رواية ضحية انتقام الفصل الرابع والعشرون 24 بقلم اية مصطفي

ملاك بخضة : في ايه .

مازن : نعم انتي متعرفيش العنوان .

ملاك : لا انا لسه واخده بالي هو احنا غالبا روح الإنتقام شدتنا ونسينا كل حاجه .

زياد : طيب وهنعمل ايه .

مازن : كل دا بسبب الهانم .

ملاك : هو انا كنت قولت اني اعرف العنوان .

ااش : مفيش غير حل واحد .

ملاك : اننا نعرف من قدرية .

يزيد : تفتكري هتقول .

ملاك : مش عارفه .

صابر : احنا ممكن نعرف مكانه عن طريق التليفون هاتوا رقمه .

ملاك :  نعرف الرقم من قدرية .

مازن : طب رن كدا علي عمو .

ملاك : ليه .

مازن : علشان يشوفوا تليفون ماما او حتي يصحوها تجبلنا رقمه .

ااش : هي لسه متخدرة .

زياد : غالبا .

ملاك : رن يابني .

يزيد رن علي بدر وفتح الإيسبيكر .

بدر : الو .

يزيد : الو يا بابا .

بدر : انتوا كويسين .

ملاك : احب اقولك اننا لسه معملناش اي حاجه .

بدر : ازاي .

ااش : اصل احنا منعرفشي مكان سليم .

بدر : طب هتعملوا هجوم علي بيته ازاااي .

ملاك : هي قدرية لسه نايمه .

بدر : اه .

ملاك : هات تليفونها .

بدر راح جاب تليفون قدرية .

مازن : افتحه .

بدر جه يفتحوا لقاها حاطه باسورد .

بدر : ديه حاطه باسورد .

ملاك : مش بصمه .

بدر : لا .

في مكان تاني او بالأصح عند سليم .......

كان واقف في اوضة النوم فاتح شنطه السفر بيطلع هدومه من الدولاب وبيحطها في الشنطه تليفونه رن .

سليم : الو .

: الو يا سليم باشا .

سليم : حجزت الطياره .

: ايوه يا باشا ساعة ولازم تكون في المطار .

سليم : تمام .

وقفل التليفون وراح يحضر باقي حاجته ويلم باقي هدومه ....

عند ملاك .......

بدر : برضوا مش راضي يفتح .

يامن : احنا جربنا كل الأرقام اللي ممكن تعمل بيها باسورد ولا بتاريخ ميلادي ولا بتاريخ ميلاد زياد ومش فاضل غير محاولة واحده .

ملاك بشك : زياد .

زياد : نعم .

ملاك : ممكن تكون حاطه تاريخ ميلاد زياد انتوا جربتوا تاريخ ميلادها صح .

يامن : ايوه .

ملاك : جرب تاريخ ميلاد زياد .

بدر : متأكدين ديه هتبقي اخر محاولة .

ملاك : جرب بس إنشاء الله يفتح .

وفعلا بدر كتب تاريخ الميلاد .

بدر : فتح .

مازن : انا كنت حاسس انه مش ....... فتح دا فتح .

الكل بقا بينط من الفرحه .

ملاك : تمام ملينا بقا رقم سليم .

( تسريع في الأحداث ) 

بدر بعتلهم الرقم بتاعه واللي عن طريق الرقم جابوا مكانوا مكانوا كان بعيد كل واحد راح اخد الأسلحة اللي عايزها وركبوا العربية وصابر كان وراهم والرجالة وراهم .

عند سليم ....

كان ماسك الشنط وكان بيحطها في العربية وخلاص هيمشي لأنه كان هيسافر برا مصر نسي تليفونه دخل الشقه تاني اول لما دخل لقي النور قاطع .

سليم : هو دا وقته كهربا تقطع .

الكهرباء اشتغلت تاني .

سليم بخضه : انتوا .

يامن بإبتسامه : ايه افتكرتنا متنا .

ملاك : مش بالسهولة ديه .

سليم بشر : يبقي انتوا جايين علشان تموتوا بس المره ديه بجد وانا اللي هموتكوا بإيدي .

سليم طلع مسدس حطه في  وش يامن يامن هو كمان طلع مسدس .

سليم : اوباا دا انتوا عاملين حسابكوا .

ملاك : اومااال .

سليم بضحكه شريره : هههه يبقا انتوا اللي جنيتوا علي نفسكوا .

