رواية ضحية انتقام الفصل الثالث عشر 13 بقلم اية مصطفي

ملاك : بقولك ايه العمليه الجاية هتتسلم فين  .

سليم : انتي مهتمه اووي كدا ليه .

ملاك : انا كدا بحب اتقن شغلي اخلص .

سليم : خلاص ما براحه علينا شويه يا وحش العمليه هتتسلم في البحر .

ملاك : حلو اووي احنا هنيجي في نص البحر وهنرجع البر تاني .

سليم : ودا ليه دا .

ملاك : علشان جاك مش سهل وناوي يغدر بينا وانا مش هستحمل إن الثفقه ديه تبوظ انت عارف ديه انا دافعه فيها كام .

( للتوضيح : جاك دا يبقي الرئيس اللي بيستلم ****** وهو مش سهل ودايما بيغدر بالناس اللي معاهم ) 

وقفلت المكالمه علي كدا وبعد شويه يامن ويزيد كلموها وقالولها .

: انتي سايبه قدرية بقالها فترة .

ملاك : مش سايباها انا بحضرلها خطه هتطلع من عنيها .

الأتنين ضحكوا وبعدين اليوم عدي علي كدا تاني يوم ملاك راحت علشان تحضر الصفقه اللي علشان سليم يرضي يخليها تيجي معاه طلب منها 100الف دولار وهي جبتهم في الصفقه البوليس جه وسليم قدر يهرب ملاك  وجاك قدروا يهربوا بس بعدها سليم راح لملاك القصر ديه كانت اول مره يروحلها القصر بس مش هتبقي الأخيرة في يوم الوقت كان متأخر  رن عليها وقالها إنه في جنينه القصر ملاك كانت مستغربة جداا من انه جه ونزلتله لقيته بيقولها .

سليم بعصبيه : انتي اللي بلغتي عن الصفقه .

ملاك بصدمه :..........

سليم : هو انتي بقا فاكراني مش هعرف .

ملاك : انت عايز ايه .

سليم : عايز ايه انتي عملتي كدا ليه .

ملاك : انت مالك مش انت اخدت الفلوس وهربت ومحدش عرف حاجه عنك يبقي الموضوع يهمك في ايه .

سليم : ولو مكنتش رضيت أني أهربك  .

ملاك : كنت هبلغ عنك وبعدين انت اللي هتقع مش انا .

 سليم ضحك بسخريه وقال : وانتي بقي فاكرة نفسك ايه خاربه الدنيا اووي انا لو وقعت مش هقع لوحدي .

ملاك : وطي صوتك يخربيتك لو حد سمعنا انت عارف ممكن يعمل ايه كل حاجه فوقتها هتبوظ .

سليم بصوت واطي وتهديد : ما هو ممكن انا اجيب الحد دا واخليه يسمعنا كويس لو معملتيش اللي قولت عليه .

ملاك بضيق : انت عايز ايه .

سليم : عايز ضعف المبلغ 3 مرات .

ملاك بصدمه وصوتها علي  : انت اتهبلت في مخك .

سليم حط ايده علي بوقها وقالها : شششش ولو حد سمع انا هقول كل حاجه .

ملاك شالت ايده ونفخت بضيق وقالت : انت واعي انت بتقول ايه ولا في عالم تاني .

سليم بتحدي وتكبر : واعي واعي متقلقيش انا واعي انا بعمل ايه كويس اووي يظهر انتي اللي مش واعيه انتي بتلعبي مع مين .

ملاك : وانت فكرك بقا إنك لو قولت لحد  اللي تعرفه في حد هيصدقك .

سليم :ما هو انا يا بيبي مش بلعب بقلب جامد غير وانا مالي ايدي .

ملاك بصتله بإستغراب وقالت : تقصد ايه .

سليم طلع موبايله وفتح تسجيل مكالمه .

ملاك : بقولك ايه العمليه الجايه هتتسلم فين .

سليم : انتي مهتمه اووي كدا ليه .

ملاك : انا كدا بحب اتقن شغلي اخلص .

سليم : خلاص ما براحه علينا شويه يا وحش العمليه هتتسلم في البحر .

ملاك : حلو اووي احنا هنيجي في نص البحر وهنرجع البر تاني .

سليم : ودا ليه دا .

ملاك : علشان جاك مش سهل وناوي يغدر بينا وانا مش هستحمل إن الثفقه ديه تبوظ انت عارف ديه انا دافعه فيها كام .

وخلصت المكالمه علي كدا .

ملاك بغضب وهي ماسكه سليم من ياقة القميص : اه يا حيوان انت بتسجلي يا حقير .

سليم وهو ماسك ايد ملاك جامد ولفها ورا ضهرها ومسك دراعها جامد وقالها بصوت زي التعابين : ما بلاش تغلطي يا بيبي لأنك مش قد العواقب اللي ممكن تحصل وعلي العموم مقبوله منك يا جميل .

وهي بعدت عنه وابتدت تعدل نفسها وبصتله بكل إحتقار وقالتله : انا مش هقدر اجبلك المبلغ دا كله مره واحده .

سليم : اتصرفي انتي بقي وزي ما جبتي اللي قبله تقدري تجيبي دا قدامك ٧٢ساعه كدا انا ابقي كارمك كمان

وزياده .

وخرج سليم وملاك اتلفتت علي صوت تصفيق بصت لقته زياد وجمبه يامن .

زياد بإنبهار : برافو بجد  برافو ايه العظمه ديه  دا انا صدقت .

ملاك بإبتسامه : عيب عليكوا انتوا لسه شفتوا حاجه .

يامن : ماشاء الله دا انتي طلع عندك مواهب مدفونه. 

وضحكوا كلهم بإنتصار ......

يتبع....