رواية قلبي ليس بيدي الفصل الثامن 8 بقلم حسناء مصطفي

انتوا بتعملوا ايه هنااا؟؟...

............

" كلنا اتصدمنا ومحدش نطق"

بابا: بتعملوا اي هنا!...

هند: اص اصل اصل يعني..

بابا: اصل اي ماتتكلمي!

جاك:"بتوتر" اه اصل انا كنت معدي من جنب الاوضه وسمعتهم بيصوتوا.. فدخلت اشوف في ايه.. لقيتهم خايفين من فار..

بابا: فار؟

جاك: ايوا.. عشان كدا كنت بدور عليه عشان اقتله..

بابا: وايه اللي ورا ضهرك دا؟

جاك: هاا

بابا: اي اللي ورا ضهرك!

جاك: "بخوف".. اه دا دا يعني..

بابا: مالكوا مش عارفين تتكلموا ليه!

جاك: لا اصل دا محلول كنت معلقه..

بابا: وبيعمل اي هنا!

جاك: لا انا كنت ف الشغل و تعبت هناك فعلقته... و ودلوقتي كنت بشيله ف اوضتي وسمعتهم بيصوتوا فجريت بيه..

بابا: انت مش قولت كنت معدي من هنا!

جاك: اه لا ماهو.. ماهو انا كنت نازل ارميه قصدي..

بابا: ااه..طيب اتفضلوا عشان عايزها ف كلمتين..

.. حسيت اني مرعوبه... جاك كان واقف جنبي، من الرعب مسكت ف ايده جامد من غير مااحس.."

بابا: سمعتوا!

هند: ااه ايوا ياعمو.. يلا ياجاك نسيبهم لوحدهم..

"طلعوا وانا كنت بتشاهد"..

........

محمد: فيروز هنعمل اي دلوقتي!..

فيروز: معرفش بقاا ربنا يستر.. ياريتني كنت قولتله من الاول.. المشكله دلوقتي ان ابوك هيموتنا لو عرف اننا خبينا عليه..

محمد: اهم نزلوا.. عملتوا اي!

هند: فلتنا بأعجوبه..

فيروز: يعني معرفش حاجه!

جاك: لا.. بس شلني باسئلته...

هند: دانا كنت مرعوبه.. دا طلع عصبي قووي

محمد: انت ازاي نازل وهو ف ايدك كدا؟

جاك: لا مانا اتصرفت ومعرفش حاجه..

ـ هو مين اللي معرفش حاجه؟

"اتصدموا وبصوا وراهم لقوا عمو احمد"

فيروز: هاا.. لا دا..

جاك: جاكي كانت عامله مفاجاه لباباها وهو جه فجأه بس عرفت تتصرف يعني.. عشان كدا بنقول معرفش حاجه..

عمو احمد: وانت عرفت منين!

جاك: هاا.. لا ماهو هند اللي قالتلي..

فيروز: مش مهم كل دا.. المهم انت خرجت ليه.. كنت عايز حاجه!

عمو احمد: كنت طالع اقولك عايز شاي..

فيروز: خلاص ادخل ارتاح وانا هجيبلك الشاي..

عمو احمد: ماشي.. وفضوا اللمه دي بقاا مش عايز هيصه..

محمد: حاضر يابابا..

"سابهم ودخل"

هند: "وهي بتاخد نفسها"..الحمد لله مخدش باله من المحلول..

محمد: انا مش عارف اي التوتر اللي احنا فيه دا.. داحنا لو عاملين جريمه مش هنبقاا كدا..

جاك: قول لنفسك.. ماهو كله من تحت راس السنيوره.. قولتلكوا بلاش كدب وقولوا الحقيقه، هيحصل اي يعني!

محمد: انت مشوفتهاش كانت خايفه ازاي!.. طلاما كانت خايفه يبقاا اكيد كان هيعمل حاجه..

فيروز: طب بس خلاص... وانت روح شيل اللي ف ايدك دا عشان تبقى تركبه بالليل..

محمد: هو هيركبه تاني!..

فيروز: امال هنرميه.. ماهو لازم يخلص عشان تخف..

محمد:" بضيق".. بس جاك بينام بدري... ابقاا اركبه انا..

جاك: من امتى وانا بنام بدري... وبعدين عشان لو حصل حاجه انا هعرف اتصرف.. اما انت هتقف مش هتنطق زي دلوقتي كدا..

