رواية خادمتي البريئة الفصل العاشر 10 بقلم زهرة الحياة

كريم طلع فوق وساب سمر وافتكر العداوة بينه وبين على وازاى كام مرة حاول يسرقه و يلبسه تهم بأنه يبدل البضاعة ببضاعة مضروبة ويقوم يبلغ عنه بس اهم سبب انه كان السبب انه بعده عن حبيبه الاولى وهنعرف هى مين بعدين وبعدين افتكر أن رغد زعلت من كلام سمر فراح على يصالحها

كريم راح المطبخ لقى رغد بتغسل المواعين بتاعت الغدا بس مش بروح زى كل مرة

كريم قام اتسحب على أطراف صوابعه علشان رغد متحش بيه وبعدين قال لها بخ

رغد اتفزعت لدرجة أن الطبق وقع اتكسرت وقامت ضرباه على صدره وقالت

رغد اخص عليك يا كريم كده تخضنى

كريم بيضحك على شكلها وقال شكلك قمر وانت مخضوضة ومتعصبة كده وبعدين اتكلم جد وقال

أنا عارف انك زعلانه من اللى حصل واحنا بناكل بس متخافيش ده مش هيحصل تانى وكمان أنا مش عارف هى ليه سمر بتكرهك كده من اول لما جيتى كانك عدوتها او اذاتيها فى حاجة

رغد لأ ابدا أنا معملش حاجة بس ممكن يكون ده علشان حاسه ان فى حاجة بينا وانت اكيد عارف أن الست بتحس أن زوجها بيخونها ولا لأ فأكيد حاسه انك متغير معاها الفترة دى

كريم ممكن برده بس برده ده ميديهاش الحق أنها تعاملك كده بس خلاص انتى دلوقتى زيك زيها هنا وانا بس مستني شوية وابقى اقولها انك مراتى وليكى حقوق زيها

رغد ربنا يخليك ليا يا رب

كريم يا رب يا روحى بس انتى كده مش زعلانه ؟؟

رغد لأ خلاص مش زعلانه

كريم مش حاسس بكده ، أنا حاسس انك لسه زعلانه منى ومش هتسامحينى

رغد ليه بتقول كده انا عملت ايه

كريم اصلك مقولتليش بحبك النهاردة ودلوقتي اهو بعيدة عنى ، شوفى واقفة بعيد اهو

رغد قربت منه شوية بمياعة وقالت اهو

كريم اقرب

رغد قربت شوية كمان ، وقالت كده حلو

كريم بحنية لأ اقرب اقرب

رغد قربت منه جامد وبقت ملتصقة بيه وقالت بدلع زايد كده كويس ولا اقرب كمان

كريم قام حضنها جامد اوى وقال ايوه كده كويس بس انا نفسى فى اكتر علشان ادخلك جوه قلبى

رغد حضنته وقالت المهم أنا فيه بنفسى مش جسدى

كريم اوعيدينى يا رغد انك عمرك ما تسيبينى ابدا ابدا مهما حصل حتى لو شوفتينى مع واحدة فى موضع مش كويس ، اسألينى الاول ومتخليش اى حد يدخل بينا ابدا. اعرفى أن اى حاجة عملتها ليها سبب واو كانت غصب عنى ، اوعيدينى

رغد اوعدك يا كريم بس احنا اتفقنا مرة على الكلام ده فليه تقوله تانى

كريم فى نفسه علشان باين الماضى بتاعى راجع ومش هيخلينى اعيش معاكى بسلام علشان كده مش راضى اعترف لحد انك مراتى مع انى نفسى امسك مايك واقول انك حبيبتى ومراتى بس اعذرينى غصب عنى كل ده علشان احميكى

كريم عادى يا رغد بس علشان نبقى روح واحدة

رغد طب ماحنا روح واحدة ولا انت شاكك

كريم بخبث كنت واثق بس دلوقتي شاكك

رغد شاكك ازاى قولى وانا اثبتلك

كريم بيعمل نفسه بيفكر وحاطط صباعه على رأسه وبعدين قال هقول ، بصى اول لما اقابلك تيجى و تحضنينى اوى كده وتخلينى احس بيكى

رغد ضمته اكتر وقالت حاضر كده حلو

كريم مقدرش يمسك نفسه اكتر وبعدين التهم شفتيها بقبلة رومانسيه جدا ورغد بدت تجاريه شوية لأنها خلاص اتعلمت منه وبعدين كريم قال لها انتى وحشتينى اوى هو انا موحشتكيش ولا ايه

