رواية قلبي ليس بيدي الفصل الرابع والسابعون 74 بقلم حسناء مصطفي

باباها قفل السكه وهي مش عارفه تعمل اي راحت رنت ع جاك...

نور: ها ياجاك..

جاك: في اي..

نور: الحقني.. بابا جاي بكرا ياخدني..

جاك: ياخدك فين!

نور: عايز ياخدني معاه امريكا..

جاك: طب بالراحة وفهميني اي اللي حصل..

نور: هو رن عليا دلوقتي وقالي كدا..

جاك: طب انا راجع.. متخافيش محدش هياخدك..

قفل معاها وكلمني..

جاكي: في اي..

جاك: انا اسف جدا.. بس مضطرين نرجع دلوقتي حالا..

جاكي: في اي طيب..

جاك: بابا عايز ياخد نور.. ولو مرجعتش هياخدها ومحدش هيقدر يمنعه.. مفيش غيري اللي هقدر اقفله.. انا اسف حقيقي بس مش هقدر اسيبه ياخدها..

جاكي: انت بتتأسف ليه مش فاهمه..

جاك: عشان دا المفروض شهر عسل... بصي هعوضك والله.. بس اخلص من الحوار دا..

جاكي: اي الهبل دا.. معنديش مشكله طبعا.. يلا..

طلعنا ركبنا العربيه ورجعنا الاوتيل جهزت الشنط وجاك كان رايح جاي ف الاوضه..

جاكي: متقلقش.. هي مش قالت انه جاي بكرا!.

اظن احنا هنوصل قبله..

جاك: ياريت... يلا بس بسرعه...

خدنا الشنط ووصلنا عند الطياره... ركبنا ورجعنا...

ـــــــــــــــــــــــــــــــــــــــــــــــــــــــــــــــ

فيروز: في اي يانور!

نور: بابا كلمني دلوقتي وقالي انه هييجي ياخدني بكرا..

هند: يعني اي ييجي ياخدك!

نور: معرفش.. عايز ياخدني معاه امريكا..

محمد: لا طبعا.. مفيش الكلام دا..

نور: انا رنيت ع جاك وهو قالي انه جاي..

فيروز: ليه يابنتي كدا بس.. اهو دلوقتي هيرجع ع طول وهو رايح ينبسط يومين..

نور: كنت هعمل اي طيب..

محمد: مكنش لازم تقوليله.. ماحنا موجودين ومحدش هيقدر ييجي جنبك..

نور: معرفش بقاا.. انا لقيت نفسي بكلمه ع طول..

هند: متخافيش.. جاك مش هيخليه ياخدك ابدا..

ـــــــــــــــــــــــــــــــــــــــــــــــــــــــــــــــ

جاكي: خلاص اهدى مفيش حاجه... انت هترجع وهو مش هيقدر ياخدها وانت موجود..

جاك: يعني انتي مش زعلانه!

جاكي: ازعل من اي!

جاك: عشان رجعنا.. مكملناش كام يوم..

جاكي: لا ياحبيبي مش زعلانه.. وانت عارف اني مبيفرقش معايا حاجه... انا كنت مبسوطه هناك عشان انت كنت معايا مش اكتر...

جاك: اوعدك ماهخلص من الحوار دا هجيبك تاني او نروح اي حته تاني..

جاكي: ولو مروحناش.. كفايه انك معايا..

ابتسم وباس ايدي..

جاك: الحمد لله عقلتي..

جاكي: لا وقت الجد جد.. مينفعش لعب العيال دا..

جاك: لا كدا هغير رأيي ومش هوديكي عند امك..

جاكي: مكنتش هتقدر اصلا... عشان انت متقدرش تقعد من غيري..

جاك: بصراحه ااه.. مقدرش اقعد من غيرك.. مع ان قاعدتك كلها هبل، بس مبشبعش منك..

جاكي: اموووواه..

جاك: قال نخلف قال.. دانا معتوه..

جاكي بضحك: عيب متقولش ع نفسك كدا.. وبعدين صحيح وريني السخونه كدا..

حطيت ايدي عليه لقيت حاجه بسيطه..

جاكي: في حاجه بسيطه...

جاك: متشغليش بالك.. هبقاا تمام.. بس معلش بعد اذنك يعني.. عايز قهوه عشان دماغي هتتفرتك..

جاكي: اي الادب دا... وبعدين انا قولتلك قهوه لا..