هند: خلاص ياجماعه في ايه!.. بسوا بقاا عشان بابا ميطلعش تاني...

محمد: فيروز.. اطلعيلها بالاكل وبالمره شوفي الجو عامل اي..

فيروز: هعمل الشاي لابوك واطلعلها ع طول..

محمد: ماشي.. ربنا يستر...

...........

بابا: ها ياست.. قوليلي.. نايمه لي كل دا؟

جاكي: "بخوف"..ماهو انا كنت جايه تعبانه وكدا عشان كدا نمت..

بابا: اممم.. طب جبتي حاجتك!

جاكي: ااه.. وصحيح جاك اللي دفع..

بابا:" بعصبيه ".. ليه ان شاء الله!

جاكي: مرضيش يابابا.. حاولت كتير وهو رفض يخليني ادفع.. وانا قولت ابقاا اقولك وانت ابقى اديله الفلوس..

بابا: دفع كام وفين الفلوس!

جاكي: ااه ثواني اجيب الفاتوره..

"مسكت شنطتي عشان اطلع الفلوس والفاتوره وشوفت حاجه غريبه"...

بابا: ماتخلصي..

جاكي: حاضر حاضر اهوو.. الفلوس اهي ودي الفاتورة..

بابا: ماشي.. وحسابك معايا بعدين..

" سابني وخرج"... بس هو اي دا؟...

فراوله؟؟؟!!!.... طلعته من الشنطه لقيت فراوله متعلبه.. واي اللي جابها هنا دي... بصيت لقيت عليها ورقه..

"بصي انا اسف.. عارف انك مبتحبيش اجيبلك حاجه.. عشان كدا حطيتها من وراكي.. واسف اني فتحت شنطتك من غير اذنك.. بس بصراحه مقدرتش اقاوم لمعة عينيكي اول ماشوفتي الفراوله.. اتمني تقبليها من غير وجع قلب...."

"ابتسمت بغُلب"... مينفعش.. مينفعش يامحمد اللي انت بتحاول تعمله دا.. انا بالذات منفعش"...

شويه والباب خبط...

فيروز: صاحيه!

جاكي: اه تعالي..

فيروز: جبتلك الاكل اهو... ع الله ميتاكلش بقى..

جاكي: انا مش عارفه انتي تاعبه نفسك ليه!... بجد مش عايزه اكل.. لو سمحتي خديه..

فيروز: مالك يابنتي اي اللي مضايقك!

جاكي: لا مش متضايقه ولا حاجه.. بس انا مش جعانه..

فيروز: ابوكي ضايقك ف حاجه!

جاكي: لا هو اصلا معرفش..

فيروز: امال في اي!

جاكي: مفيش.. ممكن تسيبيني لوحدي وتاخدي الاكل معاكي...

فيروز: على راحتك يابنتي..

..........

محمد: يعني نزلتي تاني!

فيروز: مفيش فايده.. مش راضيه تاكل..

محمد: اي لعب العيال دا.. مينفعش كدا

فيروز: بس باين عليها متضايقه... معرفش باباها قالها اي!

جاك: عرف حاجه!

فيروز: لا الحمد لله معرفش..

محمد: امال متضايقه ليه!

فيروز: مرضتش تقولي وقالتلي سيبيني لوحدي..

محمد: طب هو عمي نزل ودخل اوضته.. ينفع اطلعلها انا بالاكل؟..

جاك: لا طبعا.. أفرض ابوها طلع تاني...

فيروز: ايوا يامحمد وقتها منعرفش ممكن يفكر ف اي..

هند: ع فكره محمد معاه حق.. عمي دخل الاوضه واكيد هينام.. وهي واخده ع محمد واظن هيعرف يقنعها..

جاك: واخده عليه؟!

هند: قصدي يعني بقوا زي الاخوات وبيهزروا ومتقبلين بعض.. وانا هقف ع السلم عشان اراقب الجو.... وشويه واطلع انت ركب المحلول..

فيروز: ماشي خلاص.. حتى لو حصل حاجه هنقوله انها مكانتش راضيه تاكل وهما بيقنعوها وهو عارف ان محمد زي اخوها....

محمد: "في سره".. اخوها اخوها.. في اي ياجدعان..

محمد: اديني بقاا الاكل دا.. يلا ياهند..

..........

نور: هما بيعملوا اي تحت!..

