رواية كنت لا أبالي الفصل الثامن 8 بقلم رحمه عصام

بصلي بصه غريبه وفضل ساكت بعدها دور وشه واتكلم ببرود وقال......"

=عدي ببرود: هقعد لحد مـ الاُسطا محمد يطلع بـ السلامه وبعدين همشي ومش هتشوفيني تاني

_ايوه وانت تفضل معايا ليه!!! مش انت بتتمني اني مدخلش حياتك ولا انك كنت تعرفني أصلًا!؟ يبقى تفضل معايا ليه؟؟ امشي.....امشي وانا اوعدك أن مهما حصل انا لا هجيلك ولا هحتاجلك ابدًا

=عدي بأحراح: احم......ملك اسمعيني......انتِ عارفه غلاوتك عندي، انا بس كنت مخنوق وطلـ....

_ملك بمقاطعه وسخريه: مخـ.... ايه؟ مخنوق؟؟! لا ضحكت..... ضحكت بجد، مخنوق لي ها؟؟ لا ابوك مرمى في العمليات بيموت، ولا اتفضحت وسمعتك بقت زي الطين والناس كلها بتعاملك وحش، ولا بتفكر هتصرف على نفسك ازاي وعلى تعب ابوك، ولا بتفكر هتعيش لوحدك ازاي لو ابوك حصله حاجه، ولا بتفكر في اي هم......يبقى مخنوق ليه؟؟ماشاء الله عندك شركاتك وفيلتك ومرتاح ماديًا واي حاجه بتحتاجها بتجيبها علطول منغير تفكير...... مخنوق لي ها؟؟ مش لاقي رد؟ يبقى سيب الخنقه لـ ناسها يـ... يـ.... عدي بيه

=عدي بسرحان: وانتِ فاكره عشان معايا فلوس مرتاح و مفيش حاجه اتخنق عشانها؟؟ تبقى غلطانه.....من أمتي الفلوس بتجيب السعاده وبتفرحنا؟؟ من أمتي الفلوس بتنفعنا لما بنتعب ونبقى لوحدنا؟؟ من أمتي الفلوس كانت كل حاجه؟؟ الفلوس عمرها مـ ريحتني ولا فرحتني ولا حسستني بأي حاجه حلوه في الحياه، دايما بشوف الناس حواليا وبيحبوني عشان فلوسي......عمرهم مـ كانوا جمبي عشاني انا، عمرهم مـ حبوني انا، تعرفي.....انا ساعات بحسدك، اه والله، ابوكِ بيحبك وعايشه معاه.....بتتعبي عشان القرش ولما بتجبيه بتحسي بفرحته، عايشه في شقه اوضتين وصاله وطول الوقت ابوكِ قدامك بتهزروا وبتضحكوا، مش زيي.......عايش في فيلا كل واحد في اوضه وبشوف امي بالصدفه، الناس بتضطر تضحك في وشي عشان الـ عايزينه يـخدوه، أعدائي كتير والكل بيتمنالي الشر ومستني اني أقع في اي لحظه عشان يشمت فيا، والأهم من ده كله......سُمعتك الـ باظت بسببي ومش هعرف ارجعها حتى بالفلوس، حاجات كتير مش هتفهميها ولا عقلك هيجيبها، بس في حاجه عايز افهمهالك......مفيش حد فينا عايش مرتاح كلنا في جانب مظلم في حياتنا ومفيش ليه حل وهيفضل ملازمنا لحد مـ نموت

قالي الكلمتين دول وخرج......حسيت اني مشفقه جدًا على حالته وقد ايه الفلوس رغم أنها كتيره إلا أنها بتخلي الواحد تعيس، احساس انك عايش وناس كتير منتظره سقوطك يوجع ويدمر اي انسان مهما كان ناجح، خرجت لقيته قاعد وحاطط ايده على راسه، روحت قعدت جمبه وفضلت ساكته، انا اه مشفقه على حالته وزعلانه عليه بس مستحيل انسى الكلام الـ قالوا، مخنوق تمام وكل حاجه، بس ده ميدهوش الحق أن يطلع خنقته عليا مهما كنت ايه بالنسبالك، بعد كام ساعه خرج الدكتور جريت عليه وانا قلقانه وخايفه اسمع اي خبر وحش منه......"

_ملك بقلق: دكتور.......طمني على بابا كويس صح؟؟

=الدكتور بحُزن: للأسف حالته متطمنش، ادعي ان الـ 24 ساعه الجايين يعدوا على خير

وقعت مكاني والصدمه سيطرت على ملامحي، انا عارفه ان هتحصل حاجه وحشه، بس كان في امل صغير متعلقه بيه وحاطه حياتي كلها عليه، لو حصله حاجه ازاي هعرف اكمل؟؟؟ ازاي هفضل عايشه مع ناس ظالمني؟؟ مين هيحميني؟؟ هيمشي خلاص؟! كل دي أفكار سرحت فيها وعيطت......عيطت كتير ومش عارفه اعمل ايه، انا عارفه انه علمني اني اكون قويه بس انا كنت قويه بيه، لكن هو دلوقتي مش معايا ويـ عالم هيفوق ولا لا، فوقت على صوت عدي وهو بيهديني وأيده بتطبطب على كتفي وباين في عنيه نظره الحُزن، قومت وكلمته بـ كل غضب....."