جاك: لا بالله عليكي مش وقت عِند خالص.. دلوقتي بالذات لازم قهوه...

جاكي: هييح.. ماشي..

قومت ودخلت اعمله قهوه... وهو قعد ع اللاب..

عملتله القهوه واخدنا وقت طويل على ما وصلنا..

ـــــــــــــــــــــــــــــــــــــــــــــــــــــــــــــــ

البنات وفيروز كانوا قاعدين مستنيين جاك يرجع قبل ماباباها ييجي..

فجأه الباب خبط..

نور: دا اكيد جاك..

طلعت فتحت بسرعه ولقته باباها..

ـ ازيك يانور..

نور: بابا!..

ـ هاا.. جهزتي نفسك ولا لسه!..

هند: مين يانور..

دخلت وهو دخل وراها..

ـ طب مفيش سلام حتى!!.. دانا راجع من سفر..

فيروز: عايز اي يامحمد.. مالك بنور..

ـ بنتي وجاي اخدها..

نور: بس انا مش هروح معاك.. انا هقعد مع جاك..

ـ جاك اي وبتاع اي.. انتي بنتي انا.. وهتيجي معايا ورجلك فوق رقبتك... يلا اطلعي هاتي حاجتك..

فيروز: لا.. هي مش جايه معاك..

ـ وانتي مالك..

فيروز: انا هنا مسؤوله مكان جاك.. ومش هسمحلك تاخدها..

ـ يلا يانور..

نور: مش هاجي معاك يابابا.. انا مش عايزاك..

ـ هتيجي معايا بالذوق ولا اخدك بالعافيه!

فيروز: لا مش هتيجي... انت مالك بيها.. هي مش عايزه تروح معاك.. هو مش بالعافيه..

نور: عايز تاخدني معاك ليه يابابا!.. اشمعنى دلوقتي!

ـ هتتجوزي..

ـــــــــــــــــــــــــــــــــــــــــــــــــــــــــــــــ

نزلنا لقينا عربيه مستنيانا.. ركبنا ولسه هنطلع بس حصل عطل ف العربيه..

جاك: يادي النيله.. يلا اتصرف بسرعه..

ـ معلش يافندم.. هشوف في اي حالا..

جاكي: اهدى ياجاك.. هنوصل قبله ان شاء الله..

ـــــــــــــــــــــــــــــــــــــــــــــــــــــــــــــــ

فيروز: انت بتقول اي.. يعني اي هتتجوز!

ـ يعني هتتجوز... هتتجوز وتكمل تعليمها هناك... يلا الطياره مستنيانا..

فيروز: لا طبعا.. نور اتقرى فاتحتها..

ـ دا ازاي ان شاء الله.. من ورايا!

هند: ايوا.. وهتتجوز بعد فتره قليله كمان..

ـ ع جثتي الكلام دا.. يلا يانور اخلصي..

نور: لا يابابا مش هروح...

ـ شكل الذوق مش بينفع معاكي..

خدها من ايدها وخرجها..

فيروز: سيب البت.. هو مش بالعافيه.. رني ع محمد يابت ياهند..

هند: ياعمي مينفعش كدا.. جاك مش هيسكت..

شدها من ايدها جامد ومحدش قدر يحوشه.. ركبها العربيه وطلعوا ع المطار...

ـــــــــــــــــــــــــــــــــــــــــــــــــــــــ

جاك: يعم انجز..

ـ اشتغلت ياباشااا..

جاك: بسرعه لو سمحت...

طلعنا بسرعه ع البيت ونزلنا نجري ع جوا..

هند: جاك.. الحق نور..

جاك: هي فين..

هند: باباك لسه واخدها دلوقتي وطالعين ع المطار..

جاك: انا هوريه ازاي يتجرأ ياخدها..

طلع بسرعه ركب العربيه وطلع وراهم...

جاكي: اي اللي حصل..

فيروز؛ جه خدها ومشي.. مقدرناش عليه..

جاكي: وفين عمي ولا محمد!

هند: مش هنا.. محدش فيهم هنا..

جاكي: متقلقوش.. جاك هيرجعها ان شاء الله..

ـــــــــــــــــــــــــــــــــــــــــــــــــــــــــــــــ

ـ يلا ياختي..

نور: يابابا سيبني بقاا.. مش عايزه اسافر انا..

