رواية ضحية انتقام الفصل الثالث والعشرون 23 بقلم اية مصطفي

في عربية الإسعاف .....

زياد كان قاعد وجمبه ملاك وسانده راسها علي كتفه ويامن كان علي السرير وكانو حاطينلوا جهاز الأكسجين وهو كان بيبتدي يفوق شال الجهاز وقال .

يامن بتعب : اااه .... انا فين .

زياد : انت مت وفي جهنم بتتحاسب .

يامن بتعب : ...  انت ... مين .

زياد : انا ضميرك المعدوم .

يامن ركز خد باله انه زياد : زياد ..... انت ... هو انت نقذتني ليه .

زياد قرب منه وقال : هو انا مش قولتلك مش هخلي نهايتك علي ايد حد تاني ..

يامن ابتسم بوجع وتعب زياد قال .

زياد : لا بس انت بطل فعلا استحملت كتير استحمل شوية كمان وهنوصل المستشفي متفيص دلوقتي  .

يامن بتذكر : هي ملاك فين .

ملاك : يااه لسه فاكرني ولله فيك الخير انا قولت إنك جالك فقدان ذاكرة .

يامن ضحك بتعب : ولله يا جدعان مش قادر اضحك .

تليفون زياد رن رد .

زياد : الو .

مازن بصوت عالي : ايه يا عم 20 مكالمة علشان ترد .

زياد بص في الموبايل لقاه رن كتير فعلا .

زياد : حصلت حوارات فمعرفتش ارد .

مازن : انتوا فين .

زياد : خمس دقايق وهنكون في المستشفي .

مازن بقلق : مستشفي ايه انتوا كويسين صح .

يزيد : مستشفي هما كويسين .

زياد : ما تقلقش مفيش حاجه احنا هنطمن علي يامن وخلاص  .

مازن : مالوا يامن .

زياد : لما نيجي نبقي نقولكوا اللي حصل .

وقفل وكانوا وصلوا المستشفي ونزلوا من العربية ودخلوا المستشفي ويامن كانت حالته كويسة هما كانوا بيطمنوا عليه وبيخيطوا الجرح  وخرج وروحوا البيت كانت دماغه مربوطه اول ما دخل مازن شافوا اترمي في حضنه ولا كأنه كان بقالوا زمن مشفهوش بعد كدا .

يامن : في ايه يابني هو انا كنت مهاجر .

مازن بقلق : انت كويس صح .

يامن بإبتسامه : اه كويس ديه خدوش بسيطه .

ااش حضنت ملاك .

ملاك : انتي كويسة يا حب  الحيوان دا معملكيش حاجه .

ااش : انا كنت خايفة اووي .

ملاك : متخافيش .

يزيد : هو ايه اللي عمل فيك كدا يا يامن .

يامن بضحك : عاادي يابني كالعادة مينفعشي  نعمل خطه غير لما نطلع بإصابة المره ديه طلعت فيا انا .

الكل ضحك ومروي قامت عملتلهم اكل .

( الست مبتعملشي حاجه غير انها تعمل اكل 🙂) 

 وكانت خلاص عايزة تنام فطلعت نامت وبدر طلع معاها لأنهم خلاص اطمنوا عليهم وهما قعدوا في الجنينه .

مازن : ايه اللي بعد كدا .

ملاك : خلاص خلصت مفيش بعد كدا .

زياد : قصدك ايه .

ملاك : قصدي ان كفاية احنا فعلا هنخسر انا مش هجازف اكتر من كدا مش هجازف تاني.

يزيد : يعني ايه بعد دا كلوا خلاص .

ملاك : خلااص انسوا كل حاجه كل واحد يعيش حياته .

ملاك قامت ولسه هتدخل الفيلا سمعت ااش بتقول .

ااش : طب ازاي دا انا قولتله إنك مش هترحميه دا ضربني بالقلم وهددني  واكيد يعني مش هسيبه لازم تجيبيلي حقي دا انا قولتله انك هتحولي حياته لهلاك عايزاني اطلع عيلة .

يامن : وانا لازم اخد حق الضرب اللي اخدته علي دماغي .

ملاك لفت وبصتلهم بعدم فهم .

مازن : ايه وانا كمان مش هعدي انكوا كتفتوني وشيلتوني زي الشكارة كدا بالساهل ما كل دا بسببه .

