رواية ضحية انتقام الفصل العاشر 10 بقلم اية مصطفي

ملاك بخضه وفزع : اااااااع انا فين انت مين .

:  اسكتي يا بت .

ملاك : بت لما تبتك .

بعدها سمعت صوت حد بيتكلم في التليفون وبيقول .

: اوامرك يا سليم بيه .

ملاك اتصدمت جدا سليم معقول يكون هو سليم فاقت علي صوت يامن ومازن ويزيد وزياد وهما داخلين المخزن وهي كانت فكت نفسها واحد من الرجاله كان هيضرب زياد بالنار ملاك زقته برجليها وفكت نفسها وقامت ومسكوا الرجاله وسلموهم للشرطه ومحدش قال حاجه غير إن في واحد اسمه سليم هو اللي طلب منهم يخطفوها  ملاك صدقت هنا إن دا فعلا سليم و بصت لزياد وابتسمت وقالتلوا .

ملاك بهزار : ايه دا جيت بدري اووي كدا ليه .

( مش فاهمين صح طيب نفهم بقي )

Flash back.....

ملاك كانت واقفه تفكر في يزيد وعم بدر وبعدين حست ان فيه حد وراها طلعت الموبايل براحه وشافت إن فيه حد وراها خبت الموبايل وعملت نفسها إنها طالعه القصر ولما الشخص دا خدرها هي عملت نفسها اغمي عليها ولما حطها في شنطه العربيه هناك هي بعتت لزياد ماسدج انها اتخطفت وانه يتتبع التليفون وبكدا هما قدروا ييجوا ينقذوها بعد كدا روحوا وكالعادة قدريه كانت هتموت من القهر أصلها مكنتشي متوقعه إن ملاك البريئه يبقي عندها كل الذكاء دا وملاك راحت جنينه القصر ولقت قدريه هناك وقالتلها .

ملاك بتحدي : متقلقيش يا عمتي لو مقدرتش اكشفك دلوقتي  هكشفك .

قدريه بصت لملاك بغيظ ملاك كملت .

: اه طبعا مستغربه اني طلعت بفكر وذكيه احب اقولك انا كنت طيبه بس انتو الطيبه متنفعشي  معاكوا وقريب الكل هيعرف كل حاجه .

قدريه بصتلها بإستغراب هي مش عارفه ملاك عارفه ايه علشان كدا مش عارفه هي بتفكر ازاي .

ملاك قعدت في البلكونه وهي عماله تفكر في سليم .

( محدش عارف مين سليم ) 

Flash back ....                 ‏

دا انا ههريكوا فلاش باك 😂

بدر : لا يا بنتي مش ديه الحقيقه ابوكي مقتلشي اخوه ولا اخته  .

ملاك بإستغراب : اومال هو ايه اللي حصل .

بدر : الحقيقة يا بنتي إن ابوكي هو وعمتك قدريه كان ما بينهم مشاكل كتيرة بسبب إن قدريه كانت بتحب واحد اسمه سليم بس سليم مكنشي كويس كان طمعان في فلوسها وابوكي كان عارف كدا فعلشان كدا كان رافض الجوازة من ساعتها وعمتك بتكره ابوكي ودايما بتحاول تإذيه وفهمت حياه ( مامت زياد ) إن جنا مامتك عايزه تتجوز ابوكي علشان فلوسه وبكده عمتك حياه رفضت الجوازه بس بابكي اصر واتجوز مامتك بعدها حياه ماتت الكل قال إن محمد هو اللي قتلها خصوصا إنهم  قالوا إنها خدت جرعه زيادة فماتت واللي كان بيديها الدوا محمد فالكل قال أنه قتلها علشان رفضت الجوازه بعدها بفتره مامتك قالوا إنها ماتت مخنوقه عن طريق الغاز بيقولوا كان فيه تسريب في الشقه فماتت بعدها بإسبوع باباكي واخوه ماتوا هما الأتنين بنفس الطريقه بس الغريبه بقي إنهم لقو بصمات ابوكي علي أمبوبة الغاز فعلشان كدا قالوا إن باباكي هو اللي قتل اخوه بس الحقيقه يا بنتي ان ابوكي مقتلشي حد ابوكي اللي اتقتل مش هقدر اقولك إن قدريه هي اللي قتلتهم بس هي عارفه حاجه ومخبياها .

نرجع تاني بقا ...

ملاك  مسكت الموبايل وكلمت يامن وقالتلوا إنها عايزه تعرف مين صاحب الرقم اللي قدريه بتكلموا يامن قالها انه اسمه سليم هنا خلاص ملاك اتأكدت انه هو سليم اللي قدريه كانت بتحبه واتفقت مع يامن انه هيراقب كل تحركاته وهيعرف بيروح فين وكل علاقاته ومكان بيته .

يتبع....