جاك: تفتكر تقدر تاخدها وانا موجود!

نور اول ماشافته جرت عليه..

ـ اهلا استاذ جاك... اللي بقاا بيقف ف وش ابوه..

جاك: ابوه!!... والله كويس انك لسه فاكر انك ابويا..

ـ جاك.. نور هتيجي معايا.. سواء بإرادتك او غصب عنك..

جاك: بس الظاهر انها ليها رأي تاني..

نور: ايوا ياجاك انا هقعد معاك..

ـ مش بمزاجك.. انا ابوكي وليا الحق اني اخدك ف اي وقت..

جاك: طب اسمع بقاا.. تعرف اي اللي حصل لنهى!!.. اكيد متعرفش.. نهى دلوقتي ف السجن.. عارف ليه.. عشان حاولت تبقاا عائق ف حياتنا... والظاهر كدا انك هتحصلها.

ـ سجن!!... وصل بيك العقوق، انك تحبس امك!

جاك: امي!!.. مش عارف اقولك اي بصراحه.. ع العموم دا اخر تحذير ليك.. لو قربت لنور تاني، وقتها هنسى انك ابويا..

ـ انتي هتيجي معايا غصب عنك والا هبلغ البوليس واقول انك بتعترض اني اخد بنتي..

جاك: بلغ.. اديني مستني.. وريني هتعمل اي..

ـ تمام.. البوليس يساعدني اخد بنتي احسن ماارتكب جنايه..

رن ع الشرطه وشويه ووصلوا..

جاك: متخافيش.. انا معاكي..

ـ وصلنا بلاغ ان في واحد بيتعرض لاب وبنته...

ـ ايوا يافندم.. هو دا.. ودي بنتي.. وانا عايز اخدها بالذوق احسن..

ـ جاك بيه!!.. لا اكيد في حاجه غلط...

ـ حاجه غلط اي!!.. بقولك بيعترض طريقي..

جاك: دي اختي.. وهو عايز ياخدها بالعافيه.. وهي مش موافقه تروح معاه..

ـ اظن دي مشاكل عائليه.. احنا ملناش لازمه هنا..

ـ لا ليك.. ساعدني اخدها بهدوء لو سمحت.. دي بنتي وانا اللي ليا الاحقيه اني اخدها وتبقى معايا..

جاك طلع فونه وعمل مكالمه...

جاك: اتفضل ياحضرة الظابط...

خد منه الفون واتكلم..

ـ ايوا طبعا يافندم.. تحت امرك.. اعتبره حصل ياباشاا..

احنا متأسفين ياجاك بيه.. تقدر تاخد الانسه وتتفضل..

ـ انت بتقول اي..

ـ دي اوامر ياباشاا... وبعدين جاك بيه غني عن التعريف... وكمان الواضح ان الانسه ليها رأي تاني..

جاك: طب اسيبكوا انا بقاا تكملوا كلامكوا... عن اذنكوا..

جاك خدها ومشي ورجعوا الڤيلا...

جاكي: اهم رجعوا الحمد لله..

فيروز: الحمد لله انك لحقته...

جاك: محدش هيقدر ياخدها.. وبعدين خدها ازاي من وسطكوا مش فاهم..

هند: ماهو مفيش غيرنا هنا... محمد وبابا مش هنا..

جاك: طيب.. في بودي جارد هيقف بره عشان لو حصل حاجه..

فيروز: يابني مكنتش جيت... دانتوا ملحقتوش تقعدوا..

جاك: ااه كنت اسيبه ياخدها...

نور: انا اسفه ياجي بوظتلك الدنيا..

جاكي: بس ياهبله اي الكلام دا.. كل حاجه تروح فداكي..

فيروز: يلا ياحبيبي.. خد مراتك وارجعوا البيت... اكيد راجعين تعبانين..

جاك: لا مش هنرجع دلوقتي.. وبعدين انا عندي شغل.. جاكي هتقعد هنا لحد ماارجع..

جاكي: شغل اي دلوقتي.. انت ملحقتش ترتاح..

جاك: معلش.. عندي حاجات كتير لازم اعملها.. ولو حصل اي حاجه لازم تبلغيني..

جاكي: حاضر..

سابني وراح الشغل وانا قعدت معاهم.. شويه وماما وصلت لما عرفت اني رجعت.. سلمت عليها وقعدنا مع بعض..