رغد طبعا وحشتنى بس احنا فى المطبخ وافرض سمر هانم جت وشافتنا كده هتقولها ليه

كريم اولا قدامى قولى سمر بس علشان انتى هنا زيك زيها ولولا انى مقلتلهاش على زواجنا لسه كنت خليتك تقولى ليها سمر بس وثانيا بقى سمر عمرها مبتدخل المطبخ او تقرب من غرف الخدم بس انتى أعلى من الملكة ومتفكريش نفسك خدامة ابدا وثالثا وده الاهم انتى حلالى واعمل اللى أنا عايزة وقام بأس رقبتها ولا انتى عايزانى ابص بره ولغيرك

رغد قالت بغضب وغيره ابقى اعملها كده يا كريم وهيكون نهايتك على أيدى ، قال ابص بره قال

كريم هو فى حد يبقى معاه القمر والوحش ده ويبص بره ده حتى عيبه فى حقك وبعدين بقى احنا هنقضيها كلام ، أنا عايز أفعال وبعدين قال شالها وراح لغرفتها علشان يمارس معها ما حلله الله وهنا تسكت شهرزاد عن الكلام الغير مباح

سمر طلعت الاوضة بتاعتها بس ملقتش كريم علشان تكلمه ثانى فى موضوع على ودورت عليه فى باقى الاوض وبرده ملاقتهوش وطبعا هى عمرها ما يخطر فى بالها أن كريم عن غرف الخدم ولا عمرها هتروح

سمر الو فاضى دلوقتي علشان عايزاك فى موضوع مهم جدا ودى مش اول مرة تعملى خدمة

مجهول -ايوه طبعا مدام كريمة معايا يبقى عنيا ليكى

سمر المهم يا عادل عايزاك تراقب كريم وتعرف هو بيروح فين وبيقابل مين وبيكلم مين

عادل تمام بس ليه

سمر حاسه انه بيخونى

عادل فى نفسه اصل انتى متعرفيش أن كريم اتجوز رغد وانا طبعا مقولتلكيش ومش هقولك دلوقتي إلا لما اخلص اللى أنا عايزة وبعدين اقولك علشان النار تبقى حريقة ومحدش يعرف يطفيها وبعدين قال

عادل متوهميش نفسك يا سمر انتى عارفه انه بيحبك ومستحيل يبص لغيرك

سمر اعمل اللى بقولك عليه يا عادل من غير كلام وظى ما جبت معلومات عن سمر هاتلى اخبار كريم كلها يعنى تكون زى ضله

عادل تمام بس خلى حبك ينتصر وحبيه اكتر

سمر بخبث طبعا يا عادل ده كريم روحى ويلا سلام

سمر بتضحك أنا وكريم نحب بعض شكلك غلبان ومش فاهم حاجة

الاثنين بيضحكوا على بعض

(يا ترى ليه عادل خبى على سمر زواج كريم ورغد )

كريم ايوه كده يا اسد ،كده تثبتيلى انك بتحبينى

رغد اتكسفت ودارت وشها فى صدر كريم

كريم كسوفك ده مكنش موجود من شوية ليه

رغد ضربته على صدره وقالت بكسوف بس يا كريم اتلم عيب كده

كريم ضحك وقال حاضر يا اسد ، اصل برده الحقيقة تتقال وانتى قمر كده

رغد بكسوف باين اوى بس بقى

كريم خلاص يا أس... اقصد يا روحى

رغد مبسوط معايا يا كريم يعنى عمرك ما تسيبنى

رغد ويخليك يا يا كريم ،يلا بقى اطلع علشان سمر هانم اقصد سمر متحسش بحاجة

كريم أنا عارف ان كده حاسه انك بتعملى حاجة غلط وخايفة حد يشوفنا بس اوعدك أنها فترة وهخلى الناس كلها تعرف انى مراتى وملكى أنا وبس وبعدين قام باس رأسها ولبس هدومه وراح لسمر

سمر كانت قاعدة بتشتغل فى الموبايل لما دخل كريم

سمر لاحظت أن هدومه مش مترتبة اوى

سمر كريم انت كنت فين

كريم كنت بره فى مشوار ولسه جاى

سمر- بره بالشكل ده ازاى ، اللى يشوفك يقول طالع من خناقة ، قولى يا كريم ومتكدبش عليا كنت فين

كريم ارتبك ومش عارف يعمل ايه

سمر سكوتك ده بيخلينى اشك فيك

كريم اتكلم جد : هو تحقيق ولا ايه يا سمر ، بقولك كنت بره ولا حرام كمان انى اخرج وبالنسبة لهدومى فده علشان الجو حر جدا وتكييف العربية مش شغال ففكيت هدومى ،عرفتى كده ،وسعى علشان عايز ادخل استحمى علشان ريحتى وسابها ودخل الحمام

