رواية قلبي ليس بيدي الفصل السادس والسابعون 76 بقلم حسناء مصطفي

جاكي: انتي بتعملي اي هنا..

كانت لسه هتمشي روحت مسكتها من شعرها ودخلتها وقفلت الباب..

شهد: اوعي.. بتعملي اي.. سيبيني..

جاك طلع من الحمام ع الصوت..

جاك: في اي..

جاكي: انتوا اللي تقولولي في اي.. كدا كتير بصراحه..

جاك: في اي مش فاهم..

جاكي: بتعمل اي هنا دي..

جاك: معرفش انا كنت جوه.. اي اللي جابك هنا ياشهد!

شهد: انت لحقت تنسى!

جاك: انسى!!.. انسى اي!

شهد: مش انت اللي شاورتلي عشان اطلع وراك!

جاك: انا!!.. جاكي والله ماحصل.. انا طلعت قدامك..

شهد: جاك انت اللي شاورتلي عشان اطلع وراك.. وانا طلعت وانت دخلت الحمام..

جاك: اخرسي.. جاكي اقسملك ماحصل.. وحياتك عندي دي كدابه.. مانتي عارفه..

جاكي: اطلع بره ياجاك..

جاك: لي..

جاكي: البس هدومك واطلع بره الاوضه..

لبس وطلع وهو مش فاهم انا بعمل اي..

شهد جت تطلع بس حطيت ايدي.. قفلت الباب وهو واقف بره مش فاهم حاجه..

شمرت اكمامي وشيلت الطرحه...

جاكي بحده: اقعدي هنا..

شهد: ليه..

جاكي: اقعدي..

قعدت روحت جبت حاجه وسديت بوقها بيها.. ومسكتها من شعرها وهي بتقاوم...

جاكي: مسمعش صوتك..

ربطت ايديها ورميتها قدامي وروحت جبت الحزام..

جاكي: انتي عارفه انتي بتحاولي تعملي اي..

مكانتش عارفه تتكلم وبتهز راسها بخوف..

جاكي: انتي متعرفيش مين هي جاكي.. بس انا هعرفك..

ضربتها بالحزام مره وهي عيطت..

جاك: جاكي.. جاكي بتعملي اي.. افتحي وبطلي جنان..

جاكي: بصي يابت انتي.. وحياة ربنا انا لساني طول كدا.. ودلوقتي انتي مش متخيله انا ممكن اعمل فيكي اي.. يعني مثلا ممكن انزل اسخن السكينه واجي ارشقها ف بطنك.. هل حد هيعرف حاجه!.. هلسعك ف لسانك اللي عايز الحرق دا.. ووريني هتعرفي تتكلمي ازاي..

كانت بتهز دماغها بخوف وبتعيط..

جاكي: هتسمعي الكلام!

هزت دماغها بخوف..

جاكي: جدعه.. جدعه ياروحي..

روحت ضربتها بالقلم..

جاك: ياجاكي بطلي جنان.. افتحي طيب..

جاكي: بصي يابت انتي.. انا محيلتيش غير جاك.. وانا فاهمه حركاتك دي كويس وعارفه انتي عايزه توصلي لأيه.. بس بعينك.. جاك ليا انا.. فمتحاوليش عشان مش هتعرفي..

روحت جبت حبل ورطبتها كويس وربطت رجلها ورميتها جنب السرير ع الارض.. وفتحت لجاك وقفلت تاني..

جاك: هي فين..

جاكي: عندك اهي ياروحي..

جاك: اي دا.. اي اللي عملتيه دا.. انتي اتجننتي!

جاكي: لو قربت وفكيتها وقتها هتأكد انك فعلا شاورتلها عشان تطلع وراك..

جاك: بطلي هبل.. البت بتعيط..

جاكي: تتفلق..

لفيت طرحتي وظبت نفسي..

جاكي: يلا..

جاك: هتسيبيها كدا!

جاكي: اه.. يلا..

جاك: هيلاحظوا غيابها.. هتقوليلهم اي!

جاكي: هقولهم راحت تصيع ف اي حته..