ماما: تعالي ياجي عايزاكي..

جاكي: في اي..

ماما: تعالي بس..

خدتني وطلعنا الاوضه...

جاكي: في اي..

ماما: جوزك فين!

جاكي: ف الشغل..

ماما: طب كويس.. عايزه اقولك كلمتين.. انا عارفه اني فضلت بعيده عنك كتير... وانتي صغيره ومتعرفيش حاجه عن الجواز..

جاكي: مش فاهمه.. اي لازمة الكلام دا..

ماما: لازمته انك مغلبه الواد معاكي.. خفي عليه شويه..

جاكي: بس انا معملتش حاجه..

ماما: بصي.. دا راجل يابنتي.. وملوش ف لعب العيال بتاعك دا وباين عليه انه جد قوي.. فمعنى انه بيهزر معاكي وواخدك ع قد عقلك، انه بيحبك ومش عايزك تزعلي... بس بردو كل حاجه بحدود... يعني لما يقولك اعملي حاجه تعمليها ع طول ياجي.. مش لازم تعندي ف كل حاجه... وبعدين قوليلي...بتلبسيله اي ف البيت!

جاكي: يعني اي بلبسله اي!

ماما: يعني بتقعدي معاه ف البيت وانتي لابسه اي!

جاكي: لبس عادي.. بيجامه مثلا..

ماما: الطم!!..

جاكي: في اي..

ماما: في واحده لسه متجوزه مكملتش شهر.. تلبس بيجامه لجوزها..

جاكي: مبحبش قلة الادب انا.. وبعدين انا بتكسف..

ماما: يابنتي قلة ادب اي.. دا جوزك... جووووزك.. يعني عادي تلبسي اي حاجه..

جاكي: ماما.. انا لما بلاقي نفسي مش مكسوفه بلبس.. غير كدا لا..

ماما: مترجعيش تندمي بعد كدا.. خليه يضيع منك..

جاكي: وهو هيضيع ليه!

ماما: يابت دا راجل.. يعني عايز دلع وانوثه... شغل العيال بتاعك دا مينفعش..

جاكي: هو بيحبني كدا..

ماما: هيجيله وقت وهيزهق منك.. وانتي حره.. انا قولتلك وعملت اللي عليا...

سابتني ونزلت وانا قعدت افكر شويه ف كلامها.. يعني هو بيتضايق مني!.. طب مانا مبعرفش اعمل حاجه..

قولت اكلمه اشوفه بيعمل اي..

رنيت عليه وفتح...

جاك: ها ياجي حصل حاجه!

جاكي: لا لا اتطمن مفيش حاجه...

جاك: امال في اي..

جاكي: مينفعش اتطمن ع جوزي حبيبي يعني!

جاك: اي دا في اي..انتي كويسه!

جاكي: هو انت فاقد فيا الامل للدرجادي!

جاك: لا.. بس يعني مش متعود منك ع كدا..

جاكي: اتعود بقاا..

جاك: بقولك اي متقلقنيش انا ف الشغل..

جاكي: تصدق انا الغلطانه اني عبرتك..

جاك: خلاص خلاص.. اهدي..بهزر..

جاكي: وحشتني..

جاك: لا كدا كتير..

جاكي: هقفل ف وشك والله..

جاك بضحك: خلاص والله.. وانتي كمان وحشتيني..

جاكي: بتعمل اي..

جاك: عندي شغل كتييييير...

جاكي: طب انت مأكلتش حاجه..

جاك: مش مهم لما ارجع بقاا.. طب هكلمك بعدين عشان عندي ميتينج دلوقتي..

جاكي: اوكي..

جاك: بحبك..

جاكي: وانا كمان.. باي..

قفلت معاه ونزلت تحت..

ماما: كلمتي جوزك!

جاكي: ايوا ياختي..

ماما: والله المفروض يديكي بالجزمه على لسانك دا..

هند: احكيلي بقاا عملتوا اي هناك..

جاكي: استنوا اوريكوا...

طلعت الفون وقعدت افرجهم ع الصور والفيديوهات..

ماما: مانتي لابسه عريان اهو.. امال مغلباه ليه..

جاكي: ماما في اي.. هو اشتكالك!

ماما: لا.. بس واضح انك مطلعه عينه..

جاكي: هو انا كدا.. لو مش عاجبه يطلقني..

محمد دخل..