سمر ماشى يا كريم ، أنا هخلى عادل يعرف كل تحركاتك وبتروح فين وتيجى منين

كريم وهو فى الحمام فرحان جدا على الوقت اللى قضاه مع رغد بس حاسس انه كده بيخون سمر، اعمل ايه الاثنين مهمين عندى بس سمر مظلومة فى الموضوع ده اوى ، يا رب الهمنى للخير وقام طلع

سمر نزلت تحت وعماله تنده على رغد وطبعا رغد مش راضية ترد علشان مش هتقدر تروح لها دلوقتي وتشوف عايزة ايه علشان متشكش من شكلها أن فى حاجة غلط فقالت تطنش

سمر هى البت دى مش بترد ليه معقول تكون سابت الشغل، يا رب علشان اخلص منها وبعدين قعدت

كريم استحمى وخرج وبعدين نزل تحت ورغد رغد استحمت وطلعت

كريم ضحك على شكلها وسكت

سمر بتضحك على ايه يا كريم ضحكنى معاك

كريم مفيش يا سمر بس افتكرت موقف حصلى النهاردة وكان جميل جدا علشان كده بضحك

سمر ماشى يا كريم ، كريم احنا بقالنا كتير مش بنخرج مع بعض ايه رأيك نروح مطعم 5 نجوم ونسهر كده زى زمان

كريم بص لرغد وقال ماشى يا سمر اللى يعجبك

سمر حبيبى يا كريم

بالليل سمر وكريم راحوا يسهروا وهناك قابلوا ناس مهمين جدا ووعدوهم أنهم يجوا يتغدوا عن كريم

كريم وسمر روحوا وراحوا للنوم

سمر بتقرب من كريم وتقوله وحشتنى اوى هو انا موحشتكش ولا ايه

كريم بكدب طبعا وحشتينى بس تعبان النهاردة

سمر بس انا عايزاك دلوقتي يا كيمو

وذهبوا فى عالمهم الخاص لما احل الله لهم بس كريم مكنش عايز كده بس اضطر علشان ده من حقوقها عليه أنه يعاملها زى زوجته بالضبط هو حاسس انه بيخون رغد وبيخدع سمر بس ده مش بايده حاجة وحاول ينام بس معرفش وبص لقى سمر نايمة فقرر يروح لرغد ويشوفها

كريم دخل اوضة رغد ونام جنبها واول لما رغد حست بيه قامت علطول وقالت

رغد ايه اللى جابك يا كريم انت مفروض تكون دلوقتي عند سمر مش هنا

كريم مش قادر والله ابعد عنك ، أنا نمت معاها علشان ده حقها بس انا عايزة انتى وعايزك دلوقتي فهترفضينى ولا ايه

رغد لأ ابدا ده حقها وحقك فعلشان كده بقولك روح لها علشان متصحاش وتقلل عليك وتحصل مشاكل

كريم ليه علطول بتفكرى فى غيرك ونفسك لأ، فكرى فى نفسك النهاردة وبس وبعدين ذهبوا لجنات من الحب والعشق الذى ليس له حدود على الاطلاق

فى الصباح استيقظ كريم ورغد فى حضنه فباسها وقام لبس وطلع لسمر وساب رغد نايمة

كريم دخل استحمى وبعدين طلع لبس علشان شغله

سمر صحيت وكريم بيلبس وقالت صباح الخير

كريم صباح النور يلا البسى علشان نروح الشغل

سمر حاضر

سمر وكريم راحوا الشغل عادى وجم

بعد الأكل

كريم : أنا رايح حمام السباحة اعمليلى عصير سائع يا رغد وهاتيهولى هناك

سمر طلعت تنام شوية

رغد جابت العصير لكريم عند المسبح وحطته على الترابيزة

كريم : قربى يا رغد ولما رغد قربت مسك ايديها ونزلها المسبح معاه

رغد بس يا كريم أنا بغرق بغرق

كريم متخافيش يا روحى أنا ماسك وبعدين حضنه جامد واستغل أن ملابسها ملتصقة على جسدها وقام ممشى أيده على جسمها

رغد بس يا كريم عيب كده ، افرض حد جه أو سمر جت هتعمل ايه ، ابعد بقى

كريم مش باعد ، أنا عارف اننا بنعمل كده زى الحرامية بس مش بايدينا حاجة

رغد يا كريم عيب كده

كريم مش عيب وقام التهم شفتيها بعمق ورغد بادلته

وفجأة دخل شخص عليهم وقال

شخص ما - الله الله، ايه اللى بيحصل هنا ده يا كريم

كريم ورغد بصدمة