رواية ملتزمة تزوجت من رجل أعمال الفصل الرابع والعشرون 24 بقلم جهاد سعيد

وقفنا المرة اللي فاتت لما خديجه كانت بتكلم باسم.

باسم. عايزه تجيبي الشبكه بتاعتك منين والكوافير برده. والحجات دي

خديجه فاتحه الاسبيكر. حضرتك.من اي مكان. معنديش مشكله.

باسم بضيق. لانها بتتكلم معاه دايما بجديه.

هو انا اللي هلبسهم ولا انتي.

خديجه بجديه. بس دي بتبقي هديه من العريس للعروسه. مش لازم اشترط والكلام ده وبعدين انا عايزه هي الدبله.

باسم بزهول دبلة ايه.

خديجه بخجل. دبلة الخطوبه.

باسم فرح في نفسه. بس هو انتي هتجيبي دبله انا فكرت هتجيبي. مجوهرات وكده.

خديجه باستغراب في نفسها. ليه. كنت السفيره عزيزه علي راي عبدالرحمن اخويه.

لاحضرتك. احنا هنا بنجيب دبله وخاتم ومحبس.

باسم عايز يطول معاها في الكلام. وايه كمان.

خديجه حست اني الموضوع ذاد عن حده. كفايه كلام. خديجه اللي حضرتك شايفه

باسم عايز يولع في خديجه. سلام

خديجه بجديه. وعليكم السلام ورحمة الله

خديجه قاعده مع اهلها.

عبدالرحمن. اخيرا هتتجوزي ونخلص منك. لقد هرمنا من اجل هذه اللحظه

خديجه بغيظ. وانا كنت قاعده علي قلبك. ولا تكونشي. بقا. عندي 50سنه وانا معرفشي

عبد الرحمن باستفزاز. يابنتي. اللي قدك عياله في الجامعه دلوقتي. كتر الف خير الراجل انو ردي يكسب ثواب فيكي.

خديجه قامت تضرب عبدالرحمن. هو اللي كتر خيره. ليه يعني.

ام خديجه. مش عارفه هتكبرو امتي.

خديجه انا كبيرة اهو وهتجوز كمان.

عبدالرحمن. يابنتي انا مش عارف احنا استحملناكي السنين دي كلها ازاي

خديجه بغيظ. ماتبطل غتاته انت ايه مش وراك غيري.

عبدالرحمن بمزاح. يااااه ياديجه. هيوحشني قفاكي

خديجه بغيظ. اهو ده اللي هيرتاح من ايدك. شويه.

عبدالرحمن ههههه لا ماكل زيارة. هاجي اسلم عليه

خديجه بتتصنع الغرور. ومين اصلا اللي هيدخلك بيتي.

عبدالرحمن باستفزاز. يعني هدخل بيت السفيرة عزيزه. بس يارب الراجل يستحملك شويه. اهو نرتاح منك.

ابو خديجه وامها. بيضحكو علي هبل خديجه وعبدالرحمن.

ابو خديجه. هتعقلو امتي. انا زعلان انك خلاص ياخديجه. هتمشي.

خديجه. صباح الخير ياحاج امشي ايه لسه. بدري. انا قاعده علي قلب عبدالرحمن.

عبدالرحمن. بيزقها. قومي من جنبي.

خديجه انا مش هرد عليك عشان منزلشي مستوايا ليك.

نروح لياسمين.

ياسمين بابتسامه. السلام عليكم.

ابو ياسمين. وعليكم السلام ورحمة الله وبركاته.

ياسمين بابتسامه. خير يابابا ماما قالت انك عايزني.

ابوباسم. بابتسامه. كبرتي وبقيتي عروسه. ياااه مش مصدق. اني في يوم. هتسبينا وتمشي

ياسمين. لا يابابا انا هفضل قاعده معاكو. باسم اللي هيتجوز ويسيبني ويقعد في الفيلا بتاعته.

اما انا مستحيل اسيبكو وامشي

ابوباسم. بحب. لا ياحبيبتي اناوعايز افرح بيكي واشوفك في بيت زوجك.

(ماتقول ليها جاي ليكي عريس وهي هتروح تكتب الكتاب )

ياسمين. لا يابابا

ابو ياسمين. حبيبتي. دي سنة الحياه وبعدين عشان يعينك علي طاعة ربنا.

ياسمين بابتسامه ربنا يرزقني بالزوج الصالح.

ابوياسمين بمكر. في واحد متقدملك. وعايز ييجي البيت.

ياسمين باستغراب مين ده يابابا.

ابو باسم. معيد في الكليه.

ياسمين. مين. برده

ابوباسم. الدكتور احمد. انا عارف باباه. والولد ده ماشاء الله عليه. راجل بمعني الكلمه. وبيصلي. وبيحفظ قران. ومن عيله كويسه.

