رواية ضحية انتقام الفصل السابع عشر 17 بقلم اية مصطفي

ملاك : تمام بس احنا كدا كدا مش هنعمل الخطة ديه دلوقتي .

مازن : اه دا اكيد بس فاكرين انا قولت ايه .

يامن : بص انا مش مجمع اووي قول تاني .

يزيد : انا اتفق يا برو لأني غفلت منكوا في النص .

زياد : قول تاني يا مازن .

ملاك : تمام قول الإعادة إفادة بردو .

مازن : لا ولله انا صوتي دا مش ببلاش ومش لاقيوا في الشارع مثلا .

ملاك مسكت مخده وخبطته بيها وقالت بصوت عالي .

ملاك بصوت عالي : ولااا اخلص انطق ياض مش هشحت منك الخطه .

مازن بهزار  : خلاص اهدي يا ملاكي مالك بتقفشي كدا ليه .

زياد بغيره : ولااا اتظبط .

مازن بهزار : ايه دا هو انت بتغير لا مكنتش واخد بالي . 

يامن بهزار : اه اصل الحب مولع في البيت .

ملاك ضحكت راح يزيد قال بتريقه .

يزيد بتريقه : ضحكت يعني قلبها مال .

وبص لزياد وقالوا :  البت هتتشقط منك يا برو .

ملاك فصلت ضحك ....

زياد بغيره : في اي يا عم عمرو دياب انت كمان .

ملاك بضحك : لا زياد دا يزيد .

زياد وهو بيمثل انه متفاجأ  : ولله يزيد لا تصدقي كنت مفكره كريم  .......

 وسكت وهما كانوا عمالين يضحكوا بهيستيرية  وبعد كدا قال بعصبيه .

 ‏زياد  بعصبيه : انا مالي يزيد ولا مازن ولا الجن الأزرق مثلا .

ملاك وهي كاتمه ضحكتها بالعافية وبتحاول تهدي الوضع .

ملاك  : في ايه يا بيبي دا يزيد اخويا ودا مازن ابن عمتى وبنهزر

زياد : انتي ومازن بتهزروا .

ملاك بصت لمازن وقالت : ماشاء الله سمعتك سبقاك .

مازن : في ايه يا جدعان خلاص اتصالحنا وبقينا صحاب وقرايب مالكوا بقا .

ملاك :  وبعدين اصلا انتوا غيرتوا الموضوع انت المفروض كنت تقول الخطه علشان هنفذ جزء منها .

مازن باستغراب : جزء ايه مكناش متفقين على كدا .

ملاك : يابني احنا اصلا متفقناش .

يامن : ازاي جزء انتي اصلا لسه قايله مش هنفذها دلوقتي .

ملاك بهدوء : يا جماعه انا قولت مش هنفذها لكن نسيت اقول ان فيه جزء  من الخطه هنفذو .

زياد بإستغراب : جزء ايه .

ملاك : جزء .....

كانت لسه هتتكلم لكن لقت الباب اتفتح فسكتت وبصتلهم بس اللي دخل كان .

ااش : هاي شباب .

ملاك بهزار : اش اش اش ايه يا ااش الحلاوة والشياكه ديه .

مازن بهزار : دا تلاقيها رايحه تشوف البوي فريند بتاعها .

ااش وهي بتزقه في كتفه بضيق : بطل هزار بايخ زيك .

مازن : ياسلام انا بايخ طيب اشيل بقا الشيكولاته ولا اقولك اديها لملاك احسن .

ااش وملامح وشها اتغيرت لسعادة وحماس : ايه دا بيجاد هاتها هاتها .

يزيد بص لملاك وقال بهزار : مش بتفكرك بحاجه .

ملاك ضحكت وقالت بحماس : استني بس كدا متسيحشي مازن هات الشوكلاته .

ااش : شيكولاتت ايه ديه مازن قلبي روحي عقلي  احسن مازن في الدنيا هو اللي جيبهالي انا مش انتي .

وراحت مطلعلها  لسانها 😝 ملاك بصت لمازن بغيظ راح يامن زقه في كتفه وقاله بصوت واطي .

يامن بصوت واطي : انت هتتنفخ يا معلم .

مازن : ياريتها تيجي علي قد كدا .

يزيد : بتتودودوا في ايه وانا موجود .

مازن : يزيد معاك  شيكولاته .

يزيد بإستغراب : ليه انت جايب واحدة بس لااش .

مازن بتردد : اناااا ..... مش جايب اصلاا .

يامن بصوت عالي : حلااااوتك دا انت .....

مازن حط ايده علي بوق يامن وقال .