محمد: يااهلا.. وانا اقول البيت نور كدا..

جاكي: يخربيتك وحشتني..

قومت سلمت عليه وقعدنا مع بعض..

جاكي: احلويت كدا ليه..

محمد: احلويت عشان شوفتك دلوقتي..

فيروز: ياخويا عليك.. من امتى وانت حنين كدا..

محمد: طب هو حد يشوف القمر دا بعد الغياب دا وميبقاش حنين!

جاكي: والله يابني انت اكتر حد بحبه ف العيله النكديه دي... ماتيجي نهرب..

محمد: انا جاهز..

فيروز: ايوا وجاك ينفخنا كلنا.. المهم يلا تعالوا عشان تاكلوا..

جاكي: طب انا كنت عايزه اخدله اكل عشان ماكلش وشكله هيأخر..

فيروز: لما ييجي يبقى ياكل..

جاكي: لا انا هاخدله اكل ياختي.. مسيبوش جعان كدا..

ماما: ياحول الله يارب.. هتنقط منها والله.. انتي باحوال يابنتي!

جاكي: ايون.. انا هاخد الاكل واروحله..

محمد: ماشي وانا هوصلك..

فيروز قامت جابتلي الاكل ومحمد وصلني الشركه..

جاكي: انت مش هتنزل!

محمد: لا عندي مشوار سريع كدا.. وهبقى ارجع اخدك..

جاكي: ماشي.. باي..

محمد مشي وانا دخلت.. سألت ع مكانه وطلعتله المكتب... مكنش موجود..

جاكي: لو سمحتي.. هو جاك فين..

ـ جاك بيه قصدك..

جاكي: ااه.. جاك بيه.. فين..

ـ هو دلوقتي ف اجتماع مهم.. تقدري تستنيه..

جاكي: لا انا هدخله..

ـ هو حضرتك واخده معاد!

جاكي: لا مش واخده معاد.. وهدخله.. اوعي كدا..

ـ يااستاذه مينفعش..

دخلت وفتحت الباب لقيته قاعد مع ناس...

جاك: طب عن اذنكم ثواني..

طلعلي بره وقفل الباب..

جاك: بتعملي اي هنا..

جاكي: جايبالك اكل..

ـ انا قولتلها ان حضرتك ف اجتماع بس مرضتش تسمع مني..

جاك: طب خلاص.. اتفضلي انتي... وانتي جيتي مع مين..

جاكي: مع محمد..

جاك: وحد يدخل كدا!

جاكي: بقولك اي متزعقليش..

جاك: طب ادخلي مكتبي واقعدي لحد مااجي..

جاكي: لا مانت هتأخر..

جاك: اعمل اي يعني.. مانا عندي شغل..

جاكي: طب خلاص.. هروح بس متأخرش.. تعالى بسرعه..

جاك: طيب.. متتحركيش من عندك..

روحت قعدت ف المكتب وهو دخل الاجتماع..

الجو ممل قوي والكل مركز ف شغله.. قعدت العب ف المكتب شويه...

ـــــــــــــــــــــــــــــــــــــــــــــــــــــــــــــــ

فيروز: طب يلا ناكل احنا بقاا..

هند: مش هنستنى جاكي!

فيروز: اكيد هتقعد تاكل معاه يعني.. يلا يامنى..

هند: قوليلي يانور.. جاك عمل اي لما راح وراكوا..

نور: جاك دا قمر اصلا.. بابا طلب البوليس عشان يقول ان جاك بيتعرضلنا.. الشرطه جت وجاك بتليفون واحد قلب الوضع.. الظابط قاله اتفضل واحنا اسفين وكدا.. وخدني ومشي بكل شياكه..

فيروز: ربنا يخليه لينا والله.. مش عارفه من غيره كنا هنعمل اي..

ـــــــــــــــــــــــــــــــــــــــــــــــــــــــــــــــ

فضلت مستنياه وانا قاعده مكانه وحاطه رجلي ع المكتب.. وفجأه فتح الباب ودخل..

جاك: طب افرض حد غيري دخل!.. قاعده كدا ليه..

جاكي: انا مليت.. وبعدين اتأخرت كدا ليه..

جاك: مبهدله المكتب كدا ليه.. انتي اي اللي جابك ياجي..

جاكي: جبتلك اكل ياروحي..

جاك: جدعه والله دانا ميت..

جاكي: طب يلا بقاا عشان ناكل سوا ياقمري..