ياسمين بخجل. هصلي استخارة. واللي ربنا عايزه هيكون

ابو باسم بسعاده يعني اخليه ييجي.

ياسمين بابتسامه لما اصلي الاول وبعد كده رؤيه شرعيه باذن الله. بعد اذنك يابابا

ابو باسم. اتفضلي ياحبيبتي

رجعت ياسمين. لاوضتها وهي حاسه بفرحه مش عارفه سببها ايه قالت هعرف البنات وخصوصا نصايح خديجه هتفرق معايه كتير

نرجع لابوباسم.

هههه عايزه تقنعيني انك مسمعتيش كل اللي حاجه

ام باسم. ايه ياحاج. وايه يعني. طمني. وفرح قلبي انا مش مصدقه اني هنتجوز اولادنا خلاص

ابوباسم. تعرفي ياام باسم.خديجه من ساعت مادخلت حياتنا وربنا جعلها سبب السعاده. بنتك ماشاء الله. عليها. وكمان ابنك. بيتغير بس مش واخد باله. انا عمري ماكنت اتخيل اني باسم يعجب بواحده زي خديجه وكمان. هههههه مطلعه عينه ولا تليفونات ولا غيره

باسم دخل وسمع اخر كلام

باسم بغيظ. انا شامم ريحة شماته

ابو باسم. لا شماتة ايه ده احنا كنا بنشكر فيك حتي اسال امك

ام باسم. انا نسيت حاجه مهمه رايحه اشوف هي ايه

ابوباسم بتبعيني ياوليه. دي اخرة العشرة. طيب خديني معاكي. ادور علي نفس الحاجه اللي بتدوري عليها.

ام باسم.لا خليك مع ابنك. انا ماشيه.

ابوباسم طبعا انا ابوك.

باسم. وبعدين.

ابو باسم. هروح اطمن علي امك واجي. تلاقيها زعلانه.

باسم اقعد عايزك في موضوع

ابو باسم. اتفضل.

باسم طبعا انت عارف اني هروح اجيب الشبكه.

ابو باسم بسعاده. طبعا عارف. مستني بكرة بفارغ الصبر

باسم. انا بقي مش عارف هتفضل تعاملني كده لغاية امتي.

ابوباسم بجديه. ليه اختارت خديجه بالذات. علي رغم انك لو روحت لجمال بنات العالم. ماهيصدقو انك تبصلهم

باسم. صدقني مش عارف اول مرة شوفتها. لما كنت هخبطها بالعربيه. وهي ماطلعتش من دماغي. وفي حاجه بتشدني ليها ببقي عايز اسمع صوتها وعايز اكلمها. بس هي مش مدياني فرصه خالص. وده بيشدني اكتر واكتر. لاني اتعودت. اني البنات هما اللي عايزين يكلموني. وكمان نظراتهم. تحس اني الحياء مات.

اما خديجه. تعرف انها مشفتنيش الا يوم. ماكنت رايح اتقدم ليها. عرفتني من صوتي. الصدمه كانت واضحه عليها. دايما عنيها في الارض. بتكلم البنات مرة عن ربنا وساعتها كنت بكلم ياسمين. مش قادر افصل الموبيل. عايز افضل اسمعها. انا معرفشي ايه اللي بيحصل معايه انا مبقتشي عارف انا مين.

كل اللي نفسي فيه اني اصحي الصبح الاقيها في بيتي. وقبل ماانام الاقيها برده. عايز اشوفها دايما واسمع صوتها.

ابو باسم بسعاده. مش مصدق اني ده باسم. ايووه عنده ابوه خط احمر بس عمره ماقعد وحكي اللي في قلبه كده.

ابو باسم. وكل ده ومتعرفشي ايه السبب

باسم. لا معرفشي

ابوباسم ربنا. وضع حبها في قلبك. هي فعلا بنت نادرة اليومين دول.

باسم بابتسامه. تعرف يابابا بكلمها عشان اتفق معاها نجيب الشبكه منين وكده. بتقلي دبله وخاتم. انا عارف اني خديجه مش بيهمها الفلوس. بس دي شبكتها ولازم تتباهي بيها قدام صحابها.

ابو باسم. اللي زي خديجه دي. لما تكون عايزه تتباهي. مش بالفلوس بتتباهي بحب ربنا.