مازن : هتفضحني مفيش غيرك اللي هيفضحني .

ااش بإستغراب : انتوا بتعملوا ايه وبتتكلموا في ايه انتوا التلاته وبعدين يلا بقا يا مازن يا قلبي هات الشيكولاته .

يزيد بتردد : اصل اممممم بصي يا ااش هو مازن  نسيها .....

ملحقشي يكمل لقا ااش وملاك قالوا في صوت واحد .

: اييييه بتقول ايييييه .

ملاك : نسيها نسيها ازاي .

ااش : اااااه انت مجبتهاش اصلا .

مازن وهو مستخبي ورا يامن وزياد .

مازن : زياد انت متأكد ان ملاك هتعمل حساب لصلة الرحم .

زياد : صلة رحم ايه ديه هتقطع صلة الرحم هتنهيها خالص .

يامن : بص هي ااش ممكن نضمنها ملاك امممممم لا مش ضامن .

يزيد : انتوا تبعدوا اي اسلحة موجوده هنا .

وقرب من ودن مازن وقال .

يزيد : وانت يعني كان لازم تفتح صدرك اوووي وتقول شيكولاته وانت عارف ان معانا اتنين هنا ميتوصوش .

مازن : اعمل ايه ما انا علشان ااش متشكش في حاجه قولت اغير الموضوع بس ولله ما كنت اعرف ان ملاك هتقفش كدا .

يزيد : بص انا هخلصك من ااش لكن ملاك شوف زياد .

زياد : لا يا حبيبي انا خارج الحوار شوفوا يامن .

يامن : انت واخد بالك إنك بتلبسني انا يا برو .

زياد : وفيها ايه يا حبيبي ما مصايبي ومصايبك واحد وهي إنشاء الله هتيجي علي مقاسك .

ووسط ما هما بيتكلموا كانت ملاك وااش جهزوا اللي هيعملوه في مازن مازن بص علشان يشوف بيعملوا ايه وكان هيصوت .

مازن : لااااااااااااا دا الموضوع كبر اوووي يا جدعان الحقونييييي .

وقال كدا وهو بيجري وااش وملاك بيجروا وراه ااش كانت ماسكه طاسة وملاك ماسكه مخدة كبيرة وجريوا ورا مازن وااش بتجري ورا مازن في الأوضة ملاك سابت المخدة وراحت قفلت الباب  ااش بصت بإستغراب ومازن هو كمان قام وكلهم بصوا لاااش .

ااش بخوف  : بتبصولي كدا ليه .

مازن مسك ااش من ايدها .

ملاك : انت بتعمل ايه .

مازن : مش هنربطها .

ملاك : تربط ايه .

مازن : مش هنكتفها ونربطها بحبل علشان متهربشي .

ملاك : حد قالك ان احنا خطفينها ولا وخدنها رهينة مثلا .

مازن : نععععم اومال اشمعنا انا اللي كتفتوني .

الكل بص لبعض وضحكوا ويزيد قال .

يزيد : انت خلعت كتفي يا اخي .

مازن : هو كان انت .

يزيد هز دماغه مازن ساب ااش و كان لسه رايح يمسكه زياد قال .

زياد : يا جماعه خلاص مفيش داعي لكل دا  اهدوا .

Flash back .....

لما يزيد راح يجيب مازن مازن كان اليوم دا نزل يتمشي شوية لما نزل يزيد مشي وراه استناه وقف في مكان راح مخدروا واخدوا في العربية واللي حصل بعد كدا طبعا عارفينه .

نرجع تاني  ........

ملاك : يا جماعه اهدو وانت يا مازن انت كنت حاجه تانيه وبعدين احنا هنا علشان نفهم ااش مش عشان نخوفها وبعدين متخافيش ياا ....... هي ااش فين .

مازن : هربت انا قولت انها هتهرب .

ملاك : ااش انتي فين هي نطت من الشباك ولا ايه .

زياد : مش عارف استني .

والكل قلب الأوضه عليها ومكنشي فيه غير مكانين بس فوق الدولاب وتحت السرير .

يامن : انا هبص هنا وانت يا يزيد بص هنا .

وشاور ليزيد انه يبص فوق الدولاب ويامن بص تحت السرير ملقهاش يزيد لقاها فوق الدولاب بس منزلهاش فضل يضحك علي شكلها ااش كانت قاعدة وضامة ركبتها لوشها ومخبية نفسها ببطنية ومحاوطه نفسها بالمخدات وماسكه الطاسه في ايد والايد التانيه ماسكه شبشب .

ملاك : هو فوق الدولاب بيضحك .