جاك: طب فكيها وهي مش هتعمل حاجه تاني..

جاكي: انزل قدامي..

جاك: جاكي..

جاكي: انزل قدامي ياجاك..

قفلت النور والباب ونزلنا..

جاكي: تعالى نطلع نتمشى شويه..

جاك: يلا..

طلعنا بره لقينا محمد وندى لسه قاعدين..

جاك: ماتخف شويه ياحنين انت.. اي كل دا..

محمد: وانت مالك.. مانت كنت اكتر مني كدا.. ومحدش كان بيقولك حاجه..

جاكي: يعم سيبهم براحتهم.. يلا..

طلعنا وسيبناهم...

ـــــــــــــــــــــــــــــــــــــــــــــــــــــــــــــــ

فيروز: امال شهد فين.. يعني مش باينه..

ـ تلاقيها بره ولا قاعده ع التليفون.. ماهي ليل ونهار ع التليفون..

فيروز: كلهم كدا.. التليفونات واكله دماغهم..

هند: بنهرب من الواقع يافيزو..

فيروز: وتهربي ليه ياختي.. هو بيعض..

ـ صحيح ياهند.. هو خطيبك شغال اي..

هند: محاسب ياخالتي..

ـ والنبي حلو.. وبيكسب حلو من الشغلانه دي!

هند: ااه.. الحمد لله..

ـــــــــــــــــــــــــــــــــــــــــــ

جاك: جاكي كفايه كدا.. يلا نرجع نفكها..

جاكي: جاك متخلنيش اشك ان كلامها صح..

جاك: كلام اي اللي صح!!.. بطلي جنان بقاا..

جاكي: انا مش عارفه اي البجاحه دي.. هي البت دي مبتحسش!

جاك: عشان تصدقي اني مليش ذنب ف حاجه..

جاكي: والله لاعلمها الادب بس الصبر... صحيح.. انت كنت بتبصلها لي وانت بتشرب القهوه..

جاك: هو مين اللي عمل القهوه دي..

جاكي: انا..

جاك: كان فيها ملح..

جاكي: ملح!!.. ملح اي..

جاك: والله كان فيها ملح كتير..

جاكي: يابنت ال.. اكيد هي اللي حطته لما طلعت اتكلم ف الفون... وتقولي حرام عليكي فكيها!!... دانا هنفخها.. بس انت شربتها ازاي!

جاك: هي كانت عايزه تعمل كدا عشان اقولك اي القرف دا قدام الكل.. عشان كدا انا شربتها ومرضتش اعملها اللي هي عايزاه...

جاكي: عارف لما قالتلك اعملك القهوه بتاعتك وانت قولتلها مش بشربها غير من ايد جي!.. وقتها كنت عايزه ابوسك قدامهم والله..

جاك: ومبوستنيش ليه...

جاكي: المره الجايه..

جاك: ع فكره انتي كروتيني النهارده.. التلات بوسات فين..

جاكي: يييي.. انت لسه فاكر..

جاك: ايون.. وعايزهم دلوقتي حالا..

جاكي: اي اللي دلوقتي.. بطل جنان احنا ف الشارع..

جاك: ومفيش حد.. يلا بقاا..

جاكي: بطل عبط.. لا طبعا..

جاك: ماشي... مش عايز..

جاكي: طب هديهوملك لما نروح..

جاك: لا.. هنا..

جاكي: حد هيشوفنا..

جاك: ملكيش دعوه... ولو مخلصتيش هسيبك وامشي..

جاكي: طيب..

لسه بقرب منه.. كان في اتنين معديين بعربيه..

ـ سيبها وخد نصيبها....

ـ الا بكام البوسه دي ياباشاا!

جاك: تعالى ياروح امك وانا اقولك بكام..

جاكي: جاك يلا نمشي..

جاك: اوعي..

جاكي: جاك بطل فضايح..

نزلوا من العربيه وهو مشي عليهم..

ـ مش كتيره عليك دي!.. دي بطل.. تاخدها لوحدك ليه..

شاركنا حتى.. وهنديك اللي انت عايزه...