سما: اكيد بيحاولوا يداروا ع عمي.. ربنا يستر وميعرفش...

نور: بس هو ليه كل ده!.. يعني ليه منقولش انها تعبت وجبنالها دكتور!.. اي المشكله ف كدا!

سما: مش عارفه.. بس اكيد عندها اسبابها يعني..

............

هند: جاكي.. جاكي

جاكي: ادخلي ياهند..

انا جيت انا ومحمد نتطمن عليكي..

جاكي: لا انا بقيت كويسه..

محمد: امال عماله تتدلعي ومش عايزه تاكلي ليه!

جاكي: يعم مش بتدلع ولا حاجه.. انا شبعانه..

محمد: امال اي اللي مضايقك!

جاكي: مش متضايقه..

محمد: بالبوز دا؟

جاكي: يعم بطل رغي بقاا هو انا ناقصه..

محمد: هبطل رغي لو اكلتي..

جاكي: "بزهق" شبعانه

محمد: ع فكره انتي معندكيش ادنى فكره احنا عملنا اي عشان الحوار دا يعدي.. داحنا كنا مرعوبين.. فراعي دا بقاا وكُلي..

جاكي:...........

محمد: "بهزار" ع فكره هما مراهنين ع اذا كنت هعرف اخليكي تاكلي ولا لا.. خليكي جدعه بقاا ومتشمتيش فيا حد..

جاكي: مش عايزه..

هند: يلا ياجاكي بالله عليكي احسن عمي يطلع تاني..

محمد: "باستفزاز".. أاكلك انا طيب!

جاكي: "بغضب".. اتلم

محمد: مبهزرش ع فكره.. ممكن اعمل كدا فعلا..

طب بصي لو مأكلتيش دلوقتي.. هنزل افتن اقول لعمي كل حاجه..

جاكي: لااا.... محمد متهزرش بالله عليك..

محمد: يبقى تاكلي..

جاكي: اوعدني انك مش هتقوله..

محمد: اوعدك لو اكلتي مش هقوله..

جاكي: ماشي هات..

هند: اخيرا...

"بدأت اكل وكنت حرفيا جعانه"

محمد: طب اكليني معاكي طيب.. اي الطفاسه دي!

جاكي: تصدق انك عيل رخم.. هتبصلي ف اللقمه!

محمد: وانا اللي تاعب نفسي وجايلك لحد عندك... عمرك هتلاقي حد يهتم بيكي كدا؟

جاكي: ااه زي الفراوله كدا...

هند: فراولة ايه؟!

محمد: ها.. لا لا مفيش...

جاكي: "وطيت صوتي" وهو انا قولت اي!.. بردو مفيش فايده!..

محمد: عجبتك!..

جاكي: لا

محمد: بطلي كدب... دانتي كنتي هتموتي عليها... دا بدل ماتشكريني..

جاكي: والله انك وجه برص فعلا... انا غلطانه اني عطيتلك مساحه تتكلم معايا..

محمد: هااهوو.. دانتي ليكي الشرف بان انا بنفسي جاي لحد عندك..

جاكي: دا من اي ان شاء الله.. قوم يلا اطلع بره خليني اكل ف هدوء مش ناقصه وجع دماغ...

محمد: اي يابت النداله دي؟؟!!.. طب انا عايز الفراوله بتاعتي...

جاكي: انسى...

محمد: طب خليلي شوية اكل طيب.. اي دا!!..

جاكي: ماتبس بقاا مش عارفه اكل..

محمد: كل دا ومش عارفه تاكلي!.. دانا اخاف لاتاكليني بعد كدا..

جاكي: نينينيني دمك سم..

محمد: طب هاتي الاكل بتاعي بقااا

"فضل يشد مني الصينيه"

جاكي: ولاا ولااا سيب الاكل يااض.. والله اصوت والم عليك الناس...

ـ الله ع الناس التعبانه..

هند: جاك.. كويس انك جيت.. تعالى عشان هما هيلموا علينا الناس.. عمالين يتخانقوا..

فيروز: هاا ياولاد.. عملتوا اي!..

"بصت ف الاكل لقته خلصان"

فيروز: طب كويس والله كلتي اهوو...

جاكي: مش انا.. دا هوو..

فيروز: هو مين!

جاكي: محمد.. مين قالكوا طلعوه!.. كنت لسه هاكل راح خطف الصينيه مني وخلص الاكل ومرضيش يديني حاجه..

