رواية حمقاء في الموساد الفصل الثامن 8 بقلم أيزيس

ملك بدأت تحس احساس غريب وبطنها بتوجعها وقالت ل ديڤيد ...شريف ...أنا حاسة اني... اني عايزة وفجأة فضلت ترجع علي رجل الراجل المهم اللي قرف واشمأذ منها

ديڤيد أنصدم ومش عارف يعمل ايه

الراجل برق بعنيه وقال.......ديڤيد إذا تزوجت هذه الفتاة سأقطع علاقتي بك للأبد يالها من مقززة وقام خرج

ديفيد مش عارف يلحق الراجل ولا يفضل جمب ملك اللي لسة بترجع ..بس بنظرة سريعة من سيف لأديرا جريت أديرا وقالت لديفيد

أديرا ...سيدي اتركها سأتولي أمرها

ديفيد....حسنا ..وجري يلحق الراجل

أديرا اخدت ملك ع التواليت

ملك دخلت لقت حد شدها لجوه وحضنها انصدمت

ملك زقته بصدمة وقالت....ايدا هو سيف طلعله اخ اسرا...ئيلي دانا خايفة أنا كمان ف الآخر اطلع اسرا...ئيلية

سيف ضحك ....نفسي مرة تبطلي تشغلي دماغك أنا سيف يا ملك

ملك....ياليلة سودة ايه اللي انت مهببه في نفسك دا يا سيف انت انحرفت ولا ايه وازاي ما تاخدش رائي لما صبغت شعرك انا زعلانة

سيف..بصدمة ....هو دا اللي همك في الموضوع كله يا بنتي دا تمويه عشان اعرف ادخل واطلع هنا عادي وبعدين اسمي جاك ركزي جاك الامريكي اوك واحنا ما نعرفش بعض

ملك...تمام

سيف....خدي الورقة دي حطيها علي خزنة ديفيد اللي ف اوضته وهيجي آران ياخدها تمام ..وبعدين قال بتحذير ملك الخزنة دي ف اوضة نومه هتتصرفي ازاي

ملك....بثقة ...سيبها عليا يا معلم

سيف...باحباط....اه أنا كده اطمنت جداااا

ملك.....بعيدا عن شكلك اللي اتغير دا بس انت لسة لوووز يخربيت سنينك

سيف ضحك......وقالها وانتي فرولاية ...ماتجيبي حتة

وبعدين بصت عليه وملامحها اتبدلت وبالعافية بتاخد نفسها وقامت مرجعة علي هدوم سيف

&&&&&&&&&&&&&&&&&

في بيت ديفيد

وصلوا البيت وديفيد كان مسندها وجات هي عند أوضته وعملت نفسها دايخة وشاورتله علي أوضته وقالت بصوت ضعيف

ديفيد ما ركزش ف كلامها اكتر ما فكر أنه ممكن يكون حد من القيادة حطلها سم ف المشروب بتاعها وهي فعلا بتموت كان هيتجنن وعيونه دمعت وشالها وحطها في أوضته

ديفيد ....أنا هاطلب دكتور حالا

ملك....لا يا شريف أنا بس محتاجة أنام و هابقي كويسة

ديفيد....أنا مش هاسيبك تضيعي مني قلت هاجيبب دكتور

ملك....مسكت أيده ...لا يا شريف أنا بجد حاسة اني بقيت احسن ممكن تخرج وتسيبني ارتاح شوية

ديفيد....هاخرج لما تنامي واطمن عليكي

ملك ....تمام وبعد فترة عملت نفسها نامت وهو باس راسها بكل حنية وخرج

ملك اتأكدت أنه ديفيد خلاص نام وبدأت تتفرج ع الأوضة الواسعة دي وكلها حاجات غريبة بالعافية عرفت مكان الخزنة وحطت عليها ملسق شفاف .وفضلت تدور ف مكتبه

لقيت حاجات مش مهمة تبع شغله وصوره مع والدته وحاجات كده تافهة

وبعدين رجعت نامت

في الصبح ديفيد راح الأوضة عندها لاقاها لسة نايمة صحاها عشان يطمن عليها

ديفيد ...صباح الخير ..كويسة انهاردة

ملك.....الحمد لله احسن

ديفيد ....شكلك ارتاحتي ف اوضتي خليكي فيها علي طول

ملك...ببرأة ...وانت هتقعد ف اوضتي

ديفيد.....لا هنا برضو

ملك....اختفي من قدامي بدل ما اطلع مسدسك واقتلك بيه بأوامر منك انت قلتلي قبل كده اقتلك عادي

ضحك ديفيد ..وقال....وااااااو بقيتي بتخربشي يا ملوكة أنا هفكر أشغلك معايا

ملك.....تلميذتك يا معلم

وبعدين قالها انا اتأخرت ع الشغل يلا شالوم و سابها ونزل

ملك ....شالوم يا بعيد الله يحرقك

&&&&&&&&&&

في المو...ساد

قاعد مركز ف شغله جدا وفجأة تدخل البت المنعنعة الونا

الونا....هل ما سمعته كان صحيحا ديفيد هل تحب تلك الفتاة العربية وستتزوجها

ديفيد.....وقف وراح ناحيتها ...أنا اسف الونا انتي صديقتي المقربة يجب أن تفهميني فنحن لا نتحكم بمشاعرنا والحب لا يعرف الفوارق الاجتماعية لقد احببتها رغما عني ولا أستطيع أن اتخلص من تلك اللعنة أنها تضعف قوتي كلما ابتعدت عنها ..

