتاعته و بيفتكر كلام نور و اد هي تعبانه بسبب موت أهلها و الي كان السبب في ده هو أبوه ...

و هنعرف السبب بعدين 

*في أوضه كينان *

كان قاعد بيكلم مع ديما بنت عمه في التليفون

ديما : يعني انت متأكد أن هما مش بيحبوا بعض ..

كينان : ايوه هما وافقوا عشان جدك انتي لازم تيجي هنا ..

ديما : بس أنت يعني عارف أن جدك مبيحبش طريقه لبسي و كده فممكن يعترض اني افضل عندكم 

كينان : مهو فعلا عندُ حق ده أنتي بتبيني اكتر ما بتستري من جسمك ..

ديما : نفسي افهم هو انا الي لابسه و لا انتوا المهم هدخل البيت ازاي و هنقنع جدك ازاي أن يخليني عندكم ..

كينان : سبيها عليا انا دي و يلا جهزي نفسك عشان تيجي من بكره و ابقي عرفي عمي انك هتفضلي هنا عشان ميقلقش عليكي يلا سلام ...

قفل كينان مع ديما و بداء يفكر ازاي هيقنع جدو أن يخليه يرضي يخلي ديما تفضل معاهم في القصر ..

الكل كان نايم و القصر هادي ماعدا أوضه أمجد الي كان قاعد لسه بيلعب ملاكمه و خلاص النهار علي طلوع ..

عدي 2 ساعتين و لسه برضوا أمجد بيلعب بيعاقب نفسه علي الكلام الي قالوا لنور ...

النهار طلع و كل الي في البيت صحي و الخدمات كانوا بيجروا من هنا لهنا عشان يجهزوا الفطار قبل ما عزيز بيه هو و أمجد بيه يصحوا لأن الكل بيخافوا منه رغم ده الي أن نور و سجده هما الاتنين الي مينفعش حد يزعلهم خالص ...

نور : صحيت لقت سجده نايمه جمبها أبتسمت و بصتلها بحب و بدأت تصحي فيها .

سجده اصحي يلا يلا يا ماما فوقي ..

سجده : 5 دقائق بس يا نور و الله و هقوم ..

نور : تدخل اخد شاور و لو طلعت و ملقتيش صاحيه و الله هتزعلي مني يلا ..

دخلت نور الحمام و سجده قامت لان هي عارفه نور هتعمل أي لو ملقتهاش صاحيه ...

*عند كينان *

صحي كينان و قام أخد شاور و لبس هدومه و قرر يروح يشوف نور عشان يبدأ ينفذ خطته ...

نور كانت خلصت و طلعت بروب الحمام لان هي عارفه أن مفيش حد غير سجده في الاوضه لكن اتصدمت لما لقت كينان ..

كينان : كان واقف بيبص علي نور بنظرات مش كويسه و بعدين قال أنا اول مره اعرف انك حلوه كده 

فجاءه حد لفه ليه و ضربوا بالقلم و زعق أنت قليل الادب و مفيش ليك قعاد تاني في القصر

يتبع.....

لقراءة الفصل الثالث : اضغط هنا

لقراءة باقي الفصول : اضغط هنا