"ببص عليه لقيته متنحلي ومصدووم ياعيني"

فيروز: بقاا كدا يامحمد!.. هو انا مطلعاك عشان تأكلها ولا عشان تاكل انت!.. يابني ليه الطفاسه دي!

محمد: حيلك حيلك.. دي بتكدب.. والله ماعملت حاجه..

جاكي: شوفتي!.. بيقول عليا كدابه كمان..

فيروز: عيب كدا يامحمد... راعي حتى انها تعبانه..

جاك: بطلوا لعب عيال بقاا... واقعدي مكانك عشان اعلقلك الزفت..

"'ميلت ع محمد"

جاكي: ماله الأخ دا..

محمد: بس عشان هيفتح دماغنا احنا الاتنين...

"قومت قعدت ع السرير وهو قعد جنبي"

جاك: طب هو اصلا مش قاعد فيه كتير.. شويه وهيخلص!... هتفكه وتعلق التاني ازاي!

فيروز: اه صحيح.. وانت هتكون نايم..

محمد: افكه انا

جاك: دا اللي هو ازاي!

محمد: عادي انا بسهر.. اما انت بتنام عشان الشغل.. انا هتابع معاها واول مايخلص هشيله وارميه من غير ماحد ياخد باله...

هند: طب افرض عمي طلع!

محمد: اي اللي هيطلعه دلوقتي!... اكيد نايم من بدري

فيروز: خلاص خليك صاحي واياك تنام وتنسى.. وانا لو عمك صحي ولا حاجه هحاول اقولك..

جاكي: تمام وانا كدا كدا مش نعسانه.. هييجي يلاقيني صاحيه..

"لقيت جاك بصلي بحده والصراحه انا خوفت"

جاكي: في اي!

جاك: لا مفيش.. انا خلصت

هند: خلاص يلا بقى قبل ماحد يطلع تاني..

"طلعوا ومحمد وهو خارج ميل عليا"

محمد: جايلك تاني.. وساعتها هنشوف مين اللي كَل الاكل... باي ياقطه...

"احييييه... انتوا هتسيبوني معاه لوحدي!... يلا عشان اعرف افتح دماغه كويس"

..........

عمو احمد: كنتي فين يافيروز!

فيروز: كنت بتطمن ع جاكي

عمو احمد: لي هي فيها حاجه!

فيروز: لا لا قصدي يعني كنت بشوفها محتاجه حاجه ولا لا..

عمو احمد: طب خلاص بطلوا تزعجوها.. سيبوها براحتها..

...............

"عدا شوية وقت والمحلول خلص فبعت مسدج لمحمد"

جاكي: محمد!

محمد: قلبه..

"اي دا في اي!.. مالك بقيت ممحون كدا لي يعم انت"

جاكى: كسر قلبك.. اخلص وتعالى شيل البتاع دا..

محمد: طب مش جاي..

جاكي: لا يقمر دانا بهزر معاك.. هو في زيك!..

محمد: لا خلاص مانا قلبي اتكسر اهووو

جاكي:بطل دلع... هتخلص ولا انادي جاك يشيله!

محمد: لا لا خلاص... جاي اهو..

"شويه والباب خبط"

جاكي: ادخل..

محمد: بقولك اي انا مرعوب.. افرضي ابوكي طب علينا!

جاكي: لا متقلقش.. هيموتنا بس

محمد: لا اذا كان كدا خلاص.. طمنتيني..

جاكي: طب اخلص ووطي صوتك احسن حد يسمعك..

"جه قعد جنبي وقعد يحل فيه وتقريبا وشه بقاا احمر وبدأ يعرق"

جاكي: في اي!

محمد: اي!

جاكي: وشك احمر كدا ليه!

محمد: "بكسوف".. احم.. لا لا مفيش..

" سمعت صوت حد ع السلم"

جاكي: "بخوف".. الحق في حد طالع..

محمد: نهااار اسود.. طب وهعمل اي انا دلوقتي..

جاكي: مصيبه لايكون بابا!.. انت هتفضل باصصلي كدا!.. ماتتصرف..

محمد: طب هعمل اي يعني... طب اقولك هستخبى هنااا..

جاكي: لا طبعا.. حاول تطلع من الاوضه خالص...

محمد: مفيش مَخرج غير الباب..

ـجااكي!

جاكي: "بصدمه"....