جاك: مش متطمن والله..

جاكي: ليه ياروحي..

جاك: لا مفيش.. يلا ناكل..

جاكي: لا انا هأكلك..

جاك: كمان!

جاكي: مالك بس يعم.. هو لا كدا نافع ولا كدا نافع!

جاك: لا مش قصدي.. بس انتي غريبه

جاكي: والله ماهأكلك.. اطفح لوحدك...

جاك: جنان.. والله جنان..

جاكي: ع فكره انت هتروح معايا..

جاك: اه مانا كدا كدا زهقت وعايز انام..

جاكي: ولاااا..

جاك: اي

جاكي: فين السلسله!

جاك: لابسها..

جاكي: امال مش باينه ليه..

جاك: احيه عليا.. اهي ياجي.. اهي.. تحت الهدوم..

جاكي: ايون.. احسب

جاك: متحسبيش.. كلي عشان نمشي..

كلنا وخلصنا وطلعنا..

كان في كذا موظف واقفين مع بعض.. اول ماشافوا جاك طلعوا يجروا..

مشينا شويه لقينا واحد بيتكلم ف الفون ع جنب..

جاك وقف قدامه... اول ماشافه خبى الفون وراه بسرعه..

جاك بحده: واقف عندك بتعمل اي!

ـ ا ا حضرتك كنت..

جاك: سايب شغلك وبتعمل اي!

ـ انا اسف يافندم..

جاك: اعتبر نفسك مرفود..

ـ لا يافندم.. انا اسف.. مش هتتكرر تاني.. انا بس كنت بكلم امي..

جاك: سمعت انا قولت اي!

ـ يافندم.. طب اخر مره والله..

جاكي: جاك.. خلاص.. حرام سيبه..

جاك: اسكتي..

ـ يافندم والله امي تعبانه وكنت بتطمن عليها..

جاكي: خلاص ياجاك عشان خاطري انا سيبه...خلاص بقاا..

جاك: يلا ع شغلك..

ـ متشكر يافندم..

جاكي: اي يعم انت دا.. ماتخف ع الناس شويه..

جاك: انتي بتدخلي ليه اصلا!

جاكي: حرام عليك.. دا كان مرعوب..

جاك: وانا مالي.. دا مكان شغل..

جاكي: وهو معملش حاجه.. كان بيتطمن ع امه.. اي المشكله..

جاك: بتدخل عليكي الحوارات دي!

جاكي: انت اللي مفتري والله..

جاك: طب يلا ياختي..

ركبنا العربيه ومشينا...

جاكي: جاااااك..

جاك: في اي يابنت المجانين..

جاكي: انزل هاتلي غزل بنات..

جاك: استغفر الله العظيم..

جاكي: يلا ياروحي..

جاك: والله لاروحك مع امك..

نزل جاب ورجع تاني..

جاك: مسمعش صوتك لحد مانوصل.. مفهوم!

جاكي: ايون..

جاك: جاتك القرف... قرفتيني ف عيشتي..

رجعنا الڤيلا لقينا الكل قاعدين.. جاك سلم عليهم وقعد..

فيروز: عامل اي دلوقتي.. لسه سخن!

جاك: لا بقيت كويس..

ماما: انت كنت تعبان!

جاكي: ااه كان عنده برد...

جاك: لو سمحتي ياحماتي.. وانتي ماشيه خدي بنتك معاكي.. لما تعقل هبقاا اجي اخدها..

فيروز بضحك: طب والنبي ماتقدر تعيش من غيرها..

جاك: لا شكرا مش عايز.. انا عايز انام ليله واحده براحتي..

ماما: عملتلك اي المزغوده دي!

جاكي: ايون.. تعالوا عليا انتوا كدا.. منكوا لله ياظلمه..

ماما: بس يابت.. عملتيله اي خلتيه طفش منك..

جاك: يعني اي ابقى نايم وتيجي تقولي ف ودني توت..

توت اي.. اخرتها انا اصحى ع توت!

هند بضحك: عادي ياجاك.. بتهزر معاك..

جاك: لا دا مش هزار.. دا غير انها هبله والله... انا كان مالي ومال الجوازه السوده دي..

جاكي: لو مش عاجبك طلقني.. ايوا ياخويا... دانا الف مين يتمناني..

جاك: شايفين.. اهي طول الوقت بتشرشحلي كدا..

