رواية عشقته صعيديا الفصل الرابع والعشرون 24 بقلم سهير احمد

                     ونصفى الثانى 💞

                                      أنت قطعه منى 💓

                                                              ومن قلبى 💓

                💕 لا أقدر على الحياة من دونك 💕

                  💖أسأل الله أن يديمك نعمة فى حياتى 💖

فهد بصدمه : ايه اللى أنتى عاملاه ده

حور بعياط وبتحضنه : كنت فين أنا قلقت عليك أوى 

فهد بحنان : بس أهدى ياروحى أنا بس قعدت مع الشباب 

حور بغضب : آه ومش هامك تعرف الكلبه دى مش كده

فهد : ايه يا حور أنا مش صغير يعنى 

حور : لأ فيه الجو بالليل فكرتك فى أوضتنا اللى تحت بس ملقيتكش بقالك أكتر من ساعتين تحت 

فهد : أنا جوزك وراجل على فكرة يعنى أتأخر براحتى 

حور بشراسه: لأ مش براحتك علشان أنا بقلق عليك بعد أما هديت أنا بجد خوفت يا فهد 

فهد : من ايه بس ياحبيبتى

حور : مش عارفه يمكن كنت زعلان منى فأنا قلقت وقربت عليه بدلع  أنت مش ناسى حاجه 

فهد وهو بيبوسها من رأسها : كل ثانيه وأنتى بخير وسعادة وكل لحظه وأنتى فى حضنى يارب تعيشى لمليون سنه 

حور : هبقى عجوزة ووحشه يا فهدى 

فهد : هتفضلى حلوة فى عينى حتى لو سنانك وقعت ههههه مش متخيل منظرك 

حور : عارف أن عيد الميلاد ده أحلى من أى عيلاد ميلاد قبل كده 

فهد : اشمعنا يا قلبى(  كانوا بيتكلموا وهى على رجله وهو حاضنها) 

حور بسعاده : علشان أنت معايا وأنا فى حضنك وبهمس أنا بحبك أوى أوى أووووى يا فهد 

فهد : وأنا بعشقك يا قلب فهد من جوة 

حور : لأ مش فاهمنى مش علشان حاجه بس أنا بحبك علشان أنت تتحب كنت متوقعاك فاهم كده بس أنت عاوز تسمعها حاضر يا سيدى  ووقفت فى نص الأوضه

حور  : بص يا دكتور فهد يا سباعى يا أبيض ياعرسى أنت أنا بحبك لأ أنت خليتنى أعشقك ومستحيل أسيبك لأن روحى بتجرى وعايشه بحبك أنت بحلم بحته صغنطوطه خالص قد كده فى قلبك بس مش طمعانه والله 

فهد بسعادة بالغه : أقسم بالله أنا قلبى مش معايا  أصلا قلبى  سابنى من يوم ولادتك أنتى أنا كنت بحلم تفضلى معايا بس خلاص هنعيش سوا ومش هنبعد عن بعض أبدا 

قولى أنتى عاوزة ايه وأنا أعمله وقتى  وحضنها وفضل يلف بيها وسط ضحكهم شويه وعياطهم شويه 

حور بحب : تفضل معايا ومتسينيش 

فهد : أمرك يا فندم 

حور : تسيبنى أقرأ رعب براحتى 

فهد : محلات الروايات كلها تحت أمرك 

حور : والله مابحبك من فراغ 

فهد بغمزة  : طب ايه كلام رومانسى وأحضان وبحبك وشويه وهنعيط 

حور : فهد اتلم علشان أنت  بقيت قليل الأدب 

فهد : بقيت أنا مولود قليل الأدب دى حاجه فى دمى قله الأدب دى 

حور : فهد بطل تقرب والله بتكسف 

فهد : أهوه أنا مش هقرب أنا هعمل حاجه تانيه وهوب شالها 

حور بخجل : فهد 

فهد بهيمان : قلبه 

حور : يا فهد 

فهد : حياته 

حور بضحك وخجل : الله بقى 

وقد عاش العشاق معا فى حب وحنان بالغ فالحب لايأتى بالأموال أو الهدايا وانما هو دقه قلب فور رؤيه الحبيب 

بعد شهرين

فهد بتوتر رايح جاى فى ساحه القصر 

الجد : يابنى بقى خيلتنى

فهد بتوتر : فى حاجه غريبه حصلت أنا مش فاهمها

الكل : ايه 

فهد : حور بقالها تلات دقايق مقالتش جعانه فأنا خايف 

حور بغضب : على فكرة أنت بارد والله وكل شويه تبصلى مش أنت اللى عيالك شحوطه زيك وبيجوعونى

فهد بغيظ : ماهى حامل اهيه  ( صفاء) ودى كمان  ( جميله) اشمعنا أنتى عامله شبه البالونه وأنتى لسه فى التانى

