رواية فتاة التنمر الفصل الثاني 2 بقلم هنا
 |
| رواية فتاة التنمر الفصل الثاني 2 بقلم هنا |
رواية فتاة التنمر الفصل الثاني 2 بقلم هنا
سما:ممكن اعرف مين الاستاذ ال انتِ قاعدة تضحكي وتهزري معاه دا يا اخت نور
نور:دا اخو هند انت بتدخلي ليه روحي اقعدي مكانك عشان محدش يشوفنا
الشاب لف:انتِ!!! هو انتِ اخت نور
نور:للأسف اااه
الشاب:هو مش انتِ ال هند عملت شير لصورتك تتريق عليها
هند:اه هي يا ابيه ههههههه
الشاب:هند اتكتمي وحسابك معايا بعدين
الشاب:انا اكمل محمد ال دخلت اعتذرتلك امبارح بالنيابة عنها...بس مش معقولة انتِ تبقي اخت نور
نور:هههههه الكل بيقول كده والله يا اكمل عشان انا جميلة وهي مش عارفين طالعة لمين
اكمل:لا مش كده خالص انا كان قصدي انتِ اختها ازاي وكنت شايفك امبارح بتتريقي عليها وكمان دلوقت بتتريقي؟؟يبقى اختها ازاي
سما:عادي اختي وبتتريق براحتها يلا يا نور عشان نمشي اتأخرنا
اكمل:طيب اقعدوا معانا شوية وبعد كده امشوا
نور:معلش بقى يا اكمل لازم نمشي عشان بابا باااي
هند:باااي يا رووحي
اكمل:هشوفك تاني..سلام
(اعرفكوا بنفسي بقى انا اكمل محمد مهندس طيران 34 سنة طولي 189 سم عيوني خضراا شعري اسود وناعم جسمي رياضي وعايش انا وهند اختي لوحدنا ومش عارفين حاجة عن اهلنا انا اكبر من هند ب 14 سنة وانا ال مربيها وهتعرفوا قصتي بعدين)
---------------؛---------------
اكمل قاعد مع اسر صاحبه في الكافيه
اكمل:مش عارف اقولك ايه يابني جمال ايه وطيبة ايه دي اسرتني من اول نظرة ببرائتها دي....ولاا عيونها ال نفس لون عيوني ورموشها الكثيفة....كلها على بعضها جميلة يابني والله
اسر:ايه يابني شكلك وقعت ههههههه
اكمل بهيام:يااااه دي تبقى اجمل واقعة في حياتي والله
اسر:ههههه ايه يا عمنا اتقل شوية في ايه
اكمل:اكيييد
اسر:هتعمل ايه
اكمل:هروح اتقدملها بكره او الاسبوع الجاي
اسر:ياااه ايه التقل داا...انا حاسس ان الارض هتتكسر من تقلك
اكمل:يا اخي بقولك اسرتني اسرتناااااي مش فاهم
اسر:يا اخي غور ابو شكلك..ربنااا ياخدني من وشك داا بقى
ويوديني مطروح
اكمل:ونشوف ممدوح
اسر:ال بييجي ويروح؟؟
اكمل:ااه فاكره ؟
اسر:ال محدش بيطيقه داا
اكمل:اه
اسر:لا الصراحة مش فاكره
اكمل خبطه بالقفا:يا اخي دا انت بارد بقى..ربنا ياخدني من وشك.....ويوديني الغردقة
اسر:ياااه ونشتري المعلقة
اكمل:المعلقة الدهب دي
اسر:ااااه فاكرها ؟؟
اكمل:ال كان مرسوم عليها وردة دي
اسر:ااه
اكمل:لا مش فاكرها
اسر:ههههههههه كنت حاسس انك هتردها.....يا اخي منك لله يلااا عشان نمشي الساعة بقت 2 وهتتأخر على اختك
اكمل:والاهم ان هند بتحسب ان انا بكون سهران مع بنات والنبي تيجي تشوف انا قاعد مع مين هههههههه
اسر بصوت انوثي:مع مين يا حبيبي هيهيهيهي
اكمل:نهارك فل هنتفضح انا ماشي
اسر:مع السلامة يا ابو العيااال
-----------------------------
عند سماا قاعدة في اوضتها بتعيط وتفتكر ال حصل بعد ما وصلوا البيت
فلاش باك
نور بدموع التماسيح:يا بابا يا بابا شوفت سما النهاردة يا بابا رفدتني اسبوع يا بابا وهتسقطني في الامتحان كمان اهئ اهئ شوفلك صرفة معاها بقى عشان هي بقت تحرجني كتير قدام صحابي يا بابا
ماما:لا البت دي زودتها كتير بقى
بابا:عندك حق زودتها
