رواية وكان القدر هو الحاكم الفصل الثالث عشر 13 بقلم زهرة الظلام
 |
| رواية وكان القدر هو الحاكم الفصل الثالث عشر 13 بقلم زهرة الظلام |
رواية وكان القدر هو الحاكم الفصل الثالث عشر 13 بقلم زهرة الظلام
سيف:بس كنتي تجنني امبارح
اسيا:انت كداب صح قولي انك بتكدب صح
فضلت تصوت وتضرب فيه وهي بتعيط
سيف:اهدي يا اسيا في اي انا كنت بهزر
اسيا:طب مين غيرلي هدومي
سيف :الشغاله وانا نمت هنا عشان كنت تعبان
اسيا:انا لازم امشي
قامت لبست هدومها ومشيت من غير ولا كلمه وخدت عربيتها وسافرت اسكندريه قعدت ع البحر وفضلت تعيط
اسيا:انا تعبت مش كفايه الي حصلي زمان والي بيحصل دلوقتي امي اتخلت عني وابويا خدني عشان ينتقم بس ومكنش بيهتم بيا وطول عمري لوحدي معنديش صحاب وحتي سيف الي حبيته شكله نسيني خلاص
وفجأه قامت ومسحت دموعها بحقد
اسيا:بس وربي يامريم ماهسيبك غير وانتي بتدوقي نفس العذاب الي دوقته
وركبت عربيتها ومشيت
**********
عند مريم
محمد:اي رايك؟!
مريم:فكره حلوه بس انت عارف يامحمد بخاف من البحر
محمد: ماتخفيش واهو تقعدي انتي واسيا شويه وتتفاهموا
مريم:حاضر هاطلع اقول للولاد
طلعت قالت للولاد وفرحوا وجهزوا الشنط ومحمد اتصل ب مراد وقاله واتصل بسيف وقاله يجيب اسيا واسيا وافقت تروح بس سيف مكنش مستريح وبعدها اتصلت ب اسر قالتله يجي وتعرفه علي اهلها ووافق وبليل راحوا كلهم دهب عشان مريم بتحبها بس بتخاف من البحر عموما عشان دايما كابوسها انها بتغرق ف البحر
مريم:اسيا وعشق وسلمي ف اوضه وسيف واسر وعمر ف اوضه وطبعا المتجوزين ف اوضهم
محمد:الله عليكي وانتي قمر كده
مريم حضنته واتكسفت ودفنت راسها ف صدره
اسر:ربنا يخليكوا ل بعض اه صح بابا أهو
وبيشاور علي جاسر ومريم رفعت راسها وقدرت تعرفه واول ماراح سلم عليهم وفضل باصص ل مريم كتير ومحمد كان متعصب من نظراته ليها
محمد :مريم انتيتعرفيه
جاسر:عز المعرفه طلع اسمك مريم !!
مريم:احم هبقي أقولك بعدين يامحمد
محمد مسك اديها لا دلوقتي وشدها وطلعوا الاوضه
عبير:يلا كل واحد علي اوضته عشان نرتاح واستاذ جاسر تقدر تختار الاوضه الي انت عايزها
جاسر مكنش مركذ معاها بس اما بصلها عرف انها توأم مريم
جاسر:مافيش فرق بينك وبينها نفس الجمال
مراد شد عبير وبصله
مراد:اي ياعم هو انت عايز تشقط اي واحده فيهم
وخدها وطلعوا الاوضه وجاسر طلع اوضته والأولاد طلعوا
*********
ف اوضة مراد
عبير:غريب اوي جاسر ده ويعرف مريم منين انا اول مره أشوفه ؟!
مراد:وانا مال اهلي انا المهم ملكيش دعوه بيه ولا كلام ولا سلام والسلسله الي عليها اسمك تلبسيها عشان لو اتلغبط وقربلك علي أساس مريم هاعمل وشه خريطة الوطن العربي فاهمه
عبير:ههههههه طب ونسيبه يقرب من مريم عادي كده
مراد وهو بيقرب منها:لا مهو محمد هايعمل وشه خريطة العالم بقا
عبير فضلت تضحك:انت لسه بتغير
مراد حضنها:انتي مش شايفه انك بتصغري مش بتكبري
عبير: اممم ماهو لازم اهتم بنفسي
مراد شالها:طب يلا عشان تهتمي بيا
وحطها ع السرير و.... 🙈
وتسكت شهرزاد عن الكلام الغير مباح 🙃🙈
*********
ف اوضة جاسر
جاسر ماسك صوره ل مريم
جاسر :وحشتيني اوي يا أميرة خايف اقول ل مريم ماتصدقش ولا عبير هاتصدق بس انشاء الله هاعرفهم الحقيقه عشان ترتاحي ف قبرك
***********
ف اوضة البنات
سلمي: اسيا انتي بتكرهي عشق
عشق بصت ل سلمي بمعني والله ل تموتي 😂
اسيا: لي بتقولي كده
عشق بزعيق:عشان دي الحقيقه انتي بتكرهينا كلنا لما رجعتي من السفر مفكرتيش تسألي عني انا وعمر وطول السنين دي وماما بتعيط عليكي وانتي ولا بتحسي انا بكرهك عشان انتي السبب ف كل حاجه وحشه ف حياتنا ماما طول عمرها يتهتم تكلمك وتعرف أخبارك ونسيتنا خالص وف الاخر انتي بتكرهيها واحنا مش مستنين حبك ولا حنيتك
وسابتها وطلعت
اسيا بقت ف حالة صدمه حتي اختها بعدت عنها وكرهتها وهو فعلا مريم مكنتش بتهتم بيهم طول السنين دي وتعبت من التفكير ونامت هي وسلمي
********
ف اوضة الولاد
اسر:الا قولي ياعمر انت بتحب اسيا
عمر ببرود :لا
سيف:عمر!!!
