رواية أحببت مجهولة الفصل التاسع عشر 19 بقلم زينب رضا
 |
| رواية أحببت مجهولة الفصل التاسع عشر 19 بقلم زينب رضا |
رواية أحببت مجهولة الفصل التاسع عشر 19 بقلم زينب رضا
: انتي ي بتاعه انتي مش تفتحي.. لاقاها مخبية وشها بايدها ومبتردش وبنات جهم عليها جري اول اما شافهم عرف هي مين
جهاد : انتي كويسه
سارة شالت ايدها وهي بتاخد نفسها : اه كويسه،
جهاد بصت لصاحب العربية : مش تفتح يابني آدم، ريم زقتها
عمر ربع ايده ورفع حاجبه، مريم خبطتها بايدها، ريم لما شافته فضلت انها متتكلمش
جهاد : اي بتخبطيني ليه طالما مبيعرفش يسوق بيسوق ليه وبصتله اتفضل ودينا المستشفى نطمن عليها، عمر رايح عليهم،
عمر : تطمني ع اي هو انا جيت جنبها
سارة : خلاص وبصت لعمر احنا اسفين اتفضل تقدر تمشي
عمر : وقفتي قدام العربية ليه
سارة بتوتر : ك كنت بعدي الطريق
.. عمر ف نفسه متعصب 'دي بتدلع مفكره نفسها عيلة اتجوزك بس وهوريكي'
عمر : شكلك مبيعرفش يكدب
جهاد : ما قالتلك كانت بتعدي الطريق ده انت غريب، سارة حطت ايدها ع بوقها وهمست : الله يحرقك اسكتي
عمر بعصبية : انا مش فاضي ووجه كلامه لسارة دي تاني مرة خلي بالك من المرة الجاية محدش عارف اي اللي هيحصل وسابهم وماشي
جهاد : يا كابتن استني،
عمر لفلها : خير
جهاد : ممكن نركب معاك، مريم خبطتها لتاني مره
عمر باستغراب : وده ليه
جهاد : ما انت شايف ان مفيش مواصلات واحنا بنات انت هتوصلنا بس لكافيه*****واهو يبقا ف ميزان حسناتك،عمر واقف ومبيردش، مريم صبرها نفذ قالت بصوت واطي ده عريس سارة اللي اتقدم امبارح
جهاد : ها ياكابتن قول.. بصت لمريم اانتي قولتي اي
ريم : يارب تتهدي وتسكتي بقا
جهاد : هو انا عكيت اوي
ريم : اوي اوي يحسن، قاطعهم عمر
:يعني الحركة دي مقصوده
سارة بتسرع : اه مقصوده وانت تقدر تمشي مش هنركب
عمر : تمام انا ماشي، ومشي فعلا ووصل لباب عربيته ووقف*ما الهبلة دي ممكن تقف قدام عربية اي حد ويحصلها حاجه يوووه*رجع بصلهم تاني
سارة : يلا هناخدها مشي
جهاد : حرام دي بعيد
سارة : انتي بذات مسمعش صوتك يلا
عمر : استنوا، كلهم بصوا عليه فاكمل : هوصلكوا بس بسرعه معلش عشان متأخر
جهاد بفرحه : بسرعه طبعا يلا لاقتهم كلهم بصولها سكتت
مريم : يلا ي سارة وفعلا راحوا ع العربية بس وقفوا
عمر : ماتركبوا
مريم : هنركب كلنا ورا العربية هتستحمل
عمر ضحك غصب عنه : واحدة تركب قدام مش هعضها
جهاد بصت لسارة : انتي هتبقي مراته صح يبقا اركبي جنبه، عمر وسارة بصوا لبعض وعيونهم اتقابلت سارة اتكسف ونزلت عينها عشان عمر مركز اوي معاها
ريم : هتعملوا اي
مريم : يلا هنركب
عمر : يلا، ركبوا كلهم وعمر اتحرك
جهاد لمريم وريم : تفتكروا سارة مضايقه مني
ريم : لا لا سارة طيبة هي هتعمل منك شاورما بس
مريم : دي لو مقتلتكيش طبعا، سارة بتصلهم بقرف ورجعت بصت قدامها تاني
ريم : مش بقولك سارة طيبة وضحكوا كلهم
~~~~~~~~~~~~~~~~~~~~~~~~~~~~~~~~
محمود : هاا ف اي جديد
علاء : لا
محمود : عمر اما يوصل اكيد هيرن علينا
علاء : يامسهل
نادية حطت الاكل لجوزها وابو ريم
محمد : اي ي ام سارة مش هتاكلي
نادية : لا هستني البنات
سعيد : هما اكيد هياكلوا بره
نادية : عادي مش مشكلة
محمد : خلاص اللي يريحك