الونا وبدأت في البكاء ....اتركها ديفيد وتزوجني وسأنسي كل ما قلته للتو

ديفيد ....بتأكيد ....الونا حاولت أن انساها ولكن بلا جدوي انها سحر امتلك قلبي ليست بذالك القدر من الجمال أو الأنوثة انتي اجمل منها بكثير ولكنها كلعنة الفراعنة لا أستطيع أن اتخلي عنها أو اتركها تبتعد

الونا بتوعد ......يوما ما ستندم ندما شديدا وتلجأ لي ديفيد

خرجت الونا وبركان غضب بداخلها ولكن وقفها صوت

........سيدتي انتظري

الونا .....باستحقار.....ماذا تريد ايها الخادم

آران........اريد المساعدة

الونا ....عما تتحدث

آران ....اعلم كل شئ اعلم أن السيد ديفيد يفضل فتاة عربية عنك وسيتزوجها هل تريدين.الانتقام

الونا بتكبر....وهل سأطلب المساعدة من خادم

آران.....انحني وقالها....دائما ما يطلب الملوك المساعدة من خادمهم ..هل تريدين قتلها

الونا ....باهتمام ...وهل تستطيع ..انت تعرف ديفيد إذا علم سيقتلك حتما

آران ...دعي الأمر لي ..ولكن ماذا ستقدمي لي ف المقابل

الونا ....ماذا تريد

آران.....ترقية ..اريدك ان تزكيني عند الرئيس فانال مكانة ضابط ف الموساد ..موافقة

الونا ....هذا أمر غاية في السهولة

آران...عندما تتصلي بي وتبلغيني بالأمر ساقتل الفتاة بلا رحمة ..بالأذن من مولاتي ...وسابها وخرج

&&&&&&&&&&&&&

في مكان شبه خالي من الناس

آران ....أنا هقتل ملك

سيف...ومسك آران من ياقته....انت بتقول ايه انت اتجننت مين اللي قالك تعمل كده

آران .... حازم باشا

سيف....بتهزروا صح

آران ....سيف انت بتحب ملك

سيف....بتوتر....حب ايه وزفت ايه دلوقتي احنا من أمتي بنقتل عناصرنا

آران ....انا مطلوب مني اقولك لغاية كده وبس

سيف فقد أعصابه ....حسام انت ايه مصدق نفسك انك آران ولا قتلك لصاحبك اليهو...دي وانتحالك شخصيته خلاك تنسي انك حسام ظابط ف المخابرات المصرية اللي قتل صاحبه اخد أوراقه وعايش بيها هنا

حسام ضرب سيف ب البوكس (لكنه ف وشه) ...احنا من أمتي بنتكلم ع المكشوف

وفضلوا هما الاتنين يضربوا ف بعض لغاية ما تعبوا هما الاتنين

ملحوظة آران أو عدنان أو جوزيف.......هو الظابط حسام الامير ظابط في المخابرات المصرية من اب مصري وام لبنانية وطني جدا وبيشتغل مع المخابرات من ١٢ سنة مجتهد جدا وبيعرف لغات كتير كان عايش فترة ف امريكا لزوم الشغل عشان يتعرف علي جاره اليهو..دي اللي اسمه آران مهاجر من زمان حسام صاحبه اربع سنين اتعرف عن كل تفاصيل حياته وأنه عمره ما زار اسرا....ئيل ولا مرة وبعدها حسام قتله لانه كان طموحه أنه يشتغل ف الموساد وبيكره العرب جدا حسام استغل دا واخد أوراقه ورجع اسرا....ئيل علي أنه آران ..ومشهور بإسم عدنان ف فلسطين لانه بيساعدهم ولقبه القناص لانه بيصوب من بعد مسافات باحتراف حسام شخصية شديدة جدا وقلبه متحجر ودقيق جدا

حسام مد أيده لسيف وقومه وسيف قاله..... ملك لو جرالها حاجة مش هسامحك ولا هسامح حازم باشا ومشي

&&&&&&&&&&&

في بيت ديفيد

ملك بتشرب قهوة وماسكة الريموت وفجأة يدخل واحد ملثم يضربها بالرصاص

ملك حست انها تعرفه من عينيه وقالت وهي بتفقد الوعي ....عد..نان قوصني........