جاكي: شرشوحه ف عينك..

جاك: اتلمي بدل مااقوملك... دي بتقعد تعيط وتقولي اعملك ساعه.. ياجماعه دا كتير عليا والله..

جاكي: الحق عليا عايزه اعملك ساعه..

جاك: ساعة اي يابنت المجانين.. لامؤاخده ياحماتي..

ماما: متقلقش انا فهمتها غلطها ومش هتتكرر تاني..

جاك: واخرتها تقول لامها اني بضربها كل يوم وبخليها تطبخلي..

فيروز بضحك: والله عسل.. خليها مطلعه عينك كدا.. تستاهل..

جاكي: قوليله.. والنبي هيلاقي واحده اجمل مني فين!..

جاك: بس بقاا.. بس بقاا عشان انا خلاص..

جاكي: متتكلمش معايا..

جاك: في غش تجاري ف الموضوع.. انا متجوزتش دي..

جاكي: طلقنييييي...

جاك: انا طالع انام.. وانتي خدي بنتك ولما تعقل هاجي اخدها.. يلا سلام..

سابنا وطلع فوق وهما استلموني...

ماما: يابت اتهدي بقاا..

فيروز: بس سيبيها.. هو يستاهل.. خليها تدلع..

هند: تعالي فرجينا ع باقي الصور..

قعدنا نتفرج ونهزر وفيروز طلعت لجاك فوق..

فيروز: نمت ولا لسه!

جاك: لا لسه.. تعالي..

فيروز: كنت عايزه اتكلم معاك شويه..

جاك: في اي..

فيروز: لا مفيش.. دانا هكلمك ع جي.. بص انا عارفه انها مجنونه وهبله شويه... بس استحملها معلش.. دا ميمنعش انها بتحبك...

جاك: ومين قال اني متضايق.. انا بهزر بس..

فيروز: عارفه.. بس هي اتغيرت شويه عن الاول..

جاك: لا اتغيرت كتير... ايام الخطوبه كانت حاجه تاني.. كانت نسمه كدا.. اما جعفر اللي تحت دي مش بتاعتي..

انتوا غشيتوني والله..

فيروز: معلش استحملها.. هي مهما كانت بردو يعتبر يتيمه.. ومعاشتش طفولتها.. ممكن عشان حبتك وارتاحت معاك، بقت بتعيش طفولتها معاك... بتدلع عليك... مكنش عندها حد يابني.. هي دلوقتي محتاجه انك تعوضها عن اللي شافته.. هتلاقيها زي الطفله معاك.. وهتعرف تراضيها بأي حاجه والله.. هي اصلا جدعه وقلبها مفيش انضف منه..

جاك: عارف.. اصلا اتعودت عليها كدا.. انا بحبها بجنانها دا..

فيروز: وهي والله بتحبك قوي.. نام بقاا وانا هخليها تطلع تنام هي كمان..

سابته ونزلت وانا طلعت لقيته قالع..

جاكي: انت بتهزر!

جاك: اي..

جاكي: قالع كدا ليه.. انت عيان..

جاك: بحب انام كدا..

جاكي: البس طيب وبطل هبل..

جاك: سيبيني انام والنبي عشان انا تعبان بجد..

قلعت لبسي وكنت لابسه حمالات.. روحت نمت جنبه..

جاك: مش مكسوفه يعني!

جاكي: هتكسف من اي..

جاك: ياراجل..امال مطلعه عيني ليه..

جاكي: والله يابني انت ف ايدك نعمه.. بتضيعها من ايدك..

جاك: طب بطلي رغي وقربي عشان ننام..

جاكي: واقرب ليه..

جاك: ياست قربي بقاا..

قربت منه وحضني ونمناااااا...

ـــــــــــــــــــــــــــــــــــــــــــــــــــــــــــــــ

ماما: انا همشي عشان مصطفي بقاا..

فيروز: هاتيه وتعالي بالليل بما ان كلنا هنا..

ماما: ماشي هقوله واشوف..

هند: وصلها يامحمد..

محمد: حاضر..

محمد راح وصل ماما وكل واحد راح شاف حاله واحنا نايمين...

عدى الوقت وصحيت ع صوت حد بيصحي جاك وبيتكلم بهمس..

ـ جاك.. جاك..

قومت اشوف مين.. فتحت النور

جاكي بصدمه: شهد!!