وندا علي حد من رجالته اللي جه بسرعه  وحط مسدس في دماغ يامن راحت ملاك رافعة مسدسها وحطته في دماغ سليم وكانت قريبة جدا منه .

سليم : ايه دا حتي انتي يا ملاك .

ملاك : خليه ينزل سلاحه .

سليم بإستسلام : تمام حاضر .

وبصله راح البودي جارد الباقيين جم وراه كانوا اكتر من 20 واحد .

يامن : انا بقول نستسلم .

ملاك : الإستسلام في اول البطولة شرف برضوا .

سليم وهو بيبتسم بشر : مش قولتلك المره ديه هتموتوا فعلا .

ملاك نزلت سلاحها ويامن هو كمان نزل سلاحه وبصوا لبعض .

ملاك : انت فاكر انها النهاية .

سليم : نهايتكوا .

ملاك بصوت عالي : ليه ما هو لو علي الرجالة موجوده ولو علي السلاح مفيش اكتر منه مش كدا ولا ايه .

سليم خد باله إن فيه حاجه بتحصل لقي رجالة بودي جارد دخلوا وكانوا مسلحين ولقي زياد ويزيد ومازن وااش وواحد تاني اللي هو صابر وكلهم كان معاهم اسلحه

( الا ااش كانوا غالبا كدا ادوها مسدس لعبة 😂) 

رجالة صابر دخلوا وضربوا رجالة سليم والباقي كان بيضرب وكلوا بيضرب في بعضه سليم استغل الفرصة وشد ملاك بسرعة وحط مسدس في دماغها وخدها وخرج الكل كان عمال يضرب في التاني ومحدش خد بالوا من ملاك .

صابر وهو مستخبي وماسك المسدس : زياد يامن معاه سلاح .

زياد وهو مستخبي ومعاه سلاح : اه .

صابر : طب فين ملاك .

زياد : المفروض مع يامن  .

صابر لف وضرب واحد وبص علي يامن لقاه بيضرب وملقاش ملاك ولا سليم بس لاحظ من الشباك سليم ماسك ملاك وحاطط في دماغها مسدس وهي عمالة تحاول تهرب منه بس مش عارفة خبطها جامد علي دماغها وحطها في العربية ومشي .

صابر بخضه : زياد سليم خطف ملاك .

زياد بخضه  : انت بتقول ايه .

صابر غطيني انا هروح وراهم وانتوا تعالوا بسرعة .

زياد : ماشي .

وفعلا زياد غطي صابر عقبال ما يطلع وصابر طلع بسرعه وركب عربيته وراح وراهم انما الباقي كان بيضرب في بعضه ااش ماسكه المسدس وبتضرب نار وخلاص وبتصرخ .

ااش بصريخ وهي بتضرب النار  : اااااه .

يزيد وهو مستخبي  : الله يخربيتك بتضربي مين يا بنت المهابيل دا انتي بتضربينا احنا انتي معانا ولا معاهم .

مازن : بطلي صريخ وداني صفرت ..

ااش بحزن  : في ايه يلا انت وهو لموا نفسكوا احسن ما ولله اضرب نفسي بالنار ويبقي ذنبي في رقبتكوا .

يامن : هما مبيموتوش ليه .

زياد : سليم خد ملاك وهرب يلا سيب رجالة صابر هتقوم بالواجب يلا بينا .

يامن : يلا .

الكل طلع ورجالة صابر كملت المعركة وصابر بعتلهم اللوكيشين علشان يمشوه وراه .

عند بدر ......

قدرية كانت بتفوق قامت قعدت وهي ماسكه دماغها من الصداع .

قدرية بوجع : ااااه انا فين ....

اغمي عليها تاني نتيجه الطاسة اللي اضربت بيها علي دماغها بسبب مروي .

بدر بخضه : انتي عملتي ايه يا بنت المجانين .

مروي : اصل هي لسه هتمسك دماغها وانا فين وانا مين مش فاضية انا هي تفضل نايمه لحد لما يجوا .

بدر : الولية هيجيلها فقدان ذاكرة بسببك ..

في عربية سليم ......

ملاك كانت في الكنبة ومغمي عليها وسليم كان ماشي بيها ووصل مخزن .

( معلشي محلتوش غيره 😂) 

صابر كان ماشي وراه وقف العربية بعيد علشان مياخدش باله منه سليم نزل وشال ملاك ودخلها المخزن وراح يربطها صابر استغل الفرصة ودخل استخبي من غير ما ياخد بالوا منه  بعد كدا  سليم قفل باب المخزن سليم حط ملاك علي الكرسي وربطها بحبل وربط ايديها بكلابشات في الكرسي ورمي المفتاح  علشان متعرفشي تهرب وقالها  بكل شر .