**انا كنت بصلي وفجأة لقيت بابا داخل وفي ايده الحزام(القبلة عندنا في وش الباب)وانا بصلي نزل عليا بالحزام ..تخيلوا ما استناش على ما اخلص صلااة...كنت بصلي ودموعي نازلة من الوجع وهو نازل على ضهري بالحزام وبيزعق ويقول:بتعملي نفسك بتصلي يا بنت الكلب انا بقى هعلمك الادب..ونازل ضرب فياا بالحزام...لحد ما خلصت وما كنتش قادرة اقف من الوجع راح شدني ورماني على السرير ونادى على نور تمسك رجلي...مسكت رجلي وهو نزل ضرب على رجلي لحد ما ورموا وماما برااا قاعدة تقول:تستاهل عشان تحترم نفسها بعد كده
وانا نايمة على السرير وبابا مفيش في قلبه ذرة رحمة مكمل فيا ضرب..ومن اول ما بدأ يضربني صوتي ماطلعش كنت ببكي في صمت ودموعي بس ال نازلة...لحد ما عيني قفلت والدنيا اسودت وما حسيتش بنفسي
انتهاء الفلاش
سما ودموعها بتنزل زي الشلال:طيب ليه كل دا يحصل معايا...دا انا بنتهم اومال لو كانوا متبنيني كانوا عملوا فيا ايه يا رب...
دا كله عشان العائلة كلها بشرتهم فاتحة وانا الوحيدة سمراا شوية..طيب فيها ايه...دا غير صحابي والجيران ال كانوا بيحبوني وكرهوني من شتيمة وتريقة اهلي عليا....
وكمان مش مقضيهم كده..نور تيجي عايزة تقل مني قدام طلابي ال بيحبوني ويحترموني وعايزاهم يكرهوني هما كمان....طيب ليه هو انا مش اختها دا انا بحبها اكتر من نفسي...
وماما ال المفروض يبقى اسمها نبع الحنان فين الحنان دا..وبابا ال المفروض اسمه السند..هو فين السند دا...دا هو الكاسر والجارح مش السند...يا ترى يا رب عملت ايه غلط عشان استحق العقاب دا..
في الوقت دا كان الراديو شغال وسمعت جملة:اذا احب الله عبدا ابتلاه
سما:ونعم بالله العلي العظيم..استغفر الله العظيم يا رب..الله لا اله الا انت سبحانك اني كنت من الظالمين
------------------؛------------
صباح اليوم التالي
قومت صليت الفجر وقرأت قرآن شوية واتصلت على صاحبتي تاخدلي اجازة عشان مش هقدر اتحرك ونمت شوية عشان ارتاح..
في الصبااح
نور:بابااا تعالى شوف بنتك ال لسة نايمة دي
بابا:بت يا خرااا انت نايمة ليه مش وراكي جامعة
سما:اعتذرت يا بابا ومش هروح عشان تعبانة
بابا:ايوا يعني ومين هيوصل اختك
سما:يا بابا بقول لحضرتك تعبانة خليها النهاردة تروح مواصلات
نور:بقى انت عايزاني اروح المواصلات واتبهدل الحق يا بابا بتقول ايه
بابا:شكلك عايزة تجربي الحزام تاني
دموعي نزلت فجأة:حاضر يا بابا هجهز واطلع
**جهزت ونزلت جهزت العربية على ما نور تنزل ومشينا على الجامعة..انا كنت ماشية غصب عني ومش قادرة اتحرك بس اتحملت ودخلت اعطيهم المحاضرة
طالب:شوفتوا الدكتور حاسس انها مش قادرة تقف يا شباب
طالبة1:شكلها تعبانة جامد
طالبة2:تعالوا نقولها تقعد ترتاح يا شباب عشان شكلها بتتوجع بجد
طالبة3:مين هيتطوع بقى ويقولها
طالبة1:انا هقول بس خايفة
طالبة1 رفعت ايديها
سما:اتفضلي عايزة تقولي ايه
طالبة1:حححم حضرتك يا دكتور يعني حححم شكلك تعبانة ممكن تشرحي وانت قاعدة عشان ترتاحي
سما ابتسمت:لا عادي هقدر اكمل وانا واقفه
المدرج كله:بجد يا دكتور حضرتك شكلك تعبانة ممكن تشرحي وانت قاعدة
سما ابتسمت:شكرا وقعدت والكل ابتسم لما شافها ارتاحت شوية وخلصت المحاضرة والكل خرج
----------------------
الطلاب متجمعين في الكافيتريا وبيتكلموا
طالبة1:هو انا كنت خايفة ليه يا شباب ما الدكتور طلعت لطيفة اهي وبتضحك مش زي ما بنسمع عنها من شلة نور
