رواية كنت لا أبالي الفصل التاسع 9 بقلم رحمه عصام

طلعت أجرى زي المجنونه والفرحه مش سيعاني.......يعني خلاص كده مش هعيش لوحدي ولا هزعل تاني؟؟ سندي هيفضل معايا طول العمر؟؟ ربنا ده جميل اووي.......بنكون فاكرين ان الحاجه مستحيل تحصل وهو بيحققهالنا في ثانيه، دخلت الاوضه......اول مـ عيني جت في عينه نزلت دموعنا تلقائي، مش عارفه ده حزن ولا فرح ولا هم ولا اي بس كل الـ انا عايزه اعمله اني احضنه وأفضل حضناه وميطلعش من حضني أبدًا، احساس وحش لما تلاقي الإنسان الـ بتحبه واتربيت في حضنه بيروح منك، حقيقي صعب ومش هقدر اوصفه بس بتمنى من كل قلبي ان محدش يجربه......"

_ملك بدموع وابتسامه: حمدالله عـ السلامه يابا، كنت خايفه تروح مني وأفضل وحيده

=الأب بدموع: ليه كده يـ مفتاح؟؟ لي كده يابنتي؟ انا قصرت معاكِ في حاجه؟! لي تفضحيني كده وسط الخلق

_ملك بصدمه: انت لسه مصدق ان في بيني وبينه حاجه؟؟ لسه مش عايز تصدقني؟؟

=الأب بجمود: شوفتكوا بعيني يـ بنتي

_ملك ببرود: تمام يابا، خليك مصدق الـ انت شايفه، انا طالعه بره ولو احتاجت حاجه ناديني

طلعت بره وقعدت اعيط على حظي الـ مش راضي يتظبط معايا ده ولا الدنيا الـ جايه عليا من كل الاتجاهات دي، محدش بيفهمني، يعني الشخص الوحيد الـ المفروض يكون مصدقني ويحميني من كلام الناس، هو هو نفس الشخص الـ مش واثق فيا ولا في تربيته ولا عارف يصدقني، حسيت بأيد بتطبطب عليا منغير مـ بص حضنت الشخص ده وفضلت اعيط، كان نفسي يكون في حد معايا يواسيني ويطبطب عليا وقت حزني بس مفيش.......اتولدت كده وهعيش كده، هديت شويه ورفعت راسي ببطء لقيته الدكتور الـ قالي ان بابا فاق، اتنفضت وبعدت عنه بسرعه ومش قادره استوعب ان هو الشخص الـ حضنته، لقيته بيقرب عليا وابتسم واتكلم بهدوء......"

_الدكتور بهدوء: اهدي متقلقيش......انا عارف انك مكنتيش في وعيك ولا تعرفي ان انا الـ طبطبت عليكِ، والدك جوا عايزك وياريت متحاوليش تزعليه عشان ميحصلش مضاعفات

اكتفيت اني اهز راسي بس، مصدومه ومش عارفه عملت كده ازاي، انا عارفه انه مش قصدي بس انا خايفه.......خايفه ليكون ربنا زعل مني وانا مش قصدي ازعله، نزلت دموعي تلقائي وبعدين مسحتها ودخلت على بابا، رفعت راسي لقيته باصصلي وفي عنيه دموع وفاتحلي حضنه، منغير تفكير اترميت في حضنه وفضلت اعيط كتير، رغم أنه اتألم بس مرضيش يبعدني وفضل ماسك فيا، بعد فتره طلعني من حضنه ومسح دموعي ومسك وشي بإيده الاتنين وكلمني بحنيه......"

_الاب بحنان: حقك عليا يـ حبيبتي، انا مقصدش ازعلك كده والله بس مش قادر اشوف حد بيتكلم عليكِ وحش، مش قادر استوعب فضيحتنا في المنطقه وظلم الناس لينا، حقك علي قلبي متزعليش مني

=ملك بإبتسامه: مقدرش ازعل منك يابا، دانت الـ فضلت طول عمرك مربيني ومرضيتش تعيش حياتك عشاني، تيجي تقول متزعليش مني؟؟! انا ازعل من الدنيا كلها ولا اني ازعل منك يابا

_اوعااا الجمدان

بصيت ورايا لقيت الدكتور الحليوه الـ كل شويه ينطلي ده وعليه ابتسامه جميله وباين عليه الفرحه......."