حور ببكاء : قول كده بقى أن أنا بقى شكلى وحش وأنت هتسيبنى

فهد بحنان : مقدرش أسيبك بس أنتى خلصتى على أكل مصر الناس الغلابه تاكل منين 

فاطمه بحب : يا حبيبتى ده بيضايقك متسمعيش منه وأنت عندك كلمه حلوة قولها معندكش يبقى تخرس 

فهد : أنا أصلا رايح المستشفى ادعولى

فاطمه وحور : توصل بالسلامه فى رعايةالله 

فى يوم الساعه اتنين بالليل            P.M    ٠٠: ٢

حور  : فهد فهد 

فهد بنوم : ايه يا حور 

حور : اصحى عاوزة أتكلم معاك 

فهد : يا بنت الحلال ورايا شغل نامى

حور بضجر : قوم بقى 

فهد : ايه يا حور عاوزة تتكلمى معايا فى ايه الساعه اتنين 

حور : استنى أعملك قهوة تصحصح معايا 

وراحت عملت القهوة 

فهد : خير علشان قهوتك مش مطمنانى 

حور : هو موضوع شاغلنى من فترة وعاوزة أسألك 

فهد : جيب العواقب سليمه يارب 

حور : هو أنا أحلى ولا هيفاء وهبي

فهد بصدمه : نعم يا روح أمك 😲😲

حور : اسمع بس أنا ولا هى 

فهد بغضب : أنتى يا حبيبتى 

حور : طيب أنا اللى أحلى ولا ياسمين صبرى 

فهد : هو ده عرض أنا اللى أحلى ولا زوجات أبو هشيمه

حور بغضب : رد على قد السؤال لو سمحت 

فهد : أنتى برده 

حور : كداب أنت بتقول كده علشان ترضينى هما الاتنين أحلى 

فهد : خلاص هما أحلى 

حور : هما أحلى من مراتك طب حتى جاملنى خاف على زعلى ولا ازاى مش خلاص 

فهد : أنت متضايقه ليه بس 

حور وهى تستلقى على الفراش : لا أبدا أنت لو مهتم كنت عرفت لوحدك إنما الاهتمام مبيتطلبش يا أستاذ 

فهد بصدمه: طب يمين بالله مجنونه وراح حضنها : أنتى أحلى من أى واحده فى الكون كله فى عينى 

حور بفرحه : بجد 

فهد : جد الجد كمان متقارنيش نفسك بحد 

حور ببراءة : آخر سؤال والله 

فهد : اسألى يا حبيبتى 

حور : أنا اللى أحلى ولا مى عمر 

فهد بغضب : هرمونات الحمل دى قرفتنى على فكرة 

حور ببكاء : أنت بتزعقلى ليه أنا ايه اللى خلانى أتجوز أنا كنت قاعدة فى بيت أبويا معززة مكرمة باكل وبشرب  ببلاش مش كل شويه تكلمنى

بس لما النهار يطلع هلم شنطه هدومى وهروح بيت أبويا 

فهد : والله طب وليه تستنى للنهار روحيله من دلوقتى يلا بس أبوس ايدك سيبينى أنام 

حور بطفولة : طب مش راحه وقاعده على قلبك هيه يلا بقى مش هتعرف تخونى

فهد : يابنتى وأنا من امتى خونتك أصلا 

حور : تخونى ممكن أعرف أنت لسه مخنتنيش ليه لدلوقتى 

فهد : حاضر بكرة الصبح هخونك 

حور : عاااا هتخونى وبتقولهالى فى وشى طب خنى من ورايا يا بجح 

فهد بعصبية : يمين بالله لو مانمتى لأكون سايبلك الدنيا وقايم نايم فى البلكونة 

حور : لأ خلاص 

بعد شويه 

حور : فهد فهد 

فهد : نعم يا حور مانا مش هخلص 

حور بنعاس : أنا بحبك أوى 

فهد بعشق : وأنا بموت فيكى نامى بقى 

بعد عشر سنين حور جابت حياه عشر سنين وأسد تمن سنين ومراد خمسه  على شط اسكندريه 

حور : بس بقى يا حياة علشان متبرديش 

حياة : خافيث حول أنا بلعب أنا وأسد  ( متخافيش حور أنا بلعب وأسد ) 

فهد : سيبيها تلعب يا حبيبتى 

حور : يا فهد كفايه لا تتعب 

فهد : متخافيش  حور وعدتك أن احنا هنيجى هنا وحياه عندها عشر سنين 

حور : أيوة 

فهد بعشق لم يقل بينما زاد أضعاف : أنا بموت فيكى وبتنفسك ربنا ميحرمنيش منك 

أحببتك منذ البدايه وسأظل أتنفسك حتى النهايه 💓💞

حور : وأنا بعشقك ربنا يبارك فيك ليا 

استمع لدقات قلبى ستجد نبضات أن هناك نبضات تتشاجر للنبض باسمك 💓💞

تمت