يزيد : وانا مش هعدي انه خطف ااش وانها بسببه اغمي عليها وبسببه بردوا حصلنا كل دا واتخنقنا مع يامن ااه يامن عايزك تعرف اني قولت كدا لأني كنت مضايق بس  .

يامن بإبتسامه : يا برو انا عارف .

ملاك بصت لزياد : وانت ايه .

زياد : وانا مش هعديله الإحساس اللي حسسهولك إحساس الضعف والكسرة اللي حستيه  دا إستحالة أعديه .

ملاك  : هاتوا تليفوناتكوا مش مجازفة تاني ومش هنعمل حاجه كفاية كدا .

الكل بصدمة : ايه .

ملاك : هاتوا التليفونات .

ادوها التليفونات بتردد ملاك اخدت التليفونات ودخلت الفيلا شالتهم في درج المكتب وخرجت .

يامن : انتي ليه مش عايزة تكملي .

ملاك : بصوا بقي سليم مراقب التليفونات .

زياد : علشان كدا عرف الخطه .

ملاك : ايوه .

ااش : هنعمل ايه .

ملاك : هنعمل خطت مازن .

مازن : شوف يعني يا سبحان الله ما بين المية خطه اللي موجودين خطتي انا اللي شدتهم .

ملاك : انت ممكن تسكت والا هشدك من شعرك .

مازن : هو انتي ليه قافشة من ناحيتي .

ملاك : قافشة حد يسكت الواد دا .

يامن : خلاص يا بني اهدي انت ها يا ملاك .

ملاك : احنا هنعمل هجوم علي بيته ونجيبه هنا بس الأهم شخص تاني يجي .

يزيد بشك : غالبا قدرية .

ملاك : احبك وانت فاهمني .

مازن بتذكر : اوبااا ديه امي بترن من الصبح وانا نسيت .

ملاك : حلوووو اووي هترن عليها تخليها تيجي نحبسها هنا نروح نجيبه ونيجي .

يامن : هتجبيه هنا .

ملاك : اه .

زياد : دلوقتي .

ملاك : اه بس قبلها في كام حاجه عايزه اعرفهم .

ااش : ايه هما .

مازن : اتفضلي يا محقق كرومبوا .

ملاك : هو انا مش قولت سكتوا الواد دا .

مازن : خلاص يا ستي مش فاتح بوقي تااني اتكلمي .

ملاك : انا دلوقتي عايزة افهم حاجه هو انت ليه خدرتني يا يامن .

زياد بإستغراب : خدرك .

ملاك : اه .

يامن : علشان عرفت إن دا فخ مردتشي اخاطر بحياتك .

ملاك : انت كان عندك فرع في العيلة اهبل صح .

يامن : جايز .

ملاك : طيب سليم دخل منين المخزن .

يامن : كان فيه باب ورا .

ملاك : باب ايه .

يامن : باب ورا كدا كنت اول مره اخد بالي منه .

ملاك بصت لزياد وقالت : انا مش قادرة حقيقي انا هموت من الحسرة بعد دا كلوا يطلع فيه باب هناك كان فين دا .

زياد : مش عارف ازاي مشفنهوش  .

يامن : غالبا كدا هو كان مستخبي بكارتين او حاجه زي كدا مكنشي باين اووي .

ملاك بشك  : وانت بقي بعتني بعد القلم الكام .

يامن بضحك : لا ما انا ملحقتش خدت بالمسدس في دماغي صحيت لقيتك متلقحه  جمبي .

ملاك : وهو عرف مكاني منين .

يامن : كان فيه كاميرات في المخزن غالبا .

ملاك بصت لمازن  : رن علي قدرية يا مازن .

مازن : ........

ملاك : مازن .

مازن بص الناحية التانيه وعمل نفسه مش سامع .

ملاك بغضب وصوت عالي : انت ياااا زفت .

مازن بخضة : نععم .

ملاك : رن علي قدرية .

مازن : يا اذكي خلق الله هرن عن طريق البريد فين التليفونات .

ملاك بتذكر : اااه صح طيب لحظه .

قامت جابت التليفونات ورجعت تاني .

ملاك : رن .

مازن رن علي قدرية  .

مازن : الو .

