رواية ضحية انتقام الفصل السادس عشر 16 بقلم اية مصطفي

ملاك خدت الرقم وبعتت عليه ماسدج كتبت فيه

ملاك :  " قدرية اتكلمت وقالت كل حاجه "

 واستنت شويه وهو مشاءالله رد بسرعه .

سليم :  ‏ " مين " 

 ‏ملاك :  " مش مهم تعرف انا مين المهم اني عارف كل حاجه "

 ‏سليم :  " مين قدرية "

ملاك :  ‏ " قدريه اللي انت وهي عارفين عملتوا ايه " 

 سليم :  " مين اللي بيتكلم "

ملاك :   ‏" قولتلك مش مهم "

 وراحت قفلت وهو مردش وراحت كلمت قدرية من رقم تاني علشان ميتكشفوش وكتبت .

 ملاك : " سليم قال كل حاجه "

 قدريه :   " انتي مين " 

( يعني يا جماعه مشاء الله كانوا قاعدين مستنين الماسدج غالبا اومال انا ليه لما بكلم حد بستني قرن عقبال ما يرد 😂 معلشي نرجع تاني ) 

 ملاك : " انا  حد متعرفيهوش بس اعرفك كويس واعرف كل حاجه وعلي فكرة سليم مش بيحبك " 

 قدريه : " سليم مين " 

 ‏ملاك بصت لزياد وقالتلوا .

ملاك بخنقة  : لا دا كدا كتير ايه ام الشغلانه ديه قدرية مين سليم مين انا زهقت هو احنا هنا في برنامج تعارف .

 ‏زياد : خلاص يا ملاك معلشي اكتبي .

 ‏ملاك بزهق : ربنا يصبرني .

 ‏ملاك كتبت .

 ‏ملاك : " سليم انتي تعرفيه كويس اوووي " 

 ‏قدرية : " انتي ملاك " 

 ‏ملاك : " ملاك امم ديه البنت الغلبانه اللي دمرتولها حياتها لا مش انا ملاك ديه مش بالذكاء دا " 

 ‏قدرية : " انت مين وعاوز ايه " .

 ‏ملاك : " انا فاعل خير سليم بيكرهك " 

 ‏وملاك بعتت صور ليها هي وسليم وطبعا الصور ديه صورتها وهما خارجين سوا وبعتتها لقدرية وبعتت شات عملته من تلفون سليم وقت لما اتقابلوا اول مره ودخلت برنامج التحكم عليه  الشات كان مكتوب فيه .

 ‏سليم : " انا مش بحب قدرية " 

 ‏: " بس هي كانت بتحبك " 

 ‏سليم : " اه بس انا عمري ما حبتها انا حبيت فلوسها " 

 ‏وطبعا قدرية كانت هتموت من الصدمه والقهر وملاك بعتت لسليم شات كانت عملاه من تلفون  قدرية لما مازن دخل البرنامج عليه .

 ‏قدرية : " اه انا هقول كل حاجه وكل حاجه قولتهالك عن سليم ديه صح " 

 ‏: " بس انتي بتحبيه " 

 ‏قدرية : " لا كنت بلعب بيه بس " 

 ‏وسليم طبعا كان علي اخره قدريه كلمت سليم .

 ‏قدريه : انا عايزة اشوفك دلوقتي .

 سليم : انا اللي جايلك حاالا .

 ‏وقفلوا وفعلا بعد ربع ساعه كان سليم جه القصر كل دا و يامن وزياد ويزيد وملاك ومازن  مستخبين وحطوا كاميرا في المطبخ وكانوا في اوضة ملاك وقافلين الباب و فاتحين اللاب وقاعدين يتفرجوا علي اللي بيحصل  اصل المطبخ دا اقرب مكان من الجنينه وغير كدا بعيد عن الصالة بشوية فبيقدروا يتكلموا براحتهم واساسا اليوم دا مكنشي في حد موجود في القصر غير قدرية والباقي وبس ااش كانت مسافرة هي ومامتها قدريه اتكلمت وقالت بغضب  .

 ‏قدرية بغضب : انت حبيت فلوسي .

 ‏سليم بغضب : وانتي كنتي بتلعبي بيا .

 ‏قدرية : بتقول لملاك عن كل حاجه وبتخرج معاها .

 ‏سليم بإستغراب : ملاك انت عرفتي منين موضوع ملاك .

 ‏قدريه بصدمه   : دا اللي يهمك يعني انت فعلا حبيت فلوسي .

 ‏سليم بجحود : اه حبيت فلوسك بس انتي عرفتي منين موضوع ملاك .