نادية : ع ماتخلصوا الاكل يكون الشاي خلص ودخلت
سعيد : سارة وافقت ولا لسه
محمد : قالت هتصلي استخارة اما تيجي هسالها
سعيد : ع خير يارب
محمد : ياارب
~~~~~~~~~~~~~~~~~~~~~~~~~~~~~~~~صلوا ع النبي
؛ ~~~~~~~~~~~~~~~~~~~~~~~~~~~~~~~~
عمر : انتوا قولتوا رايحين فين
ريم : كافيه*****
عمر : تمام انا كمان رايح هناك، وشغل اغنية قصاد عيني لعمرو دياب، سارة سمعت الاغنيه سرحت معاها
*فلااش باك* _شات واتس_
-بتعملي اي
_بسمع اغاني
-بتحبي اغاني اي
_بحب اغاني زمان كلها وبحب اغنية قصاد عيني لعمرو دياب بحس فيها امل ان مهما حصل بين اتنين بيحبوا بعض انهم هيرجعوا ف يوم من الايام
-ياسيدي بتقولي حكم
_ هتشوف مواهب ان شاء الله
-واحلى مواهب كمان
، سارة فجأه ضحكت بصوت الكل استغرب ماعدا عمر عشان عارف عي فكرت ف اي وضحك هو كمان
مريم بفضول : انتوا بتضحكوا ع اي
سارة كشرت مره واحده بصت ع عمر لاقته بيضحك * بيضحك ع اي ده *وبصت لمريم : انا ضحكت امته
مريم : نعم ياختي ضحكتك خرمت وداني وودانهم
عمر : انا ضحكت ع ضحكتها طول عمري اسمع عن الهبل بس اول مره اشوفه، كلهم ضحكوا ع كلامه
سارة بصدمة : قصدك اي
عمر باستعباط : ولا اي حاجه، سارة مردتش عليه، فضلوا ساكتين لحد ماوصلوا للكافيه نزلوا من العربية
ريم : استنوني هنا مش هتاخر وبصت لسارة اللي هزت رأسها بمعني ماشي، عمر لاحظ ده، ريم مشيت
جهاد : هو فيه اي
سارة : هفهمكوا بعدين، هنا عمر استوعب اللي بيحصل وان ريم هي البنت اللي احمد مستنيها وافتكر لما شافهم مع بعض قبل كده 'يعني معقول ساره تكون عارفاه وعارفه اللي بنت عمها بتعمله لا وكمان بتساعدها' قطع تفكيره مريم وهي بتقوله : متشكرين لحضرتك جدا
عمر : مفيش شكراً ولا حاجه وبص لسارة بس ياريت شغل العيال ده نبطله
سارة : هو مش حضرتك جاي نفس الكافيه ما تدخل
عمر : المفروض صاحبي يجي وهيرن عليا وبعدين ندخل
سارة : طيب
مريم لجهاد : بقولك اي
جهاد : اي
مريم : تعالي نبعد شويةزونسيبهم سوا
جهاد : يلا واهم يتعرفوا ع بعض بدل الخناق ده
مريم : اشطا، سارة احنا رايحين نشوف حاجة وجايين ماشي وشدت جهاد ومشيت قبل ماسارة ترد
عمر : والله بيفهموا
سارة : هما مين دول
عمر : صحابك
سارة : ااه بس اشمعنا
عمر : بعد ال اااه دي كلها لسه بتسألي
سارة : مش بفهم الاه
عمر : هو انتي دايما هربانة منك كده
سارة : مش عشان سكتالك هتسوق فيها
عمر ضحك : خلاص يستي هسكت
ريم دخلت وشافت احمد راحت عليه
ريم : انت كويس
احمد : اقعدي
ريم قعدت : ممكن تقولي ف اي،.. احمد سرح فيها غصب عنه 'شكلها مختلف بالهدوم دي بس هي ليه جميلة كده'
ريم : روحت فين يابني رد عليا
احمد : هااا
ريم : اتكلم ف اي
احمد : انا مخنوق ومحتاج احكي
ريم : احكي انا سمعاك
احمد : توعديني تفضلي معايا بعد اللي هتسمعيه
ريم قلقت ومردتش
احمد : توعديني
ريم : اوعدك
احمد : بصي ياستي انا.. وبدأ يحكي ليها كل حاجه وريم بتسمعه باهتمام
سارة وعمر واقفين ساكتين، عمر ف نفسه*ما انا لازم اسالها مش هفضل قلقان كده انا*
عمر : م.. ساارة، سارة قلبها دق لمجرد انه قال اسمها، عمر استغبي نفسه عشان كان هيقول ملك
سارة بتوتر : نعم
عمر : هي بنت عمك راحت فين
سارة : معلش بس انت مالك
عمر : فضول
سارة : خلي فضولك مع نفسك
عمر : نعم!
