رواية أحببت مجهولة الفصل العشرون 20 بقلم زينب رضا

احمد : ازيك ي سارة

سارة : الحمدلله

احمد بص لريم : مين ده

عمر : معاك الظابط عمر حلمي وخطيبها وبص لسارة بغيظ، احمد اتخض وبص لريم

ريم : محتاجين مساعدتك

عمر : مساعدتي ف اي

ريم : ممكن نقعد وهنفهمكوا كل حاجه، سارة بصت لعمر ومش عارفه تعمل اي

عمر : طب معلش دقيقه وخد سارة ع جنب

سارة : ف اي

عمر : خدي بنت عمك وامشي

سارة : نمشي نروح فين انت مش قولت عاوز مساعدتنا وانك شرير. وهتقبض عليهم

عمر : ششش اسكتي انسي الكلام اللي قولته وبص ع احمد وقال خلاص انتوا كده

سارة : اه احمد جالك بنفسه يعني

عمر : بالظبط وياريت متعكيش مع حد بالكلام

سارة : اعك تصدق انا غلطانه اني بحاول اساعدك انا هاخد ريم وامشي بس ثانيه تفتكر احمد هيأمنلك

عمر : مفيش قدامه حل غير كده واه رقمي اهو اما تروحي طمنيني، لمح البنات جايين : اختك كمان جت اهي خديهم وامشوا

سارة : تمام وراحت ع ريم : يلا

ريم : يلا اي انا م..، قاطعها احمد لما عمر بصله : روحي مع سارة ي ريم

ريم : بس

احمد : من غير بس روحي وانا هبقا اكلمك

سارة : يلا بقا، وراحوا ع جهاد ومريم اللي مش فاهمين حاجه طبعا ومشيوا كلهم سوا، وعمر واحمد دخلوا الكافيه

عمر : هاا يسيدي محتاج مساعدتي ف اي

احمد بتوتر وقلق : انا مش عارف اقول اي ولا ابدا منين

عمر : قول كل حاجه عايز تقولها وانا سام..، فون احمد رن وكان سمير احمد بص للفون وبعدين بص لعمر ومش عارف يعمل اي.. لاقي نفسه بيرد ع سمير وبيفتح الاسيبكر

~~~~~~~~~~~~~~~~~~~~~~~~~~~~~~~~

علاء : الحقوا احمد جاتله مكالمة

محمود : فيها اي

علاء : لسه بيتكلم اهو

صلاح : طب سمعنا

علاء : اسمعوا، وكبر الصوت والتلاته بيسمعوا المكالمة

~~~~~~~~~~~~~~~~~~~~~~~~~~~~~~~~

احمد : ايوا ي سمير

سمير : فينك ي باشا برن عليك من بدري

احمد : معلش مخدتش بالي ف حاجه ولا اي

سمير : البضاعه ي باشا انت نسيت، احمد بص جامد لعمر اللي ملامح وشه زي ماهي ماتغيرتش

سمير : باشا انت معايا، عمر شاورله يكمل

احمد : اه اه معاك انا نسيت خالص انت عارف اني امي تعبانة واتشغلت معاها

سمير : عارف طب اي تتأجل، عمر هز راسه لأحمد بمعني لا

احمد : تأجلها ليه

سمير : ما انت مش موجود وكمان الفلوس يعني

احمد : اي ي سمير من امته بنأجل حاجه واهي فرصه ابويا مش مركز معايا كل حاجه خليها زي ماهي ابعتلي المكان والوقت

سمير بفرحة : اعتبره حصل ي باشا هبعتلك رسالة حالا

احمد : ماشي سلام وقفل معاه

احمد : اظن حضرتك فهمت نص الطريق

~~~~~~~~~~~~~~~~~~~~~~~~~~~~~~~~

سارة : ماتيجوا نجيب ايس كريم

جهاد ومريم : يلا

سارة بصت لريم : وانتي، ريم كانت سرحانه

ريم : هاا لا ماليش نفس

سارة : خلاص انا كمان مش هجيب مع اني نفسي فيه وغمزت لجهاد ومريم

ريم : هاتي انتي ملكيش دعوة بيا

سارة : لا يستي خلاص يلا نروح

ريم : لا تعالي هنجيب سوا، سارة فرحت عشان قدرت تشتت تفكير ريم عن احمد وراحوا جابوا

مريم : يلا نركب بقا الموقف اهو

جهاد : مش اما نخلص

ريم : ناكل ف العربية مش هيحصل حاجه

سارة : اه يلا ، وراحوا ركبوا

صلاح : طب واحنا هنعرف ازاي المكان والوقت امته

محمود رايح جاي ف المكتب : مش عارف وخلاص يعني العيال عامله حسابها وهيبعتوا لبعض رسايل

علاء : مفيش غير اننا نستني وممكن التسليم مش انهاردة

محمود : وممكن يكون انهارده

صلاح : مفيش حل غير اننا نستني فعلا

محمود : طيب