طالب:انا سمعت ان نور دي بتكرهها فعشان كده بتطلع عليها الكلام دا ..بس الدكتور طول عمرها محترمة معانا
طالبة2:اااه بجد هي طول عمرها محترمة...وعلى فكرة بقى هي جميلة وملامحها جميلة وانا اول ما اروح همسح الكومنتات ال بتريق بيها على صورها
طالبة1:وانت كنتي بتتريقي على صورها ليه
طالبة2:بصراحة كده يعني حححم كنت بتروشن عشان كنت عايزة ادخل في الشلة الجامدة بتاعة نور
باقي الطلاب:بصراحة واحنا كمان...وهنروح نمسح الكومنتات
طالبة1 بإستهزاء:طيب وايه ال غير رأيكوا بقى
باقي الطلاب:مش عايزين ننضم للشلة بتاعتها اكتشفنا انهم معندهمش ذوق والدكتور سما طيبة ما تستاهلش ال حصل لها وهي طيبة
----------------------
عند نور وشلتها
هند:نفسي اعرف هما اتعاطفوا مع الدكتور سما النهاردة ليه يعني حبوها ههههه
مراد(واحد من الشلة):يا بنتي جبر الخواطر ههههه
نور:عندك حق يابني والله ههههههه
اسلام(واحد تاني من الشلة):بس على فكرة الدكتور عيونها لون عيون نور
هند:اااه يابني مش اخ....
نور خبطتها:عادي يعني ما في ناس كتير نفس لون العيون ههههههه(محدش يعرف ان نور اختها غير هند بس)
باقي الشلة:احنا هنمشي عشان اتأخرنا
فضلت نور وهند قاعدين
نور:غبية كنتي هتفضحينا
هند:نسيت يا روحي معلش
نور:مش مهم قوليلي اخوكي هييجي
هند:لا عنده شغل
سما:نور معلش عايزة اروح تعبانة جدا ممكن نمشي
نور:ما تتعبي انا مالي..انا عايزة اقعد شوية استني
هند:كده كده مش هييجي يا بنتي وانا هروح دلوقت وانت كمان قومي روحي
نور:طيب يلااا سلام يا روحي
---------------؛-------------
في المساء في بيت اكمل وهند
اكمل قاعد في البلكونة بيشرب القهوة وسرحان
هند:ايه يا حبيبي قاعد ليه كده..شكلك سرحان فيها ههه
اكمل وهو سرحااان:يااااه ما بتغيبش عن بالي من اول ما شوفتها
هند:ايوا قول كده بقى يا واقع
اكمل:هااا بتقولي ايه
هند:لا لا مفيش ههههه
اكمل:قوليلي يا يا هند هي سما اخت نور
هند:اااه
اكمل:طيب بقولك ايه ما تجيبي رقم نور
هند:ههههه نععم
اكمل:خلاص ممكن تجيبي منها رقم والدها
هند:ههه مش بقول واقع
اكمل:خلصي يا جزمة
هند:خلاص خلاص هطلبه منها الله
----------؛--------
نور:الوو
هند:نوووووووووور
نور:ايه يا غبية صرعتيني
هند:هههههه الخبر ال عندي يستحق الصرع...ابيه وقع خلاص
نور:نععععم
هند:والله وقع وبيقولي اطلبي من نور رقم والدها هههه
نوور:ياااااه...ثواني وابعتهولك يلااا سلام سلام
هند:ماشي يا واقعة انت كمان سلام
-------------------------؛---
نور:بابا يا بابا يا بابا
الاب(شهاب المعز):ايوا يا حبيبة بابا
نور بفرحة:في عريس عايز يتقدملي وطلب رقمك
شهاب:ييجي يتقدم وقت ما يحب يا قلب بابا
نور:حبيبي يا بابا هو هييجي بكره
--------------؛-------------
في مساء اليوم التالي
اكمل داخل البيت هو واسر وشهاب قابلهم وقعدوا مع بعض
اكمل:ازي حضرتك يا عمي انا اكمل.....وعرف بنفسه
شهاب:نورت يا حبيبي بس فين اهلك مفيش حد كبير معاك ليه
اكمل بحزن:اهلي متوفيين
شهاب:ربنا يرحمهم
اكمل:انا جاي النهاردة اطلب ايد بنت حضرتك وتكون حلالي.....ايه قولك يا عمي
شهاب:والله انا عمري ما الاقي شاب احسن منك لبنتي نور
اكمل:نوور!!! بس انا طالب ايد الانسه سمااا...
تعليقات
إرسال تعليق