_الدكتور بأبتسامه: انا اسف اني قطعت عليكوا اللحظه القمر دي بس ده معاد علاج الحاج

=الأب بأبتسامه: اتفضل يـ دكتور

_الدكتور بهدوء: طمني بقا يـ حج، حاسس بإيه؟؟

=ملك بضيق: واحد لسه خارج من عمليه قلب مفتوح هيكون حاسس بإيه؟؟

_الدكتور ببرود: كويس انك عارفه انه لسه خارج من قلب مفتوح، كفايه أحضان بقا عشان الجرح ميفتحش

=ملك بغضب: ابويا واحضنه براحتي

_الدكتور بضيق: وده مريضي ويهمني صحته فوق كل شئ

=ملك بعصبيه؛ وانت طبعًا الـ هتـ...

_الأب بمقاطعه: خلاص يـ ملك عيب كده بطلي لماضه، احنا اسفين يـ دكتور

=الدكتور بأبتسامه: ولا يهمك يـ حج براحتك، المهم لو احتاجت حاجه اضغط على الزرار ده وانا هجيلك علطول

خرج وانا كنت عايزه اسأله على شويه حاجات كده بس الـ انا هببته من شويه ده خلاني محرجه اني اكلمه وخصوصًا أن انا الـ كنت قليله الذوق في الأول، قررت اسأله لأن كده كده اصًلا هيجي وقت واسأله فـ ليه استنى؟؟ طلعت بره الاوضه لقيته في آخر الطُرقه، طلعت أجرى وانا بنادي عليه لحد ما وقف وبصلي بأستغراب......."

_ملك بتعب: دكتور دكتور استنى، ااه نفسي مش قادره، انت بتمشي بسرعه كده لي

=الدكتور بقلق: ايه في ايه باباكِ تعب، حصله حاجه؟؟ انتِ لسه هتتكلمِ تعالى بسرعه

_ملك بضيق: باااااس، ايه في ايه، لوكلوكلوكلوك سيبني اتكلم؟؟

=الدكتور ببرود: افندم؟؟!

_ملك بأحراج: احم..... انا اسفه على قله ذوقي معاك جوا، انا بس كنت مضايقه شويه

=الدكتور بأبتسامه: خلاص ولا يهمك يـ قمر، انا عارف الـ انتِ فيه......ربنا معاكِ ويعينك عليه، لو احتاجتي اي حاجه تعالى مكتبي منغير تفكير تمام؟؟

_ملك بأبتسامه: تمام

=الدكتور بأبتسامه: هستأذن انا بقا

_ملك بسرعه: لا استنى استني

=اي قي ايه

_بابا هيخرج امتي

=بعد يومين ان شاء الله

_ملك بهدوء: طيب هو....

=شخص بنقاطعه: دكتور مازن دكتور مازن، الحاله رقم 107 تعبت لازم تيجي بسرعه

_مازن بقلق:هستأذن انا دلوقتي

ملحقتش اتكلم معاه وجرى مع الراجل الرخم الـ كلمه من شويه، بس ايه ده؟؟ اسمه مازن! ايه الحلاوه دي هو مازن فعلًا مكدبوش، اوف استغفر الله انا هرجع الاوضه تاني"

عدي اليومين بدون اي أحداث تُذكر وحاله بابا بقت احسن وكله تمام، جهزنا نفسنا عشان نروح ونزلت أجرت عربيه عشان اكيد بابا مش هيقدر ينزل يركب مواصلات عشان العمليه، سلمت على الدكتور وشكرته على وقفته جمبنا في الظروف دي وكمان جه معايا وسند بابا لحد البوابه وركبه العربيه كمان، بعد فتره مش كبيره وصلنا البيت بس ايه ده!!!؟ البيت بيولع هو والورشه!!! بصيت على بابا بصدمه لقيته حط ايده على قلبه ووقع فجأه......."

_ملك بصريخ: بااااااابااااااااا

وووو