_ملك بغضب: انت هنا لي ها؟؟ مش هو مرمى الرميه دي بسببكوا؟؟ مش انتوا الـ عملتوا كل ده ودمرتونا؟؟ قاعد معايا ليه؟؟ روحلها...... روحلها وصدقها انها بريئه وكدبني انا بعد مـ شرفت بعنيك حالتي وحاله ابويا...... امشي من قدامي مش عايزه اشوف وشك بقا بكرهككك

بصلي بغضب ومشى وانا فضلت مكاني بعيط"

________________________________

عدي.....

خرجت من عندها وانا غضب الدنيا كله متجمع فيا...... انا ذنبي ايه وانا أصلًا مكنتش اعرف وزيي زيها؟؟ ذنبي ايه اني متجوز واحده متخلفه ماشيه تبوظ حيات الناس؟؟ طلعت الفون واتصلت بـ رقم واحد بعتُّه عشان يعرف الموضوع..."

_عدي بهدوء: الو يابني.....عملت ايه في الموضوع الـ قولتلك عليه..... عرفت مين بعت الصور؟؟

=الصور اتبعتت للمنطقه كلها بـ رقم فيك بس فضلنا ورا الرقم ده وعرفنا مين الـ وراه

_عدي بغضب: وانت هتحكيلي قصه حياتك؟؟ ماتنطق علطول

=الـ ورا الرقم مدام جنه يـ باشا

قفلت الفون ورميته ومشيت بأقصى سرعه عندي، كنت حاسس انها هي الـ عملت كده بس حابب اتأكد، مبحبش احكم على حد منغير مـ اتأكد، دخلت الفيلا وانا عفاريت الدنيا كلها بتتنطط في وشي....."

_عدي بزعيق: جننييي.......جننيييي ردي عليااااا

=نهال بقلق؛ في ايه يابني بتزعق ليه

_عدي يعصبيه: فين جننني، انا عايزه افهم هي فيين

=جني بقلق: انا اهو يـ عدي، في ايه؟؟

_تعااالي

شديتها من ايديها جامد وامي وقفت في وشي......"

_عدي بغضب: ابعدِ يـ امي، ابعدِ بعد اذنك

=نهال بغضب: انت بتعمل ايه؟؟ انت اتجننت؟؟ هتمد ايدك عليها وانا واقفه قدامك ولا ايه؟؟

_مش همد زفتتت، انا عايزهااا اتكلم معاها وافهم منها، تعالى........بهدوء كده انا عايزك تفهميني المصيبه الـ انتِ عملتيها دي عشان والمصحف يـ جني مش اندمك على اليوم الـ عرفتيني فيه

=نهال بقلق: اهدي يابني مصيبه ايه ربنا مـ يجيب مصايب، ايه الـ حصل

_عدي بعصبيه: الهانم بعد مـ خلاص المشكله انحلت وصالحتها بعتت الصور للمنطقه كلها وابو ملك لما عرف وقع في ساعتها وبيموت دلوقتي

=نهال بصدمه؛ انت بتقول اييه؟؟ انطقي...... انتِ الـ عملتِ كده؟؟

_جني بعياط وخوف: هفهمكوا هفهمكوا والله، بعد مـ ملك جت وعدي قالي روحي لبيت ابوكِ انا اتعصبت وكلمت حد يبعت الصور للمنطقه كلها، ومخدتش هدومي ولا لميت حاجه إلا لما اتأكدت أن الصور اتبعتت، ولما نزلت عدي صالحني وانا مكنش في أيدي حاجه اعملها والله

=عدي بضحكه: والله؟؟بريئه اووي

ضربتها بالقلم ومسكت شعرها جامد....."

_جني بصدمه: انت مجنون؟؟؟ ازاي تعمل فيا كده

=عدي بضيق: انتِ طالق.......اطلعي خدي هدومك وورقتك هتوصلك على بيت ابوكِ

_جني بغضب: انت بتطلقني عشان الجربوعه دي؟؟؟

=عدي بزعيق: مسمهاش جربوعه دي انضف منك ومن عيلتك كلها، صدقيني لو عملتِ حاجه تاني أو جبتِ سيرتها بالوحش حتى هندمك على اليوم الـ عرفتيني فيه انتِ سامعه؟؟ غوووري

_جني بغضب: طب والله العظيم لهندمكوا انتوا الاتنين على كل الـ حصل ده وووووو