 ‏قدرية وهي بتحاول تمسك دموعها : يعني انت محبتنيش يعني كل كلامك دا كان ايه كان كدب .

 ‏في ناحية تانيه في اوضه ملاك .

 ‏ملاك : ايه دا اجدوعان دي طلعت بتحس .

 ‏مازن بغضب وهو بيزق ملاك في كتفها : طبعا دي امي اكيد بتحس مش زيك .

 ‏ملاك كانت لسه هتقوم ترد علي مازن بس لقت زياد سبقها وقايم بالواجب .

 ‏زياد وهو ماسك مازن من ياقة التيشيرت وبيتكلم بغضب  : ولله لو ايدك اتمدت او صوتك علي عليها تاني مش هسمي عليك .

 ‏ملاك وهي خدت بالها ان في حاجه بتحصل : بسسس بس انتوا الاتنين اي دا .

 ‏يزيد وهو بيركز : دا ....... دا ايه داااا  .

 ‏يامن بعدم استوعاب : هو  ايه اللي ايه دا انا مش فاهم في ايه  .

 ‏ملاك : لا لا دا كدا هتولع بجد  .

 ‏لقوا ملاك قامت نطت من علي السرير ومحدش فاهم حاجه وطلعت تجري برا الأوضة كلهم بصوا لبعض .

 ‏زياد : هو ايه اللي حصل وهي رايحه فين .

 ‏يزيد : انت لسه هتسأل يلا نروح وراها .

 ‏وطلعوا يجروا وراها لقوها واقفه علي باب المطبخ ومصدومه لأنها شافت قدرية واقفه لوحدها وهادية ولا كأن في حاجه وملقتش سليم بصتلهم وطبعا محدش فاهم حاجه بس بعد ثانيه ملاك افتكرت حاجه وطلعت الأوضه تانيه بسرعه والباقي كان واقف مش فاهم حاجه وطلعوا وراها لقوها ماسكه اللاب وعمالة تعيد في الفيديو وبعد كدا قفلت اللاب بغضب ورمت المخدة علي الأرض بغضب .

 ‏زياد : هو ايه اللي حصل انا مش فاهم حاجه .

 ‏ملاك بغضب : كل حاجه باظت كل اللي انا عملتوا بااظ .

 ‏يامن : ازاي .

 ‏ملاك بغضب وقهر  : اللعبه اتكشفت .

 ‏يزيد : انا مش فاهم ازاي .

 ‏                                                    ...... Flash back 

 ‏وقت لما ملاك ركزت في اللاب لقت قدرية بتقول بغضب .

 ‏قدرية بغضب : انت ضحكت عليا وبعتني وخدعتني كمان وزي ما انا ساعدتك انا كمان هخلص عليك .

 ‏ومسكت سكينه وكانت هتدبها في قلب سليم في وقتها لما ملاك قامت تجري بس الفكرة إنها لما راحت ملقتشي حاجه ولما رجعت تاني واعدت تعيد في الفيديو لقت سليم كان ماسك ايد قدرية وبيقولها .

 ‏سليم : اهدي يا قدرية دي حركه معموله اهدي .

 ‏قدريه وهي بتحاول تفهم : حركه ازاي .

 ‏وقدريه نزلت السكينه ولقت سليم قعد يبص في كل انحاء المطبخ ولقي كاميرا وبعدها قال لقدرية حاجه في ودنها وراح مشي وعلشان كدا لما نزلت ملقتهوش .

 ‏نرجع تاني .....

زياد : يا بن الذكية دا مطلعشي سهل .

ملاك وهي كاتمه حزنها : وانا كل اللي عملته راح .

يامن بحزن علي ملاك : طب هتعملي ايه .

ملاك : انا مش عارفة افكر كل حاجه باظت .

يزيد : طيب اهدي وإنشاء الله كل حاجه هتتحل .

ملاك : هتتحل مفيش حل بقولكوا تخطيطي وكل حاجه عملتها باظت .

مازن بتردد :  لا .

ملاك بإستغراب : لا هو ايه اللي لا .

مازن : مش كل حاجه باظت في فكرة هي الأمل الوحيد دلوقتي .

ملاك : ايه هي .

مازن قعد يقولهم علي الفكرة .

ملاك بفرح : ولله يا مازن انت طلعت جدع اوووي وكمان ذكي .

مازن بفخر : اي خدمة .

يامن بهزار : لا متشعروش فيه لا يتغر في نفسه ولا حاجه .

وقعدوا يضحكوا .....

يتبع....