يزيد بضحك : لا مش قادر .

الكل بص وقعدوا يضحكوا .

ااش : اي حد هيقربلي هعملوا شبشب مقطوع .

ملاك بضحك : اهدي بس اهدي انزلي متخافيش محدش هيعملك حاجه ااش احنا عايزين نتكلم .

ااش : تتكلموا في ايه انتوا عصابة صح انتم اشرار .

يزيد : اشرار ايه يا اتفه خلق الله انتي هو احنا جاينلك من ابطال التايتنز علشان تقوليلنا اشرار .

ااش نطت من فوق الدولاب علي السرير لأن المسافة ما بينهم مش كبيرة ونزلت من علي السرير وكانت ماسكه الطاسة وقالت ليزيد .

ااش : وللااااااا بص اوعي يغرك اني لابسه ومتشيكه لا يا حبيبي دا انا اخيطكوا في بعض .

يزيد : مالها دي يا جماعه بتتحول ليه .

ملاك : حلو اوووي احنا بقا عايزين الشخصية ديه .

ااش : ملاك انتي عايزة ايه وبعدين انتي طيبة ولا شريرة ولا انتي ايه .

ملاك : قعدي قعدي يا ااش علشان نتكلم .

ااش بعصبية  : هنتكلم في ايه قبل كدا قولتي في الوقت المناسب الكل هيعرف كل حاجه ومعرفتش حاجه وسكت ودلوقتي بقا عايزاني اسكت بردوا .

ملاك بزهق : اه اسكتي .

وقالت بصوت عالي .

: قعديي .

ااش خافت وقعدت يزيد بص لملاك وقال بزعل علي ااش .

يزيد : في ايه يا ملاك براحة شوية .

ملاك  : يابني ما هي بلاعة وانفجرت وعاملة زي الراديو مش راضية تسكت .

ملاك سكتت شوية وااش عمالة تبصلها بغيظ ملاك اتنهدت وقالت بهدوء .

: بصي يا ااش انا جايباكي علشان تفهمي انا ليه طلبت منك تجيبي التليفون في الأول وعلشان هطلب منك تجبيه تاني .

ااش : ليه .

ملاك : هقولك ......

ملاك حكتلها كل حاجه وسمعتها كمان المكالمات وااش عرفت كل حاجه وعرفت ان سليم كشف اللعبه وعرفت كمان إن مازن هيعمل خطة تانيه .

ااش : انا مش مصدقة خالتو ممكن تقتل .

ملاك : لا هي مقتلتشي هي بس عارفة حاجه .

ااش : بس ليه حاولت تقتلك انتي وعم بدر .

ملاك : ما هو دا بقي اللي انا عايز اعرف واللي احنا هنعرفه بس محتجينك هتسعدينا يا ااش .

ااش بعد تفكير : تمام انا هساعدكوا بس انا ايه اللي المفروض اعملوا وايه هي الخطة .

ملاك : بصي اللي مطلوب منك انك تاخدي تليفون قدرية بس المره ديه هقولك تعملي فيه مش هتاخديه تدهوني .

ااش : طب انتوا مش خايفين لهي تسمعكوا .

زياد : لا متقلقيش مش هتسمع .

ااش : وانتوا ضامنين منين .

يامن : يا بنتي لأنها مش هنا اصلا .

مازن : ماما خرجت يا ااش .

ااش : ايه انت بتقول ايه مين ديه اللي خرجت .

ملاك بإستغراب : انتي مالك في ايه وبعدين هي خرجت من الصبح محدش في القصر غيرنا .

ااش : ازااي خرجت اومااال مين اللي كان تحت .

ملاك : ممكن تكون مامتك .

ااش : ملاك انا كنت لسه مع ماما وسيباها عند تيته .

يزيد بعدم فهم : لحظه لحظه انتي مكنتيش هنا .

ااش :  يا جماعه انا من الصبح بره .

ملاك وهي مش قادرة تفهم حاجه : يعني ايه مين اللي كان في اوضتك الصبح ولو مامتك مش هنا مين اللي تحت .

زياد : انتوا لسه هتسألوا افتحوا الباب علشان ننزل .

ملاك راحت ولسه هتمسك اوكرة الباب لقت خطوات حد ومسكت الاوكرة وجت تفتح الباب لقت حد مسك الاوكرة جامد وقفل الباب بالمفتاح .

ملاك  : في حد قفل الباب بالمفتاح .

زياد : يعني ايه .

يامن : هي ايه الريحة ديه .

مازن : ديه ....... ديه .

وملامح وشه اتحولت لفزع : ديه غااااااز .