جاك: بس اللي انا عايزه انت متقدرش عليه..

ـ ليه.. عايز اي..

جاك: روحك ياروح امك..

مسك الاتنين خبطهم ف بعض وانا خايفه لاحد منهم يعمله حاجه..

فضل يضرب فيهم ويوقعهم ع الارض.. حسيت اني متجوزه الشحات مبروك...

راح واحد فيهم مطلع مطواه ورفعها ف وش جاك..

جاكي: جاك حاسب..

جاك وقف قدامه وبصله بقرف كدا وخد المطواه رماها بعيد وشاله وخبطه ع الارض وانا واقفه مبرقه... اي القوه دي.. فضل يضرب ف الاتنين لحد ما دغدغهم...خدوا العربيه وطلعوا بسرعه..

رجعلي وانا واقفه مبتسمه...

جاك: بتضحكي ع اي..

جاكي: عليك..

جاك: ليه.. هو عرض رقص!

جاكي: مانت طلعت جامد اهو وبتعرف تضرب...

جاك: امال انتي مفكره اي.. جوزك قلبه ميت ياختي...

فجأه لقينا كلب جاي ناحيتنا...

جاكي: احيه.. يلا يابو قلب جامد مشي الكلب دا..

جاك: يانهار اسود.. بصي.. امشي بالراحه كدا وهو مش هييجي جنبنا ان شاء الله..

جاكي: انت بتقول اي..

جاك: تعالي كدا بس..

كان ماشي متداري فيا ومصدرني انا للكلب..

جاكي: انت بتعمل اي هيعضني يخربيتك..

جاك: مش احسن مايعضني انا.. اشش.. امشي بعيد يلا..

جاكي: هو كتكوت!.. اي اللي بتعمله دا..

جاك: طب مشيه انتي..

جاكي: ربنا يعوض عليا والله..

ميلت ع الارض مسكت حجر راح طلع يجري..

جاك: احم..

جاكي: امشي ياعم الجامد...

جاك: ع فكره انا مكنت...

جاكي: اسكت.. متبررش حاجه... بعد اللي حصل دا متمدحش ف نفسك تاني.

جاك: انتي مش شايفه شكله عامل ازاي!..

جاكي: طب امشي عشان شكله هيجي تاني..

كملنا مشي لحد ماوصلنا ف مكان فيه ناس..

جاكي: عايزه لب..

جاك: طلباتك مش بتخلص ليه!

جاكي: اروح اجيب مين يجيبلي يعني!.. تعالى ياعم الحاج..

ـ نعم يابنتي..

جاك: انتي بتعملي اي..

جاكي: مش صح الراجل هو اللي المفروض يصرف ع بيته ومراته!

ـ ايوا طبعا يابنتي..

جاكي: قوله.. مش راضي يجيبلي لب..

ـ دا لب يابني.. مش حوار يعني.. تعالي انا اجيبلك يابنتي..

جاكي: يلا..

جاك: يلا اي استني..معلش احنا متأسفين جدا.. هي متخلفه شويه.. انا هجيبلها..

ـ انا هجيبلها يابني دي زي بنتي..

جاك: ياحاج متشكرين والله.. انا هجيبلها اللي هي عايزاه.. من عينيا والله.. عن اذنك..

مسكني من الهدوم ومشي..

جاكي: يابني عيب ماسكني كدا ليه.. صل ع النبي طيب..

جاك: مسمعش صوتك يابنت التيت انتي.. اترزعي هنا لحد مااجيب واجي..

راح جاب وجه..

جاك: امسكي.. وبطلي فضايح بقاا..

جاكي: ماشي..

قعدت اكل وارمي القشر ف البحر..

جاك: ليه القرف دا!.. ماترمي هنا..

جاكي: ملكش دعوه..

جاك: هيييح.. عيله والله..

جاكي: متتكلمش معايا..

جاك: طب هاتي شويه..

جاكي: نعع..

جاك: نع ف عينك..

جاكي: متتكلمش معايا..

جاك: طب في حوار مهم كدا عايزك فيه..

جاكي: ارغي يابو الصحاب..