~~~~~~~~~~~~~~~~~~~~~~~~~~~~~~~~

عمر : لا مفهمتش مين اللي كلمك ده

احمد : انت هتساعدني بجد ولا هتاخدني طُعم

عمر : انت شايف اي، انا هساعدك بس لو حسيت انك هتلعب بيا انت اللي هتزعل

احمد بحزن : مابقاش فيها لعب المهم اللي كلمني ده اسمه سمير واكتشفت من ساعة تقريبازانه بيلعب بيا انا وابويا وناوي يلبسنا ف الحيط

عمر : مين سمير ده

احمد : ده واد ابوه كان شغال عندنا ومات ف حادثه وبقا هو دراع ابويا اليمين

عمر : كمل

احمد : البضاعة اللي اتكلم عنها دي دي شوية بودرة بيشتريها وهو برضو اللي بيوزع بس بما ان انا اللي بدفع فالازم اكون موجود

عمر : وابوك، احمد سكت ومتكلمش فاعمر كمل اتكلم متخافش

احمد : مش خايف بس ده ابويا مقدرش اسلمه كده انا اعترفت ع نفسي بس ابويا لا

عمر بتفهم : ع حسب كلامك ان سمير ده واطي وناوي يبيعكوا انتوا الاتنين واكيد ماسك ع ابوك بلاوي

احمد : ايوا، عمر لسه هيرد جت رسالة ع فون احمد.. مسك موبايله وفتحها وقرأ بصوت عالي : التسليم ف المصنع القديم الساعة سبعة ونص

عمر : المواعيد دي مظبوطة

احمد : المرة اللي فاتت الميعاد اللي اتحدد كانوا موجودين بالظبط

عمر : قوله هنتقابل ازاي، احمد سأله فعلا.. سمير شاف المسدج قفل ورن ع احمد

احمد : ده بيتصل

عمر : رد عادي ولا اكن ف حاجه،

علاء : مكالمة تانيه اهي

محمود : لو مفيهاش حاجه تفيدنا انا ممكن يحصلي حاجه

صلاح : استني بس وبص لعلاء : علي الصوت شوية

علاء : تمام

احمد رد وفتح الاسيبكر

سمير : انت عارف ان الناس دي مواعيدها بالثانيه

احمد : ايوا يعني هنتقابل ازاي

سمير : هجيلك المستشفى ع سبعه وهنروح بعربيتي عشان محدش يتأخر

احمد : تمام هطلع ع البيت اجيب الفلوس وانت متتاخرش

سمير : حصل ي كبير وقفل معاه

محمود اتعصب : والعمل اي دلوقتي

صلاح : اهدي خلينا نفكر

محمود : هديت اهو فكروا

علاء : لازم نعرف عمر واهو بيراقبوا يمكن يكون قابل حد

محمود : هرن عليه، محمود فضل يرن ع عمر مبيردش

صلاح : اي

محمود : مش بيرد

علاء : خليك وراه لحد مايرد

محمود : طيب

عمر : الواد ده مش سهل انت هتعمل كل حاجه بس هتروح بعربيتك وراه مش معاه

احمد : اشمعنا

عمر : اسمع الكلام وانت ساكت ده أمان لحياتك

احمد : طب يلا نتحرك

عمر : متقلقش

احمد : مش قلقان غير ع امي

عمر : هبعتلها حراسه عشان لو الواد ده عمل حاجه، احمد اطمن من كلام عمر

عمر : صحيح هو المصنع القديم ده بتاع ازايز الميه

احمد : اه هو

عمر : تمام يلا، احمد ركب عربيته، عمر رمب عربيته ورن ع محمود، محمود لعلاء وصلاح : عمر بيتصل

صلاح : رد بسرعه..محمود رد : اي يابني فينك برن عليك من بدري احمد عمل مكالمه و ف.. قاطعه عمر وقال : ابعت قوة تحاصر المصنع القديم بتاع الميه واجهزوا لحد ما اجيلكوا

محمود : قوة اي ومصنع اي

عمر : اما اجي هفهمكوا كل حاجه مقدمناش غير سلعة ونص، خلي صلاح يروح مع القوة وعلاء يجهز كل حاجه عشان هيراقب احمد ف العربية

محمود : طيب طيب اعتبره حصلد

عمر : اه وابعت حراسة ع اوضه مرات الهواري ف المستشفي متنسااش

محمود باستغراب : حاضر وقفل

محمود بلغ صلاح وعلاء باللي عمر قاله

صلاح : بس لازم اللواء يجيب موافقه ع القوة

محمرد : طب يلا نروحله وانت ي علاء جهز اللي قولتلك عليه

علاء : تمام

سارة ومريم وريم وصلوا البيت، ونادية فتحتلهم

نادية : كل ده بتعملوا اي ومحدش رن لا ع ابوكي ولا عمكوا

مريم : اي اي ي ماما صلي ع النبي متاخرناش اهو

نادية : كل ده ومتاخرتوش

سارة : الساعه 6 وخمسه ي ماما

نادية : طيب ياختي انتي وهي

ريم : اومال بابا وعمي فين

نادية : نزلوا يصلوا، ادخلوا انتوا غيروا وانتي ي ريم هتباتي مع اخواتك انهارده

ريم فرحت وبصت ع سارة ومريم : ع قلبكوا

مريم : تنوري يستي ودخلوا يغيروا هدومهم..