سارة : ااقصد يعني دي حاجه تخصها احنا ملناش دعوه وبتحاول تتوهه : الله درة انا هروح اجيب... عمر اتأكد من طريقة كلامها انها عارفة، لسه هتمشي
عمر : يعني انتي عارفة انها هتقابل احمد، سارة وشها جاب الوان ولفتله
سارة بتسرع : وانت عرفت منين
عمر : سارة انا ظابط مش عيل، الله يخربيت جمال اسمي يشيخ ده وقته
سارة : تمام حضرتك عايز اي
عمر فكر شويه وبعدين قال : تساعدوني
سارة بعدم فهم : مين دول ويساعدوك ف اي
عمر بتوضيح : انتي وبنت عمك تساعدوني اقبض ع احمد وابوه
سارة شهقت،
عمر : ف اي يابنتي الناس بتبص علينا
سارة : تقبض عليهم ليه حرام عليك
عمر : وطي صوتك هتفضحيني
سارة بدون ماتستوعب : طول عمري عايزة اتجوز ظابط بس الطيب ده مش الشرير
"عمر افتكر ملك لما قالت نفس الكلام بالظبط اتجوز ظابط طيب مش شرير، قلبه دق غصب عنه حبيبته قدامه اللي عمره ما شافها غير مرات تتعد ع الايد حقيقي القدر ده غريب"
عمر رجع لوعيه لاقاها بتكلم نفسها : يابنتي ركزي معايا ممكن
سارة وهي لسه بتكلم نفسها : بص يحضرة الظابط انا ماليش دعوة انا هروح اقعد رجلي وجعتني ومشيت راحت عند الرصيف وقعدت
عمر بص للسما : ياارب صبرني
~~~~~~~~~~~~~~~~~~~~~~~~~~~~~~~~
-ريم ساكته ومش بتتكلم
احمد : انتي ساكته ليه، ريم ساكته برضو
احمد : ريم ردي عليا عشان خاطري انا مخنوق وتعبان لوحدي
ريم : ارد اقول اي ي احمد..انك اخدتني كوبري عشان تقرب لبنت عمي ولا انك بتاجر ف المخدرات انت وباباك ولا كسرتك ليا ومامتك اللي تعبانه وعينها اتملت دموع
احمد بكسره : عارف اني غلطت محدش مبيغلطش ياريم عااوزك تسامحيني انا اسف بجد عاوز أبدا صفحه جديدة مع كل حاجه عاوز ارجع نضيف امي تفتخر بيا
ريم قامت وقفت : عارف انا دايما كنت بكدب نفسي بس احسن حاجه انت عملتها هو اعترافك ده وصدقني هترجع نضيف ي احمد وسايباه وهتمشي، احمد مسك ايدها : محتاجكك معايا
ريم : مش هتحتاجني ف حاجه
احمد : لا محتاجكك
ريم : ف اي
احمد : حبيبتي ومراتي وكل حاجه
ريم بصدمة : انت بتقول اي هتكدب تاني ي احمد
احمد : وربي ما بكدب انا بحبك ي ريم
فكرت شويه تلاشت كلامه وقالت : انت بجد عاوز تتغير
احمد : اه بجد والله
ريم : عندي حد ممكن يساعدك
احمد : مين
ريم : قوم تعال معايا، احمد حاسب وقام معاها فعلا
عمر راح قعد جنب سارة
سارة : يابني قوم وخد عربيتك زي الشاطر وامشي
عمر : لا ي حلوة ما انت هوصلكوا
سارة : اه عشان تشوف ريم هتساعدك ولا لا
عمر : انتوا لازم تساعدوني
سارة : فهمني نساعدك ف اي
عمر : لما تقرروا تساعدوني هفهمكوا
سارة : مش لما نعر... احيييه
عمر : ف اي
سارة : بص مين جاي، عمر بص شاف رسم واحمد جايين قام وقف، سارة : معلش ي اخ ايدك.. عمر مركز معاهم
سارة : يابني انت،
عمر : عاوزه اي ومد ايده من غير مايبصلها
سارة مسكت ايده قامت وهو كان هيقع
عمر : اي الغباوة دي
سارة بضحك : احسن مش عيب تبقا ظابط وتعمل الحركات دي
عمر كان لسه هيرد بس لاقي احمد وريم قربوا فاسكت
سارة : ريم
احمد : ازيك ي سارة
سارة : الحمدلله
احمد بص لريم : مين ده
عمر : معاك الظابط عمر حلمي وخطيبها وبص لسارة بغيظ، احمد اتخض وبص لريم
ريم : محتاجين مساعدتك
تعليقات
إرسال تعليق