جاك: اتكلمي عدل بدل ماازقك هنا..

جاكي: مانا بتكلم حلو اهو..

روحت عدلت نفسي واديتله وشي وربعت رجلي..

جاكي: هاا.. قول..

جاك: انا مسافر..

جاكي: كنت عا... اي!!..

جاك: مسافر..

جاكي: يعني اي مسافر!

جاك: يعني عندي شغل بره ومسافر..

جاكي: ايوا مسافر فين يعني..

جاك: دبي..

جاكي: الله.. خدني معاك والنبي..

جاك: مينفعش.. انا مش رايح اتفسح.. دا شغل..

جاكي: لا مانا مش هسيبك تسافر انا... معنديش الاوبشن دا..

جاك: معلش.. شغل

جاكي: يعني عايز تسافر وتسيبني..

جاك: يابنتي غصب عني والله.. وبعدين انا نظام شغلي كدا.. لازم تتعودي ع دا..

جاكي: مليش دعوه..

جاك: طب معلش..

جاكي: ميخصنيش..

جاك: بطلي لعب عيال بقاا..

جاكي: لعب عيال اي.. دانا مكملتش شهر العسل.. وبدل ماتقضيه معايا عايز تروح تسافر لوحدك..

جاك: لما ارجع هوديكي مكان مانتي عايزه..

جاكي: لا بردو..

جاك: انا مسافر بكرا ياجي..

جاكي: احييه.. كمان!.. وجاي تقولي لي دلوقتي!

جاك: حبيبي.. اسمعيني.. انا نظام شغلي كدا.. يعني ممكن ابقاا قاعد معاكي كدا واقولك لازم اسافر دلوقتي حالا... امال انا جايب طياره ليه!... اتعودي اني ع طول مسافر..

جاكي: ولااا متاكلش دماغي.. قولت مفيش سفر..

جاك: المرادي بس..

جاكي: مليش دعوه..

جاك: يالهوي عليا.. يابنتي بطلي عناد بقاا..

جاكي: طب هتسافر قد اي..

جاك: احم.. اسبوع او اتنين كدا..

جاكي: عندها..

جاك: معلش عشان خاطري

جاكي: عايز تسيبني اسبوعين ياجاك!.. هقعد من غيرك أسبوعين!

جاك: ياحبيبتي والله انا مش هقدر اقعد من غيرك.. بس مضطر..

جاكي: قول بقاا انك زهقت وعايز تطفش.. بقولك اي.. والله اصوت والم عليم الناس..

جاك: نفسي تبطلي شرشحه..

جاكي: لا..

جاك: طب نتكلم جد بقاا..

جاكي: طب عشان خاطري بلاش.. مش هعرف اقعد من غيرك والله..

جاك: والله ولا انا.. بس دا شغل..

جاكي بزعل: ماشي.. سافر..

جاك: مانا مش هسافر وانتي زعلانه ابدا.. طب بصي.. انا هسافر وهاجي ع طول.. واوعدك لما ارجع هفضل معاكي واوديكي مكان مانتي عايزه..

جاكي: يعم انا مش عايزه اروح ف حته.. انا عايزاك معايا..

جاك: هبقى معاكي والله.. وهكلمك كل يوم.. وطول مانا فاضي هفضل ارغي معاكي..

جاكي: لا انت رايح عشان تخوني..

جاك: لا وحياة اهلك متطلعيش هرموناتك هنا..

جاكي: متتكلمش معايا...

جاك: طب هجيبلك حاجات حلوه معايا..

جاكي: لا..

جاك: طب قولي انتي عايزه اي..

جاكي: عايزه بيبي..

قعد يضحك ويحط ايده ع وشه..

جاك: انط ف المايه طب عشان ترتاحي مني!.. بيبي اي اللي عايزاه ف الشارع!

جاكي: بطل قلة ادب انا مش قصدي حاجه.. انا عايزه بيبي لعبه لحد مانجيب الحقيقي..

جاك: وهجيبه منين اللعبه دا!

جاكي: اتصرف..

جاك: طب يلا نروح وهجيبلك اللي انتي عايزاه..