بعد 5 دقايق

محمود وصلاح دخلوا عند علاء

علاء : جيبتوا الموافقه

صلاح خد فونه من ع المكتب وقال : ده طلع روحنا عليها وخرج

علاء : يعني خدتوها ولا لا

محمود : اه وهيتحرك اهو ده انت ذكي

علاء : احمد راح ع بيتهم

محمود : خليك معاه بقا

علاء : طب يلا وهكمل مراقبه ف العربية

محمود : طب يلا،

احمد وصل الفيلا بتاعتهم جهز الفلوس وخرج رايح ع المستشفى

عمر وصل المكتب قابل محمود وعلاء خارجين

محمود : فهمني حالا عشان كنا قدام اللواء زي الكتكوت المبلول

عمر : مفيش وقت تعال معايا وانت ي علاء استنانا ف العربية

علاء : طيب ماشي، عمر ومحمود دخلوا للواء

إبراهيم : انا اديتكوا الاذن وانا مش فاهم حاجه

عمر : عشان كده انا جيت افهم حضرتك، "وفهمهم اللي حصل"

صلاح وصل المصنع والقوة حاصرته كله، طلع فونه ورن ع محمود

محمود : ده صلاح

إبراهيم : رد فهمه باختصار عشان يبقا عنده علم باللي هيحصل

محمود قام وقف : تمام ي فندم

عمر : نقدر نتحرك

إبراهيم : ربنا معاكوا، وخرجوا ومحمود فهم صلاح باختصار

صلاح : طب تمام انا هعمل موبايلي صامت ولو حصل حاجه هرن عليك خلي عينك ع الفون

محمود : تمام ربنا يستر

عمر : احمد اتحرك من البيت ولا لا

علاء : اه اتحرك وصل المستشفى كمان

عمر : تمام هطلع انا ومحمود ع المستشفي هبقا وراه وانت ورانا بس من بعيد ومتدخلش اي شارع من اللي بيودوا ع المصنع

علاء : انا هبقا ع الطريق من برا تمام عمر هز راسه بمعني تمام علاء شاور للسواق يطلع، وعمر ومحمود اتحركوا ع المستشفى سوا بعربيه عمر

احمد وصل المستشفى لاقي عسكري ع باب الاوضه اللي فيها امه فرح عشان اطمن ع امه وف نفس الوقت عمر طلع قد كلامه، دخل لأمه راح عليها لاقاها نايمه وابوه مش ف الاوضه، امه حست بيه وهو داخل بس فضلت مغمضه عينها

احمد : انا قررت اتغير علشانك هبقا انسان كويس عشان انتي متستاهليش مني اي حاجه وحشه وهتخرج وهخليكي تفتخري بيا، وباس ايدها وهو بيعيط

امه حركت ايدها التانيه ع شعره وقالت بتعب : انا ع طول فخورة بيك وعمري ما اتكسفت من انك ابني

احمد بصلها وهو بيعيط : مكنتش اعرف انك غالية ع قلبي اوي كده

امه ابتسمت بحب : يعني عشان انا غاليه عندك بتعيط

احمد : لا عشان كنت اهبل

امه بهزار : ولسه اهبل، احمد ضحك من بين دموعه

احمد : سامحيني ي امي

سعاد : مسمحاك يحبيبي

احمد : سامحي بابا، سكتت ومردتش

احمد : صدقيني هو تعبان من امبارح وزعلان اوي عشانك

سعاد : انا مش بكرهه ي احمد بس هو عمره ما سمع كلامي

احمد : هيتغير وهيسمع كلامك

سعاد : ده لو فضلت عايشه

احمد : بعد الشر اومال مين هيخطبلي يعني مش انا قررت اخطب البنت اللي قولتيلي اخطبها وانتي متعرفيهاش اصلا تصدقي ي ماما طلعت قمر وتتحب

سعاد فرحت اوي من كلامه : طب هتخطبها امته

احمد : قومي انتي بس بالسلامه ومن بكره نروح نخطبها

سعاد : وعد

احمد بابتسامه : وعد، بص ف ساعته لاقاها سبعه الا عشرة، اسيبك ترتاحي شويه بقا وباس راسها وخرج، اول اما خرج لاقي ابوه ف وشه