عمر:اي مستغرب ولا اي
اسر:لي ياعمر مابتحبهاش؟!
عمر:تخيل طول عمرك تسمع عن اختك وتشوفها ف الصور بس ومش بس تسمع عنها لا وكل الكلام عنها اسيا بتحب..اسيا بتكره...اسيا كانت بتعمل... مافيش مره عشق او عمر وف الاخر ترجع وتكتشف ان اسيا مش شيفانا اصلا ولا كلمتنا ولا سلمت حتي وف الاخر احبها لا مش عايز احبها ولا حاجه
اسر اتنهد وسابهم وطلع وسيف وعمر ناموا لقي عشق بتعيط
اسر:عشق في اي
عشق حضنته وفضلت تعيط وهو يهديها
عشق:انا بكرهها يا اسر بكرهها
اسر:اهدي بس اسيا مش وحشه والله هي بس شافت كتير وكل حاجه هاتتصلح
عشق :بجد
اسر:طبعا
فجاه اسر سرح ف ملامحها شعرها الدهبي وعيونها الزرقه وبشرتها الي زي بياض التلج وشفايفها الحمرا من غير اي مكياج وخدودها الي احمرت من العياط حس انها ملاك
اسر:في قمر بيعيط طيب
عشق اتكسفت وفضلوا طول الليل يتكلموا ويضحكوا سوا
*********
ف اوضة محمد
مريم حكتله اتقابلوا ازاي وهو هايتجنن
محمد:يعني اي ممكن يكون حبك
مريم:حبني اي يامحمد هو انا لسه عيله
محمد:مش شايفه شكلك دانتي اخت عشق مش امها
مريم قامت ولفت اديها حوالين رقبته
مريم:بتغير ولا اي
محمد:انا وربنا مابغير انا بموت
مريم حضنته:بعد الشر عنك بس ماتقلقش انا عمري ما اشوف راجل غيرك ابدا
محمد ضمها جامد:اي رأيك نخاوي عمر
مريم شهقت:يالهوي تاني يامحمد
محمد:اممم تاني وتالت وعاشر كمان
وقبل ماتتكلم شالها وحطها ع السرير و.....🙈
وتسكت شهرزاد عن الكلام الغير مباح 🙃🙈
********
تاني يوم
كله نزل ع الشط وبيستعدوا ينزلوا المايه إلا مريم الي مرعوبه اسر خد عشق عشان يعلمها تعوم وعمر خد سلمى عشان تشرب عصير الاول وعبير ومراد نزلوا يعوموا وسيف راح حمام السباحه عشان مش طايق اسيا ومحمد راح معاه ومريم فضلت ع الشط وبعد شويه جتلها اسيا
اسيا:تعالي ننزل البحر سوا ياماما
مريم سمعت ماما ونسيت كل حاجه وحشه ووافقت ونسيت خوفها وفضلت اسيا تتحداها لحد ماوصلت مريم لحته غويطه وبصت ملقتش اسيا حواليها ولقت الموج بيعلي وهي خافت واتوترت
***********
عند محمد
سيف:عمو نسيت البرنس هاروح اجيبه
محمد استني اجي معاك قلقت علي مريم
راحوا وملقوش مريم وكانت اسيا واقفه بتبص من منظار علي حاجه ومحمد قلق وفضل ينادي عليها لحد ما اسر وعشق وعبير ومراد وعمر وسلمي جم علي صوته وقالهم مستحيل تنزل البحر هي خايفه منه اصلا
سيف شك ف اسيا وخد منها المنظار وبص لقي مريم بتغرق وفي سمكة قرش جايه عليها سيف:مريم بتغرق وجايه عليها سمكة قرش
محمد سمع كده ونط ف البحر وفضل يعوم هو ومراد واسر وسيف وشافوا مريم ولقوا القرش قرب وقبل ما محمد يمسك مريم اتسحبت لتحت
محمد :مرييييييم!!!
تعليقات
إرسال تعليق