جاكي: لا.. عايزاه دلوقتي..

جاك: ياارب.. مانا لسه هدور عليه.. مانا اكيد مش هلاقي بيبي لعبه يعني..

جاكي: تعالى ندخل هنا.. هنا في العاب كتير..

جاك: مش هنلاقي هنا..

جاكي: مليش دعوه..

جاك: خلاص.. فكي بوزك.. يلا..

مسكت ف ايده وانا ماشيه اتنطط وفرحانه..

جاك: والله هبله..

دخلنا وكان في العاب كتير...

جاك: شوفي عايزه اي..

جاكي: اممم... الله عايزه دا..

جاك: دا مش بيبي.. دا دبدوب..

جاكي: قول والله!.. لا استنى ندور تاني..

جاك: هيييح.. يارب نخلص..

جاكي: دور معايا طيب..

قعد يدور ف مكان وانا مكان بس ملقتش...

لقيته جاي ومخبي ايده وراه..

جاكي: لقيته!

جاك: هو دا!!

جاكي: احييه.. هو..

روحت حضنته وانا بتنطط..

جاك: الناس بتتفرج علينا يابنت الهبله..

جاكي: دا زي الحقيقي..

جاك: يلا طيب..

مشينا وكنا راجعين البيت..

جاك: يعني كدا مرضيه!

جاكي: لسه في طلب تاني..

جاك: اطلبي ياست..

جاكي: عايزه مرجيحه ف البيت..

جاك: مرجيحه!

جاكي: ايون..

جاك: حاضر.. هجيبلك مرجيحه ف البيت..

جاكي: احلف!.

جاك: وحياتك..

جاكي بابتسامة: اوكي..

جاك: نروح بقا!

جاكي: يلا...

رجعنا الڤيلا لقيناهم بيدوروا ع شهد..

جاك بصلي وسكت..

جاكي: طب انا هطلع فوق وهاجي..

طلعت فتحت الباب بسرعه ودخلت لقيتها لسه مكانها..

جاكي: انا هفكك دلوقتي... بس لو لسانك نطق بكلمه واحده بس هقطعهولك.. فاهمه!

هزت راسها بدموع..

فكيتها ونزلت..

مسحت دموعها وظبطت لبسها ونزلت...

فيروز: كنتي فين يابنتي... بقالنا ساعه بندور عليكي..

بصتلي بتردد كدا روحت انا برقتلها..

شهد: كنت فوق... حبيت اقعد لوحدي شويه...

ـ طب بعد كدا ابقي قولي.. ومال عينيكي حمرا كدا ليه..

شهد: مفيش ياماما..

جاك: طب يافيزو.. انا مسافر بكرا.. جاكي هتقعد هنا لحد ماارجع عشان متبقاش لوحدها...

فيروز: مسافر فين يابني!

جاك: عندي شغل..

فيروز: خلاص خليها معانا لحد ماترجع.. بس انت هتسافر امتى!

جاك: بكرا اخر النهار كدا..

هند: طبعا هو حايلك باللعبه دي..

جاكي: ايون..

هند: ضحك عليكي ياهبله..

جاك: بس ياختي.. دانا ماصدقتها اقتنعت..

فيروز: طب خلاص اقعدوا..

جاك: لا انا هطلع فوق عشان عندي شغل..

جاكي: وانا طالعه معاه..

طلعنا وماما شويه ومشت هي وادم وعائلته الكريمه...

ـــــــــــــــــــــــــــــــــــــــــــــــــــــــــــــــ

غيرت هدومي وهو قعد يشتغل...

جاك: اعمليلي اكل ياجي..

جاكي: خدامة اهلك انا!

جاك: اجيب مين يعملي!

جاكي: اعمل لنفسك..

جاك: انتي قاعده ع الفون مش بتخترعي الذره.. قومي هاتيلي اكل عشان جعان والله..

جاكي: لما نشوف اخرتها...

نزلت دخلت المطبخ لقيت شهد جوا...

ندى: يلا ياجي باي بقاا..

جاكي: انتي لسه هنا.. طب ماتبيتي معانا النهارده..