احمد : كنت فين ي بابا

سامح موطي راسه : كنت بصلي، احمد اتصدم من الرد راح عليه وهو مش مستوعب

احمد : انت قولت اي

سامح : كنت بصلي، احمد لاقي نفسه بيحضنه سامح بادله الحضن

احمد ف نفسه "هو خضن الأب أمان اوي كده"نسيبهم خمسه بقا مع بعض

جنب المستشفى بمسافة قريبة

محمود : انت تعرف الواد اللي اسمه سمير ده

عمر : شكله لا بس ادينا هنعرف

محمود : ع رأيك كلها دقايق

عمر : عارف ممكن يكون مين

محمود : مين

عمر : الواد اللي احمد كان معاه اللي كان لابس اسود عشان دي كانت اول مره يجيبوا بضاعه وكان وزعها وجايبله الفلوس

محمود بتفكير : تصدق ممك.. بص بص العربيه اللي وقفت دي

عمر ركز عليها : لو هو يبقا احمد هينزل دلوقتي

احمد : بابا انت مدخلتش لماما

سامح : دخلت لاقتها نايمه خرجت قعدت هنا وبعدين نزلت صليت وقعدت شويه وجيت ابص عليها

احمد : خلي بالك منها ادخل اتكلم معاها شوية

سامح : حاضر، اي العسكري ده صحيح

احمد لسه هيتكلم فونه رن مسكه كان سمير بص لابوه معلش ي بابا لازم انزل مش هتاخر ومتقلقش ده حراسه بس ونزل من غير ما يسمع رد

عمر : احمد نزل اهو

محمود : يبقا هو ده سمير

احمد راح ع عربية سمير

سمير : يلا ي باشا اركب

احمد : لا انا هاجي بعربيتي اطلع وانا وراك

سمير بعصبية : احنا متفقين هتبقا معايا

احمد لاحظ عصبيته : عارف بس ابويا هيشك افهم بقا اطلع بعربيتك وانا وراك متقلقش

سمير : تمام، سمير اقتنع الي حد ما بس فضل متعصب، احمد سابه وراح ع عربيته

محمود : اي ده هو رايح فين

عمر : هيركب عربيته

محمود : طب وسمير

عمر : محمود بالله عليك صحصح كده انا متفق معاه انه يروح بعربيته ورا سمير عشان لو هيغدر او يعمل حاجه يكون هو ف آمان

محمود : تصدق تنفع ظابط

عمر : تصدق اني هقتلك دلوقتي ده وقت هزار

محمود ضحك ع عصبية عمر : طب يلا اطلع العربيات اتحركت، عمر اتحرك فعلا ورا احمد اللي ماشي ورا سمير وطبعا وراهم كلهم العربية اللي فيها علاء

~~~~~~~~~~~~~~~~~~~~~~~~~~~~~~~~

_بعد 15 دقيقه_

رجلين واقفين ف نص الطريق

راجل منهم : اطلع باللي معاك، سمير نزل من العربية

سمير : انتوا اغبية

الراجل التاني اداله بالبوكس

احمد شاف اللي حصل لسه هينزل افتكر كلام عمر ان سمير ممكن يعمل حاجه فافضل مكانه

محمود : هو اي اللي بيحصل ده

عمر قلقان : يارب احمد ماينزل

محمود : يعني الواد ده هو اللي عامل الفيلم ده

عمر : اكيد

سمير : ي اغبية انا تبع عماد

راجل1 : انت سمير بيه

سمير : اه يروح امك وزقه وشاور لأحمد قبل ما يركب عشان يطلع وراه، وفعلا سمير اتحرك ووراه احمد اللي اتاكد ان سمير محضر حاجه

عمر : الحمدلله احمد منزلش

محمود : طب يلا اطلع وراهم

وصلوا المصنع، سمير نزل من عربيته واستني احمد اللي راحله ومعاه الشنطة وسمير باصص عليها

سمير : الفلوس كامله

احمد : ايوا هما فين الناس

سمير بخبث : كلها 7 دقايق ويوصلوا

احمد : تمام، وعمال يبص ع المكان

علاء ركن ع الطريق ومحمود وعمر ركنوا قريب منه وخدوها مشي لحد مابقوا جنب احمد بحاجه بسيطة

_بعد 7 دقايق_ عربية وصلت وفيها اربع رجاله مسلحة نزلوا من العربيه وراحوا ع سمير

عماد : هو ده وبيشاور ع احمد

سمير زق احمد برجله وقع ع الأرض والشنطه وقعت من ايده

سمير : اه هو

احمد : اي اللي انت بتعمله ده ي سمير

سمير خبطه برجله : سمير بيه يلاا فاهم خدوه، شدوه ودخلوه المصنع