: ديه نهايتك يا بنت محمد زي ابوكي .

وضحك بشر كل دا وصابر مستخبي وعمال يفكر هو هيعمل فيها ايه بعد شوية شم ريحة غاز كل دا وملاك كانت متخدرة سليم كان لسه هيهرب لقي يامن ومازن وزياد قداموا ومحاوطينوا بالأسلحة .

يامن : علي فين .

زياد : سيبهولي .

مازن ضربوا بالمسدس علي راسوا اغمي عليه الكل بصلوا بإستغراب .

مازن : ايه بحب انجز .

شالوه وحطوه في العربية اللي فيها يزيد وااش .

زياد : ملاك فين .

يامن : جوا .

حاولوا يفتحوا الباب معرفوش يامن خد باله من عربية صابر فإستغرب .

يامن : صابر عربيته هنا معني كدا انه ممكن يكون جوا .

صابر قام لقي ملاك مغمي عليها وريحة الغاز بتكتر جري فك رجليها وهي كانت بتفوق .

ملاك : اااه اه دماغي .

صابر : متخافيش انتي كويسة تمام .

ملاك : ايه دا هو ايه اللي حصل .

صابر كان بيحاول يفك الكلبشات معرفش .

ملاك : متحاولش اهرب اهرب انت .

صابر : مش هسيبك .

ملاك بعصبية  : لييه انت تعرفني بقولك اهرب .

صابر بغضب : قوولت مش ماشي من غيرك اسكتي خليني اعرف افكر .

ملاك بصتله بغيظ وسكتت صابر كان بيحاول يفكر سمع صوت تخبيط علي باب المخزن كان يامن وزياد ومازن .

صابر : يامن انت سامعني .

زياد : صابر في عندك شباك مكسور .

صابر : ااه .

زياد : طيب اخرجو منه .

صابر : المشكله انه رابطها بكلبش في الكرسي 

يامن : كلبش يانهار اسود طب حاول تكسره تفكه تعمل اي حاجه .

صابر : ما انا بحاول افكر .

زياد : هي ملاك كويسة صح .

صابر : قرفاني .

ملاك : اتلم يااض .

صابر : يا شيخه اتنيلي .

مازن : هو دا وقتوا اخلصوا .

ملاك : صابر .

صابر : ممكن تسكتي .

ملاك : صابر .

صابر بزهق : عايزة ايه .

ملاك : خد في بنسة في شعري حاول تفكه بيها .

صابر بصلها شوية وبعد كدا راح وفعلا اخد البنسه وفضل يحاول يفك الكلبش معرفش .

ملاك : انت بتعمل ايه يا اهبل .

صابر : بفكه .

ملاك : شكله مش هيتفك بقولك ايه حاول تكسر الكرسي انا خلاص بتخنق .

صابر : طيب استني .

صابر فضل يشد الكلبش لحد ما ايد الكرس اتكسرت لأنوا خشب بس ايد ملاك اتعورت وشد ايدها التانيه وشالها ونزلها من الشباك ونزل هو بعد كدا .

ملاك : ياااااااه ايه داا دا كابوس .

زياد : انتي كويسة .

ملاك : لحدا ما يلا نروح وعلشان تفكولي البتاعه ديه .

صابر : نروح هعرف افكها هناك بس يلا .

ملاك وقفت وقالت  : اوعي تقول سليم هرب .

مازن : عيب عليكي .

ملاك ضحكت وفعلا ركبوا العربيات وروحوا البيت وهناك اول ما دخلوا بدر كان فرحان انهم كويسين اي نعم كانوا مستغربين ان ملاك متكلبشة بس تمام صابر فك كلبش ملاك وعالج جروح ايديها وبعد كدا ربطوا سليم في كرسي وقدرية كانت فاقت .

سليم وهو بيفوق  : ااااه .

يامن : شوفت بتوجع صح .

ملاك : منك لله دماغي ورمت .

سليم : انتوا عايزين ايه .

ملاك : عايزة اعرف كل حاجه .

سليم بص لبدر وقال : مش فاكرني .

بدر وهو بيشبه عليه  : هو انا حاسس اني شوفتك قبل كدا .

سليم بشر  : ااه انت لسه فاكر  .......

يتبع....