انا اه مشوفتهاش الا مره واحده. بس انا ليا نظرة في البنات. تقدر تقلي. هي سالتك هتسكنو فين عندك كام شركه. عندك كام معرض عربيات. الامور دي سالت فيها

باسم. لا خالص. كان كل كلامها عن الضوابط. والامور اللي في الدين

ابو باسم هي دي الزوجه الصالحه. واللي خديجه بتعمله معاك ومعاملتها ليك ده اكبر دليل. علي كلامي. . في بنات مابتصدق تلاقي واحد حالته الماديه كويسه. بتتنازل عن كل حاجه عشان ميزهقشي ويطفش. ولكن خديجه عارفه اني رضا ربنا اهم. سواء. بيك او من غيرك هي كانت هتعمل معاه كده لانها متاكده انك لو من نصيبها مش هتتجوز غيرك ولو مش من نصيبها يبقي مخسرتشي رضا ربنا عشان ترضي عبد.

وسبحان الله. اللي خديجه بتعمله. وانها متماسكه. بامور دينها. في زمن اصبح المخطوبين. كانهم متجوزين. الا اني ربنا بيزود حبها في قلبك.

ربنا مستحيل يضيع عبد وقف علي بابه وخديجه دايما. واقفه علي بابه وواثقه فيه. اوعي الشيطان يقلك. اني خديجه مش بتحبك عشان كده بتعمل اللي هي بتعمله. لا. اللي زي خديجه دي بيبقي عندهم طاقه كبيرة جدا من المشاعر بيفضلو محافظين عليهم لزوجهم.

اللي زي خديجه دول مش معقدين زي ماناس كتير بتقول. لا ده بيكونو بكر في كل حاجه. بكر في مشاعرهم اي كلمه تقولها. بتسعدها. اي هديه بسيطه بتفرحها. لاني محدش عمل كده معاها قبلك.

لانها عاشت سن مراهقتها وعاشت حياتها قافله علي مشاعرها. فاخيرا بقا عايزه تخرج كل ده لزوجها.

البنت اللي بتتساهل في الخطوبه دي اكتر واحده بتفضل تعبانه. طول العمر لاني ربنا نزع البركه ولانهم قالو كل الكلام. اللي المفروض يتقال بعد الجواز.

ان شاء الله خديجه هتكون سبب سعادتك في الدنيا والاخرة.

باسم بابتسامه وفرح داخله اني خديجه بتعمل كده عشان ترضي ربنا مش عشان كرهاه.

باسم بابتسامه. شكرا يابابا. انا فعلا كنت زهقت. وقلت هي مش عايزاني.

ابو باسم. خديجه لومكنتش عايزاك محدش كان هيقدر يجبرها. لانها قويه ومبتخافشي الا من الله.

باسم بابتسامه. شكرا انا همشي بقا عشان انام لاني عندي شغل في الشركه عايز اخلصه قبل بكرة

ابو باسم بسعاده ربنا يفرح قلبك انت واختك.

نروح للبنات وهما بيكلمو بعض.

ياسمين. يعني اعمل ايه انا صليت استخارة. وحاسه اني خايفه

خديجه بحب. شعور الخوف ده شئ طبيعي. اهم حاجه. انك صليتي استخاره

سميه باستغراب بس لازم تنام عشان تحلم وكمان لازم تحس براحه

خديجه هههههه تنام وتحلم طيب افرض محلمتشي نوقف الجوازه لغاية ماتحلم

سميه بتعجب بس انا اعرف انها لازم تشوف رؤيه

خديجه بحب. لا طبعا ده كلام غير صحيح. انتي بتسخيري ربنا عشان هو اللي يختار ليكي الخير ويبعد عنك الشر. خدي بالك من دعاء الا ستخاره فانك تعلم ولا اعلم. يعني ربنا هو اللي يعرف الخير ليكي ويعرف الشر ليكي. عشان كده في اخر الدعاء. بندعي لو كان خيرا فقدره لي. ولو شر اصرفه عني.

ياسمين طيب وموضوع اني اكون مرتاحه.

خديجه. بصي. زي ماقلت. شئ طبيعي انك تخافي دي فترة في كل البنات. انا اصلي استخارة واقابل العريس ولو حسيت بقبول من ناحيته. اتوكل علي الله واوافق واسيب الموضوع. يمشي. اما راحه ومش راحه دي ملهاش دعوه بالاستخاره. في واحده بتبقي مخطوبه لواحد وفرحانه بيه جدا. ومرتاحه جدا. وفجاه ميحصلشي نصيب. ده لانهم مش خير لبعض. فهمتو ياقمرات.

ياسمين بابتسامه. فهمنا ياعروسه.

سميه. فهمت ياعروسه عقبالي.

خديجه بحب يلا بقا عشان العروسه عايزه تنام.

البنتين. خلاص. روحي نامي

وانتهي اليوم. واستيقظت خديجه من نومها وصلت وفضلت تدعي ربنا انو يختار ليها ولا يخيرها. وقرات وردها. وراحت نامت تاني.

عند باسم مش عارف ينام طول الليل عايز يطلع النهار عشان. يشوف خديجه.

يتبع....