ندى: لا ياختي.. مقولتش لابويا..

جاكي: طب بقولك اي.. جاك مسافر بكرا.. خليكي عشان نقضي شوية وقت مع بعض..

ندى: بابا مش هيوافق...

جاكي: لا كلميه وقوليله.. وبعدين عشان في حوار كدا عايزاكي فيه..

ندى: ماشي هروح اكلمه..

طلعت بره وانا دخلت عملت الاكل وطلعت لجاك..

جاك: ثانكس ياقمر..

جاكي: اي خدمات..

جاك: مش هتاكلي!

جاكي: لا.. مش عايزه..

جتلي مسدج من ندى..

جاكي: طب انا نازله تحت و جايه تاني..

نزلت لقيت ندى ف الجنينه..

جاكي: ها قالك اي..

ندى: وافق..

جاكي: اشطا.. بس تعالي اقولك حاجه هنا..

ندى: في اي..

جاكي: البت اللي اسمها شهد دي..

ندى: مالها..

جاكي: عايزه اعلمها الادب..

ندى: ليه..

جاكي: من غير ليه.. هي تستاهل.. المهم استني لحد مالكل ينام ونشتغل..

ندى: تفتكري تستاهل اللي هيحصل فيها!

جاكي: اوماااال..

ندى: اشطا..

جاكي: اقعدي انتي هنا وانا هطلع اخلي جاك ينام عشان اعرف اتصرف..

سيبتها وطلعت لقيت جاك لسه قاعد..

جاكي: انت لسه صاحي..

جاك: كنتي فين..

جاكي: كنت مع ندى تحت.. مش هتنام!

جاك: لا هنام دانا مش قادر..

جاكي: طب يلا نام..

جاك: وانتي!

جاكي: لا انا مش نعسانه دلوقتي..

جاك: طب تعالي بس..

جاكي: مش نعسانه.. نام انت..

جاك: قولت تعالي..

جاكي بهمس: هعمل اي دلوقتي.. هيبوظلي كل حاجه...

روحت نمت ف حضنه ومستنياه ينعس عشان انزل لندى..

فضلت كدا شويه وهي بتبعتلي مسدجات عشان انزل والكل نايم..

استنيته لحد مانعس وبعدين اتسحبت بالراحه وخدت الميكب ونزلت..

ندى بهمس: اي كل دا..

جاكي: معلش جاك لسه نايم..

ندى: واي اللي ف ايدك دا!

جاكي: يلا بس ادخلي الاوضه وانا هفهمك..

دخلنا الاوضه وحطيت الميكب ع التسريحه..

جاكي: يلا اقعدي..

ندى: هتعملي اي..

جاكي: ياست يلا.. هبوظ وشك بالميكب وهعمل زيك بس يلا..

قعدت وقعدت اعملها ميكب عشان اخلي شكلها وحش...

ندى: يخربيت دماغك... البت هتروح فيها.. اي اللي عاملاه ف وشي دا!

جاكي: ولسه.. هي لسه شافت حاجه!...

قعدت عملت لنفسي زيها...

جاكي: يلا هاتي ملايه بيضه.. واحده ليا وواحده ليكي..

جابت وقطعتهم من النص كدا ودخلنا وشنا فيهم ع اساس ان وشنا بس اللي يبان...

كنا داهنين وشنا اسود وشكلنا مرعب..

ندى: انا بدأت اخاف... لو حد شافنا هيموت فيها والله..

جاكي: يلا بس..

طلعنا من الاوضه واحنا بنتسحب لحد ماوصلنا اوضة شهد... الدنيا كانت ضلمه والكل نايم..

وقفنا عند الشباك وبصيت لقيتها نايمه..

فتحنا الباب بالراحه ودخلنا...

ندى بهمس: ادخلي انتي تحت السرير وانا هقف اخوفها من بره..

جاكي: ماشي..

دخلت بالراحه وانا بتسحب لحد مادخلت تحت السرير...

ندى لسه طالعه راحت موقعه حاجه ع الارض وعملت صوت..

ـ بتعملي اي..