قدرية بلهفة : مازن عامل ايه طمني عليك عمالة ارن عليكوا مبتردوش .

مازن : معلشي ماخدتش بالي من التليفون .

قدرية : ياامن عامل ايه .

مازن بتردد : ياامن .

ملاك قالتلوا بصوت واطي وهي بتشاور بإيديها بمعني بيموت  .

: بيموت بيموت .

مازن بصلها بعدم فهم .

ملاك راحت قالت في ودنه بصوت واطي  .

: يا اغبي خلق الله قولها انه بيموت علشان تيجي .

مازن : اااه .

ملاك زقته في كتفه من كتر غبائه .

قدرية : هو ايه اللي ااه .

مازن بتمثيل الحزن   : يامن يا ماما بيموت فقولت ااه من كتر الخوف والوجع .

يامن : يابن الل دا طلع مجرم .

ملاك بفخر : مجرم تمثيل تربيتي تربيتي .

زياد : ياشيخة اتنيلي هو اتربي .

قدرية بخوف : انتوا فين انا جاية .

مازن بتمثيل : هبعتلك اللوكيشين بس بسرعة يا ماما .

وفعلا قفل بعتلها اللوكيشين واول لما قفل لقي تصقيف الكل .

زياد : عااش يا بني .

ملاك : هي فكرته مدخلتشي دماغي بربع جنيه بس مادام اقنعها خلاص .

مازن بصلها بقرف .

ملاك : طيب يلا .

ااش : اه يلا .

 وبعد شوية كانت قدرية وصلت .

قدرية بلهفة : يااامن ابني . 

بعد كدا ملامحها اتغيرت لعدم فهم وصدمة .

: يامن .

مازن : معلشي يا ماما بس انتوا اللي اخترتوا كدا .

قدرية بعدم فهم : اخترنا ايه واخوك كويس اهو اومال انت ليه قولت كدا .

ااش : عشان انتوا اخترتوا كدا .

قدرية : اخترنا ايه .

ملاك جت من ورا قدرية وخدرتها بحقنة قدرية اغمي عليها شالوها دخلوها الفيلا بدر ومروي صحيوا لقوهم كدا خافوا طبعا وقلقوا جدااا .

بدر بقلق وعدم فهم :ايه اللي انتوا عملتوه دا  .

كانوا منيمين قدرية علي الكنبة  .

ملاك : متقلقش كل حاجه هتخلص إنهاردة .

مروي بعدم فهم وخوف : انتي تقصدي ايه .

بدر : انتوا عملتوا فيها ايه .

ملاك : بصوا احنا خدرناها وهنعمل هجوم علي بيت سليم ومتسألوش ليه ...

بدر : ملاك اللي انتوا هتعملوه مش سهل وليه خدرتوها .

ملاك : هو ايه اللي كان سهل وبعدين هيا لازم تفضل هنا  .

بدر : ملاك إستحالة اسيبكوا تعملوا حاجه زي كدا .

ملاك : متخفشي احنا هنجيبه هنا .

بدر : هتجيبوه تقصدي ايه انتوا ناوين علي ايه .

يزيد : ناوين نعرف كل حاجه يا بابا وقدرية كمان لازم تبقي موجودة  .

مروي : ملاك انا معاكي كفاية حياة الرعب والخوف اللي احنا كنا عايشنها ديه كفاية .

وبصتلهم وقالت : خلوا بالكم من نفسكوا .

بدر بعد محايلة : طيب بس هتخلوا بالكوا من نفسكم وهتجيبوه هنا ومتتهوروش .

وفعلا الكل بص لبعضه وخرجوا برا القصر وركبوا عربية چيب كبيرة ويامن وداهم شقة كانوا اول مره يروحوا هناك .

ملاك بإستغراب : يامن هي بتاعة مين ديه .

يامن : ديه بتاعتي اشترتها من وقت ما فكرت انتقم .

مازن : اه طيب انت جايبنا هنا ليه .

يامن : مش سليم دا عندوا رجالة .

ااش : كتيييير .

يامن : طيب مش معاه اسلحة .

زياد : بعدد شعر راسه .

يامن : يبقي ازاي هنروح نهجم علي بيته كدا مش لازم يبقي معانا اسلحة وحاجات كتير .

ملاك بهزار  : هو انت هنا شايل ترسانة سلاح ولا ايه .

يامن بإبتسامه : بتلقطيها وهي طايرة .

ملاك بفخر  : عيب عليك .

يامن راح المطبخ وفتح درج المعالق .

يزيد : إيه دا احنا هناكل .

يامن مسك شوكه وراح شدها  كل حاجه اتغيرت الدرف اتفتحت واتحولت بالكامل لترسانة سلاح المطبخ بقي عبار عن ترسانة سلاح .

ملاك بإندهاش : يابن الل عملتها ازاي ديه .

يامن بفخر : شوفتها عند واحد صاحبي االي هو جابلي الشقة ديه هو شغال في المخبرات فخليته يعملهالي .

يزيد : طيب احنا كدا مش ناقصنا حاجه صح .

الباب خبط .

يامن : كدا فعلا مش ناقصنا حاجه .

ااش بعدم فهم : انا مفهمتش .

مازن : مين اللي بيخبط .

يامن فتح الباب ويجي 15 واحد دخل .

ملاك بقلق : يامن ايه لو هتغدر المره ديه هتبقي بزعل .

يامن بضحك : هههههه هغدر اهدو تعالي يا صابر .

صابر دخل بس اول لما دخل بص لملاك كانت باصة للرجالة اللي دخلوا بإستغراب وشوية قلق .

زياد  : مين دا يا يامن .

صابر اول لما شاف ملاك سرح في جمالها في شعرها الطويل الأسود اللي زي سواد الليل وعيونها الزرق اللي زي البحر وشكلها اللي شيه الملايكه يامن خد باله من صابر ونظراته .

يامن وهو بيحاول لفت انتباه صابر  : احم احم .

صابر بإنتباه : اممم .

ااش : مين دا .

يامن : دا صابر صاحبي اللي عملي الترسانة اللي جوا واللي كمان جابلي الشقة .

ملاك : ااه دا اللي في المخبرات .

يامن : ايوه يا ملاك .

صابر بإبتسامة : ملاك اسمك ملاك .

ملاك بإبتسامه : اه .

صابر بعدم إقتناع : مش هينفع تيجي معانا .

ملاك بإستغراب : ليه .

صابر بلامبلاه : يعني انتي شكلك صغير وغير كدا هتبقي خطر يعني مش هتعرفي تعملي حاجه فتفضلي هنا احسنلك .

يامن قاله في ودنه : احب اقولك انها ممكن تقتلك لو متراجعتش عن الكلام دا .

صابر بشوية قلق : احم احم دا ليه .

ملاك بفخر : شكلك لسه متعرفشي مين ملاك .

صابر بشوية غضب : ولا حتي عايز اعرف مين ملاك او هلاك .

زياد : في ايه يا برو ما تهدي شوية .

صابر بإنتباه : ايه دا معلشي مخدتش بالي منكوا انا صابر الصاوي ظابط مخبرات .

زياد : وانا زياد حسام الشهير مهندس .

صابر وهو بيسلم عليه : اتشرفت بمعرفتك .

يزيد : وانا ابقي يزيد بدر محمد ظابط شرطه .

صابر وهو بيسلم عليه : اهلا اتشرفت بمعرفتك .

ااش : وانا عائشة بس ملاك بتقولي ااش .

صابر : هو حلو اسم ااش .

مازن : وانا ابقي ....

ملاك بمقاطعه : هو انت حد طلب منك تعرف عن نفسك .

مازن : هو انتي مالك مش طايقاني ليه .

ملاك : حد يسكت الواد دا .

صابر : معلشي هي غيرانة شوية. 

ملاك بصتله بضيق وقالت : يامن انا ممكن اعرف  دول ايه اللي جايبهم هنا ودلوقتي .

وشاورت علي صابر والرجالة .

يامن : بصي يا ملاك احنا هنحتاج رجالة ودول رجالة صابر وصابر هيجي معانا .

زياد : هو صابر عارف .

صابر : كلوا عارف كلوا .

مازن : اممم طيب يلا بينا .

ملاك : يلا فين .

يزيد : هناخد الأسلحة اللي عايزنها ونروح عند سليم .

ملاك : في حاجه محدش خد بالوا منها .

ااش : ايه .

ملاك : اننا منعرفشي عنوان سليم .

